Category: جرائم و حادثات

چونیاں،باغی ٹی وی(نامہ نگارمیاں عدیل اشرف) کھاد کے حصول کیلئے کسانوں کا اسسٹنٹ کمشنر آفس کے باہر احتجاجی مظاہرہ، کھاد کی بلیک مارکیٹنگ کرنے والے کھاد مافیا کے خلاف احتجاج جس میں سینئر نائب صدر پنجاب سردار محمد یحییٰ کنول،صدر ضلع قصور چوہدری شہادت علی، جنرل سیکرٹری ضلع قصور میاں محمد امجد،تحصیل صدر چونیاں ملک مشتاق احمد اور نائب صدر چونیاں محمد یحییٰ ساجد بھی احتجاج کا حصہ بنے

احتجاج میں کسانوں نے اپنے مشترکہ بیان میں کہا کہ زراعت کو ملک کی ریڑھ کی ہڈی کا درجہ حاصل ہے جبکہ کسی حکومت نے کسان اور زراعت کو اہمیت نہیں دی۔ کسانوں نے میڈیا سے بات چیت کرتے ہوئے کہا کہ کھاد کی بلیک مارکیٹنگ کھاد کی اوور چارجنگ،یوریا 3400 کی بجائے 5200 جبکہ ڈی اے پی 13000 کی بجائے 16000 روپے تک فروخت کی جارہی ہے

ناقص بیچ،کھاد اور ناقص سپرے کی بھرمار سے فصلوں کو بھی شدید نقصانات کا سامنا ہے کسانوں نے ڈپٹی کمشنر قصور اور اسسٹنٹ کمشنر چونیاں محمد عامر بٹ سے کھاد کی بلیک مارکیٹنگ کھاد کی اوور چارجنگ اور ناقص کھاد بیچ اور سپرے والوں کے خلاف کاروائی کرنے کا مطالبہ کیا ہے۔

اوچ شریف باغی ٹی وی ( نامہ نگار حبیب خان) گنے کی خریداری میں بروکروں کی لوٹ مار عروج پر، کرشنگ سیزن شروع ہوتے ہی اونے پونے داموں گنا خریدنے کیلئے غیر قانونی کنڈے راتوں رات بن گئے، کماد کاشتکار کا استحصال جاری، 425 ریٹ والا گنا 350 میں خریدا جانے لگا، مافیا کی چاندی، انتظامیہ خاموش تماشائی، شوگر ملز انتظامیہ کا بھی آشیرباد حاصل، کین کمشنر اور کمشنر بہاولپور فوری نوٹس لیں،

تفصیل کے مطابق اوچ شریف و گردونواح کے کسان سخت پریشانی کا شکار فصل گنے کی خریداری اونے پونے ہونے پر فصل پر ہونے والے اخراجات پورے نہیں ہونے لگے اس سال فصل گنے کی کاشت زیادہ ہونے کی وجہ سے شوگر ملز مالکان اپنے ایجنٹ بروکروں مہر محمد عابد، محمد رمضان، محمد عمران، اعجاز، حاکم علی، گوہر علی اور محمد اجمل للو نے 425 روپے ریٹ کی بجائے 350 روپے میں خریداری کر کے کسانوں کو دونوں ہاتھوں سے لوٹنے لگے ہیں کسانوں ،سجاد ،اصغر ،ابراہم ،اللہ بخش ودیگران نے میڈیا کو بتایا کہ کسانوں کا معاشی قتل کیا جا رہا، حکومت خاموش تماشائی بنی ہوئی ہے بروکر اور شوگر ملز مالکان کسانوں کو کنگال کرنے پر تلے ہوئے ہیں انہوں نے بتایا فصل گنے کو تیار کرنے اور کٹائی، لوڈنگ کے اخراجات پورے نہیں ہو رہے، من مرضی کے ریٹ پر خریداری کی جا رہی ہے جو زیادتی ہے،

ذرائع کے مطابق شوگر ملوں میں بیٹھے انتظامی افراد کی نشاندہی پر محکمہ لیبر کے ذریعے کنڈوں /خریداری پوائنٹس کی باقاعدہ منظوری کروائی جاتی ہے ،جہاں ناپ تول میں کمی کے علاوہ من مانے نرخوں پر گنے کی خرید و فروخت کے بعد شوگر ملوں کی یہی انتظامیہ انہیں ماننے سے انکار کر دیتی ہے جس کا مقصد لائسنس فیس ، مارکیٹ فیس اور روڈ اسیس کی ادائیگیوں سے بچنا ہے ،ان غیر قانونی کنڈوں پر کسی قسم کا ریکارڈ مرتب نہیں کیا جارہا تاکہ ٹیکس سے بچا جا سکے ،

یہ امر بھی قابل ذکر ہے کہ اس حوالے سے مارکیٹ کمیٹی اور ضلع کونسل کے ‘‘ این او سی” کو ضروری قرار دیا گیا ہے اس حوالے سے بھی گائیڈ لائن نظر انداز کی جا رہی ہے ، اس عمل سے کسانوں کے استحصال کیساتھ ساتھ سرکاری خزانے کو بھی کروڑوں روپے کا نقصان پہنچنے کا اندیشہ ہے، ذرائع کا کہنا ہے کہ حساس ادارے کو اس حوالے سے نشاندہی کرا دی گئی ہے مگر تاحال نشاندہی پر کوئی ایکشن نہیں لیا جا رہا

اوچ شریف باغی ٹی وی ( نامہ نگار حبیب خان)ڈسٹرکٹ پولیس آفیسر سید محمد عباس کے احکامات ، گزشتہ روز کی مختلف کارروائیوں میں 07 ملزمان گرفتار۔گرفتار ملزمان سے بھاری مقدار میں شراب،منشیات واسلحہ ناجائز برآمد، ملزمان پابند سلاسل۔ جرائم پیشہ افراد کا تعاقب جاری رکھا جائیگا، ڈی پی او سید محمد عباس

تفصیلات کے مطابق ڈی پی او بہاولپور سید محمد عباس کی طرف سے جرائم پیشہ افراد کے خلاف جاری مہم میں بڑی کامیابیاں ملنے کا سلسلہ جاری ہے۔تھانہ کینٹ ، تھانہ سول لائینز،تھانہ عباس نگر، تھانہ سٹی احمد پور شرقیہ اور تھانہ اوچشریف پولیس نے شراب فروشوں کے خلاف کارروائیاں عمل میں لاتے ہوئے 05 ملزمان عمران ، بابر، لال خان، اعجاز خان اور امیر بخش کو گرفتار کرکے ان کے قبضہ سے 265 لیٹر شراب اور 01 عدد چالو بھٹی برآمد کرلی۔

جبکہ تھانہ نوشہرہ جدید پولیس نے منشیات فروشی کے مرتکب 01 ملزم بلال کو گرفتار کرکے اس کے قبضہ سے 520 گرام چرس برآمد کرلی۔اسی طرح تھانہ صدر یزمان پولیس نے ناجائز اسلحہ رکھنے والے 01 ملزم مظہر علی کو گرفتار کرکے اس کے قبضہ سے 01 عدد پسٹل 30 بور برآمد کرلیا۔گرفتار ملزمان کے خلاف علیحدہ علیحدہ مقدمات درج کر کے تفتیش شروع کر دی۔

اس موقع پر ڈی پی او سید محمد عباس نے اپنے پیغام میں کہا کہ جرم جیسا بھی ہو قانون سے کسی صورت بچ نہیں سکتا، سماج دشمن عناصرکے خلاف جاری آپریشن کو مزید تیز کیا جارہا ہے، معاشرے کو ایسے ناسور عناصر سے پاک کرنا پولیس کی اولین ترجیح ہے

اوچ شریف باغی ٹی وی (نامہ نگار حبیب خان) اوچموغلہ میں محکمہ تعلیم کی مبینہ خطرناک ڈکلئیر شدہ عمارت گورنمنٹ پرائمری سکول امیر آباد میں معصوم بچے پڑھنے پر مجبور، خستہ حال، بوسیدہ اور بھوت بنگلوں میں عوام کے لخت جگروں پر موت کے ساۓ منڈلانے لگے، تعمیر و مرمت کے لئے ملنے والے حکومتی فنڈز ڈکار لیے گئے، طلبہ والدین میں شدید تشویش کی لہر، نگران وزیراعلیٰ پنجاب فوری نوٹس لیں، شہری

تفصیلات کے مطابق اوچ شریف کے نواحی علاقے اوچموغلہ میں گورنمنٹ گرلز پرائمری سکول اور گورنمنٹ بوائز پرائمری سکول امیر آباد جن کی عمارتیں کئی سال پرانی، انتہائی خستہ حال اور بھوت بنگلہ کی شکل اختیار کیے ہوئے ہیں۔ گورنمنٹ گرلز پرائمری سکول کی عمارت مخدوش ہونے کی وجہ سے گرلز سکول کی بچیاں گورنمنٹ بوائز پرائمری سکول امیر آباد میں شفٹ کر دی گئی ہیں جو کہ پہلے سے گورنمنٹ بوائز پرائمری سکول امیر آباد کی عمارت کے اکثریتی پورشن خستہ حال اور بارش آنے پر چھتیں ٹپکتی ہیں۔

بچوں کے والدین نے میڈیا سے گفتگو کرتے ہوئے کہا کہ بچوں کو سکول میں بھیجنے پر بہت خوف آتا ہے ، لیکن مجبوراً اس سکول میں تعلیم حاصل کر رہے ہیں اس سکول کی عمارت کو خطرناک قرار دیے جانے کے باوجود کئی سال گزر گئے ہیں لیکن تاحال حالت کو بہتر نہ بنایا جا سکا ہے۔ گورنمنٹ بوائز پرائمری سکول امیر آباد کی بلڈنگ انتہائی خطرناک اور مخدوش صورت اختیار کر چکی ہے جو کہ کسی بھی وقت ناگہانی حادثے کا باعث بن سکتی ہے،

ذرائع نے یہ بھی انکشاف کیا ہے کہ مزکورہ عمارات انتہائی خستہ حال ہونے پر انتظامیہ نے اسے خطرناک ” ڈکلئیر ” تو قرار دے رکھا ہے لیکن اس کے باوجود اس سکول کے تعمیر و مرمت کا کوئی کام شروع نہ ہوسکا ہے، اور اب صورتحال یہ ہے کہ سکول میں بچے خوف کے ساتھ تعلیم کے لیے جاتے ہیں، اور ان سکول کا وزٹ کرنے پر ایسا محسوس ہوتا ہے کہ جیسے یہ سکول حکومت اور محکمہ تعلیم کے حکام کی نظروں سے اوجھل ہے

مقامی لوگوں کا کہنا ہے کہ انہیں بہت سی مشکلات کا سامنا کرنا پڑتا ہے، محکمہ تعلیم کو سکول کی تعمیرومرمت کی مد میں سالانہ بڑی رقم ملنے کے باوجود تعلیمی اداروں کی حالت ابتر ہیں، اساتذہ اور طلبہ کے لیے صورتحال پریشان کن ہے۔ انہوں نے کہا کہ وہ خستہ حال سکول کی تعمیرومرمت کے لیے محکمہ کے حکام کو آگاہ کرچکے ہیں لیکن وہ کچھ نہیں کرتے۔

سکول کے طلبہ اور ان کے والدین نے انتظامیہ سمیت نگران وزیر اعلیٰ پنجاب سے اپیل کرتے ہوے کہا کہ خدارا اس خطرناک قرار دی گئی سکول کی عمارت کو فی الفور ہنگامی بنیادوں پر تعمیر کرایا جاے کیونکہ مہنگائی کے دور میں پرائیویٹ اسکول کے اخراجات ناقابل برداشت ہیں ، جبکہ مفت تعلیم کی وجہ سے ہمارے بچے موت کے سائے تلے تعلیم حاصل کرنے پر مجبور ہیں

سرگودھا،باغی ٹی وی (نامہ نگارشاہنوازجالپ)عوام سے بہترین رابطے کے لیے کھُلی کچہری کے دائرہ کار کو مزید وسعت دی جا رہی ہے۔
عوام سے رابطہ مزید بہتر کرنے کے لیے جدید ٹیکنالوجی کا استعمال کرتے ہوئے پہلی بار آن لائن کھلی کچہری کا انعقاد کیا جا رہا ہے۔

ریجنل پولیس آفیسر شارق کمال صدیقی مورخہ 13-12-2023 بروز بدھ بوقت 03 بجے دن آر پی او سرگودھا کے آفیشل فیس بک پیج پر آن لائن ای کچہری کا انعقاد کریں گئے۔

ترجمان سرگودھا ریجن پولیس کا کہناہے کہ عوام اپنے مسائل کمنٹس کی صورت میں اور فون نمبر0489230113 پرکال کرکے بیان کر سکتے ہیں۔

سرگودھا ،باغی ٹی وی (نامہ نگارشاہنوازجالپ) پی ایچ اے لوک میلہ میں شیر نے نوجوان کو پنجہ مار دیا ، ہارون نامی شخص کو زخمی حالت میں فیصل مسعود ٹیچنگ ہسپتال منتقل کیا جارہا ہے، نوجوان کو بازوں پر زخم آیا،نوجوان شیر کے سامنے بیٹھ کر تصویر بنوا رہا تھا-

سرگودھا کے سالانہ ثقافتی اور تفریحی لوک میلہ میں غیر ملکی سیاحوں کی شرکت نے رنگا رنگ تقریبات کو دوبالا کر دیا جہاں قوالی،عارفانہ کلام، میوزیکل شو سمیت گلوکاروں کی پرفارمنس کے ساتھ ذرعی آلات و سٹریس نمائش نے شرکائے میلہ کے دل جیت لئے۔

جبکہ بے پردہ لڑکیوں کی ٹولیوں آمدروفت اور منچلوں کا شوروغل معمول بن گیا۔جس سے توں تکرار اور دھکم پیل کے واقعات جاری ہیں۔

میہڑ،باغی ٹی وی (نامہ نگارمنظورعلی جوئیہ ) تلاش ایپ ڈیوائس کی مدد سے دادو پولیس کو اہم کامیابی حاصل، 10 لاکھ انعام یافتہ ڈاکو گرفتار کرلیا گیا
ایس ایس پی دادو شبیر احمد سیٹھار کے احکامات پر ضلع بھر میں سخت چیکنگ اور ناکہ بندی کے دوران انعام یافتہ ڈاکو گرفتار کرلیا گیا

چیکنگ کے دوران تلاش ائپ ڈیوائس کی مدد سے میہڑ سی آئی اے پولیس کے طارق عباس سولنگی اور دیگر نے بدنام انعام یافتہ ڈاکو امام بخش عرف اِمو چانڈیو کو گرفتار کرلیا،ڈاکو اِمو چانڈیو انتہائی مطلوب تھا جس کے اوپر 10 لاکھ روپے کا انعام تھا،

جبکہ پولیس کی جانب سے اِمو چانڈیو کے سر کے اوپر مزید 50 لاکھ روپے انعام کی بھی حکومت کو سفارش ارسال کی ہوئی تھی ،ڈاکو امام بخش عرف اِمو چانڈیو کے خلاف قتل، اغوا، ڈکیتی، راہزنی، بھتہ خوری، پولیس مقابلوں اور دیگر سنگین جرائم کے 50 مقدمات درج تھے

دوسری جانب زبردست کارروائی پر ایس ایس پی دادو شبیر احمد سیٹھار نے میہڑ سی آئی اے پولیس کو شاباش دیتے ہوئے تعریفی اسناد دینے کا اعلان کیا ہے

ٹھٹھہ،باغی ٹی وی(نامہ نگاربلاول سموں) ایس ایس پی ٹھٹھہ علی بخش عرف آفتاب احمد نظامانی کے احکامات پر،ضلع ٹھٹھہ پولیس کا کرمنلز منشیات فروش اور گٹکہ فروشوں کے خلاف مزید گھیرا تنگ، ٹھٹھہ پولیس کی مختلف مقامات پر کاروائیاں 10ملزمان گرفتار کر لیے گئے
1010گرام چرس،1050 پڑیاں گٹکا ماوا ،155 بیگ دیسی شراب ،2200 پڑیاں سفینہ اور ایک رکشہ برآمد

ایس ایچ او تھانہ گھارو لیاقت علی کمبھار بمع اسٹاف دوران چیکنگ ایک منشیات فروش ملزم علی اکبر اور کامران ولد مکھن چانڈیو کو 1010 گرام چرس سمیت گرفتار کرکے مقدمہ درج کر لیا

تھانہ CIA ٹھٹھہ انچارج سی ائی اے سید فیض علی شاہ سب انسپیکٹر مشتاق علی پنھور اسٹاف دوران چیکنگ کی کاروائی2 گٹکا فروش ملزم عبدالعزیز ولد عمر شاہ ۔عمران ولد محمد کھیو ایک رکشہ نمبر D210648 اور 250 پڑیاں گٹکا ماوہ سمیت گرفتار کر کے ملزمان کے خلاف تھانہ مکلی پہ گٹکا ایکٹ کے تحت مقدمہ درج کر لیا

ایس ایچ او تھانہ دھابیجی غلام علی لاکھوں بع اسٹاف دوران چیکنگ کی کاروائی ایک گٹکا فروش ملزم طارق ولد جاوید اقبال راجپوت کو 500 پوڑیاں گٹکا ماوہ سمیت گرفتار کر کے ملزم کے خلاف گٹکا ایکٹ کے تحت مقدمہ درج کرلیا

تھانہ گھوڑا باڑی انچارج پولیس پوسٹ ور راجہ ظفر بمع اسٹاف دوران چیکنگ ایک منشیات فروش ارشد آگرو 60 عدد بیگ دیسی شراب سمیت گرفتار کر کے ملزم کے خلاف منشاد ایک کے تحت تھانہ گھوڑا باڑی پہ مقدمہ درج کر لیا

ایس ایچ او تھانہ ساکرو مظھر علی سومرو بمع اسٹاف دوران چیکنگ کی کاروائی ایک گٹکا فروش ملزم محمد ایوب رمضان سومرو کو 300 پڑیاں گٹکا ماوا سمیت گرفتار کر کے مقدمہ درج کر لیا

تھانہ ساکرو انچارج پولیس پوسٹ بھارا بورل سومرو بمع اسٹاف دوران چیکنگ کی کاروائی ایگ منشیات فروش ملزم نواز ولد دین محمد عارفانی 30 بیگ دیسی شراب سمیت گرفتار کر کے مقدمہ درج کرلیا

تھانہ جھرک انچارج پولیس پوسٹ اونگر عبدالھادی چانڈیو بمع اسٹاف دوران چیکنگ کی کاروائی ایک گٹکا فروش ملزم 2200 پڑیاں سفینہ گٹکا سمیت گرفتار مقدمہ درج کرلیا گیا

ایس ایچ او تھانہ کیٹی بندر سائیں ڈنو برڑو بع اسٹاف دوران چیکنگ ایک منشیات فروش غلام مصطفی ولد محمد موسی گلڑی بلوچ 40 بیگ دیسی شراب سمیت گرفتار مقدمہ درج کرلیا گیا

ایس ایچ او تھانہ کینجھر محمد اسلم گگو بمع اسٹاف دوران چیکنگ کی کاروائی ایک منشیات فروش ممتاز علی ولد جمعہ گندرو 25 بیگ دیسی شراب سمیت گرفتار مقدمہ درج کرلیا پولیس کی کامیاب کارروائیوں پر ٹھٹھہ ضلع کے عوام ایس ایس پی ٹھٹھہ علی بخش عرف آفتاب نظامانی اور پوری پولیس پارٹی کو خراج تحسین پیش کیا ہے

میہڑ،باغی ٹی وی (نامہ نگارمنظورعلی جوئیہ )خواجہ سرا کے گھر سے چوری، سرچ آپریشن کے دوران پولیس اور کھوسہ برادری میں فائرنگ.
بی سیکشن تھانے کہ حدود میں خواجہ سرا فردوس ،رمشہ ،مہوش گھر سے نامعلوم چوروں نے 10 لاکھ روپےنقد، 4تولے طلائی زیورات اور دیگر سامان چوری کرکے فرار ہوگئے.

چوری کا مقدمہ درج ہونے کہ بعد میہڑ پولیس نے عبداللہ کالونی میں عباس کھوسہ کہ گھر پر تلاشی آپریشن کیا جس کہ نتیجے میں گھر کے افراد اور پولیس میں جھگڑا ہوگیا اور کھوسہ برادری کہ افراد نے فائرنگ کردی، فائرنگ کے باعث 3 پولیس اہلکار دیدار صدام اور دیگر زخمی ہوگئے،

پولیس نے دعویٰ کیا ہے کہ آپریشن کہ دوران چوری شدہ شامان بھی برآمد ہواہے، زخمی پولیس اہلکاروں کو علاج کےلئے اسپتال منتقل کیا گیاہے

دوسری جانب سے پولیس نے لیڈیز پولیس اور بھاری نفری کہ ساتھ آپریشن کرکے عباس عرف رتوکھوسو اور دیگر 5افراد کوگرفتار کرلیاہے اور بچوں اور خواتین کو بھی گرفتار کرکے پولیس اسٹیشن لے گئے

پولیس نے کہا ہے کہ آپریشن کہ دوران بھاری اسلحہ بھی برآمد کیاہے.