انسدادِ دہشت گردی عدالت لاہور ،ڈیفنس کار کی ٹکر سے ایک ہی خاندان کے چھ افراد کو ہلاک کرنے کا مقدمہ ،عدالت نے ملزم افنان کا مزید چار روزہ جسمانی ریمانڈ منظور کرلیا
پولیس نے ملزم کا مزید چودہ روزہ جسمانی ریمانڈ مانگ لیا ،پولیس نے عدالت میں کہا کہ ملزم افنان کی عمر کے تعین کا ٹیسٹ کروا لیا ہے رپورٹ آنی باقی ہے،جج نے استفسار کیا کہ اب آپکو جسمانی ریمانڈ کیوں چاہیے ، پولیس نے کہا کہ ملزم کا پولی گرافک ٹیسٹ اور فوٹو گرامٹک ٹیسٹ کروانا ہے،ملزم بار بار اپنا بیان بدل رہا ہے اس وجہ سے پولی گرافک ٹیسٹ کروانا درکار ہے،ملزم افنان سے مختلف پہلوؤں پر تفتیش کرنی ہے، انسدادِ دہشت گردی عدالت کی جج عبہر گل کو جسمانی ریمانڈ کی درخواست پر سماعت کی ،عدالتی حکم پر ملزم افنان کی ہتھکڑی کھول دی گئی
دوسری جانب لاہور ہائیکورٹ میں کم عمر ڈرائیورز کا کریمنل ریکارڈ بنانے کے اقدام کے خلاف درخواست پر سماعت ہوئی،عدالت نے سی ٹی او،ایس پی انویسٹی گیشن سے رپورٹ طلب کرلی ،عدالت نے سماعت 5 دسمبر تک ملتوی کردی ،جسٹس علی ضیاء باجوہ نے درخواست پر سماعت کی ،رانا سکندر ایڈووکیٹ نے لاہور ہائیکورٹ میں درخواست دائر کی ہے ،جسمیں کہا گیا کہ پولیس کم عمر بچوں کا نام کریمنل ریکارڈ میں شامل کر رہی ہے،چیف ٹریفک آفیسر نے عدالت میں بیان دیا تھا کہ کم عمر ڈرائیورز کا نام کریمنل ریکارڈ میں شامل نہیں کیا جائے گا،سی ٹی او عدالت میں یقین دہانی کے باوجود بچوں کے نام سی آر او میں شامل کیے جا رہے ہیں، بچوں کے ابھی شناختی کارڈز بنے نہیں لیکن کریمنل ریکارڈ بنا رہا ہے، کم عمر ڈرائیورز کے نام کو کریمنل ریکارڈ میں شامل نہ کیا جائے،جن بچوں کا سی آر او میں شامل کیا گیا اسے خارج کیا جائے، کمسن موٹر سائیکل اور گاڑیاں چلانے والوں کی سی آر او بنائی جا رہی ہے،عدالت نے کہا کہ سی ٹی او کہہ کر گیا کہ سی آر او نہیں کروائیں گئے،پہلے چھ اب کل پھر ایک شخص ہلاک ہو گیا،
واضح رہے کہ ڈیفنس لاہور میں افسوسناک واقعہ پیش آیا تھا،کم عمر نوجوان نے گاڑی چلاتے ہوئے دوسری گاڑی کو ٹکر ماری جس سے دو بچوں سمیت چھ افراد کی موت ہو گئی ہے. ریسکیو حکام کے مطابق ٹریفک حادثے میں مرنیوالوں میں 45 سالہ رخسانہ، 4 سالہ عنابیہ، 4 ماہ کا حذیفہ، 27 سالہ محمد حسین، 30 سالہ سجاد، 23 سالہ عائشہ شامل ہیں،حادثہ ڈرائیور کی تیز رفتاری، غفلت اور زگ زیگ کے باعث پیش آیا،ڈرائیور کی شناخت افنان شفقت کے نام سے ہوئی، پولیس نے کم عمر ڈرائیور کو حراست میں لے کر مقدمہ درج کرلیا
عدالت نے حکم دیا کہ بغیر لائسنس کے گاڑی چلانے والوں کو گرفتار کیاجائے
کراچی طیارہ حادثہ کی رپورٹ قومی اسمبلی میں پیش، مبشر لقمان کی باتیں 100 فیصد سچ ثابت
طیارہ حادثہ، رپورٹ منظر عام پر آ گئی، وہی ہوا جس کا ڈر تھا، سنئے مبشر لقمان کی زبانی اہم انکشاف
