Category: جرائم و حادثات

اوچ شریف ،باغی ٹی وی (نامہ نگارحبیب خان )ضلع گوادر کے علاقے پسنی سے اورماڑہ جانے والی سکیورٹی فورسز کی 2 گاڑیوں پر دہشت گردوں نے گھات لگا کر فائرنگ 14 فوجی شہید ہونے پر پاک فوج کے جوانوں کی شہادت پر شہریوں کا اظہار افسوس،شہید جوان قوم کے اصل ہیرو ہیں، پوری قوم شہدا کے لواحقین کےغم میں شریک اور ان کے ساتھ کھڑی ہے، شہری

تفصیلات کے مطابق اوچ شریف کے شہریوں حبیب اللہ خان، مکھن سائیں ،خواجہ غلام شبیر ،اظہر علی دانش، احمد حسن اعوان، ڈاکٹر ضیاء شہزاد بڈانی سمیت دیگر نے بلوچستان کےضلع گوادر کے پسنی میں پاک فوج کے جوانوں کی شہادت پر شدید مذمت اور شہدا کے لواحقین سے اظہار تعزیت کیا

شہریوں نے آرمی کے جوانوں کی شہادت پر کہا ہے کہ دہشت گردوں کے خلاف لڑتے ہوئے شہید ہونے والے جوانوں کو قوم خراجِ عقیدت پیش کررہی ہے، ان بزدلانہ کارروائیوں سے ہمارے حوصلے پست نہیں ہوں گے۔

شہریوں نے شدید مذمت کرتے ہوئے کہا کہ مسلح افواج نے مادر وطن کے تحفظ اور دفاع کے لیے بے مثال قربانیاں دی ہیں، اللہ تعالی شہداء کی درجات بلند فرمائے اور اہل خانہ کو یہ صدمہ برداشت کرنے کی ہمت دے۔

انہوں نے کہا کہ مضبوط اور باوقار فوج کسی بھی ریاست کی سلامتی اور اتحاد کی ضامن ہوتی ہے، پاک فوج ہمارا فخر ہے اورہ تاریخ اس بات کی گواہ ہے کہ ہم نے بحیثیت قوم ہمیشہ اپنے شہداء کی قربانیوں کی قدر کی ہے۔ اپنی قیمتی جانوں کے نذرانے دے کر ہمیں سر بلند رکھنے والے شہدا پر ہمیں ناز ہے اور پاک فوج کے غازی بہترین اثاثہ ہیں۔

شہریوں کامزید کہنا تھا کہ شہداء کے اہل خانہ کو ہر موقع پر نہ صرف یاد رکھا جاتا ہے بلکہ لواحقین کو نہ صرف یاد رکھتے ہیں بلکہ پاک فوج اور دیگر قانون نافذ کرنے والے اداروں کی اعلی قیادت سے لے کر عام سپاہی بھی شہداء اور غازیوں کی عظیم قربانیوں کی قدر کرتے ہوئے ان کی خدمت کے لئے سربستہ ہیں

شہریوں نے افسوس کا اظہارکرتے ہوئے کہا کہ پاک فوج کے اداروں اور شہدا کی یادگاروں کی بے حرمتی پر ہر محب وطن کا دل دکھی ہے، آج وقت ہے کہ ہم پاکستان کی بقاء و سلامتی کے لیے اپنے سیاسی اختلافات کو پس پشت ڈال دیں اور وطن عزیز کو درست سمت کی طرف گامزن کرنے کے لیے پاک فوج کے ہاتھ مضبوط کریں

ننکانہ صاحب ،باغی ٹی وی (نامہ نگاراحسان اللہ ایاز) میونسپل کمیٹی کاعملہ صفائی آفیسران کو خوش کرنے میں مصروف ،شہرمیں گندگی کے انبار،میونسپل کمیٹی ننکانہ کے 112 ملازمین کی سالانہ 5کروڑروپے تنخواہ کارکردگی صفر ،تقریباََ 3کلو میٹر کےداٸرے میں پھیلا شہر ماڈل سٹی نہ بن سکا
تفصیلات کے مطابق میونسپل کمیٹی ننکانہ صاحب کے معتبر ذرائع کا کہنا ہے کہ چیف آفیسراور سینی ٹیشن برانچ کےافسران ,انچارج ,سپروائزر, ڈرائیورز اور سینٹری ورکرز کی مبینہ ہٹ دھرمی,غفلت اور لاپرواہی کے باعٹ بین الاقومی شہر ننکانہ صاحب ماڈل سٹی نہ بن سکا ,سینی ٹیشن برانچ کی ناقص اور بوگس کارکردگی کے باعث شہر بھر کی شاہراؤں ,گلی محلوں میں کوڑے کے ڈھیر پڑے نظر آتے ہیں جن کی بدبو اور تعفن کے باعث شہریوں کو شدید ذہنی کرب اور تکلیف کا سامنا کرنا پڑتا ہے ,

ذرائع نے مزید بتایا کہ میونسپل کمیٹی ننکانہ صاحب کی سینی ٹیشن برانچ میں ریگولر تعینات عملہ کی تعداد (112) ایک سو بارہ ہے جن میں 2 دو خواتین( 101) ایک سو ایک سینٹری ورکرز 6 چھ سپر وائزر اور باقی ڈرائیور شامل ہیں ,ننکانہ صاحب شہر تقریبا تین کلومیٹر کے دائرہ میں آباد شہر ہے اور اس شہر کو صحت وصفائی کے حوالے سے پانچ زون میں تقسیم کیا گیا ہے اور ہر ایک زون کا نگران سپروائزر سینی ٹیشن کو تعینات کیا گیا ہے تاکہ صحت وصفائی کے بہترین انتظامات کیے جا سکیں اور ان کے اوپر ایک سپروائزر سینی ٹیشن کو انچارچ سینٹری ورکرز مقرر کیا گیا ہے جو چیف آفیسر میونسپل کمیٹی ننکانہ صاحب کو جواب دہ ہوتا ہے

ذرائع نے مزید بتایا کہ صفائی کے عملہ کی ماہانہ ریگولر تنخواہ 40 چالیس لاکھ روپے کے قریب بنتی ہے جبکہ میونسپل کمیٹی ننکانہ صاحب صفائی کے عملہ کو سالانہ تقریبا 4 چار کروڑ 87 لاکھ 20 ہزار کے قریب تنخواہ کی مد میں ادا کرتی ہے

ذرائع نے مزید انکشاف کرتے ہوۓ بتایا کہ 30 کے قریب ڈیلی ویجز سینٹری ورکز کو بھی بھرتی کیا ہوا ہے جو کہ میونسپل کمیٹی ننکانہ صاحب پر ایک اضافی بوجھ ہے اور ان کی ماہانہ تنخواہ تقریبا8 آٹھ لاکھ 40 چالیس ہزار روپے بنتی ہے جبکہ سالانہ تقریبا 1 ایک کروڑ 80 لاکھ روپے ان ڈیلی ویجز ملازمین کو ادا کیا جاتا ہے جو کہ غریب میونسپل کمیٹی ننکانہ صاحب کے جس کے افسران ہمیشہ فنڈز کم ہونے کا رونا روتے ہوۓ سیا سی اور غیر سیاسی فورم پر نظر آتے ہیں ایک بہت بڑا اضافی بوجھ ہے اور اس بوجھ کو فوری ختم کرنے کی اشد ضرورت ہے,

ننکانہ صاحب میں صفائی کی تو حالت انتہائی ابتر ہوگئی ہے ,عملہ صفائی چند سٹرکوں ,محلوں اور بازاروں کی صفائی کرتا دکھائی دیتا ہے جبکہ دیگر علاقوں میں گندگی کے ڈھیر پڑے نظر آتے ہیں اور جس کے باعت شہر کے متعدد علاقے کچرا کنڈی بن چکے ہیں اور عملہ صفائی سب اچھا کی رپورٹ پیش کر رہا ہے جبکہ افسران میونسپل کمیٹی ننکانہ صاحب ڈپٹی کمشنر ننکانہ صاحب کو دو چار خوبصورت روڈ اور بازار دیکھا کر شہر بھر کے خوبصورت ہونے کی رپورٹ دے رہے ہیں

ذرائع کا کہنا تھا کہ فوری طور پر ڈپٹی کمشنر ننکانہ چوہدری محمد ارشد اور صوبائی محتسب اعلی پنجاب کو چاہیے کہ سینی ٹیشن برانچ کا آڈٹ کروایا جاۓ اور عملہ صفائی کی حاضری کو یقینی بنایا جاۓ اگر یہ سب عملہ صفائی حاضر ہو کر کام کرے تو بین الاقوامی شہر ننکانہ صاحب دنیا بھر میں صفائی کے حوالے سے ماڈل سٹی بن سکتاہے

اوچ شریف ,باغی ٹی وی (نامہ نگارحبیب خان ) تحصیل احمد پور شرقیہ کوٹ خلیفہ حادثات میں دو افراد موقع پر جانبحق دو افراد زخمی
تفصیلات کے مطابق تحصیل احمد پور شرقیہ میں گزشتہ روز دو حادثات پیش آئے جن میں دو افراد موقع پر جاں بحق دو افراد زخمی ریسکیو سٹاف نے ہسپتال منتقل کر دئیے خبر کے مطابق احمد پور شرقیہ ٹول پلازہ کے قریب دس ویلر ٹینکر نے ٹریکٹر ٹرالی والے پیچھے سے ہیٹ کیا جس کے نتیجے میں ٹریکٹر ٹرالی ڈرائیور گر موقع پر جانبحق ہو گیا جاں بحق ہونے والے شخص کی شناخت شبیر احمد ولد رشید احمد سے ہوئی جسکا تعلق اوچ شریف کے نواحی علاقے چکی مراد والی سے ہے جانبحق ہونے والے شخص شبیر احمد کی ڈیڈ باڈی ریسکیو سٹاف نے موقع پر پہنچ کر ٹی ایچ کیو ہسپتال احمد پور شرقیہ منتقل کر دی

دوسرا واقعہ اوچ شریف کے نواحی علاقے کوٹ خلیفہ روڈ پر واقعہ ہوا ریسکیو سٹاف نے موقع پر پہنچ کر بتایا کہ 22 ویلر ٹرالا ایک موٹر سائیکل جس پر تین لوگ سوار تھے پیچھے سے ہٹ کر کے فرار ہو گیا ہے ایک شخص جو کہ موٹر سائیکل کا ڈرائیور تھا کا سر ٹریلر کے ویل کے نیچے آگیا۔ کچل جانے کی وجہ سے موقع پر جان بحق ہو چکا ہے۔ ڈیڈ باڈی لواحقین کے حوالے کر دی گئی ہے۔

زخمی بچے کو موقع پر موجود لوگ اپنی سواری پر آر ایچ سی اوچ شریف لے کر جا چکے ہیں۔ایک خاتون جو کہ معمولی زخمی ہیں کو ابتدائی طبی امداد دینے کے بعد ہسپتال منتقل کر دیا گیا ہے

اوچ شریف،باغی ٹی وی (نامہ نگارحبیب خان )اوچ شریف کے نواحی علاقے محلہ امیر آباد دو گیس کے میٹر چوری، نامعلوم چوروں کے خلاف تھانہ اوچ شریف میں مقدمہ درج

تفصیل کے مطابق تھانہ اوچ شریف کی حدود محلہ امیر آباد میں نامعلوم چوروں نے سوئی گیس کے میٹر چوری کر لئے سوئی گیس صارفین حافظ محمد صادق کا سوئی گیس میٹر اکاؤنٹ نمبر 78098300003 میٹر نمبر DS041112511 اور شہری محمد اکمل کا سوئی گیس اکاؤنٹ نمبر 63550204042 میٹر نمبر CT08369733 چوری ہو گئے

تھانہ اوچ شریف پولیس نے حافظ محمد صادق اور محمد اکمل کی درخواست پر نامعلوم چوروں کے خلاف مقدمہ درج کرکے کارروائی شروع کردی

ڈی جی خان ،باغی ٹی وی (نیوزرپورٹرشاہدخان )ریجنل پولیس آفیسر ڈیرہ غازی خان کیپٹن (ر) سجادحسن خان اور کمشنر ڈاکٹر ناصر محمود کی زیر صدارت ویڈیو لنک اجلاس۔ حکومت کی ہدایت پر غیر قانونی طور پر مقیم افغان شہریوں اور دیگر غیر ملکیوں کے انخلاء کے حوالے سے جاری آپریشن کا تفصیلی جائزہ۔ ڈیرہ غازی خان ریجن میں غیر قانونی مقیم افراد کی نشاندہی کےلئے سرچ آپریشن کے احکامات۔ جدید ٹیکنالوجی اور مستند ڈیٹا کے ذریعےغیرملکیوں کی شناخت اور شہریت کے کوائف کی جانچ پڑتال کا حکم۔ غیر ملکیوں کو پناہ، املاک کرایہ پر دینے اور معاونت کرنے والے افراد کے خلاف کارروائی کے احکامات۔
تفصیلات کے مطابق ریجنل پولیس آفیسر ڈیرہ غازی خان کیپٹن (ر) سجادحسن خان اور کمشنر ڈاکٹر ناصر محمود کی زیر صدارت خصوصی اجلاس کا انعقاد ہوا۔ اجلاس میں تمام اضلاع کے ڈسٹرکٹ پولیس آفیسران، ڈپٹی کمشنرز کے افسران نے شرکت کی ۔

اجلاس کے دوران حکومت کی ہدایت پر غیر قانونی طور پر مقیم افغان شہریوں اور دیگر غیر ملکیوں کے انخلاء کے حوالے سے جاری آپریشن کا تفصیلی جائزہ لیا گیا ۔اجلاس میں احکامات جاری کیئے گئے کہ ڈیرہ غازی خان ریجن کے تمام اضلاع میں غیر قانونی طور پر مقیم افغانیوں سمیت دیگر غیر ملکیوں کو تلاش کیا جائے اور غیر ملکیوں کو پناہ، املاک کرایہ پر دینے اور معاونت کرنے والے افراد کے خلاف کارروائی جائے ۔

جدید ٹیکنالوجی اور مستند ڈیٹا کے ذریعے غیرملکیوں کی شناخت اور شہریت کے کوائف کی جانچ پڑتال یقینی بنائی جائے۔

آر پی او ڈیرہ غازی خان کیپٹن (ر) سجاد حسن خان کا کہنا تھا کہ ہولڈنگ سنٹرز میں مقیم شہریوں کی سخت سیکیورٹی کےانتظامات کیے جائیں ۔سرچ آپریشن کے دوران تحویل میں لئے گئے غیر قانونی طور پر مقیم افراد کو عزت و تکریم کے ساتھ ہولڈنگ ایریاز میں منتقل کیا جائے اورحکومت کی ہدایت کے مطابق سخت سکیورٹی میں وطن واپسی کو یقینی بنایا جائے۔

کمشنر ڈی جی خان ڈویژن ڈاکٹر ناصر محمود نے کہا کہ ہولڈنگ ایریاز میں قائم کی گئی عارضی رہائش گاہوں کو مہمان خانہ کا درجہ دیا جائے۔ غیر ملکیوں کو اپنے وطن کے حوالے کرنے تک مہمان خانوں میں ہر ممکن سہولیات دی جائیں۔

میرپورخاصباغی ٹی وی( نامہ نگار سید شاہزیب شاہ کی رپورٹ )میرپورخاص کی واحد موبائل مارکیٹ میں آج دوسرے روز بھی حیسکو واپڈا کی جانب سے بجلی چوری کے خلاف الیکٹرک وائر تبدیل کرنے کے بہانے اور میٹر تبدیل کرنے کے بہانے نام نہاد آپریشن جاری رہا

اس موقع پر دکانداروں میں شدید اشتعال پایا گیا صورتحال اس وقت خراب ہوئی جب واپڈا اہلکاروں کی جانب سے بجلی کے تاروں کے ساتھ سی سی ٹی وی کیمرے اور انٹرنیٹ وائر کاٹ دی گئی ، جسکے بعد دکانداروں کی جانب سے شدید احتجاج کیا گیا

دکانداروں کا کہنا ہے کہ بجلی کی تاروں کے ساتھ دکانوں میں لگے ہوئے سی سی ٹی وی کیمرے اور انٹرنیٹ وائر واپڈا نے کاٹ دی ہے ، واضح رہے کہ حیسکو واپڈا میرپورخاص میں جہاں بھی آپریشن کر رہی ہے عوام کی جانب سے انھیں شدید احتجاج کا سامنا کرنا پڑ رہا ہے

میرپورخاص میں کسی بھی علاقے جب بھی بجلی چوری کا نام نہاد آپریشن شروع کیا جاتا ہے تو اس علاقے کی بجلی بند کردی جاتی ہے اور کاروبار زندگی مفلوج کردیا جاتا ہے

اوچ شریف باغی ٹی وی (نامہ نگار حبیب خان) اتائی کے کلینک پر چھاپے کے دوران درجن سے زائد افراد کا پنجاب ہیلتھ کیئر کمیشن کی ٹیم پر دھاوا، تھپڑ گھونسے مارے اور نقدی چھین لی، پولیس تھانہ اوچ شریف نے پروگرام آفیسر انفورسمنٹ ڈاکٹر اسامہ ممتاز کی مدعیت میں10 نامزد افراد سمیت 18 مرد و خواتین پر مقدمہ درج کر لیا، 4 ملزمان گرفتار،

تفصیلات کے مطابق ریجنل آفس پنجاب ہیلتھ کیئر کمیشن بہاول پور میں تعینات پروگرام آفیسر انفورسمنٹ ڈاکٹر اسامہ ممتاز نے پولیس تھانہ اوچ شریف کو تحریری درخواست میں موقف اختیار کیا کہ وہ ملازم حیدر جعفر اور ڈرائیور الطاف کے ہمراہ سرکاری گاڑی پر موضع لانگ گرواں بستی بیری والی میں اتائی ڈاکٹر انور کے کلینک پر پہنچے جس نے دروازہ بند کر لیا

اسی دوران الزام علیہان محمد وسیم ولد عبدالرزاق کلہوڑا، محمد پارس منیر ولد منیر ملک، مجیب الرحمن ولد ملک واحد بخش، محمد یونس ولد اللہ بچایا، عدنان ولد عاشق بھٹی، محمد فہد ولد خادم حسین، جاوید اکرم ولد محمد اکرم، محمد شیر افگن ولد نامعلوم، فرحان شاکر ولد نامعلوم اور دیگر سات آٹھ مرد و خواتین آگئے

جنھوں نے کار سرکار میں مداخلت کرتے ہوئے انہیں جان سے مارنے کی دھمکیاں دیں اور مارنے پیٹنے لگے ملزمان نے جیب سے 13000 روپے نکال لئے جبکہ ساتھی ملازم حیدر جعفر کا بٹوا چرا لیا جس میں اے ٹی ایم اور شناختی کارڈ تھا پولیس تھانہ اوچ شریف نے مقدمہ درج کرتے ہوئے 4 ملزمان کو گرفتار کر لیا ہے