Category: جرائم و حادثات

اوچ شریف، باغی ٹی وی ( نامہ نگار حبیب خان)موٹر وے ایم 5 پر 13سالہ لڑکا ٹک ٹاک اور سلفیاں بناتے کارکی زد میں آکر جاں بحق
تفصیل کے مطابق تھانہ چنی گوٹھ کی حدود میں پل 82 ہزار کے قریب موٹر وے ایم فائیو پر مقامی بچے آئے روز باڑ جالیاں کراس کرکے موٹر وے پر چڑھ جاتے ہیں اور ٹک ٹاک سمیت سیرو تفریح کرتے رہتے ہیں

گذشتہ روز بھی اوچ شریف کے نواحی گاؤں بستی متڑا کے رہائشی حاجی محمد قاسم کا بیٹا محمد نعمان جو کہ کراچی میں دینی تعلیم حاصل کر رہا تھا کہ کراچی سے اپنے آبائی گاؤں بستی متڑاپہنچ کر اپنے ماموں زاد بھائی کے ساتھ پل 82 ہزار پر باڑ کی جالیاں کراس کر کے موٹر وے پر پہنچ کر ٹک ٹاک اور سلفیاں بنا رہے تھے کہ اچانک تیز رفتار نامعلوم کار کی زد میں 13سالہ محمد نعمان آگیا اور موقع پر جاںبحق ہو گیا

نا معلوم کار سوار موقع سے فرار ہو گیا جسکی اطلاع محمد نعمان کے ماموں زاد بھائی نے اپنے رشتے داروں کو دی تو رشتے داروں نے محمد نعمان کی ڈیڈ باڈی لی اور دوسرے دن محمد نعمان کی نماز جنازہ ادا کرنے کے بعد آبائی قبرستان میں سپردِ خاک کر دیا

سیالکوٹ،باغی ٹی وی (سٹی رپورٹرشاہدریاض)انٹرپول کے ذریعے بحرین سے 2 اشتہاری گرفتار
تفصیلات کے مطابق سیالکوٹ پولیس نے ڈکیتی و قتل کی وارداتوں میں مطلوب 2 خطرناک اشتہاری ملزمان کو بذریعہ ریڈ وارنٹ انٹرپول کی مدد سے بیرون ملک بحرین سے گرفتار کر لیا۔

ملزم ماجد تھانہ کوٹلی سید امیر پولیس کو عرصہ 6 سال سے ڈکیتی کے مقدمہ نمبر 154/18 جبکہ ملزم سرور ٹوبہ ٹیک سنگھ تھانہ گوجرا پولیس کو عرصہ 3 سال سے قتل کے مقدمہ نمبر 505/20 میں مطلوب تھا۔

آئی جی پنجاب ڈاکٹر عثمان انور کی ہدایت پر جاری خصوصی مہم کے تحت بیرون ملک مفرور اشتہاریوں کی گرفتاریوں کے لئے تمام وسائل بروئے کار لائے جا رہے ہیں

اوچ شریف ،باغی ٹی وی (نامہ نگارحبیب خان ) ہوٹلوں ،شوارما،تکہ بوٹی،پیزا اور برگر پوائنٹس پرحرام مرغیوں کا گوشت سپلائی کا انکشاف
اوچ شریف شہر سمیت دیگر علاقوں میں ہوٹلوں، شوارما اور تکہ بوٹی، پیزا اور برگر پوائنٹس پر مرغیوں کا حرام گوشت استعمال ہونے کا انکشاف، بہاول پور شہر کے معروف برانڈ کے نام پر صارفین کی صحت سے کھلواڑ جاری، پنجاب فوڈ اتھارٹی کی جانب سے کاروائیوں میں کمی ہونے کے باعث شہری موذی امراض میں مبتلا ہونے لگے،

تفصیل کے مطابق بھاری منافع کی لالچ میں اندھے شوارما، تکہ بوٹی، پیزا شاپس مالکان اوچ شریف کے شہریوں کی صحت کے دشمن بن گئے، شہر کی متعدد فاسٹ فوڈ شاپس سمیت بہاول پور شہر کے معروف برانڈ کے نام پر پیزا پوائنٹ شاپ پر بیمار، لاغر اور مردہ مرغیوں کے گوشت استعمال کرنے کا انکشاف ہوا ہے زرائع کے مطابق شہر میں روزانہ سو ڈیڑھ سو کلو مردہ، نیم مردہ اور لاغر مرغیوں کا گوشت سپلائی کیا جا رہا ہے جسے شوارما، پیزا اور تکہ بوٹی بنانے والے چند دکانداروں کے پاس آدھی قیمت پر فروخت کیا جاتا ہے جسے چٹ پٹے اور چٹخارے دار مصالحے لگا کر دھڑلے سے شہریوں کو فروخت کرنے کا دھندہ جاری ہے ان عناصر کے خلاف پنجاب فوڈ اتھارٹی کی جانب سے کاروائیوں میں سستی کے باعث اوچ شریف کے شہریوں خصوصی طور پر چھوٹے بچوں کو خطرناک بیماریوں میں مبتلا ہونے کے شدید خطرات لاحق ہو گئے ہیں

ذرائع کے مطابق اوچ شریف میں روزانہ کی بنیاد پر مردہ گوشت کی ترسیل کی جاتی ہے جو بعد میں ذبح کرکے شوارما و برگر پوائنٹس سمیت لوکل فوڈ پوائنٹس کو فراہم کیا جاتا ہے ۔ پنجاب فوڈ اتھارٹی کی جانب سے اوچ شریف کے داخلی راستوں پر چیکنگ اور نہ ہی موثر ناکہ بندی کی جاتی ہے جس کے باعث صحت دشمن عناصر مردہ مرغیاں لے کر شہر میں داخل ہوتے ہیں اور مضر صحت گوشت کھلا کر شہریوں کی جانوں سے کھیلتے ہیں۔

شہریوں کا کہنا تھا پنجاب فوڈ اتھارٹی کی ٹیموں کی جانب سے شام کے اوقات میں ان فوڈ پوائنٹس اور ٹکہ بوٹی شوارما برگر پوائنٹس کی چیکنگ نہیں کی جاتی جس کے باعث اوچ شریف شہر میں صحت دشمن عناصر نڈر ہو کر اس مکروہ دھندے کو چلا رہے ہیں۔ہوٹل پر کام کرنے والے ملازم سے اس بارے میڈیا نے پوچھا تو انہوں نے نام نہ ظاہر کرنے کی شرط پر بتایا کہ یہاں حرام گوشت استعمال نہیں ہوتا البتہ بیمار لاغر مرغیوں کا گوشت ضرور استعمال ہوتا ہے

اوچ شریف،باغی ٹی وی (نامہ نگارحبیب خان) اوچ شریف شہر کے گلی محلوں میں قائم بیوٹی پارلر زسے خواتین میں چہرے کی متعدد مہلک بیماریاں پھیلانے لگےغیر تربیت یافتہ لڑکیاں مبینہ طورپر ان پارلرز کی آڑ میں فحاشی اور بے حیائی کے اڈے چلانے لگیں
تفصیلات کے مطابق اوچ شریف شہرو گرد و نواح میں کھلے بیوٹی پارلر ز میں غیر معیاری کیمیائی اجزااورآلودہ آلات کے مسلسل استعمال سے خواتین مہلک بیماریوں میں مبتلا ہو نا شروع ہوگئیں، بیوٹی پارلروں کا پھیلا جا ل حفظان صحت کے اصولوں کو نظر انداز کر رہا ہے۔ اس پر نا تو قا نون حرکت میں آتا ہے نہ ہی کوئی ایسی اتھارٹی ہے جوان پر گرفت پا سکے۔

کیمیکل والی مہندی سے لیکر فیس واش تک میں ایسے بے شمار مضر صحت اجزا کا استعمال کیا جاتا ہے جو جلد کو بر ے طریقے سے جھلسا دیتے ہیں۔ گورا بننے کی کوشش بعض اوقات دلہنوں اور بیشتر خواتین کو چہرے کی بیماریوں میں مبتلا کردیتی ہے، بعض خواتین ایسی بیماریوں میں مبتلا ہو جاتی ہیں جن کو بعد میں ڈاکٹروں سے بھی رجوع کرنا پڑتا ہے جبکہ بعض مقامات پر غیر تربیت یافتہ لڑکیاں مبینہ طورپر ان پارلرز کی آڑ میں فحاشی اور بے حیائی کے اڈے بھی چلا رہی ہیں۔ان بیوٹی پارلرزمیں پیسے خرچنے والوں کو دعوت گناہ دی جاتی ہے،

باخبرذرائع کے مطابق اوچ شریف شہر وگردونواح میں ایسے بے شماربیوٹی پارلرزکھل چکے ہیں جوکہ جسم فروشی کے اڈوں کا روپ دھارچکے ہیں، اس غیرشرعی اورغیرانسانی کام کو مبینہ طورپرپولیس کی آشیرباد حاصل ہے،واضح رہے کہ جسم فروشی کا کاروبارمافیا کی شکل اختیارکرگیا ہے جبکہ بیوٹی پارلر اورمساج سینٹرزمافیا انٹرنیٹ اورسوشل میڈیا کا بھی استعمال کررہا ہے ،کھلے عام آن لائن لڑکیوں کی فراہمی بھی کی جاتی ہے،

ہوس کے پجاری ان ویب سائٹس کا وزٹ کرتے ہیں اوران بیوٹی پارلرزاورمساج سینٹرز سے ان کولڑکیاں سپلائی کی جاتی ہیں،ذرائع کے مطابق کچھ گاہکوں کی جدید خفیہ کیمروں کی مدد سے فلمیں بھی بنائی جاتی ہیں اورپھران گاہکوں کو بلیک میل کیا جاتا ہے،علاقے کی سیاسی و سماجی تنظیموں نے اعلیٰ حکام سے اصلاح احوال کا مطالبہ کیاہے

چونیاں،باغی ٹی وی (نامہ نگارعدیل اشرف) پرائیویٹ ہسپتالوں میں غیر قانونی میڈیکل سٹورز لیبارٹریاں قائم ،عوام لٹنے لگی،نان کوالیفائیڈ عملہ،غلط رپورٹیں،علاج کے نام پر لوٹ مار،مسیحا کے روپ میں بربریت جاری
چونیاں میں پرائیویٹ ہسپتالوں میں غیر قانونی لیبارٹری اور میڈیکل سٹور مالکان مریضوں کو دونوں ہاتھوں سے لوٹنے میں مصروف، ناقص لیباٹری اور غیر قانونی میڈیکل سٹور پر زائد قیمت پر ایکسپائری ادویات کی فروخت جاری ہے، ہسپتالوں کے مالکان کی پانچوں انگلیاں گھی میں، محکمہ صحت خاموش تماشائی، وزیر صحت اور سی او ہیلتھ قصور نوٹس لیں شہری تنظیموں کا مطالبہ

تفصیلات کے مطابق چونیاں، الہ آباد، کنگن پور، چھانگا مانگا اور گردونواح میں سینکڑوں پرائیویٹ ہسپتالوں کے مالکان ہسپتال میں چیک آپ کے لیئے آئے مریضوں کو دونوں ہاتھوں سے لوٹنے میں مصروف ہیں، درجنوں ہسپتالوں میں دھڑلے سے غیر قانونی لیبارٹریز اور میڈیکل سٹورز کھولے ہوئے ہیں جہاں ہسپتال مالکان، لیبارٹری ٹھیکیدار، میڈیکل سٹور ٹھیکیدار اور میڈیکل ریپ ساز باز ہو کر مریض اور لواحقین کی آنکھوں میں دھول جھونک رہے ہیں لیبارٹری پر ٹیسٹ کیلئے خون و پیشاب تو وصول کیا جاتا ہے مگر ان کو باسکٹ میں پھینک کر کمپیوٹر پر رزلٹ دے کر سادہ لوح عوام سے ہزاروں روپے وصول کئے جاتے ہیں

اسی طرح ڈاکٹرز، میڈیکل سٹور ٹھیکیدار اور میڈیکل ریپ ساز باز ہو کر غیر رجسٹرڈ کمپنوں کی ہزاروں روپے کی دوائیاں مریضوں کو لکھ کر دے رہے ہیں باوثوق ذرائع سے معلوم ہوا ہے بیشتر ڈاکٹرز ایک ہی دن میں کئی ہسپتالوں میں بیٹھ کر، غیر قانونی طور پر، اپنی دوائیاں اپنے پسند کے نام اور قیمت پر تیار کروا کر، اپنے حصے کی کمیشن وصول کر رہے ہیں،

تحصیل بھر کی فلاحی و شہری تنظیموں اور صدر سبزی و فروٹ منڈی سردارعلی، ناظم حیات، ارشاد بشیر، افضال احمد و دیگر نے وزیر صحت ، سیکرٹری ہیلتھ، ڈی سی قصور اور سی او ہیلتھ قصور سے مطالبہ کیا ہے کہ پرائیویٹ ہسپتالوں کا وزٹ کریں، غیر قانونی ہسپتال، لیبارٹری اور میڈیکل سٹور کے خلاف قانونی کاروائی کی جائے تاکہ ہسپتال ملکان اور ڈاکٹرز سادہ لوح عوام کو لوٹنے سے باز رہیں

چونیاں،باغی ٹی وی(نامہ نگارعدیل اشرف) احتجاج کرنے والے اساتذہ کا سمندر سڑکوں پر امڈ آیا، تحصیل بھر کے تعلیمی ادارے بند، لاکھوں طلباء وطالبات کا تعلیمی نقصان، ہزاروں مردوخواتین اساتذہ کا احتجاج،مین روڈ پر ریلی نکالی اور اسسٹنٹ کمشنر آفس کے باہر دھرنا دئیے رکھا

تفصیلات کے مطابق اساتذہ کے خلاف ہونے والی مبینہ حکومتی زیادتیوں اور سروس سٹرکچر میں تبدیلیوں پر چونیاں میں بھی ہزاروں اساتذہ اور دیگر محکموں کے ملازمین سراپائے احتجاج رہے۔

گورنمنٹ بوائز ہائی سکول چونیاں سے اساتذہ نے ریلی نکالی اور مین روڈ چونیاں کو بنڈ کرتے ہوئے اسسٹنٹ کمشنر آفس پہنچ کر دھرنا دے دیا بعد ازاں اساتذہ حکومت کے خلاف شدید نعرہ بازی کرتے ہوئے ۔مظاہرین نے ہاتھوں میں پلے کارڈز اور بینرز اٹھا رکھے تھے جن پر حکومت کے خلاف اور ان کے حق میں نعرے درج تھے۔

دھرنا میں انجمن تاجران صوفی محمد حنیف، محمد شفیع، بلال ہاشمی اور جماعت اسلامی کے مرکزی امیر میاں نزیر احمد ایڈووکیٹ نے بھی شرکت کی اور اساتذہ اکرام سے اظہار یکجہتی کا اظہار کیا۔

اس موقع پر مظاہرین کا کہنا تھاحکمرانوں نے معماران قوم کی زندگی اجیرن کر دی اور اپنے ہی ملازمین پر عرصہ حیات تنگ کرنے کےدر پے ہیں۔اساتذہ اور دیگر محکموں کے تمام ملازمین اپنے ساتھ ہونے والی کسی ناانصافی کو قبول نہیں کریں گے اور مطالبات تسلیم ہونے تک احتجاج کا سلسلہ جاری رکھیں گے۔

میرپورخاص،باغی ٹی وی (نامہ نگار سید شاہزیب شاہ کی رپورٹ ) قتل کے روپوش ملزم ایک مرد اور دو عورتیں گرفتار
ایس ایس پی میرپورخاص عادل میمن صاحب کی سخت ہدایات پر ضلع بھر میں اشتہاری اور روپوش ملزمان کے خلاف کاروائیاں جاری، ایس ایچ او وومین مومل لغاری نے ٹیم کے ہمراہ دوران گشت خفیہ اطلاع پہ کارروائی کرتے ہوۓ قتل میں ملوث روپوش ملزمان مسمات جنت، مسمات فاطمہ، اور ملزم آصف ولد اللہ بچایو کو گرفتار کرلیا

گرفتار ملزمان تھانہ تعلقہ کے مقدمہ نمبر 44/2021 زیر دفعہ 302,201,34 میں مطلوب تھے