Category: جرائم و حادثات

نوری آباد،باغی ٹی وی (نامہ نگار اللہ وسایا پالاری) ایم نائن موٹر وے پر تیز رفتار کار کی ٹکر سے پولیس کانسٹیبل جاں بحق
نوری آباد کے قریب ایم نائن موٹر وے پر تیز رفتار کار کی ٹکر سے تھانہ نوری آباد کے پولیس کانسٹیبل شفقت حسین ناریجو ولد عثمان ناریجو شدید زخمی ہوگیا۔ زخمی پولیس اہلکار کو نوری آباد اسپتال لے جایا گیا۔جہاں وہ زخموں کی تاب نہلاتے ہوئے دم توڑ گیا۔

جاں بحق اہلکار اپنی ڈیوٹی کے لیے بلوچ ہوٹل کے قریب چیک پوسٹ پر جا رہا تھا کہ حادثہ پیش آیا، متوفی کی نعش کو ضروری کارروائی کے لئے تعلقہ ہسپتال تھانہ بولاخان منتقل کر دیا گیا۔ نوری آباد پولیس نے کار ڈرائیور کو حراست میں لے لیاہے-

چونیاں،باغی ٹی وی(نامہ نگار) تحصیل بھر میں ناقص، لاغر چکن اور مردار مرغیوں کا گوشت فروخت ہونے کا انکشاف، مقامی انتظامیہ اور فوڈ اتھارٹی کارروائی کرنے سے گریزاں

تفصیلات کے مطابق چونیاں، الہ آباد، کنگن پور اور گردونواح کے دیہاتوں مضر صحت اور لاغر مرغیوں کے گوشت کی سر عام فروخت ہو رہا ہے شہری مختلف بیماریوں میں مبتلا ہو کر ہسپتالوں کا رخ کرنے پر مجبور ہیں

باوثوق ذرائع سے معلوم ہوا کہ ہے تحصیل کے سینکڑوں کنٹرول شیڈ مالکان اور چکن سپلائرز ساز باز ہو کر رات 3 سے 5 بجے کے درمیان مذکورہ دکانوں اور پھٹوں پر گوشت فروخت کرنے والوں کو مردہ اور بیماری مرغیاں فراہم کی جاتی ہیں دکاندار حضرات رات کو ہی لاغر اور بیمار مرغیوں کا گوشت بنا کر رکھ لیتے ہیں اور وہی گوشت سارا دن سادہ لوح شہریوں کو فروخت کرتے ہیں۔

ناقص، لاغر اور مردہ مرغیوں کو فروخت کرنے والے دکاندار سارہ دن دوسرے دکانداروں کی نسبت کم ریٹ پر گوشت فروخت کرتے ہیں بلکہ چکن گوشت کی سیل لگاتے ہیں جنہیں کوئی ادارہ پوچھنے والا نہیں۔

شہریوں نے مقامی انتظامیہ اور فوڈ انتظامیہ قصور سے مطالبہ کیا ہے کہ کنٹرول شیڈ سے چیکنگ کے بعد مرغیوں کی سپلائی کروائی جائے تاکہ شہریوں کو صاف ستھرا اور معیاری گوشت میسر آ سکے

چونیاں،باغی ٹی وی(نامہ نگار)نوسرباز ٹرک ڈرائیور رنگے ہاتھوں پکڑے گئے
ملز مالکان کو کروڑوں روپے کا چونا لگانے والا گروہ پکڑا گیا، ملزمان ٹرک کی تہہ میں بجری اور مٹی بھر وزن کرواتے رہے، تھانہ سٹی پولیس نے ڈیڑھ کروڑ روپے برآمد کر لئے، 8 ملزمان کو گرفتار کر کے چار ٹرک بھی پکڑ لئے

تفصیلات کے مطابق تھانہ سٹی چونیاں نے انوکھا فراڈ کرنے کا طریقہ ایجاد کرنے والا گروہ گرفتار کرلیا ہے فراڈ کرنے والا بین الصوبائی گینگ تھانہ سٹی کی حدود میں رائس ملز مالکان کو کروڑوں روپے کا چونا لگا چکا تھا ایس ایچ او اسلم بھٹی نے مزید پریس کانفرنس میں بتایا کہ ملزمان دھان یا چاول کا ٹرک لوڈ کرتے جس ٹرک کی نچلی سطح پر 100 من بجری اور مٹی ہوتی رائس ملز میں وزن کرواتے تھے،

ملزمان نے ایک ہی رنگ اور نمبر کے 4 ٹرک بنا رکھے تھے اور صوبہ بھر میں فراڈ کر رہے تھے بجری اور مٹی والے ٹرک کو جلدی سے علحیدہ کرتے اور دوسرے ٹرک کا وزن کروا لیتے تھے گینگ ایک ٹرک میں 100 من بجری اور مٹی کا زائد وزن شامل کروا کر ملز مالکان کو ایک پھیرے میں 5 لاکھ کا نقصان پہنچا رہے تھے

اس طرح ملزمان رائس ملز مالکان کو کروڑوں روپے کا ماہانہ نقصان پہنچاتے سٹی پولیس نے ملزمان سے ایک کروڑ پچاس ہزار روپے برآمد کر لئے ہیں اور چار ٹرک اور 8 ملزمان کو گرفتار جبکہ فرار سرغنہ ظفر اللہ، عمران سمیت 3 ملزمان کی گرفتاری کیلئے ٹیم تشکیل دے دی ہے۔

گو جرہ باغی ٹی وی(نامہ نگار عبدالرحمن جٹ سے )گوجرہ ڈپٹی کمشنر محمد نعیم کی ہدایت پر ضلعی انتظامیہ چینی کی مصنوعی قلت پیدا کرنے والے ذخیرہ اندوزوں کے خلاف متحرک ہوگئی۔

اسسٹنٹ کمشنر گوجرہ نعمان علی ڈوگر کی انٹیلیجنس بیور کی رپورٹ پر چینی مافیا کے خلاف بڑی کارروائی شروع، کارروائی کے دوران نجی گودام سیل کرکے 800 بیگ چینی ضبط کر لئے گئے۔

ضبط شدہ چینی کو سرکاری ریٹ پر فروخت کیا جائے گا۔ضبط شدہ چینی سرکاری ریٹ 140 روپے کلو ، کل زینب ہال اور میونسپل کمیٹی گوجرہ میں سٹال لگا کرفروخت کی جائے گی۔

ذخیرہ اندوزی جرم، کسی کو بھی مصنوعی قلت پیدا کرنے کی اجازت نہیں۔خلاف ورزی پر سخت ایکشن لیا جائے گا۔ چینی کی مصنوعی قلت پیدا کرنے والوں اور ذخیرہ اندوزوں کے خلاف گھیرا تنگ کیا جارہا ہے اور کاروائیاں جاری ہیں ۔

اوکاڑہ،باغی ٹی وی( نامہ نگار ملک ظفر )اوکاڑہ ضلعی انتظامیہ کے زیر سایہ چلنے والے ڈی پی۔ایس سکول نے بھی فیسیں بڑھا کرعوام کے لئے مشکلات میں اضافہ کردیا ہر طالب علم کی فیسں میں 500 روپے اضافہ بچوں کے والدین کا شدید احتجاج ڈپٹی کمشنر سے نوٹس لینے اور فیس میں حالیہ اضافہ واپس لینے کا مطالبہ بتایا گیا ھے

ڈسٹرکٹ پبلک سکول جو کہ گزشتہ کئی برسوں سے ضلعی انتظامیہ کے زیر سایہ طالب علموں کو تعلیمی سہولیات فراہم کرنے میں اپنا کردار ادا کرتا چلا آرہا ہے اور ماہانہ فیس کم ہونے کی وجہ سے کم آمدنی اور تنخواہ دار طبقے کے بچے بھی ایک اچھے ادارے میں زیور تعلیم سے آراستہ ہوتے چلے آرہے ہیں مگر اب اس ادارے نے بھی فیسوں میں اضافہ کرکے کم آمدنی والے والدین کی مشکلات میں اضافہ کر دیا ہے بتایا گیا ہے کہ ضلعی انتظامیہ کی طرف ڈی پی ایس سکول کو تعلیم کے فروغ کے لئے خطیر رقعم کے فنڈ دیئے جاتے رہے ہیں اور اب ان فنڈ زمیں خاطر خواہ کمی کر دی ہے جس کی وجہ اس کا بوجھ فیسوں کی مد میں طالب علموں پر ڈالا جا رہا ہے

مہنگائی میں پسے سفید پوش والدین کو اب بچوں کو اچھی تعلیم دلوانا مشکل ہو گیا ہے ڈی پی ایس سکول میں زیرتعلم بچوں کے والدین نےشدید احتجاج کرتے ہوئے نگران وزیراعلی پنجاب محسن نقوی کمشنر ساہیوال اور ڈپٹی کمشنر اوکاڑہ سے نوٹس لیتے ہوئے بڑھائی گئی فیسوں کا حکم واپس لینے کا مطالبہ کیا ہے

اوچ شریف باغی ٹی وی (نامہ نگار حبیب خان) اوچ شریف کے نواحی علاقہ زندہ لال کے لوگوں نے قبرستان کو جانوروں کا باڑا بنا دیا قبریں مسمار ہونے لگی جانوروں کے گوبر سے تعفن پھیل گیا اہل علاقہ کا ڈپٹی کمشنر بہاولپور سے نوٹس لینے کا مطالبہ
تفصیلات کے مطابق اوچ شریف کے نواحی علاقہ زندہ لال قبرستان کا تقدس پامال لوگوں نے قبرستان کو جانوروں کا باڑا بنا دیا ہے قبرستان میں لوگوں نے پالتو جانور اور گدھے باندھ دیئے ہیں جس سے قبروں کے پاس گندگی کے ڈھیر لگے ہوئے ہیں رات بھر گدھے قبرستان کا تقدس پامال کرتے رہتے ہیں جس سے متعدد قبریں مسمار ہو چکی ہیں

قبرستان میں مردے دفنانے کی بجائے گدھے اور جانور باندھ کر قبرستان کی بے حرمتی کی جا رہی ہے قبرستان کی مناسب دیکھ بھال اور نگرانی نہ ہونے کی وجہ سے آوارہ جانور اور منشیات استعمال کرنے والوں کے اڈے بن گئے ہیں

گزشتہ روز میڈیا ٹیم نے اطلاعات پر قبرستان دربار حضرت زندہ لال کا سروے کیا تو وہاں پر جانور اور گدھے باندھے پائے گئے اور جانور قبرستان میں چر رہے تھے،قبرستان کی حالت زار انتہائی دگرگوں ہے، ہر طرف خود رو جھاڑیاں اگی ہوئی ہیں جو جانوروں کے چارے کا کام کرتی ہے

قبرستان میں روشنی کے انتظامات نہ ہونےکا فائدہ اٹھا کر نشئی لوگوں کا مسکن اور گدھوں کا باڑا بن چکا ہے کمشنروڈپٹی کمشنر بہاول پور اور اسسٹنٹ کمشنراحمدپورشرقیہ او معاملے کا فوری نوٹس لیتے ہوئے فوری کارروائی کا حکم جاری کریں اور قبرستان کا تقدس بحال کروائیں ،گدھے اور جانور باندھنے والے لوگوں کے خلاف تادیبی کارروائی عمل میں لائی جائے تاکہ دوبارہ ایسی مزموم حرکت کوئی نہ کر سکے

ڈیرہ اسماعیل خان،باغی ٹی وی (نامہ نگاراحمدنوازمغل) تھانہ کینٹ کی حدود علاقہ بلال آباد میں بھائی نے فائرنگ کرکے 15سالہ بہن کو قتل کردیا، واقعہ کی اطلاع پر ریسکیو1122کی میڈیکل ٹیم نے موقع پر پہنچ کر ایمبولنس کے ذریعے خاتون کی نعش کو ہسپتال منتقل کردیا۔

علاقہ بلال آباد میں نیاز اللہ ولد ملک ربنواز نے گھر میں اپنی15سالہ بہن (ن بی بی )پر فائرنگ کر دی ، فائرنگ سے اس کی بہن موقع پر جاں بحق ہوگئی ، واقعہ کے بعد ملزم بھائی فرار ہوگیا ، اطلاع پر مقامی پولیس موقع پر پہنچی جبکہ ریسکیو1122کی میڈیکل ٹیم نے بروقت موقع پر پہنچ کر نعش کو ہسپتال منتقل کردیا۔

اوچ شریف باغی ٹی وی (نامہ نگار حبیب خان)اوچ شریف شہر سمیت تحصیل بھر میں یوریا کھاد کی ذخیرہ اندوزی عروج پر، انتظامیہ منظر سے غائب,ذخیرہ اندوزوں اور ڈیلروں نے کھاد کی مصنوعی قلت پیدا کرنے کی ٹھان لی، بلیک میں کھاد کی فی بوری 4300 تک فروخت کی جانے لگی، کسان لٹنے پر مجبور ہیں۔
تفصیلات کیمطابق کھاد ڈیلروں اور ذخیرہ اندوزوں نے محکمہ زراعت کے متعلقہ ذمہ داران کی سرپرستی میں اوچ شریف شہر سمیت تحصیل بھر میں بڑے پیمانے پر یوریا کھاد ذخیرہ کروانی شروع کررکھی ہے اور مصنوعی قلت پیدا کرنے کے لئے حکمت عملی بھی مرتب کرلی ہے۔

محکمہ زراعت کے متعلقہ افسران کی ملی بھگت کیوجہ سے کھاد ڈیلرز سرکاری نرخ 3210 میں فروخت کرنے کی بجائے 3950 روپے سے لیکر 4300 روپے فی بوری فروخت کر رہے ہیں کاشتکاروں کی مجبوریوں کا فائدہ اٹھاتے ہوئے ڈیلروں اور ذخیرہ اندوزوں نے محکمہ زراعت کے متعلقہ افسران سے گٹھ جوڑ کی وجہ سے خفیہ گوداموں میں بڑے پیمانے پر کھاد سٹاک کر نا شروع کررکھی ہے اور بلیک میں من مرضی کی قیمتوں پر فروخت کر رہے ہیں۔

انتظامیہ اور متعلقہ محکمے سرکاری نرخ نامے پر عملدرآمد کروانے کی بجائے خاموش تماشائی کا کردار ادا کرر ہے ہیں اور کسانوں کو حکومت کے مقرر کردہ نرخوں پر کھاد دلوانے میں بری طرح ناکام دکھائی دیتے ہیں اور کسانوں کو بے رحم منافع خوروں کے رحم و کرم پر چھوڑ دیا گیا ہے، کسان ان معاشرتی درندوں کے ہاتھوں لٹنے پر مجبور ہیں۔

کھیتی باڑی سے وابستہ کسانوں نے نگران وزیر اعلیٰ پنجاب محسن نقوی سے مطالبہ کیا ہے کہ یوریا کھاد کے بحران کو ختم کرنے اور لوٹ مار کرنے والے ڈیلرز کی سرپرستی کرنے والے محکمہ ذراعت کے متعلقہ افسران کے خلاف سخت قانونی کارروائی کی جائے تاکہ کماد دھان سبزیوں سمیت دیگر کی فصل کوبر وقت خوراک مل سکے اور پیداوار میں اضافہ ہو سکے کاشتکاروں نے کہااے سی احمد پور شرقیہ اور زراعت افیسران کی ملی بھگت سے اوچ شریف اور تحصیل بھر میں بلیک پر یوریا کھاد بکنے لگی کسانوں نے الزام لگایا کہ اے سی احمد پور شرقیہ اور زراعت افیسروں نے اوچ شریف کے ڈیلروں سے مک چک کی ہوئی ہے کھاد بلیک پر سرعام بک رہی ہے

دوسری جانب اسسٹنٹ کمشنر احمد پور شرقیہ ندیم احمد ہاشمی نے اپنے موقف پر کہا کہ میں کاروائیاں تو کر رہا ہوں لیکن میرے آنے کی خبر ان کو پہلے مل جاتی ہے کہ میں نے گزشتہ شب بھی کھاد مافیا کے گوداموں سے 2 ہزار بوری برآمد کی ہے

سینئرزراعت افیسر محمد ارشد سے موقف لینے کے لیے کال کی تو ان کا کہنا تھا کہ اوچ شریف میں یوریاکھاد کے ڈیلر با اثر ہیں میں ان کے خلاف کوئی کارروائی نہیں کر سکتا، ان کے افسران بالا کے ساتھ بھی تعلقات اچھے ہیں ،میرے علم میں بھی ہے کہ اوچ شریف شہر کے مقامات عباسیہ روڈ اوچ موغلہ اوچشریف اور خیرپور ڈاہا روڈ پر گوداموں میں یوریا کھاد موجود ہے لیکن افسران بالا نے میرے ہاتھ باندھ رکھے ہیں

تنگوانی ،باغی ٹی وی (نامہ نگار منصوربلوچ)سوئی سےکراچی جانےوالی گیس پائپ لائن میں دھماکا ہونےسےکراچی کوگیس کی سپلائی معطل ہوگئی ہے۔

تفصیلات کےمطابق تنگوانی میں سوئی سےکراچی جانےوالی گیس پائپ لائن میں دھماکا ہواہے،دھماکاگاؤں غلام رسول ملک کےمقام پر گیس پائپ لائن میں ہوا۔

پولیس کےمطابق دھماکے کے فوری بعدپولیس اورحساس اداروں کےاہلکارجائےوقوعہ پرپہنچ گئے،گیس پائپ لائن پھٹنےسےکراچی سمیت متعددشہروں کوگیس کی فراہمی معطل ہوگئی ۔

ایس ایس پی کشمور روحل کھوسوکاکہناہےکہ ابتدائی تفتیش سےمعلوم ہواہےکہ پائپ لائن میں دھماکاگیس پریشرکی وجہ سےہواہے، اس حوالےسےمزیدتفتیش شروع کردی گئی ہے۔