Category: جرائم و حادثات

نوری آباد،باغی ٹی وی (نامہ نگار اللہ وسایا پالاری)نوری آباد انڈسٹریل زون میں 18سالہ محنت کش فیکٹری میں ڈیوٹی کے دوران مشین میں گردن پھنس جانے سے جاں بحق ہو گیا،عرفان میتلو ایشیا بورڈ فیکٹری میں مشین پر ہیلپر تھا،

نوری آباد پوليس اور کمپنی انتظامیہ نے کوئی کارروائی نہ کرتے ہوئے جاں بحق عرفان میتلو کی لاش اس کی آبائی گاؤں راجو خانانی بھیج دی گئی
نوری آباد انڈسٹریل ایریا میں تقریباً کسی بھی فیکٹری میں سیفٹی کا نظام نہیں ہے جس کی وجہ سے فیکٹری ورکر اپنی جان سے ہاتھ دھو بیٹھتے ہیں ایشیا بورڈ کمپنی میں سیفٹی نہ ہونے کی وجہ سے ایسے حادثات روز کا معمول بنے ہوئے ہیں

جامشورو کے لیبر اہلکار رشوت لے کر خاموش ہو گئے فیکٹری انتظامیہ مزدوروں پر ظلم کر رہی ہے نوجوان عرفان میتلو اپنے والدین کا واحد کمانے والا تھا عرفان شادی شدہ تھا اور اس کا ایک بیٹا ہے۔

سیالکوٹ ،باغی ٹی وی (سٹی رپورٹرشاہدریاض)ضلع بھر میں بجلی چوروں کے خلاف گیپکو کی کاروائیاں جاری
گورنمنٹ آف پاکستان، منسٹری آف پاور اور لوکل انتظامیہ کی مدد سے ٹاسک فورس قائم کی گئی ہے، ایس ای گیپکو عامر محمود

سیالکوٹ میں گزشتہ ایک ہفتے کے دوران ضلع بھر میں 55 لوگوں کو بجلی چوری کرتے ہوئے رنگے ہاتھوں پکڑا گیا ہے،- اب تک 45 لوگوں کے خلاف مقدمات درج ہو چکے ہیں، ایک لاکھ یونٹس جرمانے کی مد میں چارج کیے گئے ہیں، سات لاکھ روپے سے زائد ریکوری کر لی ہے،41 لاکھ روپے ابھی ریکوری کرنا ہے،

ایس ای گیپکو عامر محمود کے مطابق بجلی چوری کی زیادہ وارداتیں چپراڑ، پسرور اور پسرور روڈ پر کنڈا لگا کر ہوئی ہیں، بجلی چوری میں اگر کوئی گیپکو اہلکار ملوث پائے گئے تو سخت ایکشن لیا جائے گا، عوام سے اپیل ہے کہ کسی کے کہنے پر بجلی چوری میں ملوث نا ہوں،

اوچ شریف،باغی ٹی وی (نامہ نگارحبیب خان) ڈرگ مافیا بے لگام،جان بچانے والی بیشتر ادویات بلیک میں فروخت ہونے لگیں
اوچ شریف سے بہاولپور تک جان بچانے والی بیشتر ادوایات ناپید ہوگئیں،بلیک میں وہی ادویات 10 گنا مہنگے داموں فروخت ہونےکا انکشاف ہواہے،
ادوایات ناپید ہونے سے ہزاروں مریضوں کی جان بھی خطرے میں ہے،مرگی کےمریضوں کی دوا ٹیگرال 4 گنا زیادہ قیمت ادا کرنے کے باوجود مارکیٹ میں دستیاب نہیں ہے،شوگرکےمریضوں کی جان بچانےوالی داوانسولین لائف لائن مارکیٹ میں دستیاب نہیں، بیشتر مارکیٹس میں ہیوملن 70/30 بھی دستیاب نہیں ہو رہی۔ دل کے مریضوں کی دوا ہیپارین انجیکشن بھی غائب ہے-

پھیپھڑوں کے کینسر کی ایڈوانس سٹیج میں استعمال ہونے والی دوالوریک مارکیٹ میں ناپید ہو گئی ہے جبکہ، آئی برینس بھی مارکیٹ میں کمیاب ہے۔ کولیسٹرول کنٹرول کرنے والی دوا لیپیگیٹ کی قیمت میں دوا کی قلت کے باعث چالیس روپے کا اضافہ کر دیا گیا ہے۔پیراسیٹامول کا 20 روپے والا 10 گولیوں کاپتا 100 روپے تک بکنے لگا-

شہریوں کا کہنا ہے کہ مہنگی ادویات مہنگائی کے مارے عوام کیساتھ بھیانک مذاق ہے ، غریب کاتو اب یہ عالم ہے کہ نہ وہ جی سکتا ہے اور نہ ہی مر سکتا ہے ،مگر زندہ رہنے کے لئے بیماری کی صورت میں ادویات کی قیمتیں آسمان کو چھو رہی ہیں، جن کو خریدنا عام آدمی کی دسترس سے باہر ہے۔اعلی حکام ذمہ داروں کیخلاف فوری کارروائی کریں

اوچ شریف باغی ٹی وی: (نامہ نگار حبیب خان) قومی شاہراہ پر الکوحل سے بھرا ٹینکر الٹ گیا۔

ریسکیو ذرائع کے مطابق چنیوٹ سے صادق آباد جانے والا الکوحل سے بھرا ٹینکر اوچ شریف کے قریب تیز رفتاری کے باعث الٹ گیا، ٹینکر الٹنے سے 47 ہزار لیٹر الکوحل ضائع ہوگیا۔

ذرائع کے مطابق حادثہ حادثہ سوئی گیس کوٹنگ پلانٹ کے قریب پیش آیا ، آگ سمیت کسی بھی خدشہ کے پیش نظر شاہراہ کو کارڈن آف کردیا گیا ،ریسکیو فائر وہیکل ، فائر بریگیڈ اور ایمبولینسز موقع پر موجود ہیں

اوچ شریف باغی ٹی وی (نامہ نگار حبیب خان) معصوم بچے کے قتل کا مقدمہ درج، مقتول بچے کے والد کی مدعیت میں تین افراد عنصر، یعقوب اور بلال ایف آئی آر میں نامزد، ملزمان نے قتل کے وقوعہ میں ملوث کرنے کو مخالفین کی سازش قرار دے دیا، گرفتار ملزم بلال کی معمر والدہ حیات مائی نے پریس کانفرنس کرتے ہوئے پولیس کو حقائق پر مبنی تفتیش کرتے ہوئے اصل ملزمان کی گرفتاری کا مطالبہ کر دیا،

تفصیل کے مطابق اوچ شریف کے نواحی موضع مانجھی والی کی بستی ثقلین بلوچ میں ہونے والے دس گیارہ ماہ کے معصوم بچے مزمل حسین کے قتل کا مقدمہ درج کر لیا گیا ہے مقتول کے والد مظہر کی مدعیت میں تین افراد محمد عنصر، یعقوب اور بلال ایف آئی آر میں نامزد ملزم قرار دیئے گئے ہیں جنھیں مدعی کی نشاندہی پر پولیس نے وقوعہ کے فوراً بعد حراست میں لے لیا تھا، جبکہ تینوں ملزمان نے اپنے بیان میں قتل کے واقعہ میں ملوث ہونے کے الزام کو مسترد کرتے ہوئے اسے مخالفین کی سازش قرار دیا،

گزشتہ روز ملزم بلال کی معمر والدہ حیات مائی نے صحافیوں کے سامنے ہاتھ جوڑتے ہوئے انصاف کیلئے اپنی آواز پولیس کے اعلی افسران تک پہنچانے کی اپیل کرتے ہوئے کہا کہ اس کا بیٹا بلال جو کہ دل کا مریض ہے اور دیگر گرفتار عنصر اور یعقوب کو زمین کے جھگڑے کی رنجش کا بدلہ لینے کیلئے قتل کے من گھڑت مقدمے میں گرفتار کرا دیا ہے اس قتل سے ان تینوں کا کوئی تعلق نہیں ہے

حیات مائی نے کہا کہ پولیس نے خود جائے وقوعہ کا معائنہ کیا ہے جہاں سے ملنے والے شواہد پولیس کو اصل ملزمان تک رسائی میں ضرور مدد دیں گے بزرگ خاتون نے آئی جی پنجاب، آر پی او اور ڈی پی او بہاول پور سے انصاف کے تقاضے پورے کرتے ہوئے ناحق قتل کے الزام میں ملوث اپنے مریض بیٹے بلال سمیت تینوں الزام علیہان کو رہا کرتے ہوئے معصوم بچے کے قتل کی سازش میں مخالفین کو پھنسانے والوں کو نشان عبرت بنانے کا مطالبہ کیا ہے

قصور،باغی ٹی وی (نامہ نگارطارق نوید) منڈی عثمان والا کے علاقہ میں تہرے قتل کا معاملہ ،پولیس نے بروقت کارروائی کرتے ہوئے واقعہ میں ملوث 2پولیس اہلکاروں سمیت 5 مبینہ ملزمان کو تحویل میں لے لیا

ریت کی ٹرالیاں گزرنے کی وجہ سے راستہ خراب ہونے پر اکرم عرف ٹنڈی اور انسپکٹر طارق بشیر چیمہ گروپ میں لڑائی جھگڑا ہوا، دونوں فریقین میں تو تکرار سے لڑائی جھگڑا شروع ہوا اور بعد ازاں فریقین میں فائرنگ کا تبادلہ ہوا

فائرنگ کے نتیجہ میں اکرم ٹنڈی، مقصودعرف صودا اور عمران موقعہ پر جاں بحق جبکہ انسپکٹر طارق بشیر چیمہ کو جسم کے مختلف حصوں میں فائر لگے،

پولیس نے بروقت کاروائی کرتے ہوئے واقعہ میں ملوث 2 پولیس اہلکاروں کانسٹیبل صدیق اور کانسٹیبل عبدالرحمان سمیت 5 مبینہ ملزمان کو تحویل میں لے لیا ہے،انسپکٹر طارق بشیر چیمہ کو بھی ہسپتال میں پولیس گارڈ تعینات کر کے تحویل میں لے لیا گیا ہے

ہلاک ہونے والے تینوں افراد کی ڈیڈ باڈیز کو پوسٹمارٹم کیلئے ہسپتال منتقل کر دیا گیا ہے، ایس پی انویسٹی گیشن خود سارے واقعہ کی انکوائری کر رہے ہیں، میرٹ پر انصاف کی فراہمی کو یقینی بنایا جائے گا

قصور ،باغی ٹی وی (نامہ نگار طارق نوید سندھو سے )تھانہ منڈی عثمان والا کی حدود میں زمین کے تنازعہ پر فائرنگ تین افراد قتل، دو شدید زخمی،
تفصیلات کے مطابق منڈی عثمان والا کے نواحی سرحدی علاقہ میں زمین کے تنازعہ پر مبینہ فائرنگ کے نتیجہ میں 3 افراد جاں بحق، پنجاب پولیس کے انسپکٹر طارق بشیر چیمہ اور ایک پولیس اہلکار مبینہ زخمی ہوگئے

زخمی افراد کے مطابق پولیس وردی میں ملبوس اہلکاروں اور انسپکٹر طارق بشیر چیمہ پر اکرم ٹونڈا نے مبینہ فائرنگ کی جس پر انسپکٹر طارق بشیر چیمہ کے ساتھ موجود پولیس اہلکاروں نے بھی مبینہ جوابی فائرنگ کی، فائرنگ سے انسپکٹر طارق بشیر چیمہ کے مخالفین اکرم ٹونڈا، مقصود عرف صودا اور عمران موقع پر جاں بحق ہو گئے

انسپکٹر طارق بشیر چیمہ انویسٹیگیشن انچارج جو کہ نصیر آباد لاہور تعینات ہیں طارق بشیر چیمہ کو پیٹ اور ٹانگوں پر فائر لگے جبکہ ایک پولیس اہلکار بھی زخمی حالت میں ہسپتال منتقل کردیا گیا ہے۔

مقامی افراد کا کہنا ہے کہ انسپکٹر طارق بشیر چیمہ کا مقتول پارٹی کے ساتھ عرصہ دراز سے زمین کا تنازعہ چلا آرہا تھا آج دونوں پارٹیاں آمنے سامنے ہوگئیں جس پر کراس فائرنگ سے تین افراد قتل جبکہ دو شدید زخمی ہوگئے۔