Category: جرائم و حادثات

تنگوانی ،باغی ٹی وی( نامہ نگار منصور بلوچ )زمین کاتنازعہ،کزن کے ہاتھوں نوجوان قتل
تنگوانی کے قریب زمین کی پیمائش پر جھگڑا کزن نے کزن کو گولی مارکر قتل کر دیا، گاؤں ہاصو واہ میں کزن بابو بھلکانی نے اپنے کزن شبیر بھلکانی کو پسٹل سے فائرنگ کر کے قتل کر دیا ہے

بتایا گیا ہے کہ زمین کی پیمائش میں آدھے فٹ کی کمی بیشی پر جھگڑا کرنے پر کزن نے کزن کو گولیاں مارکر قتل کر دیا، پولیس نے قاتل کو گرفتار کر لیا ہے،جبکہ ابھی تک اس واقعے کی ایف آئی آر درج نہیں کی گئی ہے

ميرپورماتھيلو،باغی ٹی وی ( مشتاق علي لغاري)شہید صحافی جان محمد مہر کے قاتلوں کی عدم گرفتاری،صحافیوں سے ناانصافیوں کے خلاف احتجاج
سندھ صحافی اتحاد کے مرکزی قیادت کی کال پر پوری سندھ کی طرح رونتی میڈیا سینٹر پر بھی شہید جان محمد مھر کے قاتلوں کی گرفتاری اور صحافیوں کے ساتھ ہونے والی ناانصافیوں کے خلاف احتجاج کیا اور سخت ناری بازی کی گئی

احتجاج رونتی میڈیا سینٹر کے صدر علی گوہر مہر جنرل سیکرٹری غلام رسول رند کی سربراہی میں کیا گیا ہے ،احتجاج میں یوسی رونتی کے وائس چیئرمین محمد اسلم ملک اور جی یو آئی کے رہنما محمد عالم کوش اور سیاسی سماجی اور شہریوں نے بڑی تعداد میں شرکت کی

مزید مظاہرین کا کہنا تھا کہ صحافی جان محمد کے قاتلوں کو اگر جلد سے جلد گرفتار نہ کیا گیا تو احتجاج کا دائرہ وسیع کیا جائے گا

ننکانہ صاحب باغی ٹی وی( نامہ نگار احسان اللہ ایاز )ڈپٹی ایڈمنسٹریٹر کی مبینہ پشت پناہی،اوقاف کی اربوں روپے کی اراضی پر قبضے جاری
ننکانہ صاحب میں ڈپٹی ایڈمنسٹریٹرمحکمہ اوقاف کی مبینہ پشت پناہی اوقاف کی اربوں روپے کی زمین پر قبضے جاری ہیں محکمہ اوقاف کا عملہ قبضہ مافیا سے مل کر محکمے کی اربوں روپے کی قیمتی زمین معمولی رشوت لے کر قبضہ کروانے میں مصروف ، حکومتی خزانے کو اربوں روپے کا نقصان

تفصیلات کے مطابق متروکہ وقف املاک بورڈ کی ننکانہ صاحب میں موجود سات سو مربع زرعی زمین پر محکمہ اوقاف کے عملہ نے ملی بھگت سے تعمیرات کروا کر قبضے کروانے شروع کر دئیے ہیں مانگٹانوالہ روڈ، بچیکی بائی پاس،مانانوالہ روڈ،شاہکوٹ روڈ ، کرمانوالہ کوٹ، مدینہ ٹاؤن سمیت شہر میں موجود اربوں روپے کی قیمتی زمین پر قبضہ مافیا دھڑلے سے سرعام تعمیرات کرنے میں مصروف ہے

محکمہ اوقاف کا عملہ مبینہ طور پر کروڑوں روپے رشوت لے کر خاموش تماشائی بن چکا ہے شہری حلقوں نے چئیرمین متروکہ وقف املاک بورڈ ڈاکٹر عطا الرحمن سے نوٹس لے کر محکہ کی قیمتی زمین کو قبضہ گروپوں سے واگذار کروانےاورقبضہ کروانے میں ملوث اہلکاروں کے خلاف سخت محکمانہ کارروائی کا مطالبہ کیا ہے

اس بابت جب ڈپٹی ایڈمنسٹریٹر ننکانہ فضل الرحمان بٹ سےان کامؤقف لینے کیلئے رابطہ کیا گیا تو ان کا کہنا تھا کہ افسران کی پالیسی کے مطابق چلوں گا اگر افسران نے کہا کہ قبضہ کروانا ہے تو کرواؤں گا اور اگر کہا کہ رکوانا ہے تو رکوانے کی کوشش کروں گا

سیالکوٹ،باغی ٹی وی (سٹی رپورٹرشاہدریاض) گورنمنٹ آف پاکستان کی ہدایت پر ایم ڈی سوئی نادران گیس مسٹر عامر طفیل کے حکم پر سیالکوٹ ریجنل مینجر سہیل اکرم کی زیر نگرانی گیس چوری اور کمپریسر استعمال کرنے والوں کےخلاف کاروائی کرتے ہوئے 120 گیس کنکشن منقطع کر دیے گے ہیں

سیالکوٹ سوئی نادران گیس کی ٹیم نےمختلف علاقوں میں کاروائی کرتے ہوئے120 گیس کنکشن منقطع کر دیے ہیں جن علاقوں میں کاروائی کی گئی ان میں میانہ پورہ،ہینٹر پورہ اراضی یعقوب کرسچن ٹاؤن مراد پورشامل ہیں

ریجنل مینیجر سہیل اکرم کا کہنا ہےکہ گیس چوری کرنےاورکمپریسر استمال کرنے والوں کے کمپریسر قبضہ میں لے کران کے خلاف مزید قانونی کاروائی عمل میں لائی جارہی ہے جبکہ ربڑ پائپ استعمال کرنے پر بھی ڈسکہ سے 12 کنکشن منقطہ کر دیے ہیں گھریلو میٹر سے کمرشل استعمال پر جامکےچیمہ ڈسکہ رنگ پورہ نیکاپورہ محلہ منڈی سمریال بڑتھ بوتھ اور مراد پور سیالکوٹ سے کنکشز منقطہ کر کے قانونی کاروائی عمل میں لائی گئی ہے

کوٹ مبارک،باغی ٹی وی (نامہ نگارامداداللہ تھہیم ) تھانہ کوٹ مبارک کی حدود میں معذور شخص سے ڈکیتی کی واردات

تھانہ کوٹ کی حدود تونسہ روڈ نزد بائی پاس روڈ پر دن دیہاڑے ڈکیتی کی وردات ہوئی ہے ،اس ڈکیتی کی واردات میں معذور شخص محمد رفیق سے40 ہزار نقد اور دو عدد موبائل مالیت 1 لاکھ 20 ہزار چھین کر فرار ہوگئے ،

جس معذور سے نقدی اور موبائل چھینے گئے محمد رفیق بچارہ دونوں ٹانگوں سے معذور ہے اور اپنے تین پیوں والے موٹر سائیکل پر گھر جا رہا تھا

چنیوٹ،باغی ٹی وی (نامہ نگار ڈاکٹر طاہر سیال سے )پرائس کنٹرول مجسٹریٹس گرانفروشوں کے خلاف کاروائیوں کو مزید تیز کریں، روزانہ کی بنیاد پر مارکیٹوں،بازاروں کے وزٹ کریں اور دکانوں پر سرکاری ریٹ لسٹوں کی دستیابی اور قیمتوں پر عملدارآمد کو یقینی بنائیں،وائلیشن کرنے والے دکانداروں کو بھاری جرمانے کریں،انکے خلاف ایف آئی آر درج کروا ئیں، عوام کو لوٹنے والے گرانفروش کسی رعایت کے مستحق نہیں، یہ ہدایات ایڈیشنل ڈپٹی کمشنر ریونیو الطاف حسین انصاری نے ڈسٹرکٹ پرائس کنٹرول مجسٹریٹ کی کارکردگی کے جائزہ اجلاس کی صدارت کرتے ہوئے جاری کیں،

اجلاس میں متعلقہ محکموں کے علاوہ دیگر پرائس کنٹرول مجسٹریٹس موجود تھے،ایس این اے نے تحصیل وائز پرائس کنٹرول مجسٹریٹس کی کارکردگی کے حوالے سے بریفنگ دی، ایڈیشنل ڈپٹی کمشنر ریونیو الطاف حسین انصاری نے تمام پرائس کنٹرول مجسٹریٹس کو اپنی کارکردگی کو مزید بہتر بنانے کی ہدایت کرتے ہوئے کہا کہ روزانہ کی بنیاد پر وزٹ کریں اس سلسلہ میں غفلت ہر گز برداشت نہیں کی جائے گی۔

تنگوانی، باغی ٹی وی (نامہ نگار منصور بلوچ)سکھر کے شہید صحافی جان محمد مہرکے قاتلوں کی عدم گرفتاری پر احتجاجی مظاہرہ کیا گیا
تنگوانی میں جے یو آئی ، شہری اتحاد اور صحافیوں نے سکھر کے صحافی جان محمد مہر کے قتل اور قاتلوں کی عدم گرفتاری پر احتجاجی مظاہرہ کیا گیا

احتجاجی ریلی ماشاءاللہ سینٹر سے وین اسٹینڈ تک نکالی گئی، ریلی میں شرکاء نے اصل قاتلوں کی گرفتاری اور قتل کے خلاف نعرے بازی کی گئی ہے
ریلی میں شریک رہنماؤں میں حافظ کفایت اللہ کھوسہ، رب نواز ملک اور صحافی عطا الرحمن ملک ہادی بخش بھلکانی لطف سندھی ودیگر شامل تھے

میرپورخاص،باغی ٹی وی( نامہ نگار سید شاہزیب شاہ کی رپورٹ )بجلی چوری کی روک تھام اور بقایاجات کی وصولی کو یقینی بنانے کے لیے یومیہ اور ہفتہ وار رپورٹ کمشنر آفس میں جمع کرائی جائے . ڈویژنل کمشنر میرپورخاص فیصل احمد عقیلی
تفصیلات کے مطابق بجلی چوری کی روک تھام اور بقایاجات کی وصولی کے لئے ڈویژنل کمشنر میرپورخاص ڈویژن و چئیرمین ڈویژنل انفورسمینٹ کمیٹی فیصل احمد عقیلی نے کمشنر کانفرنس ہال میں بجلی چوری کی روک تھام اور بقایاجات کی وصول کو یقینی بنانے کے سلسلے میں ڈویژن بھر میں بہتر حکمت عملی بنانے کے سلسلے میں اجلاس کی صدارت کی ،

اجلاس میں ایڈیشنل کمشنر ون ڈاکٹر علی نواز بھوت، ایڈیشنل کمشنر ٹو سونو خان چانڈیو ، ڈپٹی کمشنر میرپورخاص ڈاکٹر رشید مسعود خان ، ڈپٹی کمشنر تھرپارکر عبدالحلیم جاگیرانی ایس ایس پی میرپورخاص عادل میمن، ایس ایس پی عمرکوٹ عبدالخالق، ایس ایس پی تھرپارکر علی مردان کھوسو ، سپرنٹنڈنٹ انجنئیر حیسکو منظور علی مگسی ، ایس ڈی او ، ڈائریکٹر اطلاعات میرپورخاص غلام رضا کھوسو اور دیگر افسران نے شرکت کی . اجلاس میں فیصلہ کیا گیا کہ حیسکو اختیارات کے مطابق بجلی چوری کی روک تھام کے حوالے سے بجلی چوری کی روک تھام اور بقایاجات کی وصولی مہم کو جاری رکھا جائے گا اس ضمن میں کمشنر آفس میں اور میرپورخاص ڈویژن کے ہر ضلع میں بھی کنٹرول روم قائم کئے جائیں گے اسی طرح تمام اضلاع میں ڈسٹرکٹ انفورسمینٹ کمیٹیاں تشکیل دے کر بجلی چوری کے روک تھام اور بقایاجات کی وصولی مہم کی کاروائیاں کرنے اور درپیش مسائل کو حل کیا جائے گا .

ڈویژنل کمشنر میرپورخاص فیصل احمد عقیلی نے حیسکو افسران کو ہدایت کی کہ وہ بجلی چوری کی روک تھام اور بقایاجات کی وصولی کے لئے عوام کی بہتر مفاد کے لئے تشہیری مہم چلائیں اور ہدایت کی کہ بجلی چوری میں ملوث جو کوئی بھی ہو ان کے خلاف کارروائی کی جائے . اور کہا کہ اس ضمن میں یومیہ اور ہفتہ وار رپورٹ کمشنر آفس میرپورخاص میں ارسال کی جائے . اس موقع پر سپرنٹنڈنٹ انجنئیر حیسکو میرپورخاص ریجن منظور علی مگسی نے بتایا کہ 7ستمبر سے 9ستمبر تک بجلی چوری کی روک تھام اور بقایاجات کی وصولی کے سلسلے میں کی گئی کارروائی کے دوران میرپورخاص ریجن میں ٹوٹل 54 ایف آئی آر کی درخواستیں بھیجی گئی جس میں 30 میرپورخاص ، 19ڈگری اور 5 عمرکوٹ کے شامل ہیں جس میں سے 26 بجلی چوری میں ملوث افراد کے خلاف ایف آئی آر درج ہو سکیں جس میں میرپورخاص کے 10، ڈگری کے 11اور عمرکوٹ میں 5 ایف آئی آر درج کی گئیں جبکہ 28ایف آئی آر پر عمل جاری ہے.

چنیوٹ،باغی ٹی وی (نامہ نگار ڈاکٹر طاہر سیال کی رپورٹ )اسسٹنٹ ڈائریکٹر زراعت کی غلہ منڈی میں کھاد اور جعلی زرعی ادویات فروخت کرنے والے ڈیلر کے خلاف کارروائی۔ لاکھوں روپے مالیت کی جعلی کھاد اور زرعی ادویات برآمد

اسسٹنٹ ڈائریکٹر ایگریکلچر امجد گورسی نے غلہ منڈی میں کارروائی کرتے ہوۓ لاکھوں روپے مالیت کی جعلی کھاد اور زرعی ادویات برآمد کر لیں اس موقع پرمدثر علی نامی شخص جو جعلی کھاد اور زرعی ادویات کی فروخت میں ملوث تھا اس کو گرفتار کر کے تھانہ سٹی پولیس کے حوالے کر دیاگیا

اسسٹنٹ ڈائریکٹر ایگریکلچر امجد علی گورسی کا کہنا تھا کہ یہ کارروائی خفیہ اطلاع پر کی گئی ہے یہ لوگ کسانوں کو لوٹ رہے ہیں جعلی ادویات اور کھاد کی وجہ سے کسانوں کی فصلیں تباہ ہو رہیں ہیں

انہوں نے مزید کہا کہ اس آپریشن کے دوران پکڑی گئی کھاد اور ادویات کی مالیت 35 لاکھ روپے کے قریب ہے