سیالکوٹ باغی ٹی وی (سٹی رپورٹر شاہد ریاض)ملاوٹی مرچیں اور مصالحہ جات تیار کرنے فیکٹری سیل
سیالکوٹ کے علاقوں حاجی پورہ ۔امام صاحب اور ستراہ میں پنجاب فوڈ اتھارٹی کی ٹیم نے ملاوٹی مرچیں اور مصالحہ جات تیار کرنے والوں کے خلاف کارروائی کرتے ہوئے دو یونٹس سیل کر دیئے ہیں
دونوں یونٹس سے برآمد ہونے والی ملاوٹی مرچوں کو تلف کر دیا گیا ہے ،پنجاب فوڈ اتھارٹی کی ٹیم نے موقع پر ٹیسٹ کئے جو فیل ہونے کے بعد کارروائی عمل میں لائی گئی۔
کوئٹہ،باغی ٹی وی (نامہ نگار زبیر خان آکاخیل)تھانہ نیو سریاب کی سنیچرز کے خلاف بڑے پیمانے پر کارروائی،24 گھنٹے کے اندر ڈکیتی شدہ چاولوں سے لوڈ ٹرک برآمد،3 ملزم گرفتار
مورخہ 08/09/2023 کی رات 4 نامعلوم الاسم ملزمان نے اسلحہ کے زور پر چاول سے لوڈ ٹرک جس میں چاولوں کی مالیت ایک کروڑ روپے بنتی ہے،چھین کر لے گئے تھے، ڈرائیور کو باند کر ندا محمد کلی میں چھوڑا تھا جس پر تھانہ نیو سریاب میں مقدمہ 129/23بجرم 392 ت پ درج رجسٹر ہوا
ڈی آئی جی کوئٹہ عبدالحئ عامر بلوچ کی ہدایات پر ایس ایس پی اپریشن کوئٹہ زوہیب محسن ، زیر سرپرستی ایسپی سریاب ضیاءمندوخیل، زیرنگرانی ایس ڈی پی او شالکوٹ سرکل عبداللہ عمران چیمہ ، IP/SHO عبدالقادر قمبرانی معہ دیگر عملہ نے کارروائی کر تے ہوۓ 24 گھنٹوں کے اندر ٹرک بمعہ چاول کے 1400 پارسل برآمد کرکے 3 ملزمان گرفتار کیئے جن کو بغرض مزید تفتیش حوالے SCIW ٹیم کیا گیا۔
اس کارروائی پر مرکزی انجمن تاجران و دکانداران بلوچستان (رجسٹرڈ) سریاب زون صدر میر بشیر احمد بنگلزئی،جنرل سیکرٹری میر محمد اللہ جان سمالانی،سینئر نائب صدر میر رحیم خان جتک و دیگر نے کوئٹہ پولیس کے اس اہم اقدام کوسراہتے ہوئے کہاں کہ پولیس کی ہمیشہ چوروں،منشیات فروشوں اورڈکیتوں کے خلاف یہ کوشش رہی ہے کہ کہ وہ پولیس سے بچ نہ پائے اور انہوں نے کہاں کہ امن او امان قائم کرنے کیلئے عوام پولیس سے تعاون کرے
انجمن تاجران علاقے میں بہتری لانے کے لیئے ہمیشہ حکومت اور انتظامیہ سے تعاون کیا ہے اور مزید کوششیں کرینگے کہ کوئیٹہ اور سریاب میں امن ہو اور لوگ سکون سے زندگی بسر کریں
برطانیہ میں سارہ شریف کو قتل کر کے پاکستان بھاگ کر آنے والے میاں بیوی ابھی تک گرفتار نہیں ہو سکے، جہلم پولیس بھرپور کاروائیاں کر رہی ہے تا ہم ملزمان روپوش ہیں، ملزم عرفان کے اہلخانہ مقامی سیاستدان سے رابطے کر ہے ہیں تا کہ مفرور افراد خود کو پولیس کے حوالے کریں، پولیس کی جانب سے ملزمان کے رشتے داروں کو بھی دھمکیاں دی جا رہی ہیں،
برطانیہ میں مبینہ طور پر قتل ہونے والی سارہ شریف کے کیس میں پولیس نے مبینہ ملزم عرفان شریف کے 5 بچوں کو تحویل میں لے لیا ہے ،جہلم میں ڈی پی او ناصر محمود باجوہ نے پریس کانفرنس کرتے ہوئے کہا کہ 10 سالہ سارہ شریف قتل کیس میں کارروائی کرتے ہوئے گھراور دکان کے تالے توڑ کر مبینہ ملزم عرفان شریف کے 5 بچوں کو تحویل میں لیا گیا، تحویل میں لیے جانے والے پانچوں بچوں کو ڈی پی او کے ریٹرنگ روم میں رکھا گیا ہے بچوں کو سیف کسٹڈی کے تحت دادا کو دیا جائے گا
ڈی پی او جہلم کا کہنا ہے کہبچوں کو تحویل میں لینے کیلئے انٹرپول نے ییلو وارنٹ جاری کیے تھے ملزمان کی تلاش جاری ہے جلد 3 مطلوب افراد کو گرفتار کر لیں گے آئی جی کے احکامات ہیں کہ بچوں کو میڈیا کے سامنے پیش نہ کیا جائے
خیال رہے کہ 10 سالہ سارہ کی لاش 10 اگست کو برطانوی کاؤنٹی سرے کے ایک مکان سے ملی تھی لاش ملنے سے ایک دن پہلے والد عرفان اس کی بیوی بینش اور بھائی فیصل پاکستان آ گئے تھے ،عرفان نے پاکستان سے برطانیہ کی ایمرجنسی ہیلپ لائن فون کرکے سارہ کی موت کی اطلاع دی
جہلم کے علاقہ کڑی جنجیل سے تعلق رکھنے والے ملزم ملک عرفان نے 2009 میں برطانیہ میں پولش خاتون اوگلا سے شادی کی جس سے ایک بیٹی اور بیٹے کی پیدائش ہوئی سال 2017 میں عرفان نے اوگلا کو طلاق دے دی طلاق کے بعد دونوں بچوں کو والد کی تحویل میں دے دیا گیا ،ملک عرفان اپنی دوسری بیوی بینش بتول اور بچوں کے ساتھ سرے کے علاقہ میں شفٹ ہوا جہاں 10گست 2023 کو بچی کے قتل کا واقعہ پیش آیا، بچی کی موت کے دوسرے دن ہی ملک عرفان برطانیہ چھوڑ کر فیملی کے ہمراہ جہلم پہنچا اور کہیں روپوش ہوگیا ایف آئی اے حکام نے مقامی پولیس کی مدد سے ملک عرفان کی تلاش شروع کر رکھی ہے۔
عرفان اپنی اہلیہ اور چار بچوں کے ساتھ آبائی علاقے میں پہنچے تھے تاہم اب وہ اپنی مقامی رہائش گاہ سے بھی غائب ہیں عرفان کے بھائی عمران نے برطانوی اخبار کو بتایا کہ اوگلا سے شادی کے بعد عرفان کا خاندان سے رابطہ ختم ہو چکا تھا۔ جب وہ جہلم آیا تو وہ اپنے بچوں کے بغیر ہی خاندان کے لوگوں سے ملنے آیا لیکن اس کے بعد سے اس کا کچھ پتہ نہیں عمران کا کہنا تھا کہ ہوسکتا ہے کہ عرفان اور باقی گھر والے میرپور آزاد کشمیر چلے گئے ہوں جہاں بینش کے والدین رہتے ہیں
نگران وزیر اعظم انوار الحق کاکڑ نے جڑانوالہ واقعہ کا نوٹس لیا ہے
توہین رسالت کی مجرمہ خاتون کو سزائے موت سنا دی گئی
پابندی کے بعد مذہبی جماعت کیخلاف سپریم کورٹ میں کب ہو گا ریفرنس دائر؟
اے این ایف کا منشیات اسمگلنگ کے خلاف کریک ڈاؤن جاری ہے
5 کارروائیوں کے دوران 134 کلوگرام سے زائد منشیات برآمد کرتے ہوئے 10 ملزمان گرفتار کر لئے، کوٹ عبدالمالک انٹرچینج ملتان کے قریب کار سے بھاری مقدار میں منشیات برآمد کر لی گئی،دوران تلاشی گاڑی سے72 کلو چرس، 48 کلو افیون، ، 3 کلو آئس اور 1 کلوگرام ہیروئن برآمد ہوئی۔کار سوار پشاور کے رہائشی دونوں ملزمان کو گرفتار کر لیا گیا۔لاہور میں رینجرز کے ساتھ مشترکہ کارروائی میں 4 ملزمان گرفتارکر لئے،ملزمان کے قبضے سے 4 کلو 650 گرام ہیروئن برآمد ہوئی۔
نیازی بس سٹاپ لاہور کے قریب خانیوال کے رہائشی ملزم سے 2.4 کلو چرس اور 1.2 کلو افیون برآمد کر لی گئی،ملتان میں دوران کارروائی مسافر بس میں سوار ملزم سے 1 کلوگرام آئس برآمد کی گئی،چاغی کا رہائشی ملزم منشیات کوئٹہ سے ملتان اسمگل کر رہا تھا۔ڈی جی خان میں کارروائی کے دوران گاڑی سے 1 کلوگرام آئس برآمد کی گئی، دوران کارروائی قلعہ عبداللہ اور پشاور کے رہائشی 2 ملزمان گرفتارکر لئے گئے،گرفتار ملزمان کے خلاف انسدادِ منشیات ایکٹ کے تحت مقدمات درج کر کے مزید تحقیقات کا آغاز کر دیا گیا ہے۔
نور مقدم کیس میں سیشن کورٹ کا فیصلہ خوش آئند ہے ،اسلامی نظریاتی کونسل
مبارک ہو، نور مقدم کی روح کو سکون مل گیا، مبشر لقمان جذباتی ہو گئے
انسانیت کے ضمیرپرلگے زخم شاید کبھی مندمل نہ ہوں،مریم نواز
دوسری جانب پنجاب کے صوبائی دارالحکومت لاہور میں نجی بس اڈا۔سکیم موڑ۔فرنیچر مارکیٹ سے 3 منشیات فروش گرفتار کر لئے گئے،نواں کوٹ پولیس نے مختلف کارروائیوں کے دوران ریکارڈ یافتہ 3 منشیات فروش کبیر۔آصف۔شرافت کو گرفتارکر لیا، ملزمان بس اڈا جات ،تعلیمی اداروں ،ہوٹلز ،ہاسٹلز ،تفریحی مقامات کے اطراف منشیات فروخت کرتے تھے ملزمان کے قبضہ سے مجموعی طور پر 3 کلو 660 گرام چرس برآمد کر لی گئی، منشیات فروش کبیر’آصف’شرافت سے بالترتیب 1560,1060,1040 گرام چرس برآمد ہوئی، ملزمان کے خلاف مقدمات درج کر لئے گئے،
سیالکوٹ باغی ٹی وی(سٹی رپورٹر شاہد ریاض)گرانفروشوں کیخلاف ایکشن،28 گرفتار،228 کولاکھوں روپے جرمانے
ڈپٹی کمشنر سیالکوٹ عدنان محمود اعوان کی ہدایت پر ضلع سیالکوٹ میں تعینات 42 اسپیشل پرائس مجسٹریٹس نے اپنی حدود میں گزشتہ 10روز کے دوران 13 ہزار 328 پرائس انسپکشنز کیں اور گراں فروشی، ذخیرہ اندوزی،ملاوٹ کرنے اور ریٹ لسٹ آویزاں نہ کرنے کی پاداش میں 28افراد کو گرفتارکیا اور پرائس ایکٹ کے تحت پانچ مقدمات درج کروائے
228 دکانداروں کو مجموعی طور پر 7لاکھ 78ہزار 500روپے جرمانہ عائد کیا گیا۔ یہ بات سیکرٹری ضلعی پرائس کنٹرول کمیٹی سیالکوٹ راشد بتول نے بتایا کہ عوام الناس کو مقررہ داموں پراشیائے خورد و نوش کی فراہمی کو یقینی بنانے کیلئے تمام پرائس مجسٹریٹس کو متحرک ہونے کی ہدایت کی گئی ہے۔
انہوں نے کہا ماہ ستمبر میں اب تک کی گئی انسپکشن کے دوران 967 دکانداروں کو لاسٹ وارننگ جاری کی گئی جبکہ 13دکانوں اور گوداموں کو سربمہر کیا گیا۔ 216 دکاندار مقررہ نرخوں سے زیادہ وصول کرنے، 2ذخیرہ اندوزی، 91ملاوٹ کرنے اور 87 نرخ نامہ آویزاں نہ کرنے پرائس ایکٹ کی خلاف ورزی کے مرتکب ٹھہرے۔
گوجرہ، باغی ٹی وی (نامہ نگار عبدالرحمن جٹ سے)تیز رفتارموٹرسائیکل سوار بجلی کے کھمبے سے ٹکرا کر ہلاک
گوجرہ کے نواح میں موٹر سائیکل سوار راہ چلتے نوجوان سے ٹکرانے کے بعد بجلی کے پول سے ٹکرا کر جاں بحق ہوگیا معلوم ہوا ہے کہ مونگی بنگلہ کے نوا حی چک 160 گ ب کالیکی کاموٹر سائیکل سوار نوجوان عثمان ارشد مو روڈ پر راہگیر کے ساتھ ٹکرانے کے بعد بجلی کے پول سے ٹکرا گیا۔
موٹر سائیکل سوار نوجوان اور راہگیر شدید ہوگئے جنہیں فوری طور پر سول ہسپتال گوجرہ منتقل کر دیا۔ زخموں کی تاب نہ لاتے ہوئے موٹر سائیکل سوار زندگی کی بازی ہار گیا
جبکہ راہگیر عبداللہ ظفر کو تشویشناک حالت کے پیش نظر الائیڈ ہسپتال فیصل آباد منتقل کردیا گیا ہے جس کی حالت تشویشناک بتائی جاتی ہے متوفی عثمان ارشدکی نعش کو ضروری کارروائی کے بعد ورثاء کے حوالے دیا گیا ہے۔
لیبیا: سمندری طوفان سے تباہی، سیکڑوں افراد جاں بحق ہوگئے
لیبیا میں بحیرہ روم سے آنے والے سمندری طوفان کے نتیجے میں کم از کم دو ہزار افراد جاں بحق اور ہزاروں لاپتہ ہوگئے ہیں، لیبیا کے وزیر داخلہ عصام ابوزریبہ کے مطابق ملک کے شمال مشرقی ساحلی علاقوں سے ٹکرانے والے ڈنیال سمندری طوفان نے بڑی تباہی مچادی۔
خیال رہے کہ عصام ابوزریبہ کے مطابق طوفان سے پیدا ہونے والی سیلابی صورت حال سے ہلاکتوں کی تعداد دو ہزار سے تجاوز کرگئی ہے جب کہ ہزاروں دیگر افراد سیلابی ریلوں میں بہہ کر سمندر میں لاپتہ ہوگئے، جن کے بارے میں سمندری پانی میں ڈب جانےکا خدشہ ظاہر کیا جا رہا ہے۔
مزید یہ بھی پڑھیں
پی آئی اے کا مالی بحران سنگین ہوگیا
ایشیا کپ سپر فور، پاکستان 44 رنز پر 2 کھلاڑی آوٹ، بارش کی وجہ سے میچ روک دیا گیا
تسلسل رہتا تو پاکستان جی 20 میں شامل ہوچکا ہوتا. نواز شریف
وزیر داخلہ نے بتایا ہےکہ سمندری طوفان کی تباہ کاریوں کے باعث حکومت نے بین الاقوامی اور مقامی ایجنسیوں سے فوری امداد کی اپیل کی ہے، سمندری طوفان کے باعث لیبیا کے شمال مشرقی ساحلی علاقوں میں کرفیو نافذ کردیا گیا ہے اور ساتھ ہی تعلیمی اداروں میں سرگرمیاں غیر معینہ مدت کے لیے معطل کردی گئی ہیں۔
غیر ملکی موبائل فون کمپنی کے گیس چوری میں ملوث ہونے کا انکشاف سامنے آیا ہے اور صوبائی دارلحکومت لاہور میں اطلاع ملنے کے بعد سوئی ناردرن کی جانب سے کاروائی کی گئی، موبائل کمپنی گیس کی چوری 200 فٹ پائپ کے ذریعے کر رہی تھی۔ ترجمان سوئی ناردرن کے مطابق غیر ملکی موبائل فون کمپنی کرک میں موبائل فون ٹاورکےجنریٹرچوری شدہ گیس سےچلا رہی تھی اور کمپنی مین گیس لائن سےبراہ راست گیس چوری کر رہی تھی۔
سوئی ناردرن نے غیر قانونی کنکشن منقطع کرکے جنریٹر اور پائپ ضبط کرلیا اور کمپنی کے خلاف ایف آئی آر درج کروا دی۔خیال رہے کہ موبائل فون ٹاور غیر ملکی موبائل کمپنی کا تھا۔ یاد رہے کہ سوئی ناردرن گیس کے مینجنگ ڈائریکٹر عامر طفیل نے اپنے ایک بیان میں کہا ہے کہ وفاقی حکومت کی خصوصی ہدایات پر گیس چوروں کے خلاف کارروائیوں کو تیز کرتے ہوئے کریک ڈاؤن کا آغاز کیا گیا ہے۔
مزید یہ بھی پڑھیں
پی آئی اے کا مالی بحران سنگین ہوگیا
ایشیا کپ سپر فور، پاکستان 44 رنز پر 2 کھلاڑی آوٹ، بارش کی وجہ سے میچ روک دیا گیا
تسلسل رہتا تو پاکستان جی 20 میں شامل ہوچکا ہوتا. نواز شریف
انہوں نے بتایا کہ گزشتہ تین برسوں میں سوئی ناردرن نے گیس چوری پر 813 ایف آئی آرز درج کروانے کے علاوہ گیس چوری کی سوا تین لاکھ سے زائد وارداتیں پکڑی ہیں، ایم ڈی سوئی ناردرن نے بتایا کہ گیس چوری میں ملوث ان افراد سے اب تک تقریباً ڈھائی ارب روپے ریکور کیے جاچکے ہیں، ان کا کہنا تھا کہ سوئی ناردرن نے گزشتہ چار برسوں میں گیس خسارے پرقابو پانے میں بڑی کامیابیاں حاصل کی ہیں۔
اسلام آباد پولیس اورغیر ملکی شہریوں کے درمیان جھگڑے کی ویڈیو سامنے آگئی، ویڈیو میں غیر ملکی شہریوں کو وفاقی پولیس اہلکاروں پر تشدد کرتے دیکھا جا سکتا ہے، ترجمان پولیس کے مطابق ویڈیو اسلام آباد کے صدر زون کی ہے، واقع تقریبا ایک ہفتہ پرانا ہے جبکہ پولیس کے مطابق لڑنے والے غیر ملکی نائجیرین ہیں جو ڈرگ اسمگلر ہیں۔
اسلام آباد پولیس اور نائجیریا کے غیر ملکی شہریوں کے درمیان جھگڑا ،پولیس کا کہنا ہے کہ یہ غیر ملکی منشیات فروش ہیں، جنہیں گرفتار کر کے مقدمہ درج کر لیا گیا ہے #Police #ACTC #Action #criminale #crime pic.twitter.com/kuahbErKHi
— Javed Baloch (@javedbalochpk) September 11, 2023
ترجمان پولیس کا کہنا ہے کہ واقعہ میں ملوث ملزمان کو گرفتارکرکے مقدمہ درج کرلیا گیا تھا اور پولیس اس بارے میں قانونی کاروائی پوری کرے اور آئین کے مطابق ملزمان سے نمٹے گی جبکہ ذرائع نے بتایا یہ غیر ملکی نائیجیرین تھے اور انہوں نے روڈ کو بھی بند کردیا تھا اور پولیس کے ساتھ لڑنا شروع ہوگئے.
مزید یہ بھی پڑھیں
پی آئی اے کا مالی بحران سنگین ہوگیا
ایشیا کپ سپر فور، پاکستان 44 رنز پر 2 کھلاڑی آوٹ، بارش کی وجہ سے میچ روک دیا گیا
تسلسل رہتا تو پاکستان جی 20 میں شامل ہوچکا ہوتا. نواز شریف
جبکہ نائجیرین کا کہنا تھا کہ یہ ہم پر جھوٹا الزام لگایا جارہا ہے اور اگر پولیس کے پاس کوئی ثبوت ہے تو ہمارے سامنے لائے لیکن ہمیں تنگ نہ کرے کیونکہ ہم سیاہ ہیں خیال رہے کہ پاکستان میں پہلے بھی غیر ملکی انوسٹر کو پولیس تنگ کرچکی ہے جس کے باعث وہ اہنا سارا مال چھوڑ کر نکل گئے ہیں.
ننکانہ صاحب باغی ٹی وی (نامہ نگار احسان اللہ ایاز)ڈی ایچ کیو ہسپتال انتظامیہ کی ناہلی لاپرواہی اور غفلت کے باعث ادویات نایاب ینگ ڈاکٹر ایسوی ایشن کا شدید احتجاج وزیر اعلی پنجاب سے غفلت کے مرتکب ملازمین اور افسران کے خلاف محکمانہ شفاف انکواٸری کا مطالبہ,انتظامیہ کی نااہلی چھپانے کی کوشش کی گئی تو شدید احتجاج کیا جاۓ گا,مریضوں کے حقوق کے لیے ہر حد تک جائیں گے,
تفصیلات کے مطابق ڈسٹرکٹ ہیڈ کوارٹر ہسپتال ننکانہ صاحب انتظامیہ کی ہٹ دھرمی ،غفلت،لاپرواہی اور نااہلی کے باعث اپریشن تھیڑ سمیت او پی ڈی سے بھی ادویات نایاب ہوچکی ہیں جس کے باعث ڈاکٹرز اور مریضوں کو شدیدمشکلات کا سامنا کرنا پڑ رہا ہے ،
گزشتہ روز ینگ ڈاکٹرز ایسوسی ایشن ضلع ننکانہ صاحب کی ضلعی قیادت نے صدر ڈاکٹر خواجہ جنید کی قیادت میں ایم ایس ڈی ایچ کیو ہسپتال ڈاکٹر افضال احمد سندھیلہ سے ملاقات کی جس میں سنیئر ڈاکٹر راحیل احمد ,ڈاکٹر عدنان اقبال گجر سمیت دیگر ڈاکٹرز بھی موجود تھے اس موقع پر ایم ایس سے گفتگو کرتے ہوۓ انہوں نے بتایا کہ ضلع کے سب سے بڑے ہسپتال ڈی ایچ کیو میں انتظامیہ اور حکومت کی نااہلی کی وجہ سے آپریشن تھیٹر ، ایمرجنسی میں تمام قسم کی ادویات نایاب اور او پی ڈی میں قلت ہو چکی ہے، فی الفور اس نااہلی کا فوری نوٹس لیں اور ایک اعلٰی درجے کی انکوائری کمیٹی بناکر اِس معاملے کی شفاف تحقیقات کرائی جائیں اور ذمہ داران کو کٹہرے میں لایا جائے –
ینگ ڈاکٹرز ایسوسی ایشن کی ضلعی قیادت کا کہنا تھا کہ صبر کا پیمانہ لبریز ہوچکا ہے اس انتظامی نااہلی کو چھُپانے یا پردہ ڈالنے سے پہلے یاد رکھا جائے کہ ہمیں جِس حد تک احتجاج کرنا پڑا ہم کریں گے اور مریضوں کو ان کا حق لے کر دیں گے ,وائی ڈی اے ننکانہ اس ظلم کے خلاف جلد صوبہ بھر اور ضلع ننکانہ میں احتجاج کا آئندہ کا لائحہ عمل طے کرے گی