Category: جرائم و حادثات

اوچ شریف باغی ٹی وی (نامہ نگار حبیب خان) سیلاب زدگان کو لانے والی کشتی درخت سے ٹکرا کر الٹنے سے 16 افراد ڈوب گئے، مقامی لوگوں اور ریسکیو کی بروقت کارروائی سے تمام افراد کو بحفاظت نکال لیا گیا،6 موٹر سائیکل و دیگر سامان بھی نکال لیا گیا، قیمتی سامان سیلابی پانی میں بہہ گیا،
تفصیلات کے مطابق تحصیل احمد پور شرقیہ کے سیلاب زدہ علاقے موضع ودھنور میں گزشتہ شب بستی کلر والی سے سیلاب زدگان کو لانے والی کشتی اندھیرے کے باعث درخت سے ٹکرا کر الٹ گئی جس کے نتیجے میں کشتی میں سوار 16 مرد و خواتین سیلابی پانی میں ڈوبنے لگے جن کا شور سن کر قریبی آبادی کے لوگوں نے ہمت کا مظاہرہ کرتے ہوئے لوگوں کو نکالنے کی تگ دو کرنے لگے جبکہ فوری اطلاع پر ریسکیو ٹیم بھی پہنچ گئی اور کشتی میں سوار تمام 16 افراد کو ڈوبنے سے بچاتے ہوئے بحفاظت زندہ نکال لیا،

ریسکیو آپریشن اندھیرا ہونے کی وجہ سے رات کو ملتوی کر دیا گیا اور صبح کشتی سے ڈوبنے والا سامان بھی نکال لیا گیا جن میں 6 موٹر سائیکل اور دیگر سامان نکال کر لوگوں کے حوالے کر دیا گیا، سیلاب متاثرین کے مطابق ان کا بہت سارا قیمتی سامان سیلابی ریلے میں بہہ گیا ہے، اہلیان علاقہ نے ریسکیو 1122 کی کارکردگی کو سراہا

اوچ شریف باغی ٹی وی (نامہ نگار حبیب خان)غربت ومہنگائی سے تنگ 80 سالہ بزرگ نے کالا پتھر پی لیا، ضلعی ہسپتال منتقل
تفصیلات کے مطابق اوچشریف کے محلہ بخاری کے رہائشی عبد القادر ولد محمد یوسف قوم سندھا نے غربت ومہنگائی سے تنگ آ کر کالا پتھر پی لیا حالت غیر ہونے پر مقامی ہسپتال اوچ شریف منتقل کر دیا گیا،

حالت زیادہ خراب ہونے اور خطرے کے پیش نظر رورل ہیلتھ سنٹر اوچ شریف کے ڈاکٹروں نے مریض کو ضلعی ہسپتال بہاولپور منتقل کر دیا

چترال ،باغی ٹی وی (نامہ گل حماد فاروقی )چترال، بونی روڈ کشادگی،پہاڑ میں بلاسٹنگ سے ایک شخص زخمی، 8 گھروں کا نقصان
چترال بونی کے سامنے پہاڑی پر این ایچ کی بلاسٹنگ سے ایک شخص زخمی اور آٹھ گھروں کوجزوی نقصان، بے مُہار این ایچ اے نہ کسی کی سنتا ہے نہ کسی کو مانتا ہے ۔ بونی کے سامنے پہاڑی پر شام کے وقت بلاسٹنگ کرنے سے گاؤں بونی کے آٹھ گھروں کو جزوی نقصان پہنچا اور ایک شخص ممتاز حسین زخمی ہوئے ۔

دھماکہ اتنا شدید تھا کہ بونی میں زلزلہ کی سی صورت حال پیدا ہوگئی اور لوگ خوف و ہراس میں مبتلا ہوگئے ،تقریباً تین کلو میٹر دور جاکر پھتر لگنے سے آٹھ گھروں کا جزوی نقصان ہوا جبکہ ایک جوان ممتاز حسین زخمی ہوئے جسے فوری ہسپتال پنچانے پر ابتدائی طبی امداد فراہم کی گئی جس کی حالت خظرے سے باہر بتائی گئی۔

خبر ملتے ہی تحصیل چیئرمین سردار حکیم نے موقع پر پہنچ کر حالات کا جائزہ لیا اس کے ساتھ ویلیج چیئرمین بونی 2 انوار ولی خان بھی موجود تھے علاقے کے مکینوں میں شدید غم و غصہ پایاجاتا ہے۔ تحصیل چیئرمین موقع پر پراجیکٹ منجیر سے رابطہ کرکے واقعے کی تفصیل ان تک پہنچائی جبکہ متعلقہ تھانہ بونی کو رپورٹ کرکے این ایچ اے کے خلاف ایف آئی آر کاٹنے کی درخواست دی۔

یاد رہے کہ علاقہ مکین حالات کی سنگینی کو محسوس کرتے ہوئے ایک سال سے انتظامیہ، متعلقہ ادارہ اور یہان تک کی عدالت کو بھی اپنی تحفظات سے آگاہ کررہے ہیں لیکن کوئی نتیجہ برآمد نہ ہوا انجام کار ان کے تحفظات درست ثابت ہوئے

تقریباََ 20 روز قبل ڈپٹی کمشنر اپرچترال کو درخواست دیکر موقع پر خطرات کی نشاندہی کی گئی تھی لیکن انتظامیہ کی لاپرواہی کی وجہ سے کوئی نتیجہ نہ نکلا ،ساتھ ملبے کوبالواسطہ دریا میں ڈال کر قریب کے گاؤں کے لیے مزید خطرات پیدا کئے جا رہے ہیں۔ اس کا کوئی موزوں حل تلاش نہ کیا گیا تو بونی کو دریاہ کی کٹاو کے زد میں آنے کا شدیدخطرہ موجود ہے۔

جن کے گھروں کو جزوی نقصان پہنچا ہے ان میں سید ابراہیم شاہ،سہراب،قدیرشاہ،محمد،شاکر وغیرہ شامل ہیں

چترال،باغی ٹی وی(نامگل حماد فاروقی) لوئر چترال ایون چیلم لشٹ دریائے چترال سے ریسکیو1122 کی ٹیم نے نا معلوم خاتون کی لاش کو برآمد کرکے ڈی ایچ کیو ہسپتال لوئر چترال منتقل کردیا ہے، لوئر چترال ایون چیلم لشٹ دریائے چترال کے پانی میں ایک بہتی ہوئی لاش دکھائی دینے کی اطلاع پر ریسکیو1122 کی تیراک ٹیم فوری طور پر اس موقع پر پہنچی اور ریسکیو ٹیم نے دریائے چترال سے لاش کو برآمد کرکے ڈی ایچ کیو ہسپتال لوئر چترال منتقل کردیا،

ابتدائی معلومات کے مطابق ڈیڈباڈی نا معلوم عورت کی ہے جس کو ریسکیو1122 کی ٹیم نے ایمبولینس میں ڈی ایچ کیو ہسپتال لوئر چترال منتقل کردیا ہے۔

واضح رہے کہ چترال کی اکثر خواتین دریائے چترال میں چھلانگ لگاکر خودکشی کرتی ہیں۔حالیہ میٹرک کے امتحان میں بھی نمبر کم آنے پر اس قسم کے ناخوشگوار واقعات رونماہوئے کہ نمبر کم آنے یا داخلہ نہ ملنے پر اکثر خواتین اور لڑکیوں نے خودکشی کرلی جو ایک لمحہ فکریہ ہے ۔ چترال میں دوسرے علاقوں کی نسبت خودکشی کرنے کا رحجان زیادہ ہے مگر اس کا تدارک، روک تھام یا اس کی وجوہات معلوم کرکے اس کے حل کیلئے ابھی تک حکومتی سطح پر کوئی قدم نہیں اٹھایا گیا ۔

کندھ کوٹ ،باغی ٹی وی (نامہ نگارمختیاراعوان)دیوار گرنے سے 2 بچے جاں بحق، 6 افراد زخمی،واقعہ گاؤں رحیم بخش کھوسو میں پیش آیا
جہاں مبینہ طور پر جاوید بھلکانی کے گھر کی بوسیدہ دیوار اچانک گرگئی۔

دیوار کے ملبے تلے آٹھ افراد دب گئے تھے۔ اہل علاقہ نے ملبے کو ہٹا کر دو بچوں کی لاشیں نکالیں۔ملبے سے دو خواتین سمیت چھ افراد کو زخمی حالت میں نکالا گیا۔

مرنے والے دونوں بچوں میں 11 سالہ عبدالرحمان اور 9 سالہ دھنی بخش شامل ہیں، دونوں بچے بھائی ہیں۔واقعہ کے بعد لاشوں اور زخمیوں کو اسپتال منتقل کیا گیا۔دیوار گرنے سے قیمتی جانوں کے ضیاع پر گھر میں صف ماتم بچھ گئی۔

کندھ کوٹ،باغی ٹی وی (نامہ نگارمختیاراعوان)کشمور میں بڑھتی ہوئی بدامنی اور مغویوں کی بازیابی کے لیے ہندو تاجرو سیاسی سماجی مختلف تنظیموں اور شہریوں کی جانب سے ضلع بھر میں شٹر ڈاؤن ہڑتال کی گئی

کندھ کوٹ ،کشمور ،تنگوانی ،غوثِ پور سمیت مختلف علاقوں میں ہوئی بدامنی اور مغویوں کی بازیابی کے لیے ہندو تاجرو سیاسی سماجی مختلف تنظیموں اور شہریوں کی جانب سے ضلع میں مکمل شٹر ڈاؤن ہڑتال کی گئی، بڑی بڑی ریلیاں نکالی گئیں

اس موقع پر مظاہرین کا کہنا تھا کہ ضلع کشمور کی پولیس مکمل نااہل ہو چکی ہے ہندو بچوں سمیت 42 سے زائدافراد اغوا ہوئے ہیں ، پولیس انتظامیہ امن و امان کرانے میں مکمل ناکام ہوچکی ہے آئے روز اغوا برائے تاوان ،لوٹ مار قتل عام کی وارداتوں میں اضافہ ہوتا جا رہا ہے، مغویوں کے گھروں میں صف ماتم بچھی ہوئی ہے، بازیابی کے لیے کو کاروائی عمل میں نہیں لائی گئی

کاروبار بند ہونے سے شہریوں کو شدید مشکلات کا سامنا کرنا پڑا،مظاہرین نے نگران حکومت کے وزیر اعلیٰ سندھ ،آئی جی سندھ ،ڈی آئی جی لاڑکانہ سے مطالبہ کرتے ہوئے کہا کہ ضلع بھر سے اغوا ہونے والے سب مغویوں کو فی الفور بازیاب کروا کر ضلع کشمور کا امن و امان بحال کروایا جائے بصورت دیگر احتجاج مزید وسیع کیا جائے گا۔