Category: جرائم و حادثات

اوکاڑہ باغی ٹی وی( نامہ نگار ملک ظفر)ریسکیو1122 اوکاڑہ نے ماہِ اگست میں 3757ایمرجنسیز پر بروقت ریسپانس کرتے ہوئے 18679افراد کو مدد فراہم کی۔ 648متاثرین کو موقع پر ابتدائی طبی ا مدادفراہم کی، 2832کو ہسپتال میں منتقل کیا اور 15053 افراد کو سیلاب سے متاثرہ علاقوں سے محفوظ مقامات پر منتقل کیا گیا۔ ڈسٹرکٹ ایمرجنسی آفیسر ظفر اقبال
تفصیلات کے مطابق ریسکیو1122 اوکاڑہ کی ماہانہ کارکردگی کا جائزہ اجلاس ریسکیو1122 اوکاڑ ہ سنٹرل اسٹیشن پر منعقد ہوا جس کی صدارت ڈسٹرکٹ ایمرجنسی آفیسر ظفر اقبال نے کی۔ اجلاس میں ڈسٹرکٹ ایمرجنسی آفیسر کو بریفنگ دیتے ہوئے بتایا گیا کہ ریسکیو1122 اوکاڑہ کوگزشتہ ماہ کل 26397کالزموصول ہوئی ہیں جس میں 3757 ایمرجنسی کالز ہیں۔ 16213غیر متعلقہ اورمس کالز، 6294 معلوماتی،74رونگ کالزاور 53فیک کالز ہیں۔ ایمرجنسی کال کا تناسب121کالز فی دن ہے۔3757 ایمرجنسیز میں 812روڈ ٹریفک حادثات، 2469میڈیکل، 20آگ لگنے کے واقعات، 119 کرائم ، 04 ڈوبنے کے اور333متفرق قسم کے حادثات شامل ہیں۔

روڈ ٹریفک حادثات میں 874افراد متاثر ہوئے جن میں 9 افراد زخموں کی تاب نہ لاتے ہوئے جان بحق ہوئے جبکہ311 افراد کو موقع پر ہی ابتدائی طبی امداددی گئی اور554متاثرین کو طبی امداد دیتے ہوئے ہسپتال میں منتقل کیا گیا۔آگ لگنے کے 20 واقعات ہوئے جن میں 7کمرشل ایریا اور 13رہائشی علاقے پیش آئے۔ آگ لگنے کی وجوہات میں شارٹ سرکٹ (10)، گیس لیکج (02)، کچن فائر (02)، دیگر(02) اور لاپرواہی (04) بنی۔ان واقعات میں بروقت ریسپانس کرتے ہوئے تقریباََ 1Millions کی پراپرٹی کو محفوظ کیا۔

ریسکیو موٹر بائیک سروس کے ذریعے شہر بھر میں 663ایمرجنسیز پر ایوریج ریسپانس ٹائم کو برقرار رکھتے ہوئے665 افراد کو مدد فراہم کی۔ پیشنٹ ریفرل سسٹم کے تحت ضلع بھرمیں 493مریضوں کو بہتر طبی امداد کے حصول کیلئے منتقل کیا گیا۔ 174مریضوں کو ضلع بھر سے ڈسٹرکٹ ہیڈکوارٹر ہسپتال اوکاڑہ منتقل کیا گیا جبکہ319افراد کو بہتر طبی امداد کے حصول کیلئے ریسکیو1122 کے تربیت یافتہ عملہ کے زیرِ نگرانی میں دوسرے اضلاع کے ہسپتالوں میں منتقل کیا گیا۔

دریائے ستلج پر جاری فلڈ ریلیف آپریشن کے دوران15053 افراد کو مال مویشیوں سمیت محفوظ مقامات پر منتقل کیا گیا

ننکانہ صاحب، باغی ٹی وی (نامہ نگار احسان اللہ ایاز)ڈپٹی ڈائریکٹر کالجز ننکانہ صاحب کا آفس مسائل اور کرپشن کی آماجگاہ بن گیا ,لاکھوں روپے کی سی سی گرانٹ کاغذات میں دفن ,عوامی حلقوں کا سیکرٹری ہائر ایجوکیشن پنجاب سے فوری نوٹس محکمانہ آڈٹ اور انکوائری کا مطالبہ

تفصیلات کے مطابق ڈپٹی ڈائریکٹر کالجز آفس کے متعلق ڈسٹرکٹ اکاؤنٹ آفس ننکانہ صاحب کے معتبر ذرائع کا کہنا ہے کہ ڈی ڈی سی آفس ننکانہ صاحب اس وقت کرپشن اور مسائل کی آماجگاہ بن چکا ہے ,ڈی ڈی سی آفس ننکانہ صاحب کے حوالے سے انکشافات کرتے ہوۓ ذرائع کا کہنا ہے کہ ڈسٹرکٹ ننکانہ صاحب میں تعینات ڈپٹی ڈائریکٹر کالجز ڈاکٹر ملک مختار احمد نے اپنے اختیارات کا ناجائز استعمال کرتے ہوۓ آفس میں موجود تمام عملہ کو یرغمال بنارکھاہےاور یہی وجہ ہے کہ ڈاکٹر ملک مختار احمد کے اختیارات کے سامنے تمام عملہ اس وقت بے بس نظر آتا ہے

ذرائع نے بتایا کہ یکم جولائی 2022 سے لیکر 31جون 2023 تک اب تک فرنیچر مرمت ,سٹیشنری ,اخبارات اور کتب کی خرید ,پرنٹنگ اخراجات سمیت دیکر آفس اخراجات کی مد میں لاکھوں روپے بوگس طریقہ سے نکلوا لیے ہیں اور جبکہ عملہ ڈی ڈی سی اپنی جیب سے پنسل تک خرید کر کے آفس ورک کرتا ہے ,ذرائع کے مطابق فرنیچر مرمت کی مد میں تقریبا 20 ہزار اور دیگر اخراجات کی مد میں تقریبا 3 لاکھ چار سو چالیس روپے کے بوگس بل بنواۓ گۓ ہیں ,جس پر عملہ ڈی ڈی سی آفس کی متعدد بار ڈاکٹر ملک مختار احمد سے شدید تکرار ہو چکی ہے

ذرائع کا کہنا ہے کہ ڈپٹی ڈائریکٹر کالجز ملک مختار احمد اپنے عملہ میں محکمانہ انکوائری کا ڈر اور خوف پیدا کر کے دن رات مبینہ طور پر اختیارات کا ناجائز استعمال کرتے ہوۓ کرپشن میں مصروف عمل ہیں ,اگر منصفانہ اور شفاف انکوائری کی جاۓ تو مزید انکشافات سامنے آئیں گے

سیکرٹری ہائر ایجوکیشن پنجاب ,ڈی پی آئی کالجز لاہور سید انصر اظہر ,ڈائریکٹر کالجز لاہور ڈویژن لاہور محمد زاہد میاں ,صوبائی محتسب اعلی پنجاب اور ڈپٹی کمشنر ننکانہ صاحب مزمل الیاس کو فوری طور پر ایکشن لے کر انکوائری شروع کرنا ہو گی تاکہ کرپشن کا سدباب کیا جا سکے-

ڈیرہ اسماعیل خان،باغی ٹی وی (نامہ نگاراحمدنوازمغل) ایس ایچ او پہاڑ پور آفتاب عالم بلوچ کی بڑی کاروائی، دوران گشت ڈیرہ اور پنجاب پولیس کو 20سے زائد ڈکیتی اور اغوائیگی کے سنگین مقدمات میں مطلوب ملزم فتح اللہ عرف فتحی اور اس کے دیگر ساتھیوں کی طرف سے ان پر اچانک فائرنگ کرنے اور پولیس کی جوابی فائرنگ کے دوران فتح اللہ عرف فتحی مارا گیا ، دیگر ساتھی فرار ،پولیس نے اسلحہ و غیرہ قبضہ میں لے لیا ، پولیس نے مذکورہ واقعہ کا مقدمہ درج کرلیا ہے۔

تفصیلات کے مطابق ایس ایچ او تھانہ پہاڑ پور آفتاب عالم بلوچ سرکاری گاڑی میں پولیس نفری کے ہمراہ لنک روڈ حافظ آباد نزد خاکی پہنچے تو روڈ کنارے موٹرسائیکل کے قریب چند مشکوک افراد کھڑے تھے جنہوں نے پولیس کو دیکھتے ہی ان پر فائرنگ کردی، پولیس نے بھی جوابی فائرنگ کی اس دوران رات کا وقت ہونے کی وجہ سے ملزمان تاریکی کا فائدہ اٹھا کر قریبی فصلات میں فرار ہوگئے،

جب فائرنگ بند ہوئی تو موقع پر ایک ملزم ہلاک شدہ پڑا تھا ، جس کے قریب ایک کلاشنکوف فولڈنگ بلا نمبر بمعہ میگزین اور 7کارتوس ، دو سپیئر میگزین کلاشنکوف جن میں 40 کارتوس برآمد ہوئے، دروان شناخت ہلاک شدہ ملزم بدنام زمانہ ڈکیت اور اغواء کار فتح اللہ عرف فتحی ولد شائستہ خان قوم خیبری بلوچ سکنہ لاڑ سے ہوئی

پولیس نے موقع پر موٹرسائیکل ہنڈا 125نمبرRF2462اور اسلحہ بھی قبضہ میں لے لیا، پولیس نے دیگر دوملزمان کی گرفتاری کیلئے چھاپوں کا سلسلہ شروع کردیا ہے، پولیس ذرائع کے مطابق مذکورہ مارا جانے والا ملزم فتح اللہ عرف فتحی ڈیرہ اور پنجاب پولیس کو 20سے زائد اغوائیگی و ڈکیتی وغیرہ کے مقدمات میں مطلوب تھا

ڈیرہ اسماعیل خان ،باغی ٹی وی (نامہ نگاراحمدنوازمغل) نامعلوم افراد کی گاڑی پر فائرنگ،ایک شخص جانبحق ، ایک زخمی
پولیس کے مطابق تھانہ حدود میرعلی میں پتی اڈہ کے مقام پر نامعلوم افراد کی گاڑی پر فائرنگ کی گئی جس کے نتیجہ میں میں ایک شخص جاں بحق ہوگیا جبکہ دوسرا زخمی ہوا ، ثناء اللہ ولد نسیم خان جانبحق جبکہ ابرار ولد نبی خان سکنہ بوبلی زخمی ہے

شمالی وزیرستان پولیس ترجمان کے مطابق زخمی آور جانبحق افراد کو ٹی ایچ کیو ہسپتال میرعلی منتقل کر دیا گیا ہے اور پولیس نے تحقیقات شروع کردی ہیں

چترال(باغی ٹی وی ) بیستی خوبصورت علاقہ لیکن لوگ اپنے حقوق کے لیے سراپا احتجاج
وادی بیستی اگر ایک طرف ایک خوبصورت علاقہ ہے تو دوسری جانب نے قدرت نے ان پہاڑوں میں زمرد جیسے قیمتی پتھروں کا خزانہ بھی چھپایا ہوا ہے جہاں سے اربوں روپے کا قیمتی پتھر نکلتا ہے مگر اس کے باوجود یہ لوگ غریب ہیں۔ علاقے کے لوگوں نے اپنے جائز حق کیلئے اختجاجی جلسہ کرتے ہوئے دھرنا دیا اور حکام سے اپنے جائز حقوق دلوانے کا مطالبہ کیا۔ تفصیل چترال سے باغی ٹی وی کے نامہ نگارگل حماد فاروقی کی اس رپورٹ میں

شیخوپورہ،باغی ٹی وی(نامہ نگار محمد طلال سے) بنک الفلاح نزد کرکٹ اسٹیڈیم نامعلوم افراد کی کار پر فائرنگ گولیاں لگنے ایک شخص شدید زخمی اور ایک موقع پر جاں بحق اطلاع موصول ہوتے ہی ریسکیو کنٹرول نے فوراً ایمرجنسی گاڑی روانہ کی۔

ریسکیو 1122 کی امدادی ٹیم نے فوراً ریسپانس کر کے زخمی شخص ریاض ولد سلطان 55 سال ساکن فیروز وٹواں کو فرسٹ ایڈ فراہم کرنے کے بعد DHQ ہسپتال شفٹ کر دیا۔ریسکیو 1122 کی امدادی ٹیم نے جاں بحق نوجوان آصف ولد محمد علی 30 سال ساکن فیروز وٹواں کی لاش کو پولیس کے حوالے کر دیا۔