Category: جرائم و حادثات

ڈیرہ غازی خان،باغی ٹی وی (نامہ نگار شہزادخان سے) اسٹنٹ کمشنر کسٹم محمد عثمان چھٹہ نے کہا ہے کہ اس وقت کسٹم ڈیرہ کی سمگلروں کیخلاف کارروائیاں جاری ہیں غیر قانونی طور پر ہونیوالی سمگلنگ کی روک تھام کیلئے کسٹم ٹیمیں دن رات کاروائیوں میں مصروف عمل ہیں

انہوں نے کہا ہے کہ کسٹم عملہ نے میانوالی ،بھکر ڈیرہ غازی خان میں کامیاب چھاپے مار کر مختلف اقسام کا سامان چھالیہ گٹکا ڈیزل کی درجنوں گاڑیوں کو پکڑ کر بند کر دیا ہے جبکہ تاجر برادری کو بھی چاہئے کہ وہ غیر قانونی ممنوعہ مال کی خریدوفروخت سے اجتناب کریں

محکمہ کسٹم کی انتھک کوششیں ہیں کہ ملکی معیشت کو سنبھالا دینے کیلئے ریونیو ضروری ہے جبکہ ملکی معیشت کو مال کی غیر قانونی برآمد اور درآمد کو ملکی خزانے کو سمگلروں نے ناقابل تلافی نقصان پہنچایا ہے کسٹم نے کئی شر پسند لوگوں کو سلاسل جیل منتقل کیا ہے کم نفری کے باوجود بھی کسٹم حکام کے حوصلے پست نہیں ہوئے ہیں ۔

ڈیرہ غازیخان،باغی ٹی وی (نیوز رپور ٹرشاہدخان)تھانہ گدائی کی حدود راجپوت کالونی میں ایک شخص کے قتل کی واردات
گذشتہ روز صبح 9 بجے بذریعہ 15 اطلاع ملی کہ راجپوت کالونی میں ایک شخص اسم و مسکن نامعلوم کی نعش موجود ہے ،اطلاع موصول ہوتے ہی مقامی پولیس تھانہ گدائی جائے وقوعہ پر پہنچی تو مسمی محمد سلیم ولد فیض محمد زاہد قوم گوراہا سکنہ مکان نمبر 94 بلاک 29 ڈیرہ غازیخان زخموں کی تاب نہ لا کر فوت ہو چکا تھا

مقامی پولیس تھانہ گدائی نے فورا قانونی کارروائی عمل میں لاتے ہوئے مقدمے کا اندراج کیا،ڈی پی او ڈیرہ غازیخان حسن افضل نے فوری ایکشن لیتے ہوئے ملزم کی گرفتاری کیلئے DSP سٹی عبدالرحیم لغاری کی سربراہی میں ٹیم تشکیل دی

ڈی ایس پی سٹی معہ ٹیم کی خصوصی کاوشوں سے ملزم محمد ابراھیم ولد غلام مصطفیٰ قوم وڈانی سکنہ مانک والا معہ آلہ قتل گرفتار ،مزید قانونی کارروائی عمل میں لائی جارہی ہے

ڈیرہ غازیخان ،باغی ٹی وی (نامہ شہزادخان ) ایس ایچ او تھانہ چوٹی نے ٹیلی فون پر اطلاع دی کہ 2.15 بجیرات RHC ہسپتال چوٹی کے ڈاکٹر نے فون کر کے بتایا کہ یہاں ایک خاتون فائر لگنے کی وجہ سے تشویشناک حالت میں داخل ہے۔ تھانہ چوٹی پولیس فوری طور پر RHC ہسپتال پہنچی اور جہاں مسماة صغراں بی بی دخترخدا بخش قوم حجانہ سکنہ نائچ والا جس کی عمر تقریباً 65/66 سال تھی شدید زخموں کی تاب نہ لاتے ہوئے دم توڑ چکی تھی

ان کے بیٹے محمد جمیل نے بتایا کہ ان کے والد بھی گولی لگنے سے زخمی ہوئے ہیں جو گھر میں پڑے ہیں۔مقامی پولیس برموقع پہنچی تو خدا بخش بھی زخموں کی تاب نہ لاتے ہوئے موقع پر ہی دم توڑ گیا تھا۔

محمد جمیل نے بتایا کہ اس کے والدین کو بشیر احمد ولد واحد بخش قوم حجانہ (مرحوم کا داماد) اور عاصم ولد کریم بخش قوم حجانہ (مرحوم کا پوتا) نے ناحق قتل کیا ہے۔ وجہ عناد زمین کا تنازع ہے۔

اطلاع ملتے ہی DSP/SDPO سرکل کوٹ چٹھہ، PFSA ٹیم اور کرائم سین یونٹ موقع پر پہنچ گئے۔ آس پاس کے علاقے میں مزید تفتیش کی جا رہی ہے۔ مقامی پولیس مزید کارروائی کر رہی ہے۔

ڈی پی او ڈیرہ غازیخان نے دوہرے قتل کی جائے وقوعہ کا بھی دورہ کیا۔ وہاں سے معلوم ہوا کہ اصل اور مرکزی ملزم عاصم ولد کریم بخش (مرحوم کا پوتا) ہے۔ موقع پر موجود دیگر ملزمان میں کریم بخش (مقتول کا بیٹا)، جمیل (مقتول کا بیٹا) اور آصف شامل ہیں۔

تمام ملزمان کو گرفتار کر لیا گیا ہے۔واردات میں استعمال ہونے والا اسلحہ بھی برآمدکر لیا گیا ہے ۔مرکزی ملزم عاصم نے فائرنگ کے واقعے کا اعتراف کر لیا ہے۔مزید قانونی کارروائی جاری ہے۔

شیخوپورہ،باغی ٹی وی (نامہ نگارمحمدطلال )ضلعی انتظامیہ اور سول ڈیفنس کی نا اہلی کے باعث گوجرانولہ روڈ غیرقانونی آئل ڈمپنگ اسٹیشن میں آگ لگ گئی، آگ لگنے سے منی ڈمپنگ اسٹیشن اور ٹینکر مکمل طور پر جل کر خاکستر ہوگیا

منی ڈمپنگ اسٹیشن میں لگنے والی آگ سے اردگرد کی آبادی کے لپیٹ میں آنے کا خدشہ ،اطلاع ملتے ہی ریسکیو 1122 کی امدادی ٹیمیں موقع پر پہنچ گئی،جن کی بروقت فائرفائیٹنگ سے قریبی آبادی خطرناک آگ کی لپیٹ میں آنے سے بچ گئی، آگ بجھانے میں 4 ریسکیو 1122 کی فائر فائٹنگ گاڑیوں نے حصہ لیا

اوچ شریف باغی ٹی وی ( نامہ نگار حبیب خان)اوچ شریف میں مبینہ طور پر کیمیکل اور پاؤڈر ملا دودھ کی سرعام فروخت جاری، گلی محلوں میں دودھ دہی کی درجنوں دکانیں قائم، چیک اینڈ بیلنس کے انتظامات نہ ہونے کے باعث بیماریاں پھیلنے لگی، شہر بھر میں گوالوں کی جانب سے انتہائی مضر صحت پلاسٹک کی ڈرمیوں میں دودھ سپلائی کا سلسلہ پورے جوبن پر پہنچ گیا ، انتظامیہ نے آنکھیں بند کر لیں ، محکمہ فوڈ اتھارٹی محکمہ لائیو اسٹاک آفیسر بھی غائب شہری اپنے ہاتھوں بیماریاں خریدنے پر مجبور ۔

زرائع سے معلوم ہوا ہے کہ یہ ڈرمیاں مختلف فیکٹریوں اورکارخانوں میں استعمال ہوتی ہیں جن میں انتہائی مضر صحت کیمیکل رکھا جاتا ہے جو انسانی جان کے لئے خطرناک ہو تا ہے لیکن دودھ فروخت کرنے والے ان ڈرمیوں کو سستے داموں خرید کر اس میں دودھ ڈال کر فروخت کرتے ہیں اس ساری صورتحال کے باوجود انتظامیہ کا کوئی چیک سسٹم نہیں ہے اور نہ ہی متعلقہ ویٹنری آفیسر اور محکمہ فوڈ اتھارٹی نے آج تک شہر میں دودھ کو چیک کیا ہے

شہریوں کے ایک وفد نے میڈیا کو بتایا کہ موجودہ ویٹنری آفیسر سے قبل تعینات آفیسر نے چیکنگ کا نظام سخت رکھا ہوا تھا جو ایک ماہ میں تقریبا چارہ دفعہ بازاروں میں آکر دودھ اور گوشت کو باقاعدہ چیک کرتا تھا اور اس کے دور میں ان ڈرمیوں پر سخت پابندی تھی اور استعمال کرنے والے گوالے کو جرمانہ ہو تا تھا لیکن اب جو ویٹنری آفیسر تعینات ہے اسکو کبھی بھی دودھ اور گوشت چیک کرتے نہیں دیکھا جو سراسر زیادتی ہے انہوں نے ڈی سی بہاولپور سے نوٹس لینے کا مطالبہ کیا ہے

اوچ شریف باغی ٹی وی (نامہ نگار حبیب خان)اوچ شریف شہر بھر میں منشیات کا کاروبار عروج پر پہنچ گیا۔آئس ہیروئن چرس اور پاؤڈر پوری کی فروخت دھرلے کے ساتھ جاری۔منشیات فروشوں کے بھتے سے افسران کی شاہ خرچیاں۔ بھتا وصولی کیلے مخصوص اہلکار تعینات ۔ ایس ایس پی احمد پور شرقیہ نے مجرمانہ خاموشی اختیار کرلی۔ شہری وسماجی حلقوں کا احتجاج۔ایماندار افسر کی تعیناتی کا مطالبہ۔

تفصیلات کے مطابق اوچ شریف شہر سمیت ملحقہ علاقوں اوچموغلہ ،للو والی، شمیم آباد ،اکبر ٹاؤن ،اوچ گیلانی ،پل رسول پور، بیٹ احمد بختیاری ،کچی شکرانی میں منشیات کی فروخت دھڑلے کے ساتھ بدستور جاری ہے۔ذرائع کے مطابق اوچشریف میں منشیات کا نیٹ ورک پولیس میں کالی بھیڑیں چلارہی ہیں جن کو اداروں میں بیٹھے اعلیٰ افسران کی مکمل آشیرباد حاصل ہے جن کی ایما پر تھانہ اوچ شریف میں افسران کا تقرر وتبادلہ کیا جاتا ہے۔

ذرائع کا کہنا ہے اوچموغلہ کے رہائشی جام اللّٰہ ڈتہ ولد جام خادم حسین اوچ شریف شہر وگردونواح علاقوں منشیات فروشی کھلے عام آئس نشہ فروخت کرنا شروع کردیا ہے۔ جس کو تھانہ اوچ شریف میں تعینات اہلکاروں کی مکمل آشیرباد حاصل ہے ،جس نے عام لوگوں اور خاص کر نوجوانوں کی زندگی اجیرن بنا رکھی ہے۔ کیونکہ آئے روز آئس،ہیروئن سے سینکڑوں نوجوان تباہی کے دہانے پر پہنچ چکے ہیں۔

ضلعی انتظامہ نوٹس لیکر منشیات فروش کے خلاف کارروائی کریں۔ کیونکہ منشیات فروشی دہشت گردی سے بھی خطرناک ہے۔ جبکہ معاشرے میں آئس نشے کی وجہ سے بد امنی پھیلنے کا خدشہ پایا جاتا ہے۔ ایک طرف بے روزگاری تو دوسری طرف منشیات فروشوں نے نوجوان نسل کی زندگی تباہ کر رکھ دی ہے۔

ذرائع نے بتایا کہ انتظامیہ و پولیس کو نشاندہی کے باوجود خاموشی،کئی سوالوں کو جنم لے رہی ہے باغی ٹی وی نے منشات فروش کی ویڈیو بھی حاصل کر رکھی ہے

اوچ شریف باغی ٹی وی (نامہ نگار حبیب خان) جنوبی پنجاب کی تحصیل احمد پور کے شہر چنی گوٹھ دھوڑکوٹ جوئے کی لپیٹ میں ۔تاش، پرچی، سنوکر پر جواء عروج پر، تحصیل انتظامیہ خاموش تماشائی ۔چنی گوٹھ اور دھوڑکوٹ شہر جواریوں کے سپرد۔ شہری ،سماجی ، رفاحی ، فلاحی حلقوں میں تشویش کی لہر دوڑ گئی ، عمائدین نے وزیراعلیٰ پنجاب ، آئی جی پنجاب سے نوٹس لینے کا مطالبہ کر دیا۔

تفصیلات کے مطابق جنوبی پنجاب کی تحصیل احمد پور شرقیہ کے مختلف مقامات چنی گوٹھ ۔دھوڑکوٹ پر تاش، پرچی، سنوکر جوا کے محفوظ ٹھکانے قائم ہوچکے ہیں ،روزانہ لاکھوں روپے کا بھاؤ تاؤ اور وارداتیں جاری ہیں۔ تاش، پرچی، سنوکرجوا سے سینکڑوں جواری سادہ لوگوں کو امیر ہونے کا لالچ دیکر ان کی جمع پونجی بھی ہڑپ کر رہے ہیں ، بعض ادھار اور سود پر رقم لیکر جواریوں کے اڈے پر جھونک رہے ہیں۔

جوا کروانے والے بکیئے راتوں رات کروڑ پتی اور محلات و کوٹھیوں کے مالک بن گئے ۔جواریوں نے جوا کرانے والے بکیوں نے وٹس ایپ پر رابطے کرنے شروع کررکھے ہیں ۔قریبی علاقے احمد نائچ، پل بھلکہ، نور اللہ پنو، جھلن ماند، محمود ماتم چوک بھٹہ ککس موڑ۔ دھوڑکوٹ، خیر پور ڈاہا، حامد پور کلاں بستی نوناری ،کوٹلہ موسی خان ،چوک بھٹہ کے جواریوں نے دھوڑکوٹ چنی گوٹھ کو محفوظ پناہ گاہ سمجھتے ہوئے دھوڑکوٹ چنی گوٹھ کا رخ کرنا شروع کررکھا ہے جس کی بنیادی وجہ قانون نافذ کرنے والے اداروں کی جرائم پیشہ افراد کے خلاف کارروائیاں نہ کرنا ہے۔

انتہائی باوثوق ذرائع سے معلوم ہوا ہے کہ جواریوں اور منشیات فروشوں کو سیاسی شخصیات کی پست پناہی حاصل ہے بیشتر جواریوں نے خیر پور ڈاہا، چنی گوٹھ، پل بھلکہ کے اڈے پر جوئے کا کام شروع کررکھا ہے جہاں پر تاش، پرچی، سنوکر پر جوا کروایا جاتا ہے ۔ جبکہ اندرون شہر کے بیشتر مقامات پر بکیوں نے آن لائن اڈے قائم کررکھے ہیں اور کرکٹ میچ پر جوا کرانے والے بکئے دیدہ دلیری کے ساتھ مکروہ دھندہ جاری رکھے ہوئے ہیں جو پولیس اور قانون نافذ کرنے والے اداروں کی نظروں سے آنکھوں سے اوجھل ہیں۔

اوچ شریف کے مختلف علاقوں محلوں شمس کالونی شمیم آباد نواز آباد عمرٹاون ناصر ٹاؤن اکبر ٹاؤن اوچ موغلہ للو والی پل سمیت متعدد علاقوں میں کرکٹ میچ پر جوا سر عام کھیلا جانے لگا ، ایشیا کپ 2023کاکھیلے جانے والے میچ پر لاکھوں روپے کا جوا لگانے والے میچ فکسنگ اور جوا لگا کر نوجوان نسل کو تباہ کرنے والے درجنوں بکیوں اور میچ فکسنگ کا کاروبار کرنے والوں کو پولیس تھانہ اوچ شریف نے کھلی چھٹی دے رکھی ہے

پولیس کو انفارمیشن دینے کے باوجود بھی پولیس کاروائی کرنے سے گریزاں شہریوں نے ڈپٹی کمشنر بہاولپور سے میچ فکسنگ کے کارندوں کے خلاف کاروائی کرنے کا مطالبہ

سیالکوٹ،باغی ٹی وی (سٹی رپورٹرشاہدریاض)جماعت اسلامی کی بجلی کے بلوں سے تنگ اور مہگائی کی ماری عوام کے ہمراہ احتجاجی ریلی
جماعت اسلامی یونین کونسل آدمکے چیمہ یونٹ نے ڈاکٹر طاہر بٹ اور انکے رفقاء کی قیادت میںبجلی کے بلوں سے تنگ اور مہگائی کی ماری عوام کے ہمراہ ایک ریلی منعقد کی، ریلی میں سماجی اور رفاحی تنظیموں کے نمائیندوں سمیت عوام کی کثیر تعداد نے شرکت کی

مہنگائی اور بجلی کے زائد بلوں کے خلاف عوام کا شدید احتجاج، اس موقع پر گفتگو کرتے ہوۓ ڈاکٹر طاہر بٹ نے کہا کہ اب عوام کا پارہ ہائی ہوگیا ہے اب ہم سے واپڈا کی طرف سے ظالمانہ ٹیکسز زائد بلنگ قبول نہیں ،ہم تو پہلے ہی مہنگائی کے ہاتھوں تنگ ہیں اوپر سے بجلی اور پٹرول کی قیمتوں میں اضافہ نے ہوش اڑا دئیے ہیں

ہم نے پر امن احتجاج کرکے دیکھ لیا لیکن ان کے کانوں پر جوں تک نہیں رینگی اب ہمارا پارہ ہائی ہوچکا ہے ہماری تو اتنی آمدن نہیں جتنا بجلی کا بل آگیا ہے ہم اب اپنے بچوں کو بیچنے پر مجبور ہوگئے ہیں یہی حالات رہے تو بچوں کو بیچنے پر لگادیں گے

ہمارے ملک کا یہ المیہ ہے کہ یہاں اشرافیہ غریبوں کے ٹیکسز پر پل رہے ہیں جہاں گھر کا چولہا جلانا مشکل ہے وہاں بجلی کی بل کہاں سے ادا کریں آج ہم اس لیے مجبور ہوکر شدید دھوپ میں ننھے منے بچوں کو لیکر احتجاج کرنے آئے ہیں اور جب تک ہمیں ریلیف نا دیا گیا ہم احتجاج کرتے رہیں گے