تنگوانی باغی ٹی وی ( نامہ نگار منصور بلوچ)پرا ئمری سکول ٹیچر تین دن سے غائب، ورثاء کو اغوا کا خدشہ

تفصیلات کے مطابق تنگوانی شہر کا رہائشی اور مین پرائمری سکول ٹیچر محمد آصف میرانی تین دنوں سے لاپتہ ہوگیاہے اس کے ورثہ نے اغوا کا خدشہ ظاہر کیا ہے اور ورثہ نے کہا کہ وہ جیک آباد اپنی گاڑی فروخت کرنے گیا تھا اب تین دن سے اسکا فون بند ہے،جس سے رابطہ نہیں ہوپارہا ہے

سیالکوٹ،باغی ٹی وی (سٹی رپورٹرشاہدریاض)تھانہ سمبڑیال پولیس کی بروقت کارروائی بھاوج کو قتل کرکے فرار ہونے والے ملزم کو چند گھنٹوں بعد ہی دھرلیاگیا
تفصیلی کے مطابق بھوپالوالہ کے رہائشی وقاص نعیم نے گھریلو رنجش پر 35 سالہ بھاوج صائمہ کو فائرنگ کرکے قتل کر دیا،ایس پی انویسٹی گیشن ضیاء اللہ کا واقعہ کا نوٹس. ڈی ایس پی سمبڑیال کی سربراہی میں پولیس ٹیموں کو ملزمان کی فوری گرفتاری کے احکامات جاری کئے ایس ایچ او تھانہ سمبڑیال شبیر گل نے بروقت مؤثر ناکہ بندی کرکے ملزم کو چند گھنٹوں میی ہی حراست میں لے لیا ہے.

ایس پی انویسٹیگیشن ضیاء اللہ نے کہا کہ ملزم کو قانون کے مطابق عدالت سے قرارواقعی سزا دلوائی جائے گی،سیالکوٹ پولیس شہریوں کی حفاظت کیلیے ہمہ وقت مصروف عمل ہے.

،سیالکوٹ باغی ٹی وی(سٹی رپورٹر شاہد ریاض)جماعت اسلامی کا مہنگائی مکاؤ احتجاجی کیمپ
جماعت اسلامی پاکستان ضلع سیالکوٹ کے تحت منعقد احتجاجی کیمپ میں موجود تمام خواتین اسلام مائیں بہنیں، بیٹیاں ملکی تاریخ کی بدترین مہنگائی ، ڈالر کے مقابلے میں رویے کی تاریخی بے قدری اور ملکی معیشت کی مکمل تباہ حالی پر حکومت کی شدید مذمت کرتی ہیں۔

آئی ایم ایف کے مطالبات کا سارا زور با لواسطہ ٹیکسوں اور غریب عوام پر بوجھ ڈالنے کے لیے ہے ۔ ان کی طرف سے اگر اشرفیہ کی مراعات میں کمی کا مطالبہ بھی کیا گیا تو حکومت نے قطعاً عمل درآمد نہیں کیا اس وقت تمام معاشی اشارے بھیانک صورتحال کو واضح کر رہے ہیں ۔

260 ارب روپے کے گردشی قرضے کم کرنے کے لیے بجلی صارفین پر 28۔3 روپے فی یونٹ فی سرچارج عائد کر دیا گیا ہے اسی طرح پیٹرولیم مصنوعات کی قیمتوں میں مسلسل اضافے کیے گئے ہیں۔قومی بجٹ برائے سال 2023-24ء میں حکومتی اعلانات کی وجہ سے عوام کو بجا طور پر بڑا ریلیف ملنے کی توقع تھی لیکن بجٹ کا ایک ایک حرف گواہی دے رہا ہے کہ حکمرانوں نے آئی ایم ایف کی خوش نودی کو اصل اہمیت دی ہے۔

28 اپریل 2022 کو وفاقی شرعی عدالت نے سود کی ہر قسم کو حرام قرار دیتے ہوئے حکومت کو سودی معیشت سے نجات کے لیے واضح ہدف دیا تھا لیکن ایک سال سے زیادہ عرصہ گزرنے کے باوجود حکومت سود کے خاتمے کے لیے کوئی قدم نہیں اٹھایا بلکہ آئین پاکستان اور عدالتی فیصلے کی واضح خلاف ورزی کرتے ہوئے شرح سود میں 4 مرتبہ اضافہ کیا ہے اور اب شرح سود 21 فیصد ہے ۔

جماعت اسلامی حلقہ خواتین ضلع سیالکوٹ یہ مطالبہ کرتی ہیں کہ انتہائی گھمبیر معاشی صورتحال کے پیش نظر فوری طور پر ملک میں خصوصی اور بڑے مالیاتی اقدامات کیے جائیں اور اس مرتبہ عوام پر بوجھ ڈالنے کی بجائےصرف مراعات یافتہ اشرفیہ سے قربانی لی جائے۔تمام موجودہ و سابقہ سول و ملٹری بیورو کریسی ، ممبران پارلیمنٹ، وزراء اور حجز حضرات سے شاہانہ مراعات واپس لی جائیں۔

مفت پیٹرول بجلی اور بڑی بڑی گاڑیوں کے استعمال پر فی الفور پابندی عائد کی جائے۔ نیز پروٹوکول اور سکیورٹی گارڈز کا استعمال ختم یا محدود کیا جائے۔تمام سرکاری عمارات ملٹی نیشنل کمپنیز و دیگر صنعتی و تجارتی کمپنیوں کو نیشنل گرڈ سے سولر پر منتقل کیا جائے۔

سولر سسٹم برائے گھریلو استعمال و رفاہی و تعلیمی مقاصد کے لیے آسان اقساط پر بلا سود قرضے دیے جائیں ۔ پڑولیم مصنوعات میں تمام اضافہ واپس لے کر قیمتوں 40 فی صد کمی کی جائے ۔ پیٹرولیم لیوی کا نفاد ختم کیا جائے۔ ٹیکس کلچر کو پروموٹ کیا جائے شرح ٹیکس کم کر کے ٹیکس نیٹ بڑھایا جائے ۔

بڑی گاڑیوں، کاسمیٹکس اور اشیائے تعیش کی درآمد بند ہو اور پیٹرولیم مصنوعات کے درآمدی بل میں بھی 25 فی صد کمی کی جائے۔ وفاقی شرعی عدالت کے فیصلے کے مطابق حکومت سودی معیشت ختم کرے. سودی قوانین ختم کر کے متبادل قانون سازی کی جائے۔حکومت حرمت سود کے فیصلے کے خلاف عدالتی اپیل کی بجائے واضح اعلان کرے کہ کنونشنل بنکنگ کا خاتمہ کیا جائے گا اور صرف غیر سودی بنکاری کی اجازت ہو گی۔

اوچ شریف باغی ٹی وی (نامہ نگار حبیب خان) خیر پور ڈاہا میں زمین پر قبضے کا تنازعہ، مخالفین نے مسجد میں نماز پڑھنے کے دوران نوجوان کو گولیاں مار دیں، موقع پر جاں بحق ہو گیا، تفصیلات کے مطابق خیر پور ڈاہا میں زمین پر قبضے کے تنازع میں مخالفین نے مسجد میں نماز کی ادائیگی کے دوران گولیاں مار کر نوجوان کو قتل کر ڈالا،

محمد راشد ولد غلام فرید عشاء کی نماز مسجد میں پڑھنے گیا جہاں مخالفین نے اس پر گولیاں برسا دیں جس کے نتیجے میں نوجوان موقع پر جاں بحق ہو گیا، واقعہ کی اطلاع ملتے ہی پولیس موقع پر پہنچ گئی اور کارروائی شروع کر دی ہے

ڈیرہ غازیخان(باغی ٹی وی )غازی یونیورسٹی طالبہ زیادتی کیس کے مرکزی ملزمان گرفتارکوپولیس نے گرفتار کرلیا ہے،
ارشاد ولد اللہ وسایا نے تھانہ صدر تونسہ پولیس کو درخواست دی کہ ڈاکٹر ظفر اور ڈاکٹر خالد خٹک نے اس کی بیٹی (ث) جو غازی یونیورسٹی کی طالبہ ہے سے زیادتی کی تھی۔جس کا مقدمہ نمبر 955/23 بجرم 376 تھانہ گدائی میں درج ہوا۔

مقدمہ درج کروانے کی رنجش پر ملزمان ڈاکٹر ظفر اور ڈاکٹر خالد خٹک نے مجھے جان سے مارنے کی دھمکی دی۔لڑکی کے والد کی مدعیت میں تھانہ صدر تونسہ میں مقدمہ نمبر 392/23 بجرم 506B درج کر کے ملزمان کو گرفتار کر لیا گیا ہے۔

پولیس ترجمان کے مطابق پولیس تمام پہلوؤں سے میرٹ پر تفتیش کر رہی ہے۔
یہ بھی پڑھیں
غازی یونیورسٹی جنسی سیکنڈل، پولیس نے آئی جی پنجاب کے حکم پر ڈھائی ماہ بعد مقدمہ درج کرلیا

غازی یونیورسٹی، وائس چانسلرکی بدانتظامی اورنارواسلوک پر 19ہیڈآف ڈیپارٹمنٹ اپنے عہدوں سے مستعفی

اسلامیہ یونیورسٹی بہاولپور،بزدار دورمیں وائس چانسلرکو نکالنے کی سفارش ہوئی تھی

قصور : گورنمنٹ اسلامیہ کالج قصورکی طالبات غیرمحفوظ،پرنسپل کودی گئی درخواست ردی کی نذر

یاد رہے کہ ڈیرہ غازی خان کی غازی یونیورسٹی کی طالبہ نے دو اساتذہ پر جنسی ہراسگی کا الزام عائد کردیا۔اس اسکینڈل کا پردہ فاش اس وقت ہوا جب ریپ کا شکار طالبہ کا ایک ویڈیو بیان سوشل میڈیا پلیٹ فارمز پر وائرل ہوا۔ طالبہ نے الزام لگایا کہ ڈاکٹر ظفر وزیر نے اسے نشہ آور چیز پلا کر زیادتی کا نشانہ بنایا اور دھمکی دی کہ کسی کو بتایا تو سنگین نتائج بھگتنا ہوں گے۔

جس پر میں اپنی بدنامی کے باعث خاموش رہی، مگر اس دوران ظفر وزیر اور خالد خٹک مجھے مسلسل بلیک میل کرتے رہے اور میری چھوٹی بہن جو( بی ایس سیکنڈ سمسٹر) کی سٹوڈنٹ ہے کو بھی اپنی جنسی حوس کا نشانہ بنانے اور تعلقات استوار کرنے پر مجبور کرتے رہے

دوسری طرف غازی یونیورسٹی کے وائس چانسلرکی بدانتظامی اورنارواسلوک پر 19ہیڈآف ڈیپارٹمنٹ اپنے عہدوں سے مستعفی ہوگئے انہوں نے پریس ریلیز اور ویڈیو بیان میں کہا کہ غازی یونیورسٹی ڈیرہ غازی خان کی موجودہ صورتحال کے تناظر میں ایکٹنگ وائس چانسلر پروفیسر ڈاکٹر محمد کامران کی طرف سے جس طرح غیر قانونی اقدامات و انتقامی کاروائیاں کی جارہی ہیں اور اساتذہ کو جس طرح ہر اساں کیا جارہا ہے، اور جس طرح یونیورسٹی کا ماحول خراب کیا جارہا ہے، اس کے پیش نظر ہم جملہ چیئر مین ، ڈائریکٹر زو پر نسپل آفیسران انتظامیہ کے ہر غلط فیصلے سے بری الذمہ رہتے ہوئے اپنی اضافی ذمہ داریوں سے احتجاجا مستعفی ہونے کا اعلان کرتے ہیں

میرپورخاص،باغی ٹی وی( نامہ نگار سید شاہزیب شاہ کی رپورٹ) ڈی آئی جی میرپورخاص ذوالفقار علی مہر اور ایس ایس پی عمرکوٹ اعجاز شیخ کے احکامات پر نارکوٹکس کے خلاف کارروایاں، ایس ایچ او پتھورو احمد بخش راہموں گٹکافروشوں کی خلاف ایکشن میں آگئے اور پولیس تھانہ پتھورو کی حدود میں خفیہ طور پر گٹکا بیچنے والوں کی دکانوں اور کیبنوں پر چھاپے۔

چھاپہ مار کارروائی میں 05 گٹکا سیلرز گرفتار کئے گئے،جن سے 169 ہینڈ میڈ گٹکا برآمد کیا گیا، 32 سفینہ گٹکا پڑیاں اور 159 رائل گٹکا پڑیاں برآمد ہوئیں تمام گرفتار ملزمان کے خلاف گٹکا ایکٹ کے تحت مقدمہ درج کردئے گئے ہیں

گرفتار ملزمان میں کرشن کولہی،یاسین بھٹی،نذر بھٹی،جان شر رندھاواماشرف نہڑی شامل ہیں ،ایس ایچ او پتھورو احمد بخش راہموں کا کہنا ہے کہ جناب ایس ایس پی عمرکوٹ اعجاز شیخ کے احکامات پر کاروائیاں جاری ہیں، پتھورو کی حدود میں گٹکا اور گٹکا پیڈلرز و سیلرز کا صفایا کیا جائیگا۔

گوجرخان باغی ٹی وی نامہ نگار( شیخ ساجد قیوم ) گوجرخان پولیس سرکل کے تھانہ جاتلی میں دو روز کے دوران 4 مختلف واقعات میں 4خواتین سمیت 5 افرادموت کے گھاٹ اتار دیئے گئے

دوروز قبل 75 سالہ بزرگ عورت کو کھیتوں میں جانور چرانے پر قتل کر دیا گیا جبکہ غیرت کے نام پر بھائی نے 2حقیقی بہنوں کو فائرنگ کرکے قتل کردیا

جبکہ تھانہ جاتلی کے علاقہ میں نوجوان عورت کو اس کے پھوپھا نے فائرنگ کرکے قتل کردیا جمعہ کے روز موہڑہ پھل میں 21 سالہ نوجوان رافع کو فائرنگ کرکے قتل کردیا گیا

چترال،باغی ٹی وی(گل حماد فاروقی ) لوئر چترال سیدآباد میں دو موٹر سائیکل سواروں کا آپس میں تصادم، حادثے کے نتیجے میں دو افراد جانبحق اور ایک زخمی ہوا،ریسکیو1122 کو اطلاع ملنے پر ریسکیو1122 کی ٹیموں نے زخمیوں کو ابتدائی طبی امداد فراہم کرتے ہوئے ڈی ایچ کیو ہسپتال لوئر چترال منتقل کردیا

لیکن دونوں افراد ہسپتال پہنچتے ہی انتقال کر گئے، حادثے کے نتیجے میں تین افراد زخمی ہوئے تھے جن میں ایک زخمی کو THQ ہسپتال دروش منتقل کردیا گیا ہے، جانبحق ہونے والوں میں سے ایک کا تعلق لوئر چترال کے مقام گنگ سے ہے، ابتدائی معلومات کے مطابق مخالف سمت سے آنے والے دو موٹرسائیکل آپس میں ٹکرا گئیں.