Category: جرائم و حادثات

اوکاڑہ باغی ٹی وی( نامہ نگار ملک ظفر) اسسٹنٹ کمشنر اورمحکمہ فوڈ اتھارٹی کی حساس ادارے کی نشاہدہی پر کاروائی جعلی دودھ کی گاڑی ڈرائیور سمیت پکڑ لی گئی ۔
تفصیلات کے مطابق رینالہ خورد اسسٹنٹ کمشنر اورمحکمہ فوڈ اتھارٹی کی حساس ادارے کی نشاہدہی پر اندرون جی ٹی روڈ انوار شہید کالونی پل کے قریب کارروائی، جعلی دودھ کی گاڑی ڈرائیورسمیت پکڑ لی گئی فوڈ اتھارٹی کے مطابق گاڑی میں 5 ہزار لیٹر جعلی دودھ موجود تھا ،دودھ والی گاڑی ہڑپہ سے سپلائی کے لیے رینالہ خورد آرہی تھی

ڈرائیور کے مطابق دودھ مبینہ طور پر سرکاری ادارے میں سپلائی کیا جانا تھا اسسٹنٹ کمشنر اور فوڈ اتھارٹی کی نگرانی میں دودھ کو مقامی نہر میں ضائع کر دیا گیا جبکہ سٹی پولیس نے ڈرائیور کو حراست میں لے کر کارروائی کا آغاز کردیا

میرپورخاص،باغی ٹی وی( نامہ نگار سید شاہزیب شاہ کی رپورٹ )2013 میں جاری کئے گئے نوٹیفیکیشن تاحال عملدرآمد نہیں ہوسکا . سابقہ بلدیاتی سٹی گورنمنٹ بھی مال بناتی رہی ، موجودہ میئرعبدالرؤف غوری اور ڈپٹی میئر جنید بلند میرپورخاص کے شہریوں کے اس اہم ترین مسئلے پر خاموش ہیں ،جبکہ نوٹیفیکیشن 2013 میں جاری کیا جاچکا ہے
باغی ٹی وی کی تحقیقاتی رپورٹ کے مطابق گذشتہ چند برس پہلے میرپورخاص کے گنجان آبادی والے علاقے سٹیلائٹ ٹاؤن کی لیز کاغذات میں ختم ہو جانے کے بعد سندھ حکومت کی جانب سے نئی لیز کرانے کے لئے ایک نوٹیفیکیشن ارسال کیا گیا تھا ، جس پر سابقہ حکومت نے کوئی ایکشن نہیں لیا بلکہ اپنے پرائیویٹ ایجنٹوں کے ذریعے من پسند بااثر افراد کی اور منہ مانگی رقم لیکر شرفاء کو کاغذات بناکر دئیے گئے ،

پرائیویٹ ایجنٹ جس کے لوٹ مارکے طریقہ کار سے معصوم عوام خوف کھاتے ہیں، اسے حکمران پارٹی کے سیاسی بازیگروں کی مکمل آشیرباد حاصل ہے ، کھلم کھلا میرپورخاص کے معصوم شہریوں سے لیز کے نام پہ رقم لوٹتا رہاہے جبکہ 2013 سے 2023 تک اور تاحال میرپورخاص کی سٹی گورنمنٹ پر بلا شرکت غیرے پیپلز پارٹی کا قبضہ رہا ہےمگر 10 سال کا عرصہ گذرنے کے بعد بھی میرپورخاص کی عوام کے لئے اب تک لیز تو کیا کوئی قابل ذکر کام نہیں کیا گیا، صرف ایک نالہ بنایا جارہا ہے جو شہری عوام کے لئے وبال جان بن گیا ہے ،

میرپورخاص کے شہریوں کا کہنا ہے کہ سٹیلائٹ ٹاؤن کی لیز کا مسئلہ پیپلز پارٹی کبھی حل نہیں کریگی کیونکہ یہاں اردو بولنے والے طبقے کی اکثیریت ہے اور یہ سب پیپلزپارٹی مخالف ووٹ بنک ہے

سیالکوٹ،باغی ٹی وی(سٹی رپوٹر شاہد ریاض)تھانہ پھلورہ کے علاقہ ککھاں والی میں نوجوان کو برہنہ کر کے تشدد کرنے کا معاملہ. ڈی پی او کا نوٹس ملزمان گرفتار. شہری جمشید نے نامعلوم ملزمان کے خلاف برہنہ کر کے تشدد کرنے اور ویڈیو بنانے سے متعلق درخواست دی تھی.

ڈی پی او سیالکوٹ محمد حسن اقبال نے بربریت کے واقعہ میں ملوث ملزمان کو فوری گرفتار کرنے کے احکامات جاری کئے تھے. ایس ایچ او تھانہ پھلورہ نے مقدمہ درج کر کے قلیل وقت میں واقعہ میں ملوث 5 ملزمان کو گرفتار کر کے پابند سلاسل کر دیا ہے.

ڈی پی او کا کہنا ہے کہ کسی کو قانون ہاتھ میں لینے کی اجازت نہیں دی جاسکتی مقدمہ میں تفتیش کے دوران قانون و انصاف کے تقاضوں کو کیا جائے گا.

نوری آباد،باغی ٹی وی (نامہ نگاراللہ وسایا پالاری)کوہستان اتحاد کی میزبانی میں مختلف سیاسی و سماجی ایس یو پی جامشورو جرنلسٹس سول سوسائٹی کا ایس ایس پی آفس جامشورو کے سامنے دھرنا جاری۔

19 جولائی کو پولیس کی سرپرستی میں گاؤں صوفن جاکرو کی زمین پر قبضہ ختم کیا جائے،گاؤں والوں پر حملہ کر کے زخمی کرنے والوں کے خلاف مقدمہ درج کیا جائے، ایس ایچ او لونی کوٹ سیف الرحمان سہتو کو فوری طور پر ہٹا کر ان کے خلاف مقدمہ درج کیا جائے۔ ریونیو کے معاملات میں پولیس کی مداخلت بند کی جائے۔ پولیس کی سرپرستی میں مقبوضہ زمین پر تعمیراتی کام بند کیا جائے

میہڑ،باغی ٹی وی (نامہ نگارمنظورعلی جوئیہ) بدامنی پولیس کیخلاف شہری دوسرے بھی دن تپتی دھوپ میں احتجاجاََ سڑکوں پر نکل آئے
میہڑ میں دن بہ دن بڑھتی ہوئی بدامنی پر پولیس کے خلاف شہری اتحاد کے چیئرمین نیاز علی برڑو اور ڈاکٹر عباس مہیسر کی قیادت میں شہری تپتی دھوپ میں روڈوں پر نکل آئے

ایس ایس پی دادو اور پولیس انتظامیہ کے خلاف سخت نعرے بازی کی گئی ، مقررین نے گھنٹہ گھر چوک پر خطاب کرتے ہوئے کہاکہ کہ ایس ایس پی دادو لیٹیروں اور چوروں کے ساتھ ملاہواہے کیونکہ ایس ایس دادو ڈاکٹر خالق کے دادو میں آنے سے بدامنی میں بے حد اضافہ ہواہے اور میہڑ پولیس لوٹ مار پر خاموش تماشائی بنی ہوئی ہے

مظاہرین نے اعلیٰ حکام سے مطالبہ کیا کہ میہڑ میں بڑھتی ہوئی بدامنی کا نوٹس لیکر شہر میں امن وامان بحال کروایا جائے دوسری صورت میں پرامن احتجاج جاری رہیگا.

کوئٹہ،باغی ٹی وی (نامہ نگار زبیرخان )نوابزادہ میر ہارون رئیسانی کی نماز جنازہ کانک اسٹیڈیم میں ادا کردی گئی
نماز جنازہ میں سابق وزیر اعلیٰ چیف آف سراوان نواب محمد اسلم خان رئیسانی شریک ،نوابزادہ لشکری رئیسانی ،نوابزادہ رئیس رئیسانی،نوابزادہ میر یادگار رئیسانی نوابزادہ میر جمال رئیسانی سمیت دیگر سیاسی و قبائلی شخصیات کی نماز جنازہ میں شرکت

نماز جنازہ میں کوئٹہ، مستونگ، کانک ، نوشکی اور صوبے کے دیگر علاقوں سے ہزاروں افراد نے شرکت کی نوابزادہ ہارون رئیسانی کی جسد خاکی کو پولیس کے چاق و چوبند دستے نے گارڈ آف آرنر اور سلامی پیش کی ،نوابزادہ میر ہارون رئیسانی کو کانک کے شہداء قبرستان میں شہداء کے پہلومیں سپر دخاک کردیا گیا

یاد رہے گذشتہ روزکوئٹہ میں دکاندار کو جرمانہ کرنے پر جھگڑا، نواب اسلم رئیسانی کے بھتیجے سمیت تین ہلاک ہوگئے تھے،فائرنگ کے واقعہ میں سابق وزیراعلیٰ بلوچستان نواب اسلم رئیسانی کے بھتیجے نوابزادہ ہارون رئیسانی اور ان کے محافظ سمیت تین افراد ہلاک اور تین زخمی ہوگئےتھے،
ڈائریکٹر جنرل فوڈ اتھارٹی بلوچستان نعیم بازئی کے مطابق نوابزادہ ہارون رئیسانی بلوچستان فوڈ اتھارٹی میں ڈپٹی ڈائریکٹر تعینات تھے انہیں سرکاری ڈیوٹی کے دوران قتل کیا گیا

ایس پی سریاب ضیا مندوخیل کے مطابق واقعہ بدھ کی رات کو کوئٹہ کے علاقے سریاب روڈ پر ایک نجی بس ٹرمینل کے قریب پیش آیا جہاں نوابزادہ ہارون رئیسانی بطور فوڈ اتھارٹی کے افسر کے طور پر چھاپہ مارنے پہنچے تھے،وہ جوس اور خوردنی اشیاء فروخت کرنے والی دکانوں کا معائنہ کررہے تھے۔
انہوں نے بتایا کہ ہارون رئیسانی نے بس ٹرمینل سے ملحقہ ایک دکاندار کو جرمانہ کیا تو ان کی وہاں موجود بس ٹرمینل کے مالک کے بیٹے میر برہمداغ لہڑی سے تلخ کلامی ہوگئی۔

ڈی جی فوڈ اتھارٹی نعیم بازئی کے مطابق کار سرکار میں مداخلت کرتے ہوئے نوابزادہ ہارون رئیسانی کو روکا گیا جس کی وجہ سے تلخ کلامی ہوئی۔
انہوں نے بتایا کہ ہارون رئیسانی کے ساتھ ایک سرکاری محافظ بھی تھا۔ دونوں کو سرکاری ڈیوٹی کے دوران نشانہ بنایا گیا۔

ایس پی سریاب کے مطابق تلخ کلامی سے بات ہاتھا پائی تک پہنچی ۔اس دوران نوابزادہ ہارون رئیسانی کے سرکاری محافظ لیویز اہلکار اور بس ٹرمینل کے مالکان اور ان کے محافظوں کے درمیان فائرنگ کا تبادلہ ہوا جس میں تین افراد کی موت ہوگئی۔
ایس پی سریاب کے مطابق قتل ہونے والوں میں نوابزادہ ہارون رئیسانی، ان کے محافط لعل محمد سومرو جب کہ دوسرے گروہ کا میر برہمداغ لہڑی شامل ہے۔

براہمداغ لہڑی بس ٹرمینل کے مالک معروف ٹرانسپورٹر قبائلی رہنما میر فیروز لہڑی کا پوتا اور بلوچستان کی سب سے بڑی ٹرانسپورٹ کمپنی سدابہار کے مالک دولت لہڑی کا بیٹا تھا۔

قصور،باغی ٹی وی ( نامہ نگار طارق نوید سندھو) گورنمنٹ اسلامیہ کالج قصورکی طالبات غیرمحفوظ،پرنسپل کودی گئی درخواست ردی کی نذر
تفصیل کے مطابق پرنسپل گورنمنٹ اسلامیہ کالج قصور کو طالبات کی طرف سے دی گئی درخواست کے مطابق کالج کے سامنے ایک دکان ہے،اس دکاندار کا کالج کے چوکیدار سے یارانہ ہے وہ دکاندار اپنی دکان پر بیٹھنے کی بجائے زیادہ وقت چوکیدار کے ساتھ کالج کے گیٹ پر گذارتا ہے اورآزادانہ طور کالج کے اندرجب چاہے آتاجاتا ہے ، وہ دکان سے زیادہ وقت لڑکیوں کے کالج میں گزارتا ہے

جس سے تنگ آکر کالج کی طالبات نے پرنسپل کو درخواست دی جس میں اسلامیہ کالج کے گارڈ پر الزام عائد کیا گیا کہ وہ عظیم نامی دکاندار کے ساتھ مل کر انہیں ہراساں کرتا ہے جس پر پرنسپل نے بجائے اس گارڈ پر ایکشن کرنے کے جواب دیا کہ ہم اس پر کوئی کارروائی نہیں کر سکتے ،دوسری طرف بچیوں کے والدین اور سول سوسائٹی نے تشویش کا اظہار کرتے ہوئے کہا کہ کیا پرنسپل قصور میں بھی اسلامیہ یونیورسٹی بہاولپور والا واقعہ رونما کروانا چاہتا ہے؟طالبات کے والدین ،شہری ،سیاسی اورمذہبی حلقوں وزیراعلیٰ پنجاب محسن نقوی ،چیف سیکرٹری پنجاب و دیگراعلیٰ حکام سے نوٹس لینے کامطالبہ کیا ہے

اوچ شریف باغی ٹی وی ( نامہ نگار حبیب خان) مہنگائی کی آڑ میں بھٹہ خشت مالکان کی بھی چاندی، بہتی گنگا میں ہاتھ دھوتے ہوئے اینٹوں کے مرضی کے نرخ وصول کرنا شروع کر دیئے، مقررکردہ نرخوں کی بجائے اضافی نرخوں کی وصولی جاری ، متعلقہ محکمہ نے چپ سادھ لےلی، انتظامیہ اے سی کمروں سے نکل کر اینٹوں کی زائد نرخوں پر فروخت روک کر کنٹرول نرخ پرفروخت کو یقینی بنائے، شہری سراپا احتجاج ۔

مہنگائی کے عفریت نے غریب سفید پوش طبقہ کا کچومر نکال کر رکھ دیا ہے وہیں شہر بھرمیں بھٹہ خشت مالکان بھی پیچھے نہیں رہے ، بعض بھٹہ خشت مالکان نے مہنگائی کی آڑ میں حالیہ جاری مصنوعی منافع خوری کی بہتی گنگا میں ہاتھ دھوتے ہوئے خود ساختہ اینٹوں کے نرخوں میں غیر معمولی اضافہ کرکے تعمیراتی شعبے کو تباہ کرنے کی ٹھان لی ہے جبکہ محکمہ انڈسٹری کے ضلعی افسران نے اس حوالے سے مکمل خاموشی اختیار کر رکھی ہے۔

شہریوں کا کہنا ہے کہ بھٹہ خشت مالکان نے مہنگائی کی بہتی گنگا میں ہاتھ دھوتے ہوئے اینٹوں کے نرخوں میں بھی من مانا اضافہ کرکے تعمیراتی شعبے کو تباہ و برباد کرنے کی حکمت عملی مرتب کر لی ہے جس کی وجہ سے دیہاڑی دار مزدور طبقہ فاقہ کشی پر مجبور ہے ، محنت کشوں کے گھروں کے چولہے ٹھنڈے پڑرہے ہیں۔

شہریوں نے وزیراعلیٰ پنجاب، چیف سیکرٹری پنجاب سے مطالبہ کیاہے کہ اینٹوں کے نرخوں پر بھی توجہ دی جائے اور سرکار ی محکموں کے ذمہ داران کو کڑی نگرانی کے احکامات جاری کئے جائیں تاکہ خود ساختہ مہنگائی کا خاتمہ ممکن ہو سکے

اوچ شریف باغی ٹی وی (نامہ نگار حبیب خان) ہیڈ پنجند پر پانی کی سطح بلند، آمد سوا لاکھ کیوسک ہو گئی، دریائے ستلج کی نشیبی علاقوں میں تباہ کاریاں جاری، جھانگڑہ شرقی کے قریب زمیندارہ بند ٹوٹنے سے سینکڑوں ایکڑ فصلیں تباہ،رہائشی مکانات بھی پانی میں گھِر گئے، پانی کی سطح مزید بلند ہونے کا امکان، بیٹ کے مکینوں پر قیامت صغری ٹوٹ پڑی ہے جانوروں کا چارہ اور سال بھر کی روزی کا زریعہ فصلیں دریا برد، چارے کی قلت سے پریشان مویشی پال افراد نے گھر میں پڑی گندم بھی مویشیوں کو کھلانا شروع کر دی، رابطہ سڑکیں بند اور شہر سے ملانے والے پل دریا برد ہونے سے مشکلات میں اضافہ، ضلعی انتظامیہ سے امدادی کیمپ اور متاثرہ علاقوں میں کشتی سروس مہیا کرنے کا مطالبہ،

دریائے چناب کے بعد دریائے ستلج میں پانی کی مقدار میں اضافے کے سبب ہیڈ پنجند کے مقام پر پانی کی سطح بلند ہو گئی ہے پانی کی آمد سوا لاکھ کیوسک جبکہ اخراج ایک لاکھ گیارہ ہزار کیوسک ریکارڈ کی گئی ہے، دریائے ستلج میں پانی کی سطح بلند ہونے سے ملحقہ نشیبی علاقوں میں سیلابی پانی نے تباہی مچا دی ہے اور مجموعی طور پر ہزاروں ایکڑ پر کھڑی فصلیں تباہ ہو گئی ہیں، گزشتہ روز جھانگڑہ شرقی بہاولپور گھلواں کے مقام پر زمیندارہ بند ٹوٹنے سے تیز رفتار سیلابی ریلے نے دیکھتے ہی دیکھتے سینکڑوں ایکڑ پر کھڑی فصلوں کو اپنی لپیٹ میں لے لیا جبکہ نشیبی علاقوں میں پانی نے رہائشی مکانات کو گھیرے میں لے رکھا ہے،

جبکہ موقع پر موجود محکمہ انہار کے اہلکاروں کے مطابق دریائے ستلج کےسیلابی پانی کی سطح میں مزید اضافے کا امکان ہے جس کے باعث بیٹ کے علاقوں میں مقیم افراد کی پریشانیوں میں بھی اضافہ ہو گیا ہے مکینوں کا کہنا ہے کہ ان کی تیار فصلیں تباہ ہو گئی ہیں اور مال مویشیوں کیلئے چارے کی کمی کے باعث گھر میں پڑی گندم بھی کھلانے پر مجبور ہیں، انہوں نے کہا کہ شدید مہنگائی کے دور میں سیلابی صورتحال نے بیٹ کے مکینوں پر قیامت صغری ڈھا دی ہے،

رابطہ سڑکیں بند ہیں اور شہروں کو ملانے والے پل بھی دریا برد ہو گئے ہیں ایسے میں حکومت کی طرف سے کوئی امدادی سرگرمیاں شروع نہیں کی گئیں، انہوں نے مطالبہ کیا کہ انہیں اپنے گھروں تک رسائی اور شہر سے رابطے بحال ہونے تک مفت کشتی سروس شروع کی جائے اور دیگر حفاظتی انتظامات بھی کئے جائیں