Category: جرائم و حادثات

میرپورخاص،باغی ٹی وی( نامہ نگار سید شاہزہب شاہ کی رپورٹ )میرپورخاص میں گندم کی قلت پوری کرنے کے لیے گندم کی بوریوں میں گندم کی مقدار کم اور مٹی کی مقدار زیادہ والی بوریاں پہنچانے کا انکشاف،ڈی ایف سی فوڈ نے غیر معیاری گندم کو چکیوں پر سپلائی کا حتمی پلان بھی ترتیب دے دیا

ذرائع کے مطابق محکمہ فوڈ کو 3 لاکھ میٹرک ٹن ٹارگٹ دیا گیا تھا تاہم صرف 73 ہزار میٹرک ٹن گندم جمع کی گئی جس پر میرپورخاص میں گندم بحران کے باعث آٹے کی قیمت 150 سے بھی تجاوز کرگئی جبکہ سابق ڈپٹی کمشنر زین العابدین میمن کے سیکرٹری فوڈ کو لکھے گئے لیٹر کے بعد نوابشاہ سے گندم میرپورخاص پہنچنا تو شروع ہوگئی لیکن خراب گندم ہونے کا انکشاف ہوا ہے

ڈی ایف سی فوڈ کی جانب سے خراب گندم پر موقف دینے سے انکار کرتے ہوئے کہا گیا کہ گندم کی کوئی قلت بھی نہیں ہے اور کوئی گندم خراب بھی نہیں ہے جبکہ چکی مالکان کے مطابق مٹی زدہ گندم کرپشن کی ایک پرانی پریکٹس ہے جس کا بوجھ عوام پر آتا ہے چکی مالکان کو سرکاری ریٹ پر گندم کی بوری فروخت کی جاتی ہے لیکن اس میں مٹی کا وزن زیادہ اور گندم کا وزن کم ہونے کی وجہ سے وہ آٹے کی قیمت میں اضافہ کرکے اپنے نقصان کو پورا کرتے ہیں،ذرائع کے مطابق ڈی ایف سی فوڈ میر علی محمد خراب گندم چکی اور ملوں پر سپلائی کرنے کے لئے اپنے دفتر میں خفیہ میٹنگوں میں مصروف ہیں

میرپورخاص باغی ٹی وی( نامہ نگار سید شاہزیب شاہ کی رپورٹ) سابق میونسپل کمیٹی میرپورخاص کے کلرک سعد مہر کرپشن رشوت خوری اور سینٹری ورکرز سے بھتہ خوری کے الزام کی انکوائری میں کراچی طلب کڑلئے گئے ۔۔ تفصیلات کے مطابق سابقہ میونسپل کمیٹی میرپورخاص کے کلرک سعد مہر جو ان دنوں میونسپل کارپوریشن میرہورخاص کے ٹاؤن سید خادم علی شاہ میں بطور اسسٹنٹ ڈائریکٹر ہیلتھ کام کر رہے ہیں کو کرپشن کرنے ، رشوت وصول کرنے اور سینٹری ورکرز سے ماہانہ بھتہ جمع کرنے کے الزام کے تحت ہونے والی انکوائری میں بیان کے لیے ذاتی طور پر کراچی طلب کر لیا گیا ۔ سندھ لوکل گورنمینٹ (بورڈ ) کے ڈائریکٹر III امجد علی پتافی کے جاری کردہ لیٹر نمبر SLGB/AO(Inquiry)GEN/2023/253 بتاریخ یکم اگست 2023 کے مطابق سعد مہر کو 2023-08-08 کو صبح گیارہ بجے کراچی میں سیکریٹری لوکل گورنمینٹ بورڈ کے سامنے پیش ہو کر بیان قلمبند کرانے حکم دیا گیا ہے ۔

سیالکوٹ،باغی ٹی وی (شاہدریاض سٹی رپورٹر)ریسکیو 1122 نے اپنی ماہانہ کارکردگی رپورٹ جاری کردی ہے
ریسکیو 1122میڈیا ترجمان سیالکوٹ کے مطابق سینٹرل ریسکیو1122اسٹیشن پر ڈسٹرکٹ ایمرجنسی آفیسر انجینئر نوید اقبال کی سربراہی میں ماہانہ کارکردگی کا جائزہ لینے کے لیے اجلاس منعقد ہوا۔ اجلاس میں تمام ونگ اور اسٹیشنز انچارجز شامل تھے۔ ایمرجنسی آفیسر عرفان یعقوب نے ماہانہ کارکردگی کا مختصراََ جائزہ پیش کرتے ہوئے بتایا کہ ریسکیو کنٹرول کو26049 فون کالز موصول ہوئیں جس میں سے2324ایمرجنسی کالز تھیں جب کہ باقی بوگس اور غیر ضروری کالز تھیں۔

ایمرجنسی کالز میں 756 سڑک کے حادثات،40آگ لگنے کے واقعات، 55 کرائم ایمرجنسییز،1051میڈیکل ایمرجنسیز،4 ڈوبنے کے واقعات93 بلندی سے گرنے کے واقعات اور325 ریسکیو آپریشنز جن میں جانوروں کو ریسکیو کرنا شامل ہے کی کالز موصول ہوئیں۔ ریسکیو1122نے بروقت کارروائی کر کے2903مریضوں میں سے450مریضوں کو موقع پر ہی ابتدائی طبی امداد مہیا کی، 2453 مریضوں کو ابتدائی طبی امداد مہیا کرنے کہ بعد زندہ ہسپتال منتقل کر دیا جبکہ 59 مریض ہسپتال منتقلی کے دوران یا جائے حادثہ پر انتقال کر گئے۔

ریسکیو1122نے کمیونٹی ٹریننگ پروگرام کے تحت6تربیتی سیشن میں 85لوگوں کو ابتدائی طبی امداد اور آگ سے بچنے کی تربیت فراہم کی۔ ریسکیورز و ریسکیوزنے محافظین ضلعی انتظامیہ کے ساتھ مل کر محرم الحرام کے دوران ہونے والی مجالس و جلوسوں کو کوریج مہیا کی اور 908عزاداروں کو ابتدائی طبی امداد مہیا کی جبکہ 12کو ہسپتال منتقل کیا۔

ڈسٹرکٹ ایمرجنسی آفیسر انجینئر نوید اقبال نے کارکردگی کو سراہا اور ہدایات جاری کرتے ہوئے کہا کہ اسی طرح جوش و جذبہ کے ساتھ عوام الناس کی خدمت میں سرشار رہیں۔ریسکیورز اپنی جسمانی صحت کا بھی خیال رکھیں جس بھی ایمرجنسی گاڑی پر ڈیوٹی اس کو آپریشنل حالت مین رکھنا اس کی ذمہ داری ہے تا کہ لوگوں کو بروقت مدد مہیا کی جا سکے۔

کوٹ مبارک،باغی ٹی وی (نامہ نگارامداداللہ تھہیم) پٹرولیم مصنوعات کی قیمتوں میں اضافہ عوام پر ظلم ہے-عبدالعزیزکھوسہ
حکومت مہنگائی کرنے کی بجائے اپنی عیاشیاں ختم کرے پٹرولیم مصنوعات کی قیمتوں میں اضافہ عوام پر ظلم کی انتہا ہے پندرہ ماہ میں اٹھائیس فیصد سے زائد مہنگائی پاکستان کی تاریخ کی بلند ترین شرح ہے ان خیالات کا اظہار امید وار چئیرمین عبدالعزیز خان کھوسہ نے صحافیوں سے گفتگو کرتے ہوئے کیا انہوں نے کہا کہ قائد اعظم نے غریب اور امیر کے لئے ایک ہی پاکستان بنایا تھا لیکن حکمران طبقہ۔ اشرافیہ اور مافیاز نے 75 سالوں میں اپنی حرکات۔ کرپشن اور لوٹ مار سے غریب اور امیر کے لئے الگ الگ پاکستان قائم کر دیئے ہیں

اسلامی ریاست ماں جیسی ہوتی ہے شہریوں کی حفاظت اور روز گار امن و امان ریاست کی ذمہ داری ہوتی ہے حکمران طبقہ عیاشیوں میں مصروف ہے اور سرکاری وسائل کا بے دریغ استعمال اور لوٹ مار کر رہا ہے اکثر کرپٹ حکمرانوں اور افسران نے بیرون ممالک اپنی جائیدادیں بنا رکھی ہیں لیکن چینی،گھی،آٹا اور پٹرول غریب عوام کی پہنچ سے دور کر دیا گیا ہے انہوں نے مزید کہا کہ پٹرولیم مصنوعات کی قیمتوں میں اضافہ فوری واپسی لیا جائے بصورت دیگر شدید احتجاج کیا جائے گا

ڈیرہ غازیخان(باغی ٹی وی )پاکستان مرکزی مسلم لیگ کا پریس کلب کے باہر پیٹرولیم مصنوعات کی قیمتوں میں اضافہ کیخلاف احتجاج
تفصیل کے مطابق پاکستان مرکزی مسلم لیگ ڈیرہ غازی خان کے زیر اہتمام پریس کلب کے باہر پیٹرولیم مصنوعات میں اضافے کے خلاف احتجاجی مظاہرہ کیا گیا،جس میں ضلعی رہنما پاکستان مرکزی مسلم لیگ عبد الرحمن سیاف نے خطاب کرتے ہوئے کہاکہ حکومت فی الفور پیٹرولیم مصنوعات کی قیمتیں واپس لے ورنہ حکومت کے خلاف ملک گیر احتجاجی تحریک چلائی جائے گی

حافظ ذکاء اللہ ایڈوکیٹ صدر پاکستان مرکزی مسلم لیگ ڈیرہ غازی خان نے خطاب کرتے ہوئے کہاحکومت اپنی عیاشیوں کے لیے تمام تر وسائل استعمال کر رہی ہے لیکن غریب کے منہ سے نوالہ چھیننے کے لیے ہر اقدام اٹھا رہی ہے ہم حکومت سے مطالبہ کرتے ہیں فی الفور عوام کو ریلیف دے ،اگرعوام کو ریلیف نہ دیاگیا توپاکستان مرکزی مسلم لیگ ملک بھر احتجاج کادائرہ وسیع کردے گی-

پریس کلب کے باہر ہونے والے احتجاج میں شہریوں کی کثیر تعداد میں شرکت اور حکومت کے خلاف نعرے بازی ،عوام کا کہنا تھا حکومت آفیسران کوگھر،گاڑی ،پٹرول اورمفت بجلی کے ساتھ بھاری تنخواہیں اور دیگر مراعات دیتی ہے ،اگرملکی حالات ٹھیک کرنے ہیں تو سب سے افسرشاہی کیلئے وہی قانون اور قاعدے رائج کریں جو عام دیہاڑی دارشہری کیلئے ہیں