چترال،باغی ٹی وی(نامہ نگارگل حماد فاروقی)چترال میں کئی اساتذہ اور ہزاروں شاگردوں کا استاد سید غفار سکنہ سینگور 96 سال کے عمر میں انتقال کرگئے۔ وہ چترال کے پہلے اساتذہ میں شمار ہوتے ہیں۔ ان کے کئی شاگرد محتلف سکولوں، کالجوں، اور جامعات میں اساتذہ ہیں جبکہ کئی شاگرد اعلےٰ عہدوں پر بھی تعینات ہیں۔ سید غفار مرحوم کچھ عرصہ سے بیمار تھے اور کل رات اچانک بیماری میں شدت آگئی جنہیں ہسپتال لے جایا گیا مگر وہ جانبرد نہ ہوسکے اور اپنے خالق خقیقی سے جاملے۔

وہ عبدالغفور، رشید الغفور ڈی سی آفس، ساجد الغفور لفٹیننٹ کرنل اور غفور احمد سماجی کارکن کے والد تھے۔ ان کے آباء و اجداد اوویر سے آکر سینگور میں آباد ہوئے تھے اور وہ معلم کے پیشہ سے وابستہ ہوئے تھے۔ ان کی نماز جنازہ میں ڈپٹی کمشنر، ایڈیشنل ڈپٹی کمشنر کے علاوہ کثیر تعداد میں فوجی و سول افسران، اساتذہ، ان کے شاگرد اور تمام طبقہ فکر سے تعلق رکھنے والے لوگوں نے شرکت کی۔ ان کیلئے دعائے مغفرت اور فاتحہ خوانی کیلئے سینگور لوٹ دیہہ میں انتظام کیا گیا ہے۔

سیالکوٹ،باغی ٹی وی (شاہد ریاض سٹی رپورٹر)پسرور پولیس کی کارروائی، 2 خطرناک ڈکیت گینگز کے ملزمان کو گرفتار
تفصیلات کے ڈی پی او سیالکوٹ محمد حسن اقبال کی ہدایت پر اورزیر نگرانی ڈی ایس پی شہباز چیمہ،ایس ایچ او تھانہ صدر پسرور لیاقت گجر نے بمعہ اپنی ٹیم جرائم پیشہ عناصر کے خلاف کریک ڈاؤن کیاملزمان کو گرفتار کر کے ان سے 6عدد موٹر سائیکل ملیت 2لاکھ اور موبائل فون 6عدد مالیت 2لاکھ پسٹل 2عددبمعہ گولیاں برآمد-

برامد شدہ موٹر سائیکل ورثا کے حوالے کی جس پر اہل علاقہ نے انسپکٹر لیاقت گجر اور اس کی ٹیم کو سراہا ، ملزمان سے مزید تفتیش جاری ہے. جن سے مزید برآمدگی عمل میں لائی جائے گی۔ڈی پی او سیالکوٹ محمد حسن اقبال نے پولیس ٹیم میں شامل افسر و ملازمان کو 2 ڈکیت گینگز کو گرفتار کرنے پر شاباش دی

چترال،باغی ٹی وی (نامہ نگارگل حماد فاروقی ) چترال میں سکول کے بچوں کو لے جانے والا گاڑی حادثے کا شکار ہوئی ہے جس کے نتیجے میں13 بچے زحمی ہویے۔
لوئر چترال دنین گہتک آفاق ماڈل سکول کے قریب سکول کے بچوں کی سوزوکی گاڑی حادثے کا شکار ہوکر سڑک سے نیچے گر گئی، ریسکیو1122 کو اطلاع ملنے پر ریسکیو1122 کی میڈیکل ٹیموں نے زخمی ہونے والے بچوں کو ابتدائی طبی امداد فراہم کرتے ہوئے ڈی ایچ کیو ہسپتال لوئر چترال منتقل کردیا، حادثے کے نتیجے میں کوئی جانی نقصان نہیں ہوا،

حادثے کے نتیجے میں 13بچے زخمی ہوئے، ابتدائی معلومات کے مطابق گاڑی بچوں کو لیکر سکول جارہی تھی کہ حادثہ پیش آیا، ریسکیو1122 کی ریکوری ٹیم ریکوری وہیکل کے ذریعے متاثرہ گاڑی کو ریکور کر لیا یعنی گاڑی کو نیچے سے سڑک پر نکال باہر کیا۔ ابتدای اطلاعات کے مطابق فرنٹییر کور پبلک سکول کے بچے نجی سوزکی میں سکول جارہے تھے کہ یہ افسوس ناک واقعہ پیش آیا۔ تاہم حادثے میں معجزانہ طور پر کوی جانی نقصان نہیں ہوا بچوں کو چوٹیں آئیں ، بتایا جاتا ہے کہ دو بچے زیادہ زحمی ہیں۔

اوچ شریف باغی ٹی وی (نامہ نگار حبیب خان) کروڑوں روپے مالیت کے سیوریج لائن، ٹف ٹائل منصوبوں میں بھاری کرپشن کا بھانڈا پھوٹ گیا، شہر بھر میں گلیاں، بازار ناکارہ سیوریج سسٹم کے گندے پانی میں ڈوب گئے، دکانداروں کا ٹینکی چوک پر احتجاج، انجمن تاجران و سول سوسائٹی نے میونسپل کمیٹی اوچ شریف کے دفتر میں احتجاج ریکارڈ کرایا، سیوریج کے ادھورے منصوبے کو مکمل کرنے اور ناقص منصوبے کی تعمیر پر ذمہ داروں کے خلاف فوری کارروائی کرنے اور شہر میں صحت و صفائی کی ابتر صورتحال کو ہنگامی بنیادوں پر بہتر بنانے کا مطالبہ،

اوچ شریف میں ٹینکی چوک پر دکانداروں نے احتجاج کرتے ہوئے بتایا کہ 7 محرم سے سیوریج لائن بند ہونے کی وجہ سے اہل علاقہ شدید اذیت میں مبتلا ہیں، ٹھیکیدار نے سیوریج کی تنصیب کے دوران ٹینکی چوک پر چار سے پانچ سو فٹ کا ٹکڑا چھوڑ دیا اور سیوریج لائن نہیں ڈالی گئی جس کے باعث آئے روز گٹروں کے گندے پانی سے بازار بھر جاتے ہیں اور ان کا کاروبار راستہ نہ ہونے کے باعث تباہ ہو گیا ہے، انہوں نے احتجاج کرتے ہوئے مقامی سیاسی نمائندوں اور میونسپل افسران کو سخت تنقید کا نشانہ بنایا،

علاوہ ازیں اندرون ہاتھی گیٹ بازار و جہانیاں روڈ پر گٹروں کے گندے پانی کی تشویشناک حالت کے باعث انجمن تاجران اور سول سوسائٹی کے نمائندوں کی سربراہی میں دکانداروں نے میونسپل کمیٹی اوچ شریف پہنچ کر اپنا احتجاج ریکارڈ کرایا اس موقع پر تاجر رہنما عمر خورشید سہمن نے انتظامیہ کو باور کرایا کہ اگر فوری طور پر سیوریج سسٹم کو بحال کر کے شہر اور بازاروں کو گندگی سے پاک نہ کیا گیا تو تاجر برادری احتجاجاً ہڑتال کرنے اور الشمس چوک پر دھرنا دینے پر مجبور ہو جائے گی

اوچ شریف باغی ٹی وی (نامہ نگار حبیب خان) 6 روز گزرنے کے باوجود واردات کے دوران قتل ہونے والے نوجوان کے قاتل گرفتار نہ ہو سکے، ڈی پی او بہاول پور کا 72 گھنٹوں میں ملزمان گرفتار کرنے کا دعویٰ وفا نہ ہو سکا، مقامی پولیس انچارج بھی قاتلوں کی گرفتاری میں عدم دلچسپی دکھانے لگا،
جھوٹی تسلیوں کی بجائے اکلوتے بیٹے کے قاتلوں کو گرفتار کر کے سرعام پھانسی دی جائے، مقتول کی والدہ نے وزیر اعلیٰ پنجاب سے نوٹس لینے کا مطالبہ

اوچ شریف کے نواحی علاقے مراد والی چکی کے مقام پر بستی لاشاری میں گزشتہ ہفتے مبینہ ڈکیتی کی واردات کے دوران مزاحمت پر بابر نامی نوجوان کے قتل کا افسوسناک واقعہ پیش آیا جو کہ نامعلوم ڈاکو ڈکیتی اور لوٹ مار کی غرض سے گھر میں داخل ہوئے اور مزاحمت کرنے پر فائرنگ کرتے ہوئے نوجوان کو موت کے گھاٹ اتار دیاتھا ۔ڈاکوؤں کی فائرنگ سے والدین کا اکلوتا جوان بیٹا بابر جاں بحق ہوگیا۔

جس کی اطلاع پا کر ڈسٹرکٹ پولیس آفیسر بہاول پور سید محمد عباس سرکل پولیس آفیسر احمد پور شرقیہ فرخ جاوید اور مقامی تھانہ اوچشریف کے انچارج ایس ایچ او مسلم ضیاء و دیگر پولیس اہلکاروں کے ہمراہ موقع پر پہنچ گئے تھے جہاں پر انہوں نے کرائم سین کا وزٹ کر کے قتل ہونے والے نوجوان کی والدہ کی مدعیت میں 3 نامعلوم افراد کے خلاف قتل کا مقدمہ درج کر دیا اور ایس ڈی پی او احمد پور شرقیہ فرخ جاوید کی سربراہی میں سپیشل ٹیم تشکیل دے کر 72 گھنٹوں میں ملزمان ٹریس کرنے کے دعوے کئے گئے

گزشتہ روز مقتول بابر لاشاری کی والدہ نے صحافیوں سے گفتگو کرتے ہوئے کہا کہ پولیس افسران نے 72 گھنٹوں میں ملزمان گرفتار کر کے انہیں سزا دلانے کا وعدہ کیا تھا جو آج 6 دن گزرنے کے باوجود بھی پورا نہیں کیا مقامی پولیس انچارج اس کے بیٹے کے قاتلوں کو گرفتار کرنے میں عدم دلچسپی کا مظاہرہ کر رہی ہے جبکہ اس کے اکلوتے نوجوان بیٹے کے قاتل آزاد ہیں مقتول کے قریبی رشتہ داروں نے بتایا کہ مقامی پولیس کو کھوجی نے ملزمان کی نشاندہی کر دی ہے اس کے باوجود قاتل گرفتار نہیں ہوئے انہوں نے وزیر اعلیٰ پنجاب محسن نقوی اور آئی جی پنجاب عثمان انور سے فوری نوٹس لینے کا مطالبہ کیا ہے

سرگودھا،باغی ٹی وی( ملک شاہنواز جالپ۔نامہ نگار)آر پی او آفس میں کھلی کچہری کا انعقاد۔
آر پی او شارق کمال صدیقی نے اپنے دفتر میں کھلی کچہری کا انعقاد کیا۔ جس میں سرگودھا ریجن سے آنے والے شہریوں کے مسائل سنے اور اُن کے فوری حل کے لیے احکامات جاری کیے۔انہوں نے کہا کہ کھلی کے انعقاد کے لیے جدید ٹیکنالوجی کا استعمال کیا جا رہا ہے۔اب عام شہری گھر بیٹھ کر ہی شکایت درج کروا رہے ہیں

شکایات کے ازالہ کے لیے قواعد و ضوابط پر عمل درآمد کو یقینی بنایا جا رہا ہے۔انہوں نے ہدایت جاری کرتے ہوئے کہا کہ اپنے مسائل کے حل کے لیے آنے والے شہریوں کی سہولت کا خیال رکھا جائے اورمسئلہ کے حل تک اُن سے رابطے میں رہا جائے۔انہوں نے آئندہ انچارج کمپلینٹ سیل کودرخواستوں پر کی جانے والی پیش رفت کے بارے رپورٹ پیش کرنے کی ہدایت کی۔

ننکانہ صاحب ،باغی ٹی وی (نامہ نگاراحسان اللہ ایاز)ضلع کونسل ٹھیکے پر دے دیا گیا،آفیسران بے بس
چیف آفیسر کے مراسلہ کے مطابق میرے پاس متعدد بل,ڈاک ,چیک وغیرہ متعلقہ اتھارٹی کے دستخط کے بغیرساٸن کے لیے بھجوا دیۓ جاتے ہیں اورمتعلقہ اتھارٹی کی بجائے ٹھیکیدارلیکرآتے ہیں چیف آفیسر کاجاری کیا گیالیٹر سامنے آ گیا
تفصیلات کے مطابق ڈسٹرکٹ کونسل ننکانہ صاحب کے معتبر ذرائع کا کہنا ہے کہ ڈسٹرکٹ کونسل ننکانہ صاحب میں تعینات افسران،سب انجینئر سمیت کلرک چند چہیتے ٹھیکیداروں کے سامنے بے بس ہو چکے ہیں اور ٹھیکیدار دفتری معاملات اور فائل ورک خود چلا رہے ہیں جس کے باعث ڈسٹرکٹ کونسل ننکانہ صاحب میں کئی مسائل جنم لے چکے ہیں اور مزید جنم لے رہے ہیں اور ضلع کونسل میں تعینات تمام عملہ ہاتھ پر ہاتھ رکھے نظر آتا ہے،

ذرائع کا کہنا ہے کہ ٹھیکیداروں کوڈسٹرکٹ آفیسر فنانس ،ڈسٹرکٹ آفیسر آئی اینڈ ایس ،ڈسٹرکٹ آفیسر ریگولیشن,ریزیڈنٹ ڈپٹی ڈائریکٹر آڈٹ اینڈ اکاٶنٹس کے دفاتر سے دور رکھنے کے لیے ایک حکم نامہ مراسلہ نمبر772 مورخہ 7جون 2023 کو تقریباََ دو ماہ قبل جاری کیا گیا تھا جس میں چیف آفیسر ڈسٹرکٹ کونسل ننکانہ صاحب ساجد مشرف نے حقائق کو تسلیم کرتے ہوۓ مراسلہ میں کہا ہے کہ میرے پاس متعدد بل،ڈاک،چیک وغیرہ متعلقہ اتھارٹی کے دستخط کے بغیرسائن کے لیے بھجوا دیۓ جاتے ہیں جبکہ اکثر اوقات چیکس بھی اکاؤنٹ اور متعلقہ اہلکار کی بجاۓ ٹھیکیدار لیکرآتے ہیں لہذا بذریعہ لیٹر ہذا آپ کو ہدایت کی جاتی ہےکہ کوئی ڈاک چیک وغیرہ میرے پاس نہ بھجوایا جاۓ جب تک ڈی ڈی او یا اتھارٹی کے سائن نہ ہوں مزید یہ کہ دفتری ڈاک ،چیک وغیرہ ٹھیکیدار کی بجاۓ اکاٶنٹنٹ ،سب انجینیر وغیرہ کے ذریعے ہی بھجواۓ جائیں-

ضلع کونسل کے ذرائع کا کہنا ہے کہ مراسلہ کے جاری ہونے کے باوجود ٹھیکیدار ڈسٹرکٹ کونسل ننکانہ صاحب کی تمام برانچوں پرحاوی ہیں جس کے باعث بہت سارے مسائل جنم لےرہے ہیں ,ڈی سی ننکانہ صاحب میاں رفیق احسن ،کمشنر لاہور ڈویژن اور چیف آفیسر ضلع کونسل سے فوری نوٹس کا مطالبہ ہے کہ اس اجارہ داری کو ختم کیا جاۓ تاکہ افسران ڈسٹر کٹ کونسل اور دیگر ملازمین سکون کے ساتھ اپنے دفتری معاملات کو چلا سکیں