Category: جرائم و حادثات

اوکاڑہ،باغی ٹی وی( نامہ نگار ملک ظفر )دربار بابا کالے شاہ پر ساتھیوں کے ہاتھوں مرید قتل،ملزمان گرفتار
تفصیل کے مطابق اوکاڑہ دربار بابا کالے شاہ کے 4 مریدوں نے ساتھی مرید کو قتل کر دیا ملزمان نےمقتول کی نعش بوری میں بند کر کے نہر لوئر باری دواب میں پھنیک دی، چاروں قاتل گرفتار ملزمان نے اعتراف جرم کر لیا- سب انسپکٹر نوید نزیر نے اپنی پیشہ وارانہ صلاحیتوں اور جدید ٹیکنالوجی کے ذریعے ملزمان کو ٹریس آؤٹ کر کے گرفتار کیا-

پولیس ذرائع کے مطابق تھانہ ستگھرہ کی حدود میں دربار بابا کالے شاہ واقع ہے جہاں پر ملزمان محمد شہزاد عرف پپو، عمر فاروق، محمد شہزاد ولدیارا اور محمد شیراز کے ساتھ مقتول غلام حسن عرف کاکا مریدین تھے بابا کالے شاہ کی وفات کے بعد بابا بالی سائیں کو دربار کا گدی نشین بنا دیا گیا جو کہ نابینا،بہرہ اور گونگا تھاجس کی وجہ سے گدی نشین کی جواں سالہ بیوی رانی بی بی دربار کا انتظام سنبھالتی تھی اس دوران مبینہ طور پر مقتول اور رانی بی بی کے ناجائز تعلقات قائم ہوگئے ،جس کا ملزمان کو رنج تھا جو مختلف طریقوں سے مقتول کو تنگ کرتے تھے، رانی بی بی کو علم ہوا تو اس نے چاروں ملزمان مریدوں کو دربار سے نکال دیا

جس کا ملزمان کو رنج تھا ملزمان نے28 دسمبر 2022 کو مقتول کا گلہ دبا کر اسے قتل کر دیا اور اپنا جرم چھپانے کے لئے اس کی نعش بوری میں بند کر کے اسے نہر لوئر باری دواب میں پھینگ دیا مقتول کے بھائی نے تھانہ ستگھرہ میں اپنے بھائی کے لاپتہ ھونے کی رپورٹ درج کرادی 2 دن بعد مقتول کی نعش یوسف والا کے قریب سے نہر سے برامد ھو گئی مقتول کے بھائی غلام عباس نے کپڑوں سے اپنے بھائی کو شناخت کر لیا پولیس تھانہ ستگھرہ کے سب انسپکٹر نوید نزیر نےجدید ٹیکنالوجی کے ذریعے ملزمان کو چند گھنٹوں میں ہی گرفتار کر لیا ابتدائی تفشیش میں ہی ملزمان نے اعتراف جرم کر لیا یوں پولیس نے 7 ماہ قبل ہونے والے اندھے قتل کی واردات کے چاروں ملزمان کو گرفتار کر کے جو ڈیشل جیل روانہ کر دئیے –

سیالکوٹ، باغی ٹی وی(شاہد ریاض سٹی رپورٹر)چند روز قبل نہر اپر چناب میں کمبھرانوالہ کے مقام پر ڈوبنے والے دونوں کزن کی لاشیں مل گئیں۔
18سالہ فہد کی لاش ہیڈبمبہ والا کے مقام سے ملی

15سالہ راحت کی لاش لڑھکی پل کے پاس سے نکال کر ریسکیورز نے لواحقین کے سپرد کر دیا۔دونوںکا تعلق دبئی چوک گوہد پور سے تھا اور نہانے کی غرض سے نہر پر آئے اور ڈوب گئے ،
ریسکیو سرچ آپریشن ڈسٹرکٹ ایمرجنسی آفیسر انجینئر نوید اقبال کی سربراہی میں جاری تھا۔

اوکاڑہ، باغی ٹی وی( نامہ نگار ملک ظفر)اوکاڑہ سنگدل بیوی نے اپنے شوہر کو بے دردی سے قتل کر دیا
تفصیلات کے مطابق اوکاڑہ تھانہ بی ڈویژن کی حدود ظفر کالونی میں بیوی نے اپنے خاوند کو تیز دھار آلے سے قتل کیا کردیا، مقتول کی شناخت شاہد کے نام سے ہوئی جو کہ صمد پورہ کا رہائشی تھا، شاہد اور ثناء کے تین بچے ہیں گھر میں اکثر لڑائی جھگڑا رہتا تھا

تھانہ بی ڈویژن پولیس نے موقع پر پہنچ کر ثناء نامی ملزمہ کو گرفتار کر لیاہے، پولیس کی جانب سے ملزمہ سے مزید تفتیش کا دائرہ وسیع کردیاگیا ہے اور دیگر کرداروں کے ملوث ہونے سے متعلق سائنسی بنیادوں پر تحقیقات کاآغاز کردیا گیا ہے، ابتدائی تحقیقات کے مطابق بیوی نے شوہر کا قتل گھریلو ناچاکی پر کیا۔
پولیس نے شاہد نامی شخص کی نعش کو تحویل میں لے کر پوسٹمارٹم کیلئے ہسپتال منتقل کر دیا۔

اوکاڑہ،باغی ٹی وی( نامہ نگار ملک ظفر)سویڈن میں قرآن پاک کی دوبارہ بیحرمتی کی کوشش،بار ایسوسی ایشن کی ہڑتال ،وکلاء عدالتوں میں پیش نہ ہوئے
ڈسٹرکٹ بار ایسوسی ایشن اوکاڑہ کی جانب سے سویڈن میں قرآن پاک کی دوبارہ بیحرمتی کی کوشش پر ہڑتال آج عدالتوں میں پیش نہ ہونے کا اعلان کیا گیا تھا،جس پر مکمل آج مکمل ہڑتال کی گئی ،وکلاء نے کہا کہ سویڈن میں قرآن پاک کی پھر سے بیحرمتی کی کوشش پر دل رنجیدہ ہیں۔

پاکستان سمیت اسلامی ممالک گستاخانہ عمل روکنے کیلئےاقوام متحدہ سے رجوع کرنا ہوگا ،قرآن پاک ہمارے لیئے ایک مکمل ضابطہ حیات رہنمائی کرنیوالی مقدس کتاب ہے۔ڈسٹرکٹ بار اوکاڑہ نے ایک مشترکہ بیان میں کہا ہےکہ واقعہ میں ملوث سویڈن کے چند نام نہاد افراد کی مذمت کرتے ہیں ۔

سیالکوٹ،باغی ٹی وی (سٹی رپورٹرشاہد ریاض )عشرہ محرم الحرام کو پرامن بنانے کے لیے جامع سیکیورٹی پلان جاری
ڈی پی او محمد حسن اقبال کی ہدایات پر سیالکوٹ پولیس نے محرم الحرام میں جلوس و مجالس کی سیکیورٹی کیلئے سیکیورٹی پلان جاری کردیا ہے۔ ضلع بھر میں کل 1258مجالس منعقد ہوں گی جبکہ 334 جلوس برآمد کیے جائیں گے۔ امام بارگاہ اور دیگر جگہوں کی سیکیورٹی کیلئے 2400 سے زائد پولیس افسران و ملازمان تعینات کیے جارہے ہیں۔

اس کے علاوہ ایلیٹ فورس،محافظ اسکواڈ، PC ریزورز،ٹریفک پولیس،پولیس قومی رضاکاران بھی تعینات کیے جارہے ہیں۔ شیڈول میں شامل تمام امام بارگاہوں اور جلوسوں کیلئے پولیس اہلکاران کی بائی نیم ڈیوٹی لگائی جائے گی۔ کیٹگری۔A کے مرکزی امام بارگاہوں اور جلوسوں پر سپیشل پولیس کے علاوہ ضلع پولیس کی بھاری نفری تعینات کی جائیگی۔

مجالس و جلوس میں زیادہ رش والی جگہوں پر فزیکل چیکنگ کے علاوہ داخلی راستوں پر واک تھرو گیٹس نصب کیے جائیں گے جبکہ تمام جگہوں پر میٹل ڈیٹیکٹر کا استعمال ضروری قرار دیا گیا ہے۔ سیالکوٹ پولیس اپنے تمام دستیاب وسائل کو بروئے کار لاتے ہوئے پوری محنت و جانفشانی کے ساتھ جلوس و مجالس کی سیکیورٹی ڈیوٹی سر انجام دے گی۔

پوائنٹ ڈیوٹی پر اہلکاران کو مامور کرنے کے علاوہ تمام علاقوں کو مزید حصوں میں تقسیم کرکے نگرانی کیلئے گزیٹڈ پولیس افسران کو مامور کیا جارہا ہے۔ پروگرام کے دوران تھانے کی گاڑیاں،محافظ اسکواڈ اور ایلیٹ پولیس فورس گشت کے فرائض سرانجام دیں گی۔ ٹریفک پولیس اور پٹرولنگ پولیس بھی ضلع پولیس کی معاونت اور روڈ کلیئرنس کیلئے ہمہ وقت موجود رہے گی۔

پولیس لائنز سیالکوٹ میں ریزو فورس ترتیب دی گئی ہے جو کسی بھی ناخوشگوار واقعہ کی صورت میں فوری طور پرپہنچے گی۔ جلوسوں کے دوران ملحقہ راستوں کو سیل کردیا جائیگا جبکہ جلوس کے فرنٹ اور عقب میں پولیس کی بھاری نفری تعینات کی جائیگی۔ تمام ایس ایچ اوز اپنے علاقے میں ہونے والے جلوس و مجالس کے پروگرامز کی ذاتی طور پر نگرانی کریں گے اور پولیس ڈیوٹی کو یقینی بنائیں گے۔

تمام ایس ڈی پی او اپنے سرکل میں وزٹ کریں گے اور ڈیوٹی چیک کریں گے۔ ڈی پی او سیالکوٹ کا مزید کہنا تھا کہ محرم الحرام کے دوران وہ ذاتی طور پر تمام علاقوں میں نکلنے والے جلوس اور منعقد کی جانے والی مجالس کی سیکیورٹی چیک کریں گے۔ ضلع میں اوور آل صورت حال کو مانیٹر کرنے اور کسی بھی ہنگامی صورت حال میں فوری ایکشن لینے کیلئے ڈی پی او آفس سیالکوٹ میں کنٹرول روم قائم کیا گیا ہے جو چوبیس گھنٹے کام کرے گا تمام اہم جلوس ومجالس کی نگرانی بذریعہ کیمرہ جات کنٹرول روم سے کی جائے گی۔

سیالکوٹ ،باغی ٹی وی (سٹی رپورٹر شاہد ریاض)تیز رفتار ٹرک نے روڈ کراس کرتی بچی کوکچل دیا
تفصیل کے مطابق پسرور میں ٹریفک حادثہ ہوا ہے جس میں ڈسکہ روڈ پر للڑ سٹاپ کے قریب تیز رفتار ٹرک نے روڈ کراس کرنے والی بچی کوکچل دیا

.11سالہ زہراء دختر محمد شہزاد موقع پر ہی جان بحق ہوگئی، ڈرائیور موقع سے فرار ہونے میں کامیاب ہوگیا
دوسری طرف ریسکیو 1122 نے موقع پر پہنچ کرقانونی کارروائی کارروائی کیلئے نعش تھانہ صدر پسرور پولیس کےحوالے کردی ہے.

سیالکوٹ،باغی ٹی وی(شاہد ریاض سٹی رپورٹر)پسرورمیں زمین کے تنازعہ پربھائی نے بھائی کوقتل کردیا
پسرورکے نواح جودھالہ میں زمین کے تنازعہ پرچھوٹے بھائی نے کسی کے وارکرکے بڑے بھائی کوقتل کردیا ،. ملزم راشد کااپنے بھائی مقتول مشتاق گجرکے ساتھ زمین کاتنازعہ تھا
50 سالہ مقتول مشتاق 5بچوں کاباپ تھا،ملزم راشد موقع سے فرارہونے میں کامیاب تھانہ بڈیانہ نے نعش کوقبضہ میں لیکرقانونی کارروائی شروع کردی ہے