Category: جرائم و حادثات

میرپور ماتھیلو،باغی ٹی وی (نامہ نگار مشتاق علی لغاری)ڈہرکی تھانہ کی حدود جونگ کالونی سے 16 سالہ لڑکی اغواء ،والدین کی پریس کانفرنس
گزشتہ روز نامعلوم مسلحہ ملزمان نے 16 سالہ لڑکی اریبہ کو اغواء کر کے لے گئے تھے،لڑکی کے اغواء ہونے پر ورثاء پریشان،والدہ غم سے نڈھال ہے،

لڑکی کے والدین کا کہنا ہے کہ پولیس اریبہ کی بازیابی کے لیے کوئی اقدامات نہیں کر رہی۔حالانکہ ہم اریبہ کے اغواء میں ملوث چند سہولت کاروں کے نام بھی پولیس کو دیئے ہیں۔سہولت کاری میں ملوث افراد بااثر ہیں اس لئے پولیس کارروائی نہیں کر رہی،متاثرہ والدین نے ایس ایس پی گھوٹکی سمیت اعلیٰ حکام سے نوٹس لے کر اریبہ کو بازیاب کرانے اور انصاف فراہم کرنے کی اپیل کی ہے-

سیالکوٹ،باغی ٹی وی(شاہد ریاض سٹی رپورٹر) خاتون کی درخواست پرعثمان ڈار اور اسکے بھائی عامر ڈار کیخلاف مقدمہ درج
تفصیل کے مطابق سیالکوٹ تھانہ کینٹ میں خاتون کی درخواست پر تحریک انصاف کے رہنما عثمان ڈار اور اسکے بھائی عامر ڈاراور فیکٹری مینجر کے خلاف مقدمہ درج ،فیکٹری مینجر نے میرے گھر داخل ہوکر عثمان ڈار اور عامر ڈار کی ایماء پر دھمکیاں دیں

پولیس ترجمان کے مطابق عثمان ڈار کی فیکٹری کے مینجر نے مجھ پر اسلحہ تان کر دھمکیاں دیں خاتوں نیلم طارق کاالزام، تھانہ کینٹ پولیس نے خاتون کی درخواست پر عثمان ڈار اور اسکے بھائی عامر ڈار سمیت چار افراد کے خلاف مقدمہ درج کر لیا ہے

انٹر نیشنل ائیر پورٹ سیالکوٹ پر اینٹی نارکوٹکس فورس کی کاروائی ۔
انٹر نیشنل ائیر پورٹ پر دومختلف کاروائیوں میں 2افراد گرقتار۔پرواز PK_209 سے شاجہ جانے والے ہری پور اور چکوال کے رہائشی دونوں ملزمان گرفتار۔دونوں ملزمان کے پیٹ میں سے 198عدد ہیروئن اور آئس کے بھرے کیپسولز برآمد ۔دونوں سے ملزمان کے خلاف مقدمہ درج کرلیا مذید تفتیش جاری ھے انسپیکٹر عدنان احمد اینٹی نارکوٹکس فورس

سیالکوٹ،باغی ٹی وی(شاہد ریاض سٹی رپورٹر) سول ہسپتال سیالکوٹ میں ڈکیتی کے ملزم کے فرار ہونے کا معاملہ،ڈیوٹی سےغفلت برتنے پر گیارہ پولیس اہلکاروں کے خلاف مقدمہ درج
مقدمہ تھانہ رنگپورہ میں سب انسپکٹر یعقوب ناگرہ کی مدعیت میں درج ہوا، ایف آئی آر میں نامزد ملزمان میں سے تاحال کوئی گرفتاری عمل میں نہیں لائی جا سکی،
گزشتہ روز تھانہ حاجی پورہ پولیس کی زہر حراست ڈکیتی کا ملزم سول ہسپتال سے فرار ہو گیا تھا.ملزم کے مسلح ساتھیوں نے پولیس اہلکار کو تشدد کا نشانہ بنا کر ملزم کو چھڑوا کر لے گے، پولیس نے ملزمان کی گرفتاری کے لئے ٹیمیں تشکیل دے دیں ہیں

سیالکوٹ ،باغی ٹی وی(شاہدریاض سٹی رپورٹر) نالہ ڈیک میں سپوال کے مقام سے 18پائونڈ وزنی انڈین ساختہ تین اینٹی ٹینک مائنز برآمد،بم ڈسپوزل سکواڈ نے ناکارہ بنا کر تحویل میں لے لیں۔
محکمہ سول ڈیفنس کے بم ڈسپوزل سکواڈ نے مقامی لوگوں کی اطلاع پر کارروائی کرتے ہوئے نالہ ڈیک کے سیلابی پانی میں ایل او سی پر انڈیا کی جانب سے نصب کی جانے والی اینٹی ٹینک مائنز،جوپانی کے بہاؤ کی وجہ سے پاکستان کے سرحدی علاقہ کی تحصیل ظفروال کے نواحی علاقہ سپوال کے مقام پر نالہ ڈیک کی ریت میں دبی ہوئی 18پاونڈ وزن کی انڈین ساختہ دو اینٹی ٹینک مائنز نکال کر علاقہ مکینوں اور انکے مویشیوں کو کسی بھی قسم کے جانی نقصان سے محفوظ بنا لیا گیا۔

سول ڈیفنس آفیسر کے مطابق نالہ ڈیک سے ملنے والی3بھارتی ساختہ اینٹی ٹینک مائنز سیلابی پانی میں بہہ کر آئیں۔ضلعی انتظامیہ کی جانب سے دریاؤں اور نالوں میں نہانے پر سخت پابندی ہے ۔

چترال میں گزشتہ رات طوفانی بارشوں کے بعد ندی نالوں میں طغیانی کی وجہ سے دریائے چترال میں انتہائی اونچے درجے کا سیلاب۔ سیلاب نے تباہی مچادی۔ بجلی گھر، دکانیں، سڑکیں، پل اور ضلع اپر چترال کی سڑک مکمل طور پر بند۔عوام پہاڑوں پر چڑھ کر سفر کرنے پر مجبور
چترال،باغی ٹی وی(نامہ نگارگل حماد فاروقی کی رپورٹ) گزشتہ رات طوفانی بارشوں کے بعد چترال کے محتلف ندی نالوں میں طغیانی کی وجہ سے دریائے چترال میں انتہائی اونچے درجے کے سیلاب نے تباہی مچادی۔ ان ندی نالوں میں طغیانی کی وجہ سے بھاری پتھر، لکڑی اور ملبہ آکر دریائے چترال میں جمع ہوتا ہے جس سے دریا کی سطح بلند ہوجاتی ہے۔ اس کے علاوہ چترال سے بونی تک سڑک کی کشادگی اور تعمیر کے دوران متعلقہ ٹھیکدار نے بھی سڑک کی کٹائی کا ملبہ دریائے چترال میں ڈال دیا۔ ماہرین ماحولیات کے مطابق دریا میں ملبہ، پتھر یا کسی قسم کی گندگی ڈالنا قانوناً جرم ہے مگر لگتا ہے یہ اس ٹھیکدار کے بہت لمبے ہاتھ ہیں یہی وجہ ہے کہ نیشنل ہائی وے اتھارٹی کے متعلقہ پراجیکٹ ڈائریکٹر، ضلعی انتظامیہ او ر حکام بالا کی معنی حیز خاموشی نے ان کو فری ہینڈ دیا تھا، جس کی وجہ سے دریا کی سطح بلند ہوا۔ نیردیت گول نالے کے قریب بونی کا سڑک ایک کلومیٹر تک مکمل طور پر دریا برد ہوچکا ہے اور اب سڑک کی جگہ دریا کا پانی بہتا ہے۔

سیلاب کی وجہ سے سینگور میں واپڈا کا ایک پن بجلی گھر بھی تباہ ،جس کی وجہ سے سینگور وغیرہ کے دیہات کو بجلی کی فراہمی معطل ہوچکی ہے۔ سیلاب کی وجہ سے بونی روڈپر کئی پل پانی کے ساتھ بہہ گئے ہیں جبکہ9 مکانوں کو بھی سیلاب کی وجہ سے شدید نقصان پہنچا ہے۔ پینے کے پانی کی پائپ لائن اور آبپاشی کی نہریں اور ندیاں بھی سیلاب کی نذر ہوچکے ہیں لوگ پینے کی پانی سے بھی محروم ہیں۔ دریا کے کنارے جتنے ہوٹل اور مکانات تھے ان کے پہلی منزل پر موجود کمروں میں بھی سیلاب کا پانی داخل ہوکر نقصان پہنچایا ہے۔ جبکہ دنین کے مقام پر گاڑیوں کے ورکشاپ والی مارکیٹ بھی سیلاب کی وجہ سے زیر آب آچکی ہے۔

وادی کیلاش میں بھی سیلاب نے تباہی مچادی ہے وہاں بھی سیلاب کاپانی کئی گھروں میں داخل ہوکر نقصان کا باعث بنا ہے۔ مقامی لوگوں نے ہمارے نمائندے سے باتیں کرتے ہوئے نہایت مایوسی کا اظہار کیا کہ ابھی تک این ڈی ایم اے، پی ڈی ایم اے یا نیشنل ہائی وے اتھارٹی کی جانب سے ان سڑکوں کی بحالی اور متاثرہ لوگوں کو ریلیف پہنچانے کے کام پر کوئی قدم نہیں اٹھایا گیا ہے۔

چترال کے عوام صوبائی اور وفاقی حکومت کے ساتھ ساتھ بین الاقوامی اداروں سے بھی مطالبہ کرتے ہیں کہ چترال کو آفت زدہ قراردیکر ہنگامی بنیادوں پر بحالی کی کاموں کو تیز کیا جائے کیونکہ ضلع اپر چترال کے ساتھ ساتھ گلگت بلتستان اور چین تک جانے والی سڑک مکمل طور پر ایک کلومیٹر تک تباہ ہوچکی ہے اور اگر بین الاقوامی سطح پر چترال کے ساتھ تعاون نہیں کیا گیا تو یہ سڑک بحال کرنے پر کئی مہینے بھی لگ سکتے ہیں۔

واضح رہے کہ ضلع اپر چترال کو جانے والا واحد راستہ بونی سڑک سے گزرتا ہے جو اس وقت مکمل طور پر بند ہے اگر صورت حال یہی رہی تو وہاں کے لاکھوں لوگوں کے پاس اشیائے خوردنوش اور ادویات و پینے کے صاف پانی کی شدید قلت پیدا ہونے کی صورت میں لوگ فاقہ کشی کا شکار بھی ہوسکتے ہیں۔

ضلع اپر چترال کے لاکھو ں لوگ آنے جانے میں نیر دیت گول نالے کے ملبے کے اوپر جاکر انتہائی خطرناک پہاڑی پر چڑھتے ہیں اور وہاں سے پیدل جاکر نیچے دوسرے علاقے میں پہنچ کر سڑک تک پہنچتے ہیں جس میں ان کی جان بھی جاسکتی ہے جبکہ آگے جاکر بھی سڑک پر کئی پُل سیلاب کی وجہ سے بہہ چکے ہیں اور لوگ دور دراز علاقوں سے پیدل سفرکرنے پر مجبور ہیں۔ پہاڑی پر چڑھنے والوں میں خواتین، بچے اور مریض بھی شامل ہیں۔