Category: جرائم و حادثات

کندھ کوٹ،باغی ٹی وی (مختیاراعوان کی رپورٹ) ایک ماہ کے دوراں سات بچوں اور ایک خاتوں سمیت 30 سے زائد افراد اغواء
تفصیل کے مطابق ڈاکوؤں نے گزشتہ ایک ماہ کے دوراں سات بچوں اور ایک خاتوں سمیت 30 سے زائد افراد کو اغوا کرلیاہے.بے لگام ڈاکو مغویوں کی ویڈیو وائرل کرکے منہ مانگا تاوان وصول کرتے ہیں-

اغوا ہونے والے بچوں میں 3 سالہ عظیم مینک، 5 سالہ فرحان سومرو، 6 سالہ صداقت ہاجانو، 2 سالہ کوثر کوسو، 8 سالہ جئے دیپ کمار، 10 سالہ مقبول میرانی اور 5 سالہ علی شاہ چنا شامل ہے۔تاہم پولیس تاحال ان افراد کو بازیاب کرانے میں ناکام ہے۔

دوسری جانب ایس ایس پی عرفان سمو کا کہنا ہے کہ پولیس ڈاکوؤں سے مقابلہ کر رہی ہے، ڈاکو شہریوں کو ہنی ٹریپ کے ذریعے اغوا کر رہے ہیں، لیکن جلد مغویوں کو بازیاب کرالیا جائے گا۔

ڈیرہ غازیخان (باغی ٹی وی)مٹھائیوں میں ممنوعہ فوڈکلرزکااستعمال،گندگی،من مانے ریٹ،فوڈ اتھارٹی کی مافیاء کو کھلی چھٹی
ممنوعہ فوڈکلرز ڈال کر ناقص حلوہ ، 40کی پوری 30کی کچوری گندے اور مضر صحت چھولے اخلاقیات سے عاری عملہ اور گندگی سے بھری دکان سرکار ی فٹ پاتھ پرسج گئی ، من مانے ریٹ، پنجاب فوڈ اتھارٹی نے مافیاء کو کھلی چھٹی دے دی انتطامیہ کی آنکھیں بند
تفصیل کے مطابق ممنوعہ فوڈکلرز ڈال کر تیار ناقص حلوہ ، 40کی پوری کی گندے اور بدبو دار ماحول میں ناقص گھی میں تیاری گندے برتن بغیر ڈھانپے حلوے کاتھال اور پوریاں تیار کرتا ہوا عملہ لوگوں کودکھانے کے لئے خالی گھی کا پیکٹ استمال ہونے والے پانی کے گندے کین ۔کولر کاونٹر پر جمی گندگی اور بغیر دستانوں اور کیپ کے کام کرتے عملے کے لوگ اور نزدیک ہی کھلا ہوا مین ہول یہ سب پنجاب فوڈ اتھارٹی کی کارکردگی پر سوالیہ نشان ہے –

کلمہ چوک سے گھنٹہ گھر تک روڈ کے دونوں اطراف پر دکانداروں نے فٹ پاتھ کرایہ پر دے رکھے ہیں جس کی وجہ سے عوام کو ٹریفک کے مسائل کاسامنا رہتا ہے، صبع سویرے سے ہی جگہ جگہ فٹ پاتھوں پر فوڈ پوائنٹ اور اپنی دکانیں سٹرکوں پر ہی سجا لیتے ہیں کھلے عام فروخت کی وجہ سے گردوغبار سے پیٹ سمیت دیگر بیماریاں جنم لیتی ہیں۔ جبکہ کھانے پینے کی اشیاء کی خاص حفاظت ہونے سے ہی انسانی زندگیوں کیلئے فائدہ ہے ورنہ بیماریاں پھلنے کا خطرہ ہے ،

بیکریوں، مٹھائی کی دکانوں اور ڈھابوں پر مضر صحت کھانے پینے کی اشیاء کی دھڑلے سے فروخت جاری ہے اور پنجاب فوڈ اتھارٹی ودیگرذمہ دار اداروں کے اہلکار مال پانی بنا کر خاموش رہتے ہیں ، مگر کوئی بڑی کارروائی عمل میں نہیں آتی ہے ، جس کی وجہ سے شہر میں جگہ جگہ مضر صحت کھانے پینے کی اشیاء کے انبار لگے ہوئے ہیں،اگر بیکریوں کے کچن اور تیار کرنے کی جگہ کا معائنہ کیا جائے تو انسان تو انسان جانور بھی دو منٹ سانس نہیں لے سکتا ہے ۔ ڈیرہ غازیخان کے عوامی و سماجی حلقوں نے اعلیٰ حکام کمشنر ڈیرہ اورپنجاب فوڈ اتھارٹی ڈیرہ سے فوری طور پر سخت نوٹس لینے کا مطالبہ کیا ہے ۔

سیالکوٹ، باغی ٹی وی ( شاہد ریاض سٹی رپورٹر ) ہیڈمرالہ پولیس کی کارروائی،ڈکیت گینگ گرفتار
تفصیل کے مطابق تھانہ ہیڈمرالہ پولیس کی جرائم پیشہ عناصر کے خلاف کامیاب کارروائی ۔محمدوارث ڈان ڈکیت گینگ گرفتار ۔
ڈی پی او سیالکوٹ محمدحسن اقبال کی ہدایات پر عمل کرتے ہوئے ایس ایچ او ہیڈمرالہ محمدعرفان ڈھلوں نے اپنی ٹیم کے ہمراہ کامیاب کارروائی کرکے کے بدنام زمانہ محمدوارث ڈان ولدمشتاق علی گینگ کوگرفتار کرلیادیگر ملزمان میں محمدعمران ولد محمداکرم،کبیرنواز ولد شاہنواز، نادرعلی ولد بابرعلی، محمداویس ولد گزارشامل ہیں ،جن سے تفتیش جاری ہے-

سیالکوٹ،باغی ٹی وی(شاہد ریاض سٹی رپورٹر }سیالکوٹ پولیس نےاقدام قتل کے مقدمہ میں مطلوب ملزم اشتہاری بذریعہ انٹرپول بیرون ملک سے گرفتار
.ملزم محمد آصف تھانہ صدر پسرور پولیس کو اقدام قتل کے مقدمہ نمبر 114/22 میں مطلوب تھا جو بیرون ملک فرار ہوگیا تھا.ڈی پی او سیالکوٹ محمد حسن اقبال کی خصوصی ہدایت پر انچارج ایکسٹراڈیشن سب انسپکٹر محمد نصیر نےملزم کے ریڈوارنٹ جاری کرواکے بذریعہ انٹرپول ملزم محمد آصف کو بیرون ملک عمان سے ڈی پورٹ کرواکے گرفتار کر لیا ہے.
سیالکوٹ پولیس انسپکٹر جنرل پولیس پنجاب کی ہدایات کی روشنی میں بیرون ملک فرار ملزمان اشتہاریوں کی گرفتاری کے لیے بھرپور عزم کے ساتھ مصروف عمل ہے-

اپر چترال،باغی ٹی وی(گل حماد فاروقی )اپر چترال بونی سے پرکھوسپ جاتے ہوئے پوٹھوہار گاڑی پرواک کے مقام رورومو ٹیک میں حادثے کا شکار ہوکر گہری کھائی میں جاگری، ریسکیو1122 کو اطلاع ملنے پر ریسکیو1122 کی ٹیموں نے دو زخمیوں کو ابتدائی طبی امداد فراہم کرکے بونی ہسپتال منتقل کر دیا، حادثے کے نتیجے تین افراد جان کی بازی ہار گئے اور دو شدید زخمی ہو گئے، زخمیوں اور ڈیڈ باڈیز کو ریسکیو1122 کے ایمبولینس میں تحصیل ہیڈ کوارٹرز ہسپتال بونی منتقل کیا گیا، جانبحق ہونے والے افراد میں ایک خاتون بھی شامل ہے، ابتدائی معلومات کے مطابق گاڑی اپر چترال بونی سے پرکھوسپ جارہی تھی کہ پرواک کے مقام پر حادثہ پیش آیا۔

واضح رہے کہ چترال سے بونی تک کا سڑک چالیس سال پہلے چین کے ایک تعمیراتی کمپنی نے تعمیر کیا تھا اور اس پر اتنی مضبوط تارکول ڈالا تھا کہ چالیس سالوں میں یہ خراب نہیں ہوئی تھی۔ تاہم دو سال قبل نیشنل ہائی وے اتھارٹی کے ٹھیکیدار عمرجان اینڈ کمپنی نے اس پختہ سڑک سے یہ مضبوط تارکول صرف اس لیے اکھاڑ دیا کہ ان کو تارکول اکاڑنے کے پیسے ملتے ہیں اور بعض ایسی جگہوں سے بھی تارکول اکاڑدیا جہاں نہ سڑک کو کشادہ کرنا تھا نہ اس میں کوی کام کرنا تھا مگر پیسوں کے خاطر ایسی جگہوں سے بھی تارکول اکھاڑ کر اسے لاوارث چھوڑا۔ اب یہ پختہ سڑک کھنڈرات کا منظر پیش کررہی ہے اور آئے روز حادثات میں قیمتی جانیں ضائع ہوتی ہیں۔

چترال کے عوام نے اس کیلئے بار بار آواز بھی اٹھائی مگر اس کمپنی کے مالک کو بعض وفاقی وزراء کی آشیر باد حاصل ہے یہی وجہ ہے کہ آج تک کسی نے ان سے پوچھا تک نہیں۔ عوام چیف جسٹس آف پاکستان سے اپیل کرتے ہیں کہ اس تعمیراتی کمپنی کے خلاف قانونی کارروائی کرے ان سے پوچھا جائے کہ انہوں نے دو سال قبل پختہ سڑک سے تارکول اکھاڑ کر اس پر دوبارہ تارکول کیوں نہیں ڈالا اور اب لوگ اس سڑک پر جب سفر کرتے ہیں تو مٹی ، گرد و غبار کی وجہ سے مختلف بیماریوں میں بھی مبتلا ہونے کے ساتھ ساتھ حادثات کا بھی شکار ہوتے ہیں۔ .