Category: اہم خبریں

اسلام آباد:ریکوڈک عملدرآمد کیس،برٹش ورجن آئی لینڈ ہائیکورٹ کاپاکستان کےحق میں فیصلہ:پی آئی اے کے اثاثے محفوظ،،اطلاعات کے مطابق ریکوڈک عملدرآمد کیس میں پاکستان کو بڑی کامیابی حاصل ہوئی ہے، برٹش ورجن آئی لینڈ کی ہائیکورٹ نے پاکستان کے حق میں فیصلہ دیتے ہوئے قومی ایئر لائن (پی آئی اے) کے منجمد اثاثے بحال کر دیئے ہیں۔

برٹش ورجن آئی لینڈ ہائیکورٹ نے ٹیتھیان کمپنی کی درخواست خارج کرتے ہوئے اسے حکم دیا ہے کہ وہ پاکستان کے قانونی چارہ جوئی کے اخراجات ادا کرے۔ عدالتی فیصلے کے بعد روزویلٹ ہوٹل نیویارک اور سکرائب ہوٹل پیرس میں لگائے ریسیور ہٹا دیئے گئے ہیں۔

Justice prevails! By the grace of Allah and with the prayers of all our countrymen, courts in BVI decide in favour of PIA, releasing all hard earned assets i.e., Roosevelt NYC & Scribe Paris. Great victory for PIA and Pakistan. We won this together! ✌ pic.twitter.com/WgVYweiwPt

— PIA (@Official_PIA) May 25, 2021

اٹارنی جنرل کی جانب سے جاری بیان میں کہا گیا ہے کہ ریکوڈک کیس میں پی آئی اے کے خلاف تمام فیصلے واپس ہو گئے ہیں، یہ فیصلہ ہماری بہت بڑی فتح ہے۔ برٹش ورجن آئی لینڈ ہائیکورٹ نے پاکستان کے حق میں فیصلہ دے دیا ہے۔

انہوں نے کہا ہے کہ ریکوڈک کیس میں ٹیتھان کاپر کمپنی کے حق میں فیصلے کو کالعدم قرار دیا گیا ہے۔ روز ویلٹ ہوٹل اور سکرائب ہوٹل پیرس بھی پاکستان کو واپس مل گیا ہے۔

دوسری طرف اس عظیم خوشخبری پرپی آئی اے کی طرف سے اللہ کے حضور شکرانے کے الفاظ بیان کئے گئے ہیں اوراس موقع پرقوم کواس خوشخبری کے بارے میں آگاہ کرتے ہوئے کہا ہے کہ اللہ کے فضل وکرم اورپاکستانیوں‌کی دعاوں سے پاکستان کے مخالفوں کوشکست اورپاکستان کواللہ نے عزت دی ہے

پی آئی اے کی طرف سے ٹویٹ میں کہا گیا ہےکہ پیرس اورنیویارک میں پی آئی اے کے اثاثہ جات جن میں‌ عالمی معیار کے ہوٹل ہیں ان پرکسی بھی غیرملکی کمپنی ،ادارے یا ملک کا کوئی حق نہیں یہ پاکستان اورپاکستانیوں‌کی جائیداد ہے جومحفوظ اورقائم ہے

اسلام آباد:اسلامی نظریاتی کونسل کے چیئرمین ممبران کی وزیراعظم سے ملاقات:وزیراعظم نے ایسی بات کہہ دی کہ فتوے لگانے والوں کی زبانیں بند ہوگئیں،اطلاعات کے مطابق آج وزیر اعظم عمران خان سے اسلامی نظریاتی کونسل کے چیئرمین ڈاکٹر قبلہ ایاز اور کونسل ممبران نے اسلام آباد میں اہم ملاقات کی

اس اہم ملاقات میں وزیر برائے مذہبی امور پیر ڈاکٹر نور الحق قادری، وزیر مملکت فرخ حبیب، معاون خصوصی ڈاکٹر شہباز گل اور نمائندہ خصوصی مولانا طاہر اشرفی ملاقات میں موجود بھی۔

وزیراعظم عمران خان سے اس اہم ملاقات میں اسلامی نظریاتی کونسل کےممبران میں علامہ سید ضیاء اللّٰہ شاہ بخاری , ڈاکٹر عمیر محمود صدیقی، مولانا نسیم علی شاہ، سید محمد حبیب عرفانی، علامہ ڈاکٹر محمد حسین اکبر، مفتی محمد زبیر، پیرزادہ جنید امین، مولانا حامد الحق حقانی، محمد حسن حسیب الرحمان اور ابوالحسن محمد شاہ،

مولانا محمد حنیف جالندھری، جسٹس (ر) محمد رضا خان، محمد شفیق خان، جسٹس (ر) منظور حسین گیلانی علامہ سید افتخار حسین نقوی، جاوید عامر عثمان اور پروفیسر ڈاکٹر فرخندہ منصور صاحبہ شامل۔ اسلامی نظریاتی کونسل کے ریسرچ ڈیپارٹمنٹ کے افسران بھی شریک ہوئے

اس موقع پر وزیر اعظم نے کہا کہ اسلامی نظریاتی کونسل کا کردار پاکستان کو ریاست مدینہ کے خطوط پر استوار کرنے میں اہمیت کا حامل ہے۔ریاست مدینہ کے دو سنہرے اصول جن میں انصاف اورعوامی فلاح شامل ہیں، ہماری ترقی کا ضامن بن سکتے ہیں۔

وزیر اعظم نے کہا کہ مغرب نے انہی اصولوں کو اپنا کر ترقی کی۔ وہاں کوئی قانون سے بالاتر نہیں اور انصاف کا بول بالا ہے۔ بد قسمتی سے پاکستان کو حقیقی اسلامی فلاحی ریاست بنانے کے بارے میں پہلے کسی لیڈر نے نہیں سوچا۔میں نے سیاست صرف اسی لیے شروع کی کہ ریاست مدینہ کے اصولوں کو لاگو کر کے غریب کی خدمت کر سکوں۔

وزیراعظم عمران خان نے کہا کہ میں نے مغرب کو بہت قریب سے دیکھا ہے اور اسی نتیجے پر پہنچا ہوں کہ اسلام کے رہنما اصولوں اور سنت نبوئ ﷺ پر عمل پیرا ہو کر ہی پاکستان فلاحی اور ترقی یافتہ ملک بن سکتا ہے۔

وزیر اعظم نے کہا کہ مغربی اقدار ہم سے مختلف ہیں اور ہماری نوجوان نسل کو اس ضمن میں رہنمائی درکار ہے۔ اسلامی نظریاتی کونسل نوجوان نسل کی اصلاح میں مددگار ثابت ہو سکتی ہے۔ اسلام نے ہی کمزور طبقے کو طاقتور بنایا، خواتین کو حقوق مہیا کیے۔

اسلام کے رہنما اصولوں پر عمل پیرا ہو کر ہی انصاف کا نظام رائج ہو سکتا ہے اور ہم کرپشن سے نجات حاصل کر سکتے ہیں۔ ریاست مدینہ کے نظام تک کا سفر ایک جہد مسلسل ہے جس میں معاشرے کے تمام طبقات بشمول مذہبی رہنماؤں کا کردار اہم ہے۔

اسلامی نظریاتی کونسل کے چیرمین اور ممبران نے تحفظ ناموس رسالت ﷺ ، اسلاموفوبیا کے بارے بیانئے، کشمیر اور فلسطینیوں کے حقوق کا مقدمہ لڑنے پر وزیر اعظم عمران خان کو بھر پور خراج تحسین پیش کیا۔

رات دو بجے جب مبشر لقمان نے ماچس کی تیلیاں گننا شروع کیں تو کیا ہوا؟ عمران کی سیاست اور عوام کی ذہنی عیاشی ، سنیئے مبشر لقمان کی زبانی

باغی ٹی وی :سینئر اینکر پرسن مبشر لقمان نے کہا ہے کہ ہم بچپن سے سنتے آ رہے ہیں کہ لالچ بری بلا ہے۔
آپ نے کبھی سوچا کہ
یہ کیوں بری بلا ہے۔ اس حوالے سے ہم بہت سی کہانیاں سنتے آ رہے ہیں جن میں سے ایک کتے کی کہانی بہت مشہور ہے جو نہر کے کنارے اپنے سائے کو دیکھ کر یہ سمجھتا ہے کہ یہ کوئی اور کتا ہے اور اس کے منہ میں ہڈی ہے اور اسے حاصل کرنےکے لیئے جیسے ہی بھونکتا ہے اپنی ہڈی سے بھی ہاتھ گنوا بیٹھتا ہے۔
کیا پاکستانی قوم بھی لالچی ہے اور کیا اس کے ساتھ بھی وہی ہوا ہے جو اوپر کی کہانی میں ایک کتے کے ساتھ ہوا ہے۔؟
بات تھوڑی سے سخت ہو گئی ہے لیکن آپ کو سمجھانے کے لیئے یہ بہت ضروری ہے۔

مبشر لقمان کا کہنا تھا کہ لالچی لوگ ہمیشہ دھوکہ کھاتے ہیں۔انہیں جب سنہری خواب دیکھائے جاتے ہیں تو وہ بڑی آسانی سے اس کا شکار ہو جاتے ہیں۔ اسی لیئے بہروپیے انہیں سستے کا لالچ دے کر موٹا نمک چینی بنا کر فروخت کر جاتے ہیں۔ راتوں راتوں پیسے ڈبل کرنے کے چکر میں اصل رقم لے کر بھاگ جاتے ہیں۔لڑکیاں امیر لڑکوں سے شادی کے چکر میں اپنی زندگیاں برباد کروا بیٹھتی ہیں اور اس طرح کی مثالوں سے تاریخ بھری پڑی ہے۔
پاکستان میں دھوکہ اس حد تک ہے کہ انسان کی عقل دنگ رہ جاتی ہے۔ چند روز پہلے میں سفر کر کے واپس لیٹ واپس پہنچا تو میں نے رات اپنے آفس میں گزارنے کا فیصلہ کیا۔ اور اس وقت میں نے ماچس کا ایک ڈبہ رستے سے خریدا تھا۔ میں ماچس دیکھ رہا تھا تو اس پر لکھا تھا کہ
50 match stick
میں نے ویسے ہی ان تلیوں کو گننا شروع کر دیا اور میں یہ دیکھ کر حیران رہ گیا کہ اس میں
43
تلیاں تھی۔ اور یہی حال دوسری ڈبیوں کا تھا۔
مبشر لقمان کا کہنا تھا کہ جو قوم پانچ روپے کی ماچس کی ڈبی میں سات تلیوں کا فراڈ کرے اس کی آپ کس بہتری کی توقع رکھ سکتے ہیں۔ فروٹ لینے جاو تو اچھا فروٹ سامنے رکھ کر اور گندا فروٹ پیچھے رکھ کر کم قیمت پر فروخت کیا جا رہا ہوتا ہے اور جب اسے خود فروٹ ڈالنے کا مطالبہ کرو تو وہ فروخت کرنے سے انکار کر دیتا ہے۔
اس قوم کو جو ہر چیز میں دھوکہ دینے میں ماہر ہو اور راتون راتون امیر بننے کی خواہش مند ہو اسے دھوکہ دنیا بہت آسان ہے اور یہی وجہ ہے کہ اس قوم سے ایماندار سچے اور قابل لیڈر کی امید پر قوم ستر سال سے دھوکہ کھا رہی ہے۔ اس قوم میں یہ اصول بن چکا ہے کہ جو جتنا لچا ہو گا وہ اتنا ہی اچا ہو گا اور جو جتنا قوم سے جھوٹ بولے گا انہیں ترقی کے خواب دیکھائے گا، راتوں رات ان کی زندگی بدلنے کی بات کرے گا وہ اتنی جلدی کامیاب ہو کر نیشنل لیڈر بن جائے گا ۔
اب بہت سے لوگ جن میں عمران خان کے ووٹر بھی شامل ہیں یہ سوچ رہے ہیں کہ
کیا عمران خان نے بھی قوم کے ساتھ یہی کیا جو اس سے پہلے لیڈر کرتے آ رہے تھے۔
عوام کو جھوٹی امید دلوائی۔
ہر وہ چیز ٹھیک کرنے کا دعوی کیا جسے وہ فکس کرنے کا علم یا مہارت نہیں رکھتے تھے۔ قوم کو بتایا کہ پٹرول پینتیس روپے لیٹر ہونا چاہیے ہے اور اس پر آ دھا ٹیکس لگایا جا رہا ہے۔ لیکن پھر خود ٹیکس اور لیوی کو تاریخ کی بلند ترین سطح پر لے گئے۔ قوم کو بتایا کہ بجلی کا یونٹ تین روپے کا ہونا چاہیے لیکن خود اپنے اقتدار میں بجلی کا یونٹ بیس روپے کا ہو گیا۔
مبشر لقمان کا کہنا تھا کہ احتساب کا نعرہ تو لگایا لیکن کسی کا احتساب نہ کر سکے۔ بلیک میل نہ ہونے کا دعوی کیا لیکن اپنی مرضی کے معاملات میں۔ جہاں اپنے اقتدار پر حرف آنے لگا وہاں مزاکرات بھی ہوئے اور وزارتوں اور فنڈوں کی بارش بھی ہوئی۔ پہلے ترقیاتی بجٹ دینے سے انکار کیا لیکن پھر سینٹ الیکشن سے پہلے ارکان اسمبلی کو کروڑوں کے بجٹ دیئے گئے۔
قرضوں کا رونا رویا لیکن مزید قرض لے لیئے۔ کرپشن ختم کرنے کے دعوے کیئے لیکن پھر ان کی اپنی کوک سے کرپٹ جنم لینے لگے۔
مبشر لقمان کا کہنا تھا کہ تعلیم کو اہم قرار دیا لیکن تعلیم کے بجٹ میں کوئی اضافہ نہ کیا۔ صحت کی اہمیت پر روشنی ڈالی لیکن وہ بھی زبانی خرچ ہوا لیکن بجٹ میں کوئی قابل ذکر رقم نہیں رکھی گئی۔
پہلے لوگوں نے اسے یو ٹرن کا نام دیا اب لوگ اسے ہٹلر کے پراپیگنڈا وزیر
Goebbels
سے تشبیع دے رہے ہیں۔
جس کا اصول تھا کہ اتنا جھوٹ بولو کے لوگ سچ سمجھنا شروع کر دیں۔
کیا عمران خان یہ نعرے دھرا کر لوگوں کو صرف یہ یقین دلانے کی کوشش کر رہے ہیں کہ یہ وہی عمران خان ہیں جو اصل اقتدار ملنے کے بعد لوگوں کے خوابوں کی تعبیر کریں گے۔
عمران خان کہتے ہیں کسی کو این آر او نہیں دوں گا۔ لیکن سب لوگ جیل سے باہر آ چکے ہیں۔
اور خود عمران خان کی ٹیم کے بہت سے لوگوں کے احتساب کی باتیں شروع ہو چکی ہیں۔
عمران خان ترین گروپ کی طرف اشارہ کرتے ہوئے کہہ رہے ہیں کہ بلیک میل نہیں ہوں گا چاہے حکومت گرا دیں۔ لیکن جہانگیر ترین سے
45
کروڑ کی کرپشن نکلواتے نکلواتے حکومت نے چالیس ایم پی ایز کو فی ایم پی اے دس کروڑ کے حساب سے چار ارب دینے کا وعدہ کرلیا ہے۔ ظاہری سے بات ہے شریف خاندان کو کھلا تھوڑی چھوڑ سکتے ہیں۔ سیاست تو کرنی ہے اور پھر سیاست کے داو پیچ تو یہی ہیں جس میں گند کے علاوہ کچھ نہیں۔
اس کے علاوہ عمران خان نے
اصلاحات اور تبدیلیوں کے تین درجن کے قریب وعدے کیئے جن میں معیشت، کفایت شعاری، سیاحت، بدعنوانی کے خلاف مہم، غربت کے خاتمے، انصاف کی جلد فراہمی، پولیس کے محکمے کی بہتری، ہاؤسنگ، زراعت اور لائیو سٹاک جیسے شعبوں میں مسائل کے حل کے لیے کیے گئے تھے۔
لیکن کیا ان میں سے ایک بھی ایسی چیز ہے جس کے بارے میں ہم سنتے ہی کہہ سکتے ہیں کہ یہ وعدہ تو سو فیصد پورا ہو چکا ہے۔
کیا احتساب ہوا۔؟
کیا ملک میں زرعی انقلاب آیا۔ گزشتہ سال ہمیں گندم بیرون ملک سے ڈالروں میں خریدنی پڑی۔
کیا سرکاری ہسپتالوں کی حالت ٹھیک ہو گئی۔؟
کیا غریب کی زندگی میں بہتری آئی یا ٖ غریبوں کی تعداد میں اضافہ ہوا۔؟
کتنے بد عنوان عناصر کو سزا دینے میں کامیاب ہوئے۔؟
غیرقانونی طریقے سے باہر رقم لے جانے والوں کے خلاف کارروائی ہوئی۔؟
ملک میں فوری انصاف کی فراہمی ممکن بنائی گئی۔ دیوانی مقدمات کا فیصلہ ایک سال میں سنایا جانا تھا وہ مکمل ہوا۔؟
مبشر لقمان کا کہنا تھا کہ سندھ اور پنجاب پولیس کے نظام میں اصلاحات لانی تھی وہ لائی گئی۔؟
نوجوانوں کو ایک کروڑ نوکریاں ملنی تھی۔ کتنے مزید نوجوان بے روزگار ہو چکے ہیں۔؟
سرکاری عمارتوں خصوصاً وزیراعظم ہاوس اور گورنر ہاؤسوں کو عوامی مقامات اور یونیورسٹیوں میں تبدیل ہو گئی ؟
سرکاری اداروں مثلاً پی آئی اے، پی ایس او، سٹیل مل، ریلوے کے نظام کو ٹھیک کیا جانا تھا وہ ہو گیا۔؟
آپ نے کہا تھا
بیرونی قرضے نہیں لیں گے؟ کیا ایسا ہوا۔؟
آپ نے کہا تھا کہ
بتدائی تین ماہ میں وزیراعظم بیرون ملک دوروں پر نہیں جائیں گے۔ اگر دورہ کیا گیا تو یہ تمام سفر کمرشل پروازوں پر ہوں گا اور اس کے لیے کلب کلاس استعمال کی جائے گی۔ لیکن
حلف برداری کے بعد سے
جولائی 2019
تک وزیراعظم عمران خان نے آٹھ ممالک کے 13 غیر ملکی دورے کیے۔ ان دوروں میں تین مرتبہ وہ سعودی عرب اور متحدہ عرب امارت، دو مرتبہ چین جبکہ ایک ایک بار ایران، ملائیشیا، ترکی، قطر اور کرغستان گئے۔ ان دوروں کے لیے کمرشل پروازیں استعمال نہیں کی گئیں
لیکن اب لوگ یہ پوچھ رہے ہیں کہ حکومت کب تک وعدوں اور دعووں پر عوام کو ٹرخاتی رہے گی۔ کسی بھی حکومت کا پہلا سال ہنی مون پیریڈ کہلاتا ہے لیکن عمران خان کو ہنی مون مناتے ہوئے تین سال ہو گئے ہیں۔ عوام کو نتائج کب ملیں گے۔؟
مبشر لقمان کا کہنا تھا کہ مہنگائی کا سونامی سب کچھ بہا کر لے گیا ہے قبضہ مافیا مضبوط، ادارے کمزور اور معیشت زوال پذیر ہے۔
اور لوگ عمران خان کے بڑے بڑے پر کشش اور سحر انگیز وعدوں میں ڈوبے ہوئے ہیں۔
کوئی بھی سیاست دان جب کوئی وعدہ کر کے پورا نہیں کرتا تو اسے جھوٹا کہا جاتا ہے اور جو جتنا برا وعدہ کرے گا وہ اتنا بڑا جھوٹا کہلائے گا۔ عمران خان کے وعدے اور دعوے جو اپوزیشن کے لیئے درد سر بن چکے تھے اب عمران خان کے لیئے درد سر بننے جا رہے ہیں اور یہ عمران خان کی اتنی جلدی جان نہیں چھوڑیں گے۔ عمران خان کے آنے کے بعد لوگ یہ سمجھنے لگے تھے کہ اب سیاست میں دیانتداری، اخلاص کا بول بولا ہو گا اور اگر عمران خان ناکام ہو گئے جو کہ بظاہر لگ رہا ہے تو ووٹروں کی وہ بڑی تعداد جو ایک امید پر پولنگ اسٹیشن آئی تھی اگلے الیکشن کی چھٹیوں میں فلمیں دیکھ کر گزارے گی۔ جو پاکستان میں جمہوریت کو ایک ناقابل تلافی نقصان ہو گا۔

کھرا سچ ایک بار پھر سرخرو، 6 سال پہلے نشاندہی سچ ثابت،جنید جمشید سمیت 47 لوگوں کا مجرم پکڑا گیا

باغی ٹی وی سینئر اینکر پرسن مبشر لقمان نے کہا ہے کہ کئی ایک خبریں اور رپورٹ ہیں جن کو بیان کرنے کے بعد دل کرتا ہے ، خدا کرے یہ سچ ثابت نہ ہو . کیونکہ اس رپورٹ کےسچ ہونے سے بہت زیادہ نقصان دہ چیز سامنے آتی ہے . اس طرح کی ایک خبر جو کافی عرصہ پہلے ہم نے بتائی تھی آج وہ من و عن سچ ثابت ہوئی ،

مبشر لقمان کا کہنا تھا کہ ایسی خبروں کے فالو اپ کرنے پر بھی دل کافی رنجیدہ ہوتا ہے . لیکن ہماری اس رپورٹ کو بلیک میلنگ کہنے کی بجائے اگر اس پر ایکشن لیا جاتا تو شاید اتنی قیمتی جانیں بچ جاتیں‌. لیکن افسوس کہ ہم کو اس وقت یہ کہا گیا کہ ایسی باتیں‌کر کے کھرا سچ ہمیں بلیک میل کر رہا ہے .

ان کا کہنا تھا کہ بلیک میلنگ کیا ہوتی ہے ، بلیک میلنگ یہ ہے کہ ہم کسی کے متعلق کوئی رپورٹ کریں اور کہیں کہ بدلے میں ہم یہ کچھ دو ورنا یہ بتا دیں گے . لیکن اس رپورت کے متعلق ہم نے کیا تقاضا کیا تھا بلکہ ہم نے صرف یہ کیا تھا کہ ہماری توجہ سے کوئی نقصان سے بچ جائے .

ان کا کہنا تھا کہ : قومی ایئرلائن ڈائریکٹر انجینرنگ مقصود احمد کو گرفتار کرلیا گیا ہے۔گرفتاری ایئرلائن میں سوا ارب روپے کے اسکینڈل کی کڑی ہے، ایف آئی اے کے مطابق ملزم کیخلاف کارپوریٹ کرائم سرکل نے مقدمہ بھی درج کرلیا۔

اسکینڈل بی کلاس بہتر بنانے کیلئے غیرقانونی معاہدوں کا ہے،اس معاہدے سے قومی خزانے کو سوا دو ارب روپے کا نقصان پہنچا۔ترجمان نے بتایا کہ آڈٹ پیرا کےتحت غیر ملکی کمپنیوں سےغیرقانونی معاہدےکئےگئےتھے، ‏کارپوریٹ کرائم سرکل کراچی نے معاملے پر تحقیقات کا آغاز کیا اور ٹھوس شواہد کے بعد سابقہ ‏ڈائریکٹر انجینئرنگ مقصوداحمد کو گرفتار کر لیا۔

مبشر لقمان کا کہنا تھا حویلیاں میں ایک طیارہ تباہ ہوا تھا جس میں جنید جمشید شہید ہوئے تھے . ان کے ساتھ دیگر 47 افراد شہید ہوگئے تھے . اس حادثے میں اس وقت کے ٹیکنیکل سٹاف نے مجرمانہ غفلت کی تھی اور ان کے سربراہ ڈائریکٹر انجینرنگ مقصود احمد نے اس وقت کہا تھا کہ کھرا سچ والے ہمیں بلیک میل کر رہے ہیں.
ان کا کہنا تھا کہ چار جنوری 2015 کو کھرا سچ نے اے ٹی آر جہاز کے پرزوں کی تفصیل بیان کی تھی. ان کا کہنا تھا کہ اس ویڈیو کو دیکھ سکتے ہیں‌ جس میں میں نے کہا تھا کہ اللہ کر میری بات غلط ثابت ہوجائے . اللہ کرنے میر ریسرچ غلط ثابت ہوجائے.

اس وقت مبشر لقمان نے اپنی تحقیقاتی رپورٹ میں بتایا تھا کہ اے ٹی آر کو جب فرانس سے خریدا گیا تو اس وقت ایویلو ایشن ٹیم نے اس کو نہ خریدنے کی تجویز تھی . لیکن مینجمنٹ نے اس رپورٹ کے باوجود اس کو خریدا ، ان طیاروں میں سے دو کے تو انجن ہی بند ہوگئے تھے لیکن اللہ نے ان کو حادثے سے بچا لیا تھا.

مبشر لقمان کا کہنا تھا کہ میں جنوری 2015 کو اپنی رپورٹ میں بتایا تھا کہ کیسے اس جہاز کے پروفائلر فیل ہوگئے تھے . کیسے اس ڈی آئی سی ایس پر پنگے لیے گئے ، کیسے پیسے بچانے کے لیے کھابے کھائے گئے. اس انجینئر مقصود احمد نے کیا کیا کیا ، اس کی تفصیل بھی عجیب ہے .

مبشر لقمان نے اپنی اس رپورٹ میں انکشاف کیا تھا کہ اس جہاز کے پروپیلر کی مرمت کے لیے لوکل کمپنی سے سازو سامان لیا جارہا ہے . جبکہ جہاز بنانے والے کمپنی نے متعدد بار یہ پی آئی اے کو ورننگ دی کے آپ ایسا نہ کریں لیکن انہوں نے اپنی من مانی کی . کمپنی نے کہا غیر معیاری سامان لگانے سے جہاز غیر محفوظ ہو سکتا ہے اور ہو جانا ہے جس سے نقصان ہوسکتا ہے .

مالی :سیاسی عدم استحکام پرفوج نے ملک کا نظام سنبھال لیا:صدر اور وزیراعظم گرفتار،اطلاعات کے مطابق ذرائع کا کہنا ہے کہ مالی میں ہونے والی فوجی بغاوت کے بعد بڑے پیمانے پر گرفتاریاں ہوئی ہیں۔

ذرائع کے مطابق سفارتی ذرائع کا کہنا ہے کہ مالی میں ہونے والی فوجی بغاوت کے بعد اس ملک کے صدر«باه نداو»، وزیر اعظم «موکتار اونین» اور وزیر دفاع «سلیمانه دوکور» کو گرفتار کر کے دارالحکومت سے باہر فوجی چھاونی «کاتی» میں منتقل کردیا گیا ہے۔

در ایں اثناء مالی میں امریکی سفیر نے ایک بیان جاری کرتے ہوئے مالی کے دارالحکومت «باماکو» میں فوجی نقل و حمل کے بڑھنے کی خبر دیتے ہوئے امریکی شہریوں سے کہا ہے کہ وہ اس ملک کا غیر ضروری سفر کرنے سے اجتناب کریں۔