Category: اہم خبریں

بریکنگ : لاہور کے علاقے جوہر ٹاؤن میں دھماکہ

باغی ٹی وی :بریکنگ : لاہور کے علاقے جوہر ٹاؤن میں دھماکے کے نتیجے میں قریبی عمارتوں کے شیشے ٹوٹ گئے۔دھماکہ جوہر ٹاون کے علاقے احسان ممتاز ہسپتال کے قریب ہوا، پولیس کے مطابق دھماکہ گاڑی کے اندر ہوا ہے، ریسکیو کی ٹیمیں روانہ کر دی گئیں۔دھماکہ اتنی شدید نوعیت کا تھا کہ قریبی عمارتوں کے شیشے ٹوٹ گئے۔

ابتدائی معلومات کے مطابق دھماکے سے قریبی عمارتوں کے شیشے بھی ٹوٹ گئے اور وہاں کھڑی گاڑیوں کو بھی نقصان پہنچا، دھماکے سے ایک گھر زیادہ متاثر ہوا جبکہ دیگر گھروں کو بھی دھماکے سے نقصان پہنچا۔ ابھی تک پانچ افراد کے زخمی ہونے کی اطلاعات ہیں .

جوہر ٹاؤن میں ہونے والے دھماکے کی ایک عینی شاہد خاتون کا کہنا ہے کہ ایک آدمی موٹر سائیکل کھڑی کر کےگیا،پھر موٹر سائیکل دھماکےسے پھٹ گئی۔

ریسکیو ذرائع کے مطابق دھماکے کے نتیجے میں 5 افراد زخمی بھی ہوئے ہیں جنہیں مقامی افراد نے اپنی مدد آپ کے تحت طبی امداد کے لیے اسپتال منتقل کیا۔

ذرائع کے مطابق اب تک یہ معلوم نہیں ہو سکا ہے کہ دھماکا کسی ڈیوائس کے ذریعے کیا گیا ہے یا پھر یہ گیس پائپ لائن کا دھماکا تھا تاہم سکیورٹی فورسز اور بم ڈسپوزل اسکواڈ کے عملے نے علاقے کا محاصرہ کر کے شواہد اکٹھے کرنا شروع کر دیے ہیں

ذرائع کے مطابق دھماکے کے مقام کی جانب ریسکیو ٹیمیں روانہ کر دی گئیں۔ ڈی سی لاہور مدثر ریاض کو ریسکیو 1122 کو فوری موقع پر پہنچنے کی ہدایت کردیں‌ ریسکیو 1122 جائے وقوعہ پر پہنچ کر فوری امدادی کارروائیاں شروع کردیں .

وزیراعلی پنجاب سردار عثمان بزدار کا جوہر ٹاون میں دھماکے کے واقعہ کانوٹس لیتے ہوئے انسپکٹر جنرل پولیس سے رپورٹ طلب کر لی اور واقعہ کی تحقیقات کا حکم دے دیا ہے .

عثمان بزدار کا کہنا تھا کہ دھماکے کے ذمہ داروں کو فی الفور قانون کی گرفت میں لایا جائے ۔زخمی افراد کو علاج معالجے کی بہترین سہولتیں فراہم کی جائیں ۔

وزیراعلی عثمان بزدار نے جناح ہسپتال اور دیگر ہسپتالوں میں ایمرجنسی نافذ کرنے کی ہدایت زخمیوں کے علاج معالجے کے لئے تمام ممکنہ اقدامات کئے جائیں ۔وزیراعلی عثمان بزدار کی ریسکیو 1122 اور امدادی سرگرمیوں سے متعلقہ اداروں کو امدادی سرگرمیوں تیز کرنے کی ہدایت کردی ہیں .
وزیراعلی عثمان بزدار نے ایڈیشنل آئی جی سی ٹی ڈی کو موقع پر پہنچے کی ہدایت کی ہے .

متعلقہ اسسٹنٹ کمشنر کو بھی فوری موقع پر پہنچنے کی ہدایات جاری کر دی گئیں‌. ڈی سی لاہور مدثر ریاض نے تمام ہسپتالوں کی ایمرجنسی کو الرٹ ہونے کی ہدایات بھی جاری کر دیں.

واشنگٹن:افغانستان سےانخلا،جوبائیڈن کا عمران خان سے رابطہ نہ کرنا بڑی تباہی ہوگا،امریکہ ہوش کے ناخن لے: امریکی سینیٹرنے خبردارکردیا،اطلاعات کے مطابق امریکی سینیٹر لنزے گراہم نے کہا ہے کہ افغانستان سے تمام افواج نکالنے اور اس حوالے سے پاکستان سے رابطہ نہ کرنے کا بائیڈن انتظامیہ کا فیصلہ بہت بڑی تباہی ثابت ہوگا۔

ٹوئٹرپرپوسٹ کرتے ہوئے ری پبلکن پارٹی سے تعلق رکھنے والے معروف امریکی سینیٹر لنزے گراہم کا کہنا تھا کہ انہیں یہ سن کر شدید حیرت ہوئی ہےکہ صدر بائیڈن نے ابھی تک امریکا پاکستان تعلقات اور افغانستان کے حوالے سے وزیراعظم پاکستان عمران خان سے رابطہ نہیں کیا ہے۔

Stunning to hear that President Biden hasn’t reached out to the Prime Minister of Pakistan Imran Khan regarding the U.S.-Pakistan relationship and Afghanistan.

— Lindsey Graham (@LindseyGrahamSC) June 22, 2021

لنزے گراہم کا کہنا تھا کہ ہم کیسے یہ توقع کر سکتے ہیں کہ پاکستان سے بات چیت کے بغیر افغانستان سے ہماری واپسی مؤثرثابت ہوگی؟ بائیڈن انتظامیہ کو واضح طور پر یہ لگتا ہےکہ افغانستان میں ہمارے مسائل حل ہوچکے ہیں۔

How do we expect our withdrawal from Afghanistan to be effective without coordinating with Pakistan? Clearly the Biden Administration believes that our problems in Afghanistan are behind us.

— Lindsey Graham (@LindseyGrahamSC) June 22, 2021

امریکی سینیٹر کا کہنا تھا کہ افغانستان سے تمام افواج نکالنے اور اس حوالے سے پاکستان سے رابطہ نہ کرنےکا بائیڈن انتظامیہ کا فیصلہ بہت بڑی تباہی ہوگا یہاں تک کہ یہ عراق میں کی جانے والی غلطی سے بھی بڑی غلطی ہوگی۔

I believe that this decision by the Biden Administration to withdraw all forces and not stay engaged with Pakistan is a major disaster in the making, even worse than the blunder in Iraq.

— Lindsey Graham (@LindseyGrahamSC) June 22, 2021

امریکی سینیٹرنے خبردارکرتے ہوئے کہا کہ امریکہ کویہ یاد رکھنا ہوگا کہ پاکستان دنیا کی بڑی طاقت ہے اوراب دنیا کے فیصلے واشنگٹن نہین بلکہ اسلام آباد میں ہوتے ہیں‌

اسلام آباد روسی صدر پاکستان آرہے ہیں‌:شاہ محمود قریشی نے خوشخبری سنادی ،اطلاعات کے مطابق وزیرخارجہ شاہ محمود قریشی نے خوشخبری سناتے ہوئے کہا ہے کہ روسی صدر کے دورہ پاکستان کی تیاریاں جاری ہیں،

روس کے ساتھ قربتیں بڑھ رہی ہیں، کورونا وباء کی وجہ سے دورے میں تاخیر ہوئی۔ انہوں نے اپنے ایک بیان میں کہا کہ یہ بھی درست ہے روس کے ساتھ قربتیں بڑھ رہی ہیں،

شاہ محمود قریشی نے یہ بھی کہا کہ پاکستان، ایران اور روس کے درمیان گیس پائپ لائن معاہدہ ہوگیا ہے، گیس پائپ لائن منصوبے کی گراؤنڈ بریکنگ تقریب کی تیاریاں جاری ہیں۔

گیس پائپ لائن منصوبے کی روس اور پاکستان دونوں جگہوں پر تقریب ہوگی۔ ترکی کے دورے کے موقع پربھی روسی وزیرخارجہ سے ملاقات ہوئی، روسی صدر کے دورہ پاکستان سے متعلق بھی تیاریاں کررہے ہیں،

چینی صدر کو پاکستان کے دورے کی دعوت دی ہے، چینی صدر کے دورے سے متعلق بھی تیاریاں جاری ہیں۔کورونا وباء کی وجہ سے چینی صدر کے دورے میں تاخیر ہوئی ہے

راولپنڈی :کینیا کے جنرل رابرٹ کریوکی کیبوچی کی چیئرمین جوائنٹس چیفس آف سٹاف جنرل ندیم رضا سے اہم ملاقات ،اطلاعات کے مطابق کینیا کے چیف آف ڈیفنس فورسز جنرل رابرٹ کریوکی کیبوچی ، جو پاکستان کے سرکاری دورے پر ہیں ، نے جوائنٹ چیفس آف اسٹاف کمیٹی کے چیئرمین ، ندیم رضا سے جوائنٹ اسٹاف ہیڈ کوارٹر راولپنڈی میں ملاقات کی۔

ملاقات میں دونوں ممالک کے مابین دوطرفہ پیشہ ورانہ دلچسپی کے امور اور سلامتی اور دفاعی تعاون کو مزید تقویت دینے کے امور پر تبادلہ خیال کیا گیا۔

کینیا کے چیف آف ڈیفنس فورسز جنرل رابرٹ کریوکی کیبوچی کو گارڈ آف آنرز پیش کیا جارہا ہے pic.twitter.com/2dreS2vu3f

— Baaghi TV باغی ٹی وی (@BaaghiTV) June 22, 2021

آئی ایس پی آر کے مطابق دونوں رہنماوں نے موجودہ بین الاقوامی اور علاقائی سلامتی کے ماحول پر بھی تبادلہ خیال کیا۔ جنرل رابرٹ کریوکی کیبوچی نے پاکستان آرمڈ فورسز کی پیشہ ورانہ مہارت کی تعریف کی اور دہشت گردی کے خلاف جنگ میں ان کی قربانیوں کا اعتراف کیا۔

قبل ازیں جوائنٹ اسٹاف ہیڈ کوارٹرز پہنچنے پر پاک فوج کے خدمات انجام دینے والے چاک وچوبند دستے نے معزز مہمانان گرامی کو ’گارڈ آف آنر‘ پیش کیا۔

لاہور:اسپیکرپنجاب اسمبلی چودھری پرویزالٰہی سابق صدر سے ملاقات،اطلاعات کے مطابق پاکستان مسلم لیگ کے مرکزی رہنما سابق ڈیٹی وزیراعظم ،پنجاب اسمبلی کے اسپیکرچوہدری پرویز الٰہی اہم مشن پرپیپلزپارٹی کے سربراہ سابق صدرآصف علی زرداری سے اہم ملاقات کرنے والے ہیں‌

ذرائع کے مطابق اس اہم ملاقات میں باہمی دلچسپی کے امور اور سیاسی صورت حال پر تبادلہ خیال کیا جائے گا، اس کے ساتھ ساتھ یہ بھی معلوم ہو اہےکہ آصف علی زرداری کواہم پیغام بھی پہنچایا جائے گا یہ پیغام کس اہم شخصیت کا ہے اوریہ خاص پیغام کیا ہے ابھی تک اس کے بارے میں توحتمی طورپرمعلوم نہیں ہوسکا مگریہ بات طئے ہے کہ یہ ملاقات ایک خصوصی مشن پرحامل ہے

ذرائع کے مطابق چودھری پرویزالٰہی سابق صدر سے ملاقات کیلئے بلاول ہاوَس پہنچیں گے، دوسری طرف بلاول ہاوس میں چوہدری پرویزالٰہی کی آمد کی تیاری کے سلسلے میں بہت زیادہ سرگرمیاں دکھائی دے رہی ہیں‌

ادھر بعض معتبرذرائع نے یہ بھی دعویٰ کیا ہےکہ اس ملاقات کے بعد پیپلزپارٹی حکومت سے مزاحمت نہیں کرے گی سوائے فرینڈلی اپویشن کے ، اس کی وجہ یہ بھی بتائی جارہی ہےکہ پی پی کے اکثرحلقوں نے یہ فیصلہ کیا ہے کہ وہ حکومت کی جائز اورمفادعامہ کی پالیسیوں کی مخالفت نہیں کرے گی

دوسری طرف ذرائع نے یہ بھی دعویٰ کیا ہےکہ اس ملاقات کی اطلاعات ن لیگ کے لیے بجلی بن کرگری ہے ،ن لیگ کویہ خوف لاحق ہوگیا ہےکہ اگرپیپلزپارٹی نے اس کا ساتھ نہ دیا اورپی پی نے بجٹ اوردیگراہم قانون سازی پرحکومت کی حمایت کا اعلان کردیا توپھراس کے بعد تون لیگ کی تباہی یقینی ہے اورجو بند کافی عرصے سے باندھا ہوا تھا وہ کسی بھی وقت ٹوٹ سکتا ہےاورپھربڑی تعداد میں ن لیگی ممبران اسمبلی اوردیگرسیاسی رہنما پی ٹی آئی ، پاکستان مسلم لیگ اورپی پی میں جانے کا اعلان کرسکتے ہیں‌

نئی دہلی: عمران خان کی حکومت بھارت میں غیرمسلموں کواسلام قبول کرنے میں مدد کررہی ہے:دومسلمان گرفتار:بھارتی خفیہ اداروں کا الزام ،اطلاعات کے مطابق بھارت نے پاکستان پرالزام عائد کیا ہے کہ حکومت پاکستان منصوبہ بندی سے بھارت میں غیرمسلموں کواسلام قبول کرنے میں بھرپورکرداراداکررہی ہے ،

بھارتی میڈیا کے مطابق اسی حوالے سے بھارت کی ریاست اتر پردیش میں اے ٹی ایس کی ٹیم نے دہلی کے جامعہ نگر علاقہ میں واقع اسلامک دعوۃ سینٹر کے دو مبلغ عمر گوتم اور ان کے ساتھی مفتی جہانگیر عالم قاسمی کو تبدیلی مذہب کروانے کے الزام میں گرفتار کر لیا۔

بھارتی میڈیا کی رپورٹ کے مطابق گرفتار افراد پر دوسرے مذاہب کے غریب اور کمزور طبقہ کے افراد کو شادی وغیرہ کی لالچ دے کر مذہب تبدیل کروانے کا الزام ہے۔

بھارتی پولیس نے پاکستان پر الزام تراشی کی روایت برقرار رکھتے ہوئے الزام عائد کیا کہ تبدیلی مذہب کے لیے پاکستان سے فنڈز حاصل کیے جاتے تھے۔ بھارتی اخبار کی رپورٹ کے مطابق اے ڈی جی پرشانت کمار نے پولیس ہیڈ کوارٹرز میں پریس کانفرنس کرکے بتایا کہ ان مذہبی رہنماؤں کو اس کے لیے بیرون ممالک سے فنڈ موصول ہوتا تھا۔

اے ٹی ا یس نے یہ دعویٰ بھی کیا کہ ان کے تعلقات پاکستان کی خفیہ ایجنسی سے ہونے کے بھی ثبوت ملے ہیں۔

پولیس نے دعویٰ کیا کہ ابتدائی تفتیش میں 1000سے زائد افراد کولالچ دے کر مذہب تبدیل کروانے کی اطلاع سامنے آئی۔ جن میں سے 350 افراد کو گزشتہ ایک سال میں مسلمان بنایا گیا