Category: اہم خبریں

سینیٹ میں شکست، حفیظ شیخ مستعفی ہوں گے یا نہیں؟ وزیراعظم نے بڑا حکم دے دیا
باغی ٹی وی کی رپورٹ کے مطابق وزیراعظم عمران خان سے وزیر خزانہ عبدالحفیظ شیخ کی ملاقات ہوئی ہے

وزیراعظم عمران خان نے حفیظ شیخ کو بطور وفاقی وزیر کام جاری رکھنے کی ہدایت کی ہے، وزیراعظم عمران خان نے عبدالحفیظ شیخ پر مکمل اعتماد کا اظہار کر دیا،وزیراعظم عمران خان کا کہنا تھا کہ معیشت کی بہتری کیلئے حفیظ شیخ کی خدمات ہیں، پاکستان کی معیشت کو بہتر بنانے میں حفیظ شیخ کا اہم کردار ہے،

وزیراعظم عمران خان سے ملاقات کے بعد عبدالحفیظ شیخ نے استعفیٰ نہ دینے کا فیصلہ کیا ہے

واضح رہے کہ سیینٹ الیکشن میں اسلام آباد سیٹ سے حفیظ شیخ پی ٹی آئی کے امیدوار تھے تا ہم انہیں شکست ہوئی اور یوسف رضا گیلانی جیت گئے، حفیظ شیخ کی شکست کے بعد اطلاعات تھیں کہ وہ عہدہ چھوڑ دیں گے تا ہم آج وزیراعظم عمران خان سے ملاقات کے بعد حفیظ شیخ نے عہدہ نہ چھوڑنے کا فیصلہ کیا ہے

سینیٹ انتخابات، کون بازی لے گیا،سب سے پہلے کس نے جمع کروائے کاغذات؟

سینیٹ الیکشن،مولانا کا بھائی، سابق وزیراعظم کا داماد،مریم کا ترجمان، شہباز شریف کا وکیل ہوں گے امیدوار

سینیٹ الیکشن، پیپلز پارٹی کی ڈیمانڈ مان لی گئی، الیکشن کمیشن نے نیا اعلان کر دیا

سینیٹ انتخابات، جماعت اسلامی نے بھی امیدواروں کا اعلان کر دیا

پیپلزپارٹی نے الیکشن کمیشن کے فیصلے پر سوالات اٹھا دیئے

پی ڈی ایم مشترکہ امیدوار،یوسف رضا گیلانی کا کس حکومتی امیدوار سے ہو گا مقابلہ؟

مسلم لیگ ن اور جے یو آئی یوسف رضا گیلانی کو ووٹ نہیں دے گی، اہم شخصیت نے دعویٰ کر دیا

یوسف رضا گیلانی کے کاغذات نامزدگی کے تجویز و تائید کنندگان جان کر سب حیران

حفیظ شیخ میری سابق کابینہ کا حصہ تھے، میں یہ کام نہیں کرنا چاہتا، یوسف رضا گیلانی کا دبنگ اعلان

چیئرمین سینیٹ کے انتخابات کیلئے گیلانی نے ایم کیو ایم سے مدد مانگ لی

باغی ٹی وی کی رپورٹ کے مطابق چیئرمین سینیٹ کے انتخابات کے لئے جوڑ توڑ جاری ہے

پی ڈی ایم نے سید یوسف رضا گیلانی کو چیئرمین سینیٹ کا امیدوار نامزد کیا ہے جبکہ حکومت نے صادق سنجرانی کو سینیٹ کا امیدوارطے کیا ہے،‌صادق سنجرانی اور یوسف رضا گیلانی نے رابطوں کا سلسلہ شروع کر رکھا ہے.

یوسف رضاگیلانی نے چیئرمین سینیٹ کے لیے ایم کیو ایم کی حمایت مانگ لی ،گیلانی کی سربراہی میں پیپلز پارٹی کے وفد نے ایم کیو ایم کے رہنما مقبول صدیقی سے ملاقات کی ہے،یوسف رضا گیلانی کا کہنا تھا کہ ایم کیو ایم سے گزارش ہے کہ پی ڈی ایم کا ساتھ دیں آئین اورقانون کے لیے ایم کیو ایم سے تعاون کی درخواست کی ہے، جب وزیراعظم تھا تو آئین میں ترامیم کے متعلق ایم کیو ایم نے کافی ساتھ دیا،ہمارا وفد صوبائی سطح پر ایم کیو ایم سے مل چکا ہے،

سید یوسف رضا گیلانی نے کہا کہ ایسے لوگوں نے ووٹ دیئے جنہیں پیسے کی ضرورت نہیں ہے،سینیٹ میں میری جیت عمران خان پر عدم اعتماد ہے،تحریک انصاف کو اپنی پارٹی کے لوگوں پر اعتماد نہیں،ایم کیوایم پاکستان سے سپورٹ کے لیے گزارش کروں گا،آئینی طریقے سے سینیٹ کا الیکشن لڑے،

وزیراعظم بتائیں پارٹی کارکنوں سے اعتماد کا ووٹ کیوں لے رہےہیں؟ وزیراعظم آج ہماری وجہ سے اپنے ارکان سے ملاقات کررہےہیں، وزیراعظم پہلے ارکان سے ملنے کے لیے بھی تیار نہیں تھے،پی ڈی ایم کے سربراہی اجلاس میں تمام فیصلے مشاورت سے ہوں گے، پی ڈی ایم نے اپنی اکثریت ظاہرکردی ہے،ان کومشورہ دیا گیا اعتماد کا ووٹ لیں تو 6ماہ کوئی نہیں چھیڑےگا،سینیٹ الیکشن کے بعد ملک میں جشن نظر آرہا ہے، 5 لاکھ ووٹوں والے نمائندگان کے لیے بکاؤ کا لفظ استعمال کرنا غلط ہے،

ہم دیکھیں گے آپ کا وزیراعلیٰ اور اسپیکر کب تک کرسی پر بیٹھیں گے،بلاول

باغی ٹی وی کی رپورٹ کے مطابق پی ڈی ایم اجلاس سے خطاب کرتے ہوئے بلاول زرداری کا کہنا تھا کہ وزیراعظم کو یوسف رضا سے سیکھنا چاہیے تھا،

بلاول زرداری نے کہا ہے کہ ہم سب پی ڈی ایم کی جیت منانے کے لیے جمع ہوئے ہیں، تین سال سے کٹھ پتلی نظام چل رہا ہے،پی ڈی ایم نے ایک سیٹ سےاپنی حیثیت کوثابت کردیا،ہم نے اس حکومت کو بے نقاب کردیا ہے،کہتے ہیں سیاست ناممکن کو ممکن بنانے کے فن کا نام ہے، سینیٹ کی ایک سیٹ کی کامیابی نے یہ ثابت کر دیا ہے، پی ڈی ایم نےسینیٹ الیکشن میں حکومت کوشکست دی، ملک میں ڈھائی سال سے ہائبرڈ نظام چل رہا ہے،غیرسیاسی سپورٹ سے تمام دروازے بند ہوتے جارہےہیں،

بلاول زرداری کا مزید کہنا تھا کہ ایک سینیٹ انتخاب نے تو آپ کو پورا بے نقاب کیا،ہم نے تو سمجھا کہ مہم چلائیں گے لیکن آپ نے تو سب کچھ مختصر کردیا،گزشتہ رو ز آپ نے پارلیمانی اراکین کا فوج اکٹھا کیا،ہم دیکھیں گے آپ کا وزیراعلیٰ اور اسپیکر کب تک کرسی پر بیٹھیں گے،آصف زرداری ،مولانافضل الرحمان اور نوازشریف جب منصوبہ بنائیں توعمران بچ نہیں پائیں گے،

بلاول زرداری کا مزید کہنا تھا کہ کب ، کہاں اور کس کے خلاف عدم اعتماد ہوگا یہ فیصلہ پی ڈی ایم کرے گی، آج جوکچھ ہوا اس پی ڈی ایم اس کی مذمت کرتی ہے،بزرگوں کے حوالے سے نامناسب بیانات پی ٹی آئی کی روایت ہے،آپ گزشتہ روز کے اجلاس میں ہی آپ اعتماد کھوچکے تھے ،وزیراعظم کو یوسف رضا سے سیکھنا چاہیے تھا،خان صاحب کی حکومت جو روایت اپنا رہی ہے نظام کیلئے خطرہ ہے، پارلیمنٹ لاجز کے باہر ارکان کے ساتھ جو ہوا اس کی مذمت کرتے ہیں، پی ڈی ایم نے سینیٹ انتخابات میں حکومت کو شکست دی،

کون ہو گا اگلا چیئرمین سینیٹ؟ اپوزیشن نے اعلان کر دیا

سینیٹ میں شکست کا ذمہ دار کون؟ وزیراعظم نے سب کو بلا لیا

ایک کے بعد ایک وار،اب کون ہو گا اپوزیشن کا نیا شکار،مبشر لقمان کے انکشاف سے پی ٹی آئی میں کھلبلی مچ گئی

وزیراعظم کا اعتماد کا ووٹ، اپوزیشن نے اراکین اسمبلی کو اہم ہدایات دے دیں

کپتان کا کمال، مریم اور بلاول کی راہیں پھر جدا؟

اور پھر اس بار بلاول مان ہی گئے، ایسا فیصلہ کیا کہ مولانا فضل الرحمان اسلام آباد چھوڑ گئے

سینیٹ انتخابا ت کے دوران ووٹ کیسے کاسٹ کیا تھا؟ زرتاج گل نے ایک بار پھر بتا دیا

سینیٹ انتخابات میں کیا اسٹیبلشمنٹ نیوٹرل تھی؟ شیخ رشید نے دیا جواب

ابو نہیں بیٹا بچاؤ مہم آج چلی، شکست پر پاکستانی ٹرمپ کا ردعمل قوم نے دیکھ لیا،مریم نواز

قومی اسمبلی اجلاس،شیخ رشید کے ساتھ "ہاتھ” ہو گیا

پارٹی ساری بھی چھوڑ جائے تو اکیلا بھی لڑتا رہوں گا،وزیراعظم کا دبنگ پیغام
باغی ٹی وی کی رپورٹ کے مطابق اعتماد کا ووٹ حاصل کرنے کے بعد وزیرا عظم عمران خان نے ایوان میں اظہار خیال کرتے ہوئے کہا کہ اپنے اتحادیوں کا دل سے شکریہ ادا کرتا ہوں،

وزیراعظم عمران خان کا کہنا تھا کہ ایک مہینے سے پتا تھا سینیٹ الیکشن کیلیے پیسے اکٹھے کیے جا رہے ہیں ،چڑھے ہوئے قرضے بیماری کی علامات ہیں،قوم کواخلاقی تباہ کیا،کوئی ملک کرپٹ لیڈر شپ کےساتھ خوشحال نہیں رہ سکتا کہا جاتا ہےایک زرداری سب پر بھاری، وہ رشوت دیتا اس لیے وہ بھاری ہے؟ زرداری دنیا بھرمیں10 پرسنٹ سےمشہور ہے،اس پر فلمیں بنی ہوئی ہیں ،نواز شریف ملک کو 30 سال سے لوٹ کر ملک سے باہر بھاگاہوا ہے فضل الرحمان ہمیشہ سے دو نمبر آدمی ہے ،این آر او لے کر دونوں نے دونوں ہاتھوں سے ملک لوٹا،

وزیراعظم عمران خان کا مزید کہنا تھا کہ سارے ڈاکو سمجھ رہے ہیں پریشر ڈالو یہ عمران خان این آر او دے دے گا،پیپلز پارٹی اور ن لیگ نے این آر او لے کر دونوں ہاتھوں سے ملک کو لوٹا،نوازشریف، زرداری سمیت اپوزیشن سمجھتی ہے مجھے بلیک میل کرلے گی،جتنا پیسہ ان کے پاس ہے ان کو خود نہیں پتہ یہ کہاں کہاں پڑاہواہے،یوسف رضا گیلانی نے رقم واپس لانے کیلئے خط نہیں لکھا،ایف اے ٹی ایف کی گرے لسٹ میں ہماری وجہ سے نہیں ، ن لیگ کے دور میں آئے، ایف اے ٹی ایف کی قانون سازی میں بلیک میل کرنے کی کوشش کی گئی ، روپیہ گرتا ہے تو منہگائی بڑھتی ہے،اگر ہم پر پابندیاں لگ جاتیں تو آپ سوچ نہیں سکتے ملک میں کیا حال ہوتا،

https://www.youtube.com/watch?v=TyrCKh_RvPI

وزیراعظم عمران خان کا مزید کہنا تھا کہ میں نے کیوں اعتماد کا ووٹ لیا، تا کہ دنیا کو پیغام جائے، رات گئے سینیٹ میں خواتین کو کالز کی گئیں کہ دو کروڑ سے ریٹ ہے ووٹ دیں ،پاکستان کی ایجنسیز سے ایک سیکرٹ بریفنگ لیں تا کہ پتہ چلے کہ کتنا پیسہ چلا سینیٹ میں، کسی کی آزادی ختم نہیں کر رہا،کیا میں الیکشن کمیشن کی آزادی ختم کر رہا ہوں؟ ڈھائی سال بڑی چیزیں برداشت کرتا رہا صبر سے کیوں کہ ملک مشکل میں تھا، میری زندگی جدوجہد میں گزری اپوزیشن نے جلسے کرنے کی کوشش کی، اپوزیشن کا شہزادہ اور شہزادی آ گئے ہیں ان کو جدو جہد کا پتہ ہی نہیں ، ڈھائی سال زندگی کی سب سے مشکل جدوجہد تھی، ایک ایک ادارہ انہوں نے تباہ کر دیا، پی آئی اے ، سٹیل ملز کسی کو بھی لیں، سٹیل مل منافع میں تھی جب تک زرداری نے ہاتھ نہیں مارا، اب مل بند ہے، لوگوں کی بھرتیاں کیں اتنے لوگ بھرتی کئے کہ کچھ بچتا ہی نہیں،

وزیراعظم عمران خان کا مزید کہنا تھا کہ ایک وزیراعظم دبئی کی کمپنی میں نوکری کر رہا ہے کبھی یہ سنا ہے، ایک وزیر سعودی کمپنی میں سنتری بنا ہوا تھا ،اس ملک سے پیسہ منی لانڈر کر کے باہر لے جایا گیا، اپوزیشن کی شکل دیکھ کر پوچھتاہوں کہ کیا واقعی یہ دونوں ایماندار ہیں، ایمانداری سے دولت بنی، انکو موت کی فکر ہی نہیں، تین بار کا ملک کا وزیراعظم اسکے دو بیٹے باہر بیٹھے ہیں، لندن کو جانتا ہوں امیر ترین لوگ اس علاقے میں نہیں رہ سکتے جہاں وہ رہ رہے ہیں، کسی کو اندازہ ہی نہیں کہ کتنا پیسہ باہر پڑا ہے،اکیلا عمران خان کچھ ٹھیک نہیں کر سکتا، کیسز نیب یا عدالت میں ہیں، میرا کوئی کردار نہیں، عدلیہ اور نیب کو مدد چاہئے حکومت سے ہم تیار ہین، جب تک لوگوں کو سزا ہی نہیں دیں گے مسئلہ حل نہیں ہو گا، جس معاشرے میں سزا و جزا نہ ہو غریب جیل میں جائے اور طاقتور جلسے کرے این آر او کے لئے، نیب عدالت سے نکلتے ہیں تو پھول پھینکے جاتے ہیں، معاشرہ کرپشن کے خلاف لڑتا ہے، قانون کرپشن ختم نہیں کر سکتا جتنے مرضی بنا لیں، معاشرے کی اخلاقیات اچھی ہوں کہ کرپٹ افراد معاشرے میں شکل نہ دکھا سکیں،

وزیراعظم عمران خان کا مزید کہنا تھا کہ جب ہم مدینہ کی ریاست کے بڑے اصول عدل اور انصاف پر معاشرہ کھڑا کریں گے تو کامیابی ملے گی، کرپٹ جتنا طاقتورہو جیل میں جائے معاشرہ تب ہی آگے بڑھتا ہے، مجھے قوم کی مدد کی ضرورت ہے، پارٹی ساری بھی چھوڑ جائے تو اکیلا بھی لڑتا رہوں گا، آخری گیند تک لڑوں گا، وقت آ گیا ہے کہ ملک کو ،آنے والی نسل کو بچانا ہے، تب تک نہیں کر سکتے جب تک سارے ملکر فیصلہ نہ کریں، چوروں کو نہیں بچانا، صحافی جا کر کہہہ رہے ہیں عدالت میں کہ جو باہر بیٹھے ہیں انکو تقریر کرنے دیں،

وزیراعظم عمران خان کا مزید کہنا تھا کہ اللہ کا شکر ہے، کرنٹ اکاؤنٹ سترہ سال بعد سرپلس پر چلا گیا،ہم پیسہ نہیں لگا رہے، روپیہ خود بڑھ رہا ہے، یہ اہم وقت ہے، اسکے باوجود ملک میں کرونا ہوا، دنیا کی اکانومیز کرونا سے متاثر ہوئیں، اللہ کے کرم سے پاکستان میں حالات بہتر ہیں، اپنی ٹیم اسد عمر کو خراج تحسین پیش کرتا ہوں، ہمارا چیلنج ہے کہ ایکسپورٹ کو بڑھائیں،

وزیراعظم عمران خان کا کہنا تھا کہ ہر مشکل وقت میں اتحادیوں نے میرا ساتھ دیا مجھے آپ میں ایک ٹیم نظر آئی، ہماری ٹیم مضبوط ہوتی رہے گی،جب آپ مشکل وقت سے نکلتے ہیں تو اور مضبوط ہوجاتے ہیں، پارٹی جب مضبو ط ہوتی ہےتو مشکل وقت سے نکلتی ہے، آپ سب کو خراج تحسین پیش کرتا ہوں، مشکل وقت سے نکلے،کئی اراکین کی طبیعت ٹھیک نہیں تھی پھر بھی آئے ، شکریہ ادا کرتا ہوں

وزیراعظم عمران خان کا مزید کہنا تھا کہ قوم اپنے نظریے سے پیچھے ہٹتی ہے تو مرجاتی ہے،ہماری لیڈرشپ کو پتا ہونا چاہیے کہ پاکستان ایک عظیم خواب تھا، پاکستان اس لیے نہیں بنا تھا کہ شریف اور زرداری ارب پتی بن جائیں علامہ اقبال کا خواب پاکستان کو اسلامی ریاست بنانا تھا، اچھا لگا کہ آپ سب کو سینیٹ الیکشن کے نتائج پر دل سے تکلیف ہوئی انشاءاللہ اس سے ہماری ٹیم اور مضبوط ہو گی، الیکشن کمیشن کے بیان پر صدمہ ہوا،سینیٹ الیکشن میں جوہوا اس پر مجھے شرمندگی ہوتی ہے،الیکشن کمیشن کہتاہے کہ بڑا اچھا الیکشن ہوا ، اس سے مجھے اور صدمہ ہوا، اگر یہ اچھا الیکشن ہے تو برا الیکشن کیا ہوتا ہے؟