Category: اہم خبریں

واشنگتن :جمال خاشقجی کومحمد بن سلمان نے قتل کروایا:امریکہ نے انٹیلی جنس رپورٹ جاری کردی:پابندیوں کی دھمکی دے دی گئی ،اطلاعات کے مطابق امریکا نے سعودی صحافی جمال خاشقجی کے قتل کے حوالے سے خفیہ انٹیلی جنس رپورٹ جاری کردی۔ 

سی این این اورنیویارک ٹائمز نے دعویٰ کیا ہے کہ امریکہ نے سعودی عرب پرپابندیاں عائد کرنے کا منصوبہ بنا لیا ہے ، یہ پابندیاں کس نوعیت کی ہوں گی سعودی حکام خود بڑے پریشان دکھائی دے رہے ہیں‌

دوسری طرف اس حوالے سے بعض ماہرین نے یہ دعویٰ کیا ہے کہ یہ نظرثانی شدہ جزوی خفیہ انٹیلی جنس رپورٹ نئی جوبائیڈن انتظامیہ کی جانب سے سامنے لائی گئی ہے۔

ذرائع کے مطابق امریکا کی جانب سے جاری خفیہ رپورٹ 2 سال پرانی ہے جس میں کہا گیا ہے کہ امریکی انٹیلی جنس اس نتیجے پر پہنچی ہے کہ سعودی ولی عہد شہزادہ محمد بن سلمان نے صحافی جمال خاشقجی کو پکڑنے یا قتل کرنے کیلئے ترکی کے شہر استنبول میں آپریشن کی منظوری دی۔

رپورٹ میں مزید کہا گیا ہے کہ 2017 کے بعد سے محمد بن سلمان نے سعودی عرب کی سیکیورٹی اور انٹیلی جنس آپریشنز پر مکمل طور پر کنٹرول حاصل کرلیا تھا جس کی وجہ سے یہ ممکن نہیں کہ سعودی حکام نے اس نوعیت کا آپریشن سعودی ولی عہد کی منظوری کے بغیر کیا ہو۔

رپورٹ میں اس 15 رکنی اسکواڈ کا نام بھی ظاہر کیا گیا ہے جو استنبول گیا تھا اور کہا گیا ہے کہ قوی امکان ہے کہ اسی اسکواڈ نے خاشقجی کی ہلاکت میں حصہ لیا۔رپورٹ میں یہ بھی کہا گیا ہے کہ یہ واضح نہیں کہ مذکورہ اسکواڈ کو پہلے سے معلوم تھا یا نہیں کہ آپریشن کا نتیجہ خاشقجی کی موت کی صورت میں نکلے گا۔

رپورٹ کے مطابق سعودی ولی عہد شہزادہ محمد بن سلمان خاشقجی کو مملکت کیلئے خطرہ تصور کرتے تھے اور انہیں خاموش کرانے کیلئے ضرورت پڑنے پر پرتشدد طریقے استعمال کرنے کے بھی حق میں تھے۔

یاد رہے کہ آج صبح امریکی صدر جوبائیڈن نے سعودی فرماں روا سلمان بن عبدالعزیز کو ٹیلی فون کیا اور خطرے سے آگاہ بھی کیا ، ساتھ ہی جوبائیڈن نے مفاہمت کی بات کی اورپھر اسی دوران سلمان بن عبدالعزیز کو جمال خاشقجی کے قتل میں ملوث محمد بن سلمان کے حوالے سے خبردار کیا

یہ بھی معلوم ہوا ہے کہ جوبائیڈن نے دبے دبے لفظوں میں یہ دھمکی بھی دی کہ اگرمحمد بن سلمان مورد الزام ٹھہرایا جاتا ہے تواس کے سعودی عرب پربڑے گہرے اثرات مرتب ہوں گے

خیال رہے کہ جمال خاشقجی کو استنبول کے سعودی قونصل خانے میں یہ کہہ کر بلایا گیا تھا کہ وہ اپنی شادی سے متعلق کاغذی کارروائی یہاں مکمل کرسکتے ہیں۔

امریکی اخبار واشنگٹن پوسٹ سے منسلک سعودی صحافی جمال خاشقجی 2 اکتوبر 2018 کو ترکی میں استنبول میں واقع سعودی قونصل خانے سے لاپتہ ہو گئے تھے جس کے بعد ان کو قتل کیے جانے کی تصدیق ہوئی تھی۔

بعد ازاں سعودی عرب کی جانب سے اس بات کا اعتراف کیا گیا تھا کہ سعودی صحافی جمال خاشقجی استنبول میں واقع قونصل خانے میں لڑائی کے دوران ہلاک ہوئے۔

برطانوی میڈیا کے مطابق سعودی صحافی کو قتل کرنے کے بعد ان کی لاش کو بے دردی سے ٹکڑے ٹکڑے کردیا گیا تھا جبکہ گمشدگی کے چند روز بعد جمال خاشقجی کے جسم کے اعضاء سعودی قونصلر جنرل کے گھر کے باغ سے برآمد ہوئے تھے۔

بعدازاں سعودی عدالت نے صحافی جمال خاشقجی کے قتل میں ملوث 8 ملزمان کو قید کی سزائیں سناتے ہوئے مقدمے کو ختم کردیاتھا تاہم گزشتہ سال مقتول صحافی کے لواحقین نے قاتلوں کو معاف کرنے کا اعلان کیا تھا جس کے بعد قانون کے تحت سزائیں کم کی گئی تھیں۔

لاہور:نوازشریف کی جان آصف زرداری کی جانب سے جےایف 17تھنڈرپروگرام بند کرنےپربہت بڑی پیش کش کی تھی:اطلاعات کے مطابق پاکستان کے ایک بہت بڑے ذمہ دارکے انکشاف نے قوم کی آنکھیں کھول کررکھ دی ہیں ،

آصف زرداری کی جانب سے جے ایف 17 تھنڈر پروگرام بند کرنے کی کوششیں کیے جانے کا انکشاف۔ تفصیلات کے مطابق ائیر مارشل ریٹائرڈ شاہد لطیف کی جانب سے نجی ٹی وی چینل کے ایک پروگرام سے گفتگو کرتے ہوئے سابق صدر مملکت آصف زرداری سے متعلق تہلکہ خیز انکشاف کیا گیا ہے۔

 

 

https://twitter.com/AMShahidLatif/status/1362774282636464134

 

 

ائیر مارشل ریٹائرڈ شاہد لطیف کا دعویٰ ہے کہ آصف زرداری جب صدر تھے تب انہوں نے جے ایف 17 تھنڈر پروگرام بند کرنے کی شرط پر مجھے پاک فضائیہ کا سربراہ بنانے کی پیش کش کی تھی۔

شاہد لطیف کے مطابق وہ اس وقت ائیر وائس مارشل تھے، ان سے آصف زرداری نے رابطہ کر کے جے ایف 17 تھنڈر پروگرام کی بندش کے بدلے پاک فضائیہ کے سربراہ کی پوسٹ کی پیش کش کی تھی۔

ذرائع کے مطابق پروگرام کے میزبان کی جانب سے سوال پوچھے جانے پر ائیر مارشل ریٹائرڈ شاہد لطیف نے کہا کہ نواز شریف یا آصف زرداری سے ان کی کوئی دشمنی نہیں ہے، وہ ان پر تنقید ذاتی وجوہات کی بنا پر نہیں کرتے۔

ہاں ذاتی وجہ یہ ضرور ہے کہ پیپلز پارٹی کے دور حکومت میں جب مجھے ائیر چیف بننا تھا، تب آصف زرداری نے صاف صاف کہا کہ اگر جے ایف 17 تھنڈر پروگرام رول بیک کردو اور پاک فضائیہ کا بجٹ ایوان صدر کے ڈسپوزل پر ہو، اگر یہ 2 باتیں مان جاو تو تب ہی تمہیں ائیر چیف بنایا جائے گا۔

مودی کے اوسان خطا، کسانوں نے نیا پلان جاری کر دیا

باغی ٹی وی :سینئر اینکر پرسن مبشر لقمان نے کہا ہے کہ بھارت میں متنازعہ زرعی قوانین کے خلاف کسانوں کا احتجاج چوتھے ماہ میں داخل ہو گیا ہے ۔ ہزاروں کسان مظاہرین دہلی کے باہر موجود ہیں۔ جبکہ کاشکاروں نے احتجاجً گندم کی فصل تلف کرنا شروع کردی ہے۔ ہندوستان کے سکھوں نے اب تک اپنے اٹل استقلال اور مستقل مزاجی کا ثبوت فراہم کر دیا ہے۔ بھارتی کسان اپنے حق کے لیے چٹان بنے ہوئے ہیں۔
۔ نئے پلان کے مطابق کسانوں نے بھارتی پارلیمنٹ کے باہر
40
لاکھ ٹریکٹرز لانے کا اعلان کر دیا ہے۔ کسان رہنماؤں نے کہا ہے کہ
8
مارچ کو پارلیمنٹ کا گھیراؤ کیا جائے گا۔ ساتھ ہی امریکا کی
87
بڑی کسان یونینز بھی بھارتی کاشتکاروں کے حق میں بول اٹھی ہیں ۔ کسانوں نے یہ بھی اعلان کیا ہے کہ اب سارے تہوار دھرنوں ہی میں منائے جائیں گے۔

۔ دوسری جانب خالصہ تنظیموں نے اپنے پیغام میں کہا ہے کہ سکھ خود کو بھارتی نہ کہیں ۔

مبشر لقمان کا کہنا تھا کہ بھارتی میڈیا کے مطابق ہزاروں کسان مظاہرین دہلی کے اردگرد ٹکری، سنگھو اور غازی پور بارڈر پر موجود ہیں۔ دوسری طرف مودی سرکار کی ہٹ دھرمی بھی برقرار ہے ۔ کیونکہ یہ خبریں رپورٹ ہو رہی ہیں کہ مزید سیکڑوں کاشتکار گرفتار لیے گئے ہیں اور پولیس حراست میں تشدد کا انکشاف بھی ہوا ہے۔ آگے چل کر میں آپکو ایک ایسے ہی تہاڑ جیل واقعے بارے بھی بتاوں گا جس نے بھارت کے در ودیوار کو ہلا کر رکھ دیا ہے۔

۔ اب مختلف علاقوں میں جلسے اور جلوس جاری ہیں۔ ہریانہ میں ہونے والے کسانوں کے جلسے میں ہزاروں افراد نے شرکت کی۔ جبکہ کسان رہنماوں نے کہا کہ مودی کو ہر صورت متنازع زرعی قوانین واپس لینا ہی پڑیں گے۔

۔ ٹریکٹر مارچ سے خوفزدہ مودی سرکار نے نیا پینترا بدلتے ہوئے زرعی قوانین پر مذاکرات دوبارہ شروع کرنے کی پیش کش کر دی ہے ۔ حالانکہ پہلے مذاکرات کے 9 دور ناکام ہو چکے ہیں ۔ ساتھ ہی مودی نے دلی میں پیراملٹری فورسز کی تعیناتی کی مدت بھی بڑھا دی۔ دوسری طرف ہریانہ ، پنجاب اور راجستھان میں کسانوں کی ریلیاں اور جلسے جاری ہیں۔

ان کا کہنا تھا کہ اس وقت سکھ خالصوں کے خلاف نریندر مودی، امیت شاہ، راشٹریہ سویم سیوک سنگھ، وشوا ہندو پریشد، جن سنگھ اور اتر پردیش کے وزیراعلیٰ یوگی ادتیہ ناتھ اندر ہی اندر کھول رہے ہیں۔ اسی لیے آج بھارت کا ہر سکھ بھارتیہ جنتا پارٹی اور آر ایس ایس کی نفرت کے باعث خود کو غیر محفوظ سمجھ رہا ہے۔

۔ جس طرح سکھوں کے مذہبی گروئوں کے خلاف گالم گلوچ اور سکھ خواتین سے متعلق غلیظ زبان اور نفرت انگیز پروپیگنڈا آر ایس ایس کی طرف سے کیا جا رہا ہے۔ اس سے بھارت بھر میں سکھوں کے خلاف نفرت کے واقعات زور پکڑ رہے ہیں۔

مبشر لقمان کا کہنا تھا کہ سکھوں کے خلاف نفرت اس نہج تک پہنچ چکی ہے کہ دہلی کی تہاڑ جیل میں جب پنجاب اور ہریانہ کے سکھ کسانوں کو گرفتار کر کے لایا گیا تو جیل میں تعینات ہندو اہلکاروں نے آٹھ کوڑے مارنے کا حکم دیتے ہوئے یہ تنبیہ بھی کی کہ کوڑے کھاتے ہوئے اگر تم چیخو گے یا اگر تم نے ہلکی سی آواز بھی نکالی تو تمہیں آٹھ کے بجائے سولہ کوڑے مارے جائیں گے اور اگر سولہ کوڑوں کے دوران پھر تم نے چیخنے چلانے کی کوشش کی تو ان کوڑوں کی تعداد دوگنا ہو جائے گی۔

مبشر لقمان کا کہنا تھا کہ جب کوڑے مارنے کا عمل شروع ہوا تو ان کوڑوں کے سامنے کوئی عادی مجرم نہیں بلکہ ایک جیتا جاگتا گوشت پوست کا بائیس سالہ نوجوان تھا جس نے دوسرے کوڑے پر ہی درد سے چیخنا چلانا شروع کر دیا۔ ان کوڑوں کی تعداد پہلے آٹھ سے بڑھ کر سولہ ہوئی اور پھر کچھ وقفے کے بعد اس سکھ نوجوان کو چیخنے پر
32
کوڑے مارے گئے یہاں تک کہ وہ بے ہوش ہو کر گر پڑا مگر اس پر بھی بس نہیں کی گئی اور بتیس کوڑوں کی تعداد پوری کی گئی۔ جیل میں تعینات اسسٹنٹ سپرنٹنڈنٹ اور دیگر اہلکار اس نوجوان کی درد کی شدت سے نکلنے والی ہر چیخ پر نفرت بھرے قہقہے لگاتے اور کہتے جاتے کہ یہ تم لوگوں کی سزا ہے اور ابھی تو یہ ابتدا ہے۔

مبشر لقمان کا کہنا تھا کہ میں نے آپکو یہ نہ تو کسی فلم کا سین بتایا ہے اور نہ ہی یہ کوئی قصہ، کہانی یا ڈرامے کا منظر ہے بلکہ یہ مودی سرکار کی جانب سے دھرنا دینے والے پنجاب، ہریانہ اور راجستھان کے کسانوں کے خلاف کئے جانے والے سلوک اور ان قوانین پر اختیار کی جانے والی ہٹ دھرمی، ظلم و بربریت اور انسانی حقوق کی پامالی کی داستان ہے۔

مبشر لقمان کا کہنا تھا کہ سکھوں کے خلاف ان کی نفرت اس حد تک بڑھ چکی ہے کہ راشٹریہ سویم سیوک سنگھ کے مشہور لیڈر سدھیر سوری کی ایک چند ماہ پرانی وڈیو بی جے پی کی جانب سے خوب وائرل کی جا رہی ہے ۔ ہر جگہ شیئر کی جارہی ہے ۔ جس میں وہ ہندوئوں کو اکساتے ہوئے کہہ رہا ہے کہ یہ سکھ بھارت کی کل آبادی کا صرف ڈھائی فیصد ہیں۔ اس لئے ان کو جب تک ختم نہیں کیا جائے گا بھارت آگے بڑھنے میں ناکام رہے گا۔ لہٰذا جدھر اور جہاں بھی اکا دکا سکھ ملیں۔ ان کو گولیوں سے بھون دو۔ اپنی اس وڈیو میں وہ سنت جرنیل سنگھ بھنڈرنوالہ کی تضحیک کرتے اور سکھوں کو دھمکیاں دیتے ہوئے پیغام دے رہا ہے کہ سکھ وہ دن بھول گئے ہیں جب ہندو سینا نے غلیظ سکھوں
اور ان کے جرنیل سنگھ کو گولڈن ٹیمپل میں بھون کر رکھ دیا تھا؟ وہ کہتا ہے کہ اب ایک دفعہ پھر بھارت کے پاس وہ سنہری موقع آ گیا ہے کہ ان سکھوں کے ساتھ وہی سلوک کیا جائے اور ان کی نسلیں ہی ختم کر دی جائیں۔

مبشر لقمان کا کہنا تھا کہ کیونکہ ان کا معاملہ دیگر مسئلوں کی نسبت کل کو زیا دہ خطرناک ثابت ہو سکتا ہے۔ وہ کہتا ہے کہ مسلمان تو ڈر کر چپ ہو جاتے ہیں۔ انہیں ہم جیسے چاہیں دبا لیتے ہیں لیکن اگر سکھوں کو اسی طرح چھوٹ دی جاتی رہی۔ جیسے بھنڈرانوالہ کو دی گئی تھی تو یہ ہمیں نا قابل تلافی نقصان پہنچا سکتے ہیں۔ میں آپکو بتاوں گزشتہ 20 سالوں میں اب تک بھارت میں 3 لاکھ کسان اپنی جانیں گنواں چکے ہیں۔ اسی لیے مشترکہ کسان محاذ کے لیڈر گرنام سنگھ نے کہا تھا کہ کسان احتجاج اکتوبر تک جاری رہے گا۔

مبشر لقمان کا کہنا تھا کہ بھارت کے بڑھتے مظالم انسانی حقوق کے علمبرداروں کے لئے اب سوالیہ نشان نہیں بلکہ منہ پرطمانچہ ہے انسانیت سے۔ مودی سرکار کی اقلیت دشمن پالیسیوں کے باعث بھارت شدید بحران کی لپیٹ میں آچکا ہے مودی سرکار کو اب نوشتہ دیوار پڑھ لینا چاہیئے بھارتی ظلم وستم کے باوجود کشمیری اور سکھ اب پیچھے نہیں ہٹیں گے ۔

مبشر لقمان کا کہنا تھا کہ یہاں بار پھر میں مودی اور بی جے پی والوں کو یاد کروادوں کہ ہندوستان کی گزشتہ ایک ہزار برس کی تاریخ گواہ ہے کہ اس پر عسکری اقلیت کی حکمرانی رہی ہے۔ یہ اقلیت پہلے مسلم عربوں کی تھی۔ پھر مسلم غزنویوں، غوریوں، تغلقوں، خلجیوں اور مغلوں کی تھی اور آخر میں عیسائی انگریزوں کی تھی۔ انڈیا کی ہندو اکثریت کے لہو میں سکھوں کی اقلیت کا سامنا کرنے کا حوصلہ نہیں اور نریندر مودی کا تعلق کسی جنگجو مرہٹہ یا سکھ یا ڈوگرہ اقلیت سے نہیں۔ اس کا تعلق تو اس اکثریت سے ہے جو غلام ابنِ غلام رہی ہے

لاہور: تحریک انصاف کے ناراض ارکان نے گورنر سندھ کو ہٹانے کا مطالبہ کردیا، لیاقت جتوئی کیخلاف شوکاز نوٹس واپس لیا جائے، سینیٹ میں ٹکٹس کی تقسیم غلط ہوئی وزیراعظم کو خط لکھ دیا ہے۔

تفصیلات کے مطابق سندھ سے پی ٹی آئی کے رہنماء سابق وزیر اعلیٰ لیاقت جتوئی اور ناراض ارکان کا اجلاس ہوا، جس میں ناراض ارکان نے لیاقت جتوئی کے خلاف ایکشن پر مزید ناراضی کا اظہار کیا۔

 

 

ناراض رکن محمد رند نے کہا کہ سینیٹ میں ٹکٹس کی تقسیم غلط ہوئی، وزیراعظم کو تما م ایشوز پر خط لکھ دیا ہے، ملاقات میں وزیراعظم کے سامنے تحفظات رکھیں گے۔ وزیراعظم سے مطالبہ کیا ہے کہ گورنر سندھ کو فوری عہدے سے ہٹایا جائے۔ اسی طرح لیاقت جتوئی کے خلاف شوکاز نوٹس بھی واپس لیا جائے۔

 

 

دوسری جانب تحریک انصاف کی جانب سے سینیٹ انتخابات سے قبل ناراض اراکین کو منانے کی کوششیں تیز کر دی گئی ہیں۔

ا
پیپلز پارٹی کے ناراض رکن سندھ اسمبلی اور جی ڈی اے کے رہنما سردار علی گوہر مہرکے چھوٹے بھائی علی نواز مہر نے پیپلزپارٹی سے اپنی ناراضی ختم کردی ہے۔

وہ گزشتہ شب پیپلز پارٹی کے چیئرمین بلاول بھٹو زرداری کی جانب سے بلاول ہائوس میں پیپلز پارٹی کے ارکان سندھ اسمبلی کے اعزاز میں دیئے گئے عشائیہ میں شرکت کی۔

واضح رہے کہ رکن سندھ اسمبلی علی نواز مہر دو سال سے پیپلز پارٹی میں غیر فعال تھے، ذرائع کے مطابق سینیٹ انتخابات میں پیپلزپارٹی کی یہ بڑی سیاسی کامیابی ہے کہ گھوٹکی سے منتخب ناراض رکن سندھ اسمبلی علی نواز مہر بھی دوبارہ پیپلزپارٹی میں فعال ہوگئے ہیں۔

کولمبو:اے ہمارے پروردگار:وزیراعظم عمران خان کوصحت والی لمبی زندگی عطافرما:عزتوں سے نواز:دشمنوں کی شرسے بچا:سری لنکن مسلمان دعائیں دینے لگے،اطلاعات کے مطابق سری لنکن ملسمان اس وقت اس قدرخوش ہیں کہ ان کی زندگیوں میں کوئی ایسا موقع نہیں آیا جس میں وہ اتنی زیادہ خوشی کا اظہارکیا ہو

 

 

باغی ٹی وی کےمطابق اس وقت سری لنکن مسلمان نہ صرف خوش ہیں بلکہ وزیراعظم عمران خان کے لیے بڑی دعائیں کررہے ہیں

ذرائع کے مطابق سری لنکن مسلمان سیاستدانوں ،علمائے کرام اوردیگرمسلمانوں کا کہنا ہے کہ وہ پہلے یہی سمجھ بیٹھے تھے کہ دنیا میں سری لنکن مسلمانوں‌کا کوئی مدد گاریا حامی نہیں ہے اپنی جنگ آپ ہی لڑنی ہے

 

 

یہ بھی معلوم ہوا ہے کہ سری لنکن مسلمان ویزراعظم عمران خان کے دورہ کے بعد عید کا سماں محسوس کررہے ہیں

ان مسلمان رہنماوں کا کہنا ہےکہ پہلے بھی مسلمان حکمران سری لنکا کا دورہ کرتے رہے ہیں‌لیکن ہرآنے والا ہمیں نظراندازکرتا رہا اوراپنے ذاتی تعلقات اورکاروبار کو وسعت دینے کے لیے سفارتکاریاں کرتے رہے لیکن ہمیں خوشی اس بات کی ہے کہ پاکستان کے وزیراعظم عمران خان نے سری لنکن حکومت سے ہمارے مسائل پرکھل کربات کی

 

 

سری لنکن مسلم کانگریس سمیت دیگردرجنوں تنظیموں نے خوشی کا اظہار کرتے ہو ئے کہا ہے کہ ہمیں یہ احساس ہوا ہے کہ دنیا میں ہمارا بھی کوئی ہے اوروہ عمران خان ہے جومصلحت کا شکار نہیں ہوا بلکہ ایک نڈر،مخلص اورسچے لیڈرہونے کا ثبوت دیا

 

 

یہ بھی معلوم ہوا ہے کہ وزیراعظم عمران خان کی دیدہ دلیری نے دہلی اورواشنگٹن کو بھی ہلاکررکھ دیا ہے کہ کیسا عجیب انسان ہے کہ جس نے حکومتی معاہدوں سے زیادہ مسلمانوں‌کے مسائل پراپنا موقف بیان کیا

کولمبوسے ذرائع کے مطابق مساجد ،مدارس اورگھروں میں سری لنکن مسلمانوں‌کے مسائل حل کرنے کی کوششیں کرنے پروزیراعظم عمران خان کےلیے خلوص دل سے دعائیں کی جارہی ہیں‌

کچھ تو لمبی صحت والی زندگی کی دعا کررہےہیں اورکچھ عزت ومرتبے کی اورایسے بھی مسلمان ہیں جو وزیراعظم عمران خان عہد حکومت کے تسلسل کے لیے دعائیں کررہےہیں‌

 

 

 

یاد رہے کہ سری لنکا میں مسلمانوں پرعرصہ حیات اس قدر تنگ تھا کہ مسلمان میت کودفن کرنے کی بھی اجازت نہیں تھی اوریہ حکم دیا گیا کہ میتوں‌کو جلایا جائے ، اس کے علاوہ مسلمانوں کے لیے امتیازی قوانین سئے مسلمان بہت زیادہ پریشان تھے

یہ مشکل اس وقت آسانیوں میں تبدیل ہوئی جب وزیراعظم عمران خان نے سری لننکن حکومت کو مسلمانوں کے ساتھ حسن سلوک کے ساتھ پیش آنے اوران کےمسائل حل کرنے کی درخواست کی

سری لنکا نے پاکستان کے وزیراعظم عمران خان کی درخواست پر کورونا وائرس سے ہلاک ہونے والے اقلیتی مسلمانوں کی میتیں جلانے کا حکم واپس لے لیا ہے۔
فرانسیسی خبر رساں ایجنسی اے ایف پی کے مطابق وزیراعظم عمران خان نے دورہ سری لنکا کے دوران کولمبو پر زور دیا تھا کہ وہ اپنی مسلم اقلیت کی آخری رسومات کے حق کا احترام کریں

وزیراعظم عمران خان کی سری لنکن مسلمانوں‌کے لیے سفارتکاری پربی بی سی ، وائس اف جرمنی ، وائس آف امریکہ سمیت دنیا بھر کا میڈیا بہت بڑی کامیابی سے تعبیر کررہا ہے اوروزیراعظم عمران خان کوایک منفرد عالمی مسلم رہنما کے طور پر پیش کررہا ہے