Category: اہم خبریں

اسلام آباد:کیا پاکستان کا نام ایف اے ٹی ایف گرے لسٹ سے نکال دیا جائےگا ؟ اہم خبرآگئی،اطلاعات کے مطابق ماہرین ، تجزیہ نگار یہ کہہ رہے ہیں‌کہ کل سے شروع ہونے والا اجلاس بہت اہم ہے ،

ذرائع کے مطابق فنانشل ایکشن ٹاسک فورس (ایف اے ٹی ایف) کا 3 روزہ ورچوئل اجلاس کل سے شروع ہوگا، اجلاس میں منی لانڈرنگ اور ٹیرر فنانسنگ کے خلاف پاکستان کی جانب سے کیےگئے اقدامات کا جائزہ لیا جائےگا۔

رپورٹ کے مطابق پاکستان 6 نکات پر عمل درآمد کی رپورٹ ایف اے ٹی ایف کو بجھوا چکا ہے۔پاکستان کو اس سال ایف اے ٹی ایف کی گرے لسٹ سے نکالے جانے کی قوی امید ہے

21 نکات پر عمل درآمد کے سلسلے میں پاکستان کے اقدامات کی ایف اے ٹی ایف پہلے ہی تعریف کر چکا ہے، پاکستانی حکام کا کہنا ہے کہ اگر نکات پر عمل درآمد کو میرٹ بنا کر فیصلہ ہوا تو پاکستان کا نام گرے لسٹ سے نکال دیا جائےگا لیکن اگر مغربی ممالک اور امریکا نے پاکستان پر دباؤ مزید بڑھانا ہو تو پاکستان کو گرے لسٹ میں رکھا جائےگا، لیکن کسی صورت پاکستان کا نام بلیک لسٹ میں نہیں ڈالا جا سکتا۔

اس سلسلے میں ترکی، چین اور ملائشیا نے پاکستان کو یقین دہانی کروارکھی ہے، ان ممالک کے ووٹوں کے بغیر پاکستان کا نام بلیک لسٹ میں نہیں ڈالا جاسکتا، اجلاس کے فیصلوں کا اعلان 25 فروری کو کیا جائے گا۔خیال رہے کہ پاکستان کا نام جون 2018 سے ایف اے ٹی ایف کی گِرے لسٹ میں شامل ہے۔

ڈسکہ: ووٹ کوعزت دوکا نعرہ لگانےوالی قوم کے بڑوں کی پگڑیاں اچھال رہی ہے:شکست تسلیم کرنے کا بھی حوصلہ نہیں’:فردوس عاشق اعوان،اطلاعات کے مطابق وفاقی وزرا اور معاون خصوصی فردوس عاشق اعوان نے مسلم لیگ (م) پر سخت تنقید کرتے ہوئے کہا ہے کہ انہوں نے ہمیشہ دھونس، پیسے اور قتل وغارت کی سیاست کی۔ ووٹ کو عزت دو کا نعرہ لگانے والوں میں شکست تسلیم کرنے کا حوصلہ نہیں ہے۔

ڈسکہ کے حلقہ این اے 75 میں تحریک انصاف کے امیدوار علی اسجد ملہی کے ہمراہ پریس کانفرنس کرتے ہوئے وفاقی وزیر اطلاعات شبلی فراز کا کہنا تھا کہ ضمنی انتخابات کو سبوتاژ کرنے کیلئے (ن) نے اپنے سپیشلسٹ رانا ثناء اللہ اور میاں جاوید لطیف کو یہاں بھیجا تھا۔ مگر مریم نواز آج مگرمچھ کے آنسو بہا رہی تھیں۔

ان کا کہنا تھا کہ رانا ثناء اللہ کی سربراہی میں ساری جانیں گئیں، یہ سب کچھ الیکشن کو آلودہ اور عوام کو ڈرانے کیلئے کیا گیا۔ پچھلے ایک ماہ سے ان کی لیڈرشپ کہہ رہی تھی کہ اب الیکشن بندوق سے جیتیں گے۔

ان کا کہنا تھا کہ وزیراعظم عمران خان ملک سے پیسے اور دھونس کی سیاست کا خاتمہ چاہتے ہیں۔ سینیٹ کے انتخابات میں اپوزیشن کا منفاقانہ رویہ ہے۔ اپوزیشن والے سارے وہی لوگ جنہوں نے ووٹ خریدے اور بیچے ہیں۔

اس موقع پر گفتگو کرتے ہوئے وفاقی وزیر فواد چودھری کا کہنا تھا کہ ہمیں نوشہرہ میں شکست کا سامنا کرنا پڑا لیکن ہم ہم نے تودھاندلی کا گلا نہیں پھاڑا۔ یہی ایک جمہوری اور آمر کی گود میں پلنے والی جماعت میں فرق ہے۔

فواد نےچودھری کہا کہ مریم بی بی کی والدہ نے ایک حلقے میں 3 ارب خرچ کیا تھا۔ ہماری پنجاب حکومت اس ضمنی الیکشن میں بالکل غیر جانبدار رہی۔ اگر الیکشن میں دھاندلی ہوئی تو اس کا الزام تو ہمیں لگانا چاہیے۔ مریم نواز نے تو رات کو ایک بجے ہی جیت کا اعلان کر دیا تھا؟

معاون خصوصی ڈاکٹر فردوس عاشق اعوان کا کہنا تھا کہ شاہی خاندان کے ذاتی ملازموں نے الیکشن کو خون آلودہ کرنے کی سازش کی۔ مریم نواز نے قاتل کو ساتھ کھڑا کرکے شاباش دی۔ وہ چوری کرکے سینہ زوری کر رہی ہیں۔

پی ٹی آئی امیدوار علی اسجد ملہی نے اس موقع پر گفتگو کرتے ہوئے ن لیگی رہنما کو مخاطب کرتے ہوئے کہا کہ مریم بی بی! ہم 1947ء سے کبھی اپنے گاؤں سے نہیں ہارے۔ اللہ تعالیٰ کا کرم ہوا ہے کہ یہ نشست ہم جیت چکے ہیں۔

یاد رہے کہ چند دن قبل سابق وزیراعظم بذرگ سیاستدان سردار سکندرحیات نے افسوس کا ا‌ظہارکرتےہوئے کہا تھا کہ نوازشریف نے بھی اپنی اولاد کوکوئی تیمز اوراورادب نہیں سکھایا ، انہوں نے کہا تھا کہ ایک بے ادب لڑکی قوم کے بڑوں کی پگڑیاں اچھال رہی ہے اوران کی عزتیں پامال کررہی ہے ، آج ڈاکٹرفردوس عاشق اعوان نے بذرگ سیاستدان کی اسی دکھ بھری پکار کا حوالہ دیا ہے

لاہور: ڈسکہ فائرنگ کا مرکزی ملزم رانا ثناءاللہ مریم نوازکے شوہر:نوازشریف کے داماد کیپٹن(ر) صفدر کا فرنٹ مین نکلا ڈسکہ فائرنگ کا مرکزی ملزم رانا ثناءاللہ کیپٹن(ر) صفدر کا فرنٹ مین نکلا ۔

مریم نواز کے پیش خدمت!
ڈسکہ میں 2 بے گناہ افراد کے قتل اور خونی کھیل میں ملوث مرکزی ملزم حمزہ بٹ گرفتار کر لیا گیا ہے! ابتدائی تحقیقات کے مطابق ملزم کیپٹن صفدر اور رانا ثناءاللہ کا فرنٹ مین ہے، کیا مریم نواز اب بھی انکار کریں گی کہ ان غنڈوں کو ان کی جماعت کی سرپرستی حاصل نہیں؟ pic.twitter.com/vMBst3sEFm

— Usman Dar (@UdarOfficial) February 21, 2021

سماجی رابطوں کی ویب سائٹ ٹوئٹر پر شیئر کیے گئے پیغام میں عثمان ڈار نے نامزد ملزم محمد جاوید بٹ کی کیپٹن (ر) صفدر کے ساتھ تصویر شیئر کرتے ہوئے لکھا کہ ’’ مریم نواز کے پیش خدمت! ڈسکہ میں 2 بے گناہ افراد کے قتل اور خونی کھیل میں ملوث مرکزی ملزم حمزہ بٹ گرفتار کر لیا گیا ہے! ابتدائی تحقیقات کے مطابق ملزم کیپٹن (ر) صفدر اور رانا ثناءاللہ کا فرنٹ مین ہے،

عثمان ڈار کہتے ہیں کہ دنیا والو آپ نے تو دیکھ لیا مگرکیا مریم نواز اب بھی انکار کریں گی کہ ان غنڈوں کو ان کی جماعت کی سرپرستی حاصل نہیں؟‘‘ ۔

اپنی ایک اور ٹوئٹ میں عثمان ڈار نے لکھا کہ ’’ دوسرے مرکزی ملزم جاوید بٹ کی تصاویر کیپٹن (ر) صفدر کے ساتھ منظر عام پر آ چکی ہیں جس کی گرفتاری کیلئے پنجاب پولیس کی ٹیمیں مسلسل چھاپے مار رہی ہیں! بہت جلد بے گناہ شہیدوں کے دونوں مجرمان کو کیف کردار تک پہنچائیں گے‘‘ ۔

سری نگر: فیس بک انڈیا کشمیریوں سے فراڈ کرنے لگی:ہائی کورٹ نے مقدمہ درج کرنے کا حکم دے دیا ،اطلاعات کے مطابق فیس بک انڈیا کشمیریوں سے فراد کرکے بھاری نقصان پہنچانے لگی ، ادھر جموں وکشمیر ہائی کورٹ نے فیس بک انڈیا ہیڈ اور دیگر کے خلاف ایف آئی آر درج کرنے کے احکامات دیئے ہیں۔

ذرائع کے مطابق مقبوضہ کشمیر کے ایک شہری نے فیس بک انڈیا پر اشتہار کے ذریعہ آن لائن دھوکہ دہی کرنے کا الزام لگایا ہے۔ معاملے کی سماعت کے بعد ہائی کورٹ کے جسٹس ڈی ایس ٹھاکر نے پولیس کی سائبر سیل کو اس معاملے میں ایف آئی آر درج کرکے معاملے کی جانچ کرنے کے احکامات جاری کر دیئے ہیں۔

ادھر ذرائع کے مطابق وویک ساگر نے ہائی کورٹ میں شکایت کرتے ہوئے بتایا کہ فیس بک پر ایک تشہیر کے ذریعہ 20,700 روپئے کی آن لائن دھوکہ دہی ہوئی۔ متاثر شخص نے بتایا کہ وہ فیس بک، بجاج فائنانس اور کوائنڈریٹ ٹیلی وینچر اور دیگر نے انٹرنیٹ اور ایم ایس ایس سروس کا استعمال کرتے ہوئے اس سے 20,700 روپئے کی دھوکہ دہی کی گئی ہے۔ متاثرہ نے کہا اس کے ساتھ جس طرح کی دھوکہ دہی ہوئی ہے، اسے دیکھتے ہوئے آئی پی سی اور آئی ٹی ایکٹ، 2000 کا معاملہ بنتا ہے۔

متاثر شخص کی طرف سے ایڈوکیٹ دیپک شرما نے ہائی کورٹ کو بتایا کہ متاثرہ شخص اپنی شکایت درج کرانے کے لئے ایک پولیس کی سائبر سیل کے پاس بھی گیا تھا، لیکن پولیس نے اس کی شکایت پر کوئی کارروائی نہیں کی۔ اس کے بعد متاثرہ شخص نے مقامی عدالت کا دروازہ کھٹکھٹایا۔ اس کے ساتھ ہی متاثرہ شخص نے دھوکہ دہی میں شامل ملزمین کے خلاف 156(3) سی آر پی سی کے تحت ایف آئی آر درج کرنے کا مطالبہ کیا۔

متاثرہ شخص کی عرضی پر سماعت کرتے ہوئے مقامی عدالت نے ایف آئی آر درج کرنے کا آخری فیصلہ پولیس افسران پر چھوڑ دیا۔ اب متاثرہ شخص نے مقامی عدالت کے اس حکم کو ہائی کورٹ میں چیلنج دیا ہے۔ اس معاملے میں اب جموں وکشمیر ہائی کورٹ نے فیس بک انڈیا ہیڈ اور دیگر کے خلاف ایف آئی آر درج کرنے کے احکامات دیئے ہیں۔