اسلام آباد: حکومت کا 70 ہزارخالی آسامیاں اور117 ادارے ختم کرنےکا فیصلہ ،اطلاعات کے مطابق وفاقی حکومت نے 70 ہزار سرکاری خالی آسامیاں جب کہ 117 ادارے ختم اور ضم کرنے کا فیصلہ کرلیا ہے۔
وزارتوں اور ڈویژنوں میں گریڈ ایک تا سولہ کی 70 ہزار خالی آسامیاں ختم کرنے کی تیاری کرلی گئی ہے۔ اس کے علاوہ وفاقی حکومت کے 117 ادارے ختم اور ضم کرنے کا فیصلہ کیا گیا ہے جس کے بعد وفاقی حکومت کے اداروں کی تعداد 441 سے کم کرکے 324 کی جارہی ہے۔
ملازمین کے بنیادی پے اسکیلز،تنخواہوں و مراعات کے بارے میں بھی پے اینڈ پنشن کمیشن فروری 2021 میں رپورٹ پیش کرے گا۔ ایف بی آر،ایس ای سی پی،اسٹیٹ بینک ،پی آئی اے،سول ایوی ایشن اتھارٹی اور پاکستان ریلویز میں گورننس کی بہتری کیلئے متعلقہ وزارتوں سے مل کر اصلاحات لانے کیلئے کام کیا جارہا ہے۔
حکومت کی قائم کردہ ٹاسک فورس برائے کفایت شعاری و تنظیم نو نے پیش رفت کی رپورٹ تیار کرلی ہے۔ ٹاسک فورس برائے کفایت شعاری و تنظیم نو کی رپورٹ منگل کو وفاقی کابینہ کے اجلاس میں پیش ہوگی۔
چین نمبر ایک بن گیا امریکا پیچھے ، بھارتی آرمی چیف کی پینٹ گیلی، بھارت اور چین پھر لڑ پڑے ، مبشر لقمان کی تازہ ویڈیو
باغی ٹی وی رپورٹ : سینئر اینکر پرسن مبشر لقمان نے اپنی یو ٹیوب ویڈیو میں کہا ہے کہ ، اس وقت باہر اور اندر کی دو خبریں بہت اہم ہیں . سب سے پہلے تو یہ جان لینا چاہیے کہ جو لوگ سمجھتے ہیں کہ پی ڈی ایم نے اپنا اثر کھو دیا ہے وہ غلطی پر ہیں پی ڈی ایم نے اپنا وہ کام شروع کردیا ہے جو حکومت کے لیے بہت نقصان دہ ثابت ہو سکتا ہے .
پی ڈی ایم اب ان ہاؤس تبدیلی کے لیے متحرک ہے اس کے لیے ان کو ق لیگ حمایت بھی حاصل ہے اور ایک بہت ہی متحرک ٹیکنو کریٹ بھی بہت سرگرم ہیں . وہ چاہتے ہیں کہ باقی جماعتیں حمایت کریں ، پی پی پی اس کو نامی نیٹ کرے تو ٹیکنو کریٹ کی حکومت آجائے گی. ق لیگ اس سارے معاملے میں سب سے رابطے میں ہے اور وہ اپنے نامز امید وار کو سامنے لائے گی اس کے سلسلے میں کل تک واضح ہو جائے گا.
مبشر لقمان کا کہنا تھا کہ چین کے متعلق یہ گمان کیا جا رہا تھا کہ وہ 2028 میںکامیابی حاصل کرے گا لیکن ٹرمپ کی گیم الٹنے پر چین اب آگے آچکا ہے اور امریکا اس وقت دوسرے نمبر پر ہے . بھارت کو چین نے سکم کے محاذ پر بہت مار ماری ہے خبریں بہت گرم ہیں جن کے مطابق بھارت کو کئی فوجیوں کے نقصان کا سامنا ہے .
ان کا مزید کہنا تھا کہ ملیشیا کے سابق وزیر اعظم مہاتیر محمد کے بارے میں بہت بری خبریں آ رہی ہیں. کہ شاید ان کو کرونا ہوگیا ہے لیکن ان کے ترجمان نے اس کی تردی کی ہے اور کہا ہے کہ وہ خیر و عافیت سے ہیں اور صحت مند ہیں.
مبشر لقمان کا کہنا تھا کہ بھارتی انیکر رنب گوسوامی پر مزید ذلت امیز اطلاعات ہیں کہ بھارتی اینکر نے اپنے چینل کو ریٹنگ بڑھانے کے لیے ان کو دو دفعہ رشوت دی .
ان کا مزید کہنا تھا کہ چین کے شمالی علاقے میں 14 روز بعد سونے کی کان میں پھنسے مزدروں میں سے ایک کو زندہ نکال کر ہسپتال پہنچا دیا گیا۔
چینی صوبے شینگ ڈونگ کی سونے کی کان میں پھنسے مزدوروں میں سے ایک کو زندہ نکال لیا گیا ۔ مزدور کی حالت تشوش ناک ہے، اسے ہسپتال پہنچا دیا گیا۔دس جنوری کو کان میں دھماکے سے 22 کان کن پھنس گئے تھے، گیارہ سے رابطہ نہیں ہو رہا۔ دس زندہ مزدوروں کو نکالنے کے لیے ریسکیو آپریشن جاری ہے، امدادی کارکن انہیں ادویات اور خوراک کی سپلائی جاری رکھے ہوئے ہیں۔
حادثے کے کئی دن تک زندگی کے آثار نہ ملے لیکن اتوار کو پھنسے ہوئے کان کن ریسکیو اہلکاروں کی جانب سے اندر پھیکی گئی دھاتی تار پر ایک نوٹ لگا کر واپس بھیجنے میں کامیاب ہوگئے۔ریسکیو اہلکار وہاں فون لائن ڈالنے میں کامیاب ہو گئے جس سے پتہ چلا کہ 11 540 میٹر کی گہرائی میں ہیں جب کہ مزید سو میٹر اور کی گہرائی میں تنہا ہے
بھارتی آرمی چیف جنرل منوج مکنڈ نروانے نے خود کے ذہنی دباؤ کا شکار ہونے کا اعتراف کرلیا۔
ان کا مزید کہناتھا کہ بھارت کی تینوں افواج کے مشترکہ تھنک ٹینک یو ایس آئی کی حالیہ رپورٹ میں انکشاف کیا گیا ہےکہ بھارت کے 13 لاکھ فوجیوں میں سے آدھے فوجی سخت ترین ذہنی تناؤ کا شکار ہے۔
رپورٹ کے مطابق 2008 سے 2020 کے دوران بھارتی فوج کے 1900 سے زائد فوجی اپنی زندگی کا خاتمہ کرچکے ہیں۔اس رپورٹ پر تبصرہ کرتے ہوئے بھارتی آرمی چیف جنرل منوج مکنڈ نروانے نے خود کے ذہنی دباؤ کا شکار ہونے کا بھی اعتراف کیا ہے۔
میڈیا سے گفتگو کے دوران جنرل ایم ایم نروانے نے اعتراف کیا کہ میں بھی دباؤ کا شکار ہوں تاہم بعد میں بھارتی آرمی چیف نے خفت چھپانے کیلئے کہا کہ اسٹریس برا نہیں ہوتا، اسٹریس ہونے سے اچھا کام بھی ہوتا ہے۔انہوں نے مزید بتایا کہ ذہنی دباؤ سے نمٹنے کیلئے کئی اقدامات کیے ہیں.
اسی طرح سکم میں بھارتی افواج کو بہت مار پر رہی ہے . جس میں بھارتی میڈیا کے مطابق 20 چینی اور دو بھارتی فوجی زخمی ہوئے ہیں یہ واقعہ بیس جنوری کو ہوا ہے جسے اب بتایا جارہا ہے . یہ جھڑپ سکم کے نکو لا کے مقام پر آیا جو کہ بھارت کی چکن نیک کہلائے جانے والے علاقے کے بہت قریب ہے . لداخ کے قریب دونوں فوجوںنے تقریبا پچاس ہزار فوجی تعینات کر رکھے ہیں جہاں درجہ حرارت منفی پچاس تک بھی چلا جاتا ہے
عالمی اطلات کے مطابق امریکا کی فارن ڈائریکٹ انوسٹمنٹ میں چین نے امریکا کو پیچھے چھوڑ دیا ہے . اور غیر ملکی کمپنیوں کی جانب سے کی جانے والی انوسٹمنٹ گذشتہ سال آدھے سے بھی کم ہے . اس وجہ سے امریکا نمبر ون کی دوڑ سے ہاتھ دھونا پڑ گیا ہے . جبکہ چینی کمپنی کی انویسٹمنٹ میں چار فیصد اضافہ ہوا ہے .
مبشر لقمان کا کہنا تھا کہ چین نے تائیوان کا کی حدود کی خلاف ورزی کی اس طرح بارہ چینی جنگی جہازوں نے تائیوان کی فضاؤں میں گھس آئے . امریکا نے اس کو وارنگ بھی دی لیکن چین نے اس وارننگ کی کوئی پرواہ نہ کی . چین نے اپنی مشقین جاری رکھتے ہوئے تائیوان کی یہ خلاف ورزی اس لیے کی کہ جو بائیڈن کی حکومت کو چیک کرے کہ وہ تائیوان کی حمایت میں کس قدر جاتا ہے جبکہ چین ون چائنا کے تحت تائیوان کو اپنا حصہ سمجھتا ہے اور تائیوں خود آزاد ریاست سمجھتا ہے .
اسلام آباد:وزیراعظم عمران خان اور آرمی چیف کے درمیان خوشگوارماحول میں ملاقات، اہم معاملات پر گفتگو،اطلاعات کے مطابق آ ج کچھ دیر پہلے وزیراعظم عمران خان اور پاک فوج کے سربراہ جنرل قمر جاوید باجوہ کے درمیان ملاقات ہوئی ہے، جس میں اہم معاملات پر تبادلہ خیال کیا گیا۔
اس اہم ملاقات میں پاکستان کے خفیہ ادارے انٹر سروسز انٹیلی جنس (آئی ایس آئی) کے ڈائریکٹر جنرل، لیفٹیننٹ جنرل فیض حمید بھی شریک تھے۔ قومی قیادت کے درمیان ملاقات میں قومی سلامتی سے متعلق امور پر تبادلہ خیالات کیا گیا۔
خیال رہے کہ اس سے قبل گزشتہ سال 24 دسمبر کو آرمی چیف اور آئی ایس آئی کے سربراہ کی وزیراعظم سے اہم ملاقات ہوئی تھی جس میں سیکیورٹی صورتحال پر تبادلہ خیال کیا گیا تھا۔ عسکری اور سیاسی قیادت کے درمیان ملاقات میں قوم کے ساتھ مل کر مادر وطن کے بھرپور دفاع کے عزم کا اعادہ کیا گیا تھا۔
قومی قائدین کے درمیان ملاقات میں ملک کی موجودہ سیکیورٹی صورتحال سمیت علاقائی اور خطہ کی مجموعی سیکورٹی صورتحال پر تبادلہ خیال کیا گیا۔
ملاقات میں مقبوضہ کشمیر میں بھارت کے انسانیت سوز مظالم پر تشویش کا اظہار کیا گیا۔ بھارت کی جانب سے لائن آف کنٹرول پر جارجیت پر بھی بات چیت کی گئی تھی۔
پشاور:چورکودیکھتے ہی گولی مارنے کا اعلان :نمازجنازہ پرپابندی عائد کردی گئی،اطلاعات کےمطابق خیبرپختونخوا کےایک جرگےنے چورکےلیے سخت ترین سزا کا اعلان کردیا ہے،جرگے نےفیصلہ کیا ہےکہ چورکو دیکھتے ہی گولی ماردی جائے،جبکہ چور کی نماز جنازہ پر بھی پابندی عائد کردی گئی ہے ۔
پشاورسےذرائع کےمطابق خیبرپختونخوا کےضلع خیبر میں قبائلی جرگےنے چوروں کی نمازجنازہ پر پابندی عائد کردی ہے۔جرگےمیں فیصلہ کیا گیا ہےکہ قتل ہونے والےچوروں کاانتقام بھی نہیں لیاجائےگا۔
ذراضلع خیبرکےقبائلی جرگےمیں متفقہ فیصلہ کیا گیا ہےکہ چورکودیکھتے ہی گولی ماری جائے گی جبکہ اس کےخاندان والےاس قتل کابدلہ نہیں لیں گے۔چورکی نمازہ جنازہ پر مکمل پابندی ہوگی اور کوئی بھی چور کی نمازہ جنازہ میں شرکت نہیں کرے گا۔
تحصیل باڑہ سےذرائع کےمطابق ضلع خیبر کی تحصیل باڑہ میں گزشتہ کچھ عرصے سے چوروں نےلوگوں کا جیناحرام کردیا ہے۔اس سسلے میں مقامی عمائدین نے متعدد مرتبہ پولیس اورضلعی انتظامیہ کی توجہ بھی دلائی مگروارداتیں کم ہونےکےبجائے تیزی سےبڑھ رہی ہیں۔
گزشتہ رات کی چوری ڈکیتی سےتنگ آکرمقامی قبیلہ سپاہ نےاتوارکواسپین قبرکےمقام پر گرینڈ جرگہ منعقد کیا جس میں قبیلہ سپاہ کےتینوں ذیلی شاخوں کےمشران نےشرکت کی۔اس موقع پرجرگےنےقبیلےکےچیدہ افراد پرمشتمل ایک کمیٹی بھی تشکیل دی ہےجوان فیصلوں پرعملدرآمد یقینی بنائےگی اوراس سلسلے میں پولیس، ضلعی انتظامیہ سمیت دیگراسٹیک ہولڈرزکےساتھ بات چیت کرے گی۔
اسلام آباد :استعفے کب دینے ہیں، ڈکٹیشن نہیں چاہئیے،مریم اپناگھرچلائیں پارٹی چلانا ان کے بس کی بات نہیں :آصف علی زرداری نے مجبورہوکرجھاڑ پلا دی ، اطلاعات کے مطابق حکومت مخالف اتحاد پاکستان ڈیموکریٹک موومنٹ میں اختلافات شدت اختیار کر گئے ہیں۔
تفصیلات کے مطابق پی ڈی ایم میں آپسی اختلافات شدت اختیار کر گئے ہیں۔ خبر رساں ادارے کے مطابق موجودہ حکومت کے خلاف متحدہ اتحاد پی ڈی ایم میں تحریک چلانے کے طریقے کار پر اختلافات کی وجہ سے بھرپور تحریک شروع ہوتے نظر نہیں آرہی۔
اختلافات اس وقت شروع ہوئے جب سابق صدرآصف علی زرداری کی جانب سے ارکان اسمبلی کے استعفوں کا بیان آیا کہ ہم بہتر جانتے ہیں استعفے کب دینے ہیں، ڈکٹیشن نہیں چاہئیے۔ پاکستان پیپلز پارٹی نے استعفے اسمبلی میں جمع کروانے سے انکار کردیا اور بعد میں ضمنی اور سینٹ الیکشن لڑنے کا مؤقف اپنا لیا۔
یہ بھی بتایا جارہا ہےکہ آصف علی زرداری نے مریم نواز کے متعلق گفتگو کرتے ہوئے کہا کہ وہ اپنا گھرچلائیں ان کے بس کی بات نہیں کہ وہ پارٹی چلائیں
مسلم لیگ ن کو یہ مؤقف ماننا پڑا مگر اب چیئرمین پاکستان پیپلز پارٹی بلاول بھٹو زرداری کی جانب سے فوری لانگ مارچ اور دھرنے کی بجائے اسمبلی میں وزیر اعظم کے خلاف تحریک عدم اعتماد لانے کی پیشکش کردی گئی جو جمہوری اورقانونی طریقہ کار ہے۔
رپورٹ کے مطابق مسلم لیگ ن نے یہ تجویز مسترد کر دی ہے اور لانگ مارچ، دھرنا دینے کو بہتر حل قرار دیا ہے ۔ پاکستان پیپلز پارٹی غیر جمہوری طریقے سے حکومت گرانے کے حق میں نہیں، ن لیگ اگرحکومت کے خلاف لانگ مارچ کی کال دیتی ہے تو اس کے اپنے ارکان اسمبلی کے بھی اس پر اختلافات ہیں۔ البتہ جمیت علمائے اسلام کے امیر مولانا فضل الرحمن ن لیگ کا ساتھ دے سکتے ہیں لیکن پیپلز پارٹی اس کا حصہ نہیں بنے گی جس سے پی ڈیم ایم اتحاد خطرے میں پڑتا جارہا ہے ۔
پنجاب میں پی ٹی آئی "پھنس "گئی،اراکین اسمبلی کے بزدار پر کرپشن کے الزامات
باغی ٹی وی کی رپورٹ کے مطابق پی ٹی آئی کے ناراض رکن خواجہ داوَد سلمانی نے سینیٹ الیکشن میں اپنا امیدوار لانے کاعندیہ دے دیا
خواجہ داود سلیمانی کا کہنا ہے کہ ہمارے مطالبات ذاتی نہیں ہیں حلقے کے بارے میں ہیں،وزیراعلیٰ کے بھائی اپنے حلقے کے اندرحد سے زیادہ کرپشن کررہے ہیں،جس طرح ترقیاتی کام وزیراعلیٰ کے حلقے میں ہو رہے ہمارے حلقے میں بھی ہونے چاہیے ،وزیراعلیٰ نے ترقیاتی کاموں کے لیے صرف اپنے حلقے کو فوکس کیا ہوا ہے،کام صرف وزیراعلیٰ کے اپنے حلقے میں ہوتے ہیں اورکسی حلقے میں نہیں،
خواجہ داؤد سلیمانی کا مزید کہنا تھا کہ ہم نے اپنا اجلاس بلا لیا ہےجس میں ہم متفقہ فیصلہ کریں گے ،اگراستعفے دینے ہیں تومتفقہ دیں گے ، سینیٹ الیکشن میں امیداور دینا ہے تو پھر اپنا نام دیں گے، فیصلہ نہ ہوا توپھرسینیٹ الیکشن میں کسی کوووٹ نہیں دیں گے،اپنی جماعت سے دھوکہ نہیں کریں گے ،کسی اورجماعت سے بھی اتحاد نہیں کریں گے،
ناراض اراکین نے سینیٹ الیکشن میں حصہ نہ لینے اور پنجاب اسمبلی سے مستعفی ہونے کی دھمکی دے دی،اراکین کا کہنا ہے کہ مطالبات پورے نہیں کیے جا رہے، سینیٹ الیکشن میں حصہ نہیں لیں گے،وزیراعلیٰ پنجاب نے ابھی تک وعدوں پر عمل نہیں کیا،
خواجہ داؤد سلیمانی کا کہنا ہے کہ وزیراعلی ٰ اپنوں کے مسائل کی طرف توجہ نہیں دے رہے،سینیٹ الیکشن میں کسی کو ووٹ نہیں دیں گے،مطالبات نہ مانے گئے تو گروپ پنجاب اسمبلی نشست سے مستعفی ہوجائے گا،جلد اپنی میٹنگ بلا کر اگلا لائحہ عمل طے کریں گے،
خواجہ داوَد سلمانی پی پی 285 سے رکن پنجاب اسمبلی ہیں،ناراض اراکین میں شہاب الدین، ملک غضنفر چھینہ اورتیمور لالی شامل ہیں ،مامون تارڑ، فیصل فاروق چیمہ، اعجاز خان اورگلریز افضل چن بھی ناراض اراکین میں شامل ہیں ،غضنفر عباس، خواجہ داؤد بندیشہ، محی الدین کھوسہ اور عامر عنایت شہانی سمیت دیگر ارکان شامل ہیں
جکارتہ: ایران کا بحری جہاز تحویل میں لیکر عملے کو گرفتار کرلیا گیا،اطلاعات کے مطابق انڈونیشیا نے غیر قانونی طور پر تیل کی منتقلی کے الزام پر ایران کے بحری جہاز کو تحویل میں لے کر عملے کے 61 ارکان کو حراست میں لے لیا جب کہ تفتیش کے لیے جہاز کو جزیرے پر منتقل کردیا۔
ذرائع کے مطابق ملائیشیا کے کوسٹ گارڈ نے اپنی بحری حدود سے گزرنے والے ایران کے بحری جہاز کو پکڑلیا ہے جس کے ذریعے مبینہ طور پر خام تیل منتقل کیا جا رہا تھا۔ بحری جہاز پر ایرانی اور پاناما کی کمپنی کے پرچم لہرا رہے تھے۔
ملائیشیا کے کوسٹ گارڈ کے ترجمان وزنو پرماندیٹا نے بتایا کہ خام تیل کی غیر قانونی منتقلی کے شبے پر عملے کو قومی جھنڈے دکھانے کو کہا گیا تاہم انہوں نے نہ صرف قومی جھنڈے نہیں دکھائے بلکہ خود کار شناختی نظام کو بھی بند کردیا اور اس کے بعد ریڈیو کال بھی موصول نہیں کی لہذا ہمارے پاس جہاز کو تحویل میں لینے کے سوا کوئی راستہ نہیں بچا تھا۔
ترجمان ملائیشیا کوسٹ گارڈ نے مزید بتایا کہ صوبہ کلیمانتان کے سمندر میں پکڑے گئے آئل ٹینکرز سے لدے بحری جہاز کو مزید تفتیش کے لئے صوبہ رائو باتم جزیرے میں لے جایا گیا ہے۔ عملے کے 61 ارکان کو حراست میں لے لیا گیا ہے۔
دوسری جانب ایران کے وزارت خارجہ نے نے اپنے بحری جہاز کو ضبط کرنے سے متعلق انڈونیشیا سے تفصیلات طلب کی ہیں اور اس حوالے سے دونوں ممالک کے درمیان اعلیٰ سطح پر رابطے ہوئے ہیں
فارن فنڈنگ کیس، اپوزیشن کی بڑی خواہش پوری،الیکشن کمیشن نے کس کو کیا طلب؟
باغی ٹی وی کی رپورٹ کے مطابق الیکشن کمیشن کی اسکروٹنی کمیٹی میں پی ٹی آئی کی غیرملکی پارٹی فنڈنگ کی تحقیقات ،الیکشن کمیشن نے اسکرونٹی کمیٹی ک اجلاس26جنوری کوطلب کرلیا،
اسکروٹنی کمیٹی نے درخواست گزار اکبرایس بابراورتحریک انصاف کونوٹس جاری کردیا ،الیکشن کمیشن نے دونوں فریقین کواسکروٹنی کمیٹی کے سامنے 11بجےپیش ہونے کا حکم دے دیا
فارن فنڈنگ کیس کی کھلی سماعت سے متعلق الیکشن کمیشن نے ایک بار پھر وضاحت جاری کردی ، فارن فنڈنگ کیس کی کھلی سماعت پر موقف پہلے ہی اعلامیے کے ذریعے دیا جاچکا ہے۔
الیکشن کمیشن کی جانب سے جاری اعلامیہ میں کہا گیا ہے کہ فارن فنڈنگ کیس کی کھلی سماعت پر الجھاﺅ محسوس کیا جارہاہے ،سکروٹنی کمیٹی اجلاس فریقین کی موجودگی میں ہوتا ہے ،سکروٹنی کمیٹی کی کھلی سماعت نہیں ہوگی ،ترجمان نے کہا کہ سکروٹنی کمیٹی کی کارروائی اوپن نہیں ہوگی اور یہ کارروائی فریقین کی موجودگی میں جاری ہے۔
واضح رہےکہ اپوزیشن جماعتوں نے الیکشن کمیشن سے تحریک انصاف کے خلاف چلنے والے فارن فنڈنگ کیس کے جلد فیصلے کا مطالبہ کیا ہے اور اس سلسلے میں گزشتہ دنوں اپوزیشن کی جانب سے الیکشن کمیشن کے دفتر کے ہیڈ آفس کے باہر احتجاجی مظاہرہ بھی کیا گیا ,
گزشتہ دنوں بھی ترجمان الیکشن کمیشن کی جانب سے جاری بیان میں کہا گیا تھا اسکروٹنی کمیٹی پر جانبداری کا الزام حقیقت کے برعکس ہے ،اسکروٹنی کمیٹی اپنے ٹی او آرز کے مطابق کام کررہی ہے،اسکروٹنی کمیٹی اجلاس میں فریقین وکلاکے ساتھ پیش ہوئے،اجلاس میں پی ٹی آئی کی جانب سے جمع کرائے گئے جوابات پر بحث ہوئی
الیکشن کمیشن کی جانب سے جاری اعلامیہ میں مزید کہا گیا ہے کہ وکیل نے بار بارا سکروٹنی کے کام میں مداخلت اور دباؤ میں لانے کی کوشش کی اکبر ایس بابر کی بار بار مداخلت کے باعث ا سکروٹنی کمیٹی کو اجلاس ختم کرنا پڑا،اسکروٹنی کمیٹی میرٹ پر اپنی سفارشات تیار کر کے الیکشن کمیشن کو پیش کرے گی
واضح رہے کہ وزیر اعظم عمران خان نے فارن فنڈنگ کیس کی کھلی سماعت کرنے کا چیلنج دیا تھا جسے مسلم لیگ ن نے وزیر اعظم کے اس چیلنج کو قبول کرلیا تھا وزیراعظم عمران خان نے کہا تھا کہ فارن فنڈنگ کیس کی کھلی سماعت اور براہ راست ٹی وی پر نشر کرنے پر بھی تیار ہیں، بے شک فارن فنڈنگ کیس ٹی وی پر براہ راست دکھا دیا جائے بلکہ پارٹی سربراہوں کو بٹھا کر کیس سنا جائے۔
لاہور:عمران خان کیوں روتا ہے،آخرکوئی بات تو ہے:جنرل ریٹائرڈ سید امجد نے وجہ بتادی ،اطلاعات کے مطابق سابق چیئرمین نیب لیفٹیننٹ جنرل ریٹائرڈ سید امجد نے برطانوی عدالت میں بتایا کہ براڈشیٹ نے پاکستان سے لوٹا گیا پیسہ واپس لانے کے لیے کچھ نہیں کیا،
سابق ڈی جی نیب سے گفتگو کے دوران یہ بھی انکشاف ہوا کہ سابق پراسیکیوٹر جنرل نیب فاروق آدم خان اس کھیل کا ایک بڑا کردار تھا اوریہ کہ ان کا بیٹا براڈشیٹ کے پارٹنر کے لیے کام کر رہاتھا۔
رات سنیئر صحافی مبشرلقمان سے بات کرتے ہوئے طلعت گھمن جو کہ نیب کے سابق ڈی جی رہ چکے ہیں کا کہنا تھا کہ فاروق آدم نے پاکستانی اداروں کوگمراہ کیا اورایسے جال میں پھنسایا کہ وہ سمجھ نہ سکے
ان کا یہ بھی کہنا تھا کہ فاروق آدم کس کا مہرہ تھا یہ بھی بہت جلد سامنے آجائے گا
لیفٹیننٹ جنرل ریٹائرڈ سید امجد کا کہنا تھا کہ براڈشیٹ کے ساتھ معاہدہ متعلقہ وزارتوں سے منظوری کے بغیر کیا گیا، براڈشیٹ نیب کی دی گئی معلومات کو ہی ہدف کے خلاف استعمال کرتا رہا۔
سابق چیئرمین نیب لیفٹیننٹ جنرل ریٹائرڈ سید امجد کہتے ہیں کہ براڈشیٹ نیب کو کوئی مفید معلومات دے سکا نہ پیسہ واپسی میں مدد کر سکا۔ان کا مزید کہنا تھا کہ کیوے موسوی نے بھی اس سارے معاملے کو پچیدہ بنانے کی کوشش کی
لیفٹیننٹ جنرل ریٹائرڈ سید امجد کہتے ہیں کہ انہون نے اپریل 2000 میں امریکی ریاست کولوراڈو میں براڈشیٹ کے دفتر کا دورہ کیا تھا۔جہاں جھوٹوں پرمبنی کہانی کوسچ بنانے کے لیے بڑی ڈرامے بازی کی گئی
سابق چیئرمین نیب جنرل ریٹائرڈ سید امجد کہتے ہیں کہ انہوں نے براڈشیٹ کے دفتر کے دورے کے بعد ان سے معاہدہ کیا تھا، دورے کے دوران پاکستانی وفد کو جعلی معلومات کی بنیاد پر پر یزینٹیشن دی گئی تھیں
یاد رہے کہ عمران خان شروع دن سے کہہ رہے ہیںکہ یہ چند بڑے خاندان ملک سے پیسہ لوٹ لوٹ کرباہرلے جاتے ہیں اس پیسے کو یا تو چھپاتے ہیں یا پھراس کو حلال کی کمائی ثابت کرنےکے لیے جھوٹوں کا سہارا لیتے ہیں اوریوں کئی دہائیوں سے پیسہ لوٹ کر باہر کے ممالک میں پہنچا دیا ہے
مریم نواز والد کا پیغام لیکر اچانک کہاں پہنچ گئیں؟ کیا ہے پیغام؟
باغی ٹی وی کی رپورٹ کے مطابق مسلم لیگ ن کی نائب صدر مریم نواز وفاقی دارالحکومت اسلام آباد میں پارلیمنٹ ہاؤس پہنچ گئی ہیں
مریم نواز کا کہنا تھا کہ لیز کی ادائیگی نہ ہونے کی وجہ سے ملائیشیا میں جہاز روک لیا گیا،آپ کہتے تھے گرین پاسپورٹ کی عزت کرائیں گے،آج گرین پاسپورٹ کو کوئی ماننے کےلیے بھی تیار نہیں،حکومت فیل ہوچکی ہے مزید نہیں چل سکتی،عوام میں آگاہی اپوزیشن نہیں،حکومت کی کارکردگی سے اجاگرہورہی ہے،مہنگائی کا طوفان حکومتی کارکردگی کا گواہ ہے،جو ناکامی 73 سال میں نہیں ہوئی وہ ڈھائی سال میں ہوگئی،حکومت نااہلی میں اتنی آگے ہے کہ کچھ بھی گروی رکھ سکتی ہے،دوسروں پرتنقید کرنے والوں نے قرضوں کے انبار لگا دیئے،لانگ مارچ ہوگا جس میں اب زیادہ دیر نہیں،
مسلم لیگ ن سمیت کسی بھی سیاسی جماعت سے جتنے بھی رابطے کریں کچھ حاصل نہیں ہوگا،مریم نواز pic.twitter.com/sGnDMoDooO
مریم نواز کا مزید کہنا تھا کہ ن لیگ سمیت کسی بھی سیاسی جماعت سے جتنے بھی رابطے کریں کچھ حاصل نہیں ہوگا،اس وقت انہیں اپنی پڑی ہوئی ہے ،مسلم لیگ محفوظ ہے، پاکستان مسلم لیگ ن کے ٹکٹ سے الیکشن لڑنا چاہتا ہے اپوزیشن پر تنقید کے بجائے اپنے ارکان پر توجہ دینی چاہیے،بلاول بھٹوکی تحریک عدم اعتماد کی تجویز پی ڈی ایم اجلاس میں رکھیں گے،نواز شریف صاحب کا پیغام لے کر آئی ہوں۔ حکومت مذاکرات کے لیے رابطے کر رہی ہے لیکن این آر او نہیں دیں گے ،شہباز شریف نے پروڈکشن آرڈر کے حوالے سے سختی سے منع کیا ہے ، اپنے پروڈکشن آرڈر اپنے پاس ہی رکھیں،
ن لیگی رہنما پرویز رشید کا کہنا تھا کہ اسپیکر ایوان چلانے میں ناکام ہو چکے ہیں اسپیکر وزیر اعظم کو سمجھائیں کہ وہ الزامات لگانا چھوڑ دیں ،براڈ شیٹ کے معاملے میں نیب اور حکمران سب ناکام ہوئے
دوسری جانب مسلم لیگ ن کی پنجاب اسمبلی کی کور کمیٹی کا اجلاس ختم ہو گیا ہے،اجلاس میں حکومت کو ٹف ٹائم دینے کیلئے حکمت عملی طے کر لی گئی،مسلم لیگ ن نے پنجاب اسمبلی کے اجلاس میں احتجاج کا فیصلہ کر لیا،ن لیگ کھوکھر برادران کےگھر گرانے کے خلاف ایوان میں احتجاج کرے گی،اجلاس میں حکومتی قانون سازی اور اپوزیشن کی سفارشات پر غور کیا گیا ،اسمبلی بزنس اور حکومتی آرڈیننس کے متعلق بھی مشاورت کی گئی ،اجلاس میں اسمبلی بزنس اور حکومتی آرڈیننس کے متعلق بھی مشاورت کی گئی ،ایوان میں حکومت کے قائمہ کمیٹیوں کے بغیر لائے جانے والے بلز کی مخالفت کا فیصلہ کیا گیا ہے
