Baaghi TV

Category: اہم خبریں

  • دہشتگردوں کے حملےمیں بہادر جوانوں کی شہادت پربہت دکھی ہوں:وزیراعظم عمران خان

    دہشتگردوں کے حملےمیں بہادر جوانوں کی شہادت پربہت دکھی ہوں:وزیراعظم عمران خان

    اسام آباد: دہشتگردوں کے حملےمیں بہادر جوانوں کی شہادت پربہت دکھی ہوں:اطلاعات کے مطابق وزیراعظم عمران خان نے ہرنائی میں ایف سی چیک پوسٹ پر دہشت گردوں کے حملے کی مذمت کرتے ہوئے کہا ہے کہ میں دہشتگر حملے میں 7 بہادر جوانوں کی شہادت پر دکھی ہوں۔

     

    سماجی رابطوں کی ویب سائٹ ٹویٹر پر جاری اپنے بیان میں وزیراعظم نے لکھا کہ ہرنائی بلوچستان میں ایف سی چوکی پر دہشت گردوں کے حملے کے نتیجے میں 7 بہادر فوجیوں کی شہادت سے افسوس ہوا۔

    وزیراعظم نے لکھا کہ میں شہدا کے لیے دعا اور اہل خانہ سے دلی تعزیت کرتا ہوں۔ ہماری قوم ہمارے بہادر فوجیوں کے ساتھ کھڑی ہے۔ بہادر فوجی جوانوں کو بھارتی حمایت یافتہ دہشت گردوں کے حملوں کا سامنا کرنا پڑتا ہے۔

  • افغان امن عمل نازک مرحلے میں :فریقین کویہ کام نہیں کرنا چاہیے :ترجمان دفترخارجہ

    افغان امن عمل نازک مرحلے میں :فریقین کویہ کام نہیں کرنا چاہیے :ترجمان دفترخارجہ

    اسلام آباد:افغان امن عمل نازک مرحلے میں :فریقین کویہ کام نہیں کرنا چاہیے :اطلاعات کے مطابق ترجمان دفتر خارجہ زاہد حفیظ چودھری نے کہا ہے کہ افغان امن عمل 5 جنوری سے نازک مرحلے میں داخل ہو رہا ہے۔ مذاکرات میں شامل فریقین کیلئے اہم ہے کہ وہ الزامات ترک کرکے دیرپا امن واستحکام کے مقصد کیلئے دانائی اختیار کریں۔

    ترجمان دفتر خارجہ کی جانب سے جاری بیان میں کہا گیا ہے کہ افغانستان میں دیرپا امن واستحکام کے لئے اپنے عزم کا اعادہ کرتے ہیں۔ افغان امن عمل تنازع کے سیاسی حل کی طرف پیشرفت جاری ہے۔ پاکستان کی کوششوں کو افغان معاشرہ اور بین الاقوامی برادری نے سراہا اور تسلیم کیا ہے۔

    بیان میں کہا گیا ہے کہ بعض افغان سرکاری اور غیرسرکاری حلقوں کی طرف سے منفی بیانات پر ہمیں تشویش ہے۔ دو طرفہ سیکیورٹی اور انٹیلی جنس امور متعلقہ دو طرفہ فورموں پر حل ہونے چاہیں۔ مناسب ادارہ جاتی فورم ورکنگ گروپس کے ذریعہ موجود ہیں۔

    زاہد حفیظ چودھری نے کہا ہے کہ وزیراعظم کے دورہ کابل میں بھی سیکیورٹی اور امن عمل کے حوالے سے رابطوں کو مضبوط بنانے پر اتفاق ہوا تھا۔ کھلے عام الزامات کا سلسلہ افغان امن عمل اور دو طرفہ تعاون میں اضافے کی کوششوں کو نقصان پہنچائے گا۔

    ان کا کہنا تھا کہ پاکستان نے افغان امن عمل کیلئے سنجیدہ کوششیں کی ہیں۔ افغان امن عمل میں اہم بریک تھروز میں پاکستان کی سنجیدہ کوششوں کا ہاتھ رہا۔ افغان امن عمل 5 جنوری سے نازک مرحلے میں داخل ہو رہا ہے۔ فریقین الزامات ترک کرکے دیرپا امن واستحکام کے مقصد کیلئے دانائی اختیار کریں۔

    ترجمان نے کہا کہ سال رواں میں افغانستان میں تشدد میں اضافے پر پاکستان سخت تشویش کا اظہار کرتا رہا ہے۔ وزیراعظم پاکستان نے کئی مواقع پر تشدد میں کمی اور جنگ بندی پر زور دیا۔ افغان حکومت اندرونی سلامتی، امن کے قیام کی اپنی ذمہ داری پوری کرے۔

    انہوں نے کہا کہ پاکستان سیکیورٹی اور موثر بارڈر مینجمنٹ میں ادارہ جاتی تعاون کے ذریعہ مدد کیلئے تیار ہے۔ دونوں ممالک کے درمیان حالیہ دنوں میں ٹرانزٹ ٹریڈ سمیت اہم دو طرفہ معاملات میں پیشرفت ہوئی ہے۔ ترجیحی تجارتی معاہدے پر بات چیت آگے بڑھی ہے۔ دونوں ممالک کو اندرونی اور علاقائی گمراہ کن عناصر سے محتاط رہنا ہوگا۔

  • دہشتگردوں کا سیکیورٹی فورسز کی چیک پوسٹ پر حملہ 7 جوان شہید

    دہشتگردوں کا سیکیورٹی فورسز کی چیک پوسٹ پر حملہ 7 جوان شہید

    دہشتگردوں کا سیکیورٹی فورسز کی چیک پوسٹ پر حملہ 7 جوان شہید

    باغی ٹی وی رپورٹ دہشتگردوں نے بلوچستان میں سیکیورٹی فورسز کی چیک پوسٹ پر حملہ کرکے وطن کی حفاظت پر مامور 7 جوانوں کو شہید کر دیا ہے۔ شہدا نے جوانمری سے دہشتگردوں کا مقابلہ کیا اور فائرنگ کے تبادلے میں شہید ہوگئے.

    پاک فوج کے شعبہ تعلقات عامہ (آئی ایس پی آر) کے مطابق دہشتگردی کا یہ واقعہ بلوچستان کے علاقے ہرنائی میں پیش آیا۔ واقعے کے بعد سیکیورٹی فورسز نے علاقے کو مکمل طور پر سیل کر دیا ہے۔

    آئی ایس پی آر کے مطابق ایف سی اہلکار دہشتگردوں کا حملہ روکتے ہوئے فائرنگ کے شہید میں ہوئے۔ سیکیورٹی فورسز نے شدت پسندوں کی گرفتاری کے لئے تمام راستوں کو بند کر دیا ہے۔ بڑے پیمانے پر سرچ اینڈ کلئیرنس آپریشن جاری ہے۔دہشتگردوں کی بزدلانہ کارروائیاں امن کوسبوتاژنہیں کرسکتیں،آپریشن میں بڑی تعدادمیں اسلحہ،گولیاں تحویل میں لےلیں،

    پاک فوج کی جانب سے جاری بیان میں کہا گیا ہے کہ ملک دشمن طاقتوں کی پشت پناہی پر دشمن طاقتیں بزدلانہ کاروائیاں کر رہی ہیں۔ اپریشن کے دوران بڑی تعداد میں اسلحہ اور گولیاں قبضے میں لے لی گئی ہیں

  • بتا دو دنیا والوں کو! کرونا آخری وبانہیں:انتظارکریں :تیاررہیں

    بتا دو دنیا والوں کو! کرونا آخری وبانہیں:انتظارکریں :تیاررہیں

    نیویارک :بتا دو دنیا والوں کو! کرونا آخری وبانہیں:انتظارکریں :تیاررہیں ،اطلاعات کے مطابق عالمی ادارہ صحت نے کہا ہے کہ دنیا کو کورونا کی طرح دوسری وبائی امراض کیلئے بھی تیار رہنا چاہئیے۔

    ذرائع کے مطابق ورلڈ ہیلتھ آرگنائزیشن (ڈبلیو ایچ او) کے ڈائریکٹر جنرل ٹیڈروس ایڈنوم گیبریس نے کہا ہے کہ مستقبل میں مزید وبائی امراض دستک دے سکتی ہیں لہذا دنیا کو اس کے لئے تیار رہنا چاہئے۔

    ٹیڈروس ایڈنوم گیبریس نے کہا کہ دنیا نے پچھلے 12 مہینوں میں بہت زیادہ نشیب و فراز دیکھا ہے۔ انہوں نے کہا کہ گذشتہ موسم بہار میں کورونا وائرس کی وبا شروع ہونے سے قبل ایسے متعدد جائزے اور اطلاعات سامنے آئیں جن میں کہا گیا تھا کہ دنیا ایسے بحرانوں کے لئے تیار نہیں ہے۔

    ڈبلیو ایچ او کے ڈائریکٹر جنرل نے کہا تمام ممالک کو اپنی صلاحیتوں سے بھرپور طریقے سے استفادہ کرنا چاہئے اس لئے کہ تاریخ نے ہمیں بتایا ہے کہ یہ آخری وبائی بیماری نہیں ہے۔ اور یہ زندگی کی حقیقت ہے۔

    واضح رہے کہ دنیا بھر میں 8 کروڑ سے زیادہ افراد کورونا سے متاثر ہوئے ہیں اور اس جان لیوا وبا سے 17 لاکھ 50 ہزار سے زیادہ مریضوں نے جانیں گنوائی ہیں ۔

  • گڑھی خدا بخش میں‌ جلسے کی تیاریاں مکمل ، جلسہ گاہ اور سٹیج کی تفصیلات جاری

    گڑھی خدا بخش میں‌ جلسے کی تیاریاں مکمل ، جلسہ گاہ اور سٹیج کی تفصیلات جاری

    گڑھی خدا بخش میں‌ جلسے کی تیاریاں مکمل ، جلسہ گاہ اور سٹیج کی تفصیلات جاری

    باغی ٹی وی روپورٹ کے مطابق :شہید بے نظیر بھٹو کی برسی کے موقع پر گڑھی خدا بخش میں جلسے کے انتظامات مکمل کر لیے گئے. گڑھی خدا بخش میں مزار کے احاطے میں اسٹیج بنا دیا گیا.اسٹیج کے سامنے میدان پر فرشی نشست کا اہتمام کیا گیا، کالین اور دریاں بچھا دی گئیں.شہید بے نظیر بھٹو کی برسی پر کارکنان بیٹھ کر قائدین کا خطاب سنیں گے.جلسہ گاہ میں مختلف کیمپس لگا کر جلسہ گاہ کو چھوٹا رکھا گیا ہے.

    جلسہ گاہ میں کارکنوں کی بڑی تعدادپہنچ گئی، بلاول بھٹو،مریم نواز سمیت دیگر اہم قائدین خطاب کریں گے۔ طبعیت ناساز ہونے پر سابق صدر آصف علی زرداری کی عدم شرکت پر ان کا بھی جلسہ سے ویڈیو لنک خطاب متوقع ہے۔

    تفصیلات کے مطابق سابق وزیراعظم شہید محترمہ بینظیر بھٹو کی آج 13ویں برسی منائی جارہی ہے جس کے لئے گڑھی خدا بخش بھٹو میں تمام انتظامات مکمل کر لئے گئے ہیں پہلی بار پیپلز پارٹی کے قائدین کے ساتھ پی ڈی ایم کے رہنما مریم نواز ۔عبد الغفور حیدری سمیت دیگر جماعتوں کے قائدین گڑھی خدا بخش کے سٹیج سے عوام سے خطاب کریں گے۔

    شہدا کے مزار اور جلسہ گاہ کو بینرزاور پارٹی پرچموں سے سجایا گیا ہے۔ جلسہ گاہ میں کارکنان کے بیٹھنے کے لیےکیمپس لگاکر قالین بچھائے گئے ہیں ۔ مزار کےداخلی دروازوں پر واک تھرو گیٹس لگائے گئے ہیں۔


    برسی کے موقع پر سیکیورٹی کے انتظامات سخت کرتے ہوئے 7 ہزارپولیس اہلکار تعینات کئے گئے ہیں جن میں خواتین کمانڈوز اور ٹریفک پولیس اہلکار شامل ہیں جلسے گاہ کی سی سی ٹی وی کیمراوں سے بھی مانیٹرنگ کی جائے گی۔

    جلسہ گاہ میں مختلف محکموں اور پیپلز پارٹی کی جانب سے استقبالیہ اور میڈیکل کیمپ بھی قائم کئے گئے ہیں۔ برسی کی تقریبات میں شرکت کرنے کے لئے پیپلز پارٹی کے چیئرمین بلاول بھٹو سمیت مرکزی قیادت لاڑکانہ پہنچ چکے ہیں۔

    پیپلز پارٹی کی جانب سے جاری پروگرام کے مطابق 27 دسمبر کودوپہر 1بجے جلسہ عام کا آغازہو گا ملک بھر سے آنے والے شاعر شہید محترمہ بینظیر بھٹوکی یاد میں مقالے اور شاعری پیش کریں گے 3 بجے تقریروں کا آغاز ہو گا جب کے پانچ بجے بلاول بھٹو زرداری۔مریم نواز۔عبد الغفور حیدری سمیت پی ڈی ایم کے قائدین جلسے سے خطاب کریں گے سات بجے تک جلسہ اختتام پذیر ہو گا

  • آرمی ایوی ایشن ہیلی کاپٹر کو حادثہ، 2 میجرز سمیت 4 فوجی شہید

    آرمی ایوی ایشن ہیلی کاپٹر کو حادثہ، 2 میجرز سمیت 4 فوجی شہید

    راولپنڈی :آرمی ایوی ایشن ہیلی کاپٹر کو حادثہ، 2 میجرز سمیت 4 فوجی شہید،ترجمان پاک فوج کے مطابق آرمی ایوی ایشن کے ہیلی کاپٹر کو حادثہ پیش آیا ہے جس کے نتیجے میں 2 میجرز سمیت 4 فوجی شہید ہوئے ہیں۔

    آئی ایس پی آر کی جانب سے جاری بیان کے مطابق ہیلی کاپٹر کو حادثہ گلگت بلتستان کے علاقے منی مرگ میں تکنیکی خرابی کے باعث پیش آیا۔

    پاک فوج کے ترجمان ادارے آئی ایس پی آر کے مطابق ہیلی کاپٹر حادثے میں پائلٹ میجر محمد حسین سمیت 4 جوان شہید ہوئے ہیں۔

    ذرائع کے مطابق اس حادثے میں کوپائلٹ میجر ایاز حسین، نائیک انضمام عالم، سپاہی محمد فاروق بھی شہید ہوئے۔

    آئی ایس پی آر کے مطابق ہیلی کاپٹر شہید سپاہی عبدالقدیر کی میت لے کر سی ایم ایچ اسکردو جا رہا تھا۔ سپاہی قدیر کامری سیکٹر میں برفانی تودے کی زد میں آ کر شہید ہوئے تھے۔

    ہیلی کاپٹر حادثے میں شہید میجر ایاز کا تعلق کراچی کے علاقے ملیر سے ہے جبکہ میجر حسین شہید اسکردو کے علاقے خپلو کے رہائشی تھے۔

    اس کے علاوہ نائیک انضمام کا تعلق چکوال اور سپاہی فاروق شہید ساہیوال کے رہائشی تھے۔

  • مقبوضہ کشمیرمیں بھارتی وزیراعظم کی طرف سے جمہوریت کے دعوے کومسترد کرتے ہیں :پاکستان

    مقبوضہ کشمیرمیں بھارتی وزیراعظم کی طرف سے جمہوریت کے دعوے کومسترد کرتے ہیں :پاکستان

    اسلام آباد: مقبوضہ کشمیرمیں بھارتی وزیراعظم کی طرف سے جمہوریت کے دعوے کومسترد کرتے ہیں،اطلاعات کےمطابق پاکستان نے بھارتی وزیر اعظم نریندر مودی کا مقبوضہ کشمیر میں جمہوریت کا دعویٰ مسترد کر دیا۔

    ترجمان دفتر خارجہ نے کہا ہے کہ بی جے پی کے جمہوریت کے دعوے کا مقصد کشمیریوں کی آواز کو دبانا ہے، اس لیے بھارتی وزیر اعظم کے جھوٹے دعوے کو مسترد کرتے ہیں۔

     

     

    ترجمان کا کہنا تھا جموں و کشمیر میں جمہوریت کے دعوے بے بنیاد اور جھوٹ پر مبنی ہیں، بی جے پی کی نام نہاد جمہوریت بندوق کے زور پر کشمیریوں کی آواز دبانے کے لیے ہے۔

    ترجمان نے کہا مقبوضہ کشمیر میں 5 اگست 2019 سے کشمیریوں کو بنیادی حقوق سے محروم رکھا گیا ہے، بھارتی قیادت کے جھوٹے دعوے عالمی برادری کی توجہ نہیں ہٹا سکتے۔

    دفتر خارجہ کے ترجمان نے مزید کہا کہ بھارت عالمی برادری کی توجہ ہٹانے کی بجائے مقبوضہ کشمیر سے غیر قانونی قبضہ ختم کرے، اور کشمیریوں کو یو این کی قراردادوں کے مطابق حق رائے دہی دیا جائے۔

  • بلوچستان :فٹبال اسٹیڈیم کےقریب دھماکا ہوگیا، 2 افراد جاں بحق

    بلوچستان :فٹبال اسٹیڈیم کےقریب دھماکا ہوگیا، 2 افراد جاں بحق

    کوئٹہ : بلوچستان :فٹبال اسٹیڈیم کےقریب دھماکا ہوگیا، 2 افراد جاں بحق ،اطلاعات کے مطابق بلوچستان میں بھارتی سازشیں جاری ہیں اوربھارت کے لے پالک دہشت گردوں نے آج پھربلوچستان کولہولہان کردیا ،

     

    پولیس حکام کے مطابق بلوچستان کے علاقے پنجگورمیں فٹبال اسٹیڈیم کےقریب دھماکا ہوا ہے۔پولیس کے مطابق دھماکے میں اب تک 2افرادجاں بحق اور 7 زخمی ہوئے ہیں، واقعے کی مزید تحقیقات کی جارہی ہیں۔

    اطلاعات کے مطابق فٹبال اسٹیڈیم میں اسکول کی ٹیموں کے درمیان میچ کے بعد دھماکا ہوا۔دھماکےکے نتیجے میں دو گاڑیاں مکمل طور پر تباہ ہوگئیں جبکہ متعدد کو نقصان پہنچا

  • ممبئی ایئرپورٹ پر مسافر پھنس گئے

    ممبئی ایئرپورٹ پر مسافر پھنس گئے

    ممبئی :ممبئی ایئرپورٹ پر مسافر پھنس گئے،اطلاعات کے مطابق دنیا کا انٹرنینشل ہوائی اڈہ ممبئی ایئرپورٹ پراس وقت سخت پریشان کن صورت حال ہے ، دیگرممالک سے واپس آنے والے مسافرپھنس کررہ گئے ہیں

    ادھرذرائع کے مطابق یورپ،امریکہ اوردیگردنیا سے واپس بھارت آنے والے مسافراس قدرپریشان ہیں کہ کبھی زندگی میں ان کے ساتھ ایسا نہیں‌ہوا،باغی ٹی وی کو ملنے والی اطلاعات میں بتایا گیا ہے کہ حکام نے مسافروں‌ کوروک رکھا ہے اوران کوروکنے کی وجہ بھی نہیں بتائی جارہی

     

    باغی ٹی وی کے مطابق حکام مسافروں کے ساتھ بہت ہی برا سلوک کررہے ہیں ،ان کو گھروں کو نہیں جانے دیا جارہا ، ساتھ یہ بھی اطلاعات ہیں‌ کہ دیارغیرسے آنے والوں کولینے کے لیے ان کے پیارے پارکوں میں کھڑے ان کا انتظارکررہے ہیں‌

    دوسری طرف یہ بھی اطلاعات ہیں کہ حکام نے یہ فیصلہ کیا ہے کہ بھارت آنے والے تمام مسافروں کو7 دن قرنطینہ سینٹرمیں رکھا جائے گا ، ادھرذرائع کے مطابق بھارتی حکام کو ڈرہے کہ کہیں نیا خطرناک ترین برطانوی کورونا وائرس بھارت میں پھیل کرتباہی نہ مچا دے

  • چوروں کو این آر او ملک سے غداری،مولانا بارے وزیراعظم کا بڑا انکشاف

    چوروں کو این آر او ملک سے غداری،مولانا بارے وزیراعظم کا بڑا انکشاف

    شہیدوں و غازیوں کی سرزمین چکوال سے وزیراعظم عمران خان کی اپوزیشن کو للکار

    باغی ٹی وی کی رپورٹ کے مطابق وزیراعظم عمران خان نے کہا ہے کہ تبدیلی سب سے پہلے ذہنوں میں آتی ہے،

    چکوال میں تقریب سے خطاب کرتے ہوئے وزیرااعظم عمران خان کا کہنا تھا کہ الیکشن میں دھاندلی ہوئی توکیا سپریم کورٹ گئےکسی فورم پرکہا؟ چکوال، جہلم کے لوگوں کی پاک فوج میں بہت سی قربانیاں ہیں، پہلی بارپاکستان کی اپوزیشن آرمی چیف اورآئی ایس آئی چیف کوٹارگٹ کررہی ہے،نہ ثبوت دیے نہ کسی فورم پرگئےاورپاک فوج کواٹیک کرنا شروع کردیا کہ سلیکٹڈ حکومت کو لائے،اپوزیشن کہتی ہے الیکشن میں دھاندلی ہوئی،ان سے کوئی پوچھے اگر دھاندلی ہوئی توکسی فورم پرگئے،

    وزیراعظم عمران خان کا مزید کہنا تھا کہ بھارت پاکستان کی فوج کےخلاف زبان استعمال کرتا ہے،زرداری کونواز شریف نےکرپشن پرجیل میں ڈالاتھا،اپوزیشن کاصرف ایک مطالبہ ہےکسی طرح این آراو دے دیں ،کسی نےانہیں این آراودیات ووہ کام کرے گا جودشمن کرتا ہو ،خود کوجمہوریت پسند کہلانے والے کہتے ہیں جمہوری حکومت گرا دو،کسی نے ان چوروں کواین آراودیا تو ملک سے غداری کرے گا،کوئی ان سے پوچھےآپ دونوں کی اہلیت کیا ہے؟ اپوزیشن مجھے کسی بھی طرح بلیک میل نہیں کرسکتی،،دونوں نے زندگی میں ایک گھنٹا کام نہیں کیا اورملک چلانے جا رہے ہیں،ان دونوں کا تجربہ یہ ہےکہ بڑی شان و شوکت سے پلے بڑھے ہیں،ان دونوں کے باپ پاکستان کے کرپٹ ترین انسان ہیں، فضل الرحمان نے خود فیصلہ کرلیا میں صادق اور امین ہوں کسی کو جوابدہ نہیں

    وزیراعظم عمران خان کا مزید کہنا تھا کہ پچھلے سال جتنا ٹیکس اکھٹا کیاا س کاآ دھا قرضے واپس کرنےمیں چلا گیا،کرپٹ حکمرانی کرتےہیں توپورے ملک کونقصان ہوتا ہے،بھارت بلوچستان اور قبائلی علاقوں میں دہشت گردی کر رہا ہے،بھارت کی فیک ویب سائٹس پی ڈی ایم کوبھی پروموٹ کررہی تھیں،ڈس انفولیب نے بھارتی پروپیگنڈابےنقاب کیا،بھارت کی پروپیگنڈا مشین جیسی زبان استعمال کی جا رہی ہے ،بھارت چاہتا ہے پاکستان کی فوج کمزور ہو،مشرف پر اس لیے تنقید ہوتی تھی کیونکہ وہ حکومت میں آگئے تھے ،بھارت پاکستانی فوج کو کمزور کرنا چاہتا ہے،اپوزیشن آئی ایس آئی چیف اور آرمی چیف کو ٹارگٹ کررہی ہے،

    وزیراعظم عمران خان کا مزید کہنا تھا کہ ماضی میں دونوں پارٹیوں نے ملک میں کرپشن کی،آصف زرداری کو نوازشریف نے جیل میں ڈالا تھا،ملک کو آج فوج کی ضرورت ہے، یہ فوج سے کہہ رہے ہیں کہ منتخب حکومت کو گرادیں .اپوزیشن ملک میں انتشا ر پھیلانے کی کوشش کررہی ہے،زندگی میں کوئی شارٹ کٹ نہیں ہوتا،دنیا میں دوسرے نمبر پر نوجوان آبادی پاکستان میں ہے،10سال بعد ہمارا ہیلتھ سسٹم امیر ترین ملکوں سے بھی بہتر ہوگا،پرائیویٹ سیکٹر کو اسپتال بنانے کیلئے سستے داموں زمین دیں گے،ہیلتھ کارڈ کے ذریعے پاکستان کے کسی بھی اسپتال سے علاج کرایاجاسکتا ہے،5سال پورے ہونے کے بعد چاہوں گا کہ بیرونی اور اندرونی خسارہ کم ہو اور پاکستان اپنے پاوَں پر کھڑا ہو،ہماری آمدنی کم اور خرچے زیادہ ہیں،اگر قرضے ادا نہ کرنے پڑیں تو ہماری آمدنی اور خرچے برابر ہوگئے ہیں،ہماری پوری کوشش ہے کہ قرضوں کا بوجھ کم ہو،و