اسلام آباد :مودی اپنی حرکتوں سے بازآجا:ورنہ "اک پاکستان بناواں گے وچ ہندوستان دے پھراسیں”اطلاعات کے مطابق وزیراعظم عمران خان نے بھارت کی جانب سے یو این گاڑی پر فائرنگ کو عالمی قوانین کی خلاف ورزی قرار دیتے ہوئے خبردار کیا ہے کہ مودی اندرونی مسائل سےتوجہ ہٹانےکیلئےفالس فلیگ آپریشن کرسکتا ہے اگر فالس فلیگ آپریشن ہوا تو ہمارا جواب بھرپور ہو گا۔

 

 

I am making absolutely clear to the int community that if India was to be reckless enough to conduct a false flag operation against Pakistan, it would confront a strong national Pakistani resolve & be given a befitting response at all levels of the threat. Make no mistake.

— Imran Khan (@ImranKhanPTI) December 20, 2020

ٹوئٹر پر جاری بیان میں وزیراعظم عمران خان نے لکھا کہ بھارت نےایل اوسی پرجان بوجھ کر یوا ین گاڑی کو نشانہ بنایا یو این گاڑی پرفائرنگ عالمی قوانین کی خلاف ورزی ہے اقوام متحدہ گاڑی پر نیلا جھنڈا لگے ہونےکے باوجود نشانہ بنایا گیا۔

وزیراعظم نے اپنے پیغام میں کہا کہ بھارت پاکستان کے بارے میں برے عزائم بنا رہا ہے بھارت یہ یاد رکھ لے کہ اگرکوئی ایسی غلطی کی تو بھارت ٹکڑے ٹکڑے ہوجائے گا پھران شا اللہ کئی پاکستان بنیں گے

 

In complete violation of int law, India's delib firing at LoC on UNMOGIP vehicle, despite clear UN markings & flying blue UN flag, shows India's total disregard for all int norms of acceptable state behaviour & respect for int law & UN. Pak strongly condemns this rogue behaviour.

— Imran Khan (@ImranKhanPTI) December 20, 2020

وزیراعظم نے کہا کہ پاکستان بھارت کی اس غنڈہ گردی کی شدید مذمت کرتا ہے، مودی اندرونی مسائل سےتوجہ ہٹانےکیلئےفالس فلیگ آپریشن کرسکتاہے، مودی حکومت کی کسی بھی ممکنہ گڑبڑ سے دنیا کو خبردار کرتا ہوں۔

 

 

Already, in 2020 alone, there have been 3000 Indian ceasefire violations along the LoC & Working Boundary, by unprovoked firing deliberately targeting civilians – resulting in 276 casualties, of which 92 were women & 68 children.

— Imran Khan (@ImranKhanPTI) December 20, 2020

وزیراعظم نے لکھا کہ بھارت میں کورونا، کسادبازاری اور کسانوں کےاحتجاج کےمسائل ہیں جب کہ ایل اوسی پر فائرنگ میں شہری آبادی کونشانہ بنایاگیا بھارت نے تھوڑے ہی عرصے میں‌ 3ہزار سے زائد مرتبہ جارحیت کی ،جس کے نتیجے میں 276 شہری شہید ہوئے، بھارت کی شہری آبادی پرگولہ باری سے92خواتین اور 68 بچے شہیدہوئے۔

وزیراعظم نے خبردار کیا کہ عالمی برادری پر واضح کرتا ہوں کہ فالس فلیگ آپریشن ہوا تو ہمارا جواب بھرپور ہو گا، کسی بھی خطرےپرپاکستان جوابی کارروائی کاحق رکھتاہے۔

 

 

اسلام آباد:وزیراعظم عمران خان کوغلطی پر12 لاکھ جرمانہ:کپتان نےنہیں بنایا کوئی بہانہا،اطلاعات کے مطابق وزیراعظم عمران خان نے جرمانے کی رقم ادا کردی ہے یہ جرمانہ مشہورزمانہ بنی گالہ کیس کے نقشے کی منظوری لینے میں‌ سست روی کی وجہ سے وزیراعظم کو کیا گیا ہے

اسلام آباد سے سی ڈی اے کے ذرائع کے مطابق وزیر اعظم عمران خان کی رہائش گاہ بنی گالہ کو قانونی قرار دے دیا گیا ہے، جب کہ سی ڈی اے نے وزیراعظم کے گھر کے نقشے کی منظوری دے دی ہے۔

سی ڈی اے نے وزیراعظم عمران خان پر 12 لاکھ 6 ہزار روپے کا جرمانہ عائد کیا تھا، اور عمران خان نے جرمانے کی رقم بینک ڈرافٹ کے ذریعے ادا کی، جس کے بعد ان کے گھر کو قانونی قرار دیا گیا۔

واضح رہے کہ وزیراعظم عمران خان نے بنی گالہ میں اپنی دونوں رہائشی عمارتوں کی ریگولرائزیشن کے لیے سی ڈی اے کو درخواست دی تھی، اور ڈھائی سو کنال پر مشتمل اپنی رہائشگاہ اوراس سے ملحقہ بیٹھک کی عمارت کے کاغذات جمع کروائے تھے۔

عمران خان نے اس وقت کے چیف جسٹس ثاقب نثار کو بنی گالہ میں غیر قانونی تعمیرات کے حوالے سے خط تحریر کیا تھا جس پر چیف جسٹس نے از خود نوٹس لے لیا تھا۔

عمران خان نے اپنے خط میں کہا تھا کہ بنی گالہ میں لینڈ مافیا سرگرم ہے جو غیر قانونی تعمیرات کررہی ہے جس کے خلاف سی ڈی اے سمیت کوئی بھی متعلقہ ادارہ کارروائی نہیں کررہا۔ چیف جسٹس ثاقب نثار نے سی ڈی اے سے معاملے پر تفصیلی جواب طلب کیا تھا۔

اس وقت کے چیف جسٹس پاکستان جسٹس ثاقب نثار کی سربراہی میں سپریم کورٹ کے 3 رکنی بینچ نے بنی گالا تجاوزات سے متعلق کیس کی سماعت کے دوران حکم دیا تھا کہ سب سے پہلے عمران خان کو جرمانہ ادا کرنا ہوگا کیونکہ وہ اس کیس میں درخواست گزار ہیں، انہوں نے خود بنی گالہ میں غیر قانونی تعمیرات کا معاملہ خود اٹھایا تھا، وہ فیصلہ کرکے اپنے گھر کا جرمانہ ادا کریں۔

اسلام آباد :سیکرٹری جنرل اقوام متحدہ بھارت کی رکنیت معطل کریں:پھریقین ہوگا :رحمان ملک حکومتی ترجمان بن گئے،اطلاعات کے مطابق سینیٹر رحمان ملک کا سیکرٹری جنرل اقوام متحدہ سے بھارت کا سیکورٹی کونسل کی رکنیت معطل کرنے کا مطالبہ کرتے ہوئے کہا کہ جب تک بھارت کی رکنیت معطل نہیں کی جاتی اس وقت تک کسی کی غیرجانبداری کا یقین نہیں کرسکتے

سینیٹررحمان ملک نے سیکرٹری جنرل اقوام متحدہ کے نام پاکستان کے مطالبے میں کہا ہے کہ بھارت نے جان بوجھ کر لائن آف کنٹرول پر اقوام متحدہ کے ملٹری آبزرور گروپ کی گاڑی کو نشانہ بنایا،

انہوں نے کہا کہ وزیر اعظم نریندر مودی کیطرف سے اقوام متحدہ امن مشن پر حملہ پورے اقوم عالم پر حملہ ہے، سینیٹر رحمان ملک نے کہا کہ افسوس کہ اس گھناؤنی جرم پر اقوام متحدہ نے ابھی تک بھارت کے خلاف کوئی کارروائی نہیں کی ہے،

سینیٹر رحمان ملک نے مزید کہا کہ سکریٹری جنرل اقوام متحدہ سے اپیل ہے اس مجرمانہ فعل پر بھارت کی اقوام متحدہ کی رکنیت فوری معطل کردیں، انہوں نے کہا کہ اقوام متحدہ امن مشن پر حملہ پر بھارت کا اقوام متحدہ کی سیکورٹی کونسل کی رکنیت بھی ختم کیجائے،

سینیٹر رحمان ملک نے کہا کہ آئے روز بھارت جنگ بندی معاہدے کی خلاف ورزی کررہا ہے،بھارت مسلسل خلاف ورزیوں اور دوسرے ممالک میں مداخلت سے پورے خطے کے امن کو خطرہ میں ڈال رہا ہے،

سینیٹر رحمان ملک نے کہا کہ عالمی برادری بالخصوص اقوام متحدہ بھارت کی مقبوضہ کشمیر میں مظالم اور انسانیت کے خلاف جرائم کا نوٹس لے،

کابل دھماکے سے لرز اٹھا، بھاری جانی نقصان

باغی ٹی وی :کابل پھر دہشت گردی کا نشانہ بنا ہے . کابل میں ہونے والے دھماکے سے بھاری جانی نقصان ہوا ہے . دھماکے کے بعد ہر طرف بھگدڑ مچ گئی، زخمیوں میں بچے، خواتین اور بزرگ بھی شامل ہیں جنہیں فوری طور پر ہسپتال منتقل کر دیا گیا۔ دھماکے سے تین گاڑیوں کو آگ لگ گئی جبکہ قریبی عمارتوں کے شیشے ٹوٹ گئے۔

سکیورٹی فورسز نے علاقے کو گھیرے میں لے کر سرچ آپریشن شروع کر دیا، دھماکے کا ٹارگٹ رکن اسمبلی حاجی خان محمد تھے جو بال بال بچ گئے۔

واقعے کے فوری بعد قانون نافذ کرنے والے اداروں نے علاقے کو گھیرے میں لے لیا جبکہ ریسکیو ٹیمیں موقع پر پہنچ گئیں جنہوں نے امدادی کاموں میں حصہ لیا۔

هغوی چې ځانونه د اسلام ټیکه داران بولي او ځانمرګي بریدونه جهاد ګڼي؛را دې شي په ثبوت دې ورسوي. د اسلام کوم ځای کې ځانمرګي بریدونه ته جهاد ویل شوی؟
اسلام د سولې دین دی،نه د بېګناه وګړو د وژلو دین.
خو د اسلام دښمنانو نن کابل کې د موټر بم برید په پایله ګڼ کسانو ته مرګ ژوبله واړوله. pic.twitter.com/cxOAxPbLna

— Emal Sulaimankhil (@ESulaimankhil) December 20, 2020

واقعے میں جاں بحق ہونے والے افراد کی لاشوں اور زخمیوں کو اسپتال منتقل کر دیا گیا ہے جہاں زخمیوں کو طبی امداد دی جا رہی ہے۔

اسلام آباد:سی پیک پر برطانوی ہائی کمشنرکے بیان نے بھارت امریکہ کوگہرے زخم دے دیئے ،اطلاعات کے مطابق سی پیک پربرطانوی موقف کے سامنے آنے پربھارت ،امریکہ اوردیگرسی پیک مخالفین سیخ پا ہوگئے ہیں، سی پیک کے حوالے سے برطانیہ کا کہنا ہے کہ چین پاکستان اقتصادی راہداری سے اسے ( برطانیہ) کوئی خطرہ نہیں۔

ذرائع کے مطابق سی پیک کے حوالے سے پاکستان میں برطانوی ہائی کمشنز کرسچیئن ٹرنر کا کہنا تھا کہ وہ سی پیک کے بارے میں بہت کلیئر ہیں اور اسے برطانوی مفادات کے لیے خطرہ نہیں سمجھتے۔

انھوں نے کہا کہ اگر سی پیک کے تحت اس انداز سے سرمایہ کاری ہو جسے پاکستان کو فائدہ پہنچا تو یہ کاروباری ماحول کے لیے بھی اچھا ہوگا۔برطانوی ہائی کمشنر نے کہا کہ باہمی تجارت سے دیگردنیا کوبھی توفوائد حاصل ہوں گے

بھارت کے ساتھ تجارت کے بارے میں ان کا کہنا تھا کہ علاقائی سیاق و سباق میں اس بارے میں کچھ کہنا مشکل ہے تاہم ورلڈ بینک کی اسٹڈی کے مطابق سرحد پار تجارت سے پاکستان کی جی ڈی پی میں 30 فیصد تک نمو ہوسکتی ہے۔

کورونا کی دوسری لہر بے قابو، مزید اموات مریضوں کی تعداد میں بھی اضافہ

باغی ٹی وی : کورونا کی دوسری لہر بے قابو ہو گئی، مزید 80 افراد جاں بحق ہو گئے، مجموعی تعداد 9 ہزار 330 تک پہنچ گئی، 2 ہزار 615 نئے مریض سامنے آ گئے۔

این سی او سی کے مطابق مہلک وائرس سے اب تک چار لاکھ 57 ہزار 288 شہری متاثر ہوئے ہیں جن میں سے ایکٹو کیسز کی تعداد 40 ہزار 553 ہو گئی۔ ملک بھر میں گزشتہ 24 گھنٹوں کے دوران 37 ہزار 206 کورونا ٹیسٹ کیے گئے جن میں سے 2615 مثبت کیس رپورٹ ہوئے ہیں۔ ملک بھر میں اب تک 63 لاکھ ایک ہزار 341 کورونا ٹیسٹ کیے جا چکے ہیں۔

صوبہ سندھ میں کورونا کیسز کی تعداد سب سے زیادہ ہے جہاں 2 لاکھ 4 ہزار 103 کیسز رپورٹ ہوئے، پنجاب میں ایک لاکھ 31 ہزار 428، خیبر پختونخوا 54 ہزار 948، بلوچستان میں 17 ہزار 909 کیس رپورٹ ہوئے جبکہ اسلام آباد میں 36 ہزار 117 اور گلگت بلتستان میں 4 ہزار 822 کیسز سامنے آئے ہیں۔ آزاد کشمیر میں کورونا مریضوں کی تعداد 7 ہزار 961 تک پہنچ گئی.
ملک بھرمیں مثبت کیسز کی شرح 6.61 فیصد ہو گئی ہے۔ حیدرآباد میں کورونا مثبت کیسزکی شرح سب سے زیادہ 24.59فیصد ہوگئی ہے۔

کراچی میں کورونا مثبت کیسزکی شرح 11.20 فیصد، راولپنڈی17.21، آزاد جموں کشمیر 7.47، بلوچستان 3.56، گلگت بلتستان 1.07، اسلام آباد 3.5 فیصد ہے۔

لاھور: بھارت خطرناک ترین ملک ۔۔۔ عالمی ادارے کی رپورٹ ۔۔۔!!مودی سرکارکی پالیسیاں جلد بھارت کوتوڑدیں گی:مبشرلقمان کے انکشافات نے بھارتی حکومت کے عزائم کو ننگا کردیا ہے وہ کہتے ہیں کہ بھارت میں کسانوں کی تحریک شروع ہوئے اب تو کئی دن گزر چکے ہیں۔ لیکن مسئلہ ختم ہونے کی بجائے بڑھتا چلا جا رہا ہے۔

 

 

مبشرلقمان کہتے ہیں  کہ ہر ایک گزرتے دن کے ساتھ موسم شدید سرد ہوتا جا رہا ہے لیکن غریب کسان سڑکوں پر احتجاج کرنے پر مجبور ہیں۔ یہاں تک کہ بہت سے کسان اپنی جان بھی گنوا بیٹھے ہیں۔ پنجاب کے بائیس اور مجموعی طور38کسان اپنی جان کی بازی ہار چکے ہیں۔ دہلی کے کنڈلی بارڈر پر جاری کسان تحریک میں شامل سکھ سنت یعنی سکھ مذہبی رہنما رام سنگھ نے بھی خود کو گولی مار کر خود کشی کرلی ہے۔ اور انہوں نے اپنی خودکشی کے نوٹ میں لکھا ہے کہ حکومت انصاف نہیں کر رہی اور انھیں اپنے کسان بھائیوں کو اس حالت میں دیکھ کر شدید تکلیف محسوس ہو رہی تھی۔۔ اس خودکشی کی وجہ سے کسانوں میں شدید غم و غصہ پایا جاتا ہے۔ لیکن مودی سرکار کے کان پر جوں تک نہیں رینگھ رہی۔

 

 

ان کا کہنا تھا کہ بھارتی سپریم کورٹ کی جانب سے کسانوں کےمعاملے پر کمیٹی بنانے کا حکم بھی دیا گیا ہے۔ اور حکومت کو مشورہ دیا ہے کہ وہ ان قوانین کا نفاذ روک دے تاکہ کشیدگی نہ بڑھے لیکن حکومت پھر بھی بضد ہے کہ انہوں نے یہ قوانین نافذ کرنے ہیں اور وجہ یہ بتائی جا رہی ہے کہ اگر یہ نافذ نہ کئے گئے تو کسان مذاکرات کے لئے سامنے نہیں آئیں گے۔

 

دوسری جانب اتنے کسانوں کے جان سے چلے جانے کے بعد اگر ہوا ہے تو صرف اتنا کہ مودی نے بیان جاری کیا ہے کہ میں تمام سیاسی جماعتوں سے ہاتھ جوڑ کر منت کرتا ہوں، سہرہ اپنے سر باندھ لیں۔ میں آپ کے پرانے انتخابی منشوروں کو کریڈٹ دے رہا ہوں۔ میں صرف کسانوں کی زندگی آسان بنانا چاہتا ہوں، میں ان کی ترقی چاہتا ہوں اور زراعت میں جدیدیت لانا چاہتا ہوں۔ اور ساتھ ہی یہ بھی کہہ دیا ہے کہ یہ قانون کسی صورت واپس نہیں لیا جائے گا۔

 

 

مبشرلقمان کہتے ہیں کہ بھارتی وزیر زراعت نے ایک آٹھ صفحات کا خط بھی جاری کر دیا ہے جس میں چن چن کر زرعی قوانین کی تعریف کی گئی ہے۔ کسانوں کو ان کے فائدہ کے بارے میں بتایا ہے۔ اور تو اور مودی نے بھی کسانوں سے اپیل کی ہے کہ وہ اس خط کو پڑھیں۔

 

 

 

ان کا مزید کہناتھا کہ لیکن اصل میں اس خط کی آڑ میں غلط فہمیاں پھیلانے کی کوشش کی جا رہی ہیں۔ وزرا سے لے کر وزیر اعلی تک محاذ سنبھال رہے ہیں اور کسانوں کے مخالف حکومت ایک اپنی نئی تحریک شروع کرنے کے موڈ میں ہے۔ اس مہم کے تحت مودی نے پہلے اپنے گجرات دورے کے دوران کسانوں کے ایک گروپ سے ملاقات کی ہے۔ آج وہ اپنے مدھیہ پردیش کے دورے کےدوران وہاں کے کسانوں سے ملاقات کرے گا۔ دوسری طرف کچھ وزراء آج اتر پردیش میں میرٹھ کےکسانوں سے بھی تبادلہ خیال کریں گے۔

 

 

مبشرلقمان کہتے ہیں کہ اور تمام ملاقاتوں کا مقصد یہ ہے کہ کسانوں کے اتحاد کو توڑا جائے ان کو تقسیم کیا جائے تاکہ یہ تحریک دم توڑ دے۔ اس مقصد کے لئے بی جے پی کے سوشل میڈیا سیل کو بھی استعمال کیا جا رہا ہے جس کے زریعے سوشل میڈیا پر کچھ کسانوں کی ویڈیوز اپ لوڈ کی جا رہی ہیں جو کہ مودی کے حق میں نعرے لگا رہے ہیں۔ تاکہ یہ تاثر دیا جاسکے کہ بہت سے کسان اس بل کی حمایت کر چکے ہیں۔ جوکہ بالکل جھوٹ اور فراڈ ہے کسان بالکل بھی اپنے موقف سے ہٹنے کو تیار نہیں ہیں وہ اپنی جانیں دے رہے ہیں لیکن اپنے احتجاج سے پیچھے نہیں ہٹ رہے اور حکومت جو بھی کرلے وہ ان کو نہیں ہٹا سکتی۔

 

 

بھارتی انٹیلی جنس ایجنسی پہلے ہی اپنی رپورٹ پیش کر چکی ہے کہ اگر حکومت نے کسانوں کو دبانے کی یا ان کے خلاف گولی چلانے کی کوشش کی تومرکز کو توڑنے سے کوئی نہیں روک سکتا۔

 

 

مبشرلقمان کہتے ہیں کہ  میں آپ کو بتا دوں کہ نریندر مودی جس ہندوتوا سوچ کا مالک ہے اور جس طرح سے جنگی جنون اس کے سر پر سوار رہتا ہے تو اس کے بعد اب جلد ہی وہ ان کسانوں کے خلاف آپریشن کرے گا۔ کیونکہ وہ اپنے بیان میں بھی کہہ چکا ہے کہ وہ یہ قانون کسی صورت واپس نہیں لے گا۔ اس لئے یہ جو اپیل اورملاقاتیں کی جا رہی ہیں یہ صرف اور صرف ایک ڈرامہ ہے۔ اور اس سے پہلے بھی مودی سرکار یہ سب کچھ کرچکی ہے کشمیر میں جاری مظالم کو آپ ایک منٹ کے لئے سائیڈ پر بھی کر دیں تو آپ یاد کریں کہ شہریت کے متنازعہ بل پر اس مودی سرکار نے اپنے ہی ملک کے مسلمانوں کے خلاف کیا کیا تھا کیسے شاہین باغ میں عورتوں اور بچوں تک کے خلاف آپریشن کیا گیا تھا۔ سٹوڈنٹس تک کو مارا پیٹا جاتا تھا لوگوں کے گھروں اور دکانوں میں لوٹ مار کے بعد آگ تک بھی لگا دی گئی تھی۔

 

 

اس وقت کچھ فنکار مسلمانوں کی مدد کو آئے تھے۔ اسی طرح ابھی کسانوں کے احتجاج میں بھی کچھ سکھ اداکار، کھلاڑی اور مختلف شعبہ زندگی کے افراد نے نہ صرف شرکت کر رہے ہیں بلکہ سکھوں کی عملی مدد بھی کر رہے ہیں۔ لنگر کے زریعے ان کو کھانا بھی پہنچایا جا رہا ہے۔ لیکن دوسری طرف اکشے کمار نے مودی کی حمایت کی ہےان سے ملاقات بھی کی ہے۔ کنگنا رناوت نے بھی اپنے ٹوئیٹر اکاونٹ کے زریعے کسانوں کے خلاف محاذ کھولا ہوا ہے۔ لیکن ہمارے مسلمان فنکار ہمیشہ کی طرح بے شرمی کے ساتھ چپ بیٹھے ہیں۔ نہ تو وہ مسلمانوں کے حق میں سامنے آئے تھے اور نہ ہی اب ان سکھ غریب کسانوں کے لئے کوئی آواز اٹھا رہے ہیں۔

 

 

اس لئے میں آپ کو آج ہی بتا رہا ہوں کہ اب چند روز میں کسانوں کے احتجاج کے ساتھ بھی یہی سب کچھ ہونے والا ہے۔ لیکن مودی سرکار کو ایک بات نہیں بھولنی چاہیے کہ اگر انہوں نے کسانوں کے ساتھ یہ کیا جس میں کہ زیادہ تر سکھ ہیں اگر سکھوں کے خلاف انہوں نے آپریشن کرنے کی غلطی کی تو پھر خالصتان تحریک ایک بار پھر عروج پر ہوگی اور پھر خالصتان کی آواز صرف بھارت کے اندر سے نہیں بلکہ کئی دوسرے ممالک سے بھی اٹھے گی۔ یہ تحریک پہلے بھی سکھ کسانوں کے احتجاج سے ہی شروع ہوئی تھی۔ اور بعد میں اس کا مرکز کینیڈا بنا لیا گیا۔

 

 

مبشرلقمان کہتے ہیں کہ  اگر ایسا ہوتا ہے تو میں تو یہ کہوں گا کہ پاکستان کو چاہیے کہ وہ اپنے سکھ بھائیوں کی مدد کرے انھیں کرتارپور بارڈر کے زریعے پاکستان میں پناہ دیں اور بین الاقوامی لیول پر بھی ان کی جو مدد ہوسکتی ہے وہ کی جانی چاہیے۔

 

 

ویسے مودی سرکار جو سب کچھ کر رہی ہے وہ خود ہی اپنے آپ کو بے نقاب کرتی جا رہی ہے۔ جنوبی ایشیائی ممالک میں انسانی حقوق خصوصا اقلیتیوں کی شہری آزادی کیلئے کام کرنے والی بین الاقومی تنظیم نے بھارت کو مسلمانوں اور اقلیتوں کیلئے خطرناک ملک قرار دیدیا ہےsouth asia state of minoritiesکی سالانہ رپورٹ میں انکشاف کیا گیا ہے کہ بھارت پاکستان کیلئے شدید خطرناک اور پر تشدد ملک بن چکا ہے، بھارت کا شہریوں کا قومی رجسٹریشن کا قانون ممکنہ طور پر مسلمانوں کو شہری حقوق سے محروم کرسکتا ہے۔

 

 

مبشرلقمان کہتے ہیں کہ بھارت میں صحافتی آزادی پر بھی قدغن ہے اور ٹی وی چینلز بھی سخت حکومتی سینسر شپ کا شکار ہیں، حکومت کی پالیسیوں پر تنقید کرنے والے اداروں کو بندش بھی کرنا پڑا ہے۔ جبکہ فروری میں ہونے والے بھارتی مسلم مخالف فسادات اور کورونا وائرس کے پھیلاؤ کا ذمہ دار مسلمانوں کو قرار دینے کیلئے منظم طور پر چلائی گئی مہم کو بھی اس رپورٹ میں شامل کیا گیا ہے۔

 

اور اب بھی ایسا ہی ہونے والا ہے۔ کسانوں کے احتجاج کو دبانے کے لئے ایک بار پھر بھارت پاکستان کے ساتھ کوئیsurgical strikesشروع کرنے کا ارادہ رکھتا ہے۔ جس کا اظہار آج شاہ محمود قریشی اور معید یوسف بھی اپنی پریس کانفرنس میں کر چکے ہیں۔ لیکن اب اگر بھارت نے کچھ ایسا کیا تو ہمیں چاہیے کہ ہم نہ صرف بھارت کو اس کو منہ توڑ جواب دیں بلکہ اپنے سکھ بھائیوں کا ساتھ دیں۔ تاکہ مودی سرکار کو سبق حاصل ہو سکے کہ وہ جو سلوک مسلمانوں اور سکھوں کے ساتھ بھارت میں کر رہا ہے اب وہ نہیں چلے گا اس ظلم کو اب ختم ہونا چاہیے۔