Baaghi TV

Category: اہم خبریں

  • یورپی یونین نے پی آئی اے کو ممنوعہ ایئر لائنز کی فہرست سےنکال دیا

    یورپی یونین نے پی آئی اے کو ممنوعہ ایئر لائنز کی فہرست سےنکال دیا

    لاہور: یورپی یونین نے پی آئی اے کو ممنوعہ ایئر لائنز کی فہرست سے نکال دیا،اطلاعات کے مطابق پاکستان انٹرنیشنل ایئر لائنز (پی آئی اے) کا نام بالآخر یورپی کمیشن (ای سی) کی ویب سائٹ پر کالعدم ایئر لائنز کی فہرست سے ہٹا دیا گیا ہے۔

    باغی ٹی وی کے مطابق تازہ ترین اطلاعات میں بتایا گیا ہے کہ ای سی فار موبلٹی اینڈ ٹرانسپورٹ کی ویب سائٹ میں تمام کالعدم ایئر لائنز کی فہرست موجود ہے۔ جبکہ دوسری طرف تنظیم نے پی آئی اے کو یورپی یونین کے علاقوں میں ممنوعہ یا ممنوعہ ہوائی کمپنیوں کی فہرست سے ہٹا دیا گیا ہے۔

    ترجمان پی آئی اے نے کہا کہ پی آئی اے کا نام فہرست سے ہٹانا ایک مثبت اقدام ہے۔ ترجمان نے امید ظاہر کی ہے کہ لائسنس کا مسئلہ بھی جلد حل ہوجائے گا اور قومی ایئرلائن یورپی ممالک اور برطانیہ کے لئے دوبارہ کام شروع کرے گی۔

    ترجمان نے مزید کہا کہ پی آئی اے پاکستانی مسافروں کو جلد سے جلد یورپ کے بہترین سفری سہولیات کی فراہمی کے لئے کوشاں ہے۔

    واضح رہے کہ یوروپی یونین ایوی ایشن سیفٹی ایجنسی (ای اے ایس اے) نے 2 دسمبر 2020 کو پی آئی اے کو ایک مراسلہ جاری کیا تھا

    خط میں پی آئی اے کے پروازوں کی حفاظت کے لئے حفاظتی انتظام کے نظام کے اقدامات پر اعتماد کا اظہار کیا گیا ہے ، لیکن کہا گیا ہے کہ پاکستان سول ایوی ایشن اتھارٹی (سی اے اے) پائلٹ لائسنسنگ کے نظام کو بہتر بنانے کے لئے کام نہیں کررہی ہے۔ لہذا ، یورپ جانے والی پی آئی اے کی پروازوں پر موجودہ پابندی ختم نہیں کی جاسکتی ہے۔

    باغی ٹی وی کے مطابق کل پاکستان کی قومی ایئرلائنزکے حوالے سے کہا گیا تھا کہ یورپی ممالک میں پی آئی اے کا داخلہ ابھی ممنوع ہے لیکن آج ہی یورپی یونین کے ملکوں میں‌ پی آئی اے کوجانے اوراترنے کی اجازت کی خبرآنے پرپاکستان بھرمیں خوشی منائی جارہی ہے

  • چونیاں:ظالم ،سنگدل باپ نے5 بچوں کو نہر میں پھینک دیا

    چونیاں:ظالم ،سنگدل باپ نے5 بچوں کو نہر میں پھینک دیا

    چونیاں:ظالم ،سنگدل باپ نے5 بچوں کو نہر میں پھینک دیا،اطلاعات کے مطابق ظالم باپ نے چھوٹی سی بات پرطیش میں‌ آکر اپنے ننھے منھے بہت ہی پیارے 5 بچوں کو نہرمیں پھینک دیا ہے

    ذرائع کے مطابق چونیاں چکوکی کی قریبی بی ایس لنک نہر میں گھریلو ناچاکی پر سنگ دل باپ ابراہیم نے پانچ معصوم بچوں کو نہر میں پھینک دیا ہے ریسکیو ٹیم اور مقامی افراد نے دو بچوں کی لاشیں کو نکال لیا ہے جبکہ دوسرے تین بچوں کی لاشوں کی تلاش جاری ہے۔

    ڈی پی او قصور عمران کشور جائے حادثہ پر پہنچ گئے باقی تین بچوں کی تلاش کیلئے ٹیمیں تشکیل دے دی گئی۔ جبکہ والد کو گرفتار کر لیا گیا ہے۔

     

    ذرائع کے مطابق جاں بحق بچوں میں ایک سال کا احمد اور 4 سال کی فضا شامل ہے جب کہ 3 سالہ تاشہ، 5 سالہ زین اور 7 سال کی نادیہ کی تلاش جاری ہے۔

    پولیس کا کہنا ہے کہ بچوں کو نہر میں پھینکنے والا باپ اٹاری ورک کا رہائشی ہے تاہم بچوں کو نہر میں پھینکے جانے کی وجہ سامنے نہیں آسکی ہے۔

    دوسری جانب ڈی پی او قصور کے مطابق واقعےکی تحقیقات کے لیے ڈی ایس پی چونیاں کی سربراہی میں ٹیم تشکیل دے دی ہے۔

  • برطانیہ کی وزیراعظم پاکستان کوعالمی ماحولیاتی سربراہ کانفرنس میں شرکت کی دعوت

    برطانیہ کی وزیراعظم پاکستان کوعالمی ماحولیاتی سربراہ کانفرنس میں شرکت کی دعوت

    باغی ٹی وی کی رپورٹ کے مطابق برطانیہ نے وزیر اعظم پاکستان عمران خان کوعالمی ماحولیاتی سربراہ کانفرنس میں شرکت کی دعوت دی

    وزیر اعظم عمران خان نے کلائمنٹ ایکشن سمٹ میں شرکت کی دعوت قبول کرلی ،ورلڈ کلائمٹ ایکشن سمٹ 12 دسمبر کو برطانیہ میں ہوگی،ورلڈ کلائمٹ ایکشن سمٹ سے برطانوی وزیراعظم خطاب کریں گے ،وزیراعظم عمران خان 12 دسمبرکوکلائمنٹ ایکشن سمٹ میں بذریعہ وڈیولنک خطاب کریں گے

    مولانا وزیراعظم کی خواہش پر اسلام آباد آ رہے ہیں، خبر نے کھلبلی مچا دی

    مولانا کے آزادی مارچ کو فنڈنگ کون کر رہا ہے؟ ایسا انکشاف ہوا کہ سب حیران رہ گئے

    مریم نواز کی تاریخ پیدائش کیا ہے؟ عدالت نے پوچھا تو مریم نے کیا جواب دیا؟

    مولانا فضل الرحمن کی کشمیر کمیٹی نے کتنے کروڑ خرچ کئے؟ فواد چوہدری نے بڑا دعویٰ کر دیا

    لانگ مارچ، اپوزیش کا جواب، مولانا نے سجادہ نشینوں سے مانگی مدد

    آزادی مارچ، مولانا فضل الرحمان گرفتار ہوئے تو قیادت کون کرے گا؟ اہم خبر

    وزیر اعظم نے کلائمٹ ایکشن سمٹ میں شرکت کے لیے آیندہ ہفتے اہم اجلاس طلب کرلیا ،وزیر اعظم عمران خان پاکستان کی ماحول دوست پالیسیوں کو اجاگر کریں گے،وزیر اعظم عمران خان بلین ٹری سونامی منصوبے کا معاملہ اٹھائیں گے،وزیر اعظم کلین گرین پاکستان منصوبہ اور نیشنل پارکس پر بات کریں گے، وزیر اعظم ماحولیاتی دوست توانائی منصوبے،چیمپین سٹی پر بھی بات کریں گے ،وزیر اعظم عمران خان کورونا کے دوران گرین جابز پر بھی بات کریں گے

     

    وزیر اعظم کی طرف سے ٹویٹ کی گئی ماحولیاتی تبدیلی سے متعلق تعریفی ویڈیو پیڈ نکلی

     

  • مجھے ڈر ہے کہ کہیں ایف بی آرمن گھڑت ثبوت پیش نہ کردے:جسٹس قاضی فائزعیسیٰ نے درخواست دے دی

    مجھے ڈر ہے کہ کہیں ایف بی آرمن گھڑت ثبوت پیش نہ کردے:جسٹس قاضی فائزعیسیٰ نے درخواست دے دی

    اسلام آباد :مجھے ڈر ہے کہ کہیں ایف بی آرمن گھڑت ثبوت پیش نہ کردے:جسٹس قاضی فائزعیسیٰ نے درخواست دے دی ،اطلاعات کے مطابق سپریم کورٹ آف پاکستان میں جسٹس قاضی فائر عیسیٰ نے ایف بی آر کی طرف سے ممکنہ طورپرخفیہ جائیدادوں کے حوالے سے حتمی رپورٹ پرخدشہ ظاہر کرتے ہوئے صدارتی ریفرنس کے فیصلے پر اضافی نظرثانی کی درخواست داخل کردی ہے۔

    انہوں نے درخواست میں کہا کہ اس کی وجہ یہ ہے سرکاری عہدے داروں نے میرے اور اہل خانہ کے خلاف پروپیگنڈا مہم چلائی۔جسٹس قاضی فائز عیسیٰ نے مزید کہا کہ فیڈرل بورڈ آف ریونیو (ایف بی آر) کی رپورٹ سے میں اور اہلیہ متاثر ہوسکتے ہیں۔ہوسکتا ہے کہ ایف بی آرمن گھڑت ثبوت سامنے لے آئے جس سے مزید پریشانی لاحق ہوسکتی ہے

    ان کا کہنا ہے کہ ایف بی آر کی رپورٹ نہ مجھے اور نہ ہی اہلیہ کو فراہم کی گئی ہے جبکہ یہ رپورٹ بھی ریفرنس کی طرز پر گمراہ کن پروپیگنڈے کےلیے میڈیا کو لیک کی گئی۔سپریم کورٹ کے جج نے درخواست میں مزید کہا کہ جون کے فیصلے سے عدلیہ کی آزادی کو ایگزیکٹو کے ہاتھ میں دے دیا گیا جو کہ آئین کے خلاف ہے۔

    جسٹس قاضی فائز عیسیٰ نے درخواست میں یہ بھی استدعا کی کہ جسٹس مقبول باقر، جسٹس منصور علی شاہ اور جسٹس یحییٰ آفریدی کو بھی بینچ کا حصہ بنایا۔انہوں نے مزید کہا کہ جسٹس یحییٰ آفریدی کے فیصلے میں میری درخواست کو قابل سماعت قرار دیا جائے۔

    جسٹس قاضی فائز عیسیٰ نے درخواست میں 19جون 2020ء کے فیصلے کے پیرا گراف 2 تا 11 پر نظر ثانی کرنے اور اسے واپس لینے کا کہا ہے۔

  • مریم اور نواز سے پریشان شہباز شریف پھٹ پڑے، اہم انکشافات مبشر لقمان کی زبانی

    مریم اور نواز سے پریشان شہباز شریف پھٹ پڑے، اہم انکشافات مبشر لقمان کی زبانی

    باغی ٹی وی کی رپورٹ کے مطابق سینئر صحافی و اینکر پرسن مبشر لقمان نے کہا ہے کہ شہباز شریف مریم نواز اور اپنے بھائی کی وجہ سے پریشان ہیں

    مبشر لقمان آفیشیل یوٹیوب چینل پرمبشر لقمان کا کہنا تھا کہ پانچ دن کی پیرول پر شہباز شریف کی مختلف لوگوں سے ملاقاتیں ہوئیں، ان جماعتوں کے لوگوں سے بھی جو پی ڈی ایم کا حصہ نہیں، شہباز شریف نے سر پکڑ کر قریبی دوستوں سے بات کی ہے کہ بھائی صاحب نے فیصلہ کر لیا ہے مریم نے خلافت سنبھالنی ہے تو میں کیا کر سکتا ہوں،

    مبشر لقمان کا کہنا تھا کہ شہباز شریف کی باتوں کا لب لباب یہ ہے کہ میں مخالفت نہیں کر سکتا کیونکہ مجھے ووٹ نہیں ملنے، جو حکم بڑے بھائی کا ،اسکا مطلب ہے کہ اس گھر میں اتنے مسائل ہو چکے ہیں کہ قیادت مریم نواز کو ملنی ہے،

    مبشر لقمان کا مزید کہنا تھا کہ اسٹیبلشمنٹ سے پی ڈی ایم اور ن لیگ کے لوگ رابطے میں آ گئے، اسکی وجہ ہے کہ احتساب کیسز کا بہت جلد فیصلہ ہونے والا ہے، تین مہینوں میں فیصلے آنے ہیں، ان میں شاہد خاقان، احسن اقبال،سعد رفیق نے نااہل ہو جانا ہے تو ن لیگ جھنڈے کو لے کر کیا کر رہے ہیں، ابھی وہ شور ڈال رہے ہیں کہ کسی طرح ہماری سیٹنگ ہو جائے اور نااہلی رک جائے بھلے حکومت پی ٹی آئی کی ہی ہو، سنگل سنگل کھیلتے رہیں گے، ابھی ن لیگ فل فورس آگے جانا چاہتی ہے

    مبشر لقمان کا مزید کہنا تھا کہ ہم نے سنا تھا کہ 12 کو پیپلز پارٹی استعفوں کا اعلان کرے گی لیکن کرے گی نہیں اور وہ کرے گی مارچ میں جا کر، 12 کو وہ اپنے چیئرمین کو استعفے دے دیں گے، ن لیگ سوچ رہی ہے کہ 8 دسمبر کو دے دین، اب مولانا فضل الرحمان اور زرداری میاں صاحب کو سمجھا رہے ہیں جو کالز ہو رہی ہیں کہ جلد بازی نہ کرو یہ آخری پتہ ہے،پہلے کھیل لیا تو مشکل ہو گی، دیکھیں کیا ہوتا ہے، 13 دسمبر کو جو جلسے میں ہو گا وہ اعلان ہو گا کہ لانگ مارچ میں استعفے دے سکتے ہیں، جب استعفے آئیں گے تو وہ آگے بڑھے گا، دیکھنا یہ ہے پی ٹی آئی کی حکومت کو سپورٹ کی جاتی ہے یا نہیں، اختر مینگل،میاں صاھب جوبیانیہ اپنا چکے ہیں اسکے بعد آسان نہیں کہ پی ٹی آئی کو کوئی چاہتے ہوئے بھی سپورٹ کر دے،پی ٹی آئی نے بھی اب ہاتھ پیر مارنا شروع کر دیئے ہیں اور کہا کہ اپوزیشن سے مذاکرات کریں گے.لیکن ساتھ شرط رکھ رہے ہیں، کہ اس میں استعفے کی بات نہیں ہو گی،

  • ن لیگ نے مرنے کے بعد بھی ارشد ملک کو نہ چھوڑا،سنئے اہم تجزیہ مبشر لقمان کی زبانی

    ن لیگ نے مرنے کے بعد بھی ارشد ملک کو نہ چھوڑا،سنئے اہم تجزیہ مبشر لقمان کی زبانی

    ن لیگ نے مرنے کے بعد بھی ارشد ملک کو نہ چھوڑا،سنئے اہم تجزیہ مبشر لقمان کی زبانی
    باغی ٹی وی کی رپورٹ کے مطابق سینئر صحافی و اینکر پرسن مبشر لقمان نے کہا ہے کہ رضائے الہی، جب اللہ کی رضا ہے تو جو رات قبر میں وہ باہر نہیں ہے، اسکے اوپر بھی لوگ سیاست کرنا چاہتے ہیں تو کرتے ہیں، انکو نہیں سمجھا سکتے، لیکن یہ دکھ کی بات ہو گی

    اینکر پرسن زین علی کا کہنا تھا کہ آج افسوسناک خبر آئی کہ جج ارشد ملک وفات پا گئے، جج ارشد ملک کا جو تاریخی فیصلہ تھا العزیزیہ ریفرنس کا انہوں نے سابق وزیراعظم کو سزا سنائی تھی، اس اہم موضوع پر بات کرنی ہے، کچھ دیر قبل جسٹس وقار سیٹھ کا انتقال ہوا تھا بدقسمتی سے ہم ان اموات کو متنازعہ بنا رہے ہیں، دوسری جانب ذرائع دعویٰ کر رہے ہیں کہ شہباز شریف نے مریم کو مشورہ دیا کہ وہاں تک نہ جائیں جہاں سے واپسی ممکن نہ ہو ، کل مبشر لقمان نے خبر دی تھی کہ پی پی اسمبلیوں سے استعفے دے سکتی ہے آج ن کے حوالہ سے بھی خبریں گردش کر رہی ہیں

    مبشر لقمان کا کہنا تھا کہ میرے اپنے گھر میں کتنے لوگ ہیں جن کو کرونا ہو چکا ہے،میرے 4 کلاس فیلوز کرونا کی وجہ سے اللہ کے پاس چلے گئے، عزیزوں میں بہت اموات ہوئیں، فاتحہ خوانی پر گئے، کندھا دیا، اسکو اب یہ کہنا کہ اتنا نہیں تھا یا مختلف تھیوریز یہ چھوٹے دماغ کی نشانی ہے، رضائے الہی، جب اللہ کی رضا ہے تو جو رات قبر میں وہ باہر نہیں ہے، اسکے اوپر بھی لوگ سیاست کرنا چاہتے ہیں تو کرتے ہیں، انکو نہیں سمجھا سکتے، لیکن یہ دکھ کی بات ہو گی

    مبشر لقمان کا کہنا تھا کہ یہ ففتھ جنریشن وار نہیں گھٹیا پن ہے، یا تو پہلے بتاتے کہ انکے ساتھ کچھ ہونا ہے یا مر سکتے ہیں پھر تو ہم مان لیتے ،کتنے حکومت مخالف لوگ ہیں جن کو کرونا ہوا اور وہ ٹھیک ہو گئے،مولانا خادم رضوی کے گھر والوں نے بتایا تھا کہ انکو بخار تھا، ایک وبا ہے جو پوری دنیا میں پھیلی ہوئی ہے،دو ملکوں کے وزراء اعظم بھی گزر چکے ہیں، برطانوی وزیراعظم بیمار ہوئے، ہر چینل میں کیسز آئے، اس پر سیاست کریں گے کہ اس چینل پر آئے اس پر کیوں نہیں آئے،اگر ٹیسٹ زیادہ تعداد میں ہوں تو پتہ چلے گا کہ بپت زیادہ کیسز ہیں، جب کسی کو بخار ہوتا ہے اور اثرات ہوتے ہیں تو وہ گھر میں ہی بیٹھ جاتے ہیں،دوائی کھانا شروع کر دیتے ہیں، اموات وہ ریکارڈ ہو رہی ہیں جو ہسپتال یا میڈیکل ٹیم کے سامنے ہوتی ہیں،

    مبشر لقمان کا مزید کہنا تھا کہ پانچ دن کی پیرول پر شہباز شریف کی مختلف لوگوں سے ملاقاتیں ہوئیں، ان جماعتوں کے لوگوں سے بھی جو پی ڈی ایم کا حصہ نہیں، شہباز شریف نے سر پکڑ کر قریبی دوستوں سے بات کی ہے کہ بھائی صاحب نے فیصلہ کر لیا ہے مریم نے خلافت سنبھالنی ہے تو میں کیا کر سکتا ہوں، لب لباب یہ ہے کہ میں مخالفت نہیں کر سکتا کیونکہ مجھے ووٹ نہیں ملنے، جو حکم بڑے بھائی کا ،اسکا مطلب ہے کہ اس گھر میں اتنے مسائل ہو چکے ہیں کہ قیادت مریم نواز کو ملنی ہے، ن لیگ میں مریم نواز کا آسان فارمولہ ہے، اسٹیبلشمنٹ سے پی ڈی ایم اور ن لیگ کے لوگ رابطے میں آ گئے، اسکی وجہ ہے کہ احتساب کیسز کا بہت جلد فیصلہ ہونے والا ہے، تین مہینوں میں فیصلے آنے ہیں، ان میں شاہد خاقان، احسن اقبال،سعد رفیق نے نااہل ہو جانا ہے تو ن لیگ جھنڈے کو لے کر کیا کر رہے ہیں، ابھی وہ شور ڈال رہے ہیں کہ کسی طرح ہماری سیٹنگ ہو جائے اور نااہلی رک جائے بھلے حکومت پی ٹی آئی کی ہی ہو، سنگل سنگل کھیلتے رہیں گے، ابھی ن لیگ فل فورس آگے جانا چاہتی ہے

    مبشر لقمان کا مزید کہنا تھا کہ ہم نے سنا تھا کہ 12 کو پیپلز پارٹی استعفوں کا اعلان کرے گی لیکن کرے گی نہیں اور وہ کرے گی مارچ میں جا کر، 12 کو وہ اپنے چیئرمین کو استعفے دے دیں گے، ن لیگ سوچ رہی ہے کہ 8 دسمبر کو دے دین، اب مولانا فضل الرحمان اور زرداری میاں صاحب کو سمجھا رہے ہیں جو کالز ہو رہی ہیں کہ جلد بازی نہ کرو یہ آخری پتہ ہے،پہلے کھیل لیا تو مشکل ہو گی، دیکھیں کیا ہوتا ہے، 13 دسمبر کو جو جلسے میں ہو گا وہ اعلان ہو گا کہ لانگ مارچ میں استعفے دے سکتے ہیں، جب استعفے آئیں گے تو وہ آگے بڑھے گا، دیکھنا یہ ہے پی ٹی آئی کی حکومت کو سپورٹ کی جاتی ہے یا نہیں، اختر مینگل،میاں صاھب جوبیانیہ اپنا چکے ہیں اسکے بعد آسان نہیں کہ پی ٹی آئی کو کوئی چاہتے ہوئے بھی سپورٹ کر دے،پی ٹی آئی نے بھی اب ہاتھ پیر مارنا شروع کر دیئے ہیں اور کہا کہ اپوزیشن سے مذاکرات کریں گے.لیکن ساتھ شرط رکھ رہے ہیں، کہ اس میں استعفے کی بات نہیں ہو گی،

    مبشر لقمان کا مزید کہنا تھا کہ تحریک انصاف میں موجود لوگ انکے دھرنے کے وقت استعفیٰ نہیں دینا چاہتے تھے وہ عمران خان کا فیصلہ تھا، کچھ لوگوں نے بڑی بڑی چیزیں پی ٹی آئی اور انکے وزرا کا نام آتا ہے انہوں نے ایاز صادق کو کہا کہ استعفے قبول نہ کریں ہم منا رہے ہیں،ایاز صادق خود اس بات کو بتا دیں گے، ایک ٹائم فریم ہوتا ہے اسکے بعد وہ چیز لاگو ہو جاتی ہے، ایاز صادق نے جس پوائنٹ کو سامنے رکھا کہ جب پرسن استعفیٰ دیں گے تو میں سوال کروں گا پھر قبول ہوں گے اس وجہ سے وہ گیپ بنا رہا، اپوزیشن سے موجودہ حکومت نے ابھی تک کوئی بات نہیں کی، یہ صرف چار حلقوں کے لئے نہیں لڑ رہے ملک کے الیکشن کے لئے لڑ رہے ہیں، انکے لئے اسمبلی کوئی معنی نہیں رکھتی کیونکہ نواز شریف اور مولانا فضل الرحمان اسمبلی میں موجود نہیں ہیں،

    مبشر لقمان کا مزید کہنا تھا کہ کس قسم کا پریشر بنے گا حکومت پر یا اپوزیشن پر وہ فائنل موومنٹ میں پتہ چلے گا، ہو سکتا ہے کہ حکومت الیکشن کی طرف چلی جائے، ہو سکتا ہے حکومت کہہ دے سو استعفے آ جائیں ہم ہر حلقے میں الیکشن کروا لیں گے جہاں استعفے آئیں گے.

  • انگریزوں نے 1857 کے بعد مسلمانوں کا نظام تعلیم تباہ کیا،مدارس دینیہ پرقدغن لگائی:وزیراعظم

    انگریزوں نے 1857 کے بعد مسلمانوں کا نظام تعلیم تباہ کیا،مدارس دینیہ پرقدغن لگائی:وزیراعظم

    اسلام آباد: انگریزوں نے 1857 کے بعد مسلمانوں کا نظام تعلیم تباہ کیا،مدارس دینیہ پرقدغن لگائی:بحالی چاہتا ہوں :اطلاعات کے مطابق وزیراعظم عمران خان نے آج ایک اہم نشست میں پاکستان کی تعلیمی صورت حال پرسیرحاصل گفتگوکی ،وزیراعظم نے کہاکہ بدقسمتی سے انگریزوں نے 1857 کے بعد مسلمانوں کا نظام تعلیم تباہ کیا،مدارس دینیہ پرقدغن لگائی،انگریز نہیں چاہتا تھا کہ مسلمان تعلیم کے میدان میں آگے بڑھیں

    ذرائع کے مطابق وزیراعظم عمران خان نے اسلام آباد میں ریڈیو اسکول اینڈ ایجوکیشن پورٹل کے اجلاس میں کہا کہ ‘جو لوگ پڑھے لکھے نہیں ہیں، ان کے لیے زیادہ مشکل ہے، بچوں کو فاصلاتی تعلیم سے فائدہ ہو’۔وزیراعظم نے اس اہم نشست میں اہم گفتگو کرتے ہوئے کہا کہ ‘میرے خیال میں اساتذہ کی تربیت سب سے اہم ہے، اگر ہم اساتذہ کو آن لائن تربیت دے سکیں اور ان کے لیے آن لائن کورسز رکھ سکیں تو بڑی خدمت ہوگی’۔

    ان کا کہنا تھا کہ ‘میں نے دیکھا ہے خاص کر دور دراز علاقوں میں نہ سائنس اور نہ ہی ریاضی کا استاد ملتا ہے، جس سے بچوں کو بڑی مشکل ہوتی ہے، دیہاتی علاقوں میں بچے پہلے ہی پیچھے رہ جاتے ہیں لیکن اس کے ذریعے ایسی مشکلات کو دور کیا جاسکتا ہے’۔

    وزیراعظم نے کہا کہ ‘کووڈ کے بعد بھی ہم دور دراز علاقوں میں پہنچ سکتے ہیں اور کم از کم بہتر تعلیم دے سکتے ہیں’۔انہوں نے کہا کہ ‘میانوالی کی تحصیل عیسیٰ خیل بہت دور واقع ہے اور وہاں بچیوں کے سارے اسکول بند پڑے ہیں کیونکہ وہاں بچیاں پڑھتی نہیں ہیں تو خواتین اساتذہ بھی نہیں ملتیں، اسی طرح وہاں نرسز اور دیگر عملہ دستیاب نہیں ہوتا اور لیڈی ڈاکٹرز جاتی نہیں ہیں’۔

    ان کا کہنا تھا کہ ‘دور دراز علاقے ایک چکر میں پھنسے ہوئے ہیں لیکن اب ایک اچھا موقع ہے کہ جب تک انفراسٹرکچر نہیں بنتا اس وقت تک ہم اس کے ذریعے ان علاقوں تک پہنچ سکتے ہیں’۔مذکورہ پروگرام کی تیاری پر حکام کو مخاطب کرکے انہوں نے کہا کہ ‘میں آپ سب کو مبارک باد دیتا ہوں، سارے پاکستان کے لیے کورس سلیبس ایک ہو’۔

    وزیراعظم کا کہنا تھا کہ اردو اور انگریزی میڈیم کا مدرسہ کان ظام ملک میں تقسیم کرتا ہے اور قوم نہیں بننے دیتا ہے، جن لوگوں پر زیادہ پیسہ خرچ کرتے ہیں ان میں پاکستانیت کم اور ختم کردیتے ہیں اور جہاں بھی سامراجی نظام تھا وہاں ایسے حالات ہیں۔

    وزیراعظم نے کہا کہ ایک سلیبس ایک قوم بنائے گا اور اس کے مضامین سب کو پڑھنےچاہیئں، یہ میرے لیے ایک انقلاب ہے۔انہوں نے کہا کہ دینی مدرسوں کو مرکزی سطح پر لانا پاکستان میں بہت بڑی خدمت ہے، انگریزوں نے 1857 کے بعد مسلمانوں کا نظام تعلیم تباہ کیا اور خواندگی کی شرح گرتی گئی۔

    وزیراعظم نے کہاکہ وہ اس ملک میں مدارس دینیہ کومضبوط دیکھنا چاہتے ہیں ،

    ان کا کہنا تھا کہ نیشنل ایجوکیشن پالیسی کی بڑی ضرورت ہے اور اسکلز ایجوکیشن اس وقت سب سے اہم ہے کیونکہ نوجوانوں کو روزگار چاہیے لیکن جب تک ان کو ہنر نہیں سکھائیں گے تو مشکل ہوگا۔

    وفاقی وزیر تعلیم شفقت محمود کو انہوں نے کہا کہ یہ آپ کی اولین ترجیح ہے اور اس کے لیے حکومت سے جتنی مدد چاہیے مل جائے گی، پنجاب اور خیبر پختونخوا میں ہم مکمل طور پر عمل درآمد کرواسکتے ہیں اور بلوچستان میں اتحادی حکومت ہے، وہاں بھی کرسکتے ہیں۔انہوں نے وفاقی وزیرکوہدایت کی کہ وہ جلد ان اقدامات کو عملی جامہ پہنائیں

  • لاہور:قرآن مجید کی بیحرمتی:عوام شدید غصے میں

    لاہور:قرآن مجید کی بیحرمتی:عوام شدید غصے میں

    لاہور:کبھی دیارغیر تواپنے ہی ملک میں اسلامی شعائر کی بیحرمتی ہونے لگی،اطلاعات کے مطابق آج شام لاہورکے علاقہ گرین ٹاون میں قرآن کی بیحرمتی کا واقعہ پیش آیا ہے ،

     

    اس واقعہ کے بعد عام شدید غصے میں ہے ، ذرائع کے مطابق گرین ٹاؤن پولی سٹاپ پر قرآن مجید کی بے حرمتی کی گئی،واقعہ کےبعد گرین ٹاؤن پولی سٹاپ دونوں طرف سے بند کر دی گئی

     

    یہ بھی اطلاعات ہیں کہ اس گستاخ رسول بندے کو پولیس نے نامعلوم جگہ پر منتقل کردیا

    یہ بھی معلوم ہوا ہے کہ جس پر گرین ٹاؤن کی عوام نے شدید غصہ اور اردگرد کی دوکانوں کو بند کر وا دیا لبیک یا رسول اللہ کے نعرے بلند پولیس خاموش تماشائی بن گئی

     

    مقامی ذرائع کے مطابق قرآن مجید کو پولی سٹاپ نالہ میں پھینکا گیا

    ذرائع کے مطابق یہ واقعہ لاہور گرین ٹاون پلی سٹاپ Na 133 کے مقام پرپیش آیا

    یہ بھی معلوم ہوا ہے کہ تحریک لبیک پاکستان کے بروقت احتجاج اور دیگر اقدامات کے باعث گستاخ کے خلاف ایف آئی آر درج کرلی گئی ہے

    یہ بھی معلوم ہوا ہے کہ اس واقعہ کے بعد عوام اتنے غصہ میں ہے کہ پولیس کی بھی دوڑیں لگا وا دیں،یہ بھی معلوم ہوا ہے کہ احتجاج ابھی تک جاری ہے۔مقامی پولیس احتجاج کرنے والوں سے مذاکرات کر رہی ہے۔

  • خدا دی واسطہ ای بس کردے ہون : سانوں مروا دتّا ای:شہبازشریف نے مریم نواز کے سامنے ہاتھ جوڑدیئے

    خدا دی واسطہ ای بس کردے ہون : سانوں مروا دتّا ای:شہبازشریف نے مریم نواز کے سامنے ہاتھ جوڑدیئے

    لاہور: خدا دی واسطہ ای بس کردے ہون : سانوں مروا دتّا ای:شہبازشریف نے مریم نواز کے سامنے ہاتھ جوڑدیئے،اطلاعات کے مطابق پاکستان مسلم لیگ ن کے صدر میاں شہباز شریف نے مریم نواز کو ڈائیلاگ کا راستہ کھلا رکھنے کا مشورہ دیتے ہوئے کہا ہے کہ اس حد تک نہ جائیں کہ واپسی مشکل ہوجائے۔

    تفصیلات کے مطابق پاکستان مسلم لیگ ن کے صدر شہباز شریف کی نائب صدر مریم نواز اور حمزہ شہباز کے مابین ہونے والی ملاقات کی اندرونی کہانی منظر عام پر آگئی۔

    یہ بھی معلوم ہوا ہےکہ اس ملاقات میں شہبازشریف نے مریم نواز کی منت کرتے ہوئے کہا ہےکہ اب بڑی ہوگئی ہے ہمارے ساتھ ، آپ معاملات کو اس حد تک نہ لےکرجائیں کہ واپسی کے راستے بھی ختم ہوجائیں

    یہ بھی معلوم ہوا ہے کہ تینوں کے مابین ہونے والی ملاقات میں پی ڈی ایم کے لاہور میں ہونے والے جلسے سے متعلق امور پر تبادلہ خیال کیا گیا۔ مریم نواز نے اپنی ریلیوں کے حوالے سے بھی بتایا۔

    ذرائع کا کہنا ہے کہ شہباز شریف نے ملاقات کے دوران مریم نواز کو مشورہ دیا ہے کہ استعفوں کے آپشن پر سب سے آخر میں سوچیں۔ اس حد تک نا جائیں جہاں سے واپسی مشکل ہو۔ پیپلزپارٹی سے استعفوں کے آپشن کے حوالے سے تحفظات ہیں۔

  • سٹیزن پورٹل میں ایک شکایت نے مجھے پریشان کردیا ہے:وزیراعظم

    سٹیزن پورٹل میں ایک شکایت نے مجھے پریشان کردیا ہے:وزیراعظم

    اسلام آباد: سٹیزن پورٹل میں ایک شکایت نے مجھے مجبورکردیا ہے:وزیراعظم ،اطلاعات کے مطابق آج اہم نشست سے خطاب کرتے ہوئے وزیراعظم عمران خان کا کہنا ہے کہ سٹیزن پورٹل پرایک ایسی شکایت آرہی ہے جوپورے ملک کا مسئلہ ہے اور اس مسئلے نے مجھے بہت پریشان کردیا ہے ،

    وزیراعظم نے کہا کہ وہ مسئلہ ہےکہ ملک میں نچلی سطح پرکوئی نظام ہی نہیں ہے، انہوں نے کہا کہ کراچی اور دیگر بڑے شہروں میں خودمختار بلدیاتی نظام لا رہے ہیں جس کے تحت ان شہروں میں ایسی حکومت قائم ہوگی جو صوبے کی طرح کام کرے گی۔

    اسلام آباد میں پاکستان سیٹیزن پورٹل تقریب سے خطاب کرتے ہوئے وزیراعظم عمران خان کا کہنا تھا کہ اس پورٹل میں سب سے بڑا مسئلہ یہ سامنے آیا ہے کہ ہمارے ملک میں لوکل گورنمنٹ سسٹم ٹھیک نہیں چل رہے،

    وزیراعظم عمران خان نے کہاکہ ہم نئی طرح کا لوکل گورنمنٹ سسٹم لارہے ہیں جس میں فنڈز نچلی سطح تک جائیں گے اور لوگوں کے مسائل شہری حکومت حل کرے گی، کراچی اور دیگر بڑے شہروں میں خودمختار بلدیاتی نظام لا رہے ہیں۔

    وزیراعظم نے کہا کہ پرائم منسٹرسٹیزن پورٹل ٹیم کوخراج تحسین پیش کرتا ہوں، آزادی کے بعد حکومت کرنے والوں کی ذہنیت تبدیل نہیں ہوئی، غلاموں کے وہ حقوق نہیں ہوتے جو آزاد شہری کے ہوتے ہیں، 30 لاکھ لوگوں نے سٹیزن پورٹل کا استعمال کیا، اوورسیز پاکستانی جو ہمارا اثاثہ ہیں، انہوں نے اس پورٹل کا بھرپور استعمال کیا۔
    وزیراعظم عمران خان کا کہنا تھا کہ ہم سٹیزن پورٹل کومزیدبہتراور مضبوط کریں گے، سندھ اور پنجاب میں ضلع کی سطح پر کرپشن سے لوگ بہت تنگ ہیں، کوئی اے سی، ڈی سی یا تھانے دار تنگ کرے تو لوگ سٹیزن پورٹل پرشکایت کریں، ایسا قانون لارہے ہیں جوغلط کام کرے گا اس کا تبادلہ نہیں کریں گے، نوکری سے فارغ کیا جائے گا۔