Category: اہم خبریں

باغی ٹی وی کی رپورٹ کے مطابق سینئر صحافی و اینکر پرسن مشبر لقمان نے کہا ہے کہ 20 جنوری سے پہلے ٹرمپ۔ اسرائیل اور سعودیہ عرب مل کر کیا کھیل کھیلنا چاہتے ہیں؟؟؟ چین کا بلاک، امریکی بلاک کی نسبت دن بہ دن کیسے مضبوط ہو رہا ہے؟؟؟

مبشر لقمان کا کہنا تھا کہ اسرائیل کی ہمیشہ یہ خواہش رہی ہے کہ اسے باقی تمام ممالک پر برتری حاصل ہو۔ دوسری طرف سعودیہ عرب بھی کبھی یہ برداشت نہیں کرتا کہ مسلم ممالک میں اس سے بڑھ کر کوئی اور ہو خاص کر ایران۔۔۔ یہی وجہ ہے کہ سعودیہ عرب اور اسرائیل نے ہر طرح کے معاملے میں ٹرمپ کا ساتھ دیا۔ جس کے بدلے ٹرمپ نے یروشلم کو اسرائیل کا دارالحکومت تسلیم کیا۔ مختلف عرب ممالک سے اسرائیل کو تسلیم کروایا گیا۔ ایران کے ساتھ معاہدے ختم کرکے اس پر پابندیاں لگائی گئیں۔ اور چونکہ ٹرمپ کے ان دونوں ممالک کے سربراہوں محمد بن سلمان اور نیتن یاہو کے ساتھ ذاتی تعلقات تھے اس لئے تینوں نے مل کر خوب ایک دوسرے کے مفادات کا تحفظ کیا یہاں تک کہ ٹرمپ کو الیکشن کمپئین میں بھی پوری سپورٹ دی گئی۔ لیکن قسمت کی بات ہے کہ اتنی سپورٹ کے باوجود ٹرمپ الیکشن میں کامیابی نہ حاصل کر سکے۔ لیکن ٹرمپ کے پاس ابھی بھی بیس جنوری تک کا ٹائم ہے جب تک با قاعدہ طور پر اقتدار جو بائیڈن کے حوالے نہیں ہوتا اس وقت تک ٹرمپ ہی all in all ہے اس لئے اسرائیل اور سعودیہ عرب کی یہ کوشش ہے کہ وہ ٹرمپ کے جانے سے پہلے ہی اس سے وہ کام کروالیں جس کے لئے وہ اس کو سپورٹ کرتے رہے ہیں۔ اس لئے اب بہت زیادہ چانسز ہیں کہ امریکہ ایران کے خلاف کوئی بڑا قدم اٹھا سکتا ہے۔

مبشر لقمان کا مزید کہنا تھا کہ اور یہ اب کوئی ڈھکی چھپی بات نہیں رہی ہے اس کا اظہار خود صدرڈونلڈ ٹرمپ کے نیشنل سیکیورٹی آفیسرمارک اسپر نے فاکس نیوز کے ایک انٹرویو میں کیا ہے کہ اسرائیل اور امریکا ڈونلڈ ٹرمپ کی مدت اقتدارختم ہونے سے پہلے ایران کے خلاف بڑا جنگی ایکشن لینے جارہے ہیں۔ اگر ڈونلڈ ٹرمپ جیت جاتا تو شاید یہ حملہ ابھی نہ کیا جاتا لیکن اب الیکشن نتائج کے بعد یہ پلان کیا گیا ہے کہ جو بائیڈن کو اقتدار منتقل ہونے سے پہلے ایران کے اٹیمی پروگرام کو ٹارگٹ کرتے ہوئے یہ حملہ کیا جائے گا۔ کیونکہ انہیں ڈر ہے کہ آنے والی جو بائیڈن کی حکومت دنیا میں ایسی کسی لڑائی یا جنگ کی حمایت نہیں کرے گی بلکہ ایک متوازن عالمی پالیسی لے کر آئے گی۔

مبشر لقمان کا مزید کہنا تھا کہ مارک اسپر نے اپنے اس انٹرویو میں بیگن ڈاکٹرائن کا بھی ریفرنس دیا ہے اس ڈاکٹرائن کے مطابق دشمن کو اس کی تیاری سے پہلے ہی جا پکڑنا چاہیے تاکہ وہ پہلے سے زیادہ طاقتور ہو کر حملہ نہ کر سکے۔ اور ایران جس نے یورینیم افزودہ کرنے کی اپنی صلاحیت بہت بڑھا لی ہے۔ جا بائیڈن کے آنے کے بعد ایران کے ساتھ دوبارہ 2015 جیسا جوہری معاہدہ کر کے اٹیمی پروگرام کو محدود کرنے کی کوشش کی جائے گی۔ اس ایران نیو کلیئر ڈیل کو ڈونلڈٹرمپ کے دور میں ختم کر کے ایران پر پابندیاں لگائی گئیں تھیں جس کی حمایت عرب ممالک نے بھی کی تھی۔ اب اگرجوبائیڈن کے آنے سے ایران دوبارہ کسی ڈیل کا حصہ بن کر باقی دنیا کے ساتھ چل پڑتا ہے تو اسرائیل کے لیے اس پر حملہ کرنا اور اسے کمزور کرنا ممکن نہیں رہے گا اس لئے اسرائیل اور سعودیہ عرب ہر طرح سے ٹرمپ کو اکسا رہے ہیں کہ وہ کسی بھی طرح اقتدار ختم ہونے سے پہلے ایران پر حملہ کرے۔

مبشر لقمان کا مزید کہنا تھا کہ ان کے عزائم کو اندازہ آپ اس بات سے بھی لگا سکتے ہیں کہ چند روز پہلے جب ایران کے وزیر خارجہ جواد ظریف پاکستان کا دورہ کر رہے تھے انہی دنوں ایران سے متعلق امریکی مشیر Elite Abraham سعودی عرب میں تھے جہاں شاہ سلمان نے اس موقع پر دنیا کو پیغام دیا کہ ہم ایران کو اٹیمی ہتھیار بنانے کی اجازت نہیں دے سکتےاور ہمیں ایران کے خلاف متحد ہونے کی ضرورت ہے۔ سعودیہ کے بعد وہ یروشلم پہنچے جہاں امریکی سیکرٹری خارجہ Mike Pompeo بھی تین روزہ دورے پر موجود تھے۔ اور ان تمام ملاقاتوں کا مقصد صرف اور صرف ایران تھا۔ اس کے علاوہ ان ممالک کے آرمی چیفس کے درمیان بھی آن لائن بات چیت جاری ہے۔ اور یہ تمام خبریں خود اسرائیلی میڈیا رپورٹ بھی کر رہا ہے اور دعویٰ کیا جا رہا ہے کہ عرب ممالک ایران کے خلاف اسرائیل کا ساتھ دینے کے لیے مکمل تیار ہیں۔

مبشر لقمان کا مزید کہنا تھا کہ یروشلم پوسٹ میں صدر ٹرمپ کے حوالے سے بتایا گیا ہے کہ امریکی دفاعی عہدے داروں میں جو رد وبدل ڈونلڈ ٹرمپ کی جانب سے کی گئی ہے وہ ایسے ہی کسی بڑے اقدام کی نشاندہی کرتا ہے جس کے ذریعے وہ جو بائیڈن کے لیے حکومت میں آتے ہی عالمی سطح کے مسائل چھوڑنا چاہتے ہیں۔ اس لئے اب یہ طے ہے کہ یا تو امریکا خود ایران پرحملہ کرے گا یا پھر اسرائیل کو ایسا کرنے کے لئے گرین سگنل دے گا۔ جبکہ سعودیہ عرب اور اسرائیل کے درمیان پہلے ہی اس حوالے سے تمام معاملات طے پا چکے ہیں۔

مبشر لقمان کا مزید کہنا تھا کہ اور اس وقت حالات جتنے خراب ہو چکے ہیں ان کا اندازہ آپ اس بات سے لگا سکتے ہیں کہ اسرائیل نے ایران میں ایئر سٹرائیک بھی کی ہے۔ نیو یارک ٹائمز کے مطابق 1998 میں امریکی ایمبسی پرحملے کے ماسٹر مائنڈ اور القائدہ کے اہم ترین لیڈر ابو محمد البصری کو تہران میں ہلاک کردیا گیا ہے اور یہ سب دو اسرائیلی ایجنٹس کے ذریعے کروایا گیا ہے۔

مبشر لقمان کا مزید کہنا تھا کہ سعودی عرب کو ایران اور پاکستان کے بڑھتے ہوئے تعلقات پر بھی غصہ ہے جس کی وجہ سے وہ بھارت کے ساتھ مزید روابط بڑھا رہا ہے۔ سعودی عرب کومسلسل ملک کے اندر ہونے والے دہشت گرد حملوں کا بھی سامنا ہے جس نے سعودی حکمرانوں کی مشکلات میں اضافہ کر دیا ہے۔ لیکن ایران دشمنی اور اپنے مفادات کے حصول کے لئے محمد بن سلمان امریکا اور اسرائیل کے ساتھ مل کرجس خطرناک عالمی کشیدگی کا حصہ بننے جا رہے ہیں اس کے اثرات ایران اور ترکی کے ساتھ پاکستان کو بھی برداشت کرنا پڑیں گی جہاں پہلے ہی آوازیں اٹھ رہی ہیں کہ بھارت اور سعودی عرب کی سرمایہ کاری کو پاکستان کے اندرونی سیاسی حالات خراب کرنے کے لئے استعمال کیا جا رہا ہے جو پاکستانیوں کے لیے قابل قبول نہیں ہے۔

مبشر لقمان کا مزید کہنا تھا کہ لیکن پاکستان کے لئے اچھی خبر یہ ہے کہ چین کی سرپرستی میں جو بلاک بن رہا ہے وہ دن بہ دن مضبوط ہوتا جا رہا ہے۔ چین نے 15 ایشیائی ممالک کے دنیا کے سب سے بڑے فری ٹریڈ معاہدے پر دستخط کئے ہیں۔
Regional comprehensive economic partnrship آر سی ای پی میں چین، جاپان، جنوبی کوریا، نیوزی لینڈ اور آسٹریلیا سمیت دنیا کی معیشت کے 30 فیصد حصے دار اور جنوب مشرقی ایشیا کے 10 ممالک شامل ہیں۔ جو تمام ممالک کے رہنماؤں کی جانب سے کورونا وائرس سے متاثرہ معیشت کو بحال کرنے کی جانب ایک کوشش ہے۔ اس معاہدے کے تحت مصنوعات کی لاگت کو کم کیا جائے گا اور کمپنیوں کے لئے آسانیاں پیدا کی جائیں گے تاکہ بلاک کے اندر آسانی سے برآمدت کی جاسکیں کیونکہ ہر ملک کی مختلف ضروریات ہیں۔ ساتھ ہی یہ معاہدہ بیلٹ اینڈ روڈ منصوبے کو بھی سپورٹ کرے گا جس سے پاکستان کا مستقبل بھی جڑا ہوا ہے۔

مبشر لقمان کا مزید کہنا تھا کہ دوسری جانب امریکہ اور بھارت دونوں ہی اس میں شامل نہیں ہیں۔ جس سے خطے میں چین کی تجارتی بالادستی اور بھی زیادہ مضبوط ہو جائے گی۔ اور ایک اور پراجیکٹ جو چین کی بالادستی میں بہت اہم ہے وہ چین سیچوان تبت ریلوے پراجیکٹ ہے جس پر بڑی تیزی سے کام جاری ہے یہ پراجیکٹ اروناچل پردیش کے ساتھ بھارت کی سرحد کے کافی قریب ہے۔ دراصل چین اروناچل پردیش کو جنوبی تبت کا حصہ سمجھتا ہے جبکہ بھارت اسے مسترد کرتا ہے۔ چین کے صدرشی جن پنگ کا کہنا ہے کہ یہ ریلوے لائن سرحدی علاقوں میں استحکام کے لیے بہت اہم ہے اس پورے منصوبے کی لاگت 47.8 ارب ڈالر ہے اس ریلوے لائن سے تبت کے دارالحکومت سیچوان کے دارالحکومت چینگڈو کا سفر 13 گھنٹے کا ہو جائے گا جو ابھی 48 گھنٹے کا ہے۔ لیکن اہم بات یہ ہے کہ جیسے ہی چین یہ پراجیکٹ مکمل کرلے گا اس کے بعد وہ با آسانی اپنے میزائل بھارت کی سرحد تک لا سکتا ہے جس کے بعد اسے بھارت کے خلاف کسی کشیدگی میں ایٹمی ہتھیاروں کی بھی ضرورت نہیں رہے گی بلکہ وہ میزائل سے بھی نشانہ لگا سکے گا۔

مبشر لقمان کا مزید کہنا تھا کہ ویسے تو ایل اے سی کے قریب کے علاقوں میں بھارت بھی اپنا بھاری بجٹ خرچ کرکے انفراسٹرکچر پر بہت کام کر رہا ہے۔ لیکن مشکل یہ ہے کہ ٹرمپ کے جانے کے بعد صورتحال مکمل طور پر تبدیل ہونے والی ہے۔ ایک تو اب امریکہ کی بھی پالیسیاں چین سے ہٹ جائیں گی دوسرا یہ کہ جس طرح چین اپنے اتحادی ممالک کو مضبوط کرکے ایک الگ بلاک بنانے میں کامیاب ہو چکا ہے تو اس کے بعد بھارت اس خطے میں تنہائی کا شکار ہو جائے گا اور عالمی سطح پر بھی اسے اب پہلے کی طرح امریکہ کا ساتھ نہیں ملے گا۔

مبشر لقمان کا مزید کہنا تھا کہ جس سے صاف پتہ چلتا ہے کہ اب وہ ممالک جو کہ امریکی بلاک کا حصہ رہے ہیں امریکہ میں تبدیلی کے بعد ان کے لئے معاشی اور سفارتی سطح پر مشکلات آنے والی ہے۔ امریکی بلاک کا مستقبل طے کرنے کے لئے صدر ٹرمپ کے اقتدار کے یہ چند دن بہت اہم ہیں ان میں یا تو کوئی بہت بڑی کشیدگی جنم لے سکتی ہےجس میں زیادہ چانسز یہ ہیں کہ ایران کے ساتھ کشیدگی ہو گی ورنہ پھر بیس جنوری کے بعد معاملات سفارتی سطح پر بہت زیادہ بدل جائیں گے اور امریکہ کے اتحادیوں یعنی اسرائیل، سعودیہ عرب اور بھارت کو دوبارہ سے اپنا لائحہ عمل طے کرنا ہوگا۔

باغی ٹی وی کی رپورٹ کے مطابق سینئر صحافی و اینکر پرسن مبشر لقمان نے کہا ہے کہ ایک بہت ہی دکھی کہانی آپ کے ساتھ شیئر کر رہا ہوں،پاکستان کا کیا ایشیا کا کیا، دنیا کا بہت بڑا نام، عبدالستار ایدھی، آج انکے جتنے احسانات ہیں اس ملک ،قوم پر ، ان کا تذکرہ شروع کروں تو دو گھنٹے لگ جائیں گے کہ جوجو کام انہوں نے کیا،لیکن وہ شخص جس کو قائداعظم کے بعد سٹیٹ نے گن سلیوٹ دیا انکی آرگنائزیشن کے ساتھ یہ ہو رہا ہے کہ انکے ورکرز کو پکڑا جا رہا ہے، ایدھی سنٹرز پر پولیس کے چھاپے مارے جا رہے ہیں، جن بچیوں کی شادیاں کروائیں انکو گھروں میں جا کر تفصٰیلات مانگی جا رہی ہیں، بچوں کے والدین کے پاس جایا جا رہا ہے، بلقیس ایدھی ساتھ موجود ہیں

مبشر لقمان کا کہنا تھا کہ مجھے بہت افسوس ہو رہا ہے کہ اس طرح انٹرویو لے رہا ہوں، اطلاع ملی کی ایدھی سنٹر پر پولیس کے حملے ہو رہے ہیں کیا یہ سچ ہے اسکی تفصیل بتائیں گے جس پر بیگم بلقیس ایدھی نے کہا کہ ساٹھ سال سے حکومت کی اجازت سے کام کر رہے تھے، میاں بیوی دونوں، اگر لڑکیوں کی شادی کی انکی اپنی مرضٰ سے تو انکو بلا بلا کر ،ایف آئی اے والوں نے بلایا، پتہ نہین کیوں بلاتے ہیں، ایدھی صاحب اور میں نے یہ کام اسلئے نہیں کیا کہ اس نیتجے پر پہنچا دیں گے، جن کی شادیاں کروائیں تھیں انکے بچوں کی بھی شادیاں ہو گئی ہیں، 15 15 لڑکیوں کو ایف آئی اے والے بلاتے ہیں پتہ نہیں کیا پوچھتے ہیں، لوگ ڈر رہے ہیں

مبشر لقمان کا کہنا تھا کہ مجھے پتہ چلا کہ آپ بے ہوش ہو گئی تھیں کچھ دن پہلے جس پر بلقیس ایدھی کا کہنا تھا کہ دو دن پہلے میں بے ہوش ہو گئی تھی، حوصلہ ختم ہو گیا،ہاتھ پاؤں کانپ رہے ہیں،پریشانی ہی پریشانی ہے، دن میں دس بارہ فون آ رہے ہیں کہ ہائیکورٹ آ جاؤ، بچیوں کی شادیاں ہو گئیں، پتہ نہیں کیوں بلاتے ہیں، حکومت کی اجازت سے یہ کام شروع کیا تھا ساٹھ سال ہو گئے ،دو چار دن کی کوئی بات نہیں

بلقیس ایدھی کا کہنا تھا کہ ہمیں کوئی سمجھ نہیں آتی کہ ہم کیا کریں، ہم نے جن گھروں کو آباد کیا انکو مت اجاڑیں،میں پڑھی لکھی نہیں کسی بڑے سے دعا سلام نہیں، کوئی وجہ نہیں بتائی جاتی، لڑکیوں کے گھروں میں فون کئے جاتے ہیں کہ پیش ہوں، وہ کہتی ہیں کہ ہم کیوں جائیں ، دھمکی دی جاتی ہے کہ پولیس اٹھا لے گی،ساٹھ سال میں کبھی ایسا نہیں ہوا جو اب ہو رہا ہے، کوئی غلط کام نہیں کیا، بچے سکولوں میں پڑھتے ہیں، ہم پریشان ہیں، نیند نہیں آتی،پتہ نہیں کس بات کا بدلہ لے رہے ہیں

سعد فیصل ایدھی کا کہنا تھا کہ سوشل ویلفیر ڈیپارٹمنٹ سے رجسٹریشن وغیرہ کروانی تھی، کورٹ نے آرڈر دیئے کہ سب انکوائری کریں اس وجہ سے ہمیں تنگ کیا جا رہا ہے، صرف ہمیں تنگ کیا جا رہا ہے، مین ٹارگٹ ہم ہیں، باقی کسی کو تنگ نہین کیا جا رہا، ریکارڈ مانگا ہم نے دیا، شادیوں کا ریکارڈ مانگا وہ دیئے پھر بچوں کا ریکارڈ مانگا ہم نے وہ دیا، اب وہ کہتے ہیں کہ سب کو آفس بلواؤ، اس ٹایم تک نہین بلواؤ گے تو ہم پولیس سے اٹھوا لیں گے

سعد فیصل ایدھی کا مزید کہنا تھا کہ عدالت میں جو کیس چل رہا ہے اس میں ہم جاتے بھی ہیں، ہم نے سب ریکارڈ دے دیا ہے،

مبشر لقمان کا آخر میں کہنا تھا کہ مجھے نہیں پتہ کیا ہو رہا ہے، پاکستان میں پھیلے ایدھی سنٹر پر چھاپے پڑ رہے ہیں، کئی سنٹر کو بند کیا جا چکا ہے، بچے لینے والوں کے گھروں پر چھاپے پڑ رہے ہیں، جن بچیوں کی شادیاں ہوئیں انکو کہا جا رہا ہے کہ تھانوں میں آئیں، کوئی عجیب سا کورٹ کیس ہے کہ سوشل ویلفیر ڈیپارٹمنٹ میں رجسٹریشن ہے یا نہیں، مجھے اتنا پتہ ہے کہ اگر ایدھی ویلفیر کو سوشل ویلفیر سے رجسٹر کروانا ہے تو پھر اسکا اللہ حافظ ہے، دنیا ایدھی کا نام مانتی ہے، سندھ اور وفاق سے درخواست ہے کہ کم از کم دیکھ تو لیں سوچ لیں کہ کس گھر پر کیا کرنے جا رہے ہیں، حرمت والا گھر ہے ہمارے لئے پاکستانیوں کے لئے، دنیا کو ایک طرف کہتے ہیں کہ پاکستان میں زیادہ لوگ زکوۃ دہتے ہیں، سب سے زیادہ چیریٹی کرنے والے کے ساتھ ہم کیا کر رہے ہیں، اس ویڈیو کو شیئر کریں تا کہ ہر ایک تک پہنچ جائے، میں خود وزیراعظم سے رابطہ کر کے میسج دوں گا کہ اسکو روکا جائے، ہمیں بلقیس ایدھی کی حرمت کا پاس کرنا ہے، انکوائری ضرور کریں، قانونی تقاضے پورے کریں لیکن انکو تنگ نہ کریں، سوتیلے پن کا سلوک مت کریں

باغی ٹی وی کی رپورٹ کے مطابق وزیراعظم عمران خان نے کہا ہے کہ جی بی انتخابات میں ووٹ کاسٹ کرنے پر عوام کا مشکور ہوں

کابینہ اجلاس کے بعد میڈیا سے گفتگو کرتے ہوئے وزیراعظم عمران خان کا کہنا تھا کہ گلگت بلتستان کی خواتین نے سرد موسم میں گھروں سے نکل کر فرض ادا کیا،ہم نے گلگت بلتستان کو عبوری صوبہ بنانے کا وعدہ پورا کیا،جی بی انتخابات میں پی ٹی آئی پر اعتماد کرکے عوام کا شکریہ ادا کرتا ہوں گلگت بلتستان کےعوام کا بھرپوراعتماد پرشکرگزارہوں ،2013انتخابات میں ہم نے 4 حلقے کھولنے کا مطالبہ کیا تھا،4 حلقے کھولنے کا مطالبہ 2018 انتخابات کی شفافیت کے لیے کیا تھا،4 حلقے کھولنے کےلیے ہم نے ہر فورم پر آواز اٹھائی ،2013 انتخابات میں تمام جماعتوں نے دھاندلی کا الزام لگایا ،ایک سال تک 4 حلقے کھولنے کامطالبہ کیا، پھر دھرنا دیا،بہترین انتخابی اصلاحات کے خواہاں ہیں،

وزیراعظم عمران خان کا کہنا تھا کہ ہم گلگت بلتستان کو عبوری صوبہ بنانے کا وعدہ پورا کریں گے ،میں نے شفاف الیکشن مہم چلائی ہم چاہتے ہیں ایسا انتخابی عمل ہو جس کے دونوں جانب امیدوار نتائج تسلیم کرے ،شفاف الیکشن کیلئےتحریک چلی،لوگوں کی جانیں بھی گئیں ،پیپلزپارٹی نے2013 کےانتخابات کو آر او الیکشن کہا تھا،4 حلقے کھولنے کا مقصد خامیوں کی نشاندہی کرتے ہوئے 2018 میں دورکرنا تھے ،

شاہد خاقان عباسی نے گلگت الیکشن میں دھاندلی کے الزامات عائد کر دیئے

ووٹ چوری ہوا، بلاول، پی پی کا ریٹرننگ افسرکے دفتر کے باہر دھرنا جاری

مریم نواز جمہوریت پربھاشن دینے کی بجائے بتائیں یہ "کام” کیسے کیا؟ شبلی فراز

چھینی گئی سیٹیں واپس لیں گے ورنہ اسلام آباد جائیں گے،بلاول کا اعلان

گلگت بلتستان انتخابات میں دھاندلی کیخلاف پیپلزپارٹی کا ملک گیر احتجاج کا اعلان

کرونا سے ڈرایا نہ جائے،ہم جلسے کریں گے، پیپلز پارٹی ڈٹ گئی،نفیسہ شاہ نے سنگین الزام بھی لگا دیئے

گلگت بلتستان الیکشن،مولانا فضل الرحمان بھی میدان میں آ گئے،بڑا اعلان کر دیا

گلگت بلتستان، غیر حتمی نتائج،بلے پر ٹھپہ چل گیا، باقی جماعتوں‌ کو کتنی سیٹیں ملیں؟

گلگت الیکشن میں تحریک انصاف کی کامیابی، وفاقی وزراء نے اپوزیشن کو کھری کھری سنا دیں

گلگت الیکشن،سادہ اکثریت بھی حاصل نہ کرنا شرمناک شکست ہے،مریم برس پڑیں

وزیراعظم عمران خان نے پاکستا ن میں الیکٹرونک ووٹنگ لانے کا اعلان کر دیا اور کہا کہ سینیٹ کے الیکشن کو شفاف بنانے کے لئے سسٹم  لے کر آ رہے ہیں اوورسیز پاکستانیوں کے ووٹ پر بھی کام کر رہے ہیں اور ہمارے ۹۰ لاکھ بیرون ملک پاکستانی بھی ووٹ ڈال سکیں گے۔پاکستان میں الیکٹرانک ووٹنگ اور اوور سیز پاکستانیوں کیلئے ووٹنگ میں حصہ ڈالنے کا طریقہ کار پہلی فرصت میں اسمبلیوں سے منظور کرایا جایئگا

وزیراعظم عمران‌ خان کا مزید کہنا تھا کہ سب کہتے ہیں سینیٹ الیکشن میں پیسہ خرچ ہوتا ہے ،وزرا اور کمیٹی نے انتخابی اصلاحات پرکام کیاہے،الیکشن میں ماڈرن ٹیکنالوجی کااستعمال ہوگا کوئی بھی برسر اقتدارحکومت ایسی اصلاحات نہیں لاسکتی