Category: اہم خبریں

سندھ ہائیکورٹ کا تاریخی کارنامہ،62 لاپتہ افراد بازیاب کروا لئے،عدالت نے دیا بڑا حکم

باغی ٹی وی کی رپورٹ کے مطابق جبری لاپتا افرادکی بازیابی سے متعلق کیسز میں سندھ ہائیکورٹ کا تاریخی کارنامہ،جسٹس نظر اکبر اور جسٹس مبین لاکھو پرمشتمل بینج نے 28 روز کی سماعتوں کےدوران 62لاپتہ افراد بازیاب کروالیے

بازیاب ہونے والے افراد کئی ماہ سے لاپتہ تھے،بازیاب ہوکر واپس آنے والے شہریوں کے اہلخانہ نے خوشی کا اظہار کیا، عدالت نے ایک ماہ کے دوران جبری گمشدگیوں سے متعلق 162درخواستیں بھی نمٹادیں،لاپتہ افراد کی بازیابی سے متعلق ایس اوپیز پر عمل درآمد نہ کرنے پر کئی ڈی ایس پیز اور انسپکٹرز کو معطل بھی کیا گیا

عدالت نے غلط بیانی کرنے اور ناقص تفتیش پر کئی پولیس افسران کے خلاف محکمہ جاتی کارروائی کا بھی حکم دیا گیا،لاپتہ افراد کی عدم بازیابی پر آئی جی سندھ ،سیکریٹری داخلہ ،ڈی آئی جی ایسٹ ،ڈی آئی جی سی ٹی ڈی اور دیگر افسران کو بھی طلب کیا گیا

ایئرپورٹ حملہ کیس کے ملزم ندیم پٹیل کے اغوا کے الزام میں انچارچ سی ٹی ڈی راجہ عمر خطاب کے خلاف بھی مقدمہ درج کیا گیا،جسٹس نظراکبر کا کہنا تھا کہ جو تفتیشی افسران لاپتہ افراد کے کیس میں ناقص تفتیش کرینگے یا شواہد جمع نہیں کرینگے ان کے خلاف کارروائی ہوگی،عدالت نے دیگر گمشدہ افراد کی فوری بازیابی کا حکم دے دیا

لاپتہ افراد بازیابی کیس: ہائی کورٹ نےغفلت برتنے پر 4 ڈی ایس پیز معطل کردیئے

باغی ٹی وی کی رپورٹ کے مطابق موٹروے پر خاتون سے اجتماعی زیادتی کے واقعہ کے بعد پولیس کی ناکامی سامنے آئی ہے، 3 روز گزر جانے کے باوجود تا حال ملزمان کو گرفتار نہیں کیا جا سکا

وزیراعلیٰ پنجاب کے پولیس میں تبادلوں کی وجہ سے پولیس کا مورال ڈاؤن ہے، افسران کام کرنے کو تیار نہیں، آئی جی پنجاب کے تبادلے کے اگلے روز ہی زیادتی کا واقعہ پیش آیا جو نئے آئی جی کے لئے ایک ٹیسٹ کیس تھا ، سی سی پی او نے غلط بیان دے کر جلتی پر تیل ڈالنے کا کام کیا، الٹے سیدھے بیان تو دے دیئے لیکن مجرم ابھی بھی آزاد ہیں،

واقعہ پر آئی جی پنجاب انعام غنی کا کہنا ہے کہ تاحال کوئی ملزم گرفتارنہیں ہوا تاہم پولیس دن رات ملزمان کی تلاش میں مصروف ہے۔

دوسری جانب موٹروے پر زیادتی کا شکار خاتون کی ابتدائی میڈیکل رپورٹ سامنے آگئی تھی۔ میڈیکل رپورٹ میں خاتون کے ساتھ زیادتی ثابت ہوگئی ہے۔ متاثرہ خاتون کا میڈیکل کوٹ خواجہ سعید اسپتال سے کرایا گیا۔ 7 مشتبہ افراد کا ڈی این اے میچنگ کروا لیا گیا۔ پولیس نے کرول گاؤں کے سینتالیس مردوں کے ڈی این اے سیمپل بھی لے لیے ہیں۔

پولیس نے جائے وقوعہ کے اطراف میں رہائشیوں سمیت 70 سے زائد جرائم یافتہ افراد کو شارٹ لسٹ بھی کر لیا گیا ہے۔ اس سے قبل پولیس نے کہا تھا کہ متاثرہ خاتون کی گھڑی اورانگھوٹھی مل گئی ہے اور 15 مشتبہ افراد کو حراست میں لیا گیا ہے۔

ایف آئی آر میں نامزد ملزمان سے ملتے جلتے حلیہ جات کے حامل 15 مشتبہ افرادکی پروفائلنگ کی گئی ہے۔ تین مختلف مقامات سے جیو فینسنگ کیلئے موبائل کمپنیوں کے حاصل کردہ ڈیٹا کا تجزیہ کیا جارہا ہے۔ لوکل کیمرہ جات سے مشتبہ افراد کو ویڈیو ریکارڈنگ حاصل کرکے شناخت کو آگے بڑھایا جارہا ہے۔

زیادتی کا نشانہ بننے والی خاتون کے رشتہ دار اور مقدمے کے مدعی کو شامل تفتیش کرنے کا فیصلہ کرلیا گیا ہے۔ کرمنل ریکارڈ رکھنے والے 70 سے زائد افراد کی سخت نگرانی بھی کی جا رہی ہے، کرول گھاٹی کے رہائشیوں کا ڈی این اے بھی کیا جائے گا۔

گزشتہ روز وزیراعلیٰ پنجاب کی قائم کردہ کمیٹی نے جائے وقوعہ کا معائنہ کیا، وزیر قانون پنجاب راجہ بشارت، آئی جی پنجاب انعام غنی بھی جائے وقوعہ پہنچے، ان کا کہنا تھا کہ واقعہ کی تفتیش کو جدید سائنسی خطوط پر آگے بڑھایا جا رہا ہے، ملزمان جلد قانون کے کٹہرے میں ہونگے۔

پولیس ذرائع کے مطابق لاہور تا سیالکوٹ موٹروے پر خاتون سے اجتماعی زیادتی کے واقعہ کی تحقیقات جاری ہیں۔جائے وقوعہ کی جیو فینسنگ کر دی گئی ہے ملزموں کی تلاش کیلئے سی سی ٹی وی فوٹیجز کی مدد بھی لی جا رہی ہے۔ پولیس نے متاثرہ خاتون کے بیان پر ملزمان کے خاکے بھی بنوا لیے ہیں۔

طلبا کے ساتھ زیادتی کرنے، ویڈیو بنا کر بلیک میل کرنے والے سابق پولیس اہلکار کو عدالت نے سنائی سزا

لاہور میں 2 بچیوں کے اغوا کی کوشش ناکام،ملزم گرفتار

پولیس ناکے پر 100روپے کے تنازعے پر دو پولیس اہلکار آپس میں لڑ پڑے

خاتون کی غیر اخلاقی ویڈیو وائرل کرنیوالا ملزم لاڑکانہ سے گرفتار

موٹروے کے قریب خاتون سے مبینہ زیادتی ،پولیس کی 20 ٹیمیں تحقیقات میں مصروف

‏موٹروے پر اجتماعی زیادتی کا سن کر دل دہل گیا ، ملوث تمام افراد کو کیفر کردار تک پہنچایا جائے ، مریم نواز

موٹر وے کے قریب خاتون سے اجتماعی زیادتی،سراج الحق کا ملزمان کی گرفتاری کیلئے 48 گھنٹوں کا الٹی میٹم

درندہ صفت مجرمان کو پھانسی کی سزا دی جائے۔ دردانہ صدیقی

زیادتی کے مجرموں کو خصوصی عدالت کے ذریعے فی الفور سزا دی جائے،کل مسالک علماء بورڈ

آبروریزی کے بڑھتے واقعات کسی بڑی تباہی کی نشاندہی کر رہے ہیں، علامہ عبدالخالق اسدی

پنجاب پولیس کی اعلیٰ کارکردگی،موٹروے زیادتی کیس کے ملزم تیسرے روز بھی گرفتار نہ ہو سکے

موٹروے پر خاتون سے اجتماعی زیادتی، واحد عینی شاہد نے کیا منظر دیکھا؟ بتا دیا

قائمہ کمیٹی برائے مذہبی امور کا سی سی پی او لاہور کی برطرفی کا مطالبہ

سی سی پی او لاہور کو نشان عبرت بنایا جائے،اسکے ہوتے ہوئے عورت محفوظ نہیں رہ سکتی، مریم اورنگزیب

خاتون سے زیادتی کے بعد پولیس کو ہوش آ گیا،لاہور سیالکوٹ موٹروے پر پولیس تعینات

زیادتی کے مجرموں کیلئے سرعام پھانسی کی سزا کیلئے آواز اٹھائی ہے،فیصل واوڈا

موٹروے پر خاتون زیادتی کیس میں اہم پیشرفت، دو مشتبہہ ملزمان گرفتار

واضح رہے کہ تین روز قبل لاہور کے علاقے گجر پورہ میں موٹر وے پر خاتون کو اجتماعی زیادتی کا نشانہ بنانے کا انتہائی افسوسناک واقعہ پیش آیا تھا۔ دو افراد نے موٹر وے پہ ایک گاڑی کا شیشہ توڑ کر خاتون اور ان کے بچوں کو باہر نکالا جس کے بعد انہیں قریبی جھاڑیوں میں لے جا کر خاتون کو بچوں کے سامنے مبینہ طور پر زیادتی کا نشانہ بنایا۔

گوجرانوالہ سے تعلق رکھنے والی خاتون لاہور سے گوجرانوالا جارہی تھی، کار کا پٹرول ختم ہونے کے باعث موٹروے پر گاڑی روک کر شوہر کا انتظار کر رہی تھی، پہلے خاتون نے اپنے ایک رشتے دار کو فون کیا، رشتے دار نے موٹر وے پولیس کو فون کرنے کا کہا۔

موٹروے ہیلپ لائن پر خاتون کو جواب ملا کہ گجر پورہ کی بِیٹ ابھی کسی کو الاٹ نہیں ہوئی اور موٹر وے پولیس بھی نہیں آئی۔ رشتے داروں کے پہنچنے سے پہلے ہی دو افراد نے خاتون کو زیادتی کا نشانہ بنایا، ملزمان خاتون سے ایک لاکھ روپے نقد، سونے کے زیورات اور اے ٹی ایم کارڈز بھی لے گئے۔

سی سی پی اوکے ہاتھوں عوام کا جان و مال محفوظ نہیں،اسکو کیوں لگایا گیا؟ رانا ثناء اللہ کا انکشاف

بیجنگ:امریکا پاکستان اور ہمیں دشمن سمجھنے کی غلطی نہ کرے: اطلاعات کے مطابق دوست ملک چین کا کہنا ہے کہ امریکا پاکستان اور چین کو دشمن سمجھنے کی غلطی نہ کرے۔ چین کی دفتر خارجہ کے ترجمان ZHAO LIJIAN نے جمعہ کے روز بیجنگ میں معمول کی بریفنگ کے دوران کیا۔

چینی وزارت خارجہ کی سماجی رابطے کی ویب سائٹ ٹویٹر پر جاری کردہ بیان کے مطابق ترجمان چینی دفتر خارجہ ژاؤ لی جیان کا کہنا تھا کہ امریکا پاکستان اور چین کو دشمن سمجھنے کی غلطی نہ کرے، حقیقت میں دہشتگردی اور کورونا وائرس اصل دشمن ہے۔

 

 

Terrorism is a common challenge to the world. Pakistan has made great efforts and sacrifices in combating terrorism, which should be fully recognized and respected. The US should not mistake China and Pakistan for its enemies. In reality, terrorism and #COVID19 is the real enemy. pic.twitter.com/lspxcrjst1

— CHINA MFA Spokesperson 中国外交部发言人 (@MFA_China) September 11, 2020

چین نے دہشت گردی کے خلاف جنگ میں پاکستان کی شاندار کوششوں اور قربانیوں کی تعریف کرتے ہوئے عالمی برادری پر زور دیا ہے کہ وہ انہیں مکمل طور پر تسلیم کرے اور ان کا احترام کرے۔ دہشتگردی عالمی دنیا کا مشترکہ چیلنج ہے۔

ژاؤ لی جیان کا کہنا تھا کہ دہشت گردی تمام ممالک کو درپیش مشترکہ مسئلہ ہے اور پاکستان نے دہشت گردی کے خلاف جنگ میں بہت قربانیاں دی ہیں۔ تمام ممالک کو باہمی احترام مساوات اور مفادات کی بنیاد پر عالمی امن اور سلامتی کے مشترکہ دفاع کے لئے انسدا د دہشت گردی کے لئے عالمی تعاون کرنا چاہیے۔انہوں نے کہا کہ چین اس امر پر یقین رکھتا ہے کہ اقوام متحدہ کو اس سلسلے میں کلیدی کردار ادا کرنا چاہیے۔

یاد رہے کہ اس سے قبل چینی وزارت خارجہ کے ترجمان ژاو لی جیان کا کہنا تھا کہ سی پیک اتھارٹی بننے کے بعد پاک چین اقتصادی راہداری کے منصوبوں میں نئی پیشرفت ہوئی ہے۔

 

 

China-Pakistan relations emerge stronger after COVID-19 with deeper trust, cooperation & friendship. Since the establishment of #CPEC Authority, new progress has been made in #CPEC. @ForeignOfficePk @CathayPak @CPEC_Official @CPECAuthority @AsimSBajwa
pic.twitter.com/lTZMGRlev6

— Lijian Zhao 赵立坚 (@zlj517) September 7, 2020

چینی وزارت خارجہ کے ترجمان نے لکھا کہ پاکستان کے ساتھ دوطرفہ تعلقات کے بارے میں وزیراعظم عمران خان کے مثبت بیان کو سراہتے ہیں ۔انہوں نے کہا کہ چین اور پاکستان، جو سدا بہار تذویراتی تعاون کے شراکت دار ہیں، کے درمیان ہمیشہ سے باہمی اعتماد، تعاون، دوستی اور حمایت پرمبنی تعلقات ہیں۔

انہوں نے کہاکہ اس سال کورونا وائرس کی آزمائش کاکامیابی سے مقابلہ کرنے کے بعد چین اور پاکستان کے تعلقات مزید مستحکم ہوئے ہیں۔

باغی ٹی وی کی رپورٹ کے مطابق سینئر صحافی و اینکر پرسن مبشر لقمان نے کہا ہے کہ میں کل سے بہت شدید دکھ میں ہوں ، غصہ آتا ہے انسان کو لیکن سی سی پی او کے بیان کو سن کر غصہ آتا ہے اور جس طرح ڈیفنڈ کر رہے ہیں شہزاد اکبر، عثمان بزدار ،بہت ہی افسوسناک بات ہے، زیادہ سے زیادہ کیا ہو گا کہ سی سی پی او کا معطل کر دیا گیا،اسکی وجہ سے آئی جی کا تبادلہ کیا گیا، سی سی پی او کی رپورٹ میں لکھا گیا ہے کہ یہ مورالی، فزکلی کرپٹ ہے لیکن کسی نے اس پر اسلام آباد میں بیٹھ کر سوچا اور اس کو سی سی پی او لگا دیا،اور تمام لوگوں کو قربانی دینا منظور کی

مبشر لقمان کا کہنا تھا کہ واٹس ایپ گروپس میں لوگ بحثیں کر رہے ہیں کہ عورت الگ کیوں گئی، پتہ نہیں کس قسم کے ذہنی مریض ہیں لوگ، انکو یہ نہیں پتہ کہ وہ کس مجبوری میں جا رہی تھی، کون کس طرح جا رہا ہے، وہ اسکو نہیں دے رہے، ایک مورال بریگیڈ بن گیا ہے،یہ نہیں دیکھا جا رہا ہے کہ پنجاب میں کرائم کا ریشو کتنا بڑھ گیا ہے،اتنا زیادہ کہ آپ کے رونگٹے کھڑے ہو جائیں ، آج رانا عظیم میرے دیرینہ دوست، بھائی ہمارے ساتھ موجود ہیں

مبشر لقمان نے سوال کیا کہ رانا صاحب آپ نے کرائم کی بڑی بیٹ کی ہے،پہلے تو کبھی آپ اتنا مصروف نہیں ہوتے ہوں گے جس پر رانا محمد عظیم کا کہنا تھا کہ پہلے ایسے واقعات نہیں ہوتے تھے، پہلے کبھی کبھار ایک آدھ واقعہ ہو جاتا تھا،اور اس واقعہ کے فوری بعد ملزم گرفتار ہو جاتا پولیس چینلنج سمجھتی تھی، ملتان میں ایک واقعہ ہوا جس میں بڑے بڑے جاگیر دار بھی پکڑے گئے اس وقت ٹی وی نہیں تھے، لاہور میں ایک صائمہ کا واقعہ ہوا، تین گھنٹوں میں ملزم پکڑے گئے تھے، پولیس کا جدید نظام نہیں تھا ، اخبار میں سنسر ہوتا تھا، موبائل نہیں ہوتا تھا پھر بھی ملزم پکڑے گئے، لیکن اس واقعہ کے بعد تین معصوم بچے ،جب تک زندہ رہیں گے ہر رات ،دن انکے لئے خوفناک ہو گا ،سی سی پی او نے کیا بیان دیا، جس معاشرے میں پولیس افسر ریاست مدینہ، میں کہتا ہوں کہ عمران خان ٹھیک ہوں گے جس پر مبشر لقمان کا کہنا تھا کہ جب عورتوں کی عزت محفوظ نہیں تو کوئی ہماری دوستی نہیں میں اس بات پر کلیئر ہون، آپ نے پانچ آئی جی بدل دیئے، پانچ چیف سیکرٹری بدل دیئے، ایک وزیراعلیٰ بدل کر دیکھ لیں کیا ساری برائیوں کی جڑ یہی تو نہیں

رانا محمد عظیم کا کہنا تھا کہ آپ نے اچھی بات کی لیکن انکو حکم نہیں ہے، جہان سے انکو حکم ملتا ہے وہاں سے‌ حکم نہیں آیا بزدار کو بدلنے کا،آپ کی اچھی دوستی ہے، جس پر مبشر لقمان کا کہنا تھا کہ میری اچھی دوستی ہے لیکن میں پاکستانی ہوں اور انسان ہوں،میں اپنے دوست کی غلط بات کو نظر انداز نہیں کر سکتا جس سے ملک کو نقصان ہو رہا ہو، جس پر رانا عظیم کا کہنا تھا کہ ملک کا اس سے بڑھ کر کیا نقصان ہو گا کہ آج ہر گھر میں یہ بات ڈسکس ہو رہی ہے، جو خواتین ملازمت کرتی ہیں، باہر جاتی ہیں ،کسی نے رشتے دار کے گھر جانا ہے تو کیا ہم انکو کہہ دیں کہ سات بجے کے بعد گھر سے نہ نکلیں

مبشر لقمان کا کہنا تھا کہ مسئلہ ایک اور ہے، جو بندوں کے ساتھ کرائم ہو رہے ہیں، وہ رپورٹ نہیں ہو رہے، پولیس دونوں ہاتھوں سے کھا رہی ہے، ارباب اقتدار ایپریشیٹ کر رہے ہیں جس پر رانا عظیم کا کہنا تھا کہ بالکل اوپر تک بھتہ جا رہا ہے،میں آپ کو یہ مصدقہ کہہ رہا ہوں اور پنجاب پولیس کو مکمل چیلنج کر رہا ہوں آپکے پروگرام میں، ایک فیصد کیس رجسٹر ہوتا ہے اسکا جو تگڑا ہوتا ہے،جس کی سفارش ہو

مبشر لقمان کا کہنا تھا کہ پچھلے محرم کی سات تاریخ کو ایک پرچہ کی درخواست تھی لیکن آج تک نہیں درج ہوا، ایس پی انویسٹی گیشن نہیں ملتے، عدالتی حکم بھی نہیں مان رہے، دوسرا پرچہ ارشد انصاری اور آپ لوگ گئے تھے وہ بھی نہیں ہو رہا، اگر آپ کا اور میرا پرچہ نہیں ہو رہا جو جائز ہے تو کون تگڑا ہے اس ملک میں جس کا پرچہ ہو گا، رانا محمد عظیم کا کہنا تھا کہ تگڑا وہ ہے جو کرپٹ ہو، آپ اور میں کرپٹ نہیں ہیں، آپ اور میں کسی کو کوئی چیز مہیا نہیں کرتے.

مبشر لقمان نے سوال کیا کہ کیا عثمان بزدار کرپٹ ہے،جس پر رانا عظیم نے کہا کہ ایماندار ہے ؟ مبشر لقمان نے کہا کہ نہیں مجھے تو نہیں لگتا، رانا محمد عظیم کا کہنا تھا کہ گوجرانوالہ ،پنڈی میں واقعہ ہو گیا، موٹروے پر درخت گرا کر گاڑیوں کو لوٹا گیا،فائرنگ کی گئی میں حکمران ہوتا تو استعفیٰ دے دیتا،جس پر مبشر لقمان نے کہا استعفیٰ؟ وہ آدمی کسی کو دعا نہیں دیتا، استعفیٰ دے گا، رانا محمد عظیم کا کہنا تھا کہ وہ دور نہیں کہ آپ سمجھیں لوگ بھول جائیں گے،مبشر لقمان کا کہنا تھاکہ لوگوں کو فکر معاش پر ڈال دیا گیا ہے، جس پر رانا محمد عظیم کا کہنا تھا کہ فکر معاش پر ڈال دیا، جو لوگ سمجھتے ہیں کوئی باہر نہیں نکلے گا یہ سب سے بڑی غلطی ہے، آپ کو یاد ہے نابیناؤں پر لاٹھی چارج ہو ا تھا ، آپ نے کال دی تھی، آپ کی سیاسی جماعت نہیں تھی،اسوقت اس سے بری حالت تھی،آج بد قسمتی یہ ہے کہ نہ سیاسی جماعت، نہ موم بتی مافیا، نہ سوشل ورکر،نہ ادارے،آج اگر کوئی کہہ دیتا ،مجھے مایوسی ہوئی ، حسان نیازی نے کہا کہ میں معطل کروانے کے لئے درخواست دینے جا رہا ہوں، چند لوگ تھے اس کے ساتھ، سی سی پی او کے خلاف درخواست اسکے آفس میں دینے جا رہے ہو، عوام اپنا حق دینے کے لئے نکلے، قصور کے واقعہ پر آپ نے کتنا سٹینڈ لیا تھا، اسوقت قوم جاگ جاتی ، کہ ایسے ملزموں کو موت سر عام دینی ہے تو ایسے واقعات نہ ہوتے.

مبشر لقمان کا کہنا تھا کہ ہم برا تو کہتے ہیں کہ قاتل جمہوریت، لیکن ضیاء الحق نے ایک پپو کے قاتلوں کو چند گھنٹوں میں پکڑ کر عبرتناک سزا دی اسکے بعد بچے اٹھنا بند ہو گئے تھے، رانا محمد عظیم کا کہنا تھا کہ میں ایسی جمہوریت کو نہیں مانتا جس میں عورتوں کی عزتیں محفوظ نہیں، میں ایسی جمہوریت کو نہیں مانتا جس میں انصاف نہیں ملتا،جس میں سوائے کرپشن کے کچھ نہیں، آمریت کروڑ درجے بہتر ہے جس میں انصاف مل جائے.

مبشر لقمان کا کہنا تھا کہ آپ کا چیف منسٹر مکر گیا ہے کہ میں نے ڈی جی کو کہا ہی نہیں، شراب کی پرمٹ دے دو، جس پر رانا عظیم کا کہنا تھا کہ اسکی تحقیقات ہو رہی ہے،اسکا غیر متوقع ریزلٹ آئے گا، وفاق کی ایک اہم شخصیت کوشش کر رہی ہے کہ تحقیقات رک جائے لیکن نہیں رکے گی، مبشر لقمان کا کہنا تھا کہ تھقیقات کا پہلے کیا ہے؟ باقر نجفی کی تحقیقات ہوئی وہ جج ہیں،کیا ریزلٹ آیا، حمود الرحمان کمیشن رپورٹ سے شروع ہوں، 17 رپورٹ ہیں کیا ریزلٹ آیا،نواز شریف کو اقامے پر نکالا، اداروں میں عدلیہ کے ساتھ بڑے ادب سے کہہ رہا ہوں کہ والیم ٹین کھولیں، جو اسکو کھلنے نہیں دے رہا، اسکا اپنا نام تو نہیں ہے، جس پر رانا عظیم کا کہنا تھا کہ والیم ٹین سمیت ہر اس راز کو سامنے آنا چاہئے جو اس ملک کے خلاف تھا، مبشر صاحب ہمت نہ ہاریں، آپ واحد شخیصیت تھے جو ہمیں ہمت دیتے تھے،وہ آئے گا،مبشر لقمان کا کہنا تھا کہ غصہ اس بات پر آ رہا ہے کہ پڑھے لکھے لوگ عورت کو مورد الزام ٹھہرا رہے ہیں ریپ کرنے والے کو اسکے شہر میں سب سے اونچے درخت پر ٹانگنا چاہئے اور تب تک لٹکا رہنا چاہئے جب تک اسکو گدھ نہ کھا لیں،جس پر رانا عظیم کا کہنا تھا کہ بالکل ایسا ہونا چاہئے، میں اسکا حامی ہوں،اور میں کہتا ہوں کہ اللہ کرے ایسا نظام آ جائے، اگر نہیں تو پھر کیا ہو گا

مبشر لقمان کا کہنا تھا کہ آپ کی پولیس، چیف منسٹر کو یہ آئیڈیا ہے کہ جب لوگوں نے قانون ہاتھ میں لینا شروع کر دیا تو کیا ہو گا، رانا محمد عظیم کا کہنا تھا کہ یہ جو حالات ہو رہے ہیں، آج سوشل میڈیا پر لوگوں نے کہا کہ گاڑی میں جانا ہے تو پسٹل رکھیں،مبشر لقمان کا کہنا تھا کہ میں اور آپ تو پسٹل خرید لیں گے، غریب کہاں سے لے گا، وہ کیا کرے، کلہاڑیاں رکھے، جس پر رانا عظیم کا کہنا تھاکہ بالکل رکھے، اس وقوعے کو روکنے کے لئے میڈیا میں کتنا شور مچا ہے، جس پر مبشر لقمان نے کہا کہ چھوڑیں، آپکے فیورٹ کامران خان،اب ایک اسمبلی میں بل آنے والا ہے تحریک ناموس کامران خان، کہ اس پر بات نہ کی جائے،مجھے سمجھ نہیں آتی کہ اینکر کہاں جا کر بک گئے اور کیوں بک گئے، جس پر رانا عظیم کا کہنا تھا کہ ہم نے سچ بولنے کا حلف اٹھایا تھا، رزق اللہ نے دینا ہے، قلم ،زبان کا غلط استعمال نہ کریں ، کسی کی اتنی ٹیسی کرین جتنی مناسب ہو،

مبشر لقمان کا کہنا تھا کہ میں کامران خان کو جانتا ہوں اور میری ان سے اچھی سلام دعا ہے،لیکن دکھ ہوتا ہے کہ پچھلے ایک سال سے جو وہ کر رہے ہیں،جس طرح وہ دلائل دے رہے ہیں،رانا محمد عظیم کا کہنا تھا کہ مجھے رات کو بڑا مزہ آیا،کاشف عباسی، ندیم ملک، حامد میر کا پروگرام دیکھ کر،جس پر مبشر لقمان کا کہنا تھا کہ سب اچھے لوگ ہیں، حامد میر سے میرا اختلاف ہو سکتا ہے لیکن وہ دلیر ہے،رانا عظیم نے کہا کہ میں ایک بیٹی کا باپ، ایک بہن کا بھائی ہوں، مجھے پتہ ہے کہ درد کیا ہے، کرائم بیٹ میں سسکتی ہوئی بچیوں کو دیکھا، یہ واقعہ حکومت کے لئے ایک چیلنج تھا،

رانا محمد عظیم کا کہنا تھا کہ کس کس کو بھولیں گے، ان تین بچوں میں سے ایک بچہ ایسا نکل آیا جس نے فیصلہ کر لیا کہ میں نے انصاف لینا ہے ،تو اسکے جسم پر بندھے بم سے کون بچائے گا، میں نے تاریخ پڑھی ہے کہ خود کش بمبار کیسے بنتے تھے، مبشر لقمان کا کہنا تھا کہ پنجاب حکومت کی بے حسی پر میرے پاس کچھ کہنے کو الفاظ ہی نہیں ہیں.رانا عظیم نے کہا کہ جو لوگ سمجھتےہیں کہ کچھ نہیں ہونا وہ جال میں پھنسنے والے ہیں،

نیویارک:اسرائیل اور بحرین امن معاہدے کے لیے رضا مندہوگئےہیں: ٹرمپ کا اعلان مسرّت،اطلاعات کے مطابق متحدہ عرب امارات (یو اے ای) کے بعد ایک اور عرب ملک بحرین نے اسرائیل کے ساتھ تعلقات استوار کرنے کا فیصلہ کر لیا۔ جس کا اعلان امریکی صدر ڈونلڈ ٹرمپ نے کیا۔

امریکی صدر ڈونلڈ ٹرمپ نے سماجی رابطے کی ویب سائٹ ٹویٹر پر لکھا کہ آج ایک اور تاریخی پیشرفت ہوئی ہے، ہمارے دو بہترین دوست اسرائیل اور بحرین امن معاہدے کے لیے رضا مند ہو گئے ہیں۔ اسرائیلی وزیراعظم بنیا من نیتن یاہو اور بحرین کے بادشاہ حماد بن عیسیٰ بن سلمان الخلیفہ سے ٹیلیفونک رابطہ ہوا ہے۔ ٹویٹر پر انہوں نے مزید لکھا کہ بحرین 30 روز کے دوران اسرائیل کے ساتھ تعلقات استوار کرنے والا دوسرا عرب ملک ہے۔

 

 

Joint Statement of the United States, the Kingdom of Bahrain, and the State of Israel pic.twitter.com/xMquRkGtpM

— Donald J. Trump (@realDonaldTrump) September 11, 2020

خبر رساں ادارے کے مطابق بحرین اور متحدہ عرب امارات (یو اے ای) 15 ستمبر کو وائٹ ہاؤس میں اسرائیل کے ساتھ معاہدے پر دستخط کریں گے۔ اس سے قبل اسرائیل اور عرب ممالک کے درمیان قربتیں بڑھنے لگیں، متحدہ عرب امارات (یو اے ای) نے اسرائیل کیساتھ تعلقات استوار کر لیے تھے۔ یو اے ای اور اسرائیل کے درمیان امن معاہدہ ہوا تھا۔

برطانوی خبر رساں ادارے ’رائٹرز‘ کے مطابق یہ معاہدہ امریکی صدر ڈونلڈ ٹرمپ کے تعاون سے ہوا، معاہدے کے مطابق اس کے نتیجے میں اسرائیل مقبوضہ غرب اردن کے مزید علاقے اسرائیل میں ضم کرنے کے منصوبے کو معطل کر دے گا۔

اس سے قبل امریکی صدر ڈونلڈ ٹرمپ نے سماجی رابطے کی ویب سائٹ ٹویٹر پر جاری اپنے بیان میں لکھا کہ یو اے ای اور اسرائیل کے درمیان امن معاہدہ ہو گیا۔ یہ معاہدہ اہم ترین پیشرفت ہے۔شیخ محمد بن زاید آل نہیان نے کہا کہ اس معاہدے کے بعد فلسطینی علاقوں کا اسرائیل سے الحاق رک جائے گا۔

 

Another HISTORIC breakthrough today! Our two GREAT friends Israel and the Kingdom of Bahrain agree to a Peace Deal – the second Arab country to make peace with Israel in 30 days!

— Donald J. Trump (@realDonaldTrump) September 11, 2020

 

شیخ محمد بن زاید آل نہیان نے مزید کہا ہے کہ صدر ٹرمپ اور وزیرِ اعظم نتین یاہو سے فون پر بات چیت کے دوران معاہدہ طے پا گیا ہے جس سے مزید فلسطینی علاقوں کا اسرائیلی سے الحاق رک جائے گا۔ متحدہ عرب امارات اور اسرائیل اس بات پر متفق ہو گئے ہیں کہ دونوں ملک باہمی تعلقات کے قیام کے لیے تعاون کی نئی راہیں تلاش کریں گے اور ایک نقشۂ راہ متعین کریں گے۔

خیال رہے کہ یو اے ای اور اسرائیل کے درمیان ہونے والے معاہدے کے بعد ترکی، ایران نے سخت رد عمل کا اظہار کیا تھا جبکہ سعودی عرب کا کہنا تھا کہ آزاد فلسطینی ریاست کے قیام تک اسرائیل سے تعلقات قائم نہیں ہو سکتے۔

برطانوی نشریاتی ادارے کے مطابق سعودی فرمانروا سلمان بن عبدالعزیز نے صدر ٹرمپ پر واضح کیا ہے کہ سعودی عرب کے اسرائیل سے تعلقات اس وقت تک معمول پر نہیں آئیں گے جب تک ایک آزاد فلسطینی ریاست قائم نہ ہو جائے۔

سعودی سرکاری ایجنسی کے مطابق بادشاہ سلمان بن عبدالعزیز نے صدر ٹرمپ سے فون پر بات کرتے ہوئے کہا ہے کہ سعودی عرب فلسطین کے مسئلے کا منصفانہ اور مستقل حل چاہتا ہے۔ ان کا کہنا تھا کہ تنازع کے حل کی یہ شرط سعودی مملکت کے پیش کردہ عرب امن منصوبے کا نقطہ آغاز ہو گا۔

لاہور:‘خاتون سے زیادتی کا واقعہ شرمناک،پولیس کی کمان غیرپیشہ ورانہ افرادکےہاتھ میں ہے’حکومت کوسخت فیصلےکرنےہوں گے،اطلاعات کے مطابق چیف جسٹس آف پاکستان چیف جسٹس گلزار احمد نے موٹروے پر خاتون سے زیادتی کے واقعہ پر اظہار تشویش کرتے ہوئے اسے شرمناک قرار دیا ہے۔

چیف جسٹس نے کہا کہ پولیس کوسیاسی بنادیا گیا ،پولیس کوغیرسیاسی کرنے اوراس کوپروفیشنل بنانے کے لیے حکومت کوسخت فیصلے کرنے ہوںگے

چیف جسٹس گلزار احمد نے لاہور موٹروے پر گزشتہ روز خاتون کیساتھ گینگ ریپ کے واقعے کی شدید مذمت کرتے ہوئے کہا کہ یہ شرمناک ہے۔ انہوں نے اس پر گہری تشویش کا اظہار کرتے ہوئے کہا کہ حکومت کو جاگنے کی ضرورت ہے۔

انہوں نے کہا کہ پولیس میں سیاسی مداخلت عام ہو چکی ہے۔ پولیس کی کمان غیر پیشہ ورانہ افراد کے ہاتھ میں ہے۔ امن وامان حکومت کی بنیادی ذمہ داری ، اس ضمن میں پولیس کا شفاف نظام وقت کہ اہم ضرورت ہے۔

چیف جسٹس نے کہا کہ پولیس میں سیاسی مداخلت عام ہو چکی ہے جس کے نتیجے میں عوام کی جان ومال محفوظ نہیں، معصوم مسافروں کو ہائے وے پر سنگین جرائم کا سامنا کرنا پڑتا ہے۔ حالیہ واقعہ بھی اسی کا نتیجہ ہے۔

چیف جسٹس گلزار احمد کا کہنا ہے کہ یہ بات شرمناک ہے کہ ہائی وے پر شہریوں کی حفاظت کا موثر نظام ہی موجود نہیں ہے۔ حکومت ہوش کے ناخن لے اور محکمہ پولیس کی ساکھ کو بحال کرے۔ حکومت پولیس میں کسی بھی سیاسی شخص کی مداخلت کا راستہ روکے۔

ان کا کہنا تھا کہ پنجاب پولیس میں ہونے والے تبادلے اس بات کی علامت ہیں کہ پولیس کے محکمے میں کس قدر سیاسی مداخلت ہے۔ پولیس فورس نظم وضبط کے بغیر کام نہیں کر سکتی۔ اس وقت تک عوام کے جان ومال کے تحفظ کو یقینی نہیں بنایا جا سکتا، جب تک پولیس فورس میں پیشہ ورانہ مہارت نہ ہو۔

راولپنڈی:آرمی چیف جنرل قمرجاویدباجوہ سےامریکی سینٹ کام کےکمانڈرکی ملاقات،خطےکی جیواسٹریٹجک صورتحال پرگفتگو ،پاک فوج کے ترجمان کے مطابق آرمی چیف جنرل قمر جاوید باجوہ سے پاکستان کے دورے پر آئے امریکی سینٹ کام کے کمانڈر نے ملاقات کی ہے

ذرائع کے مطابق پاک فوج کےترجمان نے اپنے ٹویٹ پیغام میں بتایا ہےکہ اس اہم ملاقات میں مقبوضہ کشمیر کی صورتحال سمیت اہم ایشوز پر گفتگو کی گئی۔

 

 

General Kenneth F. McKenzie Jr, Commander US CENTCOM, called on Chief of Army Staff (COAS) General Qamar Javed Bajwa. Geo-strategic environment, regional security, Pak – US military cooperation including #Afghanistan Peace Process and #Kashmir situation discussed. pic.twitter.com/BWrhxtJs7B

— DG ISPR (@OfficialDGISPR) September 11, 2020

پاک فوج کے ترجمان میجر جنرل بابر افتخار کی جانب سے سماجی رابطوں کی ویب سائٹ ٹویٹر پر جاری بیان کے مطابق آرمی چیف جنرل قمر جاوید باجوہ اور امریکی سینٹ کام کے کمانڈر جنرل کینتھ ایف مکینزئی کے درمیان ملاقات میں خطے کی جیو سٹرٹیجک صورتحال پر غور کیا گیا۔

ڈی جی آئی ایس پی آر کے مطابق دونوں رہنماؤں کے درمیان ملاقات میں علاقائی سیکیورٹی، باہمی تعلقات کے فروغ، افغانستان امن عمل اور مقبوضہ کشمیر کی صورتحال پر بھی بات کی گئی۔پاک فوج کے سربراہ سےامریکی سینٹ کام کےکمانڈرنے خطے کی صورت حال پرگفتگوکرتے ہوئے مسئلہ کشمیر کے حل کو ضروری قرار دیا

باغی ٹی وی کی رپورٹ کے مطابق موٹروے پر خاتون زیادتی کیس میں اہم پیشرفت ہوئی ہے،پولیس نے دو ملزمان کو گرفتار کیا ہے

ملزمان نے خاتون کا اے ٹی ایم کارڈ استعمال کرنے کی کوشش کی جس کی وجہ سے ملزمان ٹریس ہوئے، پولیس نے دو ملزمان کو اے ٹی ایم کارڈ استعمال کرنے کی کوشش کے بعد گرفتار کر لیا ہے جنہیں تحقیقات کے لئے خفیہ مقام پر منتقل کر دیا گیا ہے

پولیس کے مطابق دونوں افراد کے ڈی این اے ٹیسٹ کےلیے سیمپلز لے لیے گئے،مزید تحقیقات جاری ہیں،

طلبا کے ساتھ زیادتی کرنے، ویڈیو بنا کر بلیک میل کرنے والے سابق پولیس اہلکار کو عدالت نے سنائی سزا

لاہور میں 2 بچیوں کے اغوا کی کوشش ناکام،ملزم گرفتار

پولیس ناکے پر 100روپے کے تنازعے پر دو پولیس اہلکار آپس میں لڑ پڑے

خاتون کی غیر اخلاقی ویڈیو وائرل کرنیوالا ملزم لاڑکانہ سے گرفتار

موٹروے کے قریب خاتون سے مبینہ زیادتی ،پولیس کی 20 ٹیمیں تحقیقات میں مصروف

‏موٹروے پر اجتماعی زیادتی کا سن کر دل دہل گیا ، ملوث تمام افراد کو کیفر کردار تک پہنچایا جائے ، مریم نواز

موٹر وے کے قریب خاتون سے اجتماعی زیادتی،سراج الحق کا ملزمان کی گرفتاری کیلئے 48 گھنٹوں کا الٹی میٹم

درندہ صفت مجرمان کو پھانسی کی سزا دی جائے۔ دردانہ صدیقی

زیادتی کے مجرموں کو خصوصی عدالت کے ذریعے فی الفور سزا دی جائے،کل مسالک علماء بورڈ

آبروریزی کے بڑھتے واقعات کسی بڑی تباہی کی نشاندہی کر رہے ہیں، علامہ عبدالخالق اسدی

پنجاب پولیس کی اعلیٰ کارکردگی،موٹروے زیادتی کیس کے ملزم تیسرے روز بھی گرفتار نہ ہو سکے

موٹروے پر خاتون سے اجتماعی زیادتی، واحد عینی شاہد نے کیا منظر دیکھا؟ بتا دیا

قائمہ کمیٹی برائے مذہبی امور کا سی سی پی او لاہور کی برطرفی کا مطالبہ

سی سی پی او لاہور کو نشان عبرت بنایا جائے،اسکے ہوتے ہوئے عورت محفوظ نہیں رہ سکتی، مریم اورنگزیب

خاتون سے زیادتی کے بعد پولیس کو ہوش آ گیا،لاہور سیالکوٹ موٹروے پر پولیس تعینات

واضح رہے کہ دو روز قبل لاہور کے علاقے گجر پورہ میں موٹر وے پر خاتون کو اجتماعی زیادتی کا نشانہ بنانے کا انتہائی افسوسناک واقعہ پیش آیا تھا۔ دو افراد نے موٹر وے پہ ایک گاڑی کا شیشہ توڑ کر خاتون اور ان کے بچوں کو باہر نکالا جس کے بعد انہیں قریبی جھاڑیوں میں لے جا کر خاتون کو بچوں کے سامنے مبینہ طور پر زیادتی کا نشانہ بنایا۔

گوجرانوالہ سے تعلق رکھنے والی خاتون لاہور سے گوجرانوالا جارہی تھی، کار کا پٹرول ختم ہونے کے باعث موٹروے پر گاڑی روک کر شوہر کا انتظار کر رہی تھی، پہلے خاتون نے اپنے ایک رشتے دار کو فون کیا، رشتے دار نے موٹر وے پولیس کو فون کرنے کا کہا۔

موٹروے ہیلپ لائن پر خاتون کو جواب ملا کہ گجر پورہ کی بِیٹ ابھی کسی کو الاٹ نہیں ہوئی اور موٹر وے پولیس بھی نہیں آئی۔ رشتے داروں کے پہنچنے سے پہلے ہی دو افراد نے خاتون کو زیادتی کا نشانہ بنایا، ملزمان خاتون سے ایک لاکھ روپے نقد، سونے کے زیورات اور اے ٹی ایم کارڈز بھی لے گئے۔

زیادتی کے مجرموں کیلئے سرعام پھانسی کی سزا کیلئے آواز اٹھائی ہے،فیصل واوڈا