Category: اہم خبریں

باغی ٹی وی کی رپورٹ کے مطابق چیئرمین نیب جسٹس (ر)جاوید اقبال کی زیرصدارت ایگزیکٹو بورڈ کا اجلاس ہوا.

اجلاس میں ڈپٹی چیئر مین نیب پراسیکیوٹر جنرل اکاونٹبلٹی نیب،ڈی جی آپریشن نیب،ڈی جی نیب خیبر پختونخواہ نے بذریعہ ویڈیو لنک شرکت کی،

نیب کی جانب سے جاری اعلامیہ میں کہا گیا کہ مالم جبہ سوات کیس میں پشاور ہائیکورٹ کے فیصلہ کی مصدقہ نقول کی روشنی میں قانون کے مطابق کیس پر کارروائی کا جائزہ لینے کا فیصلہ کیا گیا ہے. اجلاس میں امیر مقام، مولانا فضل الرحمان، کیپٹن(ر) صفدر اور شیر اعظم وزیر کے کیسز کا جائزہ لیا گیا، بلین ٹری سونامی، محمود زیب اور عثمان سیف اللہ کے خلاف کیسز کا بھی جائزہ لیا گیا، اجلاس میں آفیسرز، آفیشلزآف بنک آف خیبر پشاور کے خلاف قواعدو ضوابط کی خلاف ورزی کرتے ہوئے مبینہ طور ہر غیر قانونی بھرتیوں کے الزام میں انویسٹی گیشن کی منظوری دی گئی

نیب سے کون خوفزدہ تھا؟ ترمیمی آرڈیننس کیوں لائے؟ وزیراعظم نے بتا دیا

نواز شریف کے قریبی دوست میاں منشا کی کمپنی کو نوازنے پر نیب کی تحقیقات کا آغاز

نواز شریف سے جیل میں نیب نے کتنے گھنٹے تحقیقات کی؟

تحریک انصاف کا یوٹرن، نواز شریف کے قریبی ساتھی جو نیب ریڈار پر ہے بڑا عہدہ دے دیا

نیب ترمیمی آرڈیننس 2019 کی مدت ختم، نیب کو پھر مل گئے وسیع اختیارات

نیب نے نواب ثناء اللہ زہری اور قدوس بزنجو کو طلب کرلیا

چیئرمین نیب جسٹس ر جاوید اقبال کا کہنا ہے کہ بدعنوانی کے خلاف انتہائی سنجیدہ کوششیں کررہے ہیں میگا منی کرپشن کومنطقی انجام تک پہنچانا اولین ترجیح ہے ،نیب کا تعلق کسی سیاسی جماعت ،گروہ،فرد سے نہیں بلکہ صرف اورصرف ریاست پاکستان سے ہے،نیب بدعنوان عناصرسے قوم کی لوٹی گئی دولت بر آمد کرنے کیلیے ہر ممکن وسائل بروئے کار لا رہا ہے ،مفرور اور اشتہاری ملزمان کی گرفتاری کیلیے قانون کےمطابق اقدامات کیے جائیں گے، شکایات کی جانچ پڑتال ،انکوائریاں،انوسٹی گیشنز مقررہ وقت کے اندر قانون کیمطابق منطقی انجام تک پہنچائی جائیں،قومی و بین الاقومی ادارے بھی نیب کی کارکردگی کی تعریف کررہے ہیں،اشتہاری ملزمان کی گرفتاری کےلیے اقدامات اٹھائے جائیں گے

واضح رہے کہ رواں برس مارچ میں نیب خیبر پختونخوا نے مالم جبہ ریزورٹ پراجیکٹ کے ٹھیکے کو مبینہ طور پر بدنیتی پر مبنی اور محکمہ جنگلات کی قیمتی اراضی ہتھیانے کا ایک میگا فراڈ قرار دیتے ہوئے اپنی تحقیقات مکمل کر کے کیس نیب ہیڈ کوارٹر بھجوا دیا تھا۔

مالم جبہ سکینڈل پر چیئرمین نیب جسٹس (ر) جاوید اقبال نے 9 جنوری 2018 کو انکوائری کا حکم دیا تھا۔ نیب خیبر پختونخوا نے انکوائری کے بعد اسے انوسٹی گیشن میں تبدیل کیا اور اس وقت کے وزیر اعلیٰ، موجودہ وزیر دفاع پرویز خٹک، خیبرپختونخوا کے سینئر وزیر عاطف خان ،سابق چیف سیکرٹری اور وزیر اعظم کے موجودہ سیکرٹری اعظم خان، موجودہ وزیر اعلیٰ اور اس وقت کے صوبائی وزیر سیاحت و کھیل محمود خان اور چیئرمین خیبرپختونخوا اسپورٹس بورڈ محسن عزیز کے خلاف تحقیقات کیں۔

اس کیس میں سوات کے علاقے مالم جبہ میں 275 ایکڑ سرکاری اراضی 2014 میں تفریحی مقامات کے لیے لیز پر دی گئی جس میں مبینہ طور پر بے قاعدگیوں اور اقربا پروری کے الزامات لگے تھے۔ مالم جبہ اراضی کی لیز کا اشتہار 15 سال کے لیے دیا گیا تاہم کنٹریکٹ کے بعد لیز کو 32 سال تک کے لیے بڑھا دیا گیا تھا اور جس کمپنی کے ساتھ معاہدہ کیا گیا وہ اس کے پاس اس کی اہلیت نہیں تھی۔ لیکن اس کیس میں بھی ریفرنس ابھی تک دائر نہیں ہو سکا ہے۔

باغی ٹی وی کی رپورٹ کے مطابق سپریم کورٹ پشاور رجسٹری میں ماحولیاتی آلودگی سے متعلق کیس کی سماعت ہوئی

عدالت نے 4ہفتوں میں تفصیلی رپورٹ طلب کرکے سماعت ملتوی کردی ،ماحولیاتی آلودگی کی روک تھام کےلیے انتظامات نہ ہونے پر چیف جسٹس نے برہمی کا اظہار کیا،چیف جسٹس گلزار احمد نے ریمارکس دیتے ہوئے کہا کہ جو لوگ کام نہیں کرتے،فارغ کرکے نئے لوگ لے آئیں،یہ اے سی کے کمرے میں بیٹھے ہوتے ہیں،صرف خط لکھتے ہیں

چیف جسٹس گلزار احمد نے ریمارکس دیتے ہوئے کہا کہ اگر افسران کام کررہے ہوتے تو کلف والے کپڑوں میں نہ آتے بلکہ جینز پہن کر آتے،خطوط پرکام ہونے کا زمانہ چلا گیا،خط لکھنابابو کا کام ہے،یہاں بہت بری حالت ہے، ہرجگہ آلودگی ہے،آپ کی رپورٹ میں غیرسنجیدگی کا مظاہرہ کیاگیاہے،کوئی عملی اقدامات نہیں ،کاغذی معاملات میں ہمیں کوئی دلچسپی نہیں،آپ کہتے ہیں بلین ٹری لگائے لیکن ہمیں کوئی درخت نظر نہیں آیا، آپ کو پتہ نہیں کہ دنیا میں معاملات کیسے چل رہے ہیں؟

ہاؤسنگ سوسائٹیز میں لوگوں کو لوٹا جا رہا ہے، سپریم کورٹ نے دی حکومت کو مہلت

فلمسٹار لکی علی کا فراڈ ہاوسنگ سوسائٹیوں سے عوام کو چونا لگانے کا اعتراف،نیب نے کی ریکارڈ ریکوری

وفاقی انٹیلی جنس بیورو آئی بی کے افسران کی جانب سے اسلام آباد میں پراپرٹی کا کام شروع کئے جانے کا انکشاف

وفاقی انٹیلی جنس بیورو آئی بی کے افسران کی جانب سے ہاؤسنگ سوسائٹی کے نام پر اربوں کا فراڈ

آئی بی کی ہاوسنگ اسکیم کے فراڈ پر پوسٹ لکھنے پر صحافی کا 15 سالہ پرانا فیس بک اکاؤنٹ ہیک

آئی بی افسران کی ہاؤسنگ سکیم،دس سال پہلے پلاٹ خریدنے والوں کو قبضہ نہیں ملا، نیب کہاں ہے؟ عدنان عادل

ملک میں غیر قانونی ہاؤسنگ سکیموں کی رپورٹ سپریم کورٹ میں پیش

جسٹس فیصل عرب نے کہا کہ اگر کورونا نہ ہوتا تو بھی آلودگی کی وجہ سے فیس ماسک لگاتے،چیف جسٹس گلزار احمد نے کہا کہ ہم نے شہر کا حال اپنی آنکھوں دیکھ لیا،چھوٹے شہر کا یہ حال ہے تو بڑے شہروں کا کیا حال ہوگا،لاہور میں ماحولیاتی آلودگی کے خاتمے کےلیے اچھے اقدامات کیے گئے

بیچارے بلاول کو آگے کرکے شہباز شریف، مریم نے چپ کا روزہ رکھ لیا،زرتاج گل

خیال نہیں رکھ سکتے تو پنجروں میں قید کیوں، چڑیا گھر کے جانوروں کو پناہ گاہوں میں منتقل کر دیا جائے؟ عدالت

پاکستان ایک انتہائی غیر محفوظ ممالک میں سے ایک ہے،زرتاج گل کے بیان پر وزیراعظم حیران

باغی ٹی وی کی رپورٹ کے مطابق احتساب عدالت اسلام آباد میں پارک لین ،ٹھٹھہ واٹر سپلائی ریفرنس کیس کی سماعت ہوئی

سابق صدر آصف علی زرداری احتساب عدالت میں موجود ہیں ،احتساب عدالت اسلام آباد کے جج اعظم خان کیس کی سماعت کررہے ہیں، عدالت نے نیب پراسیکیوٹر سے استفسار کیا کہ ملزم شیر علی کا وکیل کہاں ہے ؟ڈپٹی پراسیکیوٹر جنرل نیب نے جواب دیا کہ ملزم کا وکیل نہیں یہ سب جان بوجھ کر کیا جارہا ہے ،ملزم کا وکیل نہیں یہ سب جان بوجھ کر کیا جارہا ہے

جج احتساب عدالت نے کہا کہ تمام ملزم موجود ہیں اس لیے فرد جرم عائد کرنے کی کارروائی کرتے ہیں،پارک لین ضمنی ریفرنس میں سابق صدر آصف علی زرداری کو چارج شیٹ دے دی گئی ،آصف علی زرداری کو ٹھٹھہ واٹر سپلائی ریفرنس کی کاپی بھی فراہم کر دی گئی،احتساب عدالت اسلام آباد نے پارک لین اورٹھٹھہ واٹر سپلائی ریفرنس میں آصف زرداری پر فرد جرم عائد کر دی،سابق صدر آصف علی زرداری نےعدالت میں صحت جرم سے انکارکیا

سابق صدر آصف علی زرداری پر جعلی بنک اکاؤنٹس کیس کے دونوں ضمنی ریفرنسز میں فرد جرم عائد

سابق صدر آصف علی زرداری کا صحت جرم سے انکار pic.twitter.com/NQPjJEgiLr

— Hassan Ayub Khan (@HassanAyub82) October 5, 2020

واضح رہے کہ ٹھٹھہ واٹرسپلائی ریفرنس میں نوڈیرو ہاؤس کےانچارج ندیم بھٹو کو گرفتار کیا گیا تھا۔ ندیم بھٹو سے تفتیش کے بعد آصف زرداری کو ملزم نامزد کیا گیا تھا۔

ریفرنس میں بتایا گیا ہے کہ ٹھٹھہ واٹرسپلائی کےغیرقانونی ٹھیکےدیئےگئے، ٹھیکوں کے نتیجے میں رقم جعلی اکاؤنٹس کے ذریعے ندیم بھٹوکےاکاؤنٹس میں آتی رہی اور ندیم بھٹو اس رقم سےنوڈیرو ہاؤس کا انتظام چلاتے رہے۔

قبل ازیں نیب راولپنڈی نے پارک لین کیس میں ضمنی ریفرنس دائر کیا تھا ، نیب ضمنی ریفرنس میں آصف زرداری،انور مجید،عبدالغنی مجید سمیت 19 ملزمان کے نام شامل کئے گئے ہیں۔نیب نےعبوری ریفرنس میں ملزمان پر 1.5 ارب کی کرپشن کا الزام لگایا جبکہ ضمنی ریفرنس میں کرپشن کی رقم بڑھاکر3.74ارب کردی گئی اور وعدہ معاف گواہان کی تعداد بھی بڑھادی گئی ہے۔

ریفرنس کے مطابق یونس قدوائی بھی پارک لین میں شئیر ہولڈر تھے۔ ‎ضمنی ریفرنس میں وعدہ معاف گواہان کی تعداد بھی بڑھ گئی ہے۔گواہان نے نیب کو بتایا کہ تمام معاملات پارک لین کی انتظامیہ کے کہنے پر کرتا رہا۔ ریفرنس کے مطابق آصف زرداری اور بلاول پارک لین میں پچیس پچیس فیصد کے حصہ دار ہیں، اور دونوں نیب کے سامنے شراکت داری کا اعتراف کر چکے ہیں۔ ایڈیشنل رجسٹرار ایس ای سی پی کے افسران نے پارک لین کے معاہدون ،جعلی دستاویزات میں مدد کی اور جعلی دستاویزات پر کمپنی نے قرضہ لیا جبکہ پارک لین نے قرضہ واپس کرنے سے انکار کیا۔

احتساب عدالت نے پارک لین کمپنی ریفرنس کی 17 صفحات کی چارج شیٹ جاری کردی ،چارج شیٹ میں کہا گیا ہے کہ آصف زرداری نے یونس قدوائی اور اقبال میمن کے ذریعے جعلی کمپنی پارتھینون بنائی، آصف زرداری نے فراڈ کے ذریعے نیشنل بنک سے قرض کا منصوبہ بنایا، آصف علی زرداری نے جعلی کمپنی سے رقم اپنی کمپنی کے اکاونٹ میں منتقل کی،

چارج شیٹ میں کہا گیا ہے کہ ڈیڑھ ارب روپے کی رقم کی کرائم پروسیڈ چھپانے کے لیے جعلی اکاونٹس میں گھمائی گئی، آصف زرداری کا کہنا ہے کہ تمام الزامات کو سمجھ چکا، مسترد کرکے اپنا مکمل دفاع کروں گا،

واضح رہے کہ احتساب عدالت نے سابق صدر آصف علی زرداری پر پارک لین ریفرنس میں فرد جرم عائد کر دی ہے،سابق صدر آصف علی زرداری نے عدالت میں صحت جرم سے انکار کر دیا،کہا تمام الزامات کو مسترد کرتاہوں ،فرد جرم عائد ہونے کے بعد آصف زرداری اور احتساب عدالت کے جج اعظم خان میں بحث ہوئی، آصف زرداری نے جج سے مکالمہ کرتے ہوئے کہا کہ آپ یہ لکھ دیں کہ وکیل سپریم کورٹ میں تھے پھر بھی آپ نے فرد جرم عائد کی،آپ رولنگ دے دیں کہ وکیل موجود نہیں تو آپ اپنا کیس خود لڑیں

جج اعظم خان نے کہا کہ میں رولنگ دیدوں؟ کسی وکیل کو زبردستی عدالت نہیں بلا سکتا، آپ مجھ سے رولنگ نہ مانگیں جس پر آصف زرداری نے کہا کہ جب آپ کے سامنے پیش ہوا ہوں تو رولنگ بھی آپ سے مانگوں گا ،جج اعظم خان نے کہا کہ آصف علی زرداری آپ پاکستان کے صدر رہے ہیں،

عدالت نے استفسار کیا کہ کیا آپ نے فرنٹ کمپنی پارتھینن کے ذریعے غیر قانونی قرض لے کر فراڈ کیا؟ جس پر سابق صدر آصف زرداری نے جواب دیا کہ تمام الزامات مسترد کرتا ہوں آپ کراچی آ کر اس عمارت کو بھی دیکھ لیں،

اسلام آباد :ایک دوسرے پرالزامات کا سلسلہ جاری :پی ڈی ایم کا کوئٹہ میں 11 اکتوبر کو ہونے والا پہلا جلسہ ملتوی،اطلاعات کے مطابق اپوزیشن جماعتوں کے اتحاد پاکستان ڈیمو کریٹک موومنٹ (پی ڈی ایم)کے زیر اہتمام 11 اکتوبر کو کوئٹہ میں ہونے والا پہلا جلسہ ملتوی کردیا گیا۔

جمعیت علمائے اسلام (جے یو آئی)کے جنرل سیکرٹری مولاناعبدالغفورحیدری نے جلسہ ملتوی ہونے کی تصدیق کرتے ہوئےکہا ہےکہ پی ڈی ایم کاجلسہ اب کوئٹہ میں 18 اکتوبرکو ہوگا۔

ذرائع کے مطابق اس جلسے کے ملتوی ہونے کے کچھ اسباب سامنے آرہے ہیں جن کے مطابق مولانا فضل الرحمن اس جلسے کے اخراجات ن لیگ اورپیپلزپارٹی سے مانگ رہےہیں ، ن لیگ نے تو حامی بھر لی ہے لیکن باقی جماعتوں کی طرف سے ٹال مٹول کیا جارہا ہے، جس پرمولانا فضل الرحمن نے کہا کہ اگرتعاون نہیں ہوگا تو پھر جے یو آئی ایف اپنے اوپربوجھ نہیں ڈالے گی

اس کے بعد مولانا نے جلسہ ملتوی کرنے کا فیصلہ کیا جس کے ساتھ ہی ن لیگ اوردیگرجماعتوں کی طرف سے پھراعادہ کیا گیا کہ وہ اس جلسے کے اخراجات برداشت کرنے کے لیے اپنے حصے کے فنڈزدینے کےلیے تیار ہیں جس کی وجہ سے ایک ہفتے کےلیے جلسے کوملتوی کردیا گیا تاکہ افہام وتفہیم کے بعد ہی جلسہ کیا جاسکتے

خیال رہےکہ گذشتہ دنوں اسلام آباد میں ہونے والے پی ڈی ایم کےاجلاس میں اپوزیشن جماعتوں نے 11 اکتوبر کو کوئٹہ میں تحریک کے پہلے جلسہ عام کا اعلان کیا تھا۔

واضح رہے کہ پاکستان ڈیموکریٹک موومنٹ میں مسلم لیگ (ن) پیپلزپارٹی، جمعیت علمائے اسلام اور عوامی نیشنل پارٹی سمیت 11 جماعتیں شامل ہیں جبکہ جے یو آئی کے قائد مولانا فضل الرحمان پی ڈی ایم کے سربراہ ہیں۔

ذرائع کا کہنا ہےکہ 18اکتوبر کوکوئٹہ میں ہونے والے پی ڈی ایم کے پہلے جلسےکی میزبانی جے یو آئی اور پشتونخوا ملی عوامی پارٹی کرے گی۔

راولپنڈی : شمالی وزیرستان: سیکیورٹی فورسز کے آپریشن میں 2 دہشتگرد ہلاک، ایک گرفتار،اطلاعات کے مطابق خیبر پختونخوا کے قبائلی ضلع شمالی وزیرستان میں سیکیورٹی فورسز کے آپریشن میں 2 دہشت گرد ہلاک ہو گئے۔

پاک فوج کے شعبہ تعلقات عامہ (آئی ایس پی آر) کے مطابق سیکیورٹی فورسز نے شمالی وزیرستان کی تحصیل میر علی میں خفیہ اطلاع پر آپریشن کیا۔سیکیورٹی فورسز کی کارروائی میں 2 دہشت گرد ہلاک ہوئے جبکہ ایک کو گرفتار کر لیا گیا۔

واضح رہے 2 روز قبل بھی سیکیورٹی فورسز کے شمالی وزیرستان کے علاقے بویا میں آپریشن میں 2 دہشت گرد مارے گئے تھے جبکہ ایک کو گرفتار کر لیا گیا تھا۔ہلاک ہونے والے دہشت گردوں میں ایک دہشت گرد بارودی سرنگوں کا اور دوسرا آئی ای ڈیز تیار کرنے کا ماہر تھا۔

آئی ایس پی آر کا کہنا تھا کہ یہ دہشت گرد بے گناہ لوگوں کے قتل، بھتہ خوری اور سیکیورٹی فورسز پر 25 سے زائد حملوں کی منصوبہ بندی اور اسے کرنے میں ملوث تھے۔

13 ستمبر کو سیکیورٹی فورسز نے شمالی اور جنوبی وزیرستان کی ضلعی سرحد کے قریب کارروائی کے دوران دہشت گرد کمانڈر احسان اللہ سنڑے اور دیگر 3 دہشت گردوں کو ہلاک کردیا تھا۔

اس سے قبل 7 ستمبر کو شمالی وزیر ستان کے علاقہ میر علی میں سیکیورٹی فورسز کے خفیہ آپریشن میں مطلوب دہشت گرد وسیم زکریا سمیت 5 دہشت گرد ہلاک اور 10 کو گرفتار کر لیا گیا تھا۔

ترجمان پاک فوج کا کہنا تھا کہ کمانڈر وسیم کا تعلق میر علی کے علاقے حیدر خیل سے تھا اور مطلوب دہشت گرد وسیم 2019 سے اب تک دہشت گردی کی 30 مختلف کارروائیوں کا ماسٹر مائنڈ تھا۔

خیال رہے کہ قبائلی اضلاع میں حالیہ ہفتوں میں سیکیورٹی فورسز پر حملوں میں اضافہ بھی دیکھنے میں آیا ہے۔28 ستمبر کو شمالی وزیرستان کے علاقے شکائی میں دہشت گردوں کی موجودگی پر کیے جانے والے خفیہ آپریشن میں فائرنگ کے تبادلے میں پاک فوج کے کیپٹن عبداللہ ظفر شہید ہوگئے تھے۔

قبل ازیں 31 اگست کو جنوبی وزیرستان میں سرچ آپریشن کے دوران سیکیورٹی فورسز پر فائرنگ سے پاک فوج کے 3 جوان شہید ہوگئے تھے۔

آئی ایس پی آر کے جاری کردہ بیان کے مطابق جنوبی وزیرستان میں سرچ آپریشن کے دوران دہشت گردوں نے سیکیورٹی فورسز پر فائرنگ کی, جس کے نتیجے صوبیدار ندیم، سپاہی سلیم اور لانس نائیک مصور شہید ہوگئے۔

پاک فوج کا آپریشن، 2 انتہائی اہم دہشتگرد ہلاک، ایک زندہ گرفتار

باغی ٹی و ی : پاک فوج نے شمالی وزیرستان کے علاقہ میر علی میں کامیاب آپریشن کرکے دو دہشتگردوں کو ہلاک جبکہ ایک کو زندہ پکڑ لیا ہے۔

پاک فوج کے شعبہ تعلقات عامہ (آئی ایس پی آر) کے مطابق سیکیورٹی فورسز نے آپریشن خفیہ معلومات کی بنیاد پر کیا۔ خیال رہے کہ گزشتہ دنوں شمالی وزیرستان میں ہی سیکیورٹی فورسز کو ایک اور بڑی کامیابی حاصل ہوئی تھی جب بارودی سرنگیں بنانیوالے ماہر سمیت 2 دہشتگردوں کو ہلاک کر دیا گیا تھا۔

سیکیورٹی فورسز نے یہ آپریشن بھی خفیہ معلومات پر بویا کے علاقے میں کیا تھا۔ دوران آپریشن دو دہشتگرد ہلاک ہوئے جبکہ ایک کو گرفتار کر لیا گیا۔آئی ایس پی آر کے مطابق دہشتگرد سیکیورٹی فورسز پر 25 سے زائد حملوں، مقامی افراد کے قتل اور بھتہ خوری میں بھی ملوث تھے۔

اسلام آباد : ’نواز شریف کو لندن کے سفارتخانے میں خفیہ ملاقات کا جواب دینا پڑے گا‘شرم آنی چاہیے اس ملک کا کھا کراس کے خلاف غداری:،اطلاعات کے مطابق وزیراعظم عمران خان کے معاون خصوصی برائے سیاسی روابط شہباز گل کا کہنا ہے نواز شریف نے لندن کے جس سفارتخانے میں خفیہ ملاقات کی انہیں اس کا جواب دینا پڑےگا۔

معاون خصوصی شہباز گل کا اپنے بیان میں کہنا تھا کہ اب پاکستان مخالف پروپیگنڈا نہیں بکے گا، ن لیگ کا ووٹر ہو یا کوئی بھی پاکستانی، سب فوج سے محبت کرتے ہیں۔

شہباز گل نے کہا کہ لاہور نے نواز اور مریم کا پاکستان اور اس کی فوج کے خلاف بیانیہ مسترد کر دیا۔ان کا یہ بھی کہنا تھا کہ نواز شریف نے لندن میں جس سفارت خانے میں خفیہ ملاقات کی انہیں اس کا جواب دینا پڑے گا۔

دوسری جانب مشیر برائے داخلہ و احتساب مرزا شہزاد اکبر نے بھی ن لیگ کے لاہور کے جلسے کو ناکام قرار دیتے ہوئے کہا کہ فلاپ شو نے نواز شریف کی ہاری ہوئی سیاست کا بھانڈا پھوڑ دیا۔

شہباز اکبر کا کہنا تھا کہ زندہ دلان لاہور نے مودی کے یار کی سیاست مسترد کر دی، مسلم لیگ میاں صاحب کی ضدی اولاد کے جرائم کا بوجھ اٹھانے سے قاصر ہے۔

کیرالہ :بھارتی بحریہ کوبہت بڑا نقصان پہنچ گیا: طیارہ گر کر تباہ، دو افسران ہلاک ،اطلاعات کے مطابق بھارتی ریاست کیرایلہ میں بھارتی بحریہ کا طیارہ گر کر تباہ ہو گیا جس کے نتیجے میں 2 اہلکار ہلاک ہو گئے۔

میڈیا رپورٹس کے مطابق بھارتی بحریہ کا طیارہ آئی این ایس بحری جہاز سے اڑان بھرنے کے کچھ ہی دیر بعد ریاست کیریلہ کے شہر کوچی میں گر کر تباہ ہو گیا۔

بھارتی میڈیا کے مطابق طیارے کو پیش آنے والے حادثے میں بھارتی بحریہ کے دو افسران ہلاک ہوئے۔میڈیا کے مطابق بھارتی بحری حکام نے واقعے کی بورڈ آف انکوائری کا حکم دے دیا ہے۔

یاد رہے کہ رواں برس فروری میں بھی بھارتی بحریہ کا مگ 29 طیارہ کے طیارہ تربیتی پرواز کے دوران گوا میں گر کر تباہ ہو گیا تھا۔