باغی ٹی وی کی رپورٹ کے مطابق سینئر صحافی و اینکر پرسن مبشرلقمان نے کہا ہےکہ بھارت میںاگر کوئی وی لاگ سن رہا ہے اور اجیت دوول کی سوشل میڈیا پر ویڈیو دیکھ کر بھی بھارت کی تباہی کا یقین نہیں آ رہا اگر انکی سینا کی زبان پر اعتبار کرنے کو بھی تیار نہیں تو کرنل صوفیہ کی ویڈیو پریس کانفرنس والی دوبارہ دکھائی جانی چاہئے
مبشر لقمان آفیشیل یوٹیوب چینل پر اپنے وی لاگ میں مبشر لقمان کا کہنا تھا کہ کرنل صوفیہ قریشی نے پریس کانفرنس میں نہ صرف فضائی اڈوں ،ایئر ڈیفنس سسٹم کی تباہی کا اعتراف کیا تھا بلکہ یہ بھی کہا تھا کہ بھارت مزید جنگ نہیں چاہتا،یہ بھارت کا اعتراف شکست تھا،اجیت میں تھوڑی سی بھی غیرت باقی ہے تو اس پریس کانفرنس کی وضاحت کرنی چاہئے، امریکی صدر ڈونلڈ ٹرمپ 22 بار یہ بات دوہرا چکے کہ پاکستان بھارت کے دوران سیز فائر انہوں نے کروایا اور اسکی درخواست انڈیا نے کی، اجیت میں تھوڑی سی شرم ہے تو اس کی تردید دکھا دیں،یہ بتائیں شیوانگی سمیت سات پائلٹ کہاں ہیں، اجیت دوول کے دل میں ملک اور سینا کا ذرا سا بھی احترام ہے تو ایک سوال کا جواب دے دیں،پاکستان کے جوابی حملے میں واقعی کوئی نقصان نہیں ہوا تو سو جوان بھارتی کیسے مر گئے ،پوری دنیا مانتی ہے پاکستان نے بھارت کو جنگ میں صرف زخمی نہیں کیا بلکہ زہریلے دانت کو بھی توڑ دیا، بھارتی تجزیہ کار مسلسل بھارت کو مسلسل ذلیل کر رہے ہیں
مبشر لقمان کا مزید کہنا تھا کہ مودی کے فریب کو بھارتی سمجھ چکے ہیں، میڈیا پر بھارت سرکار کا مذاق اڑا رہے ہیں،بھگونت مان بالکل ٹھیک کہہ رہا مودی کو اڈانی اور امبانی کے علاوہ کسی کی فکر نہیں.
