Category: اہم خبریں

وزیر اعظم محمد شہباز شریف سے ترکیہ کے وزیر خارجہ عزت مآب ہاکان فیدان اور قومی دفاع کے وزیر عزت مآب یاسر گلر نے ملاقات کی۔ ملاقات میں نائب وزیراعظم اور وزیر خارجہ سینیٹر محمد اسحاق ڈار، چیف آف آرمی سٹاف فیلڈ مارشل سید عاصم منیر، وزیر دفاع خواجہ محمد آصف, قومی سلامتی کے مشیر لیفٹیننٹ جنرل محمد عاصم ملک اور دیگر اعلیٰ حکام بھی موجود تھے۔

ترک وفد کا خیرمقدم کرتے ہوئے وزیراعظم نے پاکستان اور ترکیہ کے درمیان دیرینہ برادرانہ تعلقات کا ذکر کیا جو مشترکہ تاریخ، ثقافت اور باہمی احترام پر مبنی ہیں۔ انہوں نے دوطرفہ تعلقات کے مثبت پیشرفت پر اطمینان کا اظہار کیا اور تجارت، سرمایہ کاری، ٹیکنالوجی اور دفاع سمیت مختلف شعبوں میں ترکیہ کے ساتھ تعاون کو مزید مضبوط بنانے کے لیے پاکستان کے غیر متزلزل عزم کا اعادہ کیا۔ اس سال کے دوران ترکیہ کے صدر عزت مآب رجب طیب ایردوان کے ساتھ ہوئی اپنی مختلف ملاقاتوں بشمول 17ویں ای سی او سربراہی اجلاس کے دوران حالیہ ملاقات،کا ذکر کرتے ہوئے، وزیراعظم نے پاک -ترکیہ تعلقات کو اسٹریٹجک شراکت داری میں تبدیل کرنے کے پاکستان کے پختہ عزم کا اعادہ کیا۔

نائب وزیراعظم/وزیر خارجہ سینیٹر محمد اسحاق ڈار اور وزیر خارجہ ہاکان فیدان کی مشترکہ صدارت میں مشترکہ کمیشن کے اجلاس کے انعقاد کا خیرمقدم کرتے ہوئے وزیراعظم نے امید ظاہر کی کہ دونوں ممالک کے درمیان دوطرفہ تعلقات مزید بہتر ہوں گے جس سے کثیر جہتی شعبوں میں تعاون کو تقویت ملے گی۔

اس بات کا اعادہ کرتے ہوئے کہ دونوں ممالک ایک دوسرے کے بنیادی مفادات کے لیے اپنی مضبوط اور غیر متزلزل حمایت جاری رکھیں گے، وزیر اعظم نے تیزی سے بدلتے ہوئے علاقائی اور عالمی ماحول بالخصوص غزہ اور ایران کے تناظر میں دونوں فریقوں کے درمیان قریبی روابط کی ضرورت پر زور دیا۔ انہوں نے ایک بار پھر بھارت کے ساتھ حالیہ تنازعہ کے دوران پاکستان کی مستقل حمایت پر ترک قوم اور قیادت کا تہہ دل سے شکریہ ادا کیا۔ وزیر اعظم نے 5 بلین امریکی ڈالرز کے باہمی متفقہ ہدف کو حاصل کرنے کے لیے دو طرفہ تجارت کو بڑھانے کی دونوں ممالک کی جانب سے ٹھوس کوششوں کی ضرورت پر زور دیا۔ پاکستان کی سرمایہ کار دوست پالیسیوں پر روشنی ڈالتے ہوئے، انہوں نے ترک کمپنیوں کو پاکستان میں اپنی سرمایہ کاری کا دائرہ بڑھانے کی دعوت دی اور ترکیہ کو پاکستان کی ساختی اصلاحات اور اقتصادی ترقی میں اشتراک کی دعوت دی۔

ڈی جی آئی ایس پی آر لیفٹیننٹ جنرل احمد شریف چوہدری نے کہا ہےکہ بھارت پاکستان میں دہشتگردکارروائیوں کی حمایت اور مالی معاونت کررہا ہے جب کہ ریاستی سرپرستی میں دہشتگردی کوبھارت نے بطورپالیسی پاکستان کے خلاف اپنایا ہوا ہے۔

غیر ملکی چینل کو دیے گئے انٹرویو میں ڈی جی آئی ایس پی آر نے کہا کہ بھارت کے مذموم عزائم پاکستان کی سلامتی بالخصوص بلوچستان کو غیرمستحکم کرنے کی منظم سازش ہے، بھارت پاکستان میں دہشتگردکارروائیوں کی حمایت اور مالی معاونت کررہا ہے اور ریاستی سرپرستی میں دہشتگردی کوبھارت نے بطورپالیسی پاکستان کے خلاف اپنایا ہوا ہے، بھارتی سیاسی قیادت متعدد مواقع پر پاکستان میں دہشتگردی کی پشت پناہی کا اعتراف کرچکی ہے، امریکا اور کینیڈا سمیت کئی ممالک بھارتی ریاستی دہشتگردی کا اعتراف کر چکے ہیں، بھارتی سرپرستی میں ہونے والی دہشتگردی کے نیٹ ورک کا ماسٹر مائنڈ اجیت دوول ہے۔

لیفٹیننٹ جنرل احمد شریف چوہدری کا کہنا تھا کہ پاکستان ایک ذمہ دار اور ڈکلئیرڈ ایٹمی طاقت ہے جس کی جوہری صلاحیت ناقابل تسخیر ہے، پاکستان کا ایٹمی پروگرام مکمل طور پر محفوظ ہے اور کوئی بھی پاکستان کے ایٹمی پروگرام کو نشانہ بنانے کی جرات نہیں کر سکتا، یہ پاکستان کی دفاعی صلاحیتوں اور موجودہ علاقائی توازن پر اعتماد کی عکاسی کرتا ہے،پاکستان نے اسلامی ریاست کے خلاف کسی بھی جارحیت کوعلاقائی استحکام کےلیے خطرہ قراردیا ہے، اسلام میں جہاد یا قتال کا اختیار صر ف ریاست کے پاس ہے، جہاد یا قتال کا کسی فرد ، تنظیم یا گروہ کو اختیار نہیں، فتنہ الخوارج کا اسلام، انسانیت ، پاکستان یا پاکستانی روایات سے کوئی تعلق نہیں، خارجیوں کی اصطلاح پاکستانی فوج اور میڈیا میں وسیع پیمانے پر استعمال ہورہی ہے جب کہ فتنہ الہندوستان کی اصطلاح ان دہشتگردوں کے لیے ہے جو بھارتی حمایت یافتہ ہیں، فتنہ الہندوستان خصوصاً بلوچستان میں ملک کو غیرمستحکم کرنےمیں سرگرم ہیں۔

پاکستانی فضائیہ نے 6 اور 7 مئی 2025 کی درمیانی رات ایک بڑے فضائی معرکے میں بھارتی فضائیہ کے چار جدید ترین رافیل جنگی طیارے مار گرائے۔ یہ معلومات اب انسانی انٹیلیجنس اور اوپن سورس انٹیلیجنس کے ذرائع سے مکمل طور پر تصدیق شدہ ہیں۔ گرائے جانے والے رافیل طیاروں کے سیریل نمبرز اور متعلقہ اسکواڈرنز کی تفصیلات بھی سامنے آ چکی ہیں

گرائےگئے رافیل طیاروں کی تفصیلات:
BS 001 – رافیل EH، نمبر 17 اسکواڈرن، ویسٹرن ایئر کمانڈ (Western Air Command)، "گولڈن ایروز” (Golden Arrows)۔

BS 022 – رافیل EH، نمبر 101 اسکواڈرن، ایسٹرن ایئر کمانڈ (Eastern Air Command)، "فیلکنز” (Falcons)۔

BS 027 – رافیل EH، نمبر 101 اسکواڈرن، ایسٹرن ایئر کمانڈ، "فیلکنز”۔

BS 021 – رافیل EH، نمبر 101 اسکواڈرن، ایسٹرن ایئر کمانڈ، "فیلکنز”۔

ذرائع کے مطابق پاکستانی پائلٹس نے نہایت پیشہ ورانہ مہارت کا مظاہرہ کرتے ہوئے دشمن کے جدید طیاروں کو کامیابی سے نشانہ بنایا۔ دفاعی تجزیہ کار اور ایوی ایشن ایکسپرٹ ایلن وارنز (Alan Warnes) نے بھی ان اطلاعات کی توثیق کی ہے۔ ان کے مطابق بھارتی فضائیہ نے اس واقعے میں واقعی چار رافیل طیارے کھوئے، جو کہ اس کے لیے ایک بڑا دھچکہ ہے۔ وارنز کا کہنا ہے کہ یہ نقصان نہ صرف آپریشنل اعتبار سے اہم ہے بلکہ رافیل جیسے قیمتی اور جدید ترین طیاروں کا اس طرح نقصان بھارتی فضائی حکمتِ عملی پر بھی سوالیہ نشان چھوڑتا ہے۔

ماہرین کا ماننا ہے کہ اگر یہ جھڑپیں اسی طرح جاری رہیں تو خطے میں کسی بڑی جنگ کے امکانات کو رد نہیں کیا جا سکتا۔ پاکستانی فضائیہ کی یہ کامیابی اس کی تربیت، صلاحیت اور ٹیکنیکل برتری کا منہ بولتا ثبوت ہے۔

بدھ کو راجستھان کے چورو ضلع میں فضائیہ کے ایک جنگی طیارے کے گرنے سے دو افراد زخمی ہو گئے ہیں۔

حکام کے مطابق حادثہ اچانک پیش آیا اور جائے وقوع پر فوری امدادی کارروائیاں شروع کر دی گئی ہیں۔ زخمیوں کو قریبی اسپتال منتقل کر دیا گیا ہے جہاں ان کا علاج جاری ہے۔ فضائیہ کی جانب سے حادثے کی وجوہات جاننے کے لیے تحقیقات کا آغاز کر دیا گیا ہے۔ مزید تفصیلات موصول ہوتے ہی خبر کو اپڈیٹ کر دیا جائے گا.