باغی ٹی وی کی رپورٹ کے مطابق توشہ خانہ ریفرنس میں سابق وزیراعظم نواز شریف کی طلبی کا اشتہارجاری کر دیا گیا
نوازشریف کی طلبی کااشتہارعوامی مقامات پرچسپاں کردیاگیا. احتساب عدالت کا کہنا ہے کہ نوازشریف جان بوجھ کرعدالتی کارروائی سے مفرورہیں،نوازشریف کواشتہاری قراردینےکی کارروائی شروع کردی،
توشہ خانہ ریفرنس میں نوازشریف کوجواب کیلئے 17 اگست تک آخری موقع دیا گیا ہے،توشہ خانہ ریفرنس میں سابق صدر آصف زرداری کے وارنٹ گرفتاری نیب کوارسال کر دیئے گئے،آصف زرداری کے 50 ہزارمچلکوں کیساتھ قابل ضمانت وارنٹ گرفتاری جاری کئے گئے ہیں
احتساب عدالت نے کہا ہے کہ آصف زرداری ضامن کے ساتھ پیش نہ ہوئےتوگرفتارکرکے پیش کیا جائے
واضح رہے کہ اس کیس میں سابق وزیراعظم نواز شریف کے بھی عدالت نے وارنٹ گرفتاری جاری کر رکھے ہیں،گزشتہ سماعت پر نیب نے عدالت کو بتایا کہ نواز شریف کے بیرون ملک جانے کا مکمل ریکارڈ حاصل کرلیا، عدالت نواز شریف کے خلاف قانون کے مطابق کاروائی کا حکم دے، نواز شریف کی طلبی کے لیے بیرون ملک اخبار میں اشتہار دیا جا سکتا ہے، نواز شریف ایون فیلڈ اپارٹمنٹس میں رہائش پذیر ہیں۔
توشہ خانہ ریفرنس پر سماعت کے دوران نیب نے عدالت کو آگاہ کیا کہ سابق صدر آصف زرداری اور سابق وزیراعظم نواز شریف نے یوسف رضا گیلانی سے غیر قانونی طور پر گاڑیاں حاصل کیں، آصف زرداری نے گاڑیوں کی صرف 15 فیصد ادائیگی کی، اور اس کی رقم جعلی اکاونٹس کے ذریعے ادا کی گئی۔
نیب کے مطابق آصف زرداری کو بطور صدر، لیبیا اور یو اے ای سے بھی گاڑیاں تحفے میں ملیں، آصف زرداری نے گاڑیاں توشہ خانہ میں جمع کرانے کے بجائے خود استعمال کیں۔
نیب کی جانب سے نواز شریف کے حوالہ سے عدالت کو بتایا گیا کہ سال 2008 میں وہ کسی بھی سرکاری عہدے پر نہیں تھے، اس کے باوجود نوازشریف کو بغیر کوئی درخواست دیئے توشہ خانے سے سرکاری گاڑی مہیا کی گئی۔
واضح رہے کہ رواں برس ماہ جنوی میں چیئرمین نیب جسٹس ریٹائرڈ جاوید اقبال کی زیر صدارت ایگزیکٹو بورڈ اجلاس میں سابق صدرآصف زرداری،نوازشریف،یوسف رضا گیلانی کےخلاف بدعنوانی ریفرنس کی منظوری دی گئی تھی
ملزمان پرتوشہ خانہ سےتحائف کی گاڑیاں اونےپونےداموں تقسیم کرنےکاالزام ہے،توشہ خانہ کی گاڑیوں سے متعلق نواز شریف اوریوسف رضا گیلانی سے پوچھ گچھ کی جاچکی ہے،
واضح رہے کہ نیب توشہ خانہ کیس میں تحفوں کے ذاتی استعمال سے متعلق تحقیقات کررہا ہے ،اس حوالہ سے نیب نے نواز شریف سے جیل میں بھی تحقیقات کی تھییں اور اس کے لئے عدالت سے اجازت لی تھی،.
تفتیشی افسر راحیل اعظم ڈپٹی ڈائریکٹرنیب نے عدالت سے استدعا کی تھی کہ نوازشریف سے بطورملزم تفتیش کی اجازت دی جائے،گاڑی 1997 میں سعودی عرب نے وزیراعظم پاکستان کو تحفے میں دی تھی ، مرسڈیزبینز یوسف رضاگیلانی نے غیر قانونی طورپر2008میں نوازشریف کو دی جیل میں نوازشریف سےتفتیش کی اجازت دی جائے .نیب نے جیل میں نواز شریف سے تحقیقات کی تھی.
باغی ٹی وی کی رپورٹ کے مطابق پاکستان میں کرونا وائرس کا پھیلاؤ جاری ہے، گزشتہ 24 گھنٹوں میں 77 افراد جان کی بازی ہار گئے جبکہ 2 ہزار 691 نئے مریض سامنے آئے
کرونا وائرس کے حوالہ سے بنائے گئے نیشنل کمانڈ اینڈ آپریشن سینٹر کی جانب سے جاری کردہ تازہ ترین اعدادو شمار کے مطابق : پاکستان میں کورونا وائرس کے باعث4ہزار 839 افراد جان کی بازی ہار چکے ہیں اور 2لاکھ 34ہزار509 مریض ہیں۔
ملک بھر میں کورونا کے ایکٹوکیسز کی تعداد 94 ہزار 713 ہے۔ جبکہ صحتیاب مریضوں کی تعداد ایک لاکھ 34 ہزار 957 ہو گئی ہے۔
سندھ میں کورونا مریضوں کی تعداد سب سے زیادہ 96ہزار236ہوگئی ہے جب کہ پنجاب82ہزار669، خیبرپختونخوا28ہزار236، بلوچستان 10ہزار 841، اسلام آباد13ہزار557،گلگت ایک ہزار587 اور آزاد کشمیر میں ایک ہزار383 افراد متاثر ہیں۔
پنجاب میں ایک ہزار899افراد کورنا وائرس سے جاں بحق ہوچکے ہیں جب کہ سندھ ایک ہزار572، خیبرپختونخوا ایک ہزار38، بلوچستان میں 124، اسلام آباد میں 140، آزادکشمیرمیں 36 اور گلگت بلتستان میں 30 کورونا مریض جان کی بازی ہار چکے ہیں
گزشتہ 24 گھنٹے کے دوران 71 کورونا مریض اسپتالوں اور 6 گھروں میں جاں بحق ہوئے۔ گزشتہ 24 گھنٹے کےدوران سندھ میں 41 اموات اسپتالوں اور5 گھروں میں ہوئیں۔
ایک دن میں پنجاب میں 14 اموات اسپتالوں اور ایک گھر میں ہوئی۔ خیبرپختونخوا میں 10 کورونا مریض اسپتال اور ایک گھر پردم توڑگیا۔ گزشتہ 24 گھنٹے میں اسلام آباد میں 3 اموات اسپتالوں میں ہوئیں۔ بلوچستان میں ایک دن کے دوران اسپتال ایک کورونا مریض جاں بحق ہوا۔
گلگت بلتستان میں گزشتہ 24 گھنٹے کے دوران اسپتال میں 2 اموات رپورٹ ہوئیں اور آزادکشمیر میں کوئی بھی کورونا وائرس سے جاں بحق نہیں ہوا۔
گزشتہ 24 گھنٹے کے دوران 24 ہزار 577 ٹیسٹ کیے گئے ہیں اور مجموعی طور پر 14 لاکھ 45 ہزار 153 ٹیسٹ کیے جا چکے ہیں۔ ملک بھر میں کورونا مریضوں کے لیے 1525 وینٹی لیٹرز دستیاب ہیں اور اس وقت 439 کورونا مریض وینٹی لیٹر پرہیں۔ آزادکشمیر اور گلگت بلتستان میں کوئی مریض وینٹی لیٹرپرنہیں ہے۔ ملک بھر کے 732 اسپتالوں میں کورونا مریضوں کےلیے سہولیات ہیں موجود ہیں اور اس وقت 4 ہزار 975 کورونا مریض اسپتالوں میں زیرعلاج ہیں.
بھارت پاکستان پر کب حملہ کر یگا؟ مودی جلد چین کے پیر پکڑ لے گا،جنرل ر نعیم خالد لودھی کے مبشر لقمان کے ہمراہ اہم انکشافات
باغی ٹی وی کی رپورٹ کے مطابق سینئر صحافی و اینکر پرسن مبشر لقمان نے کہا ہے کہ مودی کو جنرل باجوہ کی وجہ سے بڑی پرابلم ہوئی ہیں، جنرل باجوہ کو وہ روز دیکھتے رہے، پوری دنیا کے پریس میں آ رہا تھا، ایل او سی پر گئے، دوسرے بارڈر پر گئے، ٹروپس سے ملے، اب مودی کو لوگوں نے کہا کہ مار پڑی ہے،اپنے فوجیوں کا حوصلہ بڑھایا تو پھر مودی نے ایک فیک ہسپتال بنوایا 180 کلو میٹر دور اس ایریا سے جہاں جھڑپ ہوئی، مودی نے اپنے آرمی چیف کے ساتھ وزٹ کیا، سب کو پتہ چل گیا کہ یہ سب جعلی تھا، اب اسکا فائدہ ہونے کی بجائے نقصان ہونا شروع ہو گیا، میں تو کہوں گا کہ جنرل باجوہ کی وجہ سے مودی کی بڑی سبکی ہوئی ہے،
حالات تیزی سے بدل رہے ہیں اور روزانہ کی بنیاد پر ، جنرل رنعیم خالد لودھی آج ساتھ ہیں ان سے بات کریں گے،جنرل صاحب یہ بتائیں کہ انڈیا میں جو ہو رہا ہے دنیا میں سب سے زیادہ اسلحہ اس سال خرید رہے ہیں تو کہیں تو یہ استعمال ہونا ہے تو کیا پلاننگ ہے انکی؟
مبشر لقمان کے سوال کے جواب میں جنرل ر نعیم خالد لودھی کا کہنا تھا کہ جی بالکل کلیئر ہے منصوبہ جہاں تک میرا اندازہ ہے، چین اور بھارت کے مابین صورتحال ہائی رکھیں گے تا کہ زیادہ سے زیادہ اسلحہ خرید سکیں، امریکہ اور روس سے، روس شاید چین کی وجہ سے نہ دے، انکو پیسہ چاہئے، دیا اور جہاز اٹھا لئے، رافیل، انٹی بلاسٹک سسٹم آ جائے گا، اسکے بعد چین کے ساتھ بات چیت شروع کر دیں گے، امریکہ کو اندازہ ہو گا کہ جس ملک کو انہوں نے کھڑا کیا چین کے خلاف وہ انہیں دغا دے گا، پہلے دغا دے چکا افغانستان میں، امریکہ دوسری بار ٹرائی کر رہا ہے لیکن بھارت امریکہ کو چین کے حوالہ سے جھنڈی کرا دے گا جب ہتھیار خرید لے گا،ہتھیار کہاں استعمال ہونے ہیں،وہ آپ اور ہم جانتے ہیں، پاکستان کو دبانے اور پریشر ڈالنے کے لئے، بدلہ لینے کے لئے جو جہاز انکے گرے تھے اور ان سے کچھ نہیں بنا، کشمیر میں مزاحمت کنٹرول نہیں آ رہی، وہ آئے روز ایل او سی فائرنگ کرتے رہتے ہیں، بڑے مخمصے میں ہیں، ہندو ذہن کا خاصہ ہے کہ وہ کام نہیں کرتے،آجکل ہم جو پریشان ہوتے ہیں کہ فالس فلیگ آپریشن ہو گا، میرا اندازہ ہے کہ کچھ نہیں ہو گا کم از پانچ چھ مہینے تک، اسکے بعد ضرور ہو گا، اب یہ ہم نے فیصلہ کرنا ہے کہ ہم ان کے ٹایم کے مطابق ہونے دیں یا اپنا وقت چنیں، میرے پاس وہ معلومات نہیں جو ملٹری لیڈر شپ کے پاس ہیں، انکا جو بھی فیصلہ ہو گا درست ہو گا اور ہم اسکی تائید کرتے ہیں
مبشر لقمان کا کہنا تھا کہ ہم نے کس دن ایکٹ کرنا ہے،گلوان وادی پر چین نے قبضہ کیا ہوا ہے، سیاچین اور کارگل کو وہ لوجسٹک سپورٹ دے نہیں سکا انڈیا،کیوں نہیں ہمیں سمجھ آ رہی، انڈیا نے کبھی ہم سے پوچھا، جس پر جنرل ر نعیم خالد لودھی کا کہنا تھا کہ یہی وجہ ہے، میں کہہ رہا تھا کہ معلومات میرے پاس پوری نہیں ہیں، اسکے ساتھ اور بھی کئی وجہ ہیں،کوئی شک نہیں ہم پوری کوشش کر رہے ہیں ڈپلومیسی میں، پانچ ،چھ چیزیں گنوایا کرتا ہوں، ہمارے پاس بہترین موقع ہے، وہ ڈیمو گرافی بدلنے کی کوشش کر رہے ہیں، کشمیر انٹرنیشنلائز ہو چکا ہے، چین کی وجہ سے بھی اور ہماری وجہ سے،تین ایٹمی طاقتوں کے مابین کوئی بات ہو تو جتنا اچھالا جائے اچھا ہے، چائنہ کی مدد سے قرارداد پاس کروانی چاہئے کہ مقبوضہ کشمیر ، آزاد کشمیر،گلگت بلتستان میں آبادی کا سروے کروایا جائے تا کہ نہ وہ ڈیمو گرافی بدل سکیں اور نہ ہم، یہ بڑا جائز مطالبہ تھا لیکن ہم نے نہیں کیا،اسکے بعد ہم یہ کہہ سکتے ہیں کوشش کرنی چاہئے کہ حکومت یورپی یونین میں کام کرے تا کہ مقبوضہ کشمیر کے لوگوں کی نمائندگی ہو، یو این میں بھی کوشش کرنی چاہئے، یو این کو کہیں کہ اپنے انڈر آزاد کشمیر، گلگت بلتستان میں استصواب رائے کروا لیں،اور بعد میں اسکو ایکسٹیڈ کر لیں گے مقبوضہ کشمیر کی طرف، فوجیں بیرک یا بارڈر میں بند کر دیں گے آ کر چیک کریں ،ہم نہیں کر پا رہے، شملہ معاہدہ منسوخ کر دینا چاہئے، انہوں نے دھجیاں اڑا دی ہیں لیکن ہم کچھ نہیں کر پا رہے،ہمیں چاہئے کہ ہمارے نوجوان انکی ٹریننگ کریں یہ کہہ کر کہ اگر ہم پر حملہ ہوا تو نوجوان پاک فوج کے ساتھ کھڑے ہوں گے لیکن ہم یہ نہیں کر رہے، ایک ایسا فولڈرہمیں بنانا چاہئے جس میں ان کے میجر نے کہا کہ وہاں کی بچیوں کے ریپ کرنے چاہئے،اسکی ویڈیوہمارے پاس ہے،جب انکے میجر نے کہا کہ بلوچستان میں ہم یہ کر رہے ہیں اسکی ویڈیو ہے ہمارے پاس، کلبھوشن یادیو ہے ہمارے پاس، ہم کیوں نہیں ایک فولڈر بنا کر لے کر جاتے،سوال کرتے رہنا چاہئے جب تک جواب نہ ملے اسکا ضرور اثر ہو گا، فارن منسٹر تک سارے سوال پہنچائے اور جگہوں پر بھی پہنچائے،اللہ کرے گا ان پر عمل ہو گا
مبشر لقمان کا کہنا تھا کہ چین اور بھارت میں کشیدگی کتنی آگے جائے گی جس کے جواب میں جنرل ر نعیم خالد لودھی نے کہا کہ چائنہ انڈیا کشیدگی ایک تو بظاہر جو وجوہات ہیں بڑی وجہ ہیں، چین، سی پیک کی بات کی، سڑک سنکیانگ اور تبت کو ملاتی ہے وہ بھی گزرتی ہے، یہ وجوہات سامنے نظر آ رہی ہیں، مین بڑی وجہ دو اور گہری ہیں، نیکسس جو بھارت اور امریکا کا ہے، 12 معاہدے آپس میں لوجسٹک، تنصیبات استعمال کرنے، ہتھیار استعمال کرنے، انٹیلی جنیس شیئرنگ کے معاہدے ہیں یہ سب چائنہ کے خلاف تھا اور چین اس پر ناراض تھا، دوسرا جو انڈو پیسک ریجن میں کواڈ نامی جس میں آسٹریلیا اور جاپان کو شامل کر کے سیکورٹی نظام بنایا، ویتنام میں بھی اسکو شامل کر رہے ہین یہ دو باتیں چین کو پسند نہین آئیں جب چین کے خلاف یہ ہو رہا ہے تو چین نے سوچ لیا کہ اس پر جتنا جلدی وار کر سکوں کروں ،اسنے بھارت کو چن لیا اور وہ جلدی انکا پیچھا نہیں چھوڑنے والا، یہ کشیدگی گہری ہوتی جائے گی، اٹیک نہیں ہوں گے لیکن کشیدگی، اکنامک تعلقات، سیاسی تعلقات پر اثر پڑے گا، سی پیک کے لئے زیادہ سودمند ہو شاید کہ چین اس پر زیادہ توجہ دے لیکن پاکستان کے لئے مسائل کھڑے ہو سکتے ہیں
مبشر لقمان کا کہنا تھا کہ ابھی بھی ایک انڈین فورسز سٹینڈ ٹو پر کھڑی ہین وہ کچھ بھی کرتے ہیں تو انکا کئی بلین خرچ ہو رہا ہے تو کب تک انڈیا ایسا کرے گا جس کے جواب میں جنرل ر نعیم خالد لودھی نے کہا کہ یہ انڈیا تب تک کرے گا جب تک ہتھیار نہیں حاصل کر لیا، امریکا اور ویسٹ سے انڈیا اسلحہ آنی ہے اور اسی شرط پر آنی ہے کہ وہ چین کو دھمکیاں دیتا رہے،جب چین نے کہہ دیا کہ ایل اے سی کراس نہیں کی ہم علاقے میں ہیں ، مودی بھی کہتا ہے کہ وہ ہمارے علاقے میں نہیں آئے تو پھر بات ختم ہو جانی چاہئے، لیکن اسکا مطلب یہ ہے کہ مسئلہ زیادہ گہرا ہے وہ سٹیڈ اپ رکھٰیں گے،خرچہ برداشت کرین گے جب تک ہتھیار نہیں آتے اسکے بعد وہ بات چیت کریں گے، انکے پلان میں ایسا ہی ہو گا، یہ ایک ڈیڑھ سال تک رہے گا جب تک انڈیا اسلحہ کے ڈھیر نہیں جمع کر لیتا
مبشر لقمان کا کہنا تھا کہ انڈیا کا پاکستان کے ساتھ کنفلیکٹ ہونا ہے،مجھے اس میں کوئی شک نہیں کب ہونا ہے یہ ٹائم پر منحصر ہین کیا ہم تیار ہیں،جس پر جنرل ر نعیم خالد لودھی نے کہا کہ بالکل ہونا ہے اور میں یہ بھی بتا دیتا ہوں کہ کیوں ہونا ہے، کیونکہ اگر وہ کشمیر میں جو کچھ چل رہا ہے وہ کرتا رہے پاکستان نہ بھی ڈیفنس کرے تب بھی اس نے پاکستان کے لئے آنا ہے وہ کشمیر کو اسوقت تک ہضم نہیں کر سکتا جب تک وہ پاکستان کو کسی ہزیمت کا سامنا نہ کروا دے، یہ انکی پلاننگ کی بات کر رہا ہوں،اللہ کرے ایسا ہو گا نہیں، دوسرا بھارت میں اقلیتیں ہیں جب پاکستان کو کھڑا ہوتا دیکھے ہیں بھارت کے خلاف تو انکے حوصلے بلند ہوتے ہیں، جب تک پاکستان کو کوئی ہزیمت نہ پہنچا دیں چاہے وہ چھوٹی ہو اور میڈیا کے ذریعے اسے بڑا کر دیں، انہین پتہ ہے کہ کشمیر انکے قابو میں نہیں اور نہ قابو میں آنے والا ہے، بھارت میں اقلیتیں بھی پاکستان کے حوصلے بلند دیکھ کر خوش ہوتی ہیں یہ بھی بھارت کو برداشت نہیں،وقت کی بات ہے میرا اندازہ ہے وہ رافیل کے آنے کا انتظار کریں گے، بیلسٹک میزائل سسٹم اور بحری جہاز جو روس سے آنا ہے، کا انتظار کریں گے، اتنے میں امریکہ الیکشن کی جانب چلا جائے گا اور دنیا کی توجہ اس طرف ہو گی،یہ وہ وقت ہو گا جب وہ کچھ کرے گا اور کرے گا ضرور میں اس سے اتفاق کرتا ہوں
مبشر لقمان کا کہنا تھا کہ پھر تو آپ اگلے سال کی بات کر رہے ہین ، اس سال مین تو کچھ نہیں ہو گا،جس پر جنرل ر نعیم خالد لودھی نے کہا کہ انکے پلان کے مطابق اگلے سال کی بات ہے، جو میں تجزیہ دے رہا ہوں اسکی ہماری انٹیلی جینس کے پاس انفارمیشن ہے تو پھر پاکستان کو کب کرنا چاہئے انکو بھی سوچنا ہو گا، مبشر لقمان کا کہنا تھا کہ ہماری تو رسپانس کمزور ہے ہم نے بیان دیا، کراچی سٹاک ایکسچینج میں ہونے والے واقعہ کا ہمیں پتہ ہے کہ اس میں کون ملوث ہے،اسکے باوجود ہم اقوام متحدہ، عالمی عدالت نہیں گئے، اردو اخباروں میں بیانات یہ کافی ہیں
جس پر جنرل ر نعیم خالد لودھی کا کہنا تھا کہ میں نے اس پر ٹویٹ کی ہے، تھوڑا خطرناک بھی ہے لیکن میں اسکا ذکر کر دیتا ہوں ،ہم دو کام کر رہے ہیں، نوحہ گری کر رہے ہیں ،وہ کیا ہو گیا، دوسرا دنیا کے ضمیر جاگنے کا انتظار کر رہے ہیں اپنے ضمیر سے سوال نہین پوچھ رہے کہ اسکا کیا حال ہے
بھارتی فوج کی لائن آف کنٹرول پر بلا اشتعال فائرنگ سے 5 شہری زخمی
پاک فوج کے شعبہ تعلقات عامہ (آئی ایس پی آر) کے ڈائریکٹر جنرل (ڈی جی) کے مطابق ایل او سی پر بھارتی فوج کی بلا اشتعال فائرنگ سے زخمی ہونے والوں میں 2 لڑکے اور دو بزرگ خواتین بھی شامل ہیں۔بھارتی فوج نے ایک بار پھر کنٹرول لائن پرجنگ بندی معاہدے کی خلاف ورزی کرتے ہوئے سول آبادی پر بلا اشتعال فائرنگ کی، جس کے نتیجے میں 2 بزرگ خواتین سمیت 5 شہری زخمی ہوگئے۔
آئی ایس پی آر کے مطابق بھارتی فوج نے نکیال سیکٹر میں شہری آبادی کو نشانہ بنایا جبکہ پاک فوج نے بھارتی فائرنگ کا فوری اور مؤثر جواب دیا۔
ایل او سی پر بھارتی فوج کی بلااشتعال فائرنگ کے بعد سنیئر بھارتی سفارتکار کو دفتر خارجہ طلب کر کے احتجاج بھی ریکارڈ کرا گیا ہے۔ترجمان دفتر خارجہ عائشہ فاروقی کا کہنا تھا کہ بھارت نے ایل او سی معاہدے کی خلاف ورزی کی، بھارت جان بوجھ کر شہری آبادی کونشانہ بنارہا ہے
باغی ٹی وی کی رپورٹ کے مطابق وزیراعظم کی ہدایت پرپنجاب حکومت کاذخیرہ اندوزوں کےخلاف کریک ڈاون جاری ہے،
ذخیرہ کی گئی 16 ہزار ٹن چینی برآمد کرلی گئی،ذخیرہ اندوزوں سےبرآمدکی گئی چینی کی مالیت 1.1 ارب روپے سے زائد ہے،ذخیرہ اندوزوں سےتقریباًٍٍٍٍٍٍٍٍٍٍ 716 ٹن گندم اور2 ہزار ٹن چاول بھی برآمد کیےگئے،
وزیراعظم عمران خان نے ہدایت کی ہے کہ برآمدکی گئی چینی،گندم،چاول حکومتی نرخوں پرمارکیٹ میں بیچاجائے،
ذخیرہ اندوزوں کےخلاف ٹائیگر فورس نےخصوصی طورپراطلاعات فراہم کی تھیں،
دوسری جانب وزیراعظم عمران خان نے پنجاب حکومت کو آٹے کی قیمتوں میں استحکام لانے کی ہدایت کی ہے،وزیراعظم عمران خان نے کہا ہے کہ آٹے کی قیمت کم کرکے پرانی قیمتوں پربحال کیا جائے،آٹے کے 20 کلوتھیلے کی قیمت میں 150روپے کمی کی جائے،پنجاب حکومت آٹےکی قیمت کنٹرول کرنےکیلئے ہنگامی اقدامات کرے،
باغی ٹی وی کی رپورٹ کے مطابق وزیراعظم عمران خان نے این ٹی آر سی ہری پور کا دورہ کیا
وفاقی وزرا فواد چودھری اور زبیدہ جلال بھی وزیراعظم کے ہمراہ تھے،وینٹی لیٹرز تیار کرنے والے انجینئرز نے وزیراعظم کو بریفنگ دی،وزیراعظم نے مقامی سطح پر وینٹی لیٹرز تیار کرنے کی تعریف کی
وزیراعظم نے سیف وینٹ وینٹی لیٹرز کی پہلی کھیپ این ڈی ایم اے کے حوالے کر دی۔
وزیراعظم عمران خان کا کہنا تھا کہ این آرٹی سی پاکستان میں وینٹی لیٹربنانے والاپہلا ادارہ بن چکا،سیف وینٹ ایس پی 100کےنام سے پورٹیبل وینٹی لیٹرتیارہورہے ہیں،سیف وینٹ ایس پی 100 وینٹی لیٹرسستا،معیاری ،عالمی اداروں سے منظورشدہ ہے،این آر ٹی سی نے وینٹی لیٹرز کے 15 یونٹس تیارکر لیےہیں،
وزیراعظم عمران خان کا کہنا تھا کہ ہمارے ملک میں ٹیلنٹ کی کمی نہیں،ہم اپنے لوگوں کی ذہانت سے فنی مہارت کے ذریعے خود انحصاری کی منازل طے کریں گے،حکومت خود انحصاری اور جدید ٹیکنالوجی کے حصول کے تمام منصوبوں میں تعاون کرے گی ،نوجوان نسل کی صلاحیتوں کوبروئے کار لا کر خودانحصاری کی منازل طے کریں گے،
وزیراعظم عمران خان کا مزید کہنا تھا کہ اسمارٹ لاک ڈائون کے ذریعے معیشت کو بحال رکھنے کی حکمت عملی کو وسیع پیمانے پر سراہا جارہا ہے،کورونا وبا پر قابو پانے کےلیے ہماری حکمت عملی کامیاب رہی ہے ،اب ہماری توجہ طبی شعبے کی جامع اصلاحات پر ہے
وزیراعظم آفس سے جاری اعلامیہ کے مطابق این آر ٹی سی ماہانہ 250 سے300 وینٹی لیٹربنانےکی صلاحیت رکھتاہے،
واضح رہے کہ پاکستان میں جدید طرز کے مقامی وینٹی لیٹرز کی تیاری میں وزارت سائنس اینڈ ٹیکنالوجی اور این آر ٹی سی نے زبردست کارنامہ انجام دیا اور پہلی بار ” میڈ ان پاکستان” وینٹی لیٹرز تیار کئے۔این آر ٹی سی پاکستان کا پہلا اداراہ ہے جو مقامی سطح پر وینٹی لیٹرز بنا رہا ہے، یہ وینٹی لیٹرز آسانی سے ایک جگہ سے دوسری جگہ منتقل کیے جا سکتے ہیں اور انھیں سیف ایونٹ ایس پی 100 (Safevent SP 100) کا نام دیا گیا ہے، اس پیداواری یونٹ میں ہر ماہ ڈھائی سو سے 300 تک وینٹی لیٹرز تیار کرنے کی صلاحیت ہے۔
وینٹی لیٹرز کی تیاری سے متعلق این آر ٹی سی حکام نے بریفنگ میں کہا تھا کہ جنوری میں وزارت دفاعی پیداوار نے وینٹی لیٹرزکی تیاری کاٹاسک دیا، ترک کمپنی کے ڈیزائن پر وینٹی لیٹرز تیار کررہے ہیں، اب تک 12 وینٹی لیٹرز تیار کیے جاچکے ہیں ، ایک ہفتے میں 75سے 180وینٹی لیٹرز تیار کرسکتے ہیں۔ پاکستان میں وینٹی لیٹرز کی تیاری عالمی معیار کے مطابق ہے، انجینئرنگ کونسل نے وینٹی لیٹر کوعالمی معیار کےمطابق قراردیاہے.
کورونا وائرس اور بھارت میں لاک ڈاون کے باعث پاک بھارت سرحدیں بند ہونے کی وجہ سے پاکستان میں محصور 114 بھارتی شہری 9 جولائی کو بھارت واپس چلے جائیں گے۔ بھارت کی درخواست پر پاکستان کی وزارت خارجہ کی طرف سے وزارت داخلہ کو بھیجے گئے ایک مراسلے پر وزارت داخلہ نے ڈی جی پاکستان رینجرزپنجاب کو تیاریاں مکمل کرنے کے حوالے سے خط بھی لکھ دیا ہے جس میں کہا گیا ہے ہندوستانی شہریوں کی واہگہ سرحد سے پیدل وطن واپسی کے انتظامات کیے جائیں۔ واہگہ بارڈر جو گزشتہ چند ماہ سے بند ہے، ایک روز کے لئے خاص طور پر ان بھارتی شہریوں کی واپسی کے لئے کھولا جائےگا۔ بھارتی شہریوں کی وطن واپسی کے دوران صحت ضابطہ کار پر ہر صورت عمل کیا جائے گا۔
[advanced_iframe src=”//www.tinywebgallery.com/blog/advanced-iframe” width=”100%” height=”600″][advanced_iframe src=”//www.tinywebgallery.com/blog/advanced-iframe” width=”100%” height=”600″]کورونا وائرس اوربھارت میں مکمل لاک ڈاون کے باعث بھارت کے مختلف شہروں میں پھنسے ہوئے 82 پاکستانی شہریوں کی بالآخر سنی گئی۔ بھارت نے ان 82 پاکستانیوں کو پاکستان واپس بھیجنے کی خوشخبری سنا دی ہے جس کے بعد ان پاکستانی شہریوں کی اسی ہفتے واپسی کی امید پیدا ہو گئی ہے۔ پاکستانی شہریوں نے وطن واپسی کی تیاریاں شروع کر دی ہیں۔ واہگہ بارڈر جو گزشتہ چند ماہ سے بند ہے، ایک روز کے لئے خاص طور پر ان پاکستانی شہریوں کی واپسی کے لئے کھولا جائےگا۔ بھارتی حکومت نے ان تمام پاکستانی شہریوں کے ویزوں میں بھی توسیع کر دی تھی۔ یہ تمام پاکستانی بھارت میں اپنے عزہزواقارب سے ملنے کے لئے گئے تھے کہ پاکستان اور بھارت نے کورونا کے باعث اپنی سرحدیں بند کر دیں جب کہ بھارت میں لاک ڈاون کے باعث یہ تمام شہری اپنے رہائشی علاقوں میں ہی محصور ہو کر رہ گئے تھے۔
ریاض: سعودی عرب کی سرکاری خبر ایجنسی العربیہ کے مطابق کورونا کی عالمی ویاء کے باعث رواں برس دوران حج حجاج کرام اور عملے کے لیے ماسک اور دستانے پہننا لازم ہوں گے۔ حجاج کرام کےسرکے بال تراشنے والے ایک دوسرے کےآلات استعمال نہیں کرسکیں گے۔عازمین حج نماز کے دوران بھی ایک دوسرے سے 2میٹر فاصلے کی پابندی کریں گے۔ رمی کےلیےحجاج کو پیک شدہ کنکریاں فراہم کی جائیں گی۔ سعودی حکومت کی جانب سے جاری کردہ قواعد و ضوابط کے مطابق طواف کرنے والوں کی بھی قافلہ بندی کی جائے گی۔ طواف کے دوران حجاج کرام کو کم از کم ڈیڑھ میٹرکا فاصلہ رکھنا ہوگا۔ حج کے نئے قواعدوضوابط کےمطابق خانہ کعبہ یا حجراسود کوچھونا منع ہوگا۔ دوران حج مسجد الحرام میں کھانےکی اشیا لانے پرپابندی ہوگی۔ کھانے پینے، پانی پینےیاآب زمزم کے لیے ڈسپوزیبل بوتلیں اور ڈبےاستعمال کیے جا سکیں گے۔ حجاج کرام کو کھانے پینےکےبرتن دوبارہ استعمال کرنے کی اجازت نہیں ہوگی اور بسوں میں عازمین کی تعداد متعین ہوگی۔پورے سفر کے دوران ہر حاجی کی نشست متعین ہوگی۔ کسی بھی حاجی کو بس میں کھڑے ہونے کی اجازت نہیں ۔ہوگی۔العربیہ کے مطابق 18 جولائی 2020سے منیٰ، مزدلفہ اور عرفات میں اجازت کے بغیر جانا منع ہوگا۔ سعودی حکام کی جانب سے دوران حج رہائشی عمارتوں اور ہوٹلوں میں بیٹھنے اور انتظار کرنے کی جگہوں کو مسلسل سینیٹائز کیا جائے گا۔ دروازوں کے ہینڈل، کھانے کی میز، کرسیوں اور صوفوں کے ہتھے سینیٹائز کیے جائیں گے۔ ہوٹلز میں کھانا تیار کرنے، پیش کرنے سے قبل، حمام سے نکلنے کے بعد، کسی کو ہاتھ ملانے یا چھونےکے بعد صابن اور پانی سے ہاتھ دھونے ہوں گے۔ عبادت کے دوران حاجیوں کو ماسک اتارنے کی اجازت نہیں ہوگی۔
ایسے کسی بھی شخص کو حج کی اجازت نہیں دی جائے گی جس میں زکام جیسی علامات ہوں گی۔ اجازت نامے کے لیے اسے ڈاکٹر سے فٹنس سرٹیفیکیٹ لینا ہوگا۔ منیٰ میں جمرات کی رمی کے لیے سینیٹائز کنکریاں فراہم کی جائیں گی۔ منیٰ میں 10، 11، 12 اور 13 ذی الحج کو حجاج رمی جمرات کرتے ہیں جبکہ رمی کے حوالے سے طے کیا گیا ہے کہ 50 افراد پر مشتمل ایک گروپ کو ہر منزل پر رمی کے لیے جانے کی اجازت دی جائے گی۔ رمی کرتے وقت ڈیڑھ سے دو میٹر تک کا فاصلہ ضروری قرار دیا گیا ہے۔ کسی بھی خیمے میں 10 سے زیادہ حاجیوں کو ٹھہرانے کی اجازت نہیں ہوگی اور ہر خیمہ 50 مربع میٹر کا ہوگا۔
وزیراعلیٰ پنجاب سردار عثمان بزدار نے لائن آف کنٹرول پر شہری آبادی پر بھارتی فوج کی اشتعال انگیزیوں کی شدید الفاظ میں مذمت کی ہے۔ وزیراعلی ہاوس کی جانب سب سے جاری کردہ بیان میں کہا گیا کہ وزیراعلیٰ عثمان بزدار نے بھارتی فوج کی فائرنگ سے نکیال سکیٹر میں بچوں،خواتین سیمت 5 زخمی افراد کی جلد صحت یابی کے لئے دعا کی ہے۔ انہوں نے کہا کہ بو کھلاہٹ کا شکار بھارت شہری آبادی کو نشانہ بنا کر عالمی قوانین اور انسانی حقوق کی پامالی کر رہا ہےجب کہ مودی سرکار کی اشتعال انگیزیاں خطے کے امن کیلئے خطرہ ہیں۔انہوں نے کہا کہ ہمیں فخر ہے کہ پاکستان کی بہادر مسلح افواج نے بزدل دشمن کو ہمیشہ منہ توڑ جواب دیا ہے ۔
