خان پور:خان پور میں ٹرین حادثہ ۔شالیمار ایکسپریس مال گاڑی سے ٹکرا گئی،اطلاعات کے مطابق خان پورمیں ٹرین حادثے کی اطلاعات ہیں ، یہ بھی بتایا گیا ہےکہ اس حادثے میں شالیمارایکسپریس مال گاڑی سے ٹکرا گئی ہے
تفصیلات کے مطابق رحیم یار خان کے علاقے خان پور کے جٹھہ بھٹہ سٹیشن پر 27 شالیمار ایکسپریس اور ڈاؤن سائیڈ کی مال گاڑی ٹکراگئیں۔ شالیمار ایکسپریس کراچی سے لاہور جا رہی تھی۔
ریلوے ذرائع کا کہنا ہے کہ حادثہ آٹو میٹک کانٹا چینج ہونے کے باعث ہیش آیا۔ حادثہ کے باعث دونوں سائیڈ کی ٹریفک کو معطل کر دیا ہے۔
بریکنگ نیوز ایک اور ٹرین حادثہ شیخ رشید استعفی دو 👇👇 خان پور :جیٹھہ بھٹہ اسٹیشن پر 27 آپ شالیمار ایکسپریس اور ڈاؤن سائیڈ کی مال گاڑی کو حادثہ 27 آپ شالیمار ایکسپریس کراچی سے لاہور جا رہی تھی حادثہ کانٹا چینج ہونے کے باعث پیش آیا، جانی و مالی نقصان کا خدشہ،@MaizaHameedpic.twitter.com/H2fvtRX6op
— رفاقت علی خانپوری (@Rafaqat81716949) July 4, 2020
واضح رہے کہ گزشتہ روز شیخوپورہ کے علاقے فاروق آباد میں ایک ٹرین حادثہ ہوا تھا جس میں سکھ زائرین کے 22 افراد زندگی کی بازی ہار گئے تھے۔
ابتدائی تحقیقاتی رپورٹ میں بتایا گیا تھا کہ یہ حادثہ ویگن ڈرائیور کی جلد بازی کے باعث پیش آیا تھا، ان میں سے 17 سکھ زائرین کی آخری رسومات آج نوشہرہ میں بھی ادا کر دی گئی ہیں۔
باغی ٹی وی کی رپورٹ کے مطابق چیئرمین ایف بی آر کو ایک بار پھر تبدیل کر دیا گیا
وفاق نے جاوید غنی کو نیا چیئرمین ایف بی آر تعینات کرنے کی منظوری دے دی،حکومت نے چیئر پرسن ایف بی آر نوشین کو عہدے سے ہٹا دیا ،کابینہ نےچیئرمین ایف بی آرکی تعیناتی کی منظوری دی،پی ٹی آئی دور مین جاوید غنی چوتھے چیئرمین ایف بی آر ہوں گے
رواں برس 6 اپریل کو گریڈ 22 کی افسر نوشین جاوید امجد کو چیئر پرسن ایف بی آر تعینات کیا گیا تھا اب انکو ہٹا دیا گیا ہے،
قبل ازیں سابق چیئرمین ایف بی آر شبر زیدی کی اعزازی طور پر چئیرمین تقرری فوری طور پر ختم کر دی گئی تھی۔ شبر زیدی پہلے سے ہی غیر معینہ مدت کیلئے رخصت پر تھے۔ چئیرمین ایف بی آرشبر زیدی کی رخصت کی وجہ سے نوشین جاوید امجد قائمقام چیئر پرسن کے طور پر کام کر رہی تھیں۔
واضح رہے کہ چند روز قبل پاکستان پیپلزپارٹی کے چیئرمین بلاول بھٹو زرداری نے کہا تھا کہ پی ٹی آئی کی ایف بی آر کی ناکامی کی وجہ سے سندھ کو 229 ارب روپے کا نقصان ہوا،پی ٹی آئی کی ایف بی آر کی ناکامی کی وجہ سے پنجاب کو 483 ارب روپوں کا نقصان ہوا،
سندھ ریونیو بورڈ نے اس سال 105 ارب روپے سے زائد کا ریونیو اکھٹا کیا، معیشت کی سست رفتاری اور کرونا وائرس کے باوجود سندھ کے ریونیو میں پانچ فیصد سے زائد کا اضافہ ہوا،سندھ میں کرونا وائرس سے صحت یاب ہونے والے مریضوں کی تعداد سب سے زیادہ ہے، سندھ میں 46 ہزار 824 افراد نے کرونا وائرس کو شکست دی، ملک کے ایک لاکھ صحت یاب مریضوں میں سندھ کا تناسب 46 فیصد ہے
باغی ٹی وی کی رپورٹ کے مطابق وزیراعظم عمران خان نے کرونا وائرس کے حوالہ سے بنائے گئے نیشنل کمانڈ اینڈ کنٹرول سنٹر کا دورہ کیا
وزیراعظم عمران خان کی زیر صدارت این سی او سی میں اجلاس ہوا،جس میں وزیراعظم عمران خان کو این سی او سی کارکردگی رپورٹ پیش کی گئی،وزیراعظم عمران خان نے این سی او سی کو خراج تحسین پیش کیا
وزیراعظم کی زیر صدارت این سی او سی میں اجلاس میں وفاقی وزرا،معاونین اور اعلی عسکری حکام اجلاس میں شریک ہوئے،وزیراعظم عمران خان کا کہنا تھا کہ این سی او سی کا کام قابل تحسین ہے،
وزیراعظم کو ملک میں کورونا صورتحال پر بریفنگ دی گئی،عیدالاضحیٰ کے ایس او پیز سے متعلق تجاویز پیش کی گئی، اسمارٹ لاک ڈاؤن کے نتائج پروزیراعظم کو بریفنگ دی گئی،
وزیراعظم عمران خان کا کہنا تھا کہ اسمارٹ لاک ڈاؤن کے بہترین نتائج موصول ہورہے ہیں، دنیا بھر میں سمارٹ لاک ڈاون کے آئیڈیا کو پزیرائی ملی
کوروناوائرس سے نمٹنے کے لیے نیشنل کمانڈ اینڈ آپریشن سنٹر کے 100دن مکمل ہو گئے ،
نیشنل کمانڈ اینڈ آپریشن سنٹر کے حکام کا کہنا ہے کہ کوروناوائرس سے نمٹنے کے لیے دن رات حکمت عملی واضح کی، کورونا کے پھیلاؤ کو روکنے اور معیشت کو بحال رکھنے کی حکمت عملی بنائی گئی،آج ڈاکٹرز، پیرا میڈکس اور سیکیورٹی فورسز کو خراج تحسین پیش کرنے کا دن ہے،کوروناوائرس سے نمٹنے کے لیے ہر پاکستانی ایک ہیرو ہے
باغی ٹی وی کی رپورٹ کے مطابق کوروناوائرس سے نمٹنے کے لیے نیشنل کمانڈ اینڈ آپریشن سنٹر کے 100دن مکمل ہو گئے ،
نیشنل کمانڈ اینڈ آپریشن سنٹر کے حکام کا کہنا ہے کہ کوروناوائرس سے نمٹنے کے لیے دن رات حکمت عملی واضح کی، کورونا کے پھیلاؤ کو روکنے اور معیشت کو بحال رکھنے کی حکمت عملی بنائی گئی،آج ڈاکٹرز، پیرا میڈکس اور سیکیورٹی فورسز کو خراج تحسین پیش کرنے کا دن ہے،کوروناوائرس سے نمٹنے کے لیے ہر پاکستانی ایک ہیرو ہے،
دوسری جانب پاکستان میں کرونا کا پھیلاؤ جاری ہے،ملک بھر میں کورونا کے مزید 3 ہزار378کیسزرپورٹ ہوئے،ملک بھر میں کورونا کیسز کی تعداد 2 لاکھ 25ہزار283ہوگئی،24گھنٹے کے دوران مزید68 افراد کورونا سے جاں بحق ہوئے،ملک بھر میں کورونا سے اموات کی تعداد4ہزار619ہوگئی،
ملک بھر میں ایک لاکھ25 ہزار95مریض صحت یاب ہو گئے،گزشتہ 24 گھنٹے میں ریکارڈ11ہزار469کورونا متاثرین صحتیاب ہوئے،مجموعی طور پر 13 لاکھ 72 ہزار 825 ٹیسٹ کیے جا چکے ہیں،
سندھ میں کورونا وائرس کیسز کی تعداد90ہزار721ہوگئی،پنجاب میں کورونا وائرس کیسز کی تعداد80ہزار297رپورٹ ہوئی ہے،خیبر پختونخوا میں کورونا سے متاثر افراد کی تعداد27ہزار506ہوگئی،بلوچستان میں کوروناکیسز کی تعداد 10ہزار 717 ہوگئی،اسلام آباد میں کورونا وائرس کیسز کی تعداد 13ہزار292ہوگئی،آزاد جموں و کشمیر میں کورونا وائرس کیسز کی تعداد ایک ہزار536ہوگئی،گلگت میں کورونا وائرس کیسز کی تعداد ایک ہزار 536ہوگئی،
پاکستان میں کورونا سے اموات کی تعداد 4619 ہے،سندھ میں اموات1459 ،پنجاب 1844،کے پی میں اموات 1002 ہیں، اسلام آباد 130، بلوچستان 122،جی بی 28،آزادجموں کشمیرمیں اموات34ہیں،
باغی ٹی وی کی رپورٹ کے مطابق سینئر صحافی و اینکر پرسن مبشر لقمان نے کہا ہے کہ آپ نے بھی سوچا کہ ڈارک ویب کی پراسرار دنیا ہے کیا، ٹیکنالوجی نے جہاں ہماری زندگی کے پر شعبے کو متاثر کیا وہان غیر قانونی کاموں میں بھی ٹیکنالوجی کا بھر پور فائدہ اٹھایا جا رہا ہے، انٹرنیٹ تو آپ استعمال کرتے ہیں بلکہ ساری دنیا استعمال کرتی ہے،اکثریت کی رسائی،گوگل فیس بک، یوٹیوب تک ہے لیکن ایسی ٹریفک بھی انٹرنیٹ پر رواں دواں ہے جہاں صرف خاص لوگ ہی پہنچ پاتے ہیں
مبشر لقمان کا کہنا تھا کہ انٹرنیٹ کے اندر انڈر ورلڈ آباد ہے جہاں عام فرد کو رسائی حاصل نہیں،ڈارک ویب ورلڈ وائیب ویب کا ایسا حصہ ہے جس تک پہنچنے کے لئے خاص سافٹ ویئر کی ضرورت ہوتی ہے، ڈارک ویب استعمال کرنے والوں کا آئی پی ،لوکیشن خاص براؤزر نیٹ ورک کے ذریعے چھاہئے جاتے ہیں جہاں غیر قانونی کاروبار ہوتا ہے،مگر یہ جاننا دشوار ہے کہ انکو چلا کون رہا ہے،ڈارک ویب استعمال کرنے والوں کی شناخت پوشیدہ رکھی جاتی ہے،جو نہ تو سروس کو یوزر کا آئی پی دیتی ہے نہ یوزرکو سروس کا
مبشر لقمان کا مزید کہنا تھا کہ جرائم کی یہ وہ دنیا ہے جہاں قانون کے ادارے بھی نہیں پہنچ سکے، انٹرنیٹ کے اس شعبے میں گھناؤنے کاروبار میں پیسے اور کمائی منسلک کر دی ہے، ڈارک ویب کی خصوصی مارکیٹ بھی قائم ہوتی ہین جہاں غیر قانونی کام کئے جاتے ہیں وہاں پر آتشیں اسلحہ، منشیات یا خصوصی فحش فلمیں فروخت کی جاتی ہیں .
مبشر لقمان کا مزید کہنا تھا کہ اس دنیا میں ایسی بھی مارکیٹس موجود ہوتی ہیں جہاں آپ کو اجرتی قاتل دستیاب ہوتے ہیں،انڈر ورلڈ کی طرح یعنی ڈارک ویب بالکل جدید دنیا کی انڈرورلڈ ہے، اور اس کاروبار سے دنیا کی طاقتور ہستیاں بھی جڑی ہوئی ہیں،ملکی سطح پر ڈارک ویب قائم ہوتے ہیں جو عالمی ڈارک ویب سے جڑے ہوتے ہیں، اگر آپ سمجھتے ہیں کہ ڈارک ویب سے محفوظ ہیں تو ایسا نہیں ہے، یہ آپ کے ارد گرد موجود ہوتے ہیں،زندگی پر اثر انداز ہو رہے ہیں لیکن واقف نہیں ہیں
مبشر لقمان کا مزید کہنا تھا کہ کچھ عرصہ پہلے ٹی وی پر پروگرام بھی کیا تھا کہ اگر آپ کا ڈیٹا نادرا کے پاس محفوظ ہے تو یہ آپ کی خام خیالی ہے،آپ کی حساس معلومات، تاریخ پیدائش، خاندان کی معلومات کسی بھی واٹس گروپ میں فروخت کے لئے پیسوں کے عوض دیئے جا سکتے ہیں، مجھ پر کافی تنقید بھی کی گئی،جن لوگوں کو حساس معلومات تک رسائی ہے ان کے پاس کال کا مکمل ڈیٹا تک موجود ہے،ایف آئی اے سائبر کرائم یونٹ سندھ کے ڈائریکٹر فیض اللہ نے بتایا تھا کہ اس ڈیٹا سم کارڈ کے لئے استعمال کیا جا سکتا ہے،جس کے ذریعے جعلساز دوسروں کو دھوکہ دیتے ہیں
رواں برس ایک سائبر سیکورٹی کمپنی نے دعویٰ کیا کہ گیارہ کروڑ پچاس لاکھ صارفین کا موبائل نمبر اور ذاتی ڈیٹا ڈارک ویب کو 20 لاکھ ڈالر میں فروخت کیا گیا، اس پر سندھ ہائیکورٹ نے نادرا و دیگر کو نوٹس جاری کیا، یہ ہمارے ملک کی چھوٹی سی مثال ہے، پوری دنیا سے حساس معلومات کی کس طرح خریدوفروخت ہوتی ہو گی.
مبشر لقمان کا مزید کہنا تھا کہ ڈارک ویب جرائم کی ایک ایسی دنیا ہے اور ایسے گروہوں کا مسکن ہے جو خود کو قانون نافذ کرنے والے اداروں سے بچا کر رکھنا چاہتے ہیں،ایک تحقیق کے مطابق گوگل سرچ انجن کے ڈیٹا بیس میں صرف 16 فیصد ویب صفحات کا اندراج موجود ہے جبکہ باقی ویب سائٹس اب بھی گوگل کی پہنچ سے دور ہیں۔ اس لیے انہیں کسی کے لیے بھی تلاش کافی مشکل ہوتا ہے۔ ایسی صورتحال میں ڈارک ویب قانون نافذ کرنے والے اداروں کے کام کو مشکل ضرور بنا دیتی ہیں مگر ایسی مثالیں بھی موجود ہیں جب سیکورٹی ایجنسیاں ایسی ویب سائٹس تک پہنچنے اور ان کو چلانے یا استعمال کرنے والوں تک پہنچنے میں کامیاب رہی ہیں۔ اس کی ایک مثال ڈارک ویب پر منشیات کا کاروبارکرنے والی بڑی مارکیٹ سلک روڈ کو چلانے والے شخص کی گرفتاری میں کامیابی ہے۔
مبشر لقمان کا مزید کہنا تھا کہ اسی طرح امریکی ادارے ایف بی آئی نے حال ہی میں ڈارک ویب پر بچوں کے جنسی تشدد کی ویب چلانے والے 2 افراد کو گرفتار کر لیا، ڈارک ویب پر غیر قانونی ، غیر اخلاقی سرگرمیاں جاری ہیں اس کو محفوظ سمجھتے ہوئے ریڈ رومز بنائے گئے ہیں،یورپ، امریکہ ، عرب ممالک کے امرا ذہنی مریض امرا بعض اوقات اپنے ہی ممالک کے نوزائیدہ بچوں پر تشدد ہوتا دیکھنا چاہتے ہیں ،ڈارک ویب پر لائیو آنے کی رقم بہت زیادہ ہے، گزشتہ سال پاکستان میں سہیل پکڑا گیا جو بچوں سے زیادتی کر کے ویڈیو فروخت کرتا تھا، منظم گروہ منشیات، انسانی جانوں کی سمگلنگ کے علاوہ پرتشدد پورن بناتے ہیں اور خاص ناظرین کو پہنچاتے ہیں اس ضمن میں واٹس ایپ گروپ پر بھی کیا گیا، بھارت میں 30 کے گروپ ایسے ملے تو بچوں کی پورن ویڈیو واٹس ایپ پر دیتے تھے
مبشر لقمان کا مزید کہنا تھا کہ ڈارک ویب کے لئے جو ایکسپرٹ رکھے ہوتے ہیں وہ پیسوں کے عوض آئی ڈی پاسورڈ دیتے ہیں، رازداری برقرار رکھی جاتی ہے،انڈیا سمیت کئی ممالک میں لوگ پکڑے جا چکے لیکن وہ لوگ مہرے نکلے، عالمی قانون نافذ کرنے والے ادارے بھی ڈارک ویب کو تلاش کر نہ سکے، جو پکڑے گئے وہ مہرے نکلے اور دھندہ اسی زور و شور سے جاری ہے
مبشر لقمان کا مزید کہنا تھا کہ ڈارک ویب وہی لوگ استعمال کرتے ہیں جو چاہتے ہیں کہ وہ جو بھی دیکھیں ان کی پہنچان چھپی رہے،رواں برس اپریل مین پیکرز نے فیس بک کے 267 ملین ڈیٹا صارفین کا ڈارک ویب کو فروخت کیا، اگر فیس بک پر ڈیتا محفوظ نہیں تو اندازہ کر لیں کہ فون میں کتنا محفوظ ہو گا، ٹیکنالوجیز کے برے استعمال ہیں تو اچھے استعمال بھی ہیں
مبشر لقمان کا مزید کہنا تھا کہ ڈارک ویب خطرناک ہے تو بند کیوں نہیں کی جاتی، ڈارک ویب انڈر ورلڈ کا چوہے بلی کا کھیل ہے، ایک ہی پرائویسی جو معلومات کو محفوظ بناتی ہے وہیں ڈارک ویب کا غلط استعمال کیا جا رہا ہے،ساؤتھ کوریا میں 338 لوگوں کو گرفتار کیا گیا، قصور ٹیکنالوجی کا نہیں، اسکے استعمال کرنے والا ذین کا ہے، بدلنا ہے تو انسانوں کی سوچ بدلنی ہو گی، دنیا خود بدل جائے گی، بچوں پر ظلم کرنے اور ویڈیو بنانے اور دیکھنے والے لوگوں کو سخت سے سخت سزا دینی چاہئے تا کہ آئندہ کوئی ایسا کرتے ہوئے ہزار بار سوچے.
کراچی:عزیر بلوچ کی 36 صفحات پرمشتمل جے آئی ٹی پہلی بار منظر عام پر، سیکڑوں قتل کا اعتراف،خطرناک انکشافات ، اطلاعات کے مطابق ملٹری کورٹ سے سزا یافتہ لیاری گینگ وار کے سرغنہ عزیر بلوچ کی جے آئی ٹی رپورٹ منظر عام پر آگئی جس میں ملزم نے تہلکہ خیز انکشافات کیے ہیں۔
نجی ٹی وی اے آروائی کا کہنا ہےکہ عزیر بلوچ کی جوائنٹ انویسٹی گیشن رپورٹ حاصل کرلی جو 36 صفحات پر مشتمل ہے، سندھ حکومت خود پیر کے روز لیاری گینگ وار کے سرغنہ کی جے آئی ٹی رپورٹ منظر عام پر لائے گی۔
جے آئی ٹی رپورٹ میں حبیب جان، حبیب حسن، سیف علی اور نور محمد سمیت عزیر بلوچ کے اہل خانہ اور دوستوں کے نام شامل ہیں۔ رپورٹ میں لکھا گیا ہے کہ عزیر بلوچ نے تفتیش کے دوران لسانی اور گینگ وار تنازع میں 198 افراد کے قتل کا اعتراف کیا۔
رپورٹ کے مطابق عزیر بلوچ نے اپنے اثر و رسوخ کی بنیاد پر 7 ایس ایچ اوز مختلف تھانوں میں تعینات کرائے جبکہ اقبال بھٹی کو لیاری میں ٹاؤن پولیس افیسر تعینات کروایا، اسی طرح 2019 میں محمد رئیسی کو ایڈمنسٹیٹر لیاری تعینات کروایا۔
جے آئی ٹی رپورٹ میں بتایا گیا ہے کہ ملزم کےبیرون ملک فرار ہونے کے بعد لاکھوں روپے ماہانہ بھتہ دبئی باقاعدگی سے پہنچایا جاتا تھا۔ عزیر بلوچ نے گینگ وار کے لیے سنہ 2008 سے 2013 کے دوران مختلف ہتھیارخریدنےکا اعتراف بھی کیا۔ ملزم نے تفتیشی ٹیم کے سامنے اعتراف کیا کہ اُس نے متعدد پولیس اور رینجرز اہلکاروں کو قتل کیا۔
جے آئی ٹی کے مطابق عزیربلوچ کے پاکستان اور دبئی میں غیرقانونی اثاثوں کا انکشاف بھی سامنے آیا ہے، رپورٹ میں ملزم کے 20 سے زائد دوستوں کے نام اور 16 رکنی اسٹاف کا ذکر بھی شامل ہے۔
ملزم نے انکشاف کیا کہ وہ گینگ وار میں بلاواسطہ ار براہ راست ملوث تھا۔ جے آئی ٹی رپورٹ کے مطابق عزیربلوچ کو 2006 میں ٹھٹھہ کےعلاقےچوہڑ جمالی سےگرفتار کر کے 7 کیسز میں چالان کیا گیا اور پھر وہ دس ماہ بعد جیل سے رہا ہوا۔
لیاری آپریشن کے دوران عزیر بلوچ نے اپنے استاد ’تاجو‘ کو دبئی اور پھر افریقہ منتقل کروایا جبکہ 10سےزائد کارندوں کو ایران اور دیگرممالک بھی بھیجا، اسی طرح ملزم نے اپنا اثر و رسوخ استعمال کرتے ہوئے گینگ وار کے لڑکوں کی مدد کرنے کے لیے افسران کی تقرریاں بھی کروائیں۔
رپورٹ میں بتایا گیاہے کہ عزیر بلوچ نے 8 سے زائد پولیس افسران کو مختلف مقامات پر تعینات کروایا، لیاری ٹاؤن کا سابق ایڈمنسٹریٹر 2009 میں 2 لاکھ روپے بھتہ ہر مہینے باقاعدگی سے بھیجتا تھا جبکہ سرغنہ کی ہدایت پر گینگ وار کے کارندے مال بردار ٹرک کو لوٹتے تھے اور پھر مال فروخت کر کے 15 لاکھ روپے حصہ دیا جاتا تھا۔
جے آئی ٹی میں بتایا گیا ہے کہ عزیربلوچ نے گینگ وار کے لیے اسلحے کی خریداری لالہ توکل اور سلیم پٹھان نامی لوگوں سے کی، 2009 کے بعد اسلحہ خرید کر اپنے ساتھیوں کو فراہم کیا، رحمان ڈکیت کے بعد عزیربلوچ نے فشنگ بوٹ مالکان سے بھی بھتہ وصول کیا۔
رپورٹ میں مزید بتایا گیا ہے کہ عزیربلوچ نے ایران سے پیدائشی سرٹیفیکٹ، شناختی کارڈ اور پاسپورٹ حاصل کیا، ایران سے بوگس شناختی دستاویزات بنوانےمیں عائشہ نامی خاتون نے معاونت فراہم کی۔
پاک و چین وزراء خارجہ کا کشمیر ، افغانستان سمیت خطے کے مشترکہ دفاع پر اتفاق
باغی ٹی وی رپورٹ کے مطابق پاکستان اور چین کے وزرائے خارجہ نے ایک اہم ٹیلی فونک گفتگو میں بین الاقوامی فورمز پر باہمی تعاون کے فروغ پر اتفاق کیا ہے۔
تفصیل کے مطابق وزیر خارجہ مخدوم شاہ محمود قریشی نے چینی وزیر خارجہ وانگ یی سے ٹیلی فونک رابطہ کرکے خطے کی صورتحال سمیت باہمی دلچسپی کے امور پر اہم تبادلہ خیال کیا۔
وزیر خارجہ نے اپنے چینی ہم منصب کو بتایا کہ بھارت داخلی ناکامیوں کو چھپانے کیلئے لائن آف کنٹرول کی مسلسل خلاف ورزی کر رہا ہے اور بھارت معصوم شہریوں کو نشانہ بنایا جا رہا ہے۔
چینی وزیر خارجہ وانگ یی کا کہنا تھا کہ خطے میں قیام امن کیلئے پاکستان کی کاوشوں کو سراہتے اور ہر مشکل گھڑی میں چین کی معاونت پر پاکستان کا شکریہ ادا کرتے ہیں۔
وانگ یی کا کہنا تھا کہ پاک چین اقتصادی راہداری فیز 2، بی آر آئی منصوبے کا انتہائی اہم حصہ ہے۔ اس پاکستان میں اقتصادی سرگرمیوں میں اضافہ اور روزگار کے نئے مواقع میسر آئیں گے۔ دونوں وزرائے خارجہ نے اہم علاقائی اور عالمی امور پر مشاورت جاری رکھنے پر اتفاق کیا۔
اسلام آباد :وزیراعظم عمران خان کی صدارت میں پاک چین اقتصادی راہداری کے منصوبوں کی پیش رفت پراہم اجلاس ا،طلاعات کے مطابق آج وزیرِ اعظم عمران خان کی صدارت میں چین پاکستان اقتصادی راہداری کے تحت منصوبوں کی پیش رفت پر جائزہ اجلاس ہوا ، اس سے پہلے قومی سلامتی سے متعلق بھی اہم اجلاس منعقد ہوا
باغی ٹی وی کے مطابق آج کے اس اہم ترین اجلاس میں وزیراعظم نے سی پیک اتھارٹی کی کارکردگی پر اطمینان کا اظہارکیا اورکام کی رفتارکو بھی سراہا
ذرائع کے مطابق اس اہم اجلاس میں وزیراعظم کو جاری منصوبوں کی مو جودہ صورت حال کے بارے میں آگاہ کیا گیا۔
وزیر اعظم نے اجلا س کی صدارت کرتے ہوئےکہا کہ چین پاکستان اقتصادی راہداری پاکستان کی سماجی و معاشی ترقی کے حوالے سے ایک بہترین منصوبہ ہے اور پاکستان کے روشن مستقل کی ضمانت ہے – وزیر اعظم نے اس عزم کا اعادہ کیا کہ پاک چین دوستی کے مظہر سی پیک منصوبے کو ہر حال میں پایہ تکمیل تک پہنچائیں گے اور اس کے ثمرات ہر خاص وعام پاکستانی تک پہنچائے جائیں گے
وزیراعظم نے سی پیک اتھارٹی کی کارکردگی کو سراہتے ہوئے ہدایت کی کہ اس ادارے کی کارکردگی اور استطاعت کو مزید موثر بنانے کے لئے تما م ضروری اقدامات کئے جائیں۔
اجلاس میں وفاقی وزارء اسد عمر، مخدوم خسرو بختیار، عمر ایوب، مشیر تجارت عبدالرزاق داؤد، چئیرمین سی پیک اتھارٹی لیفٹنٹ جنرل (ر) عاصم سلیم باجوہ اور متعلقہ وزارتوں کے اعلی حکام نے شرکت کی۔
اسلام آباد:وزیراعظم کی زیرصدارت قومی سلامتی سےمتعلق اہم اجلاس،آرمی چیف سمیت اہم شخصیات کی شرکت، اطلاعات کے مطابق اندرونی اور بیرونی سلامتی کی صورتحال کا جائزہ لینے کے لئے وزیر اعظم عمران خان کی زیرصدارت اعلیٰ سطح کا اجلاس ہوا۔
باغی ٹی وی کے مطابق اس اہم اجلاس میں وزیر دفاع جناب پرویز خٹک ، چیئرمین جوائنٹ چیفس آف اسٹاف کمیٹی جنرل ندیم رضا ، چیف آف آرمی اسٹاف جنرل قمر جاوید باجوہ ، چیف آف نیول اسٹاف ایڈمرل ظفر محمود عباسی ، چیف آف ایئر اسٹاف ایئر چیف مارشل مجاہد انور خان اور ڈائریکٹر جنرل انٹر سروسز انٹیلیجنس لیفٹیننٹ جنرل فیض حامد نے شرکت کی۔
اجلاس میں داخلی اور خارجی سلامتی کی صورتحال کا جائزہ لیا گیا اور یہ فیصلہ کیا گیا کہ پاکستان کی خودمختاری کا ہر قیمت پر تحفظ کیا جائے گا۔ یہ بھی طے کیا گیا کہ پاکستان اپنے ہمسایہ ممالک کے ساتھ پرامن بقائے باہمی پر یقین رکھتا ہے لیکن ہمارے پاس اپنے عوام اور علاقائی سالمیت کا دفاع کرنے کی خواہش اور صلاحیت دونوں ہیں۔
اجلاس میں مقبوضہ کشمیر میں بھارتی فورسز کی جانب سے انسانی حقوق کی مسلسل پامالی پر شدید تشویش کا اظہار کیا گیا اور عالمی برادری سے نوٹس لینے کی اپیل کی گئی۔
اجلاس میں پاکستان انفورسمنٹ ایجنسیوں کی بہادری اور مربوط کوششوں کو بھی خراج تحسین پیش کیا گیا جنہوں نے پاکستان اسٹاک ایکسچینج پر حالیہ حملے کو کامیابی سے ناکام بنا دیا۔
سکھ یاتریوں کے وین حادثے پر وزیر اعظم کا گہرے رنج و غم کا اظہار
باغی ٹی وی رپورٹ کے مطابق ، وزیر اعظم پاکستان عمران خان نے شیخوپورہ میں سکھ یاتریوں کی وین حادثے پر گہرے دکھ اور غم کا اظہار کرتے ہوئے اپنا پیغام جاری کیا ہے جس میں 20 کے قریب افراد جان کی بازی ہار گئے ، وزیر اعظم نے اس موقع پر زخمیوں کے لیے فوری طبی سہولیات فرہم کرنے کا حکم بھی جاری کیا ہے .
Deeply saddened at the accident this afternoon at a railway crossing near Sheikhupura which resulted in the death of atleast 20 people, mainly Sikh pilgrims returning from Nankana Sahib. Have directed that proper medical care be provided to the injured.
واضح رہے کہ سکھ یاتریوں کی ویگن ٹرین کی زد میں آگئی، 20افراد ہلاک، متعدد زخمی،اطلاعات کے مطابق شیخوپورہ کے قریب فاروق آباد جاتری روڈ پھاٹک پر سکھ یاتریوں کی ویگن ٹرین کی زد میں آگئی، حادثے میں 20 افراد ہلاک جبکہ متعدد زخمی ہوگئے۔
ترجمان ریلوے کے مطابق شاہ حسین ایکسپریس کراچی سے لاہور آ رہی تھی، حادثہ فاروق آباد اور بحالی ریلوے سٹیشن کے درمیان پیش آیا، ریلوے کی امدادی ٹیمیں موقع پر پہنچ گئیں۔ ریسکیو حکام کے مطابق سکھ یاتری سچا سودا جا رہے تھے۔
وزیر اعظم نے شیخوپورہ میں ٹرین حادثے پر افسوس اور قیمتی جانوں کے ضیاع پر گہرے دکھ کا اظہار کیا۔ عمران خان نے زخمیوں کو بہترین طبی امداد فراہم کرنے کی ہدایت کر دی۔
