لاہور:اللہ کی رحمت سے نااُمید نہیں ہونا چاہیے ، وزیراعظم کی کوششیں رنگ لے آئیں ، مبشرلقمان نے خوشخبری سنادی ،باغی ٹی وی کے مطابق پاکستان کے سنیئرتجزیہ نگارمعروف صحافی مبشرلقمان جو کہ پہلے دن سے کرونا وائرس سے متعلق اپنی قوم کی ہرلمحے رہنمائی کررہے ہیں اورکوشش کرتے ہیں کہ اپنے عزیزہم طنوں کو باخبر رکھا جائے ، ایک خوشی والی خبردے کردل خوش کردیئے
باغی ٹی وی کے مطابق مبشرلقمان نے کہا کہ آج اسلامی جمہوریہ پاکستان کے وزیراعظم نے اپنی قوم کوتسلی اوراطمنان قلب والی صورت حال سے آگاہ کیا ہے ،مبشرلقمان نے کہا کہ جس طرح آج وزیراعظم نے قوم کو اعتماد میں لیا اوریہ بھی خوشخبری سنادی کہ اگلے چند دنوں تک کاروباری معاملات باقاعدگی سے شروع ہوجائیں گے
مبشرلقمان نے وزیراعظم کی معاملات فہمی کو خوب سراہا اورکہا کہ وزیراعظم کا کہنا کہ اگرحکومت کرونا وائرس کے پھیلاوکو بہترانداز سے نہ روکتی تو ہلاکتیں دو سو کے قریب ہوسکتی تھیں ،انہوں نے کہا کہ اس بات سے ہمارے وزیراعظم کی اس حوالے سے دلچسپی کا اندازہ لگایا جاسکتا ہےکہ وہ کتنے زیادہ سارے معاملات کو دیکھ رہے ہیں
مبشرلقمان کہتے ہیں کہ ایک سربراہ مملکت کا یہ کہنا کہ ہم نے کرونا کو ایک کونے میں لاکھڑا کیا ہےاوراب سے بہترانداز سے بنٹ لیں گے تویہ تو اوربھی اچھی بات ہے کہ ہماری حکومت نے بڑی بہترحکمت عملی سے اس پرقابوپالیا ہے
مبشرلمقان کہتے ہیں کہ میرا دل پہلے ہی کہہ رہا تھا کہ اپریل کے وسط تک معاملات بہترہوجائیں گے ، انہوں نے کہاکہ اس سے پہلے دنیا بھرمیں یہ صورت حال پیش ہے ، دوسری بات یہ ہے کہ اس کی زندگی دوہفتے تک ہوتی ہے ، اسکا مطلب یہ ہے کہ ہماری حکومت نے اتنے دن ا س پرقابو پالیا ہے تو صورت حال بہترہے
انہوں نے کہا کہ ہمارے لوگوں میں قوت مدافعت بہت زیادہ ہے ، یہ اللہ کا فضل ہے ، انہوں نے کہاکہ ڈاکٹرز بھی کہتے ہیں کہ ایک برتن میں کھانا کھانے سے بھی قوت مدافعت بڑھتی ہے اورآج وہی قوت مدافعت ہی کرونا کےخلاف ایک بہت طاقتور دیوار ہے
مبشرلقمان نے کہا کہ اس وقت وزیراعظم کا یہ کہنا کہ اس بیماری کا تدارک کرنا اوردوسرا اہم مشن بے روزگاری کی وجہ سے جو صورت حال پیدا ہوئی ہے ، اس پرقابو پانا ہے ، جس کے لیے اقدامات کئے جارہے ہیں
مبشرلقمان نے کہا کہ آنے والے دنوں میں سیاحت ، ہوٹلنگ اوردیگرکاروباری سرگرمیاں شروع ہوجائیںگی ، انہوں نے مزید کہاکہ اللہ تعالی کا اس ملک پربہت بڑا فضل ہے ،
مبشرلقمان نے مفتی منیب کے رویہ پرافسوس کا اظہارکرتے ہوئے کہاکہ یہ کہنا کہ وہ حکومت کےفیصلے کے خلاف مساجد میں باجماعت نمازیں ، جمعہ اوردیگراجتماعی سرگرمیاں شروع کریں گے یہ بات اچھی نہیں ہیں
مبشرلقمان نے کہاکہ خدارا اس ملک وقوم پررحم کریں ، معاملات کوسمجھیں ، یہ وقت اتفاق اوراتحاد کا ہے ، انہوں نے کہا کہ خوشی کی بات یہ ہے کہ ہمارے کرونا کے مریضوں کا صحت مند ہونے کی شرح بہت بہتر ہے ، دیگرممالک میں یہ صورت حال نہیں ہے
مبشرلقمان نے تمام ہم وطنوں کو اللہ کے سپرد کرتے ہوئے کہا کہ اللہ تعالیٰ ہم سب کی حفاظت فرمائے ، اللہ تعالیٰ اس بیماری سے نجات دے آمین
راولپنڈی: آرمی چیف جنرل قمر جاوید باجوہ سے امریکی نمائندہ خصوصی زلمے خلیل زاد اور امریکی ریزلوٹ سپورٹ مشن کمانڈر جنرل آسٹن ملر نے ملاقات کی جس میں افغان امن عمل کے حوالے سے بات چیت کی گئی۔
امریکی سفارتخانہ کے اعلامیے کے مطابق امریکی نمائندہ خصوصی برائے افغانستان زلمے خلیل زاد اور ریزلوٹ سپورٹ مشن کمانڈر جنرل آسٹن ملر آج اسلام آباد پہنچے۔آرمی چیف جنرل قمر جاوید باجوہ سے ملاقات میں دونوں رہنماؤں نے افغانستان میں جاری امن اقدامات پر تبادلہ خیال کیا۔
امریکی سفارتخانے کے مطابق پاکستانی عسکری قیادت نے افغان امن کے لیے امریکی کوششوں میں تعاون کے عزم کو دہرایا۔آئی ایس پی آر کی طرف سے یہ بھی بتایا گیا ہے کہ زلمے خلید زاد نے پاکستان کی امن کوششوں کو بہت سراہا ہےاورمستقبل میں بھی دنیا میں امن کی خاطر تمام ترکوششیں بروئے کار لائے گا
راولپنڈی :بھارت مکار بھی ہے اورجھوٹا بھی ،پہلے شرارت کرتا ہے پھرپراپیگنڈہ ، بازآجائے اپنی ان حرکتوں سے ،ڈی جی آئی ایس آر،اطلاعات کےمطابق ڈی جی آئی ایس پی آر میجر جنرل بابر افتخار نے کہا ہے کہ بھارت پہلے شرارت کرتا ہے پھرمکاری کے ذریعے پراپیگنڈہ لیکن اس کے باوجود دنیا جان چکی ہے ،
ڈی جی آئی ایس پی آر نے کہاکہ گزشتہ روز بھارتی فوج کی پندرہویں کور کے کمانڈر نے بی بی سی کے ساتھ انٹرویو میں پاکستان پر دراندازی اور لائن آف کنٹرول فائربندی معاہدے کی خلاف ورزی کرنے کے بے بنیاد اور لغو الزامات لگائے جن کا حقیقت سے کوئی تعلق نہیں۔ درحقیقت بھارتی الزامات صرف دنیا کی آنکھوں میں دھول جھونکنے کے مترادف ہیں۔
انہوں نے کہا کہ پاکستان نے ہمیشہ اقوام متحدہ کے فوجی مبصرین کو فائربندی معاہدے کی خلاف ورزی والی جگہوں پر جانے کی اجازت دی اور مستقبل میں بھی پاکستان ان اقدامات کو مزید منصفانہ طریقے سے جاری رکھے گا، تاکہ حقائق دنیا کے سامنے لائے جا سکیں۔
اپنے ردعمل میں ڈی جی آئی ایس پی آر کا مزید کہنا ہے کہ بھارتی حکومت گزشتہ سال اگست کے غیر منصفانہ اقدامات کے باعث پیدا ہونے والی صورتحال سے نمٹنے میں مکمل ناکامی پر ایسے اوچھے ہتھکنڈے استعمال کر رہی ہے۔ کورونا وائرس کے حوالے سے بھارت واضح حکمت عملی مرتب کرنے میں ناکام رہا ہے۔
بھارتی حکومت کو چاہئے کہ مقبوضہ کشمیر میں جاری ظلم و ستم کے باب کو بند کرے اور کورونا وائرس سے نمٹنے کے حوالے سے جامع حکمت عملی لائے تاکہ اندرون ملک سے اٹھنے والی آوازوں سے منفی ہتھکنڈوں کی بجائے بہتر طریقے سے نمٹ سکے۔
مفتی عبدالقوی کا نیا چیلنج، دیکھیے خصوصی انٹرویو مبشر لقمان کے ہمراہ
باغی ٹی وی کی رپورٹ کے مطابق سینئر صحافی و اینکر پرسن مبشر لقمان نے کہا ہے کہ پوری دنیا میں کیا ہو رہا ہے، امریکہ نے اپنا سود زیرو پرسنٹ کر دیا، برطانیہ نے ایک فیصد کر دیا، فرانس، جرمنی، ہالینڈ میں نہ ہونے کے برابر ہے،اس کا مطلب یہ ہوا کہ ہم کئی سالوں سے پروگرام کرتے ہیں کہ سودی نظام لعنتی نظام ہے.قرآن مجید میں اللہ تعالیٰ نے ارشاد فرما دیا کہ جو جان بوجھ کر سود کا کاروبار کرتا ہے وہ میرے سامنے اعلان جنگ کرتا ہے، آج جب معیشت گر رہی ہے تو یہ لوگ سودی نظام کو ترک کر رہے ہیں اس کا مطلب یہ ہے کہ سودی نظام چند لوگوں کا بنایا ہوا نظام ہے جس کا مقصد دنیا کی دولت پر قبضہ کرنا ہے، اگر آپ اور پم فیصلہ کر لیں کہ سود کا کام نہیں کرنا ہے تو اسکے بڑے فوائد ملیں گے، مجھے ذاتی طور پر میرا بڑا فائدہ ہوا،مجھے یہ سمجھ آ گئی ہے کہ جتنی میری تنخواہ ہے اگر آدھی بھی ہو تو بہت زیادہ ہے ،اللہ کا شکر ہے، آپ کی گاڑیاں نہیں چل رہیں تو ایک گاڑی سے گھر کا نظام چل سکتا ہے، فالتو کی چیزیں نہ لیں، کچھ لباس صاف ستھرے کپڑے پہنیں تو بھی گزارہ ہو گا،اللہ اس سے بھی عزت دیتا ہے، اللہ نے ہمیں موقع دیا کہ ہم اس ملک کے نظام کو ،ہم مولویوں کی بات نہیں سنتے لیکن امریکہ کی بات سن رہے ہیں ختم کر دیا ہے انہوں نے سود کو،وہان نہ ہونے کے برابر ہے، آج مفتی عبدالقوی ہمارے ساتھ موجود ہیں. ہماری حکومت نے سود کو کم کیا ہے لیکن ختم نہیں کیا.
مفتی عبدالقوی نے کہا ہے کہ اسلام کو اللہ نے انسانیت کے لئے ایک دین کی صورت میں عطا فرمایا، قرآن کی آیات اور احادیث کے ساتھ مشاہدے کو دیکھیں،تیس سال قبل ایک کروڑ روپیہ بینک میں رکھوایا تو ہر سال اس پر سود ملتا رہا، تیس سال بعد جو حاصل ہوا وہ ایک کروڑ کا سود اور ایک کروڑ روپیہ لیکن اگر اس کو تجارت کے طور پر استعمال کیا جاتا تو وہ ستر گنا، ساٹھ گنا تک بڑھ جاتا،وہ آج چالیس کروڑ ہوتا ، لیکن میں نے جو بینک میں کروڑ رکھا وہ ایک کروڑ ہی ہے اور اس سے دو ڈھائی کروڑ سود حاصل ہوا ہو گا.
مبشر لقمان کا کہنا تھا کہ ایک بات سمجھنی پڑے گی ایک چیز حرام ہوتی ہے جیسے خنزیر کا گوشت کھانا اور بھوک کے وقت میں جان جار رہی ہو جب کچھ نہ ملے تو وہ کھانے کی اجازت ہے کتنی مقدار میں کھا سکتے ہیں اتنا کہ جان بچ جائے اتنا جائز ہے، لیکن سود کے لئے اللہ تعالیٰ نے نجس ناپاک کا لفظ استعمال کیا، کوئی بھی ایسی سٹیج نہیں کہ جس میں سود کو حلال قرار دیا جائے،مر بھی رہے ہوں تو سود جائز نہیں ہو گا، جان بچانے کے لئے بھی اللہ نے انسان کو رعایت دی ہے لیکن سود کے لئے نہیں دی،سود کے بارے میں سمجھ لیں کہ جتنے بھی ہم گناہ کرتے ہیں ،سود واحد گناہ ہے جس کے بارے میں اللہ کہتے ہیں کہ اس کی سزا میں نے خود دینی ہے،
مفتی عبدالقوی کا کہنا تھا کہ اللہ تعالیٰ قرآن میں فرماتے ہیں حرمت علیکم المیتہ، انسانی عقل، آج کی سائنس بھی یہی کہہ رہی ہے کہ جب تک شہہ رگ سے خون نہیں بہتا اسکے اندر جتنی مرض، وبائیں ، معاملے ہیں اسوقت تک کلیئر نہیں ہوتے جب تک شہہ رگ سے خون نہ چلا جائے،بنیادی چیز یہ ہے کہ یہ مردار ہو گیاوہ چیزیں جو اسکے جسم میں ایسی تھیں جو ہمارے لئے شفا کا باعث بنتیں اور ہم امراض سے بچ جاتے اسکے لئے خون کا نکلنا ضروری ہے جب وہ نہیں نکلا تو یہ مردار ہے اور اسکے لئے اللہ نے قرآن مجید میں کہہ دیا ہے کہ اس کی وجہ سے تمہیں شفا نہیں ملے گی،یہ حرام کے معنی میں ہے، اسکی وجہ سے خوراک، غذائیت نہیں ملے گی اور یہ قرآن میں واضح ہے، سائنس نے بھی اس کو مان لیا ہے،
مفتی عبدالقوی کا مزید کہنا تھا کہ خنزیر کے گوشت کے بارے میں بات ہوئی کہ اب بھی اس میں اضطراری کیفیت ہے، میں اس بات پر خوش ہوتا ہوں کہ قرآن نے آج سے 15 سو سال پہلے بھی ،مفتی عبدالقوی نے باہر جانا ہے، مبشر لقمان نے انگلینڈ جانا ہے،یورپ ملک میں جانا ہے وہاں کیا کیفیت ہو گی، جس پر مبشر لقمان نے کہا کہ آپ اپنی بات کریں میری بات نہ کریں.
مبشر لقمان کا کہنا تھا کہ میرے بچے آج سے نہیں بہت چھوٹی عمر سے باہر ہیں وہ سی فوڈ یا حلال گوشت کھاتے ہیں. اللہ کا شکر ہے.
مفتی عبدالقوی کا کہنا تھا کہ الحمدللہ آج بھی انڈیا، بنگلہ دیش ،پاکستان اور عالم عرب کے لوگ یورپ میں حلال گوشت کا کاروبار کر رہے ہیں ،میں تو اس سے پہلے کی بات کر رہا ہوں جب ہمارے پرانے بزرگ اور جاننے والے جاتے تھے اسوقت کے بارے میں بات کر رہا ہوں اسکا حل اللہ نے قرآن مجید میں اضطراری کیفیت بتا دیا ہے،کیفیت کا معنی ہے کہ اللہ نے جو قوت مدافعت آپ میں رکھی ہے اس میں کمی آ جاتی ہے کہ اگر خنزیر کا گوشت استعمال نہ کریں،یا مردار کا گوشت ، یا ایسا گوشت جس کا ذبیحہ اہل کتاب کا ہے مسلمان کا نہیں،لیکن کیونکہ ایک آدمی کی زندگی پوری انسانیت کی حیات کا نام ہے، اس آدمی کو مردار، خنزیر کا گوشت، اہل کتاب کا ذبیحہ بھی حلال ہو گیا لیکن سود لعنت ہے وہ کسی صورت حلال نہیں،معاشی طور پر اسکا نام استحکام رکھ لوں انسانیت کو دھوکہ دینے کے لئے اس صورت میں بھی نہیں، اللہ نے جو لفظ استعمال کیا ہے اس کا مطلب ہے کہ کسی کو ذلت کے ساتھ اسکو اپنے انجام تک پہنچانا،معنی یہ ہے کہ آج امریکہ اور دیگر معاشی ماہرین اس نتیجے پر پہنچ چکے ہیں کہ ذلت کی بجائے سود کا خاتمہ کر دیا جائے تا کہ ہمارا معاشی نظام بہتر ہو
مفتی عبدالقوی کا مزید کہنا تھا کہ جو صدقہ و خیرات ہے اسکے اندر ربا ، وہانبھی لفظ ربا استعمال کیا، فاروی ردو میں سود کا لفظ استعمال ہوتا ہے، ربا کو ہلاک ہونا ہے ختم ہونا ہے، ایک نہ ایک دن اسکا وجود ختم ہو گا،
مبشر لقمان کا کہنا تھا کہ ایک چیز پر میں کلیئر ہوں ربا یا سود سے مطلب لیتے ہیں فکس انکم، اب ہم جس جگہ بیٹھے ہیں یہ کرائے کی ہے،یہاں کا کرایہ دیا جاتا ہے مالک مکان کو،اگر ہمارا کام نقصان میں جا رہا ہے تو پھر بھی و ہ آئے گا اور اگلے سال کرایہ دس فیصد بڑھا دے گا تو کیا یہ بھی سود کے طور پر کاؤنٹ ہو گا،میری کتاب میں تو نہیں ہو رہا کیونکہ وہ میرے کاروبار میں شریک نہیں ہے ،میرے کاروبار سے اسکو نفع یا نقصان نہیں ہو رہا،پرابلم یہ ہو رہی ہے کہ آج ڈالر آپ کی حکومت کی مہربانی سے اوپر چلا گیا ہے، اگر میں انٹرسٹ لے رہا ہوں،فرض کریں کہ ایک کروڑ روپیہ بینک میں رکھا ہوا ہے اور اس پر سود لے رہا ہوں تو ملا کر بھی ایک سال بعد ڈالر کی اس اڑان کو نہیں پکڑتا تو کیا وہ بھی سود ہو گا؟ میں تو نہیں لے رہا میں تو کرنسی کو سٹیبل کرنے کی کوشش کر رہا ہوں.
مفتی عبدالقوی کا کہنا تھا کہ بات یہ ہے کہ ایک کروڑ روپیہ مفتی عبدالقوی نے اسوقت داخل کیا اس میں شاید 3 گنا کا یا کچھ فرق تھا،مجے درہم و دینا کا پتہ ہے،جسوقت ہم نے پاکستان میں ہوش سنبھالا اسوقت پاکستان اور سعودی عرب کی کرنسی میں 3 گنا کا فرق تھا،وہ میں نے ایک کروڑ کے ساتھ 33 لاکھ بڑھے وہ لے لئے ، جو پیسہ بینک میں رکھا اور جو پیسہ سود کے طور پر تین ماہ، سال بعد لیتا رہا وہ اور ذاتی اثاثہ جو بینک میں موجود ہے سارے ملا کر اس زمانے میں مجھے جو ڈالر، دینار،پلاٹ، زرعی رقبہ مل رہا تھا وہ اس سے دس گنا،بہت اوپر چلا گیا اور میرا اثاثہ اسی مقام پر رہا،معنی یہ ہے کہ میں نقصان میں رہا فائدے میں نہیں رہا، اجتہادی معنی یہ کہ سود کا مطلب ہے بڑھنا ،ضیاع کا معنی ہے نقصان،سود کا معنی یہ ہے کہ ایک کروڑ کے اوپر مزید لے رہا ہوں وہ حرام ہے ، اب میں دیکھتا ہوں اپنی کرنسی کو بی اور اوپر کے پسیوں کو بھی،باقی اثاثہ جات کو بھی جمع کرتا ہون اور دنیا کی کرنسی کو دیکھتا ہوں، اپنی زرعی اراضی کے معاملات کو بھی دیکھتا ہوں، تو میں سمجھتا ہوں کہ دس سال کے اندر لوگ آگے نکل گئے اور میں وہیں کھڑا ہوں، کیا اس پر سود کا اطلاق ہو گا،اب پھر یہ اجتہادی مسئلہ ہے کہ مفتی عبدالقوی کے لئے سود اسوقت تھا جب اسکے اثاثے بڑھتے ، حضورصلی اللہ علیہ وسلم نے فرمایا کہ کل قرض یجر نفعا فھو ربا، کہ آپ سے میں نے قرض لیا اور مزید دے رہا ہوں تو جو مزید دے رہا ہوں وہ ربا ہے، میں نے مزید دینے ، آپ نےمزید لینے کے باوجود آپ کا کام تو کم ہو گیا ہے، ایک کروڑ کے ڈالر لے لیتے تو وہ آگے نکل چکے ہوتے اسوقت 110 روپے کا ڈالر تھا اب شاید 165 روپے کا ہے،لیکن جو میں نے لیا وہ کم ہوتے ہوتے، نہ اتنے مجھے ڈالر ملتے ہیں نہ دینا ر ملتے ہیں نہ اتنی مجھے زمین ملتی ہے،اس زمانے میں ایک مربع لے لیتے ،دس لاکھ کا ،ایک کروڑ کے دس مربع لے لیتے، مبشر لقمان نے مفتی عبدالقوی کو ٹوکتے ہوئے کہا کہ آپ بات کیا کہنا چاہ رہے ہیں آپ نے مجھے کنفیوز کر دیا ہے جس پر مفتی عبدالقوی نے کہا کہ میں یہ کہنا چاہ رہا ہون کہ جو مزید ہے وہ سود ہے
مبشر لقمان کا کہنا تھا کہ جب بینک میں رقم سود کے ساتھ جمع کرتے ہیں تو دنیا میں جو بڑھ رہی ہے وہ اسکے مقابلے میں بھی کم ہے تو لوگ کہتے ہیں کہ یہ سود تو نہ ہوا، جس پر مفتی عبدالقوی نے کہا کہ یہی تو میں کہہ رہا ہون جو حضور صلی اللہ علیہ وسلم نے ضابطہ بیان فرمایا کہ ایک قرض ہے، میں نے ایک کرو ڑ روپیہ بینک میں رکھوایا،بینک میرا مقروض ہو گیا وہ مجھے ہر تین مہینے یا چھ بعد پیسے دے رہا ہے، دس سال بعد پتہ چلا کہ میرا قرض کل اثاثہ جو دیا ہے ،تو حضور تو فرما رہے ہیں کہ جو اس پر مزید نفع سود ہے، اس پر مزید تو ہوا ہی نہیں.
مبشر لقمان کا کہنا تھا کہ اسلامک بینک والے بینکنگ چارجز کے نام پر کرتے ہیں یہ کس طرح اسلام ہو گیا، یہ تو اسلام کو بھی بدنام کرتے ہیں، جس پر مفتی عبدالقوی نے کہا کہ حقیقی بات یہ ہے کہ نامور لوگ ہیں مفتی منیب الرحمان نے لکھا ہے کہ میں فلاں بینک کے شریعہ بورڈ کا رکن ہوں، مفتی تقی عثمانی صاحب سے محبت کا تعلق ہے میں انکے بچوں سے بھی محبت کرتا ہوں، حقیقی بات یہ ہے کہ میرے ملنے والے ایک دوست نے کہا کہ سنہری بینک کے شریعہ بورڈ میں آپ کو لے آتا ہوں میری جو ان سے پہلی میٹنگ ہوئی،ان کے چیئرمین سے، میں نے ان سے پوچھا کہ مفتی عبدالقوی نے قرضہ لیا اور فیکٹری میں لگایا ،پتہ نہیں ہے ہو سکتا ہے کہ چھ مہینے بعد ان کی فیکٹری کو نقصان ہو جائے،مجھے نفع نہیں ہو رہا، نقصان ہو رہا ہے تو کیا اس نقصان میں شریک ہیں بینک والے تو انہوں نے کہا نہیں، میں نے کہا کہ میں آپ سے قرض لیا،ماہانہ واپس نہیں کر سکا کیونکہ فصل نہیں ہوئی، میں چار ماہ بعد پیسے واپس دینے آ گیا تو کیا اس پر مزید بھی لیں گے تو انہوں نے کہا ہاں ،لیں گے،معنی یہ ہے کہ اسلام کا بنیادی اصول ہے، اسلامک بینکنگ کے نام پر جو ہو رہا ہے وہ غلط ہو رہا ہے،میں چائے پی ریا ہوں اور آپ بھی چائے پی رہا ہوں سب کے سامنے ہے لیکن میں کہوں کہ چائے پی رہا ہوں اور اسکی جگہ شراب پی رہا ہوں تو یہ اللہ کے ہاں بہت بڑا جرم ہے،کیونکہ اس کے اندر گناہ ہے، میں بینک میں جاتا تھا کہتا تھا کہ کرنٹ اکاؤنٹ کھلوانا ہے لاکھ روپیہ پڑا ہے جب بھی لینا ہو گا لاکھ ہی لوں گا،اب نام جو دیا رہا ہے اسلام کا
اس موقع پر مبشر لقمان کا کہنا تھا کہ فرض کریں میں بینک میں پیسے رکھتا ہوں، فکس نہیں ہے لیکن میں کہتا ہوں کہ جو اوپر ملے گا اس سے میں لوگوں کی مالی مدد کرنا چاہتا ہوں ،کیا یہ جائز ہے، جس پر مفتی عبدالقوی کا کہنا تھا کہ میں ہمیشہ کہتا ہون کہ اسلام کی بڑی خوبی یہ ہے یہ عقل، حکمت، مشاہدے کے بہت قریب ہے، حضور صلی اللہ علیہ وسلم نے سوال کرنے والے سے فرمایا کہ دل سے پوچھ جس پر صحابی رسول نے کہا کہ ہے تو غلط،میں پروگرام کے توسط سے مفتی تقی عثمانی، مفتی منیب الرحمان سے دو باتیں پوچھ رہا ہوں،ممکن ہو تو اگلے پروگرام میں ان کو بھی فون پر لیا جائے،دونوں فقہوں کے مفتی اعظم ہیں دونوں، ان کو کہتا ہے کہ جن بینکوں کے وہ شریعہ بورڈ ہیں وہ ایک ارب دیتے ہیں مفتی عبدالقوی کو اور چھ آٹھ مہینے کے بعد سارا معاملہ کروڑ ہو جاتا ہے تو کیا یہ معاملہ نقصان میں میرے ساتھ شریک ہے، ہاں یا ناں جواب دیں
اس موقع پر مبشر لقمان کا کہنا تھا کہ وہ نہیں ہوں گے کیونکہ انہوں نے پیسے دیئے ہیں آپ کے بزنس شیئر میں تو نہیں ہیں، جس پر مفتی عبدالقوی نے کہا کہ سب سے بڑا دھوکہ یہی ہے کہ یہ مشارکہ ہے، فقہ کی کتاب میں اور اسلام میں شرکت کی چار اقسام ہیں، کتاب الشرکت میں یہ لکھا ہے
اس پر مبشر لقمان کا کہنا تھا کہ اب تمام فقہ کے علما کو ملکر دو چیزوں پر اجتہاد کرنا ہو گا ، ایک تو سود کی ڈیفی نیشن سامنے آئے کہ سود کس بیماری کا نام ہے. ہے کیا، ہو سکتا ہے میں کسی چیز کو سود سمجھ رہا ہوں اور وہ نہ ہو، دوسرا کن حالات میں سود کی اجازت ہو سکتی ہے یا نہیں،دونوں صورتوں میں اجتہاد ضروری ہے
مفتی عبدالقوی کا کہنا تھا کہ اسلامک بینکاری کے فراڈ سے پہلے جو نظام چل رہا تھا کیا وہ سود کے زمرے میں آتا ہے یا نہیں، اور اب اسلامک بینکاری کے بعد جو نظام چل رہا ہے کیا وہ اسلام کے مطابق ہے یا نہیں، اسی سے واضح کر دیتا ہوں،اور میں اسکے لئے 3 سوال دے رہا ہوں جو شریعہ بورڈ کے ہیں، جسوقت بینک سے پیسہ لیتے ہیں اسلامی بینکاری کے نام پر کیا وہ مشارکہ، مضاربہ، شرکت کی چار اقسام کے مطابق نفع نقصان میں شریک ہیں یا نہیں، دوسرا سوال کہ وہ کہاں تک شریک ہیں اگر میں نفع دیتا رہوں تو وہ راضی ہیں اور اگر مین کہوں کہ نقصان ہو گیا اور تین چار مہینے تک پیسے نہ دوں تو..
مفتی عبدالقوی کا مزید کہنا تھا کہ اب اسے بھی خطرناک بات کہ لوگ مجھ سے پوچھتے ہیں کہ دو مسائل بہت اہم ہیں، پنشن والے لوگ پوچھتے ہیں کہ پیسہ کہاں رکھیں ،میں بڑی جرات کے ساتھ کہتا ہوں کہ کسی مفتی، پیر،عالم، خطیب، حافظ قرآن کو نہیں دینا جو ہے یہ بھی جاتا رہے گا، قومی بچت اسوقت سب سے بہتر ہے،
مبشر لقمان کا کہنا تھا کہ اجتہاد کی ضرورت ہے، ہم تاویلیں دیتے ہیں، اور اپنے آپ کو دھوکہ دے رہے ہوتے ہیں،جو چیزیں ناپاک ہیں نجس ہیں انکی کوئی گنجائش نہیں ہے، انسانی خون پینے کی جس طرح کوئی گنجائش نہیں اس طرح سود کی بھی کوئی گنجائش نہیں، جو ناپاک ہے وہ حلال نہیں، اللہ تعالیٰ ہمارے حکمرانوں کو سمجھ دے کہ وہ اس کا متبادل بہترین معاشی نظام لے کر آئیں،
اگلے دو ہفتے تک ملک بھر میں لاک ڈاؤن برقرار رہے گا، وزیراعظم نے اعلان کر دیا
باغی ٹی وی :وزیراعظم عمران خان نے کورونا وائرس پھیلنے کے خطرات کے پیش نظر ملک بھر میں لاک ڈاؤن اگلے دو ہفتے بڑھانے کا فیصلہ کیا ہے۔
وزیراعظم عمران خان کا قومی رابطہ کمیٹی اجلاس کے بعد اظہار خیال کرتے ہوئے کہنا تھا کہ کورونا وائرس کی وبا پھیلنے کے بعد پاکستان سمیت پوری دنیا میں لاک ڈاؤن کا فیصلہ کیا گیا۔ ہم نے انتہائی مشکل حالات میں لاک ڈاؤن پر عمل کیا۔ غریب طبقے کو اس سے شدید مشکلات کا سامنا کرنا پڑا۔
وزیراعظم کا کہنا تھا کہ خوشی ہے کہ لاک ڈاؤن کی وجہ سے پاکستان میں کورونا وائرس اتنی تیزی کیساتھ نہیں پھیل سکا، تاہم اس کے باجود احتیاط کا دامن ہاتھ سے نہیں چھوڑنا چاہیے، اس وبا کے پھیلنے کا خطرہ ابھی تک موجود ہے۔ ہمیں احتیاطی تدابیر پر عمل کرنا ہوگا کیونکہ یہ وائرس کسی وقت بھی پھیل سکتا ہے
واضح رہے کہ اس سے قبل وزیراعظم عمران خان کی زیر صدارت وفاقی کابینہ کا اجلاس ہوا تھا جس میں کابینہ اراکین نے کہا کہ احتیاط سے ہی کرونا کا مقابلہ کیا جا سکتا ہے اس لئے لاک ڈاؤن میں دو ہفتے کی توسیع کی جائے ،لاک ڈاؤن میں توسیع کا حتمی فیصلہ نیشنل کوآرڈی نیشن کمیٹی کے اجلاس میں فیصلہ کیا جائے گا
گزشتہ روز ہونے والے اجلاس میں وزیراعلیٰ سندھ سید مراد علی شاہ نے لاک ڈاؤن میں توسیع کی تجویز دی تھی جس کی وزیراعلیٰ پنجاب نے بھی تائید کی تھی، لاک ڈاؤن میں توسیع کا فیصلہ آج ہونے والے اجلاس میں کیا جائے گا
کرونا وائرس ،پاکستان میں اموات 100 ہو گئیں ،کس صوبے میں کتنی ہلاکتیں؟
باغی ٹی وی کی رپورٹ کے مطابق کرونا وائرس سے پاکستان میں اموات کی تعداد 100 ہو گئی ہے
سندھ میں کرونا وائرس سے مزید 4 اموات ہوئیں جس سے سندھ میں ہلاکتوں کی مجموعی تعداد 35 ہو گئی، کرونا وائرس سے صوبہ خیبر پختونخواہ میں بھی 35 ہلاکتیں ہو چکی ہیں، پنجاب میں 24، بلوچستان میں 2، اسلام آباد میں ایک ہلاکت ہوئی ہے، گلگت بلتستان میں کرونا سے 3 ہلاکتیں ہو چکی ہیں.
نیشنل کمانڈ اینڈ آپریشن سینٹر کے تازہ ترین اعدادوشمار کے مطابق گذشتہ 24 گھنٹوں کے دوران 342 نئے کیسز رپورٹ ہوئے، پنجاب میں سب سے زیادہ 2826، سندھ میں 1452، خیبر پختونخوا میں 800، بلوچستان میں 231، گلگت بلتستان میں 233، اسلام آباد میں 131 جبکہ آزاد کشمیر میں 43 کیسز رپورٹ ہوئے۔
ملک بھر میں اب تک 69 ہزار 928 افراد کے ٹیسٹ کئے گئے، گذشتہ 24 گھنٹوں کے دوران 3157 نئے ٹیسٹ کئے گئے، اب تک 1378 مریض صحتیاب ہوچکے ہیں جبکہ 46 مریضوں کی حالت تشویشناک ہے۔
واضح رہے کہ کرونا وائرس کی وجہ سے ملک بھر میں آج 14 اپریل تک لاک ڈاون کا حکومت نے اعلان کر رکھا ہے تا ہم پاکستان میں مریضوں اور ہلاکتوں میں اضافے کی وجہ سے لاک ڈاوں میں توسیع کا امکان ہے.آج نیشنل کوآرڈینشن کمیٹی اجلاس میں لاک ڈاؤن میں توسیع بارے فیصلہ کیا جائے گا.
پنجاب کی صوبائی وزیر صحت ڈاکٹر یاسمین راشد نے گزشتہ روز کہا تھا کہ کہ صوبہ پنجاب میں لاک ڈاؤن کو مزید بڑھانے کا فیصلہ نیشنل کوآرڈینیشن کمیٹی کے اجلاس میں کیا جائیگا۔ متاثرہ علاقوں کے لاک ڈاؤن میں نرمی نہیں کی جائیگی۔ جی ٹی روڈ بیلٹ پر کورونا وائرس کے کیسز کی تعداد سب سے زیادہ ہے۔ لاہور کے بعض علاقوں کو کورونا وائرس کے کیسز بڑھنے پر مکمل سیل کیا گیا ہے۔ اس کے علاوہ سبزی منڈیوں میں افراد کے تشخیصی ٹیسٹ کروائے جا رہے ہیں
وفاقی کابینہ اجلاس، لاک ڈاؤن میں توسیع کی کر دی سفارش، کب تک؟
باغی ٹی وی کی رپورٹ کے مطابق وفاقی کابینہ نے پاکستان میں لاک ڈاؤن دو ہفتوں تک برقرار رکھنے کی سفارش کی ہے
وزیراعظم عمران خان کی زیر صدارت وفاقی کابینہ کا اجلاس ہوا جس میں کابینہ اراکین نے کہا کہ احتیاط سے ہی کرونا کا مقابلہ کیا جا سکتا ہے اس لئے لاک ڈاؤن میں دو ہفتے کی توسیع کی جائے ،لاک ڈاؤن میں توسیع کا حتمی فیصلہ نیشنل کوآرڈی نیشن کمیٹی کے اجلاس میں فیصلہ کیا جائے گا
آج ہی نیشنل کو آرڈی نیشن کمیٹی کا اجلاس ہو گا ، گزشتہ روز ہونے والے اجلاس میں وزیراعلیٰ سندھ سید مراد علی شاہ نے لاک ڈاؤن میں توسیع کی تجویز دی تھی جس کی وزیراعلیٰ پنجاب نے بھی تائید کی تھی، لاک ڈاؤن میں توسیع کا فیصلہ آج ہونے والے اجلاس میں کیا جائے گا
واضح رہے کہ ملک بھر میں آج 14 اپریل تک لاک ڈاؤن کا اعلان کیا گیا تھا، آج کمیٹی اجلاس میں اہم فیصلے متوقع ہیں.
باغی ٹی وی کی رپورٹ کے مطابق وزیراعظم نے کامیاب جوان پروگرام کے تحت دی جانے والی رقم بڑھانے کی منظوری دےدی ہے
کامیاب جوان پروگرام کے تحت 50 لاکھ روپے کی بجائے ڈھائی کروڑ روپے تک کی رقم ملے گی،وزیراعظم عمران خان سے مشیر خزانہ حفیظ شیخ اور معاون خصوصی عثمان ڈار کی ملاقات ہوئی ہے،جس میں نوجوانوں کو بڑے کاروباری مواقع دینے کیلئےمزید سہولیات فراہم کرنے کا فیصلہ کیا گیا ہے
رقم کی فراہمی کی زیادہ سے زیادہ حد 50 لاکھ روپےسے بڑھا کر ڈھائی کروڑ روپےتک کر دی گئی ہے،رقم پر واجب الادا شرح سودبھی 8 فیصد سے کم کرنے کا فیصلہ بھی کیا گیا ہے،پاکستان کے تمام بینکوں کو کامیاب جوان پروگرام میں شامل کرنے کی بھی منظوری دے دی
وزیراعظم عمران خان نے حالات بہتر ہوتے ہی نوجوانوں میں رقم کی تقسیم کا عمل تیز کرنے کی ہدایت کرتے ہوئے کہا کہ نوجوانوں کو مزید سہولت دیں تا کہ بڑے کاروبار کر سکیں،لاک ڈاوَن میں نرمی آتے ہی نوجوانوان کو کاروباری میدان میں آگے لائیں،نوجوان ملک کا اثاثہ ہیں ان پر مزید سرمایہ کاری کریں گے،ملکی معیشت کو سنبھالنے میں نوجوانوں کا کردار بھی اہم ہوگا،
وزیر اعظم کے امور نوجواناں پروگرام نے پاکستان میں نوجوانوں کی بے روزگاری کے مسئلے سے نمٹنے کے لئے “نیشنل انٹرنشپ پروگرام” شروع کرنے کا منصوبہ بنایا ہے۔حکام کے مطابق اس پروگرام کا اہم مقصد تعلیم یافتہ نوجوانوں کو معاشی طور پر بااختیار بنانے کے لئے روزگار کے حصول کے مواقع پیدا کرنا اور انہیں روزگار کے قابل بنانا ہے۔
یہ منصوبہ حکومت، جامعات اور صنعتی شعبے کا مشترکہ اقدام ہے جس سے تعلیم یافتہ نوجوانوں کی توانائیوں کو درست سمت گامزن کرنا ہے، اس کے تحت انڈر گریجویٹ اور پوسٹ گریجویٹ طلبہ کو مختلف شعبوں اور صنعتوں میں ان کی صلاحیتوں کے مطابق مواقع دیے جائیں گے۔طلبہ کا انتخاب مختلف تعلیمی اداروں سے کیا جائے گا اور ان کو انٹرنشپ کے دورانیے کے دوران وظائف دیے جائیں گے۔
انڈر گریجویٹس کے لیے انٹرنشپ کی مدت چھ ماہ تاہم پوسٹ گریجویٹس کے لیے ایک سال ہوگی۔ اس انٹرنشپ سے انٹرنی نوجوانون کو موزوں تربیت کے ہمراہ باقاعدہ ملازمت کے حصول میں مدد ملے گی۔انٹرنشپ میں شامل آجر ادارے قومی تعمیر کے اس مقصد کے لئے تعاون کریں گے اور باقاعدگی سے اس عمل کو جاری رکھیں گے
باغی ٹی وی کی رپورٹ کے مطابق وزیراعلیٰ سندھ سید مراد علی شاہ نے کہا ہے کہ سندھ میں کورنا وائرس کے 66 نئے کیسز سامنے آ گئے ،سندھ میں 4لوگ جان کی بازی ہار گئے جس کے بعد سندھ میں ہلاکتوں کی مجموعی تعداد35 ہوگئی،
وزیراعلیٰ سندھ سید مراد علی شاہ کا مزید کہنا تھا کہ افسوس ہے اموات کی شرح 2.3ہوگئی ہے،موبائل ٹیم کے ذریعے کچی آبادیوں میں 1700ٹیسٹ کئے،نتائج کل تک آئیں گے،اس وقت 671 مریض گھروں میں آئیسولیشن میں ہیں،58مریض آئیسولیشن مراکزاور227 اسپتالوں میں زیرعلاج ہیں، آج مزید 8 افراد صحت یاب ہوکر گھروں پر چلے گئے،
وزیراعلیٰ سندھ کا مزید کہنا تھا کہ سکھر آنے والے 280 زائرین میں سے 274 گھروں کو چلے گئے،کراچی کے شدید متاثر علاقوں کو سیل کیا ہے،ان علاقوں میں ٹیسٹ کرنے کی تعداد بڑھا رہے ہیں،لاک ڈاوَن کا فیصلہ وفاقی حکومت کرے گی، جس کا اعلان ہوجائے گا
وزیراعلیٰ سندھ سید مراد علی شاہ نے شہریوں سے اپیل کی ہے کہ اپنے بزرگوں کو کسی صورت باہر نہ نکالیں،وائرس کا شکار بزرگ افراد میں اموات کی شرح زیادہ ہے،
کراچی میں برطانیہ سے آئی دلہن نے 18 رشتے داروں کو کورونا وائرس سے متاثر کر دیا۔ چراغ کالونی میں 24 مثبت کیسز رپورٹ ہونے کے بعد علاقے کو مکمل طور پر سیل کر دیا گیا ہے۔ محکمہ صحت کے حکام کے مطابق یہ فیصلہ گلستان سوسائٹی میں ایک ہی خاندان کے 19 افراد کے کورونا وائرس سے متاثر ہونے کے بعد کیا گیا۔شادی کے فوری بعد دلہن کی طبیعت خراب ہوئی اور اس کا کووڈ 19 کا ٹیسٹ مثبت آیا جبکہ ساتھ ہی اس کے 18 دیگر رشتہ دار بھی وائرس سے متاثر ہوگئے۔ کراچی میں دیگر علاقوں کو بھی سیل کیا گیا ہے
سندھ حکومت کی کارکردگی افسوسناک ،بتایا جائے راشن کہاں اور کتنے میں خریدا گیا، سپریم کورٹ
باغی ٹی وی کی رپورٹ کے مطابق زشتہ روز چیف جسٹس گلزاراحمد کی سربراہی میں بنچ نے کورونا ازخودنوٹس کیس کی سماعت کی ،عدالت نے گزشتہ روز سماعت کا تحریری حکم نامہ جاری کردیا۔جس میں حکومت سے اعلیٰ سطح اجلاس کے فیصلوں کی تفصیلات طلب کی گئی ہیں۔
عدالت نے تحریری حکم نامہ میں کہا کہ کراچی میں11 یونین کونسلز سیل کرنے کی ٹھوس وجہ نہیں بتائی گئی ،سندھ حکومت کو سیل شدہ یونین کونسلز میں متاثرہ افراد کی تعداد کا بھی علم نہیں ،سیل ہونیوالی یونین کونسلز میں کھانا اورطبی امداد فراہم کرنے کاکوئی منصوبہ نہیں ۔ سندھ حکومت کی کارکردگی افسوسناک ہے ،سندھ بھر سے کھانا نہ ملنے کی شکایات پہنچ رہی ہیں ،بتایا جائے راشن کہاں اور کتنے میں خریدا گیا ،عدالت نے مزید کہاہے کہ وفاق اور صوبائی حکومتیں ڈاکٹرز کی ضروریات پوری کریں
عدالت نے تحریری حکم نامہ میں مزید کہا کہ اٹارنی جنرل نے بتایا کورونا سے نمٹنے کیلئے تمام وسائل بروئے کار لائے جا رہے ہیں، کورونا سے متعلق قانون سازی کیلئے حکومت سے مشاورت کی یقین دہانی کرائی گئی،تمام صوبوں نے بھی کورونا سے تحفظ کیلئے اقدامات کی یقین دہانی کرائی،پی پی ای اور کٹس کی ملک میں مینوفیکچرنگ سے متعلق بتایا گیا،ملک بھر کے ڈاکٹرز اور پیرا میڈیکل اسٹاف فرنٹ لائن پر ہیں،میڈیکل عملہ کو پی پی ای سمیت تمام ضروری طبی سامان مہیا کیا جائے،پی ایم اے کے سربراہ نے 40ہزار ڈاکٹرز کی رجسٹریشن جلد مکمل کرنے کی یقین دہانی کرائی،کورونا سے متعلق حکومتی اعلیٰ سطح اجلاس کی تفصیلات عدالت میں پیش کی جائیں،
کورونا وائرس از خود نوٹس کیس کی مزید سماعت 20 اپریل کو ہوگی،
