Category: اہم خبریں

اسلام آباد: بھارت مقبوضہ کشمیر سے توجہ ہٹانے کے لئے جھوٹے آپریشن کرسکتا ہے، پاکستان کشمیریوں کی حمایت سے دستبردار نہیں ہوگا،اطلاعات کےمطابق وزیراعظم عمران خان نے کہا ہے کہ بھارت مقبوضہ کشمیر میں کارروائیوں سے توجہ ہٹانے کے لئے جھوٹے آپریشن کا سہارا لے سکتا ہے۔

اسلام آباد سے ذرائع کے مطابق آج وزیراعظم سے برطانوی پارلیمنٹ ارکان کے وفد نے ملاقات کی، جس کا اعلامیہ جاری کردیا گیا ہے، اعلامیے کے مطابق آل پارٹیز پارلیمانی کشمیر گروپ وفد کی قیادت چیئرمین ڈیبی ابرہمس نے کی، وزیر اعظم نے کشمیری عوام کی جدوجہد اور حق خود ارادیت کے لئے پاکستان کی حمایت کرنے کے عزم کا اعادہ کیا، اور جموں و کشمیر تنازعہ پر گروپ کی مستقل توجہ اور وادی میں انسانی حقوق کی صورتحال پر گروپ کی ​​رپورٹس کے کردار کی تعریف کی۔

اعلامیے کے مطابق وزیراعظم نے بھارت کی غیرقانونی اور یکطرفہ کارروائیوں کے نتیجے میں انسانیت سوز حالات سے متعلق وفد کو آگاہ کرتے ہوئے بتایا کہ 80 لاکھ کشمیری گزشتہ چھ ماہ سے ایک فوجی محاصرے میں ہیں، کشمیریوں سے انسانی حقوق اور آزادیاں چھین لی گئیں ہیں۔

بھارتی قیادت کی جارحانہ بیان بازی سے خطے کے امن کو لاحق خطرات پر روشنی ڈالتے ہوئے وزیراعظم عمران خان کا کہنا تھا کہ بی جے پی حکومت آر ایس ایس سے متاثر ہوکر ہندوتوا نظریے کے تحت کشمیریوں کی نسل کشی کررہی ہے، ہندوتوا نظریہ ہندوستان کی اقلیتوں کے لئے بھی جگہ محدود کررہا ہے۔

عمران خان کا کہنا تھا کہ مقبوضہ کشمیر میں کارروائیوں سے بین الاقوامی توجہ ہٹانے کے لئے ہندوستان جھوٹے آپریشن کا سہارا لے سکتا ہے، جنوبی ایشیاء میں امن ، سلامتی اور استحکام کے لئے جموں و کشمیر تنازعہ کا ایک مستقل اور دیرپا حل ضروری ہے، عالمی برادری انسانیت کے خلاف بھارت کے جرائم کے حوالے سے شعور اجاگر کرے، اور جموں و کشمیر سے متعلق سلامتی کونسل کی قراردادوں پر عمل درآمد کے لئے بھارت پر دباؤ ڈالے۔

صنعا: بڑی پریشان کن خبرآگئی : جنگی جیٹ طیارہ مار گرایا، دوپائیلٹ ہلاک،اطلاعات کےمطابق یمن میں حوثی باغیوں نے سعودی عرب کے لڑاکا جیٹ طیارے کو مار گرایا ہے جس میں موجود دونوں پائلٹس لاپتہ ہیں۔

عالمی خبر رساں ادارے کے مطابق تین روز قبل لاپتہ ہونے والے سعودی فضائیہ کے لڑاکا جیٹ طیارے کے حوثی باغیوں کے میزائل حملے میں تباہ ہونے کی تصدیق کردی گئی ہے۔ طیارے میں دو پائلٹس سوار تھے جن کے بارے میں متضاد دعوے سامنے آرہے ہیں۔

یمن میں برسرپیکار اتحادی افواج کے ترجمان کرنل ترکی المالکی نے سعودی جیٹ طیارے کے تباہ ہونے کی تصدیق کرتے ہوئے میڈیا کو بتایا کہ باغیوں کے حملے کے نتیجے میں جنگی طیارہ گرنے سے قبل دونوں پائلٹس جہاز سے باہر نکلنے میں کامیاب ہوگئے تھے تاہم پائلٹس سے رابطہ نہیں ہوسکا ہے۔

دوسری جانب حوثی باغیوں نے دعویٰ کیا تھا شمالی صوبے کے علاقے الجاف میں سعودی جیٹ طیارے کو میزائل حملے میں مار گرایا ہے جس کے نتیجے میں طیارے میں موجود دونوں پائلٹس ہلاک ہو گئے تھے۔ حوثی باغیوں نے طیارہ مار گرانے کی ویڈیو بھی جاری کی تھی۔

ادھر کرنل ترکی المالکی نے سعودی جنگی طیارہ مار گرانے کا الزام ایران پر عائد کرتے ہوئے کہا ہے کہ ایران نے حال ہی میں حوثی باغیوں کو زمین سے فضا میں مار کرانے والا ایئر ڈیفنس سسٹم فراہم کیا ہے تاہم ایران نے ان الزامات کی تردید کی ہے۔

کراچی زہریلی گیس کا اخراج جاری ، متاثرین کی تعداد مزید بڑھ گئی

باغی ٹی وی :کراچی کے ساحلی علاقے کیماڑی سے پر اسرار زہریلی گیس کا اخراج وقفے وقفے سے جاری ہے جس کے سبب گزشتہ شب بھی54 افراد متاثر ہوئے ہیں۔

ایدھی فاؤنڈیشن کے مطابق54 سے زائد افراد کو حالت غیر ہونے اسپتال منتقل کیا گیا ہے۔ دس افراد کو سول اسپتال بھی منتقل کیا گیا ہے جب کہ دیگر کو ضیاء الدین اسپتال کیماڑی منتقل کیا گیا ہے۔اسپتال منتقل کیے گئے تمام افراد کا تعلق کیماڑی و ملحقہ علاقوں سے ہے۔ متاثرین میں خواتین اور بچے بھی شامل ہیں۔ شہری انتظامیہ زہریلی گیس کا سراغ لگانے میں فی الحال ناکام ہے۔

شہر قائد میں زہریلی گیس، کسٹم ہاؤس کے ملازمین بے ہوش، کسٹم ہاؤس کو تالے لگ گئے

کراچی میں زہریلی گیس کا اخراج کہاں سے ہوا؟ چیئرمین کے پی ٹی بول پڑے

کراچی میں زہریلی گیس کا پھر حملہ، ہلاکتیں 8 ہو گئیں،مریضوں میں اضافہ

کراچی میں زہریلی گیس کہاں سے آئی؟ جوڈیشیل تحقیقات کا مطالبہ سامنے آ گیا

زہریلی گیس، جاں بحق افراد کا پوسٹ مارٹم کیوں نہیں کروایا گیا؟ مبشر لقمان نے اٹھایا اہم سوال

زہریلی گیس کہاں سے خارج ہو رہی؟ سراغ لگا لیا گیا، مقدمہ درج

جبکہ اس سے پہلے یہ دعوی کیا گیا کہ شہر قائد کیماڑی سے پر اسرار زہریلی گیس کے اخراج کا پتا چل گیا ہے،

نجی ٹی وی کے ذرائع کا کہنا ہے کہ اہم اداروں نے یہ سراغ لگا لیا ہے کہ کراچی پورٹ پر لنگر انداز مال بردار جہاز ہی گیس کے اخراج کی وجہ ہے۔لیکن وفاقی وزیر علی زیدی اور چیئرمین کے پی ٹی اس بات کی تردید کر رہے ہیں کہ پورٹ میں ایسا کچھ نہیں تا ہم تحقیقات کے بعد سب سامنے آ جائے گا،

لاہور:کرونا وائرس نے چینی معیشت کا بیڑہ غرق کردیا،چین امریکہ سے معاشی جنگ ہار گیا ، چینی ٹورازم اپنے انجام کو پہنچنے لگا،دنیا نے چین سے منہ موڑلیا،چین میں سیاحتی مقام اورریسٹورینٹس بند،اب شاید چین میں وہ جان نہیں رہی جس کا دو ہفتے قبل تصور پایا جاتا تھا ، چین میں کرونا وائرس سے پھیلنے والی تباہی اوروہاں کی تازہ صورت حال سے پہلے دن سے باخبررہنے والے اوروقت پرخبردینے والے پاکستان کے ممتاز صحافی مبشرلقمان نے تازہ صورت حال بیان کرکے سب کو بے چین کردیا ہے

باغی ٹی وی کے مطابق چین میں جہاں کرونا وائرس نے انسانوں ، حیوانوں اورجانوروں کو نگلنا شروع کردیا ہے اور اس وقت اس آفت سے اموات کی مسلسل خبریں آرہی ہیں ، ان حالات میں‌ انہوں ایک اورحساس صورت حال سے پردہ اٹھاتے ہوئے مزید خبردار کردیا ہے،

مبشرلقمان نے چین کی بگڑتی ہوئی معاشی صورت کے بارے میں اہم انکشافات کرتے ہوئے کہا ہے کہ اس وقت چین کی معاشی ترقی کو حسن بخشنے والے سنگا پور، تھائی لنیڈ اور ایسے دیگرممالک کی طرف سے چین میں سیاحت کے سلسلے میں آنے کا سلسلہ بند ہوگیا ہے،اور ایسے ہی دیگر ممالک کے سیاحوں کی عدم دلچسپی کا رجحان پایا جارہا ہے

مبشر لقمان نے انتہائی اہم معاشی صورت حال سے پردہ اٹھاتے ہوئے کہا ہے کہ ہزاروں کی تعداد میں ہوٹلوں کے بند ہونے کی اطلاعات ہیں ، انہوں نے صرف ایک ہوٹل گروپ ہلٹن کا حوالہ دیا کہ صرف اس کمپنی کے 150 ہوٹل بند ہوگئے ہیں جس کی وجہ سے 33 ہزار کمرے بھی اس کے ساتھ بند ہوگئے ، ہلٹن کو اپنی جگہ جو نقصان اٹھانا پڑرہا ہے وہ الگ ہے ،

مبشرلقمان نے ہلٹن کے کاروباری نیٹ ورک کا چھوٹا سا خاکہ پیش کرتے ہوئے بتایا کہ وہان میں ہلٹن کے چاربڑے ہوٹلز ہیں اس کے علاوہ دیگر چند صوبوں میں 225 ہوٹلزہیں‌،معروف صحافی مبشرلقمان نے اے بی این بی کی معاشی بدحالی کا بھی ذکرکرتے ہوئے کہاکہ وہ توپہلے ہی اپنا نیٹ ورک چین سے سمیٹ رہے ہیں اورجو باقی بچا ہے اس کو چلانے کے لیے بڑا ڈسکانٹ دے کر لوگوں کو مائل کررہے ہیں‌

مبشرلقمان نے چین میں ہونے والے اس معاشی نقصان سے متاثر ہونے والوں کا بھی نقشہ پیش کیا ہے اور امریکہ سے آمدہ اطلاعات کے مطابق انہوں نے انکشاف کیا کہ امریکی ایئرلائنز کو بھی بہت زیادہ مالی نقصانات ہورہے ہیں کیوںکہ چینی سیاحوں کا اس کے ساتھ گہرا تعلق ہے،

مبشرلمقان نے چین میں کرونا وائرس کی وجہ سے سنگاپور کی تباہی پر بھی جاتے جاتے ایک منظرپیش کردیا ، انہوں نے کہا کہ اس وقت سنگا پورکے ایئرپورٹ سنسان پڑے ہیں کوئی بھی چین جانے کی خواہش نہیں کررہا اس سے سنگا پورکو بھی اپنی معاشی صورت کے گرنے کا خوف لاحق ہوگیا ہے

مبشرلقمان جو ہر وقت تحقیق کی تلاش میں گہرائی کی حد تک مطالعہ کررہے ہیں ان کا کہنا ہے کہ چین کی بڑی عدالت نے خبردار کیا ہے کہ کرونا وائرس کوچپھانا جرم ہے ، کیونکہ اس کے چپھانے کا مقصد کسی کو اس کی تباہ کاریوں سے بے خبر رکھنا ہے لٰہذا ایسا نہ کیا جائے

ادھرمبشرلقمان نے ایک اور تکلیف دہ اور دلچسپ صورت حال سے پردہ اٹھاتے ہوئے کہا ہے کہ اب تو گھروں میں پالتو کتوں اور بلیوں کو بھی ماسک پہنائے جارہے ہیں اور دن میں تین سے چار مرتبہ یہ تبدیل بھی کیے جاتے ہیں

مبشرلقمان نے آخر میں‌پھر چین میں پھنسے ہوئے اپنے پاکستانی طلباء کی تکلیف کا اظہارکیا اور ساتھ ہی امید کے ساتھ دعا بھی کی کہ اللہ تعالیٰ میرے ان بچوں کو صحت و تندرستی کے ساتھ جلد وطن واپس لائے

بیجنگ :کرونا وائرس سے ہلاکتوں میں بڑی تیزی آگئی ، مریضوں‌ کے علاج کرنے والے ڈاکٹرز اورفزیشنز بھی مرنے لگے، صورت حال قابوسے باہرہوگئی ،اطلاعات کےمطابق چین میں کورونا وائرس سے ہلاکتوں کی تعداد 1900 سے تجاوز کرگئی جب کہ ووہان اسپتال کے ڈائریکٹر بھی وائرس سے چل بسے۔

غیر ملکی میڈیا کےمطابق وائرس سے سب سے زیادہ متاثر ہونے والے صوبے ہوبئی میں مزید 139 افراد زندگی کی بازی ہارگئے جس کے بعد ہلاکتوں کی تعداد 1927 سے زائد ہوگئی۔

جب کہ ووہان کے اسپتال میں کورونا وائرس کا علاج کرنے والے اسپتال کے ڈائریکٹر بھی وائرس کا شکار ہوکر چل بسے۔

چینی حکام کے مطابق ملک میں کورونا وائرس کے مزید 2000 سے زائد کیسز کی تصدیق ہوئی جن میں زیادہ تر کا تعلق ہوبئی سے ہے، نئے کیسز کے بعد متاثرہ افراد کی تعداد 73 ہزار تجاوزکرگئی ہے۔

حکام کے مطابق 30 جنوری سے ملک بھر میں روزانہ کی بنیاد پر وائرس سے متاثرہ افراد کی تعداد 2 ہزار سے نیچے نہیں تھے اور اس دوران 11 فروری سے ہلاکتوں کی تعداد 100 سے کم نہیں ہوئی تھی۔لیکن اب تو ہر طرف سے کرونا وائرس سے بیمار ہونے والوں اورمرنے والوں کی خبریں‌ اتنی تیزی سے آرہی ہیں کہ چینی حکومت بھی حواس باختہ ہوگئی ہے

دوسری طرف یہ بھی خبریں آرہی ہیں‌ کہ چینی حکومت عوام اوردنیا کو تو مطمئن کررہی ہے کہ حکومت کرونا وائرس سے محفوظ کرنے کے لیے بھرپورکوشش کررہے ہیں اور کہا یہ جارہا ہےکہ صورتحال قابو میں ہے لیکن حقیقت یہ ہے کہ حالات قابو سے باہرہوگئے ہیں اورچینی حکام اب خبریں چھپانے کی بھرپورکوششیں کررہے ہیں‌

راولپنڈی :پاکستان کا کروز میزائل ’رعد 2‘ کا کامیاب تجربہ؛سمندرہویا فضا،پہاڑہوں یا میدان،600 کلومیٹردشمن کا علاقے کو ملیا میٹ کردےگا ، اطلاعات کے مطابق افواج پاکستان کے ترجمان ادارےآئی ایس پی آرنے قوم کو خوشخبری دیتے ہوئے کہا ہے کہ آپ کی بہادرافواج نے اللہ کے فضل سے آج "رعد 2” کا کامیاب تجربہ کیا ہے ،

پاکستان کا کروز میزائل ’رعد 2‘ کا کامیاب تجربہ؛سمندرہویا فضا،پہاڑہوں یا میدان،600 کلومیٹردشمن کا علاقے کو ملیا میٹ کردےگا ، آئی ایس پی آر نے قوم کوخوشخبری سنادی pic.twitter.com/0tt5G1Fcn5

— Baaghi TV باغی ٹی وی (@BaaghiTV) February 18, 2020

آئی ایس پی آر کی جانب سے جاری بیان کے مطابق پاکستان نے کروز میزائل ’رعد 2‘ کا کامیاب تجربہ کیا ہے، میزائل میں جدید ترین گائیڈنس اور نیوی گیشن سسٹم نصب ہے اور یہ 600 کلومیٹر تک کے فاصلے پر زمین اور سمندر میں اپنے ہدف کو آسانی سے نشانہ بناسکتا ہے۔

آئی ایس پی آر کے ترجمان نے اہل پاکستان کو اس میزائل کی خوبیوں سے آگاہ کرتے ہوئے کہا ہےکہ پاکستان کا یہ "رعد 2″میزائل دشمن کے علاقے میں خواہ وہ سمندر ہویا فضا، پہاڑ ہوں یا میدان 600 کلومیٹرکے علاقے کو ملیا میٹ کردے گا

’رعد 2‘ کے تجربے کے موقع پر ڈی جی ایس پی ڈی لیفٹیننٹ جنرل ندیم ذکی بھی موجود تھے۔ کروز میزائل کے کامیاب تجربے پر انہوں نے سائنسدانوں اور انجینئرز کی کاوشوں کو سراہا۔ صدر مملکت ڈاکٹر عارف علوی ، وزیراعظم عمران خان اور چیئرمین جوائنٹ چیفس آف سٹاف کمیٹی نے بھی مبارکباد دی ہے۔