Baaghi TV

Category: اہم خبریں

  • ایک کروڑ افریقی کرونا وائرس سے ہلاک ہوسکتے ہیں‌، مائیکروسوفٹ کے بانی بل گیٹس نے ریڈ الرٹ جاری کردیا

    ایک کروڑ افریقی کرونا وائرس سے ہلاک ہوسکتے ہیں‌، مائیکروسوفٹ کے بانی بل گیٹس نے ریڈ الرٹ جاری کردیا

    قاہرہ :ایک کروڑ افریقی کرونا وائرس سے ہلاک ہوسکتے ہیں‌، مائیکروسوفٹ کے بانی بل گیٹس نے ریڈ الرٹ جاری کردیا ،اطلاعات کےمطابق مائکروسوفٹ کے بانی اوردنیا کے معاملات پرنظررکھنے والی اہم شخصیت بل گیٹس نے خبردارکیا ہےکہ اگرکروناوائرس پرقابونہ پایا گیا توپھرافریقہ کے ایک کروڑ س زائد انسانوں کے ہلاک ہونے کا خدشہ ہے

    ذرائع کےمطابق بل گیٹس نے یہ الرٹ اس میٹنگ کے ختم ہونے کے چند گھنٹے بعد جاری جو سیٹل میں جاری تھی اور اس میٹنگ میں کرونا وائرس کی تباہ کاریوں کے حوالے سے بات چیت ہورہی تھی

    کرونا وائرس سے افریقہ میں ہلاکتوں کی دلیل دیتے ہوئے بل گیٹس کا کہنا تھا کہ ایک تو یہ وائرس بڑی تیزی سے پھیل رہا ہے اور دوسرا افریقہ کے غریب ممالک جہاں‌پہلے صحت کی سہولتیں میسر نہ ہونے کے برابر ہیں‌ ،انہوں نے کہا کہ اگریہ حال رہا تو پھر اس بات کا قوی امکان ہے کہ اس وائرس کی زد میں آکر 10 ملین افراد کے ہلاک ہونے کی خبردے دی ہے

  • کرونا وائرس سے برطانیہ میں 4 لاکھ سے زائد شہریوں کی موت :‌خطرے کی گھنٹیاں بج گیئں‌

    کرونا وائرس سے برطانیہ میں 4 لاکھ سے زائد شہریوں کی موت :‌خطرے کی گھنٹیاں بج گیئں‌

    لندن: کرونا وائرس سے برطانیہ میں 4 لاکھ سے زائد شہریوں کی موت : طبی ماہرین نے خبردار کردیا ،اطلاعات کےمطابق برطانیہ کے طبی ماہرین نے ملک بھر میں کرونا وائرس بڑے پیمانے پر پھیلنے کا خدشہ ظاہر کردیا، جس کی وجہ سے چار لاکھ شہریوں کی اموات کا امکان ہے۔

    برطانیہ میں رپورٹ ہونے والے کرونا وائرس کے کیسز کو دیکھتے ہوئے طبی ماہرین نے خدشہ ظاہر کیا ہے کہ برطانیہ کی مجموعی آباد کا 60 فیصد حصہ کرونا وائرس کا شکار ہوسکتا ہے۔طبی ماہرین نے انکشاف کیا کہ کرونا وائرس سے متاثر ہونے والوں میں سے ایک فیصد کی موت کا امکان ہے، یہ تعداد تقریباً چار لاکھ کے قریب بنتی ہے۔

    برطانیہ سے بڑی خطرناک خبریں آنا شروع ہوگئی ہیں ، برطانیہ میں ہونے والے ایک سروے میں این ایچ ایس اسٹاف کی جانب سے یہ انکشاف بھی کیا گیا ہے کہ برطانیہ کرونا وائرس سے نمٹنے کے لیے تیار نہیں ہے اور نہ ہی روک تھام کے حوالے سے کوئی خاص حفاظتی اقدامات کیے گئے۔

    دوسری طرف ذرائع کے مطابق سیکرٹری آف اسٹیٹ برائے ہیلتھ ماٹ ہن کاک کا کہنا تھا کہ برطانیہ کرونا وائرس کی ویکسین کے لیے بین الاقوامی اداروں کے ساتھ مل کر چالیس ملین پاؤنڈز خرچ کر رہا ہے تا کہ اس جان لیوا وائرس کی روک تھام کی جا سکے۔

    رپورٹ میں بتایا گیا ہے کہ عوام میں وائرس کی آگاہی اور احتیاطی تدابیر کے حوالے سے ملک میں تاحال کوئی خاص مہم شروع نہیں کی گئی جس کی وجہ سے کرونا کا برطانیہ میں تیزی سے پھیلنے کا خدشہ ہے۔یاد رہے کہ برطانیہ میں اب تک کرونا کے 9 کیسز رپورٹ ہوئے جن میں سے 8 کو علاج کے بعد گھر جانے کی اجازت دے دی گئی جبکہ ایک خاتون کا علاج بدستور جاری ہے۔

    واضح رہے کہ چین کے شہر ووہان سے پھیلنے والے مہلک وائرس کی وجہ سے اب تک ہلاکتوں کی تعداد 1600 سے تجاوز کرچکی جبکہ آج شام تک 80 ہزار سے زائد کیسز بھی رپورٹ ہوئے۔ چین کے علاوہ فلپائن، جاپان اور ہانگ کانگ اور فرانس میں کرونا وائرس سے متاثرہ مریضوں کی ہلاکتیں بھی سامنے آچکی ہے۔

  • اہل پاکستان کو مبارک ہو ! پاکستان کبڈی ورلڈ کپ کا سلطان: بھارت کو شکست دیکر پہلی بار چیمپئن بن گیا

    اہل پاکستان کو مبارک ہو ! پاکستان کبڈی ورلڈ کپ کا سلطان: بھارت کو شکست دیکر پہلی بار چیمپئن بن گیا

    لاہور: اہل پاکستان کو مبارک ہو ! پاکستان کبڈی ورلڈ کپ کا سلطان: بھارت کو شکست دیکر پہلی بار چیمپئن بن گیا،اطلاعات کےمطابق کبڈی ورلڈکپ کے فائنل میں پاکستان نے بھارت کو شکست دیکر ٹائٹل اپنا نام کرلیا۔

    روایتی حریفوں کے درمیان فائنل مقابلہ انتہائی دلچسپ اور سنسنی خیز رہا اور دونوں ہاف میں ٹیمیں پوائنٹس ٹیبل پر ایک دوسرے پر سبقت حاصل کرتی رہیں۔اس دوران بھارتی ٹیم اورانتظامیہ کی جانب سے امپائرز کے فیصلوں پرجان بوجھ کر احتجاج بھی کیا گیا جو کارگر ثابت نہ ہوا۔

    دوسرے ہاف کے اختتام پر پاکستان نے بھارتی ٹیم کو 41 کے مقابلے میں 43 پوائنٹس سے شکست دیکر پہلی بار ٹائٹل اپنے نام کیا۔بھارتی ٹیم کبڈی ورلڈ کپ سرکل اسٹائل کے ٹائٹل کا دفاع کرنے میں ناکام رہی، بھارتی ٹیم 6 مرتبہ ورلڈکپ کی فاتح رہ چکی ہے تاہم یہ اس کی پہلی شکست ہے۔

  • خطرے کی گھنٹی بج گئی ، کرونا وائرس کے مریض‌ یونیورسٹیوں میں‌ داخل،پاکستانی طالب علموں کی جان کوشدید خطرات،صورت حال نہایت ابتر

    خطرے کی گھنٹی بج گئی ، کرونا وائرس کے مریض‌ یونیورسٹیوں میں‌ داخل،پاکستانی طالب علموں کی جان کوشدید خطرات،صورت حال نہایت ابتر

    اسلام آباد:دوستی اپنی جگہ :خطرے کی گھنٹی بج گئی ، خطرے کی گھنٹی بج گئی ، کرونا وائرس کے مریض‌ یونیورسٹیوں میں‌ داخل،پاکستانی طالب علموں کی جان کوشدید خطرات،صورت حال نہایت ابتر،اطلاعات کے مطابق چین میں محصورپاکستانی طالب علموں کو لاحق خطرات اب جان لیوا حد تک پہنچ گئے ،چین میں کرونا وائرس کے مریضوں‌ کی یونیورسٹیوں آمد اورپاکستانی طالب علموں کے ہوسٹلز،کلاس رومز تک پہنچ چکے ہیں‌ ،

     

    باغی ٹی وی کےمطابق فی الحال پاکستان کی چند یونیورسٹیوں کے حوالے سے یہ خبریں منظرعام پرآنا شروع ہوگئی ہیں‌ کہ بعض کرونا وائرس سے متاثرہ مریض ان یونیورسٹیوں میں داخل ہوگئے ہیں‌ جس کی وجہ سے ان یونیورسٹیوں میں صورت حال بہت پریشان کن دکھائی دے رہی ہے،باغی ٹی وی کو چین کے صوبے وہان سے ملنے والی اطلاعات سے پتہ چلتا ہےکہ صورت حال بہت ہی تشویشناک ہے

    وہان یونیورسٹی سے طالب علموں کی باغی ٹی وی سے گفتگو کے دوران دل دہلا دینے والے حقائق نے پاکستان میں موجود ان طالب علموں کے ورثا کے پیروں‌تلے زمین نکال دی ہے، ذرائع کے مطابق اب اس صورت حال کے بعد جب کرونا وائرس زدہ مریضوں کی ہماری یونیورسٹیوں‌ تک رسائی ہوگئی ہے اب وہ علم کے دوروازوں اوررشندانوں کے بند ہونے کا خدشہ ہے جن سے علم کی روشنی پھوٹتی تھی اورساتھ ساتھ تازہ ہوااورآکسیجن بھی ہمارے ہونہارطالب علموں کو فراہم کرتے تھے

    ہبوئی یونیورسٹی میں محصور پاکستانی طالب علم نے انتہائی ہنگامی حالت میں وہاں کی صور ت حال سے آگاہ کرتے ہوئے کہا کہ اب تو یہ صورت حال بن چکی ہےکہ یونیورسٹی میں کھانے کے لیے کچھ نہیں مل رہا ، یونیورسٹی انتظامیہ نے پیغام دے دیا ہے کہ اب پینے کے لیے پانی فراہم نہیں کیا جائے گا ، اب تو پھل بھی نہیں مل رہے چلو یہ کھا کر ہی دیارغیر میں‌ پیٹ کی آگ بجھا لین‌

    ہبوئی یونیورسٹی سے طالب علم رہنما نے معروف صحافی مبشرلقمان کے سامنے وہاں کے تازہ ترین حالات رکھتے ہوئے انکشاف کیا ہے کہ ایک طرف یونیورسٹی میں‌ کرونا وائرس پہنچ گیا ہے ہماری جانوں کوخطرہ ہے ، دوسری طرف چینی حکومت تعاون کی بجائے آنکھیں پھیر گئی ہے،

    اپنے ہنگامی پیغام میں‌ طالب علم رہنما کا کہنا ہے کہ کیا پاکستان حکومت یہ چاہتی ہے کہ ان طالب علموں کی لاشیں چین سے آئیں پھریہ خوش ہوگی ، ہبوئی سے گفتگوکرتے ہوئے طالب علموں کا کہنا ہےکہ ہم دہرے عزاب میں مبتلا ہیں ایک طرف ہم چین میں محصور ہیں اورکروناوائرس ہمارے دروازوں کی دہلیز تک پہنچ چکا ہے اور دوسری طرف حکومت پاکستان ہمارے والدین کے ساتھ ٹھٹھہ مذاق کررہی ہے اور ان کو بار بار بلا کرمصیبت میں ڈال رہی ہے

    وہان صوبے کے علاوہ دیگر یونیورسٹییز میں محصور طالب علموں نے اپنی بے بسی کی آواز معروف صحافی مبشرلقمان تک پہچاتے ہوئے کہا کہ خدا را ہمیں‌اس مصیبت سے نکالا جائے ، ہمیں‌جانوں کو شدید خطرات لاحق ہوگئے ہیں ،انہوں‌نے مبشر لقمان سے اپیل کرتے ہوئے کہا کہ آپ حکمرانوں تک ہماری آواز پہنچائیں‌کہ ہمیں‌یہاں سے نکالا جائے

    دوسری طرف یہ بھی خدشہ ظاہر کیا

  • اللہ تعالیٰ سید علی گیلانی کوصحت و تندرستی عطا فرمائے،کشمیرکا مسئلہ ان کی زندگی میں حل ہوگا، شاہ محمود قریشی

    اللہ تعالیٰ سید علی گیلانی کوصحت و تندرستی عطا فرمائے،کشمیرکا مسئلہ ان کی زندگی میں حل ہوگا، شاہ محمود قریشی

    اسلام آباد:اللہ تعالیٰ سید علی گیلانی کوصحت و تندرستی عطا فرمائے،کشمیرکا مسئلہ ان کی زندگی میں حل ہوگا،اطلاعات کےمطابق پاکستان کے وزیر خارجہ شاہ محمود قریشی نے بزرگ کشمیری رہنما ، حریت کانفرنس کے چیئرمین ، کشمیریوں کی امید سید علی گیلانی کی بیماری پرتشویش کااظہارکرتے ہوئے ان کی صحت وتندرستی کے لیئےدعائیں کیں ،

    وزیر خارجہ شاہ محمود قریشی نے حریت رہنما سیدعلی گیلانی کی صحت یابی کے لیے نیک خواہشات کا اظہار کرتے ہوئے کہا کہ سید علی گیلانی کی جلد صحت یابی کے لیے دعا گو ہوں، سید علی گیلانی عزم وہمت کی علامت بن کر آزادی کے لیے کوشاں ہیں جب کہ کشمیری بھارتی استبداد سے نجات کے لیے علی گیلانی کو امید کی کرن سمجھتے ہیں۔

    وزیر خارجہ شاہ محمود قریشی کا کہنا تھا کہ مسئلہ کشمیر کا حل خطے میں دیرپا امن کے لیے ناگزیر ہے، حق خودارادیت کے لیے جدوجہد کرنے والے نہتے کشمیریوں کے ساتھ ہیں، کشمیریوں کے ساتھ مکمل اور بھرپور حمایت کا اعادہ کرتے ہیں۔

  • مقبوضہ وادی میں کرفیواور لاک ڈاؤن کا 196واں روز،کشمیریوں پرمظالم جاری،یو این سیکرٹری جنرل کابے اثربیان جاری

    مقبوضہ وادی میں کرفیواور لاک ڈاؤن کا 196واں روز،کشمیریوں پرمظالم جاری،یو این سیکرٹری جنرل کابے اثربیان جاری

    سری نگر:مقبوضہ وادی میں کرفیواور لاک ڈاؤن کا 196واں روز،کشمیریوں پرمظالم جاری،یو این سیکرٹری جنرل کابے اثربیان جاری ،اطلاعات کےمطابق مقبوضہ کشمیرمیں قابض بھارتی فوج کےمظالم جاری ہیں، وادی میں کرفیواورلاک ڈاون 196 ویں روزمیں داخل ہوگیا ہے۔

    مقبوضہ وادی کشمیرمیں بھارت کی طرف سےمسلط کردہ غیرانسانی لاک ڈاون اور مواصلاتی بندش کے باعث مسلسل 196 ویں روز بھی معمولات زندگی بدستور مفلوج ہیں۔ سڑکیں سنسان، وادی میں دکانیں، کاروبار، تعلیمی مراکز بند ہیں اور لوگ گھروں میں محصور ہو کر رہ گئے ہیں۔

    قابض بھارتی فوج نے کشمیریوں کی زندگی اجیرن بنا دی ہے اور ایک کروڑ سے زائد افراد دنیا کی سب سے بڑی جیل میں قید ہیں۔ وادی میں نام نہاد سرچ آپریشن اورپکڑ دھکڑ کا سلسلہ بھی جاری ہے ۔وادی میں خوراک اور ادویات کی قلت بھی برقرار ہے۔ 8 لاکھ سے زائد کشمیریوں کوسخت پریشانیوں کا سامنا ہے۔ مقبوضہ کشمیر میں اب تک لگ بھگ 894 بچے شہید ہوچکے ہیں جبکہ 177 ہزار سے زائد یتیم ہوچکے ہیں۔

    بھارت نے مظلوم کشمیریوں پر ظلم وبربریت کا بازار گرم کر رکھا ہے اور ہزاروں کشمیریوں سمیت مقبوضہ وادی کی سیاسی قیادت کو بھی جیلوں میں بند کر رکھا ہے۔وادی میں موبائل فون، انٹرنیٹ سروس بند اور ٹی وی نشریات تاحال معطل ہیں۔ دوسری جانب مودی سرکار کشمیریوں کی تحریک آزادی کو دبانے میں ناکام ہےکشمیری کرفیو توڑ کر سڑکوں پر نکل آئے اور بھارت کے خلاف شدید نعرے بازی بھی کرتے رہے۔

    ادھر آج اقوام متحدہ کے سیکرٹری جنرل نے کشمیریوں پرہونے والے بھارتی مظالم کے خلاف بھارت کو پیغام دیا ہے اس سے مزید مایوسیاں پھیل گئی ہیں، انہوں نے کہا کہ مقبوضہ کشمیر میں انسانی حقوق کا ہرصورت احترام کیا جانا چاہیے، سیکریٹری جنرل اقوام متحدہ کا بھارت کو میٹھا میٹھا پیغام ،اطلاعات کےمطابق اقوام متحدہ کے سیکریٹری جنرل انتونیو گوتریس کا کہنا ہے کہ مقبوضہ کشمیر میں انسانی حقوق کا ہرصورت احترام کیا جانا چاہیے۔

    اقوام متحدہ کے سیکرٹری نے کہا کہ مقبوضہ کشمیر میں انسانی حقوق کا ہرصورت احترام کیا جانا چاہیے، نہ صرف کشمیر بلکہ پوری دنیا میں انسانیت کا احترام کیا جانا چاہیے، انسانی حقوق کمشنر کی دو رپورٹس میں کشمیر میں انسانی حقوق کی صورتحال کی مکمل عکاسی ہے۔

    اقوام متحدہ کے سیکرٹری جنرل انتونیوگونتریس نے کہا کہ پاکستان اور بھارت کے درمیان ایک آبی معاہدہ موجود ہے، معاہدہ میں عالمی بنک ضامن ہے، ہمارا بھی ایسا ہی معاہدہ اسپین کے ساتھ ہے، پانی ہتھیار نہیں بلکہ امن کا ضامن ہونا چاہیے۔

    واضح رہے کہ 5اگست کو مودی سرکار نے کشمیر کو خصوصی حیثیت دینے والے بھارتی آئین کے آرٹیکل 370 اے کو ختم کر کے مقبوضہ وادی میں کرفیو نافذ کر دیا تھا اور بھارت نے کشمیریوں کی نقل وحرکت پر پابندی عائد کر رکھی ہے۔یکم نومبر سے بھارتی شہریوں کو مقبوضہ کشمیر میں جائیداد خریدنے اور وہاں رہنے کا حق بھی حاصل ہو گیا ہے۔

  • مقبوضہ کشمیر میں انسانی حقوق کا ہرصورت احترام کیا جانا چاہیے، سیکریٹری جنرل اقوام متحدہ کا بھارت کو میٹھا میٹھا پیغام

    مقبوضہ کشمیر میں انسانی حقوق کا ہرصورت احترام کیا جانا چاہیے، سیکریٹری جنرل اقوام متحدہ کا بھارت کو میٹھا میٹھا پیغام

    اسلام آباد:مقبوضہ کشمیر میں انسانی حقوق کا ہرصورت احترام کیا جانا چاہیے، سیکریٹری جنرل اقوام متحدہ کا بھارت کو میٹھا میٹھا پیغام ،اطلاعات کےمطابق اقوام متحدہ کے سیکریٹری جنرل انتونیو گوتریس کا کہنا ہے کہ مقبوضہ کشمیر میں انسانی حقوق کا ہرصورت احترام کیا جانا چاہیے۔

    اقوام متحدہ کے سیکرٹری نے کہا کہ مقبوضہ کشمیر میں انسانی حقوق کا ہرصورت احترام کیا جانا چاہیے، نہ صرف کشمیر بلکہ پوری دنیا میں انسانیت کا احترام کیا جانا چاہیے، انسانی حقوق کمشنر کی دو رپورٹس میں کشمیر میں انسانی حقوق کی صورتحال کی مکمل عکاسی ہے۔

    اقوام متحدہ کے سیکرٹری جنرل انتونیوگونتریس نے کہا کہ پاکستان اور بھارت کے درمیان ایک آبی معاہدہ موجود ہے، معاہدہ میں عالمی بنک ضامن ہے، ہمارا بھی ایسا ہی معاہدہ اسپین کے ساتھ ہے، پانی ہتھیار نہیں بلکہ امن کا ضامن ہونا چاہیے۔

    ادھر ذرائع کے مطابق اقوام متحدہ کے سیکریٹری جنرل انتونیو گوتریس سے اسلام آباد میں مہاجرین کے وفد نے ملاقات کی ، وفد میں افغانستان، تاجکستان اور یمن کے مہاجرین شامل تھے، مہاجرین کے نمائندوں نے دوران گفتگو انتونیو گوتریس کو پاکستان میں تعلیم، کاروبار،اور ہنر سے متعلق تجربات سے آگاہ کیا۔ پناہ گزینوں نے سیکرٹری جنرل کو اپنے ممالک میں ظلم و ستم اور تشدد کی روداد بھی سنائیں۔

    انتونیوگوتریس نے کہا کہ پاکستان نے افغان جنگ سے متاثر 45 لاکھ پناہ گزینوں کو پناہ دی اور ان کے لیے بہترین انتظامات کیے، پاکستان کے عوام نے افغان مہاجرین کی بھرپور مہمان نوازی کی، طویل عرصے تک افغان مہاجرین کی میزبانی پرپاکستان کا شکر گزار ہوں۔

  • عوام کی خدمت کی راہ میں کوئی رکاوٹ قبول نہیں،وزیراعلیٰ پنجاب

    عوام کی خدمت کی راہ میں کوئی رکاوٹ قبول نہیں،وزیراعلیٰ پنجاب

    عوام کی خدمت کی راہ میں کوئی رکاوٹ قبول نہیں،وزیراعلیٰ پنجاب

    باغی ٹی وی :وزیراعلیٰ پنجاب سردارعثمان بزدار نے کہا ہے کہ تحریک انصاف کی حکومت کا ایجنڈا صرف عوام کی خدمت ہے۔حکومت عوام کو بنیادی سہولتوں کی فراہمی پر توجہ مرکوز کئے ہوئے ہے۔ عوامی خدمت کا سفر شروع ہو چکا ہے، اب رکے گا نہیں۔عوام کی خدمت کی راہ میں کوئی رکاوٹ قبول نہیں۔
    انہوں نے کہا ہے کہ وزیراعظم عمران خان وہ پاکستان بنا رہے ہیں جس کا خواب قائداعظمؒ نے دیکھا۔ تحریک انصاف کی حکومت نے عام آدمی کی حالت بہتر بنانے کے لئے بے مثال اقدامات کئے ہیں۔ ہماری حکومت کی پالیسیوں کا مرکز و محور عام آدمی ہے۔

  • پاکستان تحریک انصاف کے بانی رکن ، وزیراعظم کے معاون خصوصی نعیم الحق انتقال کرگئے

    پاکستان تحریک انصاف کے بانی رکن ، وزیراعظم کے معاون خصوصی نعیم الحق انتقال کرگئے

    کراچی: پاکستان تحریک انصاف (پی ٹی آئی) کے سینئر رہنما اور وزیراعظم عمران خان کے معاون خصوصی برائے پارلیمانی امور نعیم الحق انتقال کر گئے۔پاکستان تحریک انصاف کے سینئر رہنما نعیم الحق انہیں کینسر کی جیسی موذی بیماری میں مبتلا تھے اور اور کافی عرصے سے علاج کے لیے ہسپتال میں داخل تھے۔

    آج پاکستان تحریک انصاف (پی ٹی آئی) سینئر رہنما نعیم الحق کو طبیعت بگڑنے پر آغاز خان ہسپتال لے جایا گیا جہاں وہ کینسر سے لڑتے لڑتے زندگی کی بازی ہار گئے۔ ان کے انتقال کی تصدیق تحریک انصاف کے رہنما فواد چودھری نے ٹویٹر پر کی۔

    دوسری طرف گورنر سندھ عمران اسماعیل نے پی ٹی آئی سینئر رہنما کے انتقال پر افسوس کا اظہار کیا ہے۔

    وزیراعظم عمران خان کی معاون خصوصی برائے اطلاعات و نشریات ڈاکٹر فردوس عاشق اعوان کا کہنا تھا کہ نعیم الحق عمران خان کے دکھ، سکھ کے ساتھی رہے، نعیم الحق کینسر جیسے موذی مرض کے ہاتھوں شکست کھاگئے۔


    نعیم الحق صاحب کے انتقال پرگہرے دکھ ہوا ۔وہ وزیراعظم عمران خان کے دیرینہ ساتھی اور پارٹی کا عظیم اثاثہ تھے،ان کے انتقال سےپیدا ہونے والاخلاآسانی سے پر نہیں ہوگا،انہوں نے بیماری کااستقامت اور حوصلے سے مقابلہ کیا۔اللہ تعالیٰ ان کو جوار رحمت میں جگہ عطا فرمائے،لواحقین کوصبر جمیل دے۔

    سماجی رابطے کی ویب سائٹ ٹویٹر پر ٹویٹ کرتے ہوئے فردوس عاشق اعوان کا کہنا تھا کہ نعیم الحق صاحب کے انتقال پرگہرے دکھ ہوا ۔وہ وزیراعظم عمران خان کے دیرینہ ساتھی اور پارٹی کا عظیم اثاثہ تھے،ان کے انتقال سےپیدا ہونے والاخلاآسانی سے پر نہیں ہوگا،انہوں نے بیماری کااستقامت اور حوصلے سے مقابلہ کیا۔اللہ تعالیٰ ان کو جوار رحمت میں جگہ عطا فرمائے،لواحقین کوصبر جمیل دے۔

    یاد رہے کہ پاکستان تحریک انصاف کے سینئر رہنما نعیم الحق وزیراعظم عمران خان کے کافی دیرینہ دوست تھے، وزیراعظم عمران خان نے کراچی کے دورے کے دوران ان کے گھر جا کر عیادت کی تھی۔

    واضح رہے کہ پاکستان تحریک انصاف کی حکومت آنے کے بعد وزیراعظم عمران خان نے انہیں معاون خصوصی برائے سیاسی امور کا عہدہ دیا۔

    نعیم الحق کا شمار پاکستان تحریک انصاف کے بانی اراکین میں ہوتا تھا، وہ پاکستان تحریک انصاف (پی ٹی آئی) میں مختلف عہدوں پر بھی کام کر چکے تھے۔

    خیال رہے کہ 9 فروری کو وزیراعظم عمران خان نے نعیم الحق کے گھر جاکر ان کی عیادت کی تھی۔ گورنر سندھ عمران اسماعیل اور عون چوہدری بھی وزیراعظم کے ہمراہ تھے۔

  • مقبوضہ وادی میں زندگی کوقید ہوئے195 واں روز، کشمیریوں کاقتل عام جاری ، عالمی برادری پرچپ طاری

    مقبوضہ وادی میں زندگی کوقید ہوئے195 واں روز، کشمیریوں کاقتل عام جاری ، عالمی برادری پرچپ طاری

    سری نگر: مقبوضہ وادی میں زندگی کوقید ہوئے195 واں روز، کشمیریوں کاقتل عام جاری ، عالمی برادری پرچپ طاری ،اطلاعات کےمطابق مقبوضہ کشمیرمیں قابض بھارتی فوج کےمظالم جاری ہیں ، وادی میں کرفیواورلاک ڈاون 195 ویں روزمیں داخل ہوگیا ہے۔

    مقبوضہ وادی کشمیرمیں بھارت کی طرف سےمسلط کردہ غیرانسانی لاک ڈاون اور مواصلاتی بندش کے باعث مسلسل 195 ویں روز بھی معمولات زندگی بدستور مفلوج ہیں۔ سڑکیں سنسان، وادی میں دکانیں، کاروبار، تعلیمی مراکز بند ہیں اور لوگ گھروں میں محصور ہو کر رہ گئے ہیں۔ قابض بھارتی فوج نے کشمیریوں کی زندگی اجیرن بنا دی ہے اور ایک کروڑ سے زائد افراد دنیا کی سب سے بڑی جیل میں قید ہیں۔

    وادی میں نام نہاد سرچ آپریشن اورپکڑ دھکڑ کا سلسلہ بھی جاری ہے ۔وادی میں خوراک اور ادویات کی قلت بھی برقرار ہے۔ 8 لاکھ سے زائد کشمیریوں کوسخت پریشانیوں کا سامنا ہے۔ مقبوضہ کشمیر میں اب تک لگ بھگ 894 بچے شہید ہوچکے ہیں جبکہ 177 ہزار سے زائد یتیم ہوچکے ہیں۔

    بھارت نے مظلوم کشمیریوں پر ظلم وبربریت کا بازار گرم کر رکھا ہے اور ہزاروں کشمیریوں سمیت مقبوضہ وادی کی سیاسی قیادت کو بھی جیلوں میں بند کر رکھا ہے۔وادی میں موبائل فون، انٹرنیٹ سروس بند اور ٹی وی نشریات تاحال معطل ہیں۔ دوسری جانب مودی سرکار کشمیریوں کی تحریک آزادی کو دبانے میں ناکام ہےکشمیری کرفیو توڑ کر سڑکوں پر نکل آئے اور بھارت کے خلاف شدید نعرے بازی بھی کرتے رہے۔

    واضح رہے کہ 5اگست کو مودی سرکار نے کشمیر کو خصوصی حیثیت دینے والے بھارتی آئین کے آرٹیکل 370 اے کو ختم کر کے مقبوضہ وادی میں کرفیو نافذ کر دیا تھا اور بھارت نے کشمیریوں کی نقل وحرکت پر پابندی عائد کر رکھی ہے۔ یکم نومبر سے بھارتی شہریوں کو مقبوضہ کشمیر میں جائیداد خریدنے اور وہاں رہنے کا حق بھی حاصل ہو گیا ہے۔