Category: اہم خبریں

کوئٹہ: کرونا وائرس کے خطرات پاکستان کی سرحدوں تک آگئے ، ایران کے ساتھ بارڈرسیل کردیا گیا،اطلاعات کےمطابق کورونا وائرس سے بچاؤ کے لیے پاک ایران سرحد پر آمد ورفت معطل کرنے کا فیصلہ کیا گیا ہے۔

بلوچستان حکومت کے ترجمان لیاقت شاہوانی نے صحافیوں سے بات کرتے ہوئے کہا کہ 5 کراسنگ پوائنٹس پر 45 ڈاکٹرز، 10 ہزار ماسک، 72 تھرمل گنز اور 100 ٹینٹ بھجوادیئے گئے ہیں، تمام اداروں کو ہائی الرٹ کردیا ہے کسی کو بھی ایران سے آنے اور جانے نہیں دیا جائے گا جب کہ وفاقی حکومت کو بھی اس حوالے سے مراسلہ ارسال کردیا گیا ہے۔

دوسری جانب چیف سیکریٹری بلوچستان فضیل اصغر کا کہنا ہے کہ ہمسایہ ملک ایران میں کورونا وائرس کا پھیلنا پریشان کن عمل ہے جب کہ صوبائی سطح پر اس مہلک وائرس کی روک تھام کے سلسلے میں تمام تر حفاظتی اقدامات اٹھائے گئے ہیں اور ایران سے پاکستان آنے والے افراد کی اسکریننگ کی جارہی ہے۔

انہوں نے کہا کہ کسی شخص کو بھی ایران جانے کی اجازت نہیں دی جائے گی جب کہ سرحدی علاقوں میں طبی ایمرجنسی نافذ کردی گئی ہے، تمام بارڈر کراسنگ پوائنٹس پر میڈیکل ٹیمیں پہنچا دی گئی ہیں، تفتان بارڈر پر زائرین کو کھانے پینے کی اشیاء اور ادویات کی فراہمی کو بھی یقینی بنایا جائے۔

اٹلی: کورونا وائرس ایشیا کے بعد اب یورپ میں انسانوں کونگلنے لگا، 2 افراد ہلاک اور 132 متاثر،اطلاعات کےمطابق دنیا کے کئی ممالک میں خوف، بیماری اور بے چینی پھیلانے کے بعد ایشیا سے باہر کورونا وائرس کی سب سے بڑی وبا اٹلی میں پھوٹ پڑی ہے جس میں اب تک دو افراد ہلاک اور 132 متاثر ہوچکے ہیں۔

قبل ازیں پوری دنیا میں کورونا وائرس سے ہلاکتوں کی تعداد 2470 اور متاثرہ مریضوں کی تعداد 79 ہزار ہوچکی ہے جبکہ چین سے باہر 20 افراد اس وائرس کے ہاتھوں لقمہ اجل بن چکے ہیں۔

کورونا وائرس کے سبب ترکی میں کئی مقامات پر اسکول بند کردیئے گئے ہیں عوامی مقامات پر سناٹا ہے اور کئی ملکی اور بین الاقوامی تقاریب منسوخ کردی گئی ہیں۔ متاثرہ علاقوں میں ایک چھوٹا قصبہ کوڈونا شامل ہیں جو مکمل طور پر بند ہوچکا ہے۔ یہاں ریلوے اسٹیشن سنسان ہے۔ جمعے کے روز یہاں پہلی موت ہوئی اور ہفتے کو دوسرے مریض نے دم توڑ دیا ہے۔

اب تک لوگ دھڑا دھڑ ماسک خریدرہے ہیں اور جراثیم کش ادویہ اور الکحل والے اسپرے اور ہینڈ واش جمع کررہے ہیں۔ دوسری جانب دنیا بھر میں کورونا وائرس سے متاثرہ افراد کی تعداد 80 ہزار ہوچکی ہے اور اموات کی تعداد 2470 تک پہنچ چکی ہے۔ چین سے باہر ہلاکتوں کی تعداد 20 کے قریب پہنچ چکی ہے۔

شمالی اٹلی میں منعقد ہونے والا وینس میلہ بھی منسوخ کردیا گیا ہے۔ اس کے علاوہ یکم مارچ تک ہر عوامی تقریب اور بڑے اجتماعات پر پابندی عائد کردی گئی ہے۔

اٹلی میں اچانک پھیلنے والی وبا یورپ میں کورونا وائرس کی سب سے بڑی وبا ہے جس کے بعد پورے اٹلی میں خوف اور تشویش کی لہر دوڑ چکی ہے۔ دوسری جانب اب تک جنوبی کوریا میں 602 کیسز میں 5 اموات، جاپان میں 738 واقعات اور 3اموات، اٹلی میں 132 کیس اور دو اموات ، سنگاپور میں 89 کیسز رونما ہوئے ہیں۔چین میں کورونا وائرس سے مرنے والوں کی تعداد 2400 کے لگ بھگ ہے اور متاثرہ افراد کی تعداد 75 ہزار سے زائد ہے۔

اسلام آباد:پاکستانیوں مشکل وقت ہے ، بہت جلد گزرجائے گا، ہمیں‌تمہاری دوستی پرفخرہے،پاکستانی طلبا کی تندرستی اورتعلیم مکمل ہونے کی ضمانت دیتے ہیں،اطلاعات کےمطابق چینی سفارت خانے نے کہا ہے کہ چین میں پھنسے پاکستانی طلبا محفوظ اور صحت مند ہیں ہم ان کی زندگی اور تعلیم مکمل ہونے کی ضمانت دیتے ہیں۔

اسلام آباد میں قائم چینی سفارت خانہ نے چین میں پھنسے پاکستانی طلبا سے متعلق کہا ہے کہ لاکھوں چینی باشندوں سمیت پاکستانی طلباء کو رکھنے کا مقصد وبا کو پھیلنے سے مزید روکنا ہے، ہم پاکستانی طلباء کی اپنے عوام کی طرح دیکھ بھال کر رہے ہیں، پاکستانی طلباء محفوظ اور صحت مند ہیں ہم پاکستانی طلباء کی روزمرہ کی زندگی اور تعلیم مکمل ہونے کی ضمانت دیتے ہیں اور طلباء کے والدین کو ان کی ہر قسم کی حفاظت کا یقین دلاتے ہیں۔

سفارت خانے کا کہنا ہے کہ چینی حکومت نے پاکستانی سفارت خانے کے ساتھ مل کر تمام طلباء کی دیکھ بھال کا انتظام کرلیا ہے، طلباء کی اکثریت چین اور پاکستان کے انتظامات سے مطمئن ہے، عالمی ادارہ صحت کی ہدایت کے مطابق ان حالات میں سفر مناسب نہیں کیوں کہ کسی بھی قسم کی نقل و حرکت وائرس کا پھیلانے کا سبب بن سکتی ہے۔

سفارت خانہ نے مزید کہا کہ پاکستانی طلباء کو کورونا وائرس سے بچاؤ کے انتظامات کرچکے ہیں، اس وبا پر قابو پانے کے لیے اقدامات کے مثبت نتائج سامنے آ رہے ہیں، ہم ووہان میں پاکستانی طلباء کی وقتی مشکلات کو سمجھتے ہیں۔

چینی سفیر نے کہا کہ دنیا میں ہمیں آپ سب سے زیادہ عزیزہیں ، چین کو آپ سے دوستی پرفخر ہے، مشکل وقت ضرور ہے لیکن بہت جلد اس سے باہرنکل آئیں گے ، چینی سفیر نے کہا کہ پاکستانی حکومت سوچ سمجھ کرفیصلے کررہی ہے، پاکستان چاہتا ہے کہ اس خطرناک وائرس سے باقی قوم کو بچایا جائے

لاہور:کیا کرونا وائرس دنیا کونگل جائے گا، خطرے کی گھنٹیاں بج گئیں‌ :چین سمیت 33 ممالک میں کورونا وائرس،78 ہزار سے زائد افراد حملے میں شدید متاثر،اطلاعات کے مطابق چین میں جان لیوا کورونا وائرس تھمنے کا نام نہیں لے رہا جس کے باعث مسلسل متاثرین اور اموات کی تعداد میں اضافہ بڑھتا جا رہا ہے۔

غیر ملکی میڈیا رپورٹس کے مطابق چین میں کورونا وائرس سے مزید 114 افراد ہلاک ہو چکے ہیں جس کے بعد ہلاکتوں کی مجموعی تعداد 2459 تک جا پہنچی ہے جب کہ متاثرین کی مجموعی تعداد 77 ہزار ہو گئی ہے۔چین سمیت 33 ممالک میں اب تک 1152 افراد میں کورونا وائرس کی تصدیق ہو چکی ہے جب کہ مجموعی طور پر اس سے ہلاکتوں کی تعداد 16 ہو چکی ہے۔مجموعی طور پر چین سمیت 33 ممالک میں کورونا سے متاثر افرادکی تعداد 78600 ہو گئی ہے۔

جنوبی کوریا میں اب تک کورونا وائرس سے متاثرہ ہونے والے افراد کی تعداد 433 ہو چکی ہے اور اس میں ہر گزرتے دن کے ساتھ اضافہ ہوتا جا رہا ہے۔چین سے باہر کسی بھی ملک میں کورونا وائرس سے متاثرہ افراد کی تعداد سب سے زیادہ جنوبی کوریا میں ہے جہاں اب تک 433 افراد میں وائرس کی تصدیق ہو چکی ہے البتہ جاپان کے قریب سمندر میں کھڑے بحری جہاز ڈائمند پرنسز میں سامنے آنے والے کیسز کی تعداد اس سے زیادہ تھی۔

ایران میں بھی اب تک کورونا وائرس سے متاثرہ افراد کی تعداد 28 تک پہنچ چکی ہے جب کہ مجموعی طور پر 6 افراد ہلاک ہو چکے ہیں۔وائرس کے خوف سے ایران میں متاثرہ علاقوں کے اسکول، دفاتر اور دیگر عوامی مقامات کو عارضی طور پر بند کر دیا گیا ہے۔ ادھر لبنان اور اسرائیل میں بھی کورونا وائرس کے کیسز کی تصدیق ہو گئی ہے۔

کووڈ-19 کے نئے کیسز پر عالمی ادارہ صحت کے سربراہ نے کہا کہ وائرس کو روکنے کے مواقع کم ہوتے جا رہے ہیں مگر دیگر ممالک سے رپورٹ ہونے والے نئے کیسز کا تعلق چین سے واضح نہیں ہوتا۔

راولپنڈی:آرمی چیف اہم ترین دورے پرمراکش پہنچ گئے ، جنرل عبدالفاتح لورک سے اہم ملاقات ،اطلاعات کےمطابق آرمی چیف جنرل قمر جاوید باجوہ اہم دورے پرمراکش پہنچ چکے ہیں اوراس موقع پر آرمی چیف جنرل قمر جاوید باجوہ کا کہنا ہے کہ پاکستان دنیا کو محفوظ ماحول کی فراہمی کے لیے قربانیاں دے رہا ہے۔

پاک فوج کے شعبہ تعلقات عامہ (آئی ایس پی آر) کے مطابق آرمی چیف جنرل قمر جاوید باجوہ نے مراکش کا 4 روزہ دورہ کیا جہاں انہوں نے مراکش کے وزیر دفاع عبدالطیف لودی اور رائل آرمڈ فورسز کے آئی جی جنرل عبدالفاتح لورک سے ملاقات کی جس میں مشترکہ تربیت اور دہشت گردی کے خلاف لڑائی سمیت مختلف شعبوں میں تعاون بڑھانے پر اتفاق کیا گیا۔

آئی ایس پی آر کے مطابق آرمی چیف جنرل قمر باجوہ نے مراکش کے رائل کالج آف ہائیر ملٹری ایجوکیشن کا بھی دورہ جہاں انہوں نے سکیورٹی صورتحال اور چیلنجز کو موضوع پر لیکچر دیتے ہوئے کہا کہ پاکستان ہر مشکل میں مراکش کے ساتھ کھڑا رہا اور کھڑا رہے گا، پاکستان دنیا کو محفوظ ماحول کی فراہمی کے لیے قربانیاں دے رہا ہے اور دہشت گردی کے خلاف جنگ میں فرنٹ لائن ریاست کے طور پر لڑ رہا ہے۔

وزیر اعظم نے 10 بلین ٹری سونامی پروگرام کا افتتاح کردیا

باغی ٹی وی :وزیراعظم عمران خان آج ایک روزہ دورے پر میانوالی پہنچے جہاں انہوں‌ نے کندیاں‌ میں‌ موسم بہار شجرکاری مہم کا افتتاح کر دیا. وزیراعظم آج نمل یونیورسٹی کے سالانہ کانووکیشن میں بھی مدعو ہیں‌ جہاں‌ وہ بطور مہمان خصوصی شرکت کریں گے۔

وزیراعظم عمران خان آج اپنے آبائی شہر میانوالی کا دورہ کر رہے ہیں جس کے دوران 10 بلین ٹری سونامی پروگرام کا افتتاح کیا، اس موقع پر عمران خان کو شجرکاری مہم سے متعلق بریفنگ بھی دی گئی، وزیرخارجہ شاہ محمود قریشی، وزیراعلیٰ پنجاب اورصوبائی وزرا بھی وزیراعظم کے ہمراہ ہیں۔ تقریب کے دوران صوبائی وزیر جنگلات سبطین خان نے اپنے خطاب میں 10 بلین ٹری سونامی پروگرام سے متعلق آئندہ کے حکومتی اقدامات سے آگاہ کیا

انہوں نے تقریب سے خطاب کرتے ہوئے کہا کہ اللہ نے پاکستان کو 12 موسم دئیے ہیں.بچوں کے مستقبل کیلئے شجرکاری مہم انتہائی ضروری ہے،انگریز کا چھوڑا گیاجنگل ختم ہوگیا ہے،کندیاں میں جنگل ہواکرتا تھا ،انہوں نےکہا کہ میں نے ہیلی کاپٹر سے دیکھا جنگل میں درخت ہی نہیں.کندیاں میں وزیر اعظم عمران کا کہنا ہے کہ نوجوانوں کو اندازہ نہیں کہ شجر کاری کتنی ضروری ہے۔کراچی کی تمام گرین بیلٹ، پارک اور یہاں تک سرکاری نرسری پر خاص قبضے ہیں۔ نوجوانوں کو سب پتا ہے لیکن جب حکومتی جماعت قبضہ کرے تو کون مزاحمت کر سکتا ہے.کندیا ں میں بیری کےدرختوں سےشہد فراہم ہوگا.وزیراعلیٰ پنجاب سے کہا کہ جن لوگوں نے جنگلات کی زمین پر قبضہ کیا ان سے مجرموں کی طرح نمٹا جائے اور انھیں جیلوں میں ڈالا جائے کیونکہ یہ لوگ ہمارے بچوں کے مستقبل سے کھیل رہے ہیں۔واضح‌رہے کہ ان کے ساتھ اس موقع پر وفاقی اور پنجاب حکومت کا بہت بڑا عملہ ساتھ تھا.

وزیر اعظم آج آبائی ضلع میانوالی کے علاقے کندیاں میں شجرکاری مہم کا افتتاح کریں

باغی ٹی وی :وزیر اعظم عمران خان آج اپنے آبائی ضلع میانوالی کے علاقے کندیاں میں شجرکاری مہم کا افتتاح کریں گے،شجرکاری مہم کے دوران ملک بھرمیں 25کروڑ پودے لگانے جائیں گے۔ وزیراعظم کے مشیربرائے موسمیاتی تبدیلی ملک امین اسلم نے کہا ہے کہ حالیہ موسم بہار کے دوران ملک بھرمیں 250ملین درختوں کے پودے لگائے جائیں گے، جس کے لیے تمام صوبائی حکومتوں، سرکاری اور غیرسرکاری اداروں کے تعاون سے تمام انتظامات مکمل کرلیے گئے ہیں۔

حکومت نے حالیہ موسم بہار میں‌ درخت لگانے کی مہم کو پورا کرنے کا عزم کا اظہار کی اہے .انہوں نے کہا کہ قومی سطح پرشروع ہونے والی موسم بہارکی شجرکاری مہم کا افتتاح وزیراعظم عمران خان ضلع میانوالی کے علاقے کندیاں میں کررہے ہیں، اس تقریب میں پنجاب حکومت کے اہم عہدے دار،سیاسی نمائندے،سرکاری اورغیرسرکاری تنظیموں کے افسران و نمائندے شرکت کریں گے۔
واضح‌ رہے کہ اس سے پہلے وزیر اعظم اپنے آبائی علاقے میں ایک کئی ایک منصوبوں کے اعلان کرچکے ہیں.200 بستروں پر مشتمل زجہ بچہ ہسپتال کی تخمینہ لاگت 4 ارب 78 کروڑ 20 لاکھ، سکولوں کے قیام اور اپ گریڈیشن اور سہولیات کی فراہمی کا تخمینہ لاگت 3 ارب 10 کروڑ 40 لاکھ روپے، یونیورسٹی آف میانوالی کا فیز ون کا تخمینہ لاگت 30 کروڑ، ضلع میانوالی میں 62 واٹر سپلائی سکیموں کی بحالی عیسی خیل ، داﺅد خیل اور کمر مشانی میں سیوریج و نکاسی آب کے منصوبوں کا تخمینہ لاگت ایک ارب 37 کروڑ 20 لاکھ، سرگودھا میانوالی روڈ (دو رویہ) فیز ون لمبائی 30.63 کلومیٹر کا تخمینہ لاگت 4 ارب 83 کروڑ، 236 کلومیٹر طویل دیہی سڑکوں کی کشادگی و بحالی اور تعمیر کا تخمینہ لاگت4 ارب 23 کروڑ، 10 کلومیٹر طویل ضلع میانوالی کی 7 میونسپل و اربن روڈز کی تعمیر، بحالی و کشادی کا تخمینہ لاگت 30 کروڑ روپے ہے۔ وزیر اعظم نے میانوالی میں واٹر سپورٹس و ٹورازم کلب کا بھی افتتاح کیا۔