Category: اہم خبریں

پاک بھارت جنگ بندی کا اطلاق 12 مئی دوپہر تک ہے

سفارتی ذرائع کے ماطقب پاکستان نے خطے کے امن کی خاطر جنگ بندی پر آمادگی ظاہر کی،7 مئی سے بھارت پاکستانی خودمختاری کی خلاف ورزی کر رہا ہے،بھارتی ڈرون اور میزائل حملوں نے خطے کو عدم استحکام سے دوچار کیا ،،9 اور 10 مئی کی شب بھارت نے بیسز پر حملے کیے ،پاکستان نے اقوام متحدہ چارٹر کے تحت دفاع کا حق استعمال کیا ،پاکستان نے کامیابی سے اپنے علاقے کا دفاع اور ڈیٹرنس بحال کیا،پاکستان بھارتی بالادستی کا خواب ناکام بنائے گا،بھارت کے حملے بین الاقوامی قوانین اور اقوام متحدہ چارٹر کی کھلی خلاف ورزی ہیں،بھارتی اقدامات علاقائی و عالمی امن کے لیے سنگین خطرہ ہیں،،جوہری ریاستوں کے درمیان تناؤ دنیا کے لیے خطرناک ہے،جنوبی ایشیا بھارت کے غیر ذمہ دارانہ طرز عمل کا متحمل نہیں ہو سکتا،پاکستان نے پہلگام حملے کی غیر جانبدارانہ تحقیقات کی تجویز دی،بھارت نے تحقیقات کی تجویز مسترد کر کے جارحیت کا راستہ اپنایا،،اقوام متحدہ اور او آئی سی کی صلح کی اپیلوں کو بھارت نے نظر انداز کیا،پاکستان نے عالمی برادری کو بھارت کی بدنیتی سے آگاہ کر رکھا تھا،بھارتی جارحیت کا ہر سطح پر بھرپور جواب دیا جائے گا،خطے میں پائیدار امن چاہتے ہیں، مگر بھارت کو جارحیت روکنا ہوگی

پیشہ ورانہ مہارت کا شاہکار،پاکستانی مسلح افواج نے صرف پانچ گھنٹوں میں دشمن کو ایسی کاری ضرب لگائی کہ بھارت کا جنگی غرور زمین بوس ہو گیا۔یہ کارروائیاں اعلیٰ تربیت، جدید ٹیکنالوجی، اور بروقت فیصلہ سازی کا منہ بولتا ثبوت ہیں۔

S-400 کا خاتمہ – بھارت کی فضائی ڈھال ٹوٹ گئی،پاکستان ایئر فورس کے JF-17 تھنڈر ہائپرسونک میزائلوں نے آدم پور میں بھارت کے جدید S-400 ایئر ڈیفنس سسٹم کو تباہ کر دیا، جس کی قیمت تقریباً 1.5 ارب ڈالر ہے۔

سائبر محاذ پر مکمل تسلط:
•پاکستانی سائبر ماہرین نے بی جے پی کی آفیشل ویب سائٹ سمیت بھارت کی درجنوں اہم ویب سائٹس کو ہیک کر لیا۔
•ہیک کی گئی ویب سائٹس میں شامل ہیں:
•کرائم ریسرچ انویسٹیگیشن ایجنسی
•مہانگر ٹیلی کمیونیکیشن کمپنی
•بھارت ارتھ موورز لمیٹڈ
•ہندوستان ایروناٹکس لمیٹڈ
•بارڈر سیکیورٹی فورس
•انڈیا کی منفرد شناخت اتھارٹی
•ہزاروں سرکاری کیمروں کا کنٹرول بھی حاصل کر لیا گیا۔
•70% بھارتی بجلی کا نظام معطل کر دیا گیا، جو دشمن کے مواصلاتی اور دفاعی ڈھانچے کو مفلوج کر گیا۔

بری اور فضائی اہداف پر مہلک ضربیں:
•دہرانگیاری میں بھارتی توپ خانہ تباہ۔
•ناگروٹا میں براہموس میزائل ذخیرہ تباہ، بھاری جانی نقصان۔
•اُڑی فیلڈ سپلائی ڈپو مکمل تباہ — سیکیورٹی ذرائع
•بھمبر گلی (IIOJK) میں بھارتی بریگیڈ ہیڈکوارٹرز تباہ۔
•برنالہ، پٹھان کوٹ، باتھِنڈا، سرسا، اور اکھنور کے فضائی اڈے مکمل تباہ۔
•خاص طور پر سرسا ائیر فیلڈ کی تباہی بھارتی میڈیا نے بھی تسلیم کی ہے۔

لائن آف کنٹرول پر بھارتی چوکیاں نیست و نابود:
•نیزہ پیر سیکٹر کے سامنے دھرم سال 1، دانہ 1، اور ٹیبل ٹاپ پوسٹس مکمل طور پر تباہ کر دی گئیں۔
•دشمن کے متعدد دیگر پوسٹس کو بھی مکمل طور پر مٹا دیا گیا۔

بھارت کی جنگی صلاحیت کو کاری ضرب:
•پاکستان نے صرف چند گھنٹوں میں بھارتی دفاعی نظام، فضائی طاقت، سپلائی لائن، اور سائبر نیٹ ورک کو تباہ کر کے رکھ دیا۔اس آپریشن نے نہ صرف زمینی بلکہ الیکٹرانک جنگ میں بھی پاکستان کی برتری ثابت کر دی۔

پاکستان کا پیغام واضح ہے،جارحیت کا ہر قدم منہ توڑ جواب لے گا۔پاکستانی مسلح افواج نہ صرف چوکنا ہیں بلکہ دشمن کے ہر ہتھکنڈے کو پیشگی ناکام بنانے کی مکمل صلاحیت رکھتی ہیں

بھارتی جارحیت کے خلاف پاکستان کا منہ توڑجواب جاری ہے ،بھارتی میڈیا نے پاکستان کے بھارت پر حملوں کا اعتراف کر لیا،بھارتی میڈیا نے پٹھان کوٹ ائر بیس، پونچھ اور جموں ائر بیس پر پاکستانی حملوں کا اعتراف کرلیا،رات کی تاریکی میں بھارتی بزدلانہ حملے کادن کی روشنی میں بھرپور جواب دیا جا رہاہے،بھارتی میڈیا نے تصدیق کی کہ بھارت کی سرسہ ایئر فیلڈ کو تباہ کر دیا گیا ، بھارت کی بٹھنڈہ ائیر فیلڈ کو تباہ کر دیا گیا،اڑی فیلڈ سپلائی ڈپو کو تباہ کر دیا گیا، بھارت کی اکھنور ایوی ایشن بیس کو تباہ کر دیا گیا، پاکستانی فتح ون میزائل سسٹم سے متعددبھارتی اہداف کو نشانہ بنایاگیا

بھارت کی جانب سے پاکستان کی تین ایئر بیسز پر حملے اور ڈرون حملوں کے بعد پاکستان نے جوابی کارروائی کرتے ہوئے بھارت کے خلاف ”آپریشن بُنْيَانٌ مَّرْصُوْص“ کا آغاز کیا۔

پاکستانی سیکیورٹی ذرائع کے مطابق بھارت کو جو نقصانات اٹھانے پڑے ان میں روسی ساختہ جدید ترین S-400 میزائل ڈیفنس سسٹم، چار ایئربیسز اور براہموس میزائلوں کی دو اسٹوریج سائٹس شامل ہیں۔ پاکستانی سیکیورٹی ذرائع کی تصدیق اور بھارتی میڈیا کی بالواسطہ رپورٹوں کے مطابق بھارت کو درج ذیل عسکری نقصانات اٹھانے پڑے،
گجرات کے بھُج علاقے اور ادھم پور میں تباہ کیا گیا۔ ایک S-400 بیٹری میں کئی گاڑیاں اور ریڈار شامل ہوتے ہیں اور اس کی مالیت ڈیڑھ ارب ڈالر ہے۔ بھارت نے روس سے کل پانچ بیٹریز خریدی تھیں۔بیاس میں واقع ایک براہموس میزائل اسٹوریج سائٹ کو پاکستان نے تباہ کیا۔ دوسری سائٹ ناگروٹا (جموں کے قریب) میں نشانہ بنائی گئی۔ پاکستانی حملوں میں پٹھان کوٹ، ادھم پور، جالندھر، اکھنور اور گُجرات کی ایئربیسز کو نشانہ بنایا گیا۔پاکستان نے ادھم پور اور بٹھنڈہ (پنجاب)، سرسہ (ہریانہ) اور نالیا (گجرات) میں واقع ایئرفیلڈز کو بھی تباہ کر دیا۔گجرات کے کنڈلا سی پورٹ پر پاکستانی ڈرون حملے سے شدید تباہی پھیلائی گئی۔راجوڑی میں واقع ایک بھارتی دہشت گرد کیمپ بھی نشانہ بنایا گیا، جو سیکیورٹی ذرائع کے مطابق بھارتی ملٹری انٹیلیجنس چلا رہی تھی اور پاکستان میں دہشت گردی کے لیے استعمال ہو رہا تھا۔

اطلاعات ہیں کہ پاکستانی ڈرونز بھارتی دارالحکومت نئی دہلی اور وزیراعظم نریندر مودی کی ریاست گجرات کی فضاؤں میں پرواز کرتے دیکھے گئے۔بھارتی خبررساں ایجنسی ”اے این آئی“ کی جانب سے جاری کردہ ایک ویڈیو میں ادھم پور ایئربیس سے دھواں اٹھتے دیکھا جا سکتا ہے، جو فاصلے سے فلمایا گیا۔بھارتی نیوز چینل ”TV9“ نے سرسہ ایئرفیلڈ پر نقصانات کی تصدیق کی، اور بتایا کہ ایئرفیلڈ پر دھماکوں کی آوازیں سنی گئیں۔ سرسہ، ہریانہ کے بھٹنڈہ ایئربیس کے قریب واقع ہے۔

پاکستان نے اس آپریشن میں “فَتح-1 میزائل استعمال کیا، جس کی رینج 120 کلومیٹر ہے۔ پاکستانی افواج نے حالیہ دنوں میں اس میزائل کا تربیتی تجربہ بھی کیا تھا۔فتح 1 وہی میزائل ہے جس کے اپگریڈڈ ورژن کا پاکستان نے چند دن پہلے ہی ٹیسٹ کیا تھا۔ فتح گائیڈڈ میزائل سسٹم جدید نیوی گیشن سسٹم سے لیس ہے اور کسی بھی میزائل ڈیفنس سسٹم کو مات دینے کی صلاحیت رکھتا ہے۔ فتح ٹو میزائل انتہائی درستگی کے ساتھ اہداف کو نشانہ بنا سکتا ہے،افواج کی جانب سے جاری کی گئی ایک ویڈیو میں فجر کے وقت فَتح میزائل کو ملٹی بیرل لانچر سے فائر کرتے ہوئے دکھایا گیا، جبکہ دوسری ویڈیو میں دن نکلنے کے بعد میزائل فائرنگ کے مناظر دکھائے گئے۔

پاکستانی جوابی کاروائی میں راجوڑی میں پاکستان میں دہشت گردی کروانے والا بھارتی ملٹری انٹیلیجینس کا تربیتی مرکز تباہ کر دیا گیا،بھارت کی سرسہ ائیر فیلڈ کو تباہ کر دیا گیا ، سرسہ ائیر فیلڈ کی تباہی کی کنفرمیشن انڈین میڈیا نے خود کر دی، پاکستانی فتح 1میزائل سسٹم کے ذریعے متعددبھارتی اہداف کو نشانہ بنایاگیا،پاکستانی فتح 1 میزائل سسٹم سے بھارتی اہداف کو نشانہ بنانے کی ایک اور ویڈیو منظر عام پر آگئی،

پاکستان نےبھارت کومنہ توڑ جواب دیا بھارت کی متعدد پوسٹیں مکمل تباہ ہو گئی ہیں،پاک فوج نے بھارت کی دھرم سل 1، ڈنہ 1 اور ٹیبل ٹاپ بلمقابل نیزہ پیر سیکٹر مکمل طور پر تباہ کر دی ،بھارتی پوسٹوں کی تباہی کے مناظر ویڈیو میں دیکھے جا سکتے ہیں، بھارت کی مقبوضہ کشمیر میں برنالہ ائیر فیلڈ کو تباہ کر دیا گیا،بھمبر گلی، مقبوضہ کشمیر میں بھارتی فوج کا بریگیڈ ہیڈکوارٹر تباہ کر دیا گیا،

انڈیا کو تین چیزوں کا غرور تھا، رافیل طیاروں کا ۔۔ جو پاکستان میں خاک ملا دیا۔ انڈیا اپنا کوئی رافیل پاکستان بھیجنے پر تیار نہیں ہورہا۔ براہموس میزائلوں کا ۔۔ وہ جہاں پڑے تھے وہیں پر پاکستان نے تباہ کر دئیے۔ ایس 400 دفاعی نظام کا ۔۔ پاکستان نے حملے کے پہلے آدھے گھنٹے میں ہی اس نظام کو مکمل طور پر تباہ کر دیا۔ اس کے بعد کیا بچا ہے؟ اس بار ان شاءاللہ انڈیا کو وہ سبق سکھایا جائیگا کہ دوبارہ کبھی پاکستان پر حملے کی جرات نہیں کرے گا!!

پاکستان نے بھارت کا ایک اور رافیل طیارہ گرا دیا

پاکستان نے بھارت کے خلاف جوابی کاروائی کی ہے، اس دوران بھارتی رافیل کو سیالکوٹ کے قریب پاک فضائیہ نے زمین بوس کر دیا، ذرائع سے موصول خبر کے مطابق بھارتی رافیل سیالکوٹ میں تباہ ہوا،تا ہم ابھی تک اس کی باضابطہ تصدیق نہیں ہوئی.دوسری جانب سیکورٹی فورسز نے سیالکوٹ کے قریب برتھ میں اسرائیلی ساختہ بھارتی ڈرون مار گرایا

دہلی پاکستانی ڈرونز کے حصار میں، لانگ رینج میزائلز بھی تیار
پاکستان فضائیہ نے دہر نگیاری میں بھارتی آرٹلری گن پوزیشن کو بھی تباہ کردیا، پاکستان نے بھارت کے اب تک 10 اہداف کو نشانہ بنایا ہے.سیکیورٹی ذرائع سے مزید اہداف کو کامیابی سے نشانہ بنانے کی تفصیلات سامنے آئی ہیں، بھارتی آرٹلری گن پوزیشن دہر نگیاری کو بھی کامیابی سے تباہ کر دیا گیا ہے۔ بیاس کے بعد براہموس میزائل کی نگروٹا سائٹ بھی راکھ کا ڈھیر بنا دی گئی۔ دہلی پاکستانی ڈرونز کے حصار میں ہیں۔ لانگ رینج میزائلز بھی تیار ہیں،آپریشن میں متعدد ٹارگٹ کو نشانہ بنایا جا رہا ہے،دشمن کے بھاری نقصان کی اطلاعات ہیں

اسلام آباد: پاکستانی سیکیورٹی ذرائع نے تصدیق کی ہے کہ پاکستان کی سیاسی اور فوجی قیادت نے ایک اہم فیصلہ کیا ہے کہ اگر بھارت کی جانب سے پاکستان کی جانب کسی بھی قسم کی جوابی کارروائی کی جاتی ہے، تو پاکستان بھارت کے اہم اور حساس اقتصادی اہداف کو نشانہ بنائے گا۔

پاکستان کی فوجی اور سیاسی قیادت نے اس بات کا عزم کیا ہے کہ پاکستان کی جانب سے کسی بھی قسم کی پیشگی یا جوابی کارروائی کا فیصلہ مکمل طور پر پاکستان کے مفادات اور سلامتی کے تناظر میں کیا جائے گا۔ اس فیصلے کی روشنی میں پاکستان بھارت کے ایسے اہداف کو نشانہ بنائے گا جو بھارت کی اقتصادی اور حکومتی استحکام کے لیے کلیدی حیثیت رکھتے ہیں۔سیکیورٹی ذرائع کے مطابق پاکستان کی جانب سے اس فیصلے کا مقصد نہ صرف دفاعی حکمت عملی کو مضبوط کرنا ہے بلکہ بھارت کو اس بات کا واضح پیغام دینا ہے کہ پاکستان کی دفاعی صلاحیتوں کا دائرہ وسیع ہے اور وہ ہر قسم کے خطرات کا مناسب جواب دینے کے لیے تیار ہے۔

پاکستان نے بھارت کی مسلسل اشتعال انگیزیوں کے جواب میں "آپریشن بنیان المرصوص” کا آغاز کر دیا ہے۔پاکستان نے گجرات، راجھستان اور نئی دہلی میں بھارت کی ملٹری تنصیبات پر حملے شروع کردیئے۔ اس آپریشن کا مقصد بھارت کی عسکری تنصیبات کو نشانہ بنانا ہے۔اب تک پاکستان نے بیاس میں براہموس کی سٹوریج جہاں سے پاکستان پر میزائل داغے گئے، کو تباہ کر دیا گیا ہے ،ائیر بیس ادھم پور کو تباہ کر دیا گیا ہے،اطلاعات کے مطابق پٹھان کوٹ میں ائیر فیلڈ کو بھی تباہ کر دیا گیا ہے,

پاکستان نے بھارتی جارحیت کے بعد مؤثر اور بھرپور جوابی کارروائی کا آغاز کر دیا ہے۔ سیکیورٹی ذرائع کے مطابق اس وقت پاکستان کی افواج بھارت کے جارحانہ اقدامات کا منہ توڑ جواب دے رہی ہیں اور دشمن کے عسکری ٹھکانوں کو نشانہ بنایا جا رہا ہے۔ذرائع کا کہنا ہے کہ پاکستان کی جوابی کارروائی نہایت منظم اور حکمت عملی کے تحت کی جا رہی ہے، جس میں دشمن کے حساس مقامات پر ہدف بنا کر حملے کیے جا رہے ہیں۔

ڈی جی آئی ایس پی آر لیفٹیننٹ جنرل احمد شریف چوہدری نے رات گئے پریس بریفنگ میں تصدیق کی کہ بھارت نے اپنے جنگی طیاروں کے ذریعے پاکستانی فضائی اڈوں پر فضا سے زمین پر مار کرنے والے میزائل داغے، تاہم پاکستانی ایئر ڈیفنس سسٹم نے زیادہ تر میزائلوں کو فضا میں ہی تباہ کر دیا اور پاک فضائیہ کے تمام اثاثے محفوظ رہے۔

ڈی جی آئی ایس پی آر کے مطابق جوابی کارروائی میں پاکستان نے بھارت کے 12 ڈرونز کو مار گرایا جبکہ دشمن کے متعدد فوجی ہلاک ہوئے۔ مزید برآں، اطلاعات کے مطابق بھارت نے اپنے ہی ملک میں 6 بیلسٹک میزائل غلطی سے گرا دیے۔

پاکستان نے جارحیت کے خطرے کے پیش نظر ملک کی فضائی حدود کو ہر قسم کی پروازوں کے لیے بند کر دیا ہے۔ ایوی ایشن حکام کے مطابق، یہ بندش آج صبح 3:15 سے دوپہر 12 بجے تک جاری رہے گی۔

ادھر، راولپنڈی، لاہور اور دیگر شہروں میں شہری سڑکوں پر نکل آئے اور پاک فوج کے حق میں نعرے لگاتے ہوئے بھارتی حملے کی شدید مذمت کی۔ نور خان ایئر بیس کے باہر شہریوں کی بڑی تعداد جمع ہوئی، جبکہ سیکیورٹی کے سخت انتظامات کیے گئے ہیں۔

ترجمان پاک فوج نے دوٹوک پیغام دیتے ہوئے کہا ہے کہ "ہم تمہاری طاقت، مکاری اور جارحیت سے مرعوب ہونے والی قوم نہیں، اب تم صرف ہمارے جواب کا انتظار کرو۔”

عالمی سطح پر بھی صورتحال پر شدید تشویش کا اظہار کیا جا رہا ہے، امریکی اور برطانوی رہنماؤں نے دونوں ممالک سے کشیدگی کم کرنے کی اپیل کی ہے، تاہم خطے میں تناؤ بدستور برقرار ہے۔

وفاقی دارالحکومت اسلام آباد،راولپنڈی میں تین دھماکوں کی‌آواز سنائی دی گئی ہے جس کے بعد شہری گھروں سے باہر نکل آئے

دھماکہ نور خان ایئربیس کے قریب ہوا ہے، پولیس اور ریسکیو کی ٹیمیں دھماکہ کی جگہ روانہ ہو گئی ہیں،دھماکے کی ویڈیو سامنے آ‌رہی ہیں جس میں آگ کے شعلے بلند ہوتے دکھائی دے رہے ہیں،

سیکورٹی‌ذرائع کا کہنا ہے کہ بھارت کی جانب سے نور خان ایئربیس چکلالہ کے قریب حملے کی کوشش کو ناکام بنا دیا گیا، میزائل کو فضا میں انٹرسیپٹ کرلیا گیا جس کے گرنے سے دو دھماکے ریکارڈ ہوئے،