Category: اہم خبریں

آرمی چیف جنرل سید عاصم منیر نے سی ایم ایچ راولپنڈی کا دورہ کیا، جہاں انہوں نے "معرکۂ حق ، آپریشن بنیان مرصوص” کے دوران زخمی ہونے والے بہادر سپاہیوں اور بے گناہ شہریوں کی عیادت کی۔

دورے کے دوران آرمی چیف جنرل سید عاصم منیر نے زخمی اہلکاروں سے انفرادی طور پر ملاقات کی، ان کی بے مثال بہادری اور فرض شناسی کو سراہا، اور پاکستان کی مسلح افواج کی جانب سے ان کے مکمل علاج، بحالی اور فلاح و بہبود کے عزم کو دہرایا۔ڈی جی آئی ایس پی آر کے مطابق آرمی چیف جنرل سید عاصم منیر کا کہنا تھا کہ "ہمارے شہریوں اور سپاہیوں کی جرات و قربانی پاکستان کی سلامتی کی بنیاد ہے۔ پوری قوم اپنی مسلح افواج کے ہر سپاہی کے ساتھ پختہ یکجہتی کے ساتھ کھڑی ہے۔”آرمی چیف جنرل سید عاصم منیر نے اس امر پر زور دیا کہ دشمن کے کسی بھی ناپاک عزائم سے پاکستان کی افواج کے عزم و حوصلے کو متزلزل نہیں کیا جا سکتا۔ معرکۂ حق ، آپریشن بنیان مرصوص کے دوران جس عزم، اتحاد اور عوامی حمایت کا مظاہرہ کیا گیا، وہ ہماری عسکری تاریخ کا ایک روشن باب ہے۔آرمی چیف جنرل سید عاصم منیر نے اس بات کا اعادہ کیا کہ پاکستان کی مسلح افواج ہر داخلی و خارجی چیلنج کا مقابلہ قوم کے تعاون سے کرتی رہے گی، اور شہداء و غازیوں کی قربانیاں کبھی رائیگاں نہیں جائیں گی۔

وزیراعظم شہباز شریف نے ہر سال 10 مئی کو یوم معرکہ حق منانے کا اعلان کردیا۔

پاکستان نے بھارتی جارحیت کے جواب میں آپریشن بنیان مرصوص لانچ کیا جو کامیاب ہوا اور دشمن کے دفاعی نظام کو تباہ کیا،وزیراعظم شہباز شریف نے ہر سال 10 مئی کو یوم معرکہ حق منانے کا اعلان کیا ہے۔ انہوں نے کہا کہ یوم معرکہ حق ملک میں جوش و خروش اور جذبہ ملی وحدت سے منایا جائے گا۔ ان کا کہنا تھاکہ بہادر افواج کی پیشہ ورانہ صلاحیتوں نے ہمارے سر فخر سے بلند کر دیے ہیں،وزیرِ اعظم شہباز شریف نے 16 مئی کو افواج پاکستان کو خراج تحسین پیش کرنے اور اللہ کے حضور سجدہ شکر بجا لانے کے دن کے طور پر منانے کا فیصلہ کیا اور کہا کہ جمعے کے دن یوم تشکر کے تسلسل میں خصوصی نوافل ادا کریں گے، اللہ کی بارگاہ میں سجدہ شکر بجا لائیں گے اور ملک و قوم کی ترقی کیلئے دعائیں کریں گے

بھارتی حملے میں متاثر ہونے والے گھروں، شہید مساجد کی تعمیر وفاقی حکومت کرے گی ،وزیراعظم
وزیرِ اعظم نے بھارتی حملوں سے متاثرہ لوگوں اور املاک کیلئے بھی بڑے فیصلے کئے ہیں،وزیراعظم نے معرکہء حق کے دوران شہید ہونے والوں کے لئے شہداء پیکج کا اعلان کر دیا،”معرکہء حق میں شہید ہونے والے پاکستانی شہریوں کے ورثاء کو 1 کروڑ روپے جبکہ زخمی ہونے والوں کو 10 لاکھ روپے سے 20 لاکھ روپے دیے جائیں گے،پاک افواج کے شہداء کے ورثاء کو رینک کے حساب 1 کروڑ روپے سے 1.8 کروڑ روپے رقم دی جائے گی ،پاک افواج کے شہداء کے ورثاء کو گھر کی سہولت کے لئے رینک کے حساب سے 1.9 کروڑ روپے سے 4.2 کروڑ روپے دیے جائیں گے،پاک افواج کے شہداء کی ریٹائرمنٹ کی تاریخ تک ان کی مکمل تنخواہ بمعہ الاونسز جاری رہیں گی،پاک افواج کے شہداء کے بچوں کو گریجویشن تک مفت تعلیم دی جائے گی ،پاک افواج کے ہر شہید کی ایک بیٹی کی شادی کے لئے 10 لاکھ روپے کی میرج گرانٹ دی جائے گی ،پاک افواج کے زخمی ہونے والوں کو 20 لاکھ روپے سے 50 لاکھ روپے فی کس دئے جائیں گے ،وزیراعظم شہباز شریف کا کہنا تھا کہ بھارتی حملے میں متاثر ہونے والے گھروں، شہید مساجد کی تعمیر وفاقی حکومت کرے گی ،شہدا کے بچوں کی کفالت حکومت کی ذمہ داری ہے۔ ہم یہ فرض پورا کریں گے ،زخمیوں کے علاج کا تمام خرچ وفاقی حکومت اٹھائے گی،پاکستان کی عزت وعظمت کے تحفظ اور دفاع میں جس نے جس محاذ پر جو خدمات سر انجام دی ہیں، ان کا اعتراف قومی سطح پر کیاجائے گا اور انہیں اعزازات سے نوازا جائے گا

پاکستان کی جانب سے آپریشن بنیان مرصوص کی تکمیل کااعلان کر دیا گیا

ڈی جی آئی ایس پی آر کے مطابق معرکہ حق 22اپریل سے 10مئی 2025 کی تفصیلات جاری کر دی گئی ہیں،بھارتی جارحیت کیخلاف مسلح افواج نے آپریشن بنیان مرصوص کاآغاز کیا،پاکستان کاآپریشن بنیان مرصوص کامیابی سے مکمل ہو گیا،آپریشن بنیان مرصوص معرکہ حق کاحصہ تھا،10مئی کو آپریشن بنیان مرصوص شروع کیا گیا،22اپریل سے 10مئی تک پاک بھارت کشیدگی کومعرکہ حق کانام دیا گیا،6سے 10مئی تک کے آپریشنز بنیان مرصوس کاحصہ تھے،افواج پاکستان نے بھارتی جارحیت کیخلاف بدلہ لینے کاوعدہ پورا کیا،مسلح افواج اللہ تعالیٰ کی مدد اور نصرت پر شکرگزار ہیں،بھارتی فوج نے خواتین اور بچوں سمیت شہری آباد کو نشانہ بنایا، ملکی خودمختاری کو خطرہ لاحق ہو ا تو جوابی ردعمل جامع اور فیصلہ کن ہوگا،مسلح افواج پاکستانی قوم کی جرات اور بہادری کو سلام پیش کرتی ہیں،

10 مئی 2025 کو افواجِ پاکستان نے "معرکہِ حق” کے سلسلے میں آپریشن بنیان مرصوص کے تحت بھارتی فوجی جارحیت کا بھرپور اور فیصلہ کن جواب دیا۔ یہ آپریشن بھارتی مسلح افواج کی درندگی کے خلاف کیا گیا جو 6 اور 7 مئی 2025 کی درمیانی رات کو شروع ہوا اور جس کے نتیجے میں معصوم شہری، خواتین، بچے اور بزرگ شہید ہوئے۔ حکومت پاکستان نے ان مظالم کا حساب لینے کا وعدہ کیا تھا، اور الحمدللہ، افواجِ پاکستان نے وہ وعدہ پورا کر دکھایا۔
افواجِ پاکستان نے اللہ تعالیٰ کا شکر ادا کیا ہے جس کی رحمت، نصرت اور مدد سے یہ عظیم کامیابی ممکن ہوئی۔ قوم ان تمام شہداء کے خاندانوں کے ساتھ کھڑی ہے جنہوں نے وطن کی خاطر اپنی جان قربان کی۔ ہم زخمیوں کی جلد صحت یابی کے لیے دعا گو ہیں۔

افواجِ پاکستان نے قوم، بالخصوص نوجوان نسل کا خصوصی شکریہ ادا کیا ہے جنہوں نے سائبر محاذ پر دشمن کی پراپیگنڈہ مہم کا مؤثر جواب دیا۔ نوجوان پاکستان کے سچے سپاہی بن کر ابھرے۔پاکستانی میڈیا نے بھارتی میڈیا کی جھوٹ پر مبنی مہمات کے خلاف فولادی دیوار کا کردار ادا کیا۔ سفارتکاروں نے عالمی سطح پر پاکستان کا مؤقف دلائل اور یقین کے ساتھ پیش کیا، جبکہ سائنسدانوں اور انجینئروں نے جدید ٹیکنالوجی کی مدد سے آپریشن کی کامیابی کو ممکن بنایا۔تمام سیاسی جماعتوں نے بغیر کسی امتیاز کے قومی یکجہتی کا مظاہرہ کیا۔ وزیراعظم اور ان کی کابینہ نے وہ فیصلے کیے جن سے تاریخ کا رخ موڑ دیا گیا۔

"بنیان مرصوص” آپریشن تینوں افواج کی ہم آہنگی، جدید نیٹ ورک سینٹرک وارفیئر، اور کثیرالجہتی آپریشنز کا مظہر تھا۔ درج ذیل ہدف کامیابی سے نشانہ بنائے گئے:
فوجی ہوائی اڈے اور ایوی ایشن بیسز: سورت گڑھ، سرسا، نالیا، آدھم پور، بھٹِنڈہ، برنالہ، ہلواڑہ، اونتی پورہ، سرینگر، جموں، ادھم پور، مامون، امبالہ، پٹھان کوٹ

براہموس میزائل ڈیپو: بیاس، نگروٹا – جہاں سے پاکستان پر مہلک حملے کیے گئے

S-400 میزائل نظام: آدھم پور اور بھُج میں تباہ کیا گیا

لاجسٹک و سپورٹ سائٹس: یوری، پونچھ، جن سے پاکستانی شہریوں پر حملے کیے گئے

فیلڈ ہیڈکوارٹرز: کے جی ٹاپ اور نوشہرہ میں 10 بریگیڈ اور 80 بریگیڈ مکمل طور پر تباہ

انٹیلیجنس یونٹس اور پراکسی تربیتی مراکز: راجوری اور نوشہرہ میں ختم کیے گئے

ایل او سی کے پار موجود توپ خانے، لاجسٹک بیسز اور وہ چوکیاں جہاں سے آزاد کشمیر میں شہریوں پر فائرنگ کی گئی، انہیں مؤثر انداز میں نشانہ بنایا گیا، یہاں تک کہ کئی جگہوں پر بھارتی فوج نے سفید جھنڈا لہرا کر جنگ بندی کی درخواست کی۔

پاکستان نے مسلح ڈرونز کے ذریعے نئی دہلی سمیت اہم بھارتی شہروں اور تنصیبات پر اپنی موجودگی کا مظاہرہ کیا، اور دشمن کے حوصلے پست کیے۔ ساتھ ہی، موثر سائبر حملوں سے بھارتی فوجی مواصلاتی نظام اور انفراسٹرکچر عارضی طور پر مفلوج کیے گئے۔بھارت کی طرف سے خیبر پختونخوا اور بلوچستان میں دہشت گردی کی لہر کو روکنے کے لیے افواجِ پاکستان نے مغربی محاذ پر بھی بروقت انسداد دہشت گردی آپریشنز کیے اور دشمن کے منصوبے ناکام بنائے۔

"معرکہِ حق” قومی یکجہتی، عوامی حمایت اور افواجِ پاکستان کے جذبہ و پیشہ ورانہ مہارت کی روشن مثال بن گئی ہے۔ یہ واضح پیغام ہے کہ اگر پاکستان کی خودمختاری کو چیلنج کیا گیا تو اس کا جواب فیصلہ کن، مربوط اور مؤثر ہو گا۔

پاکستان نےمتعدد بار بھارت کو خبردار کیا تھا کہ وہ پاکستان کی امن کی خواہش کوکمزوری نہ سمجھے،آرمی چیف نے اور ڈی جی آئی ایس پی آر نے واضح کیا تھا کہ کسی بھی جارحیت کا بھرپور جواب دیا جائے گا،آپریشن’’بُنْيَانٌ مَّرْصُوْص قوم سے کیے گئے اس وعدے کی تکمیل ہے، الحمدللہ!

آرمی چیف نے قرآن کریم کی آیات کا حوالہ دے کر کہا تھا کہ اللہ کی مدد اور نصرت سے یہ کتنی مرتبہ ہوا کہ ایک چھوٹی طاقت نےبڑی طاقت کو شکست دی،الحمدللہ !تاریخ نے یہ ثابت کیا ہے کہ افواج پاکستان اور قوم ہر جاریت کے خلاف پوری قوت سےسیسہ پلائی ہوئی دیوار ثابت ہوئے ہیں،علاقائی سالمیت اورخودمختاری کے تحفظ کی لیے پاکستان میں بھرپور دفاعی صلاحیت موجود ہے،ملکی سالمیت کا دفاع کیسے کرنا ہے یہ ہم بخوبی جانتے ہیں، 13 لاکھ بھارتی فوج اپنے تمام تر ہتھیاروں سے ہمیں ڈرا اوردھمکا نہیں سکتی، ہمارے آباؤ اجداد نے اور ہم نے اس ملک کو بنانے کے لیے بے پناہ قربانیاں دی ہیں اور ہم اسکی حفاظت کرنا بھی جانتےہیں

ڈی جی آئی ایس پی آر کا کہناتھا کہ ہم بھارت کی طاقت، مکاری اور جارحیت سے مرعوب ہونے والی قوم نہیں ہے، اب ہمارے جواب کا انتظار کرو .

دفاعی ماہرین کا کہنا ہے کہ دنیا نے دیکھا کہ افواج پاکستان نے بھارتی جارحیت پر کس طرح منہ توڑجواب دے کر بھارت کو گھٹنے ٹیکنے پر مجبور کیا،افواج پاکستان نے اپنے جذبہ شوق شہادت اور عمل سے یہ ثابت کر دیا کہ دنیا کی کوئی طاقت پاکستان کو نقصان پہنچانے کا تصور بھی نہیں کر سکتی،