Category: اہم خبریں

بھارت نے ایک بار پھر پاکستان کے خلاف آبی دہشتگردی کا مظاہرہ کیا ہے اور مقبوضہ کشمیر میں بگلیہار ڈیم کے ذریعے پاکستان کی طرف آنے والے پانی کو روکنا شروع کر دیا ہے۔

اتوار کے روز بھارت نے بگلیہار ڈیم کے ذریعے پاکستان کی طرف آتا ہوا پانی روک دیا جس کے نتیجے میں دریائے چناب میں پانی کا بہاؤ کم ہونا شروع ہوگیا ہے،محکمہ انہار کے مطابق، دریائے چناب میں ہیڈ مرالہ کے مقام پر پانی کی آمد 87 ہزار کیوسک تھی، جو آج صرف 10 ہزار 800 کیوسک تک محدود ہوگئی ہے۔ یہ پانی کی کمی پاکستانی کسانوں اور عوام کے لیے شدید مشکلات کا سبب بن سکتی ہے، جو اس پانی پر انحصار کرتے ہیں،آبی ماہرین کا کہنا ہے کہ مقبوضہ جموں کے رامبن علاقے میں واقع بگلیہار ڈیم میں 3 لاکھ ایکڑ فٹ پانی ذخیرہ کرنے کی گنجائش موجود ہے۔ بھارت کی جانب سے اس پانی کو روکنے کے بعد، پاکستان کے لیے آبی قلت کا مسئلہ مزید سنگین ہو سکتا ہے۔

بھارتی میڈیا کے مطابق، بھارت اگلے مرحلے میں شمالی مقبوضہ کشمیر کے کشن گنگا ڈیم میں بھی پانی روکنے کا ارادہ رکھتا ہے۔ اس کے نتیجے میں دریائے جہلم میں پانی کی کمی کا خدشہ ہے۔ کشن گنگا ڈیم میں 15 ہزار ایکڑ فٹ پانی ذخیرہ کرنے کی گنجائش ہے۔ اگر بھارت نے اس ڈیم میں پانی روک لیا تو یہ پاکستانی علاقوں میں مزید آبی بحران پیدا کر سکتا ہے۔اس سے پہلے 26 اپریل کو بھی بھارت نے بغیر کسی اطلاع کے دریائے جہلم میں ایک بڑا سیلابی ریلا چھوڑ دیا تھا، جس کے نتیجے میں چکوٹھی کے مقام پر دریا اچانک 15 فٹ تک بلند ہوگیا تھا۔

بھارت کی جانب سے سندھ طاس معاہدہ کو معطل کرنے کا اعلان بھی کیا گیا تھا، جسے پاکستان نے مسترد کر دیا۔ پاکستان نے کہا کہ بھارت کا یہ یکطرفہ اقدام غیر قانونی اور عالمی معاہدوں کی خلاف ورزی ہے۔ پاکستان نے اس اعلان کو بلا جواز قرار دیا اور عالمی سطح پر بھارت کے اس عمل کو متنازعہ بنانے کی کوشش کی۔

پاکستان کا کسان افواج پاکستان کے شانہ بشانہ،حافظ محمد سعید کو رہا کیا جائے،کسانوں کا مطالبہ
مودی کے خلاف جنگی جرائم کا مقدمہ قائم کیا جائے ،خالد مسعود سندھو،حافظ طلحہ سعید،چوہدری ذوالفقار علی اولکھ

مرکزی کسان لیگ کے زیر اہتمام کسان مارچ کے ہزاروں شرکاء سے قائدین نے خطاب کرتے ہوئے کہا ہے کہ مودی سن،پانی روکنا تمہارے بس میں نہیں، اگر کوئی غلطی کی تو پاکستان کے کسان افواج پاکستان کے شانہ بشانہ لڑنے کو تیار ہیں،پاک فوج کی بہادری کے باعث بھارت کو ابھی تک حملے کی جرأت نہیں ہوئی، بھارت نے جو متنازعہ ڈیم بنائے ان پر یہ کسان قبضہ کریں گے،کشمیر پاکستان کی شہہ رگ ہے، بھارت کے بنائے گئےڈیموں سمیت کشمیر کو آزاد کروائیں گے،نظریہ پاکستان کے محافظ حافظ محمد سعید کو رہا کیا جائے،مودی کے خلاف جنگی جرائم کا مقدمہ قائم کیا جائے

ان خیالات کا اظہار پاکستان مرکزی مسلم لیگ کے شعبہ کسان،مرکزی کسان لیگ کے زیر اہتمام مال روڈ لاہور پر کسان مارچ کے شرکا سے مرکزی مسلم لیگ کے صدر خالد مسعود سندھو،نائب صدر حافظ طلحہ سعید، مرکزی کسان لیگ کے چیئرمین چوہدری ذوالفقار علی اولکھ،صدر اشفاق ورک ،قاری محمدیعقوب شیخ،چوہدری سرور،شیخ فیاض ،اعجاز نصر، احسان اللہ منصور،مزمل اقبال ہاشمی،محمد احسن،،ارشد نواب،علی عمران شاہین.راشد سندھو،حافظ ابوالحسن،حافظ عثمان شفیق ،شہزاد ورک و دیگر نے خطاب کیا۔

مرکزی کسان لیگ کے زیراہتمام بھارتی آبی جارحیت کے خلاف ہزاروں کسان ٹریکٹر لے کر سڑکوں پر آ ئے، مال روڈ لاہور مودی پانی روکا تو ہم واہگہ عبور کریں گے،نعروں سے گونج اٹھا،کسان مارچ کا آغاز استنبول چوک سے ہوا اور شرکاء اسمبلی ہال پہنچے، کسان مارچ میں ہزاروں کسان ٹریکٹر ٹرالیوں‘ موٹر سائیکلوں پر سوار سفید پگڑیاں باندھے ، ہاتھوں میں کدالیں اور بیلچے اٹھائے پہنچے ،شرکا نے پلے کارڈز اور بینرز بھی اٹھا رکھے تھے،جن پر بھارتی آبی جارحیت کے خلاف اورپاک فوج کے حق میں تحاریر درج تھیں۔

کسان مارچ کے شرکا سے خطاب کرتے ہوئے خالد مسعود سندھو کا کہنا تھا کہ بھارتی آبی جارحیت کیخلاف کسان سڑکوں پر آ چکے، مودی نے اگر پاکستان کا پانی روکنے کی غلطی کی تو کسان خاموش نہیں رہے گی، کسان افواج پاکستان کے شانہ بشانہ رہیں گے، پانی کے تحفظ کے لئے پاکستان کا بچہ بچہ بھارت سے جنگ لڑنے کو تیار ہے،مودی کی آبی جارحیت کے بعد قوم میں اتحاد و یکجہتی انتہائی خوش آئند ہے،پاکستان کی زمین کو بنجر کسی صورت نہیں ہونے دیں گے۔

حافظ طلحہ سعید کا کہنا تھا کہ آج وطن عزیر کے حساس ترین حالات اور دشمنوں کی منصوبہ بندیاں جو انہوں نے بنائی تھیں ہم اللہ کا شکر ادا کرتے ہیں کہ اللہ نے ہمارے دشمنوں کی ساری منصوبہ بندیاں ناکام کر دی ہیں، اللہ نے پاکستان کی فضائیہ کو توفیق دی کہ ہندوستان کی فضائیہ کو بٹھا دیا ،میں پاکستان کے ائیر چیف اور تمام ارباب اختیار سے کہوں گا کہ سجدہ شکر ادا کریں اللہ نے دشمن کو ناکام کیا ہے،اسلام ہمیں جنگی جنونی نہیں بناتا لیکن جب جنگ شروع ہو جائے تو ثابت قدم ہو جاو،مرکزی مسلم لیگ ذمہ دارانہ کردار ادا کر رہی ہے۔

مرکزی کسان لیگ کے صدر ذوالفقار علی اولکھ کا کہنا تھا کہ میں کسانوں کی نمائندگی کرتے ہوے یہ پیغام دینا چاہتا ہوں کہ ابھی ہم حکومت پاکستان سے ناراض تھے کہ ہمیں ہماری گندم کے ریٹ نہیں ملے،لیکن اس دوران ہندوستان نے ہم پر بڑا حملہ کر دیا،ہم اپنے دکھ بھول گئے ہم اپنے حکمرانوں کے ساتھ کھڑے ہو کر اعلان کرتے ہیں کہ ہم تمہارے ساتھ ہیں،ہم کس طرح اپنے سینے پر پتھر رکھ راوی بیاس ستلج کی بندش برداشت کرتے رہے ہیں اب نہیں کریں گے، ہم اپنا پانی نہیں روکنے دیں گے

قاری محمد یعقوب شیخ و دیگر رہنماوں کا کہنا تھا کہ ہندوستان ہمارا دشمن تھا رہے گا،دو قومی نظریے کی بنیاد پر ہم جدا ہوئے، پاکستان کا جغرافیہ ہندوستان سے ہضم نہیں ہورہا،پہلگام میں مودی نے ڈرامہ رچا کر پاکستان اور افواج پاکستان کے خلاف اور پاکستان کی محب وطن جماعتوں اور قائدین کے خلاف بات کی،تم نے یہ ڈرامہ رچایا کہ پاکستان کا پانی بند کر دے گا اب سن یہ کسانوں کی فوج تمہارے خلاف کھڑی ہے،اگر ہمارا پانی بند ہوا تو پیاس سے ایڑیاں رگڑ کر مرنے کی بجائے پاکستان کی عوام تجھ سے ٹکرائے گی ،تمہارا ابھی نندن منہ کی کھا کر گیا تم اپنے جہازوں کو بھیجو گے وہ ملبے کا ڈھیر بنیں گے واپس نہیں جائیں گے،ہم نے ملک لاالہ الا اللہ کی بنیاد پر بنا تھا اسی پر قائم ہے اور رہے گا

پہلگام ڈرامے کے بعد بھارت نے پاکستان پر بنا ثبوتوں کے الزامات لگائے ،پاکستان نے دنیا کے سامنے بھارتی بیانیے کو بے نقاب کیا اور کہا کہ بھارت چاہے تو تحقیقات میں تعاون کےلیے تیار ہیں ،پاکستان نے اس بات کی تردید کی کہ پاکستان پہلگام واقعہ میں کسی بھی طور پر ملوث نہیں تا ہم بھارت بضد ہے اور مودی سرکار کا جنگی جنون دنیا کے سامنے کھل کر آ رہا ہے، بھارت سرکار اپنی ناکامیوں کو چھپانے کے لئے ،سیکورٹی خامیوں کو دبانے کے لئے پاکستان پر حملہ کرنا چاہتی ہے لیکن پاکستان بھی تیار و بیدار ہے، کسی بھی بھارتی جارحیت کا جواب دینے کے لیے مسلح افواج الرٹ ہیں اور پاکستان قوم بھی پاک فوج کے شانہ بشانہ ہے،یہی وجہ ہے کہ بھارت نے دھمکیاں تو دیں لیکن اب تک کوئی کاروائی نہ کر سکا، لیکن اب ایسے لگ رہا ہے کہ بھارت ایک بار کچھ کرنے کی کوشش کرے گا اور اگر کچھ کیا تو پھر اب ابھینندن والی چائے کو بھی بھول جائے گا.اگلے 72 گھنٹے انتہائی اہم ہیں بھارت کی جانب سے کوئی بھی اشتعال انگیزی کی جا سکتی ہے

با خبر ذرائع کے مطابق حالات تیزی سے کشیدہ ہو رہے ہیں اور مختلف ذرائع سے اطلاعات مل رہی ہیں کہ بھارت خطے میں کسی ناپاک اور خطرناک منصوبے کی تیاری کر رہا ہے۔ انٹیلی جنس رپورٹوں کے مطابق بھارت کی جانب سے آنے والے دنوں میں کسی جارحانہ کارروائی کا خطرہ بڑھ رہا ہے، جو نہ صرف پاکستان بلکہ پورے خطے کے امن و امان کے لیے سنگین نتائج کا حامل ہو سکتی ہے۔ بھارت کے فوجی اور حکومتی حلقے ایک نیا جارحانہ منصوبہ بنا رہے ہیں۔مودی نے بھارتی افواج کو مکمل چھوٹ دے رکھی ہے اور بھارت خطے کا امن تہہ و بالا کرنا چاہتا ہے، اس منصوبے کے تحت بھارت کسی بھی وقت کسی اہم سرحدی یا حساس علاقے میں مداخلت کر سکتا ہے، جس سے پورے خطے میں جنگ کی صورتحال پیدا ہو سکتی ہے۔

ذرائع کے مطابق، بھارت کے فوجی اداروں نے اپنے اہم علاقوں میں اضافی فوجی تعینات کر لیے ہیں اور فوجی آپریشنز کی تیاری شروع کر دی ہے۔بھارت نے سرحدی علاقے خالی کروا لئے ہیں، خاص طور پر کشمیر اور لائن آف کنٹرول کے قریب بھارتی فوج کی سرگرمیاں بڑھ گئی ہیں۔ بعض اطلاعات میں یہ بھی بتایا گیا ہے کہ بھارت کسی بڑی عسکری کارروائی کی تیاری میں ہے جس کا مقصد پاکستان کے خلاف کسی خاص علاقے میں حملہ کرنا یا پھر پاکستان کے دفاعی تنصیبات کو نشانہ بنانا ہو سکتا ہے۔تاہم پاکستان بھی تیار ہے، پاک فضائیہ الرٹ ہے اور افواج پاکستان کسی بھی بھارتی غلطی کا بھر پور جواب دینے کے لیے بیتاب ہیں.

موجودہ صورتحال کے پیش نظر، حکومت اور افواج پاکستان نے اپنی تیاریاں مکمل رکھی ہے، کسی بھی خطرے سے نمٹنے کے لیے اہم سرحدی علاقوں میں اضافی فوجی تعینات کر دیے ہیں۔ انٹیلی جنس ادارے بھی بھارتی سرگرمیوں پر کڑی نظر رکھے ہوئے ہیں اور سرحدی علاقوں میں اپنی سیکیورٹی کو مزید مضبوط کر لیا ہے۔

بین الاقوامی سطح پر بھی اس معاملے پر تشویش بڑھ گئی ہے۔ عالمی طاقتوں نے بھارت کو کسی بھی جارحانہ کارروائی سے گریز کرنے کی ہدایت کی ہے اور پاکستان کے ساتھ مل کر امن کے قیام کی کوششوں کو فروغ دینے کی اہمیت پر زور دیا ہے تاہم بھارت بضد ہے اور بھارت نے کچھ کیا تو پھر بھارت کے ایک نہیں کئی ٹکڑے ہوں گے.

یہ ایک نازک وقت ہے، اور ہم سب کو اس وقت اللہ کی مدد کی ضرورت ہے۔ دعا گو ہیں کہ اللہ ہمیں اپنی حفاظت میں رکھے اور اس مشکل وقت سے نکالے۔ اللہ تعالیٰ ہمیں ہر قسم کی پریشانیوں سے محفوظ رکھے، اور امن و سکون کے قیام میں ہماری مدد کرے۔اگر کشیدگی ہوتی ہے تو ایسے میں غیر ضروری سفر سے گریز کریں۔اپنی سیکیورٹی کے حوالے سے حکومتی ہدایات پر عمل کریں۔اپنے خاندان کے ساتھ رابطے میں رہیں اور انہیں حالات کی سنگینی سے آگاہ کریں۔ یہ وقت ہم سب کے لیے بہت اہم ہے، اور ہمیں اللہ کی مدد کی ضرورت ہے۔پاکستان کا بچہ بچہ وطن عزیز کے دفاع کے لئے افواج پاکستان کے شانہ بشانہ ہو گا، ہم سب کو اپنی حفاظت کے لیے تیار رہنا ہوگا اور امن کے قیام کے لیے دعا گو رہنا ہوگا۔ اللہ ہمیں اپنی حفاظت میں رکھے، آمین۔

امریکہ نے اپنے شہریوں کو پاکستان اور بھارت کے سفر سے روک دیا

امریکہ نے اپنی نئی ٹریول ایڈوائزری جاری کرتے ہوئے اپنے شہریوں کو پاکستان اور بھارت کے سفر سے گریز کرنے کی ہدایت دی ہے۔ اس ایڈوائزری میں بتایا گیا ہے کہ دونوں ممالک میں جرائم اور دہشت گردی کے واقعات کی بڑھتی ہوئی تعداد کی وجہ سے سفر کرنا غیر محفوظ ہو سکتا ہے۔ امریکہ نے اپنے شہریوں کو خاص طور پر پاکستان اور بھارت کے سرحدی علاقوں میں جانے سے خبردار کیا ہے کیونکہ یہاں جنگ کے خطرات منڈلا رہے ہیں۔ایڈوائزری میں کہا گیا ہے کہ بھارت میں خواتین کے ساتھ زیادتی کے کیسز میں اضافہ ہو رہا ہے اور عمومی جرائم کی شرح بھی بڑھ چکی ہے۔ مزید برآں، بھارت میں شاپنگ مالز اور دیگر عوامی مقامات کو نشانہ بنایا جا سکتا ہے۔ امریکہ نے یہ بھی ذکر کیا کہ پاکستان اور بھارت کی سرحد پر فوجی نفری کی موجودگی میں خطرات بڑھ گئے ہیں، خاص طور پر بلوچستان اور خیبر پختونخواہ میں دہشت گردی کے واقعات کا خدشہ ہے۔

امریکہ کی ایڈوائزری میں خاص طور پر بھارت اور پاکستان کے درمیان جاری کشیدگی کا ذکر کیا گیا ہے۔ گزشتہ دنوں پہلگام میں ہونے والے حادثے کے بعد دونوں ممالک کے تعلقات مزید تناؤ کا شکار ہوئے ہیں۔ بھارت نے پاکستان پر حملہ کرنے کی کوشش کی تھی، لیکن پاکستان کی فضائیہ نے بھارتی رافیل طیاروں کو پسپائی پر مجبور کر دیا تھا۔ یہ واقعہ تقریباً دو ہفتے قبل پیش آیا تھا، اور اس کے بعد سے دونوں ممالک میں کشیدگی میں اضافہ ہوا ہے۔امریکہ کی اس نئی ایڈوائزری سے یہ واضح ہو رہا ہے کہ دونوں ممالک کی موجودہ سیاسی اور سیکیورٹی صورتحال میں کچھ بڑا ہونے کا خدشہ ہے، اور امریکہ اپنے شہریوں کی حفاظت کو مدنظر رکھتے ہوئے یہ اقدامات کر رہا ہے۔

بھارتی قومی سلامتی کے مشیر اجیت ڈوول پر جنسی ہراسانی کا الزام لگ گیا، میجر نے مقدمہ بھی درج کروا دیا،

ہندوستانی فوج کی آرمور ڈے کی تقریبات کا انعقاد ہوا، جس میں نیشنل سیکیورٹی ایڈوائزر اجیت ڈوول کو آفیسرز میس، نئی دہلی میں مدعو کیا گیا۔ تاہم، اس دن کی ایک حیران کن واقعہ پیش آیا۔ اجیت ڈوول تقریب میں نشے کی حالت میں پہنچے اور وہاں موجود میجر سچن کمار، جو کہ 666 آرمی ایوی ایشن اسکواڈرن کے سابق آفیسر ہیں، کے ساتھ بدتمیزی کی۔ رپورٹ کے مطابق، اجیت ڈوول نے میجر سچن کمار کے ساتھ غیر مناسب سلوک کرنے کی کوشش کی، میجر سچن کمار نے فوری طور پر اس واقعہ کی شکایت وسانت وہار پولیس اسٹیشن میں درج کرائی،

فوجی افسر میجر سچن کمار نے قومی سلامتی کے مشیر اجیت ڈوول کے خلاف شکایت درج کرائی ہے، جس میں ان پر جنسی ہراسانی اور دھمکی دینے کا الزام عائد کیا گیا ہے۔ شکایت کے مطابق، 1 مئی 2025 کی رات، آفیسرز میس میں ہونے والی ایک تقریب کے دوران اجیت ڈوول نے میجر سچن کمار کو جنسی طور پر ہراساں کیا اور دھمکیاں دیں۔ میجر سچن کمار کے مطابق، آرمر ڈے کی تقریب کے دوران اجیت ڈوول نے متعدد بار ان کے ساتھ بدتمیزی کی۔ انہوں نے میجر سچن کمار سے کہا: "آپ نے کبھی مرد کے ساتھ جنسی تعلق قائم کیا؟ آپ کا …..کتنا بڑا ہے؟” اس کے بعد اجیت ڈوول نے ان کے ساتھ غیر اخلاقی زبان استعمال کی اور گالم گلوچ کی۔ اجیت ڈوول نے ان کی طرف حملہ کیا اور انہیں جسمانی طور پر نقصان پہنچانے کی کوشش کی، لیکن ان کی سکیورٹی نے بروقت مداخلت کی۔ اس دوران میجر سچن کمار کو اپنی جان کا خطرہ محسوس ہوا اور انہوں نے اجیت ڈوول کی اہلیہ سے درخواست کی کہ وہ اپنے شوہر کی حرکتوں پر نظر رکھیں۔اس پورے واقعے کے دوران اجیت ڈوول نے میجر سچن کمار کے ساتھ جنسی نوعیت کی باتیں کیں اور ان کا ہاتھ زبردستی پکڑنے کی کوشش کی۔ میجر سچن کمار نے اس صورتحال سے بچنے کی کوشش کی، لیکن اجیت ڈوول کے رویے نے انہیں ذہنی اور جذباتی طور پر شدید نقصان پہنچایا۔

میجر سچن کمار نے اپنی شکایت میں کہا کہ انہیں اجیت ڈوول کے رویے سے دھمکی، ہراسانی اور توہین کا سامنا ہوا۔ انہوں نے کہا کہ اس واقعے نے انہیں ذہنی طور پر متاثر کیا ہے،ویسنت وہار پولیس اسٹیشن نے شکایت کی وصولی کے بعد کیس درج کیا اور تحقیقات کا آغاز کیا ہے۔ کیس کا رجسٹریشن ویسنت وہار پولیس اسٹیشن کیس نمبر 48(3) 2025 کے تحت کیا گیا ہے۔ تحقیقات سب انسپکٹر مری اے سی مارک کو سونپی گئی ہیں۔

پاکستان نے آج “ایکس انڈس” مشق کے تحت “ابدالی ویپن سسٹم” کا کامیاب تربیتی تجربہ کیا،یہ زمین سے زمین پر مار کرنے والا میزائل ہے

ابدالی ہتھیاروں کا نظام 450 کلومیٹر تک کامیابی سے ہدف کو نشانہ بناسکتا ہے.یہ میزائل تجربہ “انڈس” مشق کا حصہ ہے.ڈی جی آئی ایس پی آر کے مطابق تجربہ کا مقصد فوج کی پیشہ ورانہ تیاریوں کو یقینی بنانا تھا اہم تکنیکی پیرامیٹرز بشمول جدید نیوی گیشن سسٹم کو یقینی بنانا تھا۔

کمانڈر آرمی اسٹریٹیجک فورسز کمانڈ نے تربیتی لانچ کا مشاہدہ کیا،اس موقع پر اسٹریٹیجک پلانز ڈویژن، فوجی کمانڈ اور اسٹریٹیجک سائنسدانوں نے شرکت کی، صدر، وزیراعظم، چیئرمین جوائنٹ چیفس اور سروسز چیفس نے کامیاب میزائل تجربے پر مبارکباد دی،قومی سلامتی کے تحفظ اور مؤثر دفاع کیلئے مکمل اعتماد کا اظہار کیا،