Category: اہم خبریں

آرمی چیف جنرل سید عاصم منیر کی زیرِ صدارت خصوصی کور کمانڈرز کانفرنس کا انعقاد ہوا جس میں خطے کی موجودہ صورتحال کا جامع جائزہ لیا گیا، بالخصوص پاکستان اور بھارت کے مابین کشیدگی اور علاقائی سلامتی کے امور پر غور کیا گیا۔

کانفرنس میں پاکستان کی مسلح افواج نے کسی بھی جارحیت یا مہم جوئی کے خلاف ملک کی خود مختاری اور علاقائی سالمیت کو برقرار رکھنے کے اپنے غیر متزلزل عزم کا اعادہ کیا۔ آرمی چیف نے مسلح افواج کی پیشہ ورانہ مہارت، ثابت قدم حوصلے اور آپریشنل تیاریوں کو سراہا، اور واضح کیا کہ پاکستان کی مسلح افواج اپنے عوام کے ساتھ متحد ہو کر دفاع وطن کے لیے ہمہ وقت تیار ہیں،کانفرنس کے دوران بھارت کے غیر قانونی طور پر مقبوضہ جموں و کشمیر میں بھارتی مظالم پر شدید تشویش کا اظہار کیا گیا، خاص طور پر پہلگام کے واقعے کے بعد بھارتی افواج کی جانب سے لائن آف کنٹرول پر معصوم شہریوں کو نشانہ بنانے کی شدید مذمت کی گئی۔ فورم نے بھارت کی غیر انسانی اور بلا اشتعال کارروائیوں کو علاقائی کشیدگی میں اضافہ کرنے کا سبب قرار دیتے ہوئے کہا کہ ان کا مؤثر اور مناسب جواب دیا جائے گا۔

کانفرنس کے شرکاء نے بھارت کی جانب سے سیاسی اور فوجی مقاصد کے حصول کے لیے خود ساختہ بحرانوں کے گھڑنے پر بھی تشویش کا اظہار کیا، اور کہا کہ بھارت اندرونی مسائل کو چھپانے کے لیے بیرونی رنگ دینے کی کوشش کرتا ہے۔ انہوں نے 2019 میں مقبوضہ کشمیر میں آرٹیکل 370 کی منسوخی کے ذریعے یکطرفہ طور پراسٹیس کو تبدیل کرنے کی کوششوں کو بھی یاد کیا۔شرکاء نے کہا کہ پہلگام کے حالیہ واقعے کا مقصد پاکستان کی توجہ مغربی سرحدوں اور اقتصادی بحالی کی کوششوں سے ہٹانا ہے، کیونکہ پاکستان ان دونوں محاذوں پر فیصلہ کن اور پائیدار ترقی کی طرف گامزن ہے۔ بھارت کے مذموم ہتھکنڈوں کو ناکام بنانے کا عزم ظاہر کرتے ہوئے فورم نے کہا کہ بھارت کو ان کے ذریعے اپنی دہشت گرد پراکسیوں کو فعال کرنے میں ناکامی ہوگی۔پاکستان کے قانونی اور بنیادی آبی حقوق کو نقصان پہنچانے کے بھارت کے عزائم پر بھی شدید تشویش کا اظہار کیا گیا، خاص طور پر سندھ طاس معاہدے کی خلاف ورزی پر۔ فورم نے کہا کہ بھارت کی جانب سے پانی کو بطور ہتھیار استعمال کرنا انتہائی خطرناک ہے، کیونکہ اس سے نہ صرف پاکستان کی 24 کروڑ آبادی متاثر ہوگی بلکہ جنوبی ایشیا میں عدم استحکام بڑھے گا۔

شرکاء نے بھارت کے براہ راست ملوث ہونے کے ناقابل تردید شواہد کے حوالے سے پاکستان میں دہشت گردی کی سرگرمیوں میں بھارتی فوج اور انٹیلی جنس کے کردار پر گہری تشویش کا اظہار کیا۔ یہ اقدامات بین الاقوامی قوانین کی صریح خلاف ورزی اور ناقابلِ قبول ہیں۔کانفرنس کے اختتام پر آرمی چیف جنرل سید عاصم منیر نے ملک کے دفاع کے لیے کی جانے والی آپریشنل تیاریوں اور مورال پر تمام فارمیشنز اور سٹرٹیجک فورسز پر مکمل اعتماد کا اظہار کیا۔ انہوں نے کہا کہ پاکستان کے عوام کی امنگوں کا ہر قیمت پر احترام کیا جائے گا اور کسی بھی بلاواسطہ یا پراکسیز کے ذریعے پھیلائی جانے والی دہشت گردی، جبر یا جارحیت سے پاکستان کے امن اور ترقی کا راستہ نہیں روکا جا سکتا۔

راولپنڈی کی انسداد دہشت گردی عدالت میں پی ٹی آئی کے 26 نومبر احتجاج کے کیس کے 82 ملزمان نے اعتراف جرم کر لیا۔

پی ٹی آئی کارکنان کے خلاف 24 اور 26 نومبر 2024 کے احتجاج پر درج 24 مقدمات کی سماعت انسداد دہشت گردی عدالت راولپنڈی میں ہوئی جس دوران متعلقہ حکام عدالت میں پیش ہوئے،سماعت کے دوران 1609 ملزمان میں سے عدالت پیش ہونے والے 560 ملزمان پر فرد جرم عائد کی گئی،عدالت میں پیش کیے گئے 82 ملزمان نے جج کے سامنے اعتراف جرم کیا اور بیان حلفی جمع کرایا کہ پی ٹی آئی قیادت نے انہیں احتجاج کے لیے اکسایا،ملزمان نے عدالت میں بیان دیا کہ مقامی اور مرکزی قیادت نے پرتشدد احتجاج کی ترغیب دی تھی، ہم غریب مزدور ہیں، ہمارے ساتھ رعایت برتی جائے،ملزمان نے عدالت میں تحریری بیان بھی دیا کہ وہ آئندہ کسی احتجاج میں شریک نہیں ہوں گے،عدالت نے اعتراف جرم کرنے والے82 ملزمان کو 4،4 ماہ قید اور 15،15 ہزارروپے جرمانے کی سزا سنا دی

واضح رہے کہ 28 نومبر کو پی ٹی آئی کارکنان کو چھوڑ کر بشریٰ بی بی اور علی امین گنڈا پور فرار ہو گئے تھے ،بعد ازاں علی امین گنڈا پور نے خیبر پختونخوا پہنچ کر پریس کانفرنس کی تھی.

پہلگام فالس فلیگ آپریشن/ حقائق سامنے لانے پر مودی سرکار نے گھبراہٹ میں آئی ایس پی آر کا یو ٹیوب چینل بھی بلاک کر دیا

پاکستانی میڈیا بیانیے کی جنگ جیت گیا، بھارتی میڈیا کا بھی اعتراف،مودی سرکار نے ذرائع ابلاغ اور میڈیا چینلز پر پابندی کے بعد اب آئی ایس پی آر کا آفیشل یوٹیوب چینل اور ایکس اکائونٹ بھی معطل کر دیا،ڈی جی آئی آئی ایس پی آر 29 اور 30 اپریل کو پاکستان میں بھارتی دہشت گردی اور جھوٹ کو مفصل طریقے سے بے نقاب کیا ،1 مئی کو مودی سرکار نے آئی ایس پی آر کے آفیشل اکاؤنٹ کو بھی بلاک کردیا ،پاکستانی میڈیا نے بھارتی پروپیگنڈے کا راز فاش کر کے مودی کا فالس فلیگ بے نقاب کر دیا، پہلگام حملے کے بعد مودی سرکار نے میڈیا پر قابض ہونے کی کوشش کی،مودی سرکار کی جانب سے پاکستان کے اکثر ٹی وی چینلز پہلے ہی معطل کیے جا چکے ہیں، اس کے ساتھ ساتھ مودی سرکار نے معروف پاکستانی شخصیات کے سوشل میڈیا اکائونٹس بھی بند کر دئیے،

پاکستان کے تمام ڈیجیٹل اور سوشل میڈیا پلیٹ فارمز بھی بے جا پابندی کی زد میں ہیں، پہلگام کے حوالے سے پاکستانی میڈیا کی حقائق پر مبنی رپورٹنگ کا اقرار بھارتی میڈیا نے بھی کیا،

سپریم کورٹ، پی ٹی آئی سینیٹر اعجاز چوہدری کی ضمانت منظور کر لی گئی

سپریم کورٹ نے اعجاز چوہدری کو ایک لاکھ روپے کے مچلکے ٹرائل کورٹ میں جمع کرانے کا حکم دے دیا، پراسیکیوٹر نے کہا کہ اعجاز چوہدری نے لوگوں کو اکسایا اور سازش کا بھی حصہ رہے، جسٹس نعیم افغان نے کہا کہ کیس اتنا ہی مضبوط تھا تو فوجی عدالت میں لے جاتے،

اعجاز چوہدری کی درخواست ضمانت پر سماعت سپریم کورٹ کے تین رکنی بینچ نے کی۔ جسٹس نعیم اختر، جسٹس ہاشم کاکڑ،جسٹس اشتیاق ابراہیم بینچ میں شامل تھے،

نو مئی مقدمہ میں پی ٹی آئی رہنما حافظ فرحت عباس کی ضمانت قبل از گرفتاری منظور کر لی گئی،وکیل لطیف کھوسہ نے کہا کہ شریک ملزم امتیاز شیخ کی ضمانت قبل ازگرفتاری بھی سپریم کورٹ سے منظور ہوئی،سپیشل پراسیکیوٹر نے کہا کہ حافظ فرحت عباس پر نو مئی کی سازش کا بھی الزام ہے،

30 اپریل کی رات پاکستانی اور بھارتی لڑاکا طیارے رافیل آمنے سامنے آنے جب پاکستان فضائیہ کی ائیر پٹرولنگ نے بھارتی طیاروں کو جدید سسٹم سے ورطہ حیرت میں مبتلا کر دیا۔

30 اپریل کی رات بھارتی فضائیہ کے طیاروں کی لائین آف کنٹرول کے اس پار آزاد کشمیر کی جانب حرکت کے ساتھ ہی فوری طور پر پاک فضائیہ نے اپنے طیارے سکریمبل کیے، اور پاک فضائیہ کے طیاروں نے فوری ردِ عمل دیتے ہوئے بھارتی طیاروں کو جدید سیٹلائٹ اور کمانڈ سسٹم کے ذریعے صورتحال کو فوری مانیٹر کر کے بروقت ردعمل دیا۔ 30 اپریل کی رات بھارتی رافیل طیاروں کو پاکستان فضائیہ کے جانبازوں نے اپنے فوری ردِ عمل سے ورطہ حیرت میں مبتلا کر دیا۔

یہی وہ وقت تھا جب 30 اپریل کی رات وزیر اطلاعات عطا اللہ تارڑ پریس کانفرنس کر رہے تھے۔ پاکستان نے جدید سیٹلائٹ اور کمانڈ سسٹم کے ذریعے صورتحال کو فوری مانیٹر کر کے بروقت ردعمل دیا۔ پاک فضائیہ کے جدید ریڈار سسٹمز نے بھارتی رافیل طیاروں کو ٹریس کر کے پائلٹس کو اس قدر دباؤ میں لایا کہ وہ مشن اور واپسی کا راستہ بھول بیٹھے اور وہ اپنی حملے کی نیت کے باوجود پیچھے ہٹنے پر فوری مجبور ہو گئے جو پاک فضائیہ کے حوالے سے ایک بڑی کامیابی ہے۔

پہلگام، جنوبی کشمیر میں 22 اپریل کو حملے میں 26 افراد کی ہلاکت کے بعد سے مفرور چارحملہ آوروں کے بارے میں تازہ معلومات سامنے آئی ہیں۔ نیشنل انویسٹیگیشن ایجنسی (این آئی اے) کے ذرائع کے مطابق یہ چاروں افراد اب بھی علاقے میں چھپے ہوئے ہیں اور انہوں نے فوج اور مقامی پولیس کی جانب سے چلائے گئے وسیع پیمانے پر آپریشنز سے بچنے میں کامیابی حاصل کی ہے۔

این آئی اے کے ذرائع کا کہنا ہے کہ یہ چاروں افراد "خود مختار” ہو سکتے ہیں، یعنی ان کے پاس خوراک اور دیگر ضروریات کی فراہمی کا سامان ہو سکتا ہے، جس کی وجہ سے وہ گھنے جنگلات میں چھپ کر رہنے میں کامیاب ہو رہے ہیں۔ این آئی اے نے اس حملے کی تحقیقات اپنے ہاتھ میں لے لی ہیں، جو حالیہ برسوں میں بھارت میں ہونے والا سب سے بھیانک حملہ ہے، خصوصاً 2019 کے پلوامہ حملے کے بعد، جس میں 40 بھارتی فوجی مارے گئے تھے۔

ابتدائی تحقیقات کے مطابق حملہ آوروں نے پہلگام میں واقع بایسران ویلی میں حملے سے کم از کم 48 گھنٹے پہلے موجودگی کا آغاز کر دیا تھا۔ این آئی اے کے ذرائع نے بتایا کہ اوور گراؤنڈ ورکرز (او جی ڈبلیوز) یا حملہ آوروں کے ہمدردوں کو جو اس حملے کے بعد پوچھ گچھ کے لیے گرفتار کیا گیا تھا، ان کے بیانات میں انکشاف ہوا کہ حملہ آوروں نے بایسران ویلی کے علاوہ دیگر چار مقامات کی بھی سروے کیا تھی، تاہم، ان تمام مقامات پر سیکیورٹی زیادہ تھی،

پہلگام حملے کے بعد بھارتی اپوزیشن کی جانب سے سوالات اٹھائے گئے ہیں کہ آیا فوج کی موجودگی کی کمی نے حملہ آوروں کو حملہ کرنے کا موقع دیا۔ انٹیلی جنس ایجنسیوں کا خیال ہے کہ حملہ آوروں کے پاس جدید کمیونیکیشن سامان تھا، جو کسی بھی قسم کے انٹرسیپٹ سے بچنے کے لیے ڈیزائن کیا گیا تھا۔ ایک دفاعی ماہر، میجر جنرل یش مور (ریٹائرڈ) نے بتایا تھا کہ حملہ آوروں نے جو آلات استعمال کیے وہ سیٹلائٹ فونز تھے، جو سم کارڈز کے بغیر کام کرتے تھے اور ان کا مقصد اپنے مقام کو چھپانا تھا تاکہ بھارتی سکیورٹی فورسز کو حملے کے آغاز تک بے خبر رکھا جا سکے۔

حملے کی منصوبہ بندی سادہ تھی – تین حملہ آوروں نے بایسران کے ارد گرد چھپ کر سیاحوں پر فائرنگ کی، جب کہ چوتھا حملہ آور چھپ کر ان کی مدد کے لیے موجود تھا، حملہ 1:15 بجے دوپہر شروع ہوا، جس میں 26 افراد کی ہلاکت ہوئی۔اس کے بعد کی تحقیقات اور حملہ آوروں کی گرفتاری کی کوششیں جاری ہیں لیکن ابھی تک بھارت کو ناکامی ہی ملی ہے

باغی ٹی وی کی رپورٹ کے مطابق سینئر صحافی و اینکر پرسن مبشر لقمان نے کہا ہے کہ بھارت کی فوج میں متعدد مسائل کے باوجود بھارت کی طرف سے جنگی خطرات ابھی تک مکمل طور پر ختم نہیں ہوئے۔ بھارت کسی کارروائی کرنے اور ایسی ویڈیو حاصل کرنے کے لئے مصر ہے جس سے مودی کی کمزور ہوتی ہوئی مقبولیت کو بچایا جا سکے۔ پاکستان اس صورتحال میں جواب دینے کے لئے تیار ہے اور بھارت کو ایک اور خونریز اور الجھی ہوئی ناکامی کا سامنا کرانے کے لیے تیار ہے۔

سماجی رابطے کی ویب سائٹ ایکس پر ایک بیان میں مبشر لقمان کا کہنا تھا کہ بھارت کی فوج میں بغاوت، فوجیوں کے حوصلے پست، فوجیوں کا لڑنے سے انکار، چھٹیوں‌پر جانے، افسران کو ہٹائے جانے کے باوجود مودی سرکارجنونی ہو ئی پڑی ہے اور خطے میں جنگ کی صورت حال ابھی تک مکمل طور پر معمول پر نہیں آئی۔ بھارت کی حکومت اس بات کو تسلیم کرنے کی بجائے کہ اس کو اندرونی مسائل اور بین الاقوامی دباؤ کا سامنا ہے، ایک جنگی منظر نامہ بنانے کی کوشش کر رہی ہے تاکہ مودی کی مقبولیت کو بہتر بنایا جا سکے۔تاہم اگر بھارت کوئی کارروائی کرتا ہے تو پاکستان اس کا بھرپور جواب دے گا، جس میں بھارت کو ایک اور خونریز اور گندا ناکامی کا سامنا کرنا پڑے گا۔