Baaghi TV

Category: اہم خبریں

  • وزیر اعظم عمران خان نے قبائلی علاقے کیلئے بڑے فنڈ کا اعلان کر دیا، اہم خبر آ گئی

    وزیر اعظم عمران خان کی معاون خصوصی فردوس عاشق اعوان نے کہا ہے کہ وزیر اعظم نےقبائلی علاقےکےلیے102ارب روپےکےفنڈزمختص کیے ہیں. پاکستان نےقبائلی علاقوں میں امن کیلئےبڑی قربانیاں دی ہیں.

    باغی ٹی وی کی رپورٹ‌کے مطابق پاکستان کےپرچم کی توہین کرنے،قومی سلامتی داوپرلگانےوالوں کیلیے رعایت نہیں ہوگی.
    قبائلی عوام کےحقوق،جان ومال کےتحفظ کیلیےپاکستان کےعوام شانہ بشانہ ہونگے. بین الاقوامی ہاتھوں میں کھیل کرکچھ افرادنےمعصوم قبائلیوں کوسیاست کاایندھن بنانےکی کوشش کی. وزیراعظم نے قبائلی عوام کوسینے سے لگایا اور امن و ترقی کا نیا باب شروع ہوا.
    جن شرپسندوں کوقبائلی علاقوں کی ترقی ایک آنکھ نہیں بھائی انہوں نےدوبارہ شرپسندی شروع کردی.

    فردوس عاشق اعوان نے کہاکہ نیب نےایراکےافسرسے10ارب روپےکی سرکاری جائیداد ریکورکی. زلزلہ متاثرین کے فنڈزمیں بھی کرپشن کی گئی.

  • وفاقی کابینہ کے اجلاس میں کیا اہم فیصلے ہوئے؟ آئندہ بجٹ‌ کیسا ہو گا؟ فردوس عاشق اعوان نے بتا دیا

    وزیر اعظم عمران خان کی معاون خصوصی فردوس عاشق اعوان نے کہا ہے کہ جن کو شمالی وزیرستان کی ترقی چبھتی ہے انہوں نے امن کو داؤ پر لگایا. اس قسم کے واقعات علاقے کی ترقی کی راہ میں رکاوٹ ہیں. ریاست کی رٹ چیلنج کرنےوالوں نےفوجی چیک پوسٹ پرحملہ کیا

    منگل کو وفاقی کابینہ کے اجلاس کے بعد پریس کانفرنس سے خطاب کرتے ہوئے انہوں نے کہاکہ وفاقی کابینہ نے چیک پوسٹ پر حملے کی مذمت کی اور شہید فوجی جوان کو خراج عقیدت پیش کیا گیا ہے. انہوں نے کہاکہ قبائلی عوام کوچیک پوسٹ پرحملےکےلیے اکسایاگیا- شرپسند فاٹاکی ترقی اورامن کےخلاف ہوگئے- کچھ شرپسند قبائلی علاقوں کی ترقی میں رکاوٹ بن رہےہیں. پاکستان کےتشخص اوروقارکی توہین برداشت نہیں کی جائےگی، بین الاقوامی ہاتھوں میں کھیل کر کچھ افراد نے معصوم قبائلیوں کو سیاست کا ایندھن بنانے کی کوشش کی، کابینہ فیصلوں پرعملدرآمدیقینی بنانےکافیصلہ کرلیاگیا ہے.

    انہوں نے کہاکہ آیندہ بجٹ میں ہماری توجہ معیشت کی بہتری اور بیرونی قرضے ہونگے، بجٹ میں عام آدمی اثر انداز نہ ہو،اس پر بھی غور کیا گیا.

    فردوس عاشق اعوان نے کہاکہ وفاقی کابینہ کے اجلاس میں‌ بچوں کے جنسی استحصال کے قوانین میں ترمیم پر غور کیا گیاہے. انٹرنیٹ کے غلط استعمال سے بچوں کے جنسی استحصال میں اضافہ ہوا ہے. انہوں نے بتایا کہ اجلاس میں‌ کچھی کینال کے فنڈز میں کرپشن پر سی سی آئی کے فیصلے کو ایف آئی کے حوالے کرنے کی ہدایت کی گئی ہے. اس موقع پربجٹ سے متعلق ابتدائی دستاویز پر غور کیا گیا، 11 جون کو بجٹ پیش کیا جائے گا

  • علی وزیر اور محسن داوڑمیرا بھائی ،پرویز خٹک اور میں رابطے میں تھے، شہریارآفریدی

    علی وزیر اور محسن داوڑمیرا بھائی ،پرویز خٹک اور میں رابطے میں تھے، شہریارآفریدی

    وفاقی وزیر مملکت برائے سیفران شہریار آفریدی نے کہا ہے کہ علی وزیر اور محسن داوڑ میرا بھائی ہے،ان کو مین اسٹریم میں لانا چاہتے تھے،پہلے دن سے پرویز خٹک اور میں ان سے رابطے میں ہیں

    باغی ٹی وی کی رپورٹ کے مطابق قومی اسمبلی کے اجلاس میں وزیرمملکت برائے سیفران شہریارآفریدی نے خطاب کرتے ہوئے کہا کہ ایوان میں جتنی سیاسی جماعتوں کی نمائندگی ہےان سے مخاطب ہوں ،یہ روایت کیوں قائم ہوگئی کہ پاکستان میں کوئی واقعہ ہوتومحرومی کی بات کیجاتی ہے ،طاہر داوڑ کیس سے متعلق پی پی اور ن لیگ کی مرکزی قیادت سے ملا تھا آج ان کی بات سنتاہوں توسوچتا ہوں کہ کیایہ اس وقت ٹھیک کہتےتھے یا آج کہہ رہےہیں،انہوں نے کہا کہ آٹھ ماہ پہلے طالبان کی بات آئی توبتایا گیا کہ پہلا حکومتی وزیرہے جو ان کے پاس گیا ،صوبوں میں کسی بھی قسم کا مسئلہ ہو تو کہا جاتا ہے کہ اسلام آباد نہیں دے رہا،جب اسلام آباد کچھ کرنا چاہے تو کہا جاتا ہے صوبائی خودمختاری ہے، شہریار آفریدی نے مزید کہا کہ پشتونوں نے کبھی بھی پاکستان مخالف نعرہ نہیں لگایا،نقیب اللہ محسود کے مسئلے پر جب وہاں تقریر کی تو بہت تالیاں بجائی گئیں،پاکستان کی بات کی تو کہا گیا کہ یہ بات نہ کرو، شہر یار آفریدی نے مزید کہا کہ
    ہم اپنے ملک سے مذہبی ولسانی تضادات کا خاتمہ کررہے ہیں ،پاکستان،ملائیشیا اورترکی سعودی عرب اورایران کےدرمیان مصالحت کی کوشش کررہےہیں،پاکستان میں اب آئین و قانون اور سلامتی پر کوئی سمجھوتہ نہیں ہوگا

  • بادلوں کی وجہ سے طیارے راڈار میں نہیں آتے، بھارتی آرمی چیف کی مودی کے بیان کی تصدیق

    بادلوں کی وجہ سے طیارے راڈار میں نہیں آتے، بھارتی آرمی چیف کی مودی کے بیان کی تصدیق

    بھارتی فوج کے سربراہ جنرل بپن روات نے مودی کی اس بات کی تائید کی ہے جس میں مودی نے کہا تھا کہ ایئر اسٹرائیک کی اجازت اس لیے دی کہ طیارے بادلوں میں چھپ جائیں گے .

    باغی ٹی وی کی رپورٹ کے مطابق بھارتی فوج کے سربراہ جنرل بپن روات نے بھارتی وزیراعظم نریندر مودی کے بیان جس میں مودی نے کہا تھا کہ بادلوں کی وجہ سے طیارے ریڈار میں نہیں آتے کی تائید کرتے ہوئے کہا کہ وزیراعظم مودی کی بات کسی حد تک ٹھیک ہے کیونکہ بادولوں کی وجہ سے کبھی کبھار کچھ طیارے راڈار کی زد میں آنے سے بچ جاتے ہیں۔کچھ کی صلاحیت ہوتی ہے کہ وہ بادلوں کے بیچ میں بھی دیکھے جاسکتے ہیں لیکن اکثر بادلوں کی وجہ سے طیارے راڈار کی زد میں نہیں آتے ۔ کبھی ہم دیکھ سکتے ہیں تو کبھی ہم دیکھ نہیں دیکھ سکتے. جنرل بپن روات کا مزید کہنا تھا کہ وزیراعظم مودی نے کہا تھا کہ جب ہم نے پاکستان کے اندر فضائی حملہ کیا تو اس وقت بادلوں کا سہارا لیا گیا اور اس کی وجہ سے پاکستانی راڈار بھارتی فضائیہ کے طیاروں کو دیکھ نہیں پائے جس کی وجہ سے وہ کامیابی کےساتھ لوٹ آئے ۔

    واضح رہے کہ بھارتی وزیر اعظم نریندرمودی نے کہا تھا کہ بالاکوٹ میں ایئراسٹرائیک کی اجازت اس لیے دی کہ اس دن بادل زیادہ تھے سوچا ہمارے طیارے بادلوں میں چھپ جائیں گے۔مودی کی اس بات کا سوشل میڈیا پر خوب مذاق اڑایا گیا۔

    پاکستا کے وزیرخارجہ شاہ محمود قریشی نے بھارتی وزیراعظم نریندر مودی کے بیان” بادلوں کی وجہ سے ہمارے جنگی طیارے ریڈارمیں نہیں آئے” پر رد عمل میں کہا ہے کہ جب ریڈار نہیں چل رہے تھے تو انڈین فورسز کے 2 طیارے مار گرائے۔ اگر ریڈار چل رہے ہوتے تو نریندر مودی سوچیں ، کیا ہوتا؟

  • یوم تکبیر کی تقریب، مریم نواز کی موجودگی میں کارکنان کی لڑائی

    یوم تکبیر کی تقریب، مریم نواز کی موجودگی میں کارکنان کی لڑائی

    مسلم لیگ ن پنجاب کے صدر رانا ثناء اللہ نے کہا ہے کہ مریم نواز کو پارٹی کے نائب‌ صدر کے عہدے سے ہٹایا گیا توپارٹی کا نائب قائد بنا دیں گے. رانا ثناءاللہ کی تقریر کے دوران ن لیگی کارکن آپس میں لڑ پڑے

    باغی ٹی وی کی رپورٹ کے مطابق ماڈل ٹاون لاہور میں یوم تکبیر کے حوالے سے تقریب سے خطاب کرتے ہوئے رانا ثناء اللہ نے کہا کہ پی ٹی آئی والےالیکشن کمیشن میں گئے کہ مریم نوازکونائب صدارت سے ہٹایاجائے، ہم اعلان کرتے ہیں کہ مریم کونائب صدرکےعہدے سےہٹایا توہم انہیں پارٹی کا نائب قائد بنا دینگے،انہوں نے کہا کہ نوازشریف کو صدارت سے ہٹایا گیا تو کارکنوں نے اپنا قائد بنا لیا. رانا ثناء اللہ کا مزید کہنا تھا کہ پی ٹی آئی کے لوگ حمزہ شہبازکوعہدے سے ہٹانے کیلیے نیب کے پیچھے چھپ رہے ہیں، نالائق وزیراعظم کی وجہ سےپاکستان نیچےجا رہا ہے .رانا ثناء اللہ کے خطاب کے دوران مسلم لیگ ن کے کارکنان آپس میں لڑ پڑے اور ایک دوسرے پر تشدد کیا اس موقع پر مریم نواز بھی موجود تھیں.

  • نیب نے حمزہ شہباز کو ایک بار پھر طلب کر لیا

    نیب نے حمزہ شہباز کو ایک بار پھر طلب کر لیا

    نیب نے حمزہ شہباز کو کل بدھ کو صبح نو بجے طلب کر لیا

    باغی ٹی وی کی رپورٹ کے مطابق نیب نے حمزہ شہباز کی منی لانڈرنگ، آمدن سے زائد اثاثہ جات کے الزام میں طلب کیا ہے.پنجاب اسمبلی میں اپوزیشن لیڈر حمزہ شہباز کس طرح منی لانڈرنگ کرتے رہے، نیب نے اس کے ثبوت حاصل کر لیے ہیں، حمزہ شہباز کو نا معلوم افراد کی جانب سے لاکھوں ڈالرز کی رقم بھیجی گئی۔

    واضح رہے کہ لاہور ہائیکورٹ میں رمضان شوگر مل کیس میں ضمانت کی درخواست پر سماعت ہوئی، حمزہ شہباز نے عدالت پر عدم اعتماد ظاہر کرتے ہوئے کہا کہ بینچ تبدیل کیا جائے جس پر بینچ نے سماعت سے معذرت کر لی اور کیس چیف جسٹس کو بھجوا دیا. کیس کی سماعت غیر معینہ مدت تک ملتوی کر دی گئی. حمزہ شہباز کی درخواست ضمانت پر سماعت جسٹس علی باقر نجفی کی سربراہی میں دو رکنی بینچ نے کی .حمزہ شہباز نے کہا کہ 20سال بعد بیٹی ہوئی جو موت اور زندگی میں مبتلا تھی مجھے عدالت نے حکم دیا تو میں بیٹی کو چھوڑ کر واپس آیا ،حمزہ شہباز نے مزید کہا کہ چیئرمین نیب نے انٹرویو میں کہا اب بنچ تبدیل ہو گیا توضمانت نہیں ملے گی قوم دیکھ رہی ہے چیئرمین نیب اتنے طاقت ور ہیں مرضی کا بنچ بنائیں قوم پوچھے گی چیئرمین نیب حمزہ شہباز کی ضمانت خارج کرا سکتے ہیں،حمزہ شہباز کے وکیل نے عدالت میں کہا کہ ریفرنس دائر اور فرد جرم عائد ہو چکی ہے،احتساب عدالت نےرمضان شوگر ملزکیس میں 2 گواہوں کے بیانات رکارڈ کر رکھے ہیں، جسٹس علی باقر نجفی نے استفسار کیا کہ رمضان شوگر ملزکے قریب سیوریج نالا کب بنا؟یہ فیکٹری کہاں واقع ہے؟ جس پر حمزہ شہباز کے وکیل نے کہا کہ رمضان شوگرملزموضع دورٹہ تحصیل بھوانہ میں واقع ہے،اسی کیس میں شہباز شریف کی ضمانت منظور ہو چکی ہے،یہ تمام حقائق شہبازشریف کی ضمانت کی درخواست میں بتائے جا چکے ہیں، جسٹس علی باقر نجفی نے پھر پوچھا کہ رمضان شوگر ملز کا چیف ایگزیکٹو کون ہے؟ جس پر حمزہ شہباز کے وکیل نے بتایا کہ 2014سے 2016تک حمزہ شہباز رمضان شوگرملز کےچیف ایگزیکٹو رہے، جسٹس علی باقر نجفی نے نیب سے پوچھا کہ کیا نیب نے شہباز شریف کی ضمانت منظوری کیخلاف سپریم کورٹ سے رجوع کیا؟ جس پر نیب کے وکیل نے کہا کہ جی، شہبازشریف کی سپریم کورٹ میں ضمانت منسوخی کی درخواست دائرکی ہےمگرابھی زیر التواہے.

  • عمران خان اور مودی کی ملاقات کب ہو گی؟ اہم خبر آ گئی

    عمران خان اور مودی کی ملاقات کب ہو گی؟ اہم خبر آ گئی

    بھارتی وزیراعظم نریندر مودی اورپاکستان کے وزیراعظم عمران خان کی ملاقات 13،14 جون کو ہو گی

    باغی ٹی وی کی رپورٹ کے مطابق بھارتی میڈیا نے دعویٰ کیا ہے کہ پاک بھارت وزرائے اعظم کے ملاقات شنگھائی تعاون تنظیم کے موقع پر ہو گی .

    واضح رہے کہ مودی کی جماعت بی جے پی الیکشن جیت چکی ہے، مودی کو وزیراعظم عمران خان نے مبارکباد دی تھی. ترجمان دفتر خارجہ کے مطابق عمران خان نے نریندر مودی سے ٹیلی فون پر گفتگو کرتے ہوئے کہاکہ ہم جنوبی ایشیا میں امن و استحکام کیلئے بام مل کر کام کرنے کے خواہشمند ہیں. پاکستان اور بھارت کو عوام کی بہتری اور امن کے قیام کیلئے مل کر کام کرنا چاہیے. اس سے قبل وزیراعظم عمران خان نے سماجی رابطے کی ویب سائٹ ٹوئٹر پر نریندر مودی کو انتخابات میں کامیابی پر مبارکباد دی تھی جس پر برسراقتدار آنے والی بھارتی سیاسی تنظیم بی جے پی کے سربراہ نریندرمودی نے ٹویٹ کر کے عمران خان کا شکریہ ادا کیا تھا۔

    بھارتی وزیراعظم نریندر مودی کی لوک سبھا انتخابات میں‌ کامیابی کے بعد تقریب حلف برداری 30 مئی کو ہو گی.ہندوستانی وزارت خارجہ کا کہنا ہے کہ تقریب میں‌ کرغزستان کے صدر ،موریطانیہ کے وزیراعظم بھی مدعو ہیں تاہم بھارتی میڈیا نے کہا ہے کہ مودی کی حلف برداری تقریب میں‌پاکستانی وزیر اعظم عمران خان کو دعوت نہیں‌ دی گئی.

  • فردوس عاشق اعوان نے صحافیوں کو خوشخبری سنادی

    فردوس عاشق اعوان نے صحافیوں کو خوشخبری سنادی

    وزیراعظم عمران خان کی مشیر برائے اطلاعات فردوس عاشق اعوان نے رمضان کے مہینہ میں صحافیوں کو خوشخبری سناتے ہوئے کہا ہے کہ میڈیا اور صحافیوں کے مسائل کے حل کے لیے تمام ممکنہ اقدامات اٹھائے جارہے ہیں.

    باغی ٹی وی کی رپورٹ کے مطابق سماجی رابطے کی ویب سائٹ پر ٹویٹ کرتے ہوئے فردوس عاشق اعوان نے کہا کہ میڈیا کی آزادی، صحافیوں کے لئے سازگار ماحول کی فراہمی اور ان کی مشکلات کا حل وزیراعظم عمران خان کے انقلابی منشور کا حصہ ہے۔

    فردوس عاشق اعوان نے مزید کہا کہ اظہار رائے کے آئینی حق پر پختہ یقین رکھتےہیں، صحافیوں اور میڈیا کارکنان کے حقوق کا تحفظ اور انکی فلاح وبہبود اولین ترجیح ہے۔ میڈیا اور صحافیوں کے مسائل کے حل کے لیے تمام ممکنہ اقدامات اٹھائے جارہے ہیں۔

    واضح رہے کہ میڈیا کے اداروں میں ملازمین کو تین تین ،چار چار ماہ کی تنخواہیں نہیں ملیں، تنخواہ کا مطالبہ کرنے والے ملازمین کو نکالنے کی دھمکی دی جاتی ہے. چند دن قبل جیو میں تالہ بندی ہوئی تھی اور ملازمین نے احتجاج کیا تھا. احتجاج کے بعد ملازمین کی قائم کمیٹی اور جیو مالکان کے مابین تحریری معاہدہ ہوا جس کے مطابق جیو اپنے ملازمین کو تین ماہ کی تنخواہیں عید سے قبل اد کرے گی، معاہدے میں چوتھے ماہ یعنی اپریل کی تنخواہ کا کوئی ذکر نہیں. جیو مالکان اور کمیٹی کے مابین ہونے والے معاہدے پر میر شکیل ،میر ابراہیم اور کمیٹی کے اراکین کے دستخط ہیں. معاہدے کے بعد ملازمین نے تالہ بندی ختم کر دی ہے. نیو ٹی وی نیٹ ورک نے تمام ملازمین کے بقایا جات ادا کر دئیے ہیں جبکہ مئی کی تنخواہ بھی عید کی وجہ سے مئی ختم ہونے سے پہلے ہی ادا کر دی

  • میں یہ کام نہیں کرتی……زرتاج گل نے کیوں کی وضاحت؟

    میں یہ کام نہیں کرتی……زرتاج گل نے کیوں کی وضاحت؟

    تحریک انصاف کی رہنما وزیر مملکت برائے موسمیاتی تبدیلی زرتاج گل وزیر نے کہا ہے کہ میرے نام سے سوشل میڈیا پر بنائے گئے جعلی اکاونٹس سے شرانگیز مواد شائع کیا جا رہا ہے، میرا ان سے کوئی تعلق نہیں.

    باغی ٹی وی کی رپورٹ کے مطابق سماجی رابطے کی ویب سائٹ ٹویٹر پر زرتاج گل نے کہا کہ میرے نام سے فیس بک اور ٹویٹر پر بے شمار جعلی اکاونٹ بنے ہوئے ہیں جن پر شر انگیز مواد شائع کیا جا رہا ہے وزیرستان کے معاملے کے بارے میں، میرا ان اکائونٹس سے کوئی تعلق نہیں۔حقیقت یہ ہے کہ میں پاک فوج اور اپنی پشتون قوم کے لئے ہتک آمیز رویہ یا خیالات کبھی نہیں رکھ سکتی۔زرتاج گل نے مزید کہا کہ پی ٹی آئی کی حکومت میں قبائلیوں کا مستقبل بہت روشن ہے

    واضح رہے کہ ڈی جی آئی ایس پی آر میجر جنرل آصف غفور نے کہا تھا کہ شمالی وزیرستان کے میران شاہ علاقہ میں پاکستانی فوج کی خارکمر چیک پوسٹ پر حملہ پی ٹی ایم رہنما محسن جاوید داوڑ اور علی وزیر کی قیادت میں مسلح کارندوں نے کیا. حملہ آور گرفتار کئے گئے دہشت گردوں کے سہولت کاروں کی رہائی کیلئے دبائو ڈالنا چاہتے تھے. اس دوران پی ٹی ایم کارندوں نے چیک پوسٹ پر فائرنگ کی اور حملہ کیا جس سے 5 پاکستانی فوجی زخمی ہوئے ہیں جبکہ پاک فوج کی جوابی کاروائی میں‌ 3 حملہ آور مارے گئے جبکہ 10 زخمی ہوئے ہیں. مذکورہ واقعے کے بعد پی ٹی ایم رہنما اور رکن قومی اسمبلی علی وزیر سمیت 8 افراد کو حراست میں لے لیا گیا جبکہ محسن داوڑ موقع سے فرار ہوگئے۔ ڈی جی آئی ایس پی آرمیجر جنرل آصف غفور نے سماجی رابطے کی ویب سائٹ ٹویٹر پر ٹویٹ کرتے ہوئے کہا کہ معصوم پی ٹی ایم کارکنوں کی حفاضت کرنے کی ضرورت ہے، صرف چند افراد اپنا غیر قانونی ایجنڈہ لے کر ریاست کے خلاف لوگوں کو استعمال کر رہے ہیں. بہادر پاکستانی قبائلوں کی طویل عرصے سے قومی جدوجہد اور قربانیوں سے کسی کو کھیلنے کی اجازت نہیں دی جائے گی بہادرقبائلیوں اور پاک فوج کی قربانیاں رائیگاں نہیں جانے دیں گے .

  • لاڑکانہ میں ایڈز، عالمی تحقیقاتی ٹیم پاکستان پہنچ گئی

    لاڑکانہ میں ایڈز، عالمی تحقیقاتی ٹیم پاکستان پہنچ گئی

    بلاول زرداری کے آبائی حلقہ اور پیپلز پارٹی کے گڑھ لاڑکانہ میں ایچ آئی وی ایڈز پھیلنے کی تحقیقات کے لئے عالمی ماہرین کی ٹیم کراچی پہنچ گئی ہے.

    باغی ٹی وی کی رپورٹ کے مطابق بلاول زرداری کے حلقہ لاڑکانہ کے علاقے رتوڈیرو میں ایچ آئی وی سے متاثرہ 700 مریض سامنے آچکے ہیں جن میں 576 بچے بھی شامل ہیں۔ ڈاکٹرز نے 21 ہزار سے زائد افراد کے ٹیسٹس کئے ہیں۔ سندھ میں ایڈز کے مریضوں کی تعداد ہزارو ں میں ہے، ایڈ ز پھیلنے کے حوالہ سے تحقیقات کے لئے عالمی ماہرین کی ٹیم پاکستان آ ئی ہے جو رتوڈیرو جائے گی. 12 رکنی ٹیم میں عالمی ادارہ صحت، یونیسف، یو این ایڈز اور سینٹر فار ڈیزیز کنٹرول امریکہ کے ماہرین شامل ہیں۔ تحقیقاتی ٹیم امریکی، برطانوی، جرمن، سوئس، اطالوی، کینیڈین، تھائی، لبنانی، ایتھوپین اور پاکستانی ماہرین پر مشتمل ہے۔ بین الاقوامی تحقیقاتی ٹیم کی سربراہی عالمی ادارہ صحت کے ڈائریکٹر ڈاکٹر اولیور مورگن کر رہے ہیں۔

    بلاول زرداری نے سندھ میں ایڈز کے بڑھتے ہوئے مریضوں پر تشویش کا اظہار کرتے ہوئے اجلاس طلب کیا تھا جس میں ڈاکٹروں نے بریفنگ دیتے ہوئے بتایا کہ 32 دنوں میں رتو دیرو تعلقہ اسپتال میں 22ہزار سے زائد افراد کی ایچ آئی وی اسکریننگ کی گئی ہے. بلاول زرداری نے ایچ آئی وی سے متاثرہ بچوں سے ملاقات کی، ان کے والدین کو حوصلہ دیا ،کیمپ میں ایڈز کے مریضوں سے ملاقات کی. بلاول بھٹو زرداری نے ایچ آئی وی سے متاثرہ بچوں کے نئے قائم کیےگئے وارڈ کا بھی دورہ کیا. اس موقع پر بلاول زرداری نے کہا کہ ایچ آئی وی سے متاثرہ افراد کو تنہا نہیں چھوڑیں گے .

    واضح رہے کہ سندھ میں ایڈز کے مریضوں میں اضافہ ہونے پر شیخ رشید و دیگر نے بلاول پر تنقید کی تھی،