Category: اہم خبریں

سپریم کورٹ کے آئینی بینچ نے اسلام آباد ہائیکورٹ کے ججز کی نئی سنیارٹی لسٹ معطل کرنےکی استدعا مستردکردی

سپریم کورٹ میں اسلام آباد ہائیکورٹ کے ججز کے تبادلے اورسنیارٹی سےمتعلق درخواستوں پر سماعت جسٹس محمد علی مظہر کی سربراہی میں 5 رکنی آئینی بینچ نے کی، اسلام آباد ہائیکورٹ کے 5 ججز کے وکیل منیر اے ملک نے دلائل دیے،دلائل کے آغاز میں وکیل منیراے ملک نے کہا کہ اسلام آباد ہائیکورٹ میں ٹرانسفر ہونے والےججز کے معاملے کو آرٹیکل175 کے ساتھ دیکھنا چاہیے، ججز ٹرانسفر، فیڈرل ازم اور انتظامی کمیٹی کی تشکیل سے متعلق دلائل دوں گا، جسٹس علی مظہر نے کہا ججز ٹرانسفر آرٹیکل 200 کےتحت ہوئی، بہتر ہے دلائل کا آغاز بھی یہیں سے کریں، ہم ججز کو سول سرونٹ کے طور پر تو نہیں دیکھ سکتے،ایک جج کا ٹرانسفر 4 درجات پر رضامندی کے اظہار کے بعد ہوتا ہے، جس جج نےٹرانسفر ہونا ہوتا ہے اس کی رضامندی معلوم کی جاتی ہے، جس ہائیکورٹ سے ٹرانسفر ہونا ہوتی ہے اس کے چیف جسٹس سے رضامندی معلوم کی جاتی ہے، جس ہائیکورٹ میں آناہوتا ہے اس ہائیکورٹ کےچیف جسٹس کی رضامندی لی جاتی ہے، آخر میں چیف جسٹس پاکستان کی رضامندی کے بعد صدر مملکت ٹرانسفر کا نوٹیفکیشن جاری کرتے ہیں، آپ کو اعتراض ٹرانسفر پر ہے یا سینارٹی پر؟ اس پر منیر اے ملک نےجواب دیا ہمارا اعتراض دونوں پر ہے۔

جسٹس علی مظہر نے کہا آپ نئےالفاظ آئین میں شامل کروانے کی بات کر رہے ہیں، آرٹیکل 62 ون ایف نااہلی کیس میں آئین میں نئے الفاظ شامل کرکے نااہلی تاحیات کر دی گئی، اس فیصلے پر شدید تنقید ہوئی جسے نظرثانی میں تبدیل کیا گیا،جسٹس نعیم اختر افغان نے ریمارکس دیتے ہوئے کہا کہ جب ججزکی آسامیاں خالی تھیں توٹرانسفر کے بجائے ان ہی صوبوں سے نئےجج تعینات کیوں نہیں کیےگئے؟ کیا حلف میں ذکر ہوتا ہے کہ جج کون سی ہائیکورٹ کا حلف اٹھا رہے ہیں؟ اس پر وکیل منیر اے ملک نے کہا حلف کے ڈرافٹ میں صوبے کا ذکر ہوتا ہے، اسلام آباد ہائیکورٹ کا حلف اٹھاتے” اسلام آباد کیپٹل ٹیریٹری” کا ذکرآتا ہے،آئینی بینچ نے اسلام آباد ہائیکورٹ ججز کی نئی سنیارٹی لسٹ معطل کرنےکی استدعا مستردکردی، اس کے علاوہ ٹرانسفر ہونے والے ججز کو کام سے روکنے کی استدعا بھی مسترد کردی گئی۔

سپریم کورٹ نے 5 ججز کی درخواست پر نوٹسز جاری کرتے ہوئے قائم مقام چیف جسٹس اسلام آباد ہائیکورٹ سرفراز ڈوگر، جسٹس خادم حسین، جسٹس محمد آصف اورجوڈیشل کمیشن سمیت اٹارنی جنرل پاکستان کو بھی نوٹس جاری کرتے ہوئے سماعت 17اپریل تک ملتوی کردی

ٹی ٹی پی خوارج معصوم بچوں کو مدارس سے ورغلا کر خو د کش بمبار بنانے افغانستان لیجانے لگے

خوارج غلنئی مہمند کے مدرسے سے سیف اللہ خان نامی بچے کو مدرسے سے افغانستان لے گئے،سیف اللہ خان کی والدہ جو خود ایک بیوہ ہے بیٹے کی تلاش میں افغانستان پہنچ گئی،سیف اللہ کی والدہ کا کہنا تھا کہ "بیٹے کو مدرسے میں پڑھنے بھیجا تھا، جو ہر ہفتے بروز چھٹی گھر آتا تھا۔”میرا بیٹا کچھ ہی مہینے بعد مدرسے سے غائب ہوگیا، تلاش میں مدرسے گئی تو معلومات ملی کہ اسے خوارج افغانستان لے گئے ہے۔” "بڑی مشکل سے پاسپورٹ بنا کر بیٹے کی تلاش میں جلال آباد افغانستان پہنچی۔ اسکے بعد تربیتی مرکز چکنور پہنچی لیکن بتایا گیا کہ سیف اللہ خوست میں ٹریننگ کررہا ہے”۔”رابطہ نمبر دے کر بتایا گیا کنڑ جاکر ہمارے امیر سے ملو۔ وہاں فون پر میرا رابطہ سیف اللہ سے کرایا گیا، جس نے اعتراف کیا کہ میں ٹریننگ میں مصروف ہوں۔” "میرے بیٹے کو برین واش کرکے غلط راستے پر لگا دیا گیا۔ سیف اللہ سات بہنوں کا اکلوتا بھائی ہے اور ہمارا دوسرا کوئی سہارا نہیں””میں افغانستان میں موجود ہوں اور افغان حکومت سے میری درخواست ہے کہ میرے بیٹے کو میرے حوالہ کرنے میں مدد کرے”

پاکستان مسلم لیگ ق کے انٹرا پارٹی انتخابات میں چوہدری شجاعت حسین کو بلامقابلہ صدر منتخب کر لیا گیا، جبکہ طارق حسن بلا مقابلہ سیکرٹری جنرل منتخب ہوگئے ہیں۔ یہ انتخابات مسلم لیگ ق کی مرکزی جنرل کونسل کے اجلاس میں منعقد ہوئے جس میں پارٹی کے اہم رہنماؤں اور اراکین نے شرکت کی۔

چوہدری شجاعت حسین کی قیادت میں ہونے والے ان انتخابات میں دیگر اہم عہدوں پر بھی انتخابات مکمل ہوئے۔ چوہدری سالک حسین مسلم لیگ ق کے سینئر نائب صدر منتخب ہوئے ہیں، جب کہ چوہدری شافع حسین کو مسلم لیگ پنجاب کا جنرل سیکرٹری مقرر کیا گیا۔ ڈاکٹر محمد امجد کو مسلم لیگ ق کا چیف آرگنائزر اور غلام مصطفیٰ ملک کو مرکزی سیکرٹری اطلاعات مقرر کیا گیا ہے۔اس اجلاس میں چاروں صوبوں، اسلام آباد اور گلگت بلتستان سے جنرل کونسل کے اراکین نے شرکت کی۔ اجلاس کے دوران مختلف اہم مسائل پر بھی بحث کی گئی۔ خاص طور پر مسئلہ کشمیر اور فلسطین میں مسلمانوں پر ہونے والے مظالم کی مذمت کی گئی، اور ان پر تشویش کا اظہار کیا گیا۔اس موقع پر ملک میں جاری دہشت گردی کی بھی شدید مذمت کی گئی، اور افواج پاکستان، رینجرز اور پولیس کے کردار کو سراہتے ہوئے انہیں خراج تحسین پیش کیا گیا۔

چوہدری شجاعت حسین نے اجلاس سے خطاب کرتے ہوئے کہا کہ "قرآن ہمارا منشور ہے اور ہم خدمت کی سیاست پر یقین رکھتے ہیں۔ ہمیں منافقت اور تکبر سے بچنا چاہیے۔” ان کا مزید کہنا تھا کہ "مسلم لیگ نے پاکستان بنایا تھا، اور یہی جماعت پاکستان کو بچائے گی۔” انہوں نے تمام منتخب عہدیداروں کو پارٹی کو منظم، مستحکم اور فعال بنانے کی ہدایت دی۔

یہ اجلاس مسلم لیگ ق کے اندرونی استحکام اور مستقبل کی حکمت عملی کو مزید مستحکم کرنے کی طرف ایک اہم قدم تھا۔