استحکام پاکستان پارٹی کے رہنما عون چوہدری نے عمران خان کے بیان پر رد عمل دیتے ہوئے کہا ہے کہ عمران خان کی جانب سے یہ کہنا کہ بشریٰ بی بی کو نکاح سے پہلے نہیں دیکھنے کا دعویٰ اس صدی کا سب سے بڑا جھوٹ ہے، سابق چیئرمین بشریٰ بی بی سے ایک بار نہیں کئی بار نکاح سے پہلے ملے، گھنٹوں ملاقات کرتے رہے۔ اس سے قبل بانی پی ٹی آئی عمران خان کا کہنا تھا کہ بشریٰ بی بی کی شکل دیکھی ہی تب تھی جس دن نکاح کیا تھا۔
انہوں نے کہا کہ بشریٰ بی بی قرآن پر حلف دے دیں کہ انہوں نے سابق چیئرمین پی ٹی آئی کا نکاح سے پہلے چہرہ نہیں دکھایا، میں خود سابق چیئرمین پی ٹی آئی کو ملاقات کیلئے لے کر جاتا رہا۔عون چوہدری نے کہا کہ بانی پی ٹی آئی کے پول کھولے تو انہیں شرم سے سر چھپانے کی جگہ نہیں ملے گی، بانی پی ٹی آئی بشریٰ بی بی سے نکا ح سے پہلے درجنوں بار ملے بھی اور دیکھا بھی تھا۔ عون چوہدری نے یہ بھی کہا کہ خود کو قوم کا لیڈر کہنے والا جھوٹ بولے تو میرا فرض ہے کہ سچ سامنے لاؤں، سابق چیئرمین جھوٹ میں کتنا گریں گے کہ جھوٹا قرآن اٹھانے تک پہنچ گئے، سابق تعلق کا لحاظ رکھ رہا ہوں ورنہ ایسے راز کھولوں کہ سابق چیئرمین پی ٹی آئی کا گند دنیا کے سامنے آجائے۔انہوں نے یہ بھی کہا کہ سابق چیئرمین کی سیاست جھوٹ پر مبنی ہے اللّٰہ کا شکر ہے کہ ان کو وقت پر ہی چھوڑ دیا، نئے چیئرمین پی ٹی آئی کیلئے بیرسٹر گوہر علی کی نامزدگی بھی ان کے اندر کے خوف کی عکاس ہے، سابق چیئرمین پی ٹی آئی پارٹی کے کسی اہل شخص کو پارٹی میں مقام دینا ہی نہیں چاہتے۔
Category: اہم خبریں
-
عمران خان بشری بی بی کو درجنوں بار ملے بھی اور انکو دیکھا بھی ،عون چودھری کا دعویٰ
-
9مئی لندن پلان کا حصہّ تھا مجھے غیر آئینی طور پر پکڑاگیا،سابق چئیرمین پی ٹیآئی
راولپنڈی: سابق وزیر اعظم اور سابق چئیرمین پاکستان تحریک انصاف عمران خان کا کہنا ہے کہ مجھے کوئی فرق نہیں پڑتا جان دینے کو تیار ہوں،9مئی لندن پلان کا حصہّ تھا مجھے غیر آئینی طور پر پکڑاگیا-
باغی ٹی وی: سابق وزیر اعظم عمران خان اور شاہ محمودقریشی کی کمرہ عدالت میں موجود میڈیا سے سوالات و جوابات دیئے ،صحافی نے سوال کیا کہ آپ سے کسی نے مزاکرات کئے ،سابق چئیرمین پی ٹی آئی نے کہاکہ مجھ سے نہ کوئی ملا نہ مزاکرات کئے ،اس سوال پر کہ حالات بتاتے ہیں آپ کو طویل عرصے تک جیل میں رہنا پڑے گا ؟ جواب میں عمران خان نے کہا کہ مجھے کوئی فرق نہیں پڑتا جان دینے کو تیار ہوں،9مئی لندن پلان کا حصہّ تھا مجھے غیر آئینی طور پر پکڑاگیا-
سابق چئیرمین پی ٹی آئی نے کہا کہ اڑتالیس گھنٹوں میں دس ہزار لوگوں کو گرفتار کیا، یاسمین راشد واضح طور پر کہہ رہی ہے کہ لوگ اندر نہ جائیں، سی سی ٹی وی دیکھ لیں ان کو کون اندر لے کر گیا-
عمران خان کی آفیشل سیکرٹ ترمیمی ایکٹ کیخلاف دائر درخواست کی جلد سماعت کی …
شاہ محمود قریشی سے صحافی نے سوال کیا کہ شاہ محمود قریشی صاحب بیرسٹر گوہر کو چیرمین بنایا گیا ،جس پر شاہ محمود قریشی نے جواب دیا کہ مجھے کسی عہدے کی ضرورت نہیں خان کیساتھ کل بھی تھا اور آج بھی ہوں آئندہ بھی رہوں گا ،چیرمین کی موجودگی میں بتانا چاہتا ہوں کہ جو خان سے اور قانون کی حکمرانی سے محبت کرتے ہیں نظریاتی ہیں وہ باہر نکلیں اور ووٹ ڈالیں-
سابق وزیراعظم عمران خان نے کہا کہ جو انہوں نے بشریٰ بی بی کے سابقہ خاوند کے زریعے کرایا ہے جھوٹا الزام لگایا ہے انتہائی اخلاق سے گرے ہوئے لوگ ہیں ، قسم اٹھانے کیلیے تیار ہوں اور قرآن پر ہاتھ رکھنے کیلئے تیار ہوں بشری کو اس دن دیکھا جس دن میرا نکاح ہؤا، قوم کو پیغام دینا چاہتا ہوں آپ کا کپتان آخری سانس تک لڑنے کیلئے تیار ہے ، لندن پلان نواز شریف کو لانے ہمیں جیلوں میں ڈالنے اور پی ٹی آئی کو ختم کرنے کیلئے تھا-
سائفر کیس: عمران خان اور شاہ محمود پر12 دسمبر کو فرد جرم عائد کی …
عمران خان نے کہا کہ میں آج آپ کو واضح کر رہا ہوں الیکشن پی ٹی آئی جیتے گی، مجیب الرحمٰن کیخلاف انہوں نے کیا کیا پر اس نے 162 سیٹیں جیتیں تھیں، حالات دیکھ کر خدشہ ہے کہیں یہ الیکشن سے بھاگ ہی نہ جائیں ۔
شاہ محمود قریشی نے کہا کہ مہاتما گاندھی کو آپ نے دیکھا تھا کہ اس کو کسی عہدے کی ضرورت نہیں تھی ،اس وقت میں بھی اس اسٹیج پر پہنچ چکا ہوں مجھے کسی عہدے کی ضرورت نہیں ،خان اور پی ٹی آئی کے لوگوں کے دلوں میں بس چکا ہوں ۔
سابق چیرمین پی ٹی آئی نے کہا کہ 6.17 کی گروتھ کو صفر پر لے آئے ہیں ،لوگ کیا پاگل ہیں انہیں نہیں پتہ کہ انہوں نے کیا کیا ہے ۔
ایک اور پی ٹی آئی رہنما اشتہاری قرار
-
چلاس: مسافر بس پر فائرنگ، 8 مسافر جاں بحق اور 16 زخمی
چترال ،باغی ٹی وی (نامہ نگارگل حماد فاروقی )گلگت بلتستان میں شاہراہ قراقرم سے گزرنے والے مسافر بس پر نامعلوم افراد نے فائرنگ کردی جس کے باعث بس میں آگ بھی بھڑک اٹھی نتیجے میں 8 مسافر جاں بحق اور 16 زخمی ہوگئے۔
تفصیل کے مطابق آج بوقت 18:30 بجے بمقام ہڈور پڑی کے سامنے گلگت سے پنڈی جانے والی K2 بس 4647- BLN کے اوپر نامعلوم افراد کی فائرنگ اب تک کی اطلاعات کے مطابق بس میں موجود 16زخمی جبکہ 08 افراد جابحق ہوئے ہیںڈپٹی کمشنر چلاس کیپٹن ریٹائرڈ عارف احمد نے ایک پریس کانفرنس میں بتایا کہ اس بس کے حادثے میں آٹھ افراد ہلاک ہوئے ہیں جن میں سے ابھی تک پانچ کی شناخت ہوئی جبکہ زخمی ہونے والوں کی تعداد 26 بنتی ہے۔
اس حادثے میں جن پانچ مرنے والوں کی شناخت ہوئی ہے
جن میں عبد القیوم ولد عبدالروف ساکن شہداد کوٹ سندھ، نصیر حوالدار 23 بلوچ سندھ، کمال عباس ولد میرزا حسین ساکن نلتر، اورنگزیب ولد صوبیدار ساکن پالس کوہستان اور میر عالم ولد داؤد ساکن ہنزہ شامل ہیں ،ڈی سی چلاس کے مطابق مرنے والوں میں فوج کے دو جوان بھی شامل ہیں۔
زخمیوں کی تفصیل
1. شکور جان ولد غلام رضا ،2. مظہر ولد شکور جان ساکن دینور گلگت،3. شبیر ولد سید شاہ علی ساکن سکوار گلگت،4. نور بیگم زوجہ صفر علی گاہکوچ،5. تاج بیگم زوجہ یوسف ساکن گاہکوچ،6. اسلام گل ولد راہی گل ساکن پشاور،7. معاز خان ولد ذاکر حسین ساکن حیدرآباد آرمی پرسن 23 بلوچ ریجمنٹ، 8. صفر علی ولد راحیم علی ساکن شیر قلعہ،9. محمد علی ولد یاسین ساکن سکردو،10. رحمت جان ولد غلام علی ساکن پو،11. شکیل احمد ولد علی شیر ساکن سکردو،12. نظیر ولد غلام احمد غذر،13. محمد حسین ولد غلام محدی ساکن سکردو،14. محمد الطاف ولد سخی محمد چھموگڑ ،15. مزمل علی ولد ظفر علی ساکن غذر ،16. فدا کریم ولد ذاکر ساکن نگر شامل ہیںڈی سی چلاس کیپٹن عارف کے مطابق یہ بس خصر کے علاقے گاگوچ سے راولپنڈی کے لیے روانہ ہوئی تھی۔ ان کے مطابق اس بس کے مسافروں میں گوپیز سے تعلق رکھنے والے مفتی شیر زمان بھی شامل تھے، جو اس واقعے میں زخمی ہوئے ہیں۔
امدادی ادارے کے ذرائع نے بتایا ہے کہ فائرنگ کے نتیجے میں مسافر بس میں آگ بھڑک اٹھی جس کے سبب خواتین اور بچوں سمیت متعدد افراد زخمی ہوئے جن کی حالت تشویشناک ہے۔
پولیس کے مطابق واقعے کے زخمیوں کو ریجنل ہیڈ کوارٹر ہسپتال چلاس پہنچا دیا گیا ہے، فائرنگ کی شکار مسافر بس ضلع غذر کے مسافروں کو لے کر راولپنڈی جارہی تھی، ایک درجن سے زائد زخمیوں کو ریجنل ہیڈکوارٹر ہسپتال چلاس پہنچایا گیا ہے
-
چیف جسٹس کو دباؤ میں لایا جا سکتا ہے نہ کسی کی حمایت کرینگے،سپریم کورٹ کا اعلامیہ
عمران خان کے چیف جسٹس پاکستان کے نام خط پر سپریم کورٹ کا اعلامیہ جاری کیا گیا ہے
اعلامیہ میں کہا گیا ہے کہ چیف جسٹس پاکستان قاضی فائز عیسی کو اپنی آئینی ذمہ داریوں کا ادراک ہے،چیف جسٹس فائز کسی کو نہ دباو میں لایا جا سکتا ہے نہ کسی کی حمایت کرینگے۔ چیف جسٹس فائزعیسی اللہ کے فضل سے اور اپنے حلف کے مطابق فرائض کی انجام دہی کرتے رہیں گے۔یکم دسمبر کو 84 صفحات کی درخواست موصول ہوئی جو زرد رنگ کی پیپر بک میں ہے۔دستاویز تیار کرنے والے وکیل کا نام اور رابطہ کی تفصیلات نہیں دی گئی۔لفافے کے مطابق دستاویز انتظار حسین پنجھوتہ نے کورئیئر کی تھی۔دستاویز بظاہر ایک سیاسی جماعت کی جانب سے بھیجی گئی ہے۔اس جماعت کی اچھی نمائندگی وکلاء کرتے رہے ہیں۔پچھلے دنوں سپریم کورٹ میں اس جماعت کے وکلاء فوجی عدالتوں اور انتخابات کیس کو تکمیل تک لے گئے۔یہ امر حیران کن ہے کہ سربمہر لفافہ موصول ہونے سے پہلے ہی دستاویز کس نے میڈیا کو جاری کیا.
واضح رہے کہ عمران خان کی جانب سے چیف جسٹس قاضی فائز عیسی کے نام خط لکھا گیا تھا،خط میں پی ٹی آئی کی سیاسی تشہیر،اغوا اور گمشدگیوں کےخلاف نوٹس لینے کی اپیل کی گئی ہے،خط میں چیف جسٹس سے وفاق وصوبائی حکومتوں کو لیول پلئنگ فیلڈ دینے کیلئے ہدایات جاری کرنے کی استدعا بھی کی گئی،خط میں چیف جسٹس سے شہریوں کے بنیادی حقوق کے تحفظ کا مطالبہ بھی کیا گیا، خط میں کہا گیا کہ تحریک انصاف سے وابستہ افراد کو انتقام کا نشانہ بنایا جارہا ہے،تحریک انصاف سے وابستہ رہنماؤں کو جبری گمشدہ کیا جارہا ہے،بڑی تعداد میں لوگوں کی سیاسی وفاداریاں زبردستی تبدیل کروائی جارہی ہیں،ضمانت ہونے کے باوجود سیاستدانوں کی گرفتاریاں روکی جائیں،چیئرمین پی ٹی آئی نے چیف جسٹس سے سیاستدانوں کی جبری گمشدگیوں پر کمیشن قائم کرنے کا مطالبہ کردیا،خط میں کہا گیا کہ وفاقی و صوبائی حکومتوں سمیت الیکشن کمیشن کو حکم دیا جائے کہ پی ٹی آئی امیدواروں کو الیکشن مہم کی اجازت دیں،پیمرا کو حکم دیا جائے کہ دیگر جماعتوں کی طرح پی ٹی آئی کو بھی میڈیا کوریج فراہم کی جائے، سینئیر وکیل اعتزاز احسن نے سیاستدانوں کی جبری گمشدگیوں سے متعلق پٹیشن دائر کی،اس خط کو آئین کے آرٹیکل 184 (3) کے تحت پٹیشن کے طور پر لیا جائے،
عمران اور بشریٰ کی آخری ملاقات، تیاریاں ہو گئیں
بالآخر عمران ریاض بول ہی پڑے، کیا کہا ؟ پی ٹی آئی کا جلسہ، عمران خان کا خطاب تیار
کاکڑ سے ملاقات، غزہ اور مجبوریاں، انسانیت شرما گئی
نور مقدم کو بے نور کرنے والا آزادی کی تلاش میں،انصاف کی خریدوفروخت،مبشر لقمان ڈٹ گئے
میچ فکسنگ، خطرناک مافیا ، مبشر لقمان کی جان کو خطرہ
اسرائیل پر حملہ کی اصل کہانی مبشر لقمان کی زبانی
قانونی جنگ جیتنے پر مبشر لقمان کا ایڈوکیٹ رضوان عباسی کے نام خط
جنرل عاصم منیر کے نام مبشر لقمان کا اہم پیغام
عمران خان پربجلیاں، بشری بیگم کہاں جاتی؟عمران کےاکاونٹ میں کتنا مال،مبشر لقمان کا چیلنج
بشریٰ بی بی، بزدار، حریم شاہ گینگ بے نقاب،مبشر لقمان کو کیسے پھنسایا؟ تہلکہ خیز انکشاف
لوگ لندن اور امریکہ سے پرتگال کیوں بھاگ رہے ہیں،مبشر لقمان کی پرتگال سے خصوصی ویڈیو
مبشر لقمان کا کہنا تھا کہ بہت ہی اہم خبر لے کر آیا ہوں،
مبش لقمان کا کہنا تھا کہ ضیا الحق کی مدد کرنے والوں میں نواز شریف سب سے آگے تھے
خاور مانیکا انٹرویو اور شاہ زیب خانزادہ کا کردار،مبشر لقمان نے اندرونی کہانی کھول دی
وزیراعظم سمیت کروڑوں کا ڈیٹا لیک،سیاست کا 12واں کھلاڑی کون
بلاول اور آصف زدراری کی شدید لڑائی،نواز کا تیر نشانے پر،الیکشن اکتوبر میں
-
قوم کی حمایت سے دشمنوں کو شکست دیں گے، آرمی چیف
آرمی چیف جنرل عاصم منیر نے خیرپورٹامیوالی کا دورہ کیا اوربہاولپورکورکی مشقوں کا مشاہدہ کیا۔اس موقع پرآرمی چیف کو مشقوں کے بارے میں تفصیلی بریفنگ دی گئی
ڈی جی آئی ایس پی آر کے مطابق مشقوں کا مقصد چیلنجز سے نمٹنا اور پیشہ ورانہ مہارت کو بڑھانا ہے، آرمی چیف جنرل سید عاصم منیر نے فیلڈ فائر،ایئر ڈیفنس، آرمڈ کور،اینٹی ٹینک گائیڈڈ میزائل اور دیگر مشقوں کا معائنہ کیا،بعد میں آرمی چیف جنرل سید عاصم منیر نے مشق میں حصہ لینے والے فوجی جوانوں سے بات چیت بھی کی، آرمی چیف نے تربیتی معیار، آپریشنل تیاریوں اور افسران اور دستوں کے بلند حوصلے کو سراہا۔ آرمی چیف جنرل سید عاصم منیر نے فوجی جوانوں کو ہدایت کی کہ وہ ہر حال میں روایتی جوش اور جذبے کے ساتھ قوم کی خدمت کرتے رہیں۔
ڈی جی آئی ایس پی آر کے مطابق آرمی چیف جنرل سید عاصم منیر کا کہنا تھا کہ "ہم چیلنجوں سے بخوبی واقف ہیں اور قوم کی حمایت سے ہم پاکستان کے دشمنوں کے کسی بھی مذموم عزائم کو ناکام بنانے کے لیے تیار ہیں”،پاک فوج ہر قسم کی مشکلات کے خلاف پاکستان کی علاقائی سالمیت اور خودمختاری کے دفاع کے لیے پوری طرح تیار ہے۔ پاک فوج کی پوری توجہ مادر وطن کی سرحدوں کے خطرات کے خلاف دفاع پر مرکوز ہے اور قوم کی حمایت سے مسلح افواج پاکستان کے دشمنوں کو شکست دیں گی، انشااللہ،
قبل ازیں آرمی چیف کی آمد پر کور کمانڈر بہاولپور نے استقبال کیا۔
غزہ سے فلسطینیوں کی جبری بے دخلی سنگین جرم ہے، آرمی چیف
نوجوان فکری وسائل بروئے کار لاکر درپیش چیلنج کا حل تلاش کریں۔ آرمی چیف
عمان کی رائل آرمی کے کمانڈر کی آرمی چیف سے ملاقات
یوم تکریم شہدائے پاکستان کے موقع پر جنرل ہیڈ کوارٹرز (جی ایچ کیو) میں مرکزی تقریب
یوم تکریم شہدائے پاکستان کی مناسبت سے نغمہ جاری
ہندو برادری بھی شہداء کی عزت و تکریم کے لئے میدان میں آ گئی
آرمی چیف جنرل عاصم منیر سے قطر آرمڈ فورسز کے چیف آف اسٹاف کی ملاقات
آرمی چیف جنرل سید عاصم منیر سے علمائے کرام و مشائخ کی ملاقات
امام کعبہ کا پاکستان آنا پاکستانی عوام کے لیے اعزاز کی بات ہے،آرمی چیف
آرمی چیف جنرل سید عاصم منیر کا کہنا تھا کہ خون کے آخری قطرے تک لڑیں گے،
-
متحدہ عرب امارات کا قومی دن، نگران وزیراعظم کا پیغام
متحدہ عرب امارات ہر سال دو دسمبر کو اپنا قومی دن مناتا ہے ، آج عرب امارات 52 واں قومی دن منا رہا ہے
متحدہ عرب امارات کے قومی دن کے موقع پر نگرا وزیراعظم انوارالحق کاکڑ، سابق وزیراعظم شہباز شریف، چیئرمین سینیٹ سمیت دیگر نے متحدہ عرب امارات کومبارکباد دی ہے،نگران وزیراعظم انوار الحق نےمتحدہ عرب امارات کے قومی دن پر پیغام میں کہا کہ 52ویں قومی دن پر یو اے ای کی حکومت اور عوام کو مبارکباد دیتا ہوں،تاریخی دن پرکوپ 28 میں شرکت کیلئے دبئی میں موجودگی پرخوشی ہے ،پاکستان کو اپنے اماراتی بھائیوں کی زبردست ترقی پر فخر ہے،یواے ای کے بانی مرحوم شیخ زید بن سلطان کی فہم وفراست کو سلام پیش کرتے ہیں،متحدہ عرب امارات کے صدر،وزیراعظم کی قائدانہ صلاحیتیں قابل ستائش ہیں۔محمد بن زاید،محمد بن راشد نے یو اے ای کو تجارت ،سیاحت و ٹیکنالوجی کا مرکز بنایا۔پاکستان ترقی اور کامیابی کے سفر میں یو اے ای کا شراکت دار رہے گا ،
پاکستان اور متحدہ عرب امارت کے دیرینہ باہمی اور تاریخی برادرانہ تعلقات ہیں.اِس موقع کی مناسبت سے پاکستان اور متحدہ عرب امارات کی لازوال دوستی کو اجاگر کرنے کے لئے نیا خوبصورت گانا “امارات اور پاکستان” لانچ کر دیا گیا ،گانے کے خوبصورت بول پاکستان اور متحدہ عرب امرات کی دوستی کی عکاسی کرتے ہیں ،“امارت و پاکستان دو دل ہیں مگر ایک جان”
“ہم پے ہے رب کا یہ احسان،
دوستی، دوستی، دوستی یہ زندہ آباد”گانے کے دِل کو چھو لینے والے بول متحدہ عرب امارات کے نیشنل ڈے کے موقع پر دونوں ممالک کے عوام کے جذبات کی عکاسی کرتا ہے
متحدہ عرب امارات کا قومی دن مبارک ہو!!! — بلال شوکت آزاد
متحدہ عرب امارات کے51 ویں قومی دن پر تصویری نمائش کا انعقاد
وفاقی وزیر قانون اعظم نذیر تارڑ سے متحدہ عرب امارات کے ہم منصب کی ٹیلی فونک بات چیت
چیئرمین سینیٹ محمد صادق سنجرانی نے متحدہ عرب امارات کے قومی دن کے موقع پر متحدہ عرب امارات کی قیادت اور عوام کو پاکستان کی پارلیمان، حکومت اور عوام کی جانب سے دل کی اتھاہ گہرائیوں سے مبارکباد دی ہے۔ چیئرمین سینیٹ نے کہا کہ متحدہ عرب امارات کی سیاسی قیادت نے ترقی و خوشحالی کی جو منزلیں طے کی ہیں وہ قابل تحسین ہیں۔ پاکستان متحدہ عرب امارات کے عوام کی خوشیوں میں برابر کے شریک ہے۔ انہوں نے کہا کہ خطے کی ترقی، معاشی خوشحالی اور امن کا فروغ ہمارا مشترکہ ویژن ہے۔ پاکستان اور متحدہ عرب امارات کے مابین برادرانہ تعلقات کثیر الجہتی تعاون پر محیط ہیں۔ بھائی چارے اور اعتماد کا رشتہ مشترکہ مذہبی و ثقافتی روابط کے باعث مزید مستحکم ہو اہے۔ چیئرمین سینیٹ نے کہا کہ بین الاقوامی فورمز پر مثالی تعاون پاکستان اور متحدہ عرب امارات کے مابین اعتماد اور احترام کو ظاہر کرتا ہے۔ ہمیں ان تعلقات اور بھائی چارے کی فضاء کو مزید تقویت دینے کیلئے اعلیٰ سطح پر وفود کے تبادلوں میں تیزی لانے اور تجارتی سرگرمیوں کو مزید بڑھانے پر توجہ دینا ہوگی۔ محمد صادق سنجرانی نے کہا کہ سرمایہ کاری اور کاروباری نقل و حمل کے ذریعے دونوں اطراف کے عوام کو مزید قریب لایا جا سکتا ہے۔ ۔ پاکستان اور متحدہ عرب امارات کی دوستی وقت کے ہر امتحان پر پورا اتری ہے۔ چیئرمین سینیٹ نے کہا کہ وہ متحدہ عرب امارات اور پاکستان کیلئے نئی کامیابیوں اور ترقی کیلئے دعا گو ہیں۔ پاکستان۔متحدہ عرب امارات دوستی زندہ باد۔
سیلاب متاثرین کی مدد میں متحدہ عرب امارات کا مثالی کردار
مقامی ہوٹل میں متحدہ عرب امارات کے 51ویں قومی دن کی تقریب منعقد ہوئی
-
عمران خان آؤٹ،بیرسٹر گوہر علی بلا مقابلہ پی ٹی آئی چیئرمین منتخب، اکبر ایس بابر کا بھی اعلان
عمران خان آؤٹ،بیرسٹر گوہر علی خان بلامقابلہ تحریک انصاف کے چیئرمین منتخب ہوگئے ہیں
تحریک انصاف کے رجسٹرڈ ووٹرز نے آج نئے چیئرمین کا انتخاب کیا،بیرسٹر گوہر خان نے چیئرمین پی ٹی آئی کے عہدے کے لیے کاغذاتِ نامزدگی جمع کروائے تھے۔ انکے مقابلے میں کسی نے کاغذات جمع نہیں کروائے،چیف الیکشن کمشنر نیاز اللہ نیازی کے مطابق عمر ایوب پی ٹی آئی کے بلا مقابلہ مرکزی جنرل سیکرٹری منتخب ہوگئے ہیں، علی امین گنڈاپور تحریک انصاف خیبرپختونخوا،یاسمین راشدپنجاب کی صدر منتخب ہوئی ہیں، حلیم عادل شیخ سندھ پی ٹی آئی کے صدر منتخب ہو گئے ہیں،جبکہ منیر احمد بلوچ بلوچستان کے صدر پی ٹی آئی منتخب ہوئے ہیں
چیف الیکشن کمشنر نیاز اللہ نیازی کا کہنا تھا کہ تحریک انصاف انٹرا پارٹی الیکشن میں ایک پینل سامنے آیا ، قواعد کے مطابق اعلان کر رہے ہیں، قانون کی بالا دستی اور پاسداری پر ملک قائم ہوگا ،
الیکشن کمیشن کی ہدایت پر تحریک انصاف کے انٹرا پارٹی انتخابات آج ہو ئے،انٹرا پارٹی الیکشن کے دوران پی ٹی آئی کے چیئرمین، وائس چیئرمین، مرکزی صدر، جنرل سیکرٹری سمیت صوبائی قیادت کا چناؤ کیا گیا۔
دوسری جانب تحریک انصاف کے بانی رہنما اکبر ایس بابر نے تحریک انصاف انٹرا پارٹی انتخابات کو چیلنج کرنے کا اعلان کردیا،اکبر ایس بابر اہم پریس کانفرنس بھی کرینگے،پی ٹی آئی انٹراپارٹی انتخابات میں بےضابطگی کےپیش نظر الیکشن کمیشن میں درخواست جمع کروائی جائے گی، اکبر ایس بابر کا دعوی ہے کہ ہائیکورٹ کے فیصلے کے بعد وہ پی ٹی آئی کا حصہ اور بانی رہنما ہیں، اکبر ایس بابر نیشنل پریس کلب اسلام آباد میں آج دن تین بجے اس حوالہ سے پریس کانفرنس کریں گے
اسلامی شرعی احکامات کا مذاق اڑانے پر عمران نیازی کے خلاف راولپنڈی میں ریلی نکالی
ویڈیو آ نہیں رہی، ویڈیو آ چکی ہے،کپتان کا حجرہ، مرشد کی خوشگوار گھڑیاں
خاور مانیکا انٹرویو اور شاہ زیب خانزادہ کا کردار،مبشر لقمان نے اندرونی کہانی کھول دی
ریحام خان جب تک عمران خان کی بیوی تھی تو قوم کی ماں تھیں
خاور مانیکا کے انٹرویو پر نواز شریف کا ردعمل
بشریٰ بی بی کی سڑک پر دوڑیں، مکافات عمل،نواز شریف کی نئی ضد، الیکشن ہونگے؟
جعلی رسیدیں، ضمانت کیس، بشریٰ بی بی آج عدالت پیش نہ ہوئیں
عمران خان، بشریٰ بی بی نے جان بوجھ کر غیر شرعی نکاح پڑھوایا،مفتی سعید کا بیان قلمبند
واضح رہے کہ الیکشن کمیشن آف پاکستان نے تحریک انصاف کا بلے کا نشان برقرار رکھتے ہوئے 20 روز میں دوبارہ انٹرا پارٹی الیکشن کرانے کا حکم دے رکھا ہے، الیکشن کمیشن نے کہا کہ تحریک انصاف 20 دن میں انٹرا پارٹی الیکشن یقینی بنائے،الیکشن کے 7 دن بعد رپورٹ جمع کرائی جائے، اگر پارٹی الیکشن نہ کرائے گئے تو تحریک انصاف انتخابی نشان کے لیے نااہل ہو گی.
-
سائفر کیس، عدالت کا چار ہفتوں میں ٹرائل مکمل کرنے کا عندیہ
سائفر کیس میں بڑی پیش رفت ،آفیشل سیکرٹ ایکٹ کی خصوصی عدالت نے ٹرائل چار ہفتوں میں مکمل کرنے کا عندیہ دے دیا
جج آفیشیل سیکرٹ ایکٹ عدالت ابوالحسنات ذوالقرنین نے ریمارکس دیتے ہوئے کہا کہ اسلام آباد ہائیکورٹ کیس کا ٹرائل چار ہفتوں میں مکمل کرنے کا حکم دے چکی ہے،سائفر کیس کی مزید سماعت دو دسمبر کو صبح نو بجے جیل میں ہوگی،چیئرمین پی ٹی آئی اور شاہ محمود قریشی کیخلاف کیس کی سماعت کا تحریری حکمنامہ جاری کر دیا گیا، عدالت نے کہا کہ چیئرمین پی ٹی آئی اور شاہ محمود قریشی کو عدالت میں پیش نہیں کیا گیا، گزشتہ سماعت پر عدالت نے آئی جی اور احساس اداروں کی رپورٹ کی روشنی میں جیل ٹرائل کا حکم دیا تھا، چیف کمشنر اسلام آباد اور سپرٹینڈنٹ جیل کو قانونی تقاضے پورے کرنے کی ہدایت کی تھی ، وزارت قانون نے 29 نومبر کو جیل ٹرائل کا نوٹیفکیشن جاری کیا، جیل سپرٹنڈنٹ کا 30 نومبر کو خط عدالت کو موصول ہوا، اب 28 نومبر کے حکم کے مطابق سائفر کیس میں جیل ٹرائل ہوگا، چیئرمین پی ٹی آئی کی عدالت پیشی کے لیے ایف آئی اے کو نوٹس جاری کر دیئے گئے
سائفر کیس کی سماعت کل تک کیلئے ملتوی
سائفر کیس، آج مایوسی ہوئی، عدالت کو کہا فیصلے کو منوائیں، وکیل عمران خان
سائفر کیس میں چیئرمین پی ٹی آئی کا جیل ٹرائل کالعدم قرار
سائفر کیس،لگی دفعات میں سزا،عمر قید،سزائے موت ہے،ضمانت کیس کا فیصلہ
سائفر کیس، اسلام آباد ہائیکورٹ کا حکم امتناع،اڈیالہ جیل میں سماعت ملتوی
سائفر کیس، شاہ محمود قریشی کی درخواست ضمانت مسترد
اسلام آباد ہائیکورٹ کا سائفر کیس کی سماعت روکنے کا حکم
سائفر معاملہ؛ اعظم خان کے بعد فارن سیکرٹری بھی عمران خان کیخلاف گواہ بن گئے
-
القادر ٹرسٹ کیس،عمران خان،بشری،فرح گوگی،ملک ریاض و دیگر کیخلاف نیب ریفرنس دائر
عمران خان، شہزاد اکبر،زلفی بخاری، فرح گوگی و دیگر کے وارنٹ جاری
نیب نے عمران خان کے وارنٹ گرفتاری جاری کردیے،نیب نے شہزاد اکبر،ضیا المصطفی،زلفی بخاری،فرح گوگی کے بھی وارنٹ گرفتاری جاری کر دیے،ملزمان پر کرپشن، بدعنوانی اور اختیارات کے ناجائز استعمال کا الزام ہے،نیب نے ملزمان کو کرپشن، بدعنوانی اور اختیارات کے ناجائز استعمال پر وارنٹ گرفتاری کیے،نیب نے آئی پنجاب کو ملزمان کی گرفتاری کی تعمیل کیلئے ہدایت کر دی، نیب نے کہا کہ ملزمان کو گرفتار کر کے متعلقہ عدالت پیش کیا جائے،
چیئرمین پی ٹی آئی عمران خان کی مشکلات میں مزید اضافہ، 190 ملین پاؤنڈ کیس ،نیب نےعمران خان اور دیگر ملزمان کے خلاف ریفرنس دائر کردیا،ریفرنس میں چیئرمین پی ٹی آئی کے علاوہ بشری بی بی، فرح گوگی، شہزاد اکبر اور دیگر شامل ہیں،ملزمان میں زلفی بخاری، بیرسٹر ضیاء اللہ مصطفٰی نسم ،ملک ریاض اور علی ریاض شامل ہیں، نیب راولپنڈی کی جانب سے دائر ریفرنس میں کل 8 ملزمان کے نام شامل ہیں،ڈپٹی پراسیکیوٹر جنرل سردار مظفر عباسی نے تفتیشی افسر میاں عمر ندیم کے ہمراہ ریفرنس دائر کیا،احتساب عدالت رجسٹرار آفس نے ریفرنس کی جانچ پڑتال شروع کردی
واضح رہے کہ نیب نے 23 نومبر کو عمران خان کو القادر ٹرسٹ کیس میں گرفتار کیا تھا، القادر ٹرسٹ کیس میں عمران خان جوڈیشل ریمانڈ پر جیل میں ہیں،نیب نے عمران خان سے جیل میں تحقیقا ت کی ہیں،چیئرمین پی ٹی آئی عمران خان نے القادر ٹرسٹ کیس میں ضمانت کیلئے ہائیکورٹ کے فیصلے کیخلاف سپریم کورٹ میں اپیل دائر کر رکھی ہے،ایڈووکیٹ لطیف کھوسہ نے اپیل سپریم کورٹ میں دائر کی،سپریم کورٹ میں دائر درخواست میں کہا گیا ہے کہ چیئرمین تحریک انصاف توشہ خانہ کیس میں گرفتار تھے،ٹرائل کورٹ نے عدم حاضری پر ضمانت خارج کردی، اسلام آباد ہائیکورٹ نے بھی ضمانت خارج کا فیصلہ برقرار رکھا، ہائیکورٹ کا فیصلہ کالعدم قرار دیکر ضمانت بحال کی جائے،
القادر ٹرسٹ میں عمران خان اور بشری کا کردار بطور ٹرسٹی ہے،وکلاء
بطور وزیراعظم اکیلا ذمہ دار نہیں تھا کابینہ کا فیصلہ اجتماعی ہوتا ہے،عمران خان
امریکہ کے خلاف تحریک چلانے والی پی ٹی آئی اب عمران خان کی رہائی کے لئے امریکہ سے ہی مدد مانگ لی
اسد عمر نے سائفر کے معاملے پر ایف آئی اے میں پیش ہونے کا اعلان کیا
اعظم خان نےعمران خان پرقیامت برپا کردی ،سارے راز اگل دیئے،خان کا بچنا مشکل
جیل اسی کو کہتے ہیں جہاں سہولیات نہیں ہوتیں،
چیئرمین پی ٹی آئی پر ایک مزید مقدمہ درج کر لیا گیا
نشہ آور اشیاء چیئرمین پی ٹی آئی اور اسٹیبلشمنٹ میں پہلی لڑائی کی وجہ بنی،
قومی احتساب بیورو (نیب) کے مطابق ملک کے معروف بزنس ٹائیکون نے سابق وزیرِاعظم عمران خان اور ان کی اہلیہ کو القادر ٹرسٹ یونیورسٹی کے لیے جہلم میں 458کنال 4 مرلے اور 58 مربع فٹ زمین عطیہ کی جس کے بدلے میں مبینہ طور پر عمران خان نے بزنس ٹائیکون کو 50 ارب روپے کا فائدہ پہنچایا تھا۔
گزشتہ سال اکتوبر 2022 میں نیب نے تحقیقات شروع کردی تھی۔ نیب دستاویزات کے مطابق 3 دسمبر 2019ء کو عمران خان کی زیرِ صدارت کابینہ اجلاس میں بزنس ٹائیکون کو برطانیہ سے ملنے والی 50 ارب روپے کی رقم بالواسطہ طور پر واپس منتقل کرنے کا فیصلہ ہوا تھا۔ رقم این سی اے کی جانب سے پراپرٹی ٹائیکون ملک ریاض سے منی لانڈرنگ کے الزامات پر ضبط کی گئی تھی۔
عمران خان نے چار سال قبل ریئل اسٹیٹ ڈویلپر کے حوالے سے کابینہ کے فیصلے کے چند ہفتوں کے اندر القادر یونیورسٹی پروجیکٹ کے لیے ٹرسٹ رجسٹر کیا تھا جو بعد میں یونیورسٹی کے لیے ڈونر بن گیا۔ نیب کی طرف سے جاری کردہ بیان کے مطابق ٹرسٹ کی رجسٹریشن سے صرف 3 ہفتے پہلے عمران خان کی کابینہ نے نیشنل کرائم ایجنسی کے ذریعے پاکستان کو ملنے والی رقم واپس ملک ریاض کو بالواسطہ طور پر واپس کرنے کا فیصلہ کیا تھا۔
نیب راولپنڈی نے اس معاملے میں کرپشن اور کرپٹ پریکٹسز کا نوٹس لیتے ہوئے نیب آرڈیننس 1999 کے تحت پرویز خٹک، فواد چوہدری اور شیخ رشید سمیت 3 دسمبر 2019 کی کابینہ اجلاس میں موجود تمام ارکان کو علیحدہ علیحدہ تاریخوں پر طلب کیا تھا۔2019 میں برطانیہ کی نیشنل کرائم ایجنسی (این سی اے) نے بزنس ٹائیکون کے خلاف تحقیقات کیں اور پھر تحقیقات کے نتیجے میں بزنس ٹائیکون نے تصفیے کے تحت 190 ملین پاؤنڈ کی رقم این سی اے کو جمع کروائی۔ اس تصفیے کے نتیجے میں حاصل ہونے والی 190 ملین پاؤنڈز کی رقم ریاستِ پاکستان کی ملکیت ہے جسے پاکستان منتقل کردیا گیا۔
تاہم پاکستان میں پہنچنے پر کابینہ کے فیصلے کے تحت رقم قومی خزانے کے بجائے سپریم کورٹ کے اکاؤنٹ تک پہنچی جس میں بزنس ٹائیکون کراچی کے مقدمے میں سپریم کورٹ کو 460 ارب روپے کی تصفیے کے ذریعے قسطوں میں ادائیگی کر رہے ہیں۔ نیب کے مطابق ملزم سے ضبط شدہ رقم واپس اسی کو مل گئی جبکہ یہ رقم ریاستِ پاکستان کی ملکیت تھی مگر اسے ملک ریاض کے ذاتی قرض کو پورا کرنے میں خرچ کیا گیا۔
2019 میں عمران خان کی سربراہی میں کابینہ اجلاس میں فیصلہ کیا گیا تھا اور معاملے کو حساس قرار دے کر اس حوالے سے ریکارڈ کو بھی سیل کردیا گیا تھا۔
-
کوپ 28 اجلاس،نگران وزیراعظم کی مودی سے ملاقات متوقع نہیں، ترجمان دفتر خارجہ
ترجمان دفتر خارجہ ممتاز زہرا بلوچ نے ہفتہ وار میڈیا بریفنگ میں کہا کہ کوپ 28 کی سائڈ لائن پر وزیراعظم انوار الحق کی بھارتی وزیراعظم مودی سے کوئی ملاقات متوقع نہیں،
ترجمان دفتر خارجہ کا کہنا تھا کہ وزیراعظم انوار الحق کاکڑ کوپ 28 میں خطاب کریں گے،وزیراعظم انوار الحق کوپ 28 کی سائٹ لائن پر ملاقاتیں بھی کریں گے، وزیراعظم انوار الحق نے کراون پرنس کویت اور وزیراعظم سے ملاقاتیں کیں،وزیر خارجہ جلیل عباس جیلانی مہاجرین پر ہونے والی بین الاقوامی کا نفر نس میں پاکستان کی نمائندگی کی،پاکستان اور چین کے درمیان میری ٹائم کاپریشن پر مذاکرات کا 4 دور اسلام آباد میں ہوا،
ترجمان دفتر خارجہ ممتاز زہرہ بلوچ کا کہنا تھا کہ پاکستان غزہ پر اسرائیل کی دوبارہ بمباری کی مزمت کرتا ہے،پاکستان بین الاقوامی برادری سے غزہ پر اسرائیلی بمباری کو مستقل روکنے کےلئے کردار ادا کرنے پر زور دیتا رہے گا،پاکستان اسرائیل کے طبی مراکز پر حملوں کی بھی عالمی تحقیقات کا مطالبہ کرتا ہے،بھارت انسداد دہشتگردی کی مسلسل خلاف ورزی کر رہا ہے،سکھ رہنما گرپتونت سنگھ کے قتل کی سازش میں ملوث بھارتی اہلکاروشہری نکھل گپتا پر امریکا میں عائد کی جانے والی فرد جرم کے حوالے سے کہا کہ پاکستان نے عالمی برادری کوہمیشہ بھارتی دہشت گرد نیٹ ورک سے خبردارکیا، پاکستان بھارتی ریاستی دہشت گردی کا شکار رہا اور یہ بھارتی نیٹ ورک اب عالمی سطح تک پہنچ چکا ہے،
دوسری جانب نگراں وزیراعظم انوار الحق کاکڑ دبئی ایکسپو سٹی پہنچ گئے، جہاں وہ ماحولیاتی تبدیلی کے بارے میں کوپ 28 کے اعلیٰ سطحی اجلاس میں شرکت کریں گے۔
دوسری جانب سابق وزیراعظم شہباز شریف نےلاس اینڈ ڈیمیج فنڈ کے فعال ہونے پر خوشی کا اظہارکیا اور کہا کہ کوپ 28 کانفرنس کے ذریعے لاس اینڈ ڈیمیج فنڈ کے فعال ہونے پر خوشی ہے، پی ڈی ایم حکومت، سابق وزیر شیری رحمان کی انتھک کوششوں سے یہ فنڈ قائم ہوا،انسانیت کا مستقبل موسمیاتی تبدیلیوں کے اثرات کے خلاف مدافعت پر منحصر ہے،
موسمیاتی تبدیلیوں کے اثرات کے خلاف کمزور مدافعت کے حامل ممالک کا ہاتھ تھامنے کی ضرورت ہے،اس ضمن میں اس فنڈ کا قیام کلیدی اہمیت کا حامل ہے،کوپ 28 میں موسمیاتی انصاف بنیادی مطالبہ ہونا چاہیے،واضح رہے کہ دبئی میں ہونے والی عالمی ماحولیاتی کانفرنس کوپ 28 میں اہم پیش رفت سامنے آئی ہے، کانفرنس میں ماحولیاتی تبدیلیوں سے نمٹنے کیلئے فنڈز کا اعلان کر دیا گیا،کوپ 28 کانفرنس میں متحدہ عرب امارات نے ماحولیاتی فنڈز میں 10 کروڑ ڈالر، چاپان نے 1 کروڑ ڈالر، جرمنی نے 10 کروڑ ڈالر اور برطانیہ نے 6 کروڑ پاؤنڈ دینے کا اعلان کیا ہے جبکہ امریکا 1 کروڑ 70 لاکھ ڈالر سے زائد رقم ماحولیاتی فنڈز میں دے گا.
موسمیاتی تبدیلی پر اقوام متحدہ کی کانفرنس کوپ 28 کا اجلاس دبئی میں ہو رہا ہے،اجلاس میں حکومتیں مرحلہ وار فاسل ایندھن کے خاتمے پر بات چیت کریں گی جو گلوبل وارمنگ کی بڑی وجہ ہے۔اس اجلاس میں تقریباً 80 ہزار سے زیادہ مندوبین شریک ہیں جبکہ 200سے زیادہ عالمی رہنما شریک ہیں،