Category: اہم خبریں

منشیات برآمدگی کیس؛ رانا ثنا کی ایک روزہ حاضری معافی کی درخواست منظور

 انسداد منشیات کی خصوصی عدالت نے رانا ثنا اللہ کی ایک روزہ حاضری معافی کی درخواست منظور کرلی۔ باغی ٹی وی کے مطابق وفاقی وزیر داخلہ رانا ثنا اللہ سمیت دیگر ملزمان کے خلاف منشیات برآمدگی کیس کی سماعت لاہور کی انسداد منشیات کی خصوصی عدالت میں ہوئی، جس میں رانا ثنا اللہ کے وکیل فرہاد علی شاہ ایڈووکیٹ نے حاضری معافی کی درخواست دائر کی۔

درخواست میں مؤقف اختیار کیا گیا ہے کہ رانا ثنا اللہ دل کے عارضے میں مبتلا ہیں، جس کی وجہ سے ڈاکٹرز نے انہیں مکمل بیڈ ریسٹ کا مشورہ دیا ہے۔ عدالت رانا ثنا اللہ کی ایک روزہ حاضری معافی کی درخواست منظور کرے۔ انسداد منشیات کی خصوصی عدالت نے رانا ثنااللہ کی ایک روزہ حاضری معافی کی درخواست منظور کرتے ہوئے کیس کی آئندہ سماعت 26 نومبر تک ملتوی کردی۔
مزید یہ بھی پڑھیں؛ پاک فوج ملکی سلامتی کی ضامن۔ شہدا کی قربانیوں پر فخر
پاکستانی طلبا و طالبات نے 14 ممکنہ نئے سیارچے دریافت کرلیے
ہمت ہے تو کھرا سچ کا جواب دو، پروپیگنڈہ مبشر لقمان کو سچ بولنے سے نہیں روک سکتا
خیال رہے کہ اس سے قبل وفاقی وزیر داخلہ رانا ثنا اللہ نے سابق وزیراعظم عمران خان پر ان کے خلاف ہیروئن کا جھوٹا اور بوگس مقدمہ بنانے کا الزام عائد کرتے ہوئے کہا تھا کہ اس کیس میں اینٹی نارکوٹکس فورس (اے این ایف) کے کردار پر آرمی چیف جنرل قمر جاوید باجوہ سے بات کی ہے۔ تاہم یاد رہے کہ رانا ثنا اللہ کو پاکستان تحریک انصاف (پی ٹی آئی) کی حکومت میں جولائی 2019 میں منشیات کے مقدمے میں گرفتار بھی کیا گیا تھا، اے این ایف نے دعویٰ کیا تھا کہ ان کی گاڑی سے 15 کلو گرام ہیروئن برآمد ہوئی ہے بعدازاں لاہور ہائی کورٹ (ایل ایچ سی) نے انہیں ضمانت دی تھی۔

راولپنڈی: سیکیورٹی فورسز نے خفیہ اطلاع پر ہوشاب میں آپریشن کر کے 2 دہشت گرد ہلاک کر دیے۔

پاک فوج کے شعبہ تعلقات عامہ (آئی ایس پی آر) کے مطابق بلوچستان کے قصبے ہوشاب میں سیکیورٹی فورسز اور دہشتگردوں کے درمیان فائرنگ کا تبادلہ ہوا۔

علاقے کی مسلسل انٹیلی جنس، نگرانی اور جاسوسی کے نتیجے میں دہشت گردوں کے ٹھکانے کی نشاندہی کی گئی اور سیکیورٹی فورسز نے ہیلی کاپٹرکے ذریعے ان دہشت گردوں کی مانیٹرنگ کی

اطلاعات کے مطابق اس دوران دہشت گردوں نے فائرنگ کی۔شدید فائرنگ کے تبادلے کے دوران دونوں دہشت گرد مارے گئے جب کہ دیسی ساختہ بم سمیت اسلحہ اور گولہ بارود کا ذخیرہ برآمد کر لیا گیا۔

سیکیورٹی فورسزنے اس بات کا عزم کررکھا ہے کہ وہ قوم کے ساتھ مل کر بلوچستان کے امن، استحکام اور ترقی کو سبوتاژ کرنے کی کوششوں کو ناکام بنانے کے لیے پرعزم ہیں۔

معروف کاروباری شخصیت عمر فاروق ظہور کے فرح گوگی سے سابق وزیر اعظم عمران خان کے دور میں مشیر احتساب شہزاد اکبر کے ذریعے سعودیہ شہزادہ کی طرف سے تحفہ میں دی گئی خاص گھڑی کی خریداری کے انکشاف کے بعد تحریک انصاف نے دعویٰ کیا تھا کہ یہ گھڑی تو اس شخص کو بیچی ہی نہیں گئی ہے.

جبکہ بعدازاں تحریک انصاف کے رہنماؤں جس میں فواد چودھری سمیت متعدد رہنماء شامل تھے نے ایک جھوٹا پروپیگنڈہ کیا کہ یہ گھڑی تو اسٹائل آؤٹ واچ نامی ایک معروف گھڑیوں کی کمپنی جو خرید و فروخت کرتی ہے نے 20 ستمبر 2019 کو سیل کیلئے اپنے انسٹاگرام پیج پر لگائی تھی.

عمر فاروق ظہور نے کہا کہ گھڑی اس نے فرح بی بی سے خود خریدی،لیکن یہاں گھڑی Style Out Watch پر ستمبر2019 میں فروخت ہو رہی ہے۔بقول شاہزیب خانزادہ کے گھڑی کا صرف ایک ہی ماسٹر پیس بنایا گیا ہے جو Style Out Watch میں 2019 میں فروخت ہوا تو پھر عمر فاروق ظہور نے فرح بی بی سے کیسے خریدی۔؟ pic.twitter.com/klmHMnsRMG

— Wajiha Hilal (@Wajihahilal1) November 15, 2022

وجیہا ہلال نامی صارف نے دعوٰ کرتے ہوئے لکھا تھا کہ؛ عمر فاروق ظہور نے کہا کہ گھڑی اس نے فرح بی بی سے خود خریدی،لیکن یہاں گھڑی Style Out Watch پر ستمبر2019 میں فروخت ہو رہی ہے۔بقول شاہزیب خانزادہ کے گھڑی کا صرف ایک ہی ماسٹر پیس بنایا گیا ہے جو Style Out Watch میں 2019 میں فروخت ہوا تو پھر عمر فاروق ظہور نے فرح بی بی سے کیسے خریدی۔؟

[wp-embedder-pack width=”100%” height=”400px” download=”all” download-text=”” attachment_id=”569969″ /]

لیکن ان کا یہ جھوٹ بھی اب بے نقاب ہوگیا ہے کیونکہ اسٹائل آؤٹ واچ انتظامیہ نے ایک اعلامیہ جاری کیا ہے جس میں کہا گیا ہے کہ ہمیں پتا چلا ہے کہ ہمارا تصدیق شدہ انسٹاگرام اکاؤنٹ سیاسی طور پر عوامی سطح پر استعمال ہوا ہے لیکن ہم اس کی وضاحت کرنا چاہتے ہیں کہ ہم نے ایسی کسی قسم کی کوئی گھڑی نہ بیچی ہے اور ناہی کبھی خریدی ہے. انہوں نے مزید کہا کہ ہمارا نام غلط طور پر استعمال کیا گیا ہے کہ جبکہ ہم ان تمام لوگوں کے خلاف قانونی کاروائی کرنے کا حق رکھتے جنہوں نے ایسا کیا ہے یا اس میں ملوث ہیں. خیال رہے کہ اس جاری کردہ اعلامیہ پر اسٹائل آؤٹ واچ کی انتظامیہ کے دستخط اور مہر بھی لگی ہوئی ہے.
مزید یہ بھی پڑھیں؛
سندھ ہائی کورٹ نے الیکشن کمیشن کو کراچی، حیدر آباد میں بلدیاتی الیکشن کا حکم دے دیا
پاکستان کی جی ڈی پی کو 2050 تک 18 سے 20 فیصد تنزلی کا خدشہ
ہائی کورٹ ڈپٹی کمشنر کی ذمے داریاں نہیں سنبھال سکتی. اسلام آباد ہائی کورٹ
پروفیسر ڈاکٹر ایوب صابر 82 سال کی عمر میں انتقال کرگئے
علاوہ ازیں ایک ویڈیو پیغام بھی اس حوالے سے جاری ہوا ہے جس میں کہا گیا ہے کہ ہم نے ایسی کوئی گھڑی نہیں بیچی یا خریدی البتہ ہم نے وہ جو پوسٹ کی تھی وہ صرف اور صرف مارکیٹ میں اپنی پروموشن کیلئے کیا تھا جبکہ وہ واچ ہم نے کسی شخص سے لی تھی تاکہ اپنی پروموشن کرسکیں.

شوکت خانم کے باہر سے مشکوک شخص گرفتار

جس کو پنجاب کا سب سے بڑا ڈاکو کہتا تھا اسے ڈاکو کی وزارت اعلیٰ کے نیچے عمران خان پر حملہ ہوا

یاد رہے کہ اس سے قبل تحریک انصاف کی طرف یہ دعویٰ‌ بھی کیا گیا تھا کہ شفیق نامی تاجر کو توشہ خانہ سے حاصل کی جانے والی قیمتی گھڑی فروخت کی گئی ہے اور شفیق نامی تاجر نے گھڑی 5 کروڑ 10 لاکھ روپے میں خریدی تھی۔ اور پھر شفیق نے متحدہ عرب امارات کے تاجر اویس مرچنٹ کو گھڑی 6 کروڑ 10 لاکھ روپے میں فروخت کی اور پھر اویس مرچنٹ نے امارات کی ایک شخصیت کو گھڑی فروخت کی جبکہ عمر فاروق ظہور اس شخصیت کے قریبی سمجھے جانے والوں میں سے ہے۔

مکمل اختیارات ملیں گے تو وزیراعظم بنوں گا، مران خان
باغی ٹی وی کی رپورٹ کے مطابق سابق وزیراعظم عمران خان نے کہا ہے کہ مکمل اختیارات ملیں گے تو وزیراعظم بنوں گا،

لاہور میں صحافیوں سے بات کرتے ہوئے چیئرمین پی ٹی آئی عمران خان نے کہا کہ کل اعلان کروں گا کہ کس روز راولپنڈی جانا ہے،میرے معالجین کل میرا معائنہ کرکے اپنی رائے سے آگاہ کریں گے، راولپنڈی سے لانگ مارچ کی قیادت خود کروں گا،توشہ خانہ کیس میں انہوں نے مجھے عدالت میں جانے کاموقع دیا ہے،میں برطانیہ اور امریکہ کی عدالتوں میں کیس دائر کروں گا ،ق لیگ ہمارے اتحادی ہیں پرویز الہیٰکے ساتھ بہترین اتحاد چل رہا ہے، میں نے انتخابات میں ای وی ایم مشین سے دھاندلی رکوانے کی بھر پور کوشش کی،کسی سے کوئی مذاکرات نہیں ہو رہے،

بعد ازاں لانگ مارچ کے شرکاء سے خطاب کرتے ہوئے عمران خان کا کہنا تھا کہ چکوال اور گوجرخان میں عوام بڑی تعداد میں نکلے ہیں، ہم ایک جاگی ہوئی قوم دیکھ رہے ہیں،عوام سمجھ گئے ہیں کہ یہ لانگ مارچ کیوں ضروری ہے،سستا تیل خریدنے سے ملک میں مہنگائی کم ہو جاتی ہے،آقاؤں کو خوش کرنے کیلئے عوام پر مہنگائی کا بوجھ ڈالا جاتا ہے،جہاں انصاف ہو وہاں لوگ آزاد ہو جاتے ہیں آزاد قومیں اپنے لوگوں کیلئے فیصلے کرتی ہیں، پاکستانی بہت مشکلیں کاٹنے کے بعد یہاں سے باہر چلے جاتے ہیں، اوورسیز پاکستانیوں کوپتہ ہے محنت کریں گے تو اس کاپھل ملے گا،ہماری تحریک کا مقصد ملک میں انصاف کی فراہمی ہے،بیرون ممالک میں لوگوں کے حقوق کا تحفظ کیا جاتا ہے،جب تک کمزور اور طاقتور کیلئے ایک قانون نہیں بنتا لوگ آزاد نہیں ہوں گے، جب تک قانون کی حکمرانی نہیں ہوتی لوگ آزاد نہیں ہونگے، ملک کاسابق وزیراعظم اپنے اوپر ہوئے حملے کی ایف آئی آر درج نہیں کرواسکتا،پنجاب پولیس حکومت کے نیچے ہے لیکن ہماری ایف آئی آر نہیں کاٹی جا رہی، اگر ہمارے ساتھ یہ سلوک ہو رہا ہے تو عام آدمی کے ساتھ کیا ہوتا ہو گا، بیرون ملک پاکستانی ہمارا سب سے بڑا اثاثہ ہیں،قانون کی حکمرانی ہوگی تو یہ ملک اٹھے گا،اوورسیز پاکستانیوں نے شوکت خانم اسپتال بنانے میں میری مدد کی، اوور سیز پاکستانیوں نے میری پارٹی کو فنڈنگ کی ملک میں قانون کی حکمرانی تک ہماری تحریک چلتی رہے گی، جب تک قانون سب کو ایک نظر سے نہیں دیکھے گا ملک خوشحال نہیں ہوسکتا،میں اس لانگ مارچ کو جہاد سمجھتا ہوں،میں نےکبھی جیلوں میں طاقتور لوگوں کو نہیں دیکھا،اس دلدل سے نکلنے کیلئے الیکشن کےعلاوہ کوئی اورراستہ نہیں ہے، مجھے کوئی خطرہ نہیں ہے کیوں کہ میں نے کوئی چوری نہیں کی

عمران خان کے صاحبزادوں قاسم اور سلیمان کی زمان پارک آمد 

شوکت خانم کے باہر سے مشکوک شخص گرفتار

جس کو پنجاب کا سب سے بڑا ڈاکو کہتا تھا اسے ڈاکو کی وزارت اعلیٰ کے نیچے عمران خان پر حملہ ہوا

تحریک انصاف کے لانگ مارچ کا آج نواں روز ہے، وزیر آباد حملے کے بعد عمران خان زمان پارک آ گئے تھے اور روزانہ ویڈیو لنک کے ذریعے لانگ مارچ کےشرکاء سے خطاب کرتے ہیں، لانگ مارچ کل ہفتہ کو روات پہنچے گا جس کے بعد عمران خان پنڈی جانے کا اعلان کریں گے،

پنجاب کے صوبائی وزیر قانون راجہ بشارت کا کہنا ہے کہ لانگ مارچ کے قافلوں کا راولپنڈی میں پڑاؤ کا تعین کر لیا گیا ہے،راولپنڈی میں 5 سے زائدمقامات لانگ مارچ کے شرکا کے پڑاؤ کیلئے زیرغور ہیں پنجاب، خیبرپختونخوا اور کشمیر کیلئے کچہری چوک کا مقام زیر غورہے دیگر قافلوں کے مریڑ چوک چاندی چوک لیاقت باغ کمیٹی چوک اور رحمن باغ کے مقام زیر تجویزہیں

بچوں کے جنسی جرائم کا مکمل خاتمہ کیا جائے،قومی اسمبلی اجلاس میں قرارداد منظور
راجہ پرویز اشرف کی زیرصدارت قومی اسمبلی کا اجلاس ہوا

وزیر مملکت خزانہ عائشہ غوث پاشا نے اظہار خیال کرتے ہوئے کہا کہ ملک میں آدھے کاروبار بغیر کسی ٹیکس چل رہے ہیں،پاکستانی ٹیکس پیئرز کو سوچنا چاہیے کہ ملک کی معیشت میں انکا حصہ ہونا چاہیے، ایف بی آر کو اپنی پالیسی بدلنے کی ضرورت ہے، ایف بی آر کو نئے ٹیکس نادہندگان کو رجسٹر کرنا چاہیے، ملک ڈیفالٹ ہونے کا کوئی خدشہ نہیں جب حکومت میں آئے تو ڈیفالٹ کے بادل منڈلا رہے تھےحکومت میں آئے تو آئی ایم ایف کا پروگرام بند تھا اب شروع ہو چکا ہے،

قومی اسمبلی اجلاس،بچوں کے عالمی دن سے متعلق قرارداد پیش کر دی گئی قرارداد ن لیگ کی رکن قومی اسمبلی مہناز اکبر عزیز نے پیش کی ،قرارداد میں کہا گیا کہ بچوں کے حقوق کے تحفظ کو یقینی بنایا جائے، بچوں کے جنسی جرائم کا مکمل خاتمہ کیا جائے، بچوں کے جنسی جرائم کا مکمل خاتمہ کیا جائے، تعلیم ہر بچے کا آئینی حق ہے، صنفی امتیاز ختم ہونا چاہیے، ایوان بچوں کے حقوق کے تحفظ سے متعلق اقوام متحدہ کے چارٹر پر عمل درآمد کا احاطہ کرتا ہے،بچوں کے عالمی دن سے متعلق قرارداد متفقہ طور پر منظور کر لی گئی،قرارداد میں مزید کہا گیا کہ ہم اپنے بچوں اور آنے والے نسلوں کو پرامن اور مہذب معاشرہ دینے کیلئے جدوجہد کر رہے ہیں، بچے ہمارا سرمایہ ہیں اس سرمائے کو محفوظ معاشرہ فراہم کرنا ہمارا فرض ہے

قومی اسمبلی اجلاس میں وقفہ سوالات ،وزیر تجارت نوید قمر نے تحریری جواب جمع کرواتے ہوئے کہا کہ فری ٹریڈ ایگریمنٹ کے تحت 2017 سے ایران سےمذاکرات جاری ہیں، ایران سے آزاد تجارتی معاہدے کے تحت مذاکرات کے چار دور ہوچکے ہیں،ایران سے آزاد تجارتی معاہدے کے تحت مذاکرات کا چوتھا دور 2019 میں ہوا، بینکنگ چینلز کی عدم موجودگی اور ایران پر پابندیاں عائد ہونے کے باعث تاخیر کا شکار ہوا،

لڑکی بن کر لڑکوں کی نازیبا ویڈیوز بنا کر بلیک میل کرنیوالا ملزم گرفتار

سال 2020 کا پہلا چائلڈ پورنوگرافی کیس رجسٹرڈ،ملزم لڑکی کی آواز میں لڑکیوں سے کرتا تھا بات

فیس بک، ٹویٹر پاکستان کو جواب کیوں نہیں دیتے؟ ڈائریکٹر سائبر کرائم نے بریفنگ میں کیا انکشاف

چائلڈ پورنوگرافی ویڈیوز سوشل میڈیا پر پھیلانے کا کیس، سپریم کورٹ کا بڑا فیصلہ

چائلڈ پورنوگرافی میں‌ ملوث ملزم گرفتار،کتنی اخلاق باختہ ویڈیوز شیطان صفت کے پاس برآمد ہوئیں

لڑکی کو نازیبا ،فحش تصاویر بھیجنے والا ملزم گرفتار

ہم کوئی بھی آرڈر کسی بھی توقع پرجاری نہیں کرسکتے، چیف جسٹس
سپریم کورٹ میں چیئرمین پی ٹی آئی عمران خان کیخلاف توہین عدالت کیس کی سماعت ہوئی

چیف جسٹس عمر عطا بندیال کی سربراہی میں پانچ رکنی لارجر بینچ نے کیس کی سماعت کی،جسٹس اعجاز الاحسن،جسٹس منیب اختر اور جسٹس یحییٰ آفریدی بنچ میں شامل تھے جسٹس مظاہر علی اکبر نقوی بھی سپریم کورٹ کے 5رکنی بینچ کا حصہ تھے ، دوران سماعت چیف جسٹس عمر عطا بندیال نے ریمارکس دیتے ہوئے کہا کہ ہم امید کرتے ہیں عمران خان کے وکیل عدالت میں درست ریسپانڈ کرینگے، سپریم کورٹ اپنا یہ دائرہ اختیار خیال سے استعمال کرتی ہے،ہم کوئی بھی آرڈر کسی بھی توقع پرجاری نہیں کرسکتے

سرکاری وکیل نے کہا کہ کچھ ایسی چیزیں ہیں جو عدالت میں پیش نہیں کی جاسکیں عدالت نے ایک کمیٹی بنائی ،اراکین کے نام عدالت میں پیش کیے گئے، جسٹس اعجا ز الاحسن نے ریمارکس دیتے ہوئے کہا کہ ہم نے اس وقت فریقین کو اس گراونڈ میں جلسہ کرنے کے لیے نام مانگے تھے، پہلا جو احتجاج تھا اس پر وقت ملنے کے بعد عدالت میں نام دیئے گئے تھے،چیف جسٹس عمر عطا بندیال نے ریمارکس دیتے ہوئے کہا کہ اس وقت جیمرز موجود تھے کی بات کی گئی تھی،وکیل سلمان بٹ نے کہا کہ ہم اس بارے میں عدالت میں سی ڈی آر پیش کرسکتے ہیں،اس وقت سوشل میڈیا پر تمام تر معلومات آگئی تھیں، چیف جسٹس عمر عطا بندیال نے ریمارکس دیتے ہوئے کہا کہ اس وقت جو آرڈر دیا تھا وہ آدھے گھنٹے میں سامنے آگیا تھا اس وقت عمران خان کے وکیل کو سنتے ہیں اخباروں میں جو آرٹیکلز لکھے گئے اس پر ہم نہیں جاتے،وکیل سلمان بٹ نے کہا کہ سوال یہ ہے کہ کیا کنٹینر پر موبائل کام کرہے تھے یا نہیں، میرا جواب یہ ہے کہ اس وقت کنٹینرز کے پاس موبائل ٹاورز کام کررہے تھے،

چیف جسٹس عمر عطا بندیال نے ریمارکس دیتے ہوئے کہا کہ اس معاملے میں ہمیں سوچ سمجھ کر آگے کارروائی لے کر جانی ہوگی،درخواست گزار نے درخواست جمع کرائی جس میں کمیونی کیشن کی تفصیل دی گئی گزشتہ رات جواب جمع کرائی گئی جس پرمخالف فریق کو جواب دینے کے لیے وقت درکار ہے، فریق مخالف وکیل اپنا جواب جمع کرائیں، جو یو ایس بی پیش کی گئی وہ بھی فریق مخالف کو فراہم کی جائے،کیس کی سماعت اگلے ہفتے تک ملتوی کریں،

ایڈیشنل اٹارنی جنرل نے کہا کہ ریلی والوں کو تو پابند کریں کہ وہ قوائد وضوابط کی پابندی کریں، چیف جسٹس عمر عطا بندیال نے ریمارکس دیتے ہوئے کہا کہ توہین عدالت قانون میں دائرہ اختیارمیں کوئی ایسا حکم جاری نہیں کرسکتے جو انتظامی ہو،اس معاملے میں عمران خان کے وکیل کا جواب آنے دیا جائے، سپریم کورٹ اپنے اختیار کو محتاط ہوکر استعمال کرتی ہے، اگر ہمارے احکامات کی توہین ہو تو پھر کارروائی کرتے ہیں، عمران خان نے تفصیلی جواب جمع کرایا ہے، امید ہے عمران خان نے درست اور حقائق پر مبنی جواب جمع کرایا ہوگا،ہم فی الحال کوئی حکم جاری نہیں کر رہے، وکیل سلمان بٹ نے کہا کہ عمران خان کے جواب پر وزارت داخلہ نے جواب داخل کیا ہے

جسٹس مظاہر نقوی نے کہا کہ اگر یو ایس بی کی دوسری سائیڈ نے تردید کر دی توکیا ہوگا؟ عدالت نے وکیل کو ہدایت کی کہ پلیز شواہد سے متعلق قانون کو پڑھیں،اگر وہ یہ کہہ دیں کہ موبائل ان کے پاس نہیں تھا تو پھر ؟ وکیل سلمان بٹ نے کہا کہ بے شک تردید کر دیں، ان کے اکاؤنٹ سے ٹویٹس ہوتی رہی ہیں،جسٹس اعجازالاحسن نے ریمارکس دیتے ہوئے کہا کہ متفرق درخواست کی نقل دوسری سائیڈ کو فراہم کریں،چیف جسٹس عمر عطا بندیال نے ریمارکس دیتے ہوئے کہا کہ مقدمہ کے کچھ حقائق ہیں، جیمر سے متعلق آپ نے وضاحت کی ہے،آپ کہہ رہے ہیں جیمرز نہیں تھے، عمران خان اور دیگر نے جواب جمع کروایا ہے،عدالت، توہین عدالت کے اختیار کے استعمال میں محتاط ہے،سپریم کورٹ بھی محتاط ہے کہ ہمارے احکامات کی خلاف ورزی نہ ہو، آپ کی دلیل ہے کہ عدالتی حکم نامہ میڈیا کے ذریعے ملک بھر پھیل چکا تھا، جسٹس اعجاز الاحسن نے ریمارکس دیتے ہوئے کہا کہ ہم نے آئی جی کو طلب کیاتھا، انہوں نے کہا ہم سیکیورٹی فراہمی کی یقین دہانی نہیں کرواسکتے،

سپریم کورٹ ، چیئرمین پی ٹی آئی عمران خان کیخلاف توہین عدالت کیس کی سماعت آئندہ ہفتے تک ملتوی کر دی گئی، حکومت کی جانب سے جمع کرائے گئے شواہد پر پی ٹی آئی وکیل کی جواب جمع کرانے کی مہلت مل گئی،عدالت نے پی ٹی آئی کے وکیل سلمان اکرم راجہ کو جواب جمع کرانے کی مہلت دے دی، جسٹس مظاہر نقوی نے ریمارکس دیتے ہوئے کہا کہ موبائل فون آفس میں ہو تو سی ڈی آر سے کیا ثابت ہوگا ؟ وکیل نے کہا کہ سی ڈی آر سے پتہ چل جائے گا کہ موبائل کس جگہ سے آپریٹ ہوا عدالت مناسب سمجھے تو سی ڈی آر منگوا لے، چیف جسٹس عمر عطا بندیال نے ریمارکس دیتے ہوئے کہا کہ میرے خیال میں مقدمہ کی اچھی تیاری کی ہے، ایڈیشنل اٹارنی جنرل نے کہا کہ اگر جلسے کی اجازت ملتی ہے توپی ٹی آئی کو قانون پر عملدرآمد کا پابند کیا جائے،چیف جسٹس عمر عطا بندیال نے ریمارکس دیتے ہوئے کہا کہ سپریم کورٹ کا 25 مئی کا حکم موجود ہے،امید ہے تحریک انصاف قانون پر عملدرآمد کرے گی

سپریم کورٹ نے تحریک انصاف کو قانون پر عملدرآمد کرنے کی ہدایت کر دی اور کہا کہ متفرق درخوست اور حکومت کے جواب کی کاپی عمران خان کے وکیل اور دیگر فریقین کو فراہم کی جائے،عدالت نے وزرات داخلہ کا متفرق جواب عمران خان، بابر اعوان اور فیصل چودھری کو فراہم کرنے کا حکم دے دیا،وکیل سلمان اکرم راجہ نے کہا کہ یو ایس بی کی کاپی بھی فراہم کی جائے، عدالت نے وزرات داخلہ کو یو ایس بی کی کاپی بھی عمران خان اور دیگر فریقین کو دینے کا حکم دے دیا،

چیف جسٹس عمر عطا بندیال نے ایڈیشنل اٹارنی جنرل سے استفسار کیا کہ آپ نے ہمارا پچھلا آرڈر پڑھا؟ ہمارے ایک جج نے گزشتہ آرڈر سے اختلاف کیا ہے، وکیل نے کہا کہ جمع شواہد میں عمران خان کے ہاتھ میں پکڑا موبائل فون دکھائی دے رہا ہے،چیف جسٹس عمر عطا بندیال نے ریمارکس دیتے ہوئے کہا کہ کیس کو جذباتی ہو کر نہیں پرسکون ہو کر سننا چاہتے ہیں،

شوکت ترین ، تیمور جھگڑا ،محسن لغاری کی پاکستان کے خلاف سازش بے نقاب،آڈیو سامنے آ گئی

فوج اور قوم کے درمیان خلیج پیدا کرنا ملک دشمن قوتوں کا ایجنڈا ہے،پرویز الہیٰ

سپریم کورٹ نے دیا پی ٹی آئی کو جھٹکا،فواد چودھری کو بولنے سے بھی روک دیا

بیانیہ پٹ گیا، عمران خان کا پول کھلنے والا ہے ،آئی ایم ایف ڈیل، انجام کیا ہو گا؟

عمران خان معافی مانگنے جج زیبا چودھری کی عدالت پہنچ گئے

عدالت ان کو سزا دے جنہوں نےعدالتی احکامات کی خلاف ورزی کی،توہین عدالت کیس میں استدعا

واضح رہے کہ عمران خان کیخلاف توہین عدالت کی درخواست دائرکی گئی تھی،وفاقی حکومت نے عمران خان کیخلاف توہین عدالت کی استدعا کر دی، استدعا میں کہا گیا ہے کہ 25 مئی کے عدالتی حکم کی خلاف ورزی پر توہین عدالت کی کاروائی کی جائے، سپریم کورٹ کے 25 مئی کے احکامات کی کھلی خلاف ورزی کی گئی تھی، عمران خان نے ایچ نائن گراونڈ جانے کے بجائے ورکرز کو ڈی چوک کال دی۔ درخواست میں موقف اپنایا گیا ہے کہ پی ٹی آئی ورکرز نے ریڈ زون میں سرکاری و نجی املاک کو نقصان پہنچایا، پولیس اور خفیہ ایجنسیوں کی رپورٹس سے واضح ہے کہ عدالتی احکامات کی توہین کی گئی، سپریم کورٹ نے 25 مئی کو فیصلہ دیا تھا جس پر عمران خان نے عمل نہیں کیا، اب پھر عمران خان اسلام آباد کی طرف لانگ مارچ کرنے کا اعلان کرچکے ہیں۔لانگ مارچ کو کامیاب کرنے کے لئے کارکنوں کو جہاد جیسے لفظ استعمال کرکے اکسا رہے ہیں، عدالت کے 25 مئی والے فیصلے پرعمل کرنے پر توہین عدالت کی کاروائی کی جائے، عمران خان نے جان بوجھ کر عدالتی احکامات کی خلاف ورزی کی، عمران خان اور ان کے پارٹی رہنما عدلیہ اور ریاستی اداروں کو بدنام کرنے کا ٹرینڈ چلا رہے ہیں۔ عمران خان کی آج سے نہیں بلکہ اداروں کو بدنام کرنے کی ایک تاریخ ہے، عمران خان آئینی طریقے سے آنے والی حکومت کو دھمکیاں دے رہے ہیں

لاہور:تحریک انصاف کی مکاریاں ہرروز گزرنے کے ساتھ ساتھ سامنے آرہی ہیں، میں توخود اس بات پرپریشان ہوں کہ جس شخص کی دوستی پر ہمیں فخرہوا کرتا تھا وہ اس قدر یہ حرکتیں کرے گا ، میں تحریک انصاف کی سوشل میڈیا ٹیم سے کہتا ہوں کہ دیکھواپنے لیڈر کا حال

اس حوالےسے بات کرتے ہوئے سنیئرصحافی مبشرلقمان کا کہنا ہے کہ ہر روز صبح نئی سے نئی کہانی سامنے آجاتی ہے،ان کا کہنا تھا کہ اس سے سرشرم سے جھک جاتے ہیں ، ان کا کہنا تھاکہ عمران خان نے جیو نیوز اور کچھ اداروں پر سنگین الزامات عائد کردیئے ہیں، ان کا کہنا تھا کہ عمران خان نے جنرل باجوہ کے بارے میں بھی بہت کچھ کہا

ان کا کہنا جس طرح‌ لانگ مارچ میں‌ لوگوں کو لایا جارہا ہے سب جانتے ہیں،ان کا کہنا تھا کہ عمران خان کی سوشل میڈیا ٹیم سے سوال ہے کہ جو جو صادق امین ہونے پرشک کررہا ہے ، جو بھی آئینہ دکھا رہا ہے آپ وہ تاجر دکھا دیں‌، آپ ایف بی آر کی رسیدیں‌دکھا دیں‌، ان کا کہنا تھاکہ عمران خان کبھی یہ نہیں کرے گا ، عمران خان نے منی لانڈرنگ کی تھی

ان کا کہنا تھاکہ الیکشن کمیشن کو جواب تک نہیں دیا ، ان کا کہنا تھا کہ وہ چھوڑیں ممنوعہ فنڈنگ کا کیا جواب دیا ، ان کا کہنا تھا کہ کہا جارہا ہے کہ ایک گھڑی ہی تو تھی ،ان کا کہنا تھا کہ کل کو عمران خان کو ملکہ برطانیہ ہیرا تحفہ میں دے دے تو وہ یہ ہیرا د و لاکھ میں بیچ دے تواس کے ماننے والے تو یہی کہیں گے کہ ہیرا ہی تو تھا

ان کا یہ بھی کہنا تھا کہ عمران خان کبھی کچھ کہتا ہے تو کبھی کچھ ، کبھی کہتا ہے کہ آرمی چیف کی تقرری میرا مسئلہ ہی نہیں ، جو میرٹ پر آئے اس کو لگا دیا جائے لیکن پھر ڈھانگ مارچ میں کچھ دیر بعد موقف میں تبدیلی لے آیااور کہا کہ یہ سب چور ہیں ، ان کا کہنا تھا کہ اب ان کو ارمی چیف کی تقرری پر اعتراض‌ہے

ان کا کہنا تھا کہ وہ وقت بھی یاد کریں وہ کون تھا جو نوازشریف کو حقیقی جمہوریت کی جدوجہد کرنے والا کہتا تھا ، وہ کون تھا جو تعریفوں کے پل باندھتا تھا ، وہ کون تھا جو نوازشریف کو بڑا منظم سمجھتا تھا ،

ان کا یہ بھی کہنا تھا کہ سپریم کورٹ میں جو کچھ آج بیان جمع کروایا ہے اس سے اس کی قلعی کھل گئی ہے کہ ، ایک طرف گھر کو بم پروف بنایا جارہا ہے تو دوسری طرف جلسوں میں کچھ اور ہی کہتا ہے ، ان کا کہنا تھا کہ اب ان کا حال یہ ہوگیا ہے کہ یوٹیوب کوسننے والے دوسو تک رہ گئے ہیں اور فرلانگ مارچ میں اب بندوں کی جگہ پولیس والے لے رہے ہیں ،

ان کا کہنا تھاکہ حالات تو اس حد تک آگئے ہیں پولیس والے ڈھول بجا کر لوگوں کو اپنی طرف کال کررہے ہیں، انکا یہ بھی کہنا تھا کہ خواتین کو بھی لایا جارہا ہے، جہلم سے بھی قافلہ نکل پڑا ہے ، ادھر کے پی سےبھی کچھ لوگ آرہے ہیں اس دوران آرمی چیف کی تقرری کا معاملہ بھی ابھی سمری پردستخط ہونےوالے ہیں

ان کا یہ بھی کہنا تھا کہ کوئی پتہ نہیں کہ خان کوئی نوا چن ہی نہ چڑھا دیوے ، خان جو ہویا ، انکا یہ بھی کہنا تھا کہ کچھ بھی ہوسکتا ہے اگلے کچھ دن بہت اہم ہیں‌

آرمی چیف جنرل قمر جاوید باجوہ نے بہاولپور اور اوکاڑہ کا دورہ کیا اور فائر پاور مشقوں کا مشاہدہ کیا۔

پاک فوج کے شعبہ تعلقات عامہ ( آئی ایس پی آر ) کی طرف سے جاری کردہ بیان کے مطابق آرمی چیف جنرل قمر جاوید باجوہ نے بہاولپور میں یادگار شہداء پر حاضری دی اس دوران پھول چڑھائے اور فاتحہ خوانی بھی کی۔

بیان کے مطابق سپہ سالار نے بہاولپور میں خیرپور ٹامیوالی میں فائر پاور مشقوں کا مشاہدہ بھی کیا، مشق میں جے ایف 17 تھنڈر، گن شپ ہیلی کاپٹرز اور مشینوں نے شرکت کی۔

آئی ایس پی آر کے مطابق آرمی چیف نے مشقوں میں شریک فوجی جوانوں کے بلند جذبے، اعلیٰ تربیتی معیار کو سراہا جبکہ جوانوں کو ہر طرح کے حالات میں قوم کی خدمت کی ہدایت کی۔

لاہور:جنوبی افریقہ کی نیشنل ڈیفنس فورس کے سربراہ جنرل روڈزانی مافوانیا نے چیئرمین جوائنٹ چیفس آف سٹاف کمیٹی جنرل ندیم رضا سے جوائنٹ سٹاف ہیڈ کوارٹرز میں ملاقات کی۔

پاک فوج کے شعبہ تعلقات عامہ ( آئی ایس پی آر ) کی طرف سے جاری کردہ بیان کے مطابق ملاقات کے دوران فریقین نے دلچسپی کے مختلف شعبوں، دوطرفہ تعاون سکیورٹی، انسداد دہشت گردی اور موجودہ علاقائی ماحول پر تبادلہ خیال کیا۔

معززین نے دونوں ممالک کے درمیان فوجی مصروفیات کی سطح اور دائرہ کار کو بڑھانے کے اقدامات پر تفصیلی تبادلہ خیال کیا اور گہرے تعلقات کو جاری رکھنے کا اعادہ کیا۔

چیئر مین جوائنٹ چیفس آف سٹاف کمیٹی نے کہا کہ پاکستان جنوبی افریقہ کے ساتھ فوجی تعاون بڑھانے کا خواہاں ہے۔معزز مہمان نے پاکستان کی مسلح افواج کی پیشہ وارانہ مہارت کو سراہا اور دہشت گردی کے خلاف جنگ میں ان کی قربانیوں کا اعتراف کیا۔

قبل ازیں، جوائنٹ سٹاف ہیڈ کوارٹر پہنچنے پر تینوں افواج کے ایک چاق و چوبند دستے نے معزز مہمان کو گارڈ آف آنر پیش کیا۔