پنجاب اسمبلی میں وزیراعلیٰ پنجاب کے انتخاب کیلئے ووٹنگ ہوئی جس میں حمزہ شہباز نے اکثریت کی حمایت حاصل کرلی جبکہ چوہدری پرویزالہیٰ کو شکست کا سامنا کرنا پرا .وزیراعلیٰ پنجاب کے انتخاب کیلئے پنجاب اسمبلی کا اجلاس تقریباً پونے تین گھنٹے کی تاخیر سے شام 7 بجے شروع ہوا جس کے بعد ڈپٹی اسپیکر دوست محمد مزاری نے ووٹنگ کا عمل شروع کرایا۔

ووٹنگ کے نتیجے کے مطابق پی ٹی آئی کے امیدوار پرویز الہیٰ نے 186 ووٹ لیے جبکہ مسلم لیگ ن کے حمزہ شہباز نے 179 ووٹ لیے۔ تاہم ووٹنگ کا عمل مکمل ہونے کے بعد ڈپٹی اسپیکر دوست مزاری نے ق لیگ کے سربراہ چوہدری شجاعت کے خط کو پڑھ کر سنایا جس میں انہوں نے ق لیگ کے ارکان کو حمزہ شہباز کو ڈالنے کی ہدایت کی تھی۔

ڈپٹی سپیکر نے رولنگ دیتے ہوئے ق لیگ کے تمام ووٹ مسترد کر دیئے۔ڈپٹی سپیکر کی رولنگ کے دوران تلخ کلامی ہوئی اور پی ٹی آئی رہنما راجہ بشارت نے کہا کہ پارلیمانی پارٹی نے پرویزالہیٰ کوووٹ دینے کا فیصلہ کیا۔اس پر دوست محمد مزاری نے کہا کہ انہیں اختیارہی نہیں ہے، چودھری شجاعت سے 3 مرتبہ فون پررابطہ کیا۔

اس پر پی ٹی آئی رہنما نے کہا کہ آپ کے پاس یہ اختیارنہیں کون ووٹ دے سکتا ہے کون نہیں،جس پر جواب دیتے ہوئے ڈپٹی سپیکر نے کہا کہ سپریم کورٹ نے ڈی سیٹ ہونے والوں کے خلاف رولنگ دی ہوئی ہے۔اس پر راجہ بشارت نے کہا کہ چودھری شجاعت حسین مجازہی نہیں۔ ووٹ کی ڈائریکشن دینے کے لیے کس کوحق حاصل ہیں۔

تاہم ڈپٹی سپیکر نے کہا کہ اس خط کے مطابق اورسپریم کورٹ کے فیصلے کی روشنی میں جتنے بھی ووٹ ق لیگ کے کاسٹ ہوئے ہیں وہ مسترد کرتے ہیں اور میں اس بات کا اعلان کرتا ہوں کہ 10 ووٹ ختم ہونے کے بعد حمزہ شہباز وزیراعلیٰ پنجاب منتخب ہوگئے ہیں۔اس موقع پر ق لیگ اور تحریک انصاف کے ارکان نے احتجاج کیا لیکن ڈپٹی اسپیکر نے کہا کہ اگر وہ اس فیصلے سے اتفاق نہیں کرتے تو اسے عدالت میں چیلنج کر سکتے ہیں۔

قبل ازیں وزیراعلیٰ کےانتخاب کیلئےپنجاب اسمبلی کا اجلاس 2 گھنٹے 50منٹ کی تاخیر سے شروع ہوا ،ڈپٹی اسپیکر دوست محمد مزاری پنجاب اسمبلی کے اجلاس کی صدارت کی،وزیراعلیٰ پنجاب کے انتخاب اورووٹنگ کاعمل پر امن طریقے سے مکمل ہوا،تحریک انصاف کے نو منتخب رکن پنجاب اسمبلی زین قریشی نےپہلا ووٹ کاسٹ کیا.حمزہ شہبازاور پرویز الہی سمیت ق لیک کے ارکان نے بھی اپنا اپنا ووٹ کاسٹ کیا.

قبل ازیں پیجاب اسمبلی کے اجلاس میں مسلم لیگ ن نے پی پی 167سے پی ٹی آئی کے شبیر گجر کے حلف پر اعتراض اٹھا یا گیا،اجلاس شروع ہوتے ہی پی پی 7روالپنڈی سےکامیاب ن لیگ کے امیدوار راجہ صغیر احمد نے حلف اٹھایا. اجلاس نماز مغرب کے وقفہ کیلئے 10 منٹ تک ملتوی کیا گیا.اس سے پہلے ڈپٹی سپیکر دوست محمد مزاری کا کہنا تھا کہ 25منحرف ارکان کے ووٹ ختم کرنے کے بعد حمزہ شہباز کو 172ووٹ حاصل ہیں، سپریم کورٹ کے احکامات کی روشنی میں دوبارہ ووٹنگ ہوگی،تحریک انصاف کے رہنما زین قریشی ووٹ ڈال سکتےہیں،زین قریشی قومی اسمبلی چھوڑ کر ہمارے ساتھ رہنا چاہتےہیں،ووٹنگ کا طریقہ کار وہی رہے گا جو پہلے اختیار کیا گیا تھا،کوئی بھی رکن 186ووٹ حاصل نہیں کرسکا، اس لئے رن آف الیکشن ہوگا، رن آف الیکشن میں 186ووٹ کی ضرورت نہیں، سادہ اکثریت رکھنے والا وزیراعلیٰ بنے گا، پرویزالٰہی کو ووٹ دینے والے ارکان بائیں اورحمزہ شہباز کو ووٹ دینے والے دائیں طرف لابی میں گئے.پنجاب اسمبلی میں ارکان کی کل تعداد 371ہے

چوہدری پرویز الہیٰ کے صاحبزادےمونس الہیٰ کا کہنا تھا کہ گزشتہ روز ق لیگ کی پارلیمانی پارٹی نے پرویزالہٰی کو متفقہ امیدوار نامزد کیا تھا.

Yesterday PML parliamentary party chaired by parliamentary party leader @SajidBhattiPP67 in Punjab Assembly held its meeting and it was decided unanimously that @chparvezelahi is cm candidate. pic.twitter.com/Te6IFvpyKd

— Moonis Elahi (@MoonisElahi6) July 22, 2022

دوسری جانب مسلم لیگ ق کے صدر چوہدری شجاعت نے پرویزالٰہی کی حمایت سے انکار کردیا تھا،اس کی تصدیق مونس الہیٰ نے کرتے ہوئے کہا تھا کہ میں بھی ہار گیا ،عمران خان بھی ہار گیا ، زرداری جیت گیا .انہوں نے بتایا کہ ماموں کا کہنا ہے کہ عمران خان کے امیدوار کی حمایت نہیں کروں گا،نجی ٹی وی جیو کے مطابق حامد میر سے بات کرتے ہوئے مونس الہیٰ نے یہ بات کی تھی،مونس الہیٰ کا کہنا تھا کہ چوہدری شجاعت نے کہا ہے کہ عمران خان کےامیدوار کی حمایت نہیں کروں گا.

ذرائع کے مطابق چوہدری شجاعت حسین کی ہدایت کے مطابق مسلم لیگ ق کے ارکان پیجاب اسمبلی پعمران خان کے امیدوار کو ووٹ کاسٹ نہیں کریں گے،اگر مسلم لیگ ق کے ارکان پنجاب اسمبلی ووٹ کاسٹ کریں گے تو ان کے ووٹ گے تو ان کے ووٹ مسترد تصور کئے جائیں. ذرائع کے مطابق چوہدری شجاعت حسین نے اس معاملے پر پنجاب اسمبلی کے ڈپٹی سپیکر کو خط لکھ دیا ہے کہ مسلم لیگ ق کے ارکان کے ووٹ اگر عمران خان کے وزارت اعلی کے امیدوار کو دیئے جائیں تو انہیں مسترد کر دیا جائے.موجودہ صورتحال میں پرویز الہی خود کو بھی ووٹ نہیں ڈال سکیں گے اور اگر ووٹ ڈالا تو آرٹیکل تریسٹھ اے لگے گا اور اسپیکر کی نشست سے بھی ہاتھ دھونا پڑیں گے.

اجلس کے موقع پر سیکیوعتی کیلئے پولیس کے تازہ دم دستے پنجاب اسمبلی کے احاطے میں تعینات کیا گیا،پولیس کے اہلکاروں کو ایوان کے اندر تعینات کر دیا گیا،پولیس اہلکار ڈپٹی اسپیکر کی سیٹ کے پیچھے تعینات کئے گئے تھے،پولیس اہلکاروں کو سارجنٹ ایٹ آرمز کے خصوصی اختیار دئیے گئے ، اجلاس شروع ہوتے ہی پنجاب اسمبلی گیٹ کو تالے لگا دیئے گئے اورکسی بھی شخص کو اندر آنے اور باہر جانے کی اجازت نہیں دی گئی.

پیجاب اسمبلی کا اجلاس شروع ہونے سے پہلے مونس الہیٰ نے شجاعت حسین سے ملاقات کی ، دوسری جانب سابق صدر آصف زرداری بھی چودھری شجاعت کے ساتھ مسلسل رابطے میں رہے.

اس سے قبل پنجاب اسمبلی کے آج کے اجلاس کیلئے 4 بجے کا وقت دیا گیا تھا.وزیراعلی پنجاب کیلئے مسلم لیگ ن کے حمزہ شہباز اور مسلم لیک ق کے چوہدری پرویز الہی مدمقابل تھے تاہم جیت کیلئے دونوں ہی پر عزم تھے.

وزیراعلی پنجاب کو منتخب کرنے کیلئے حکومتی اور اپوزیشن ارکان پنجاب اسمبلی پکو بسوں میں پنجاب اسمبلی لایا گیا، زرائع کے مطابق ارکان پیجاب اسمبلی کی کڑی نگرانی بھی کی گئی اور ووٹنگ کا عمل مکمل ہونے تک ارکان کو اسمبلی کی عمارت سے باہر جانے کی اجازت بھی نہیں دی گئی.پ

مسلم لیگ ن کی رکن پیجاب اسمبلی عظمی ضعیم قادری بھی کورونا کے باوجود پنجاب اسمبلی میں حمزہ شہباز کو ووٹ ڈالنے پہنچی تھیں.اجلاس سے قبل پنجاب اسمبلی کے باہر ن لیگ اور اسمبلی کے سیکیورٹی اہلکاروں کے درمیان جھگڑا بھی ہوا، رانا مشہود کا کہنا تھا کہ سیکیورٹی والوں نے ہمارے سٹاف کو اندر جانے سے روکا .

پاکستان تحریک انصاف کے چیئرمین اور سابق وزیراعظم عمران خان ان کا کہنا تھا کہ جنہوں نے پنجاب میں ضمنی الیکشن کروایا انہیں سزا دینی چاہیے۔لاہور کے لبرٹی چوک میں پی ٹی آئی کارکنوں سے خطاب کرتے ہوئے عمران خان نے کہا کہ ضمنی الیکشن میں پی ٹی آئی کو ہرانے کا ہر حربہ استعمال کیا گیا۔

عمران خان نے کہا کہ سپریم کورٹ کو بتایا کہ سینیٹ الیکشن میں 30 سالوں سے پیسہ چلتا ہے، عدالت نے رولنگ دی کہ ویری فائی ایبل ووٹ ہونا چاہیے۔ جتنا پیسہ پنجاب کے ضمنی الیکشن میں چلا، اس کی ماضی میں تاریخ نہیں ملتی۔ہم انتظامیہ اور ریاستی مشینری کیخلاف لڑ رہے ہیں،ہم الیکشن کمیشن کے خلاف بھی لڑ رہے ہیں،ڈسکہ ضمنی الیکشن میں20پولنگ اسٹیشنز پر بے ضابطگیاں ہوئیں،چیف الیکشن کمشنر نے پورے حلقے میں دوبارہ الیکشن کرایا،ضمنی الیکشن میں صرف 12پارٹیوں کیخلاف نہیں لڑے،ہم نے سرکاری مشینری اور الیکشن کمیشن کےخلاف بھی الیکشن لڑے،تحریک انصاف 8دفعہ الیکشن کمیشن گئی لیکن اس نے ہمارے خلاف فیصلہ دیا.

عمران خان نے کہا کہ موجودہ چیف الیکشن کمشنر کی نگرانی میں عام انتخابات میں حصہ نہیں لیں گے،خفیہ ووٹ کے خلاف الیکشن کمیشن نے فیصلہ نہیں دیا،سینیٹ الیکشن میں خرید وفروخت کیخلاف ہم سپریم کورٹ گئے،الیکشن میں ہر قسم کی دھاندلی گئی الیکشن کمیشن نے ن لیگ کی مدد کی،پولیس نے ایف آئی آر کاٹیں لوگوں کو ڈرایا دھمکایا گیا،ای وی ایم مشین سے دھاندلی کے130طریقے ختم ہو جاتے ہیں،ہماری حکومت نے پورا زور لگایا کہ کسی طرح ای وی مشین آجائیں،پی ڈی ایم اور دیگر جماعتوں نے ای وی ایم کی مخالفت کردی،چیف الیکشن کمشنر ای وی ایم کے خلاف تھے،سکندر سلطان راجہ جیسا بد دیانت شخص زندگی میں نہیں دیکھا،یہ لوگ 2دن سے ہمارے لوگوں کو خریدنے کی کوشش کررہے ہیں،زرداری،فضل الرحمان اور شہبازشریف پیسہ چلانے کی کوشش کررہے ہیں،اگر انہوں نے عوام کا مینڈیٹ چوری کیا تو میں ذمہ دار نہیں کہ کیا ہوگا،

قبل ازیں پاکستان تحریک انصاف نے دعویٰ کیا ہے کہ آج چیئرمین عمران خان کی سربراہی میں ہونے والے پی ٹی آئی اور ق لیگ پنجاب کے پارلیمانی پارٹی اجلاس میں 186 ارکان شریک ہوئے۔اس حوالے سے فواد چوہدری نے کہا کہ ‏لاہور کے مقامی ہوٹل میں پی ٹی آئی اور ق لیگ پنجاب کی پارلیمانی پارٹی کا مشترکہ اجلاس ہوا جس میں 186 اراکین شریک ہوئے۔علاوہ ازیں مسلم لیگ ق کے سینیٹر کامل علی آغا نے بھی دعویٰ کیا ہے کہ وزارت اعلیٰ کے انتخاب میں چوہدری پرویز الہیٰ کو 188 ارکان اسمبلی سے زیادہ ووٹ ملیں گے.

سابق صدر آصف علی زرداری ایک بار پھر چوہدری شجاعت حسین سے ملاقات کے لیے ان کی رہائش گاہ پہنچ گئے۔ پیپلز پارٹی کے شریک چیئرمین آصف زرداری نے بڑی عقیدت سے چوہدری شجاعت حسین کے کھٹنوں کو ہاتھ لگایا اور ان کی خیریت دریافت کی ، آصف زرداری نے چوہدری شجاعت حسین سے ملک کی سیاسی صورتحال پر تبادلہ خیال کیا اور اہم معاملات پر مشاورت کی اور چوہدری شجاعت حسین کو اعتماد میں لیا.

باغی ٹی وی کے مطابق پیپلزپارٹی کے شریک چیئرمین آصف زرداری پنجاب میں مسلم لیک ن کی حکومت کو بچانے کیلئے بھرپور کوشش کر رہے ہیں اور اس ضمن میں آصف زردای کی سیاسی ملاقاتیں بھی جاری ہیں. پنجاب کی وزارت اعلی کیلئے انتخاب آج ہو گا.

باغی ٹی وی کی رپورٹ کے مطابق آصف زرداری نے وزیر اعلیٰ پنجاب کے الیکشن کے معاملے پر بھی چوہدری شجاعت حسین کے ساتھ تبادلہ خیال کیا.ذرائع کے مطابق پیپلزپارٹی کے شریک چیئرمین اور سابق صدر آصف زرداری پنجاب میں مسلم لیگ ن کی حکومت اور وزیرعلی حمزہ شہباز کی وزارت بچانے کیلئے کوشاں ہیں،آصف زرداری نے چوہدری شجاعت کے گھر ڈیرہ ڈال لیا ہے، آصف زرداری چوہدری شجاعت سے ملاقات کر کے چلے گئے تھے مگر کچھ ہی دیر بعد دوبارہ وایس آگئے اور چوہدری شجاعت کو حمزہ شہباز کی حمایت کیلئے پر آمادہ کرنے کیلئے کوشاں ہیں.

ذرائع کے مطابق آصف زرداری کی چوہدری شجاعت حسین کے ساتھ گزشتہ 24 کھنٹوں کے دوران دوسری اہم ملاقات ہے، چوہدری شجاعت حسین کے ساتھ ملاقات کے بود جب آصف زرداری چوہدری شجاعت کے گھر سے روانہ ہوئے تو وہ گاڑی میں وکٹری کا نشان بناتے ہوئے روانہ ہوئے.

قبل ازیں سابق صدر آصف علی زرداری سے پیپلز پارٹی کی پارلیمانی پارٹی کے ارکان نے ملاقات کی.پارلیمانی لیڈر حسن مرتضی کی قیادت میں ملاقات بلاول ہاؤس میں ہوئی،پارلیمانی پارٹی کے ارکان نے آصف علی زرداری سے وزیر اعلی پنجاب کے انتخابات کے حوالے سے تبادلہ خیال کیا. ملاقات میں متحدہ اپوزیشن کے امیدوار حمزہ شہباز کو بھر پور سپورٹ کرنے کا اعادہ کیا گیا.

آصف علی زرداری کی پارلیمانی پارٹی کے ارکان سے گفتگو کرتے ہوئے کہا کہ مسلم لیگ ن کے ساتھ کھڑے ہیں، پیپلز پارٹی، مسلم لیگ ن کی اتحادی ہے اور تمام ذمہ داریوں کو قبول کرتی ہے ،ذوالفقارعلی بھٹو کا کارکن ہوں، خرید و فروخت کی سیاست پر یقین نہیں رکھتا.

آصف علی زرداری نے کہا کہ وزیر اعلی پنجاب کا امیدوار حسن مرتضیٰ ہوتا تو میں پیسے ضرور لگاتا ،حمزہ شہباز کے وزارت اعلی کے امیدوار ہونے پر میں پیسہ کیوں لگاوں؟،ملک اور پنجاب کی سیاسی صورتحال پر مفاہمت کے لیے خود کو پیش کیا ہے،مفاہمت کی سیاست پر یقین رکھتا ہوں اور یہ کرتا رہوں گا ،میں پہلی دفعہ لاہور نہیں آیا، 3 ماہ پہلے اعلان کیا تھا کہ میں پنجاب میں بیٹھ کر سیاست کروں گا،ابھی تو میں نے پنجاب کی ہر تحصیل میں جانا ہے، انہوں نے کہا کہ پیسے کی سیاست کو یکسر مسترد کرتا ہوں،مسلم لیگ ن کے ساتھ ڈٹ کر کھڑے ہیں،حمزہ شہباز کو وزیر اعلی پنجاب منتخب کروانے کے لیے اپنی پوری کوشش کریں گے، چودھری شجاعت حسین کے کہنے پر نواز شریف، شہباز شریف اور مریم نواز کو چوہدری پرویز الہی کو وزیر اعلی نامزد کرنے کے لئے آمادہ کیا،انہوں نے بتایا کہ چودھری پرویز الہی میرے ساتھ کمٹمنٹ کر کے عمران خان سے جا ملے ،مسلم لیگ ن نے پرالہی کو وزیر اعلی بنانے کے حوالے سے اپنی کمٹمنٹ پوری کی، میں کمٹمنٹ پوری کرنے والوں کے ساتھ کھڑا ہوں.