راولپنڈی :آرمی چیف کا ٹنلنگ انسٹی ٹیوٹ آف پاکستان (TIP) کا دورہ:ادارے کی کارکردگی کوسراہا،اطلاعات کے مطابق پاک فوج کے سربراہ آرمی چیف جنرل قمر جاوید باجوہ نے ٹنلنگ انسٹی ٹیوٹ آف پاکستان (TIP) کا دورہ کیا۔پاک فوج کے سربراہ جنرل قمرجاوید باجوہ نے فرنٹیئرورکس آرگنائزیشن FWO کے ایک اقدام، جدید ترین ٹنلنگ انسٹی ٹیوٹ کا افتتاح کیا۔

آرمی چیف کواس موقع پربتایا گیا کہ ٹنلنگ انسٹی ٹیوٹ آف پاکستان (TIP) کا مقصد سرنگوں کی پیشہ ورانہ مہارت کو فروغ دینا ہے جس میں تحقیق اور ترقی اور سرنگ کے وسائل کو ہم آہنگ کرنا ہے۔

اس موقع پر آرمی چیف کو بتایا گیا کہ TIP ٹنلنگ اکیڈمیا اور اس شعبہ سے وابستہ صنعت کے ماہرین دونوں کے ذریعے ٹنلنگ کی تعلیم کو سمیٹنے کے لیے ایک مخصوص پلیٹ فارم فراہم کرے گا۔

آرمی چیف کو بتایا گیا کہ دنیا میں ایسی صرف یہ سہولت چھ ملکوں میں دستیاب ہے اورپاکستان میں یہ چھٹی سہولت ہے جو FWO کی طرف سے 10 ماہ کے منصوبہ بند ٹائم فریم کے اندر مکمل اور فعال کی گئی ہے۔
بعد میں آرمی چیف نے نیشنل ایمرجنسی آپریشن سینٹر (NEOC) کا دورہ کیا۔

اس موقع پر پاک فوج کے سربراہ کو ملک میں چلائی جانے والی تازہ ترین پولیو مہموں اور درپیش چیلنجوں کے بارے میں آگاہ کیا گیا۔ پاک فوج کے سربراہ آرمی چیف جنرل قمرجاوید باجوہ نے حساس مقامات پر اضافی افرادی قوت/وسائل فراہم کرنے کی ہدایت کی تاکہ پولیو ٹیموں کو پولیو سے پاک پاکستان کے مقصد کے حصول کے لیے پولیو مہموں کی مناسب رسائی اور مؤثریت کے لیے محفوظ اور محفوظ ماحول کو یقینی بنایا جا سکے۔

ٹنلنگ انسٹی ٹیوٹ آف پاکستان (TIP) کے دورے کے دوران استقبال انجینئر ان چیف (E-In-C) لیفٹیننٹ جنرل معظم اعجاز اور ڈائریکٹر جنرل فرنٹیئر ورکس آرگنائزیشن میجر جنرل کمال اظفر نے کیا۔

قائم مقام چیئرمین نیب اور ڈی جی نیب لاہور ، افسران کے اثاثوں کی عدم فراہمی اور طیبہ گل کے الزامات سے متعلق طلبی پر پبلک اکاؤنٹس کمیٹی میں پیش ہو گئے۔

پارلیمنٹ کی پبلک اکاؤنٹس کمیٹی کااجلاس چیئرمین نور عالم خان کی زیر صدارت شروع ہوا، جس میں قائم مقام چیئر مین نیب ظاہر شاہ اور ڈی جی نیب لاہور شہزاد سلیم پیش ہوئے۔

چیئرمین کمیٹی نور عالم خان نے کہا کہ آپ اور افسران ہمارے لیے قابل احترام ہیں۔ ہم آپ سے کوئی غیر قانونی بات نہیں کرتے، مگر بدقسمتی سے رسہ کشی شروع ہوگئی ہے۔

چیئرمین پی اے سی نے کہا کہ ایک ادارے کا وجود مارشل لا دور میں ہوا، 20 سال میں آپ رولز نہیں بناتے اور افسران کے اثاثوں کی تفصیل مانگنے پر آپ ہمارے اختیارات چیلنج کرتے ہیں ۔ عدالتوں کا احترام مگر عدالتیں 1973 کے آئین کے تحت بنی ہیں۔

کمیٹی کے رکن شیخ روحیل اصغر نے کہا کہ ہائی کورٹ کو اس بات کا علم نہیں، پارلیمنٹ سب سے بڑا فورم اور چیئرمین کے پاس جوڈیشل پاورز ہیں ۔ عجیب تماشا بنا ہوا ہے، کوئی سننے کو تیار نہیں ۔ انہوں نے کہا کہ آپس کی چپقلش سے ہم کمزور ہو رہے ہیں۔ وہ زمانے چلے گئے جب ایک گال پر تھپڑ پڑنے پر دوسرا گال آگے کر دیتے تھے۔ مجھے ایک گال پر تھپڑ پڑے گا تو میں اُس کا گال لال کر دوں گا۔

چیئرمین پی اے سی نور عالم خان نے کہا کہ آپ ہمارا احتساب کریں ،ہم آپ کا احتساب کریں گے۔ خواتین کو ہراساں کرنے اور اختیارات کا ناجائز استعمال برداشت نہیں کریں گے۔ انہوں نے ڈی جی نیب لاہور سے استفسار کیا کہ کیا آپ کو کسی نے ہراساں کیا یا گالی دی؟۔ آپ کوئی دفاع کا ادارہ یا ملٹری نہیں ہیں۔20 سال سے ادارے کے رولز بنانا کس کی ذمے داری تھی؟۔
ڈی جی نیب لاہور شہزاد سلیم نے کمیٹی کو بتایا کہ میں 22 سال سے نیب میں ہوں ، میں نے اس ادارے کا ہر دن اور رات دیکھے ہوئے ہیں۔ میں اپنے خاندان کے سامنے ملزم ہوں ۔ ایک عورت جس پر 40 ایف آئی آرز ہیں، آپ اس کو یہاں آکر ہماری تذلیل کروا رہے ہیں۔ کیا ہماری عزت نہیں؟ انہوں نے کہا کہ میری دو بیٹیاں اور ایک بہن ہے۔
چیئرمین پبلک اکاؤنٹس کمیٹی نور عالم خان نے ہراسگی کا الزام عائد کرنے والی خاتون سے متعلق نامناسب لفظ استعمال کرنے پر اظہار برہمی کرتے ہوئے کہا کہ خواتین کے لیے ایسے الفاظ ناقابل برداشت ہیں۔ ہم نے متاثرہ خاتون کو سنا ہے، فیصلہ نہیں کیا۔ آپ کو یہاں اس لیے بلایا ہے کہ آپ وضاحت کریں۔

ارکان کمیٹی اور چیئرمین نور عالم خان نے بار بار ٹوکنے پر ڈی جی نیب شہزاد سلیم پر اظہار برہمی کرتے ہوئے کہا کہ 20 سال آپ ہی کی سنتے رہے، اب ہماری سنیں ۔ سب سے پہلے اپنے گھر کو درست کریں۔ اثاثوں کی تفصیل پر ایماندار لوگ پریشان نہیں ہوتے۔ انہوں نے کہا کہ قانون کا احترام کرتا ہوں، کسی کے باپ سے نہیں ڈرتا ۔ سپریم کورٹ آف پاکستان میں بھی جاکر کہوں گا، یہ ویڈیو ہے،میرے پاس یہ اختیارات ہیں۔
پبلک اکاؤنٹس کمیٹی میں پیشی کے دوران قائم مقام چیئرمین نیب ظاہر شاہ نے کہا کہ 2008ء سے اس فورم کو اسسٹ کر رہا ہوں۔ سیکرٹری داخلہ کو کہا گیا کہ میری حاضری یقینی بنائی جائے ۔ یہ نا انصافی ہے، ہم کب پی اے سی میں نہیں آئے؟۔ گزشتہ میٹنگ میں قانونی ماہرین سے مشاورت کا وقت مانگا اور قانونی ٹیم نے قانونی پیچیدگی پر عدالت جانے کا مشورہ دیا ۔ کچھ چیزوں پر ہمارا اختلاف تھا ، جس پر ہم عدالت گئے، ہم پی اےسی کے خلاف عدالت نہیں گئے۔
قائم مقام چیئرمین نیب ظاہر شاہ نے کہا کہ ہمیں ڈسکریمینیٹ نہ کیا جائے۔ پی اےسی نے آج تک کسی ادارے کے افسران کے اثاثوں کی تفصیل نہیں مانگی۔ ایف بی آر میں تمام افسران کے اثاثوں کی تفصیل اور ٹیکس ریٹرنزموجود ہیں۔ نیب کے تمام افسران ٹیکس ریٹرنز اور اثاثوں کی تفصیل جمع کراتے ہیں۔
چیئرمین پی اے سی نے پبلک اکاؤنٹس کمیٹی کا اجلاس 11 اگست کو طلب کرتے ہوئے سابق چیئرمین نیب جسٹس ریٹائرڈ جاوید اقبال بھی طلب کرلیا۔ انہوں نے کہا کہ آئندہ پی اے سی اجلاس میں زیر بحث معاملات کا تفصیلی جائزہ لیا جائے گا۔ انہوں نے کہا کہ پبلک اکاؤنٹس کمیٹی سپریم کورٹ کے آڈٹ اعتراضات کا جائزہ بھی لیتی ہے۔

لاہور:اس وقت پاکستان کی سیاسی صورت حال بہت ہی عجیب ہوچکی ہے، جہاں ایک طرف عمران خان ضمنی الکیشن جیت چکے ہیں تو دوسری طرف سپریم کورٹ میں نیب کےحوالے سے ایک کیس زیربحث ہے، اس میں‌ سابق وزیراعظم عمران خان کا موقف ٹھیک ہی مضبوط بھی ہے،

ان قانونی نقاط کوزیربحث لاتے ہوئے سینئر صحافی مبشرلقمان کہتے ہیں کہ یہ قانون جب بھی بنتا ہے وہ آنے والے وقتوں کے لیے بنتا ہے ، ماضی کے لیے نہیں ، تو عمران خان کے دور میں ہونے والی قانون سازی کواب ہونے والی قانون سازی متاثر نہیں کرسکتی اوریہی سپریم کورٹ دیکھ رہی ہے ، مبشرلقمان کہتے ہیں کہ پی ڈی ایم اتحاد نے نیب ترامیم میں 1985 سے لیکرابتک اپنی مرضی سے ترامیم کرلی ہیں جو کہ قابل قبول نہیں ہوں گی

سنیئرصحافی مبشرلقمان نے ایک اور نقطےکو واضح کرتے ہوئے کہا پی ٹی آئی ضمنی الیکشن جیت چکی ہیں اس کے لیے مشکلات ابھی باقی ہیں ،حمزہ شہباز استعفیٰ نہیں دے رہے تواس کا صاف مطلب ہے کہ وہ مقابلہ کریں‌ گے ان کا یہ بھی کہنا تھا کہ ایسی خبریں گردش کررہی ہیں‌ کہ ممکن ہے کہ پی ٹی آئی کے کچھ اراکین ووٹ ہی چوہدری پرویز الٰہی کو نہ دیں‌ یا پھر وہ ووٹنگ کے لیے آئیں ہی ناں ، ان کا کہنا تھا کہ بہرکیف صورت حال بہت پچیدہ نظرآتی ہے ، کچھ بھی ہوسکتا ہے

ان کا کنا تھا کہ اگرپانچ چھ ووٹ آگے پیچھے ہوجاتے ہیں تو چوہدری پرویز الٰہی کے لیے خطرےکی گھنٹی بج سکتی ہے ، ان کا کہنا تھاکہ یہ مقابلہ حمزہ شہباز اور چوہدری پرویز الٰہی کے درمیان ہے اور اس میں نیا امیدوار نہیں آسکتا ، الیکشن کے دن جواپنی اکثریت ثابت کرلے گا وہ وزیراعلیٰ‌ پنجاب بن جائے گا، کا یہ بھی کہنا تھا کہ سلمان نعیم جوزین قریشی کے ہاتھوں شکست خوردہ ہوئے ان کا یہ دعویٰ ہے کہ 20 کے قریب لوگ ووٹ نہیں دیں‌گے ،

مبشرلقمان نے پاکستان کی معاشی صورت حال پر بھی سیر حاصل گفتگو کی اور کہا کہ ڈالربڑی تیزی سے اوپرجارہا ہے اورروپے نیچے گررہا ہے ان کا کہنا تھا کہ اگرکوئی یہ کہے کہ ڈالرکی آڑان کے ذمہ دارعمران خان ہیں تو یہ غلط ہے ، ڈالرکا اوپرجانا یہ ملکی معاشی ترقی کے اشارے ظاہر کرتا ہے ، ملک میں سیاسی عدم استحکام ہے جس کی وجہ سے لوگ ڈالر ملک سے باہر لے جارہے ہیں اوراسٹاک مارکیٹ نیچے جارہی ہے

ان کا یہ بھی کہنا تھا کہ اس وقت سیاسی عدم استحکام ہے ایک پارٹی دوسری کوشکست دینے کی کوشش کررہی ہے، انہوں نے کہا کہ آئی ایم ایف بھی پاکستان کے حالات پر سوچ رہے ہوں گے کہ پاکستان میں وفاق میں حکومت اور ہے اور صوبوں میں اور حکومت ہے اس لیے وہ بھی اپنے فیصلوں پر غور کریں گے ، ان کا یہ بھی کہنا تھا کہ ان حالات میں عمران خان نے میں ناں مانوں کی رٹ لگائی ہوئی ہے ، الیکشن کمیشن کے فیصلے کا انتظار ہے ، اگریہ فیصلہ عمران خان کے خلاف آیا تو پھراور بھی بے چینی پھیلے گی پی ٹی آئی اس فیصلے کو قبول نہیں کرے گی اور پھرملک میں سول نافرمانی جیسا ماحول بن سکتا ہے ،

مبشرلقمان کہتے ہیں کہ فیچ ایک معاشی مانیٹرنگ کرنے والی عالمی تنظیم ہے اس نے پاکستان کی معیشت کومنفی دکھاتے ہوئے کہا ہے کہ معیشت کمزور ہورہی ہے ، ان حالات میں اگرملک میں یہ سیاسی عدم استحکام ایسے ہی رہا تو پھرملک اور پریشانی کا شکار ہوگا

چیف جسٹس نے نیب ترامیم کیس میں ریمارکس دیے کہ جب نیب قانون پاس ہورہا تھا پی ٹی آئی کہاں تھی؟ پی ٹی آئی نے اسمبلی کو ترک کر دیا۔ ملک و آئین کی خاطر سوچیں ، پی ٹی آئی پارلیمنٹ کے اجلاس میں شرکت کرے۔ چاہتے ہیں نیب ترامیم کا معاملہ واپس پارلیمنٹ جائے۔

سپریم کورٹ میں نیب ترامیم کے خلاف عمران خان کی درخواست پر سماعت کے دوران چیف جسٹس پاکستان نے پی ٹی آئی رہنما شاہ محمود قریشی کو روسٹرم پر بلا لیا۔ چیف جسٹس نے سوال کیا کہ قریشی صاحب جب پارلیمنٹ میں حساس معاملات پر قانون سازی ہوئی آپکی جماعت کیوں نہیں تھی؟کیا پارلیمنٹ اور عدلیہ کو اپنا اپنا کام نہیں کرنا چاہیئے؟جب نیب قانون پاس ہورہا تھا پی ٹی آئی کہاں تھی؟

چیف جسٹس نے ریمارکس دیے کہ پی ٹی آئی نے اسمبلی کو ترک کر دیا۔ملک و آئین کی خاطر سوچیں۔اتنی بڑی جماعت اسمبلی میں نہیں تھی پھر کہتے ہیں قانون خلاف قانون بن گئے۔پارلیمنٹ کے اجلاس میں پی ٹی آئی شرکت کرے۔پارلیمنٹ کے اندر معاملات پر بحث ہونی چاہیے۔جمہوریت کی خاطر پارلیمنٹ کو کام کرتے رہنا چاہیے۔

چیف جسٹس عمر عطا بندیال نے ریمارکس دیے کہ پارلیمان کے اختیارات میں مداخلت بہت سوچ سمجھ کر ہی کی جا سکتی ہے۔اگر پارلیمان میں بحث ہوتی تو عدالت کو کئی گھنٹے سماعت نہ کرنا پڑتی۔پاکستان میں پارلیمان سپریم ہے۔مناسب ہوتا ان سوالات پر پہلے پارلیمان میں بحث ہوتی۔پارلیمان میں ان ترامیم پر کوئی بحث نہیں ہوئی۔

چیف جسٹس عمر عطا بندیال نے کہا کہ پارلیمنٹ کا کوئی بدل نہیں ہے۔ پارلیمنٹ کی جگہ کوئی نہیں لے سکتا۔ڈالر کا ریٹ بڑھ رہا ہے۔ملکی معیشت کی حالت خراب ہے۔سب کو مل کر ملک کیلئے کام کرنا ہوگا۔آئی ایم ایف سے سٹاف لیول پر معاہدہ تو ہوگیا ہے لیکن اسے پبلک میں تسلیم نہیں کیا جا رہا۔کرنسی روز بروز ڈگمگا رہی ہے۔

انہوں نے کہا ہے کہ آئندہ سماعت پر قریشی صاحب آپ بھی آئیں دوسرے طرف سے بھی لوگ بلائیں گے۔کبھی کبھی مفاد عامہ اور ملک کی خاطر ذاتی ترجیحات پر سمجھوتہ کرنا پڑتا ہے۔کیا آپ کی جماعت نے کوئی ایسا لائحہ عمل بنایا ہے کہ ملک کو مشکل حالات سے نکالا جا سکا۔آپ کے پاس لوگوں کا اعتماد ہے۔اس ملک ،قوم اور آئین کے بارے میں سوچیں۔

جسٹس منصور علی شاہ نےشاہ محمود قریشی سے مکالمے میں کہا کہ عوام نے بطور ممبر اسمبلی آپ پر جو اعتماد کیا تھا وہ پورا نہیں ہو رہا۔ جب آپکو پتا تھا اتنی حساس قانون سازی ہورہی تو پارلیمنٹ کیوں نہیں گئے۔شاہ محمود قریشی نے جواب دیا کہ کئی گھنٹے تک پارلیمان کی کمیٹی میں نیب ترامیم پر بات ہوئی۔ہم پارلیمنٹ میں مختلف وجوہات کیوجہ سے نہیں تھے۔

جسٹس اعجاز الاحسن نے ریمارکس دیے کہ پی ٹی آئی کو پارلیمنٹ میں اپنی آواز اٹھانی چاہیے۔ صرف صدر نے قانون سازی کیخلاف مزاحمت کی۔ شاہ محمود قریشی نے عدالت کو بتایا کہ تحریک انصاف نے پارلیمنٹ میں قانون سازی پر مشاورت کی کوشش کی۔ہماری نظر میں نیب کی موجودہ ترامیم خلاف آئین ہیں۔

جسٹس منصور علی شاہ نے کہا میرا بھی سوال ہے کیا درخواست گزار کا حق دعوی ہے؟درخواست گزار پارلیمنٹ سے واک آوٹ کر گئے۔درخواست گزار کے پاس عوام کا ایک ٹرسٹ ہے۔پارلیمنٹ میں اتنی سیریس ترامیم ہوئیں۔کیا اس صورتحال میں درخواست گزار کاحق دعوی بنتا ہے؟

عدالت نے قرار دیا کہ عوام کے منتخب نمائندوں کی حیثیت سے یہ بات پارلیمنٹ میں اٹھائیں۔آئندہ سماعت پر سیاسی جماعتیں بتائیں کہ پارلیمنٹ میں معاملات حل کیوں نہیں ہوسکتے۔چاہتے ہیں یہ معاملہ واپس پارلیمنٹ جائے۔