Category: اہم خبریں

تحریک انصاف کے رکن قومی اسمبلی ڈاکٹر عامر لیاقت انتقال کر گئے ہیں

چھپا ذرائع کا کہنا ہے کہ ڈاکٹر عامر لیاقت گھر میں مردہ حالت میں پائے گئے عامر لیاقت کے ڈرائیور نے ریسکیو عملے کو کال کی، ریسکیو عملے کی مدد سے اسپتال منتقل کیا گیا، عامر لیاقت حسین کے کمرے کا دروازہ بند تھا جسے گھر کے ملازمین کئی دیر سے کھٹکھٹا رہے تھے ، بعد ازاں ملازمین نے پولیس اور ریسکیو کو بلایا، پولیس کا کہنا ہے کہ ملازمین کی اطلاع پر ہی ریسکیو کی ایمبولینس عامر لیاقت کے گھر پہنچی

پولیس کا کہنا ہے کہ رکن اسمبلی عامر لیاقت کی موت کی وجہ جاننے کے لیے پوسٹ مارٹم کرایا جائے گا عامر لیاقت کے گھر سے شواہد اکٹھے کر رہے ہیں، عامر لیاقت کے ملازمین سے بھی بیانات لیں گے،ایس پی شرقی کا کہنا ہے کہ عامر لیاقت کی ڈیڈ باڈی پوسٹ مارٹم کےلئے اسپتال منتقل کی گئی ہے، عامر لیاقت کے پوسٹ مارٹم کے لیے 3 رکنی کمیٹی تشکیل دے دی گئی پولیس سرجن ڈاکٹر سمعیہ سید پوسٹ مارٹم ٹیم کی سربراہی کریں گی کمیٹی میں 2 میل میڈیکولیگل افسران بھی شامل ہوں گے،عامرلیاقت کا پوسٹ مارٹم کراچی کے جناح اسپتال میں کیا جائے گا

عامر لیاقت رکن قومی اسمبلی تھے اور انہوں نے تحریک عدم اعتماد کے موقع پر عمران خان کے خلاف کھڑے ہو گئے تھے، تحریک انصاف کی سوشل میڈیا ٹیمز کی جانب سے عامر لیاقت کے خلاف ٹویٹر پر طوفان بدتمیزی برپا کیا گیا تھا،

عامر لیاقت کی وفات کی خبر آئی تو قومی اسمبلی کا اجلاس جاری تھا، سپیکر قومی اسمبلی راجہ پرویز اشرف نے کہا کہ افسوسناک خبر ہے کہ رکن اسمبلی عامر لیاقت کا انتقال ہوگیا ہے ایوان کی کاروائی فوری روکنی چاہیے عامر لیاقت کے انتقال کے باعث قومی اسمبلی کا اجلاس کل شام پانچ بجے تک ملتوی کر دیا گیا

ابتدائی اطلاعات کیمطابق عامر لیاقت کے گھر میں جنریٹر کا دھواں پھیلا ہوا ہے ممکنہ طور پر لوڈ شیڈنگ کے سبب جنریٹر چلایا اور کمرے میں گیس بھرجانے کے سبب عامر لیاقت چل بسے، سوال یہ اٹھتا ہے کہ کمرے میں جنریٹر کون رکھتا ہے، عامر لیاقت کے کمرے میں ہی جہاں وہ سوتے ہیں وہاں جنریٹر کیوں رکھا گیا تھا، اور کیا اتنی لوڈشیڈنگ ہوئی تھی کہ عامر لیاقت کو مسلسل جنریٹر چلانا پڑا تھا

عامرلیاقت نے ٹی وی پروگرام عالم آن لائن،رمضان ٹرانسمیشن سے شہرت حاصل کی تھی عامرلیاقت جیو،اے آر وائی ،پی ٹی وی ،بول اورایکسپریس سے منسلک رہے ،ایم این اےعامرلیاقت کےسوگواران میں بیٹا اوربیٹی ہیں عامر لیاقت حسین 2002 کے انتخابات میں ایم کیوایم کے ٹکٹ پر ایم این اے منتخب ہوئے تھے عامر لیاقت حسین سابق وزیراعظم شوکت عزیز کی کابینہ میں وزیرمملکت مذہبی امور رہے مارچ 2018 میں عامر لیاقت حسین نے تحریک انصاف میں شمولیت اختیار کی 2018کے انتخابات میں کراچی سے پی ٹی آئی ٹکٹ پر قومی اسمبلی کے ممبر بنے

صدر مملکت عارف علوی نے عامر لیاقت حسین کے انتقال پر اظہار افسوس کیا ہے صدرمملکت نے عامرلیاقت کے اہل خانہ سے اظہار ہمدردی اور صبر جمیل کی دعا کی ہے،وزیر اعظم شہباز شریف نے عامر لیاقت حسین کے انتقال پر اظہارِ افسوس کیا ہے،وزیراعظم شہباز شریف کا کہنا تھا کہ اللہ تعالیٰ عامر لیاقت حسین کے درجات بلند کریں،اللہ تعالیٰ عامر لیاقت حسین کے سوگواران کو صبرِ جمیل عطا کریں،

پاکستان پیپلزپارٹی کے چیئرمین اور وزیرخارجہ بلاول بھٹو زرداری نے رکن قومی اسمبلی ڈاکٹر عامر لیاقت حسین کے انتقال پر اظہار افسوس کیا، اور کہا کہ ڈاکٹر عامر لیاقت حسین نے صحافت سے لے کر سیاست تک ایک متحرک زندگی گزاری،

وزیراعلیٰ سندھ سید مراد علی شاہ نے عامر لیاقت کےانتقال پر اظہار افسوس کیا ہے سابق صدر آصف علی زرداری نے عامر لیاقت کے انتقال پر اظہار افسوس کیا اور کہا کہ عامر لیاقت کے انتقال کی خبر انتہائی افسوسناک ہے آصف علی زردارینے عامر لیاقت کے خاندان سے ہمدردی اور اظہارتعزیت کیا ،سابق وزیر داخلہ شیخ رشید احمد نے عامر لیاقت حسین کے انتقال پر گہرے دکھ کا اظہارکیا،وزیراعلئ بلوچستان میر عبدالقدوس بزنجو نے رکن قومی اسمبلی ڈاکٹر عامر لیاقت حسین کی وفات پر دکھ کا اظہار کیا، اور کہا کہ ڈاکٹر عامر لیاقت حسین کی وفات کا سن کر دلی افسوس ہوا۔ مرحوم ایک ہمہ جہت شخصیت کے مالک تھے مرحوم سنئیر سیاستدان مزہبی سکالر اور معروف ٹی وی اینکر بھی تھے وزیراعلئ نے مرحوم کے خاندان سے تعزیت اور ہمدردی کا اظہار کیا، اور کہا کہ اللہ تعالی مرحوم کی مغفرت فرمائے اور سوگوار خاندان کو صبر جمیل عطا کرے

کراچی: وزیر بلدیات سندھ سید ناصر حسین شاہ ڈاکٹر عامر لیاقت حسین کی میت کے ہمراہ جناح اسپتال پہنچ گئے۔ میت پوسٹمارٹم کے بعد ورثہ کے حوالے کی جائے گی#baaghitv #pakistan #amirliaquat @BBhuttoZardari @SyedNasirHShah @NasirShahOffice pic.twitter.com/c4hYWvXeZG

— Baaghi TV باغی ٹی وی (@BaaghiTV) June 9, 2022

اینکر حامد میر نے ٹویٹ کرتے ہوئے کہا کہ جب کوئی دنیا سے چلا جائے تو اسکی اچھی باتوں کو یاد رکھنا چاہئیے اللّٰہ پاک عامر لیاقت صاحب کی مغفرت فرمائے اور انکے سفر آخرت کو آسان بنائے آمین

جب کوئی دنیا سے چلا جائے تو اسکی اچھی باتوں کو یاد رکھنا چاہئیے اللّٰہ پاک عامر لیاقت صاحب کی مغفرت فرمائے اور انکے سفر آخرت کو آسان بنائے آمین https://t.co/rZOL832wGV

— Hamid Mir حامد میر (@HamidMirPAK) June 9, 2022

رہنما ایم کیوایم خالد مقبول صدیقی نے عامر لیاقت کے انتقال پر افسوس کا اظہارکیا، خالد مقبول صدیقی کا کہنا تھا کہ عامر لیاقت اور اُنکے والد کی ایم کیو ایم سے دیرینہ وابستگی رہی ہے،

عامر لیاقت حسین کی وفات پر انکی سابق بیوی کی جانب سے بھی تعزیت کا اظہار کیا گیا ہے، دانیہ جن کی شادی کے چند ماہ بعد طلاق یو گئی تھی نے عامر لیاقت کی وفات کے بعد انسٹا گرام پر افسوس کا اظہار کیا اور کہا کہ اللّٰہ پاک عامر کی مغرت فرمائے اور اُن کو جنت الفردوس میں اعلیٰ مقام عطا فرمائے آمین ثم آمین۔

یہاں پر آئین کی تو کسی کو پرواہ ہی نہیں، چیف جسٹس اسلام آباد ہائیکورٹ

سوشل میڈیا پر ٹویٹس کی وجہ سے ایف آئی اے نوٹسز کے خلاف کیس کی سماعت 24جون تک ملتوی کر دی گئی

اسلام آباد ہائیکورٹ نے درخواست گزار کو ہراساں کرنے سے روکنے کے حکم میں 24 جون تک توسیع کردی ،اسلام آباد ہائیکورٹ کے چیف جسٹس اطہر من اللہ نے درخواست گزار سے استفسار کیا کہ کیا یہ آپ کی ٹویٹ ہے ؟ درخواست گزار نے کہا کہ مجھے معلوم نہیں ایف آئی اے کو میری کس ٹویٹ پر اعتراض ہے ،عدالت نے کہا کہ آپ کو پتہ ہونا چاہیے جو کچھ پارلیمنٹ میں ہوا وہ آئین کے مطابق ہوا ہے آپ کو پتہ ہے آئین کیا ہے ؟ ریاست آئین پر چلتی ہے اگر کوئی چیز پارلیمنٹ میں ہو تو آپ کیسے اعتراض کر سکتے ہیں؟ اسلام آباد ہائیکورٹ کے چیف جسٹس اطہرمن اللہ نے ریمارکس دیتے ہوئے کہا کہ یہاں پر آئین کی تو کسی کو پرواہ ہی نہیں ہے ، ایف آئی اے حکام نے کہا کہ درخواست گزار نے ٹویٹس میں پورے ملک کو کہا کہ ریاست کے خلاف کھڑے ہو جائیں ،

اسلام آباد ہائیکورٹ کے چیف جسٹس اطہرمن اللہ نے ریمارکس دیتے ہوئے کہا کہ ادارے اصل میں عوام کی وجہ سے ہیں عوام میں کچھ لوگ نا سمجھی سے یہ کر دیتے ہیں، ریاست کے اور بہت سے کام ہیں یہ ادارے ان ٹویٹس سے بہت اوپر ہیں کسی کی ٹویٹس یا کہنے پر بغاوت نہیں ہوتی فوج ملک کے لیے قربانیاں دے رہی ہے، میرے بارے میں کتنی تنقید ہورہی ہے تو کیا یہ میری آزادی کو متاثر کر سکتا ہے؟ مجھ پر کیا کیا الزام لگائے گئے پتہ نہیں فلیٹ بھی دلوا دئیے ،ہو سکتا ہے درخواست گزار نے بھی یہ کہا ہو ،ریاستی ادارے اپنے عمل اور کردار سے اپنا عزت و وقار بناتے ہیں ،اسلام آباد ہائیکورٹ کے چیف جسٹس نے ایف آئی اے حکام سے استفسار کیا کہ ٹویٹس سے اداروں کو کیا فرق پڑتا ہے ؟سوشل میڈیا پر جتنا جھوٹ ہے کیا آپ سب کے پیچھے پڑ جائینگے ،اگر میرے بارے میں کچھ لکھنے سے میں خوفزدہ ہو گیا تو یہ میرے حلف کی خلاف ورزی ہو گی،ایک ناسمجھی کی ٹویٹ ہے اس پر جرم کیا بنتا ہے ؟ اگر سوشل میڈیا سے پبلک آفس ہولڈر خوفزدہ ہو جائیں تو یہ ان کے حلف کی بھی خلاف ورزی ہو گی، عدالت نے درخواست گزار کو شامل تفتیش ہونے کی ہدایت کر دی

صحافیوں کے خلاف کچھ ہوا تو سپریم کورٹ دیوار بن جائے گی، سپریم کورٹ

صحافیوں کا کام بھی صحافت کرنا ہے سیاست کرنا نہیں،سپریم کورٹ میں صحافیوں کا یوٹرن

پولیس جرائم کی نشاندہی کرنے والے صحافیوں کے خلاف مقدمے درج کرنے میں مصروف

بیوی، ساس اورسالی کی تصاویر سوشل میڈیا پر وائرل کرنے کے الزام میں گرفتارملزم نے کی ضمانت کی درخواست دائر

سپریم کورٹ کا سوشل میڈیا اور یوٹیوب پر قابل اعتراض مواد کا نوٹس،ہمارے خاندانوں کو نہیں بخشا جاتا،جسٹس قاضی امین

‏ سوشل میڈیا پر وزیر اعظم کے خلاف غصے کا اظہار کرنے پر بزرگ شہری گرفتار

عمران خان نے ویڈیو کے ذریعے چیئرمین نیب کو کیسے بلیک میل کیا؟ سلیم صافی کے ساتھ طیبہ کا بڑا انکشاف
باغی ٹی وی کی رپورٹ کے مطابق چیئرمین نیب کے ساتھ نازیبا ویڈیو میں موجود خاتون سامنے آگئی

سینئر صحافی و اینکر سلیم صافی کو ویڈیو میں موجود خاتون نے انٹرویو دیا ہے، اس انٹرویو میں طیبہ گل نے انکشاف کیا کہ میں نے ویڈیو چیئرمین نیب کا اصل روپ دکھانے کیلئے بنائی مجھے انصاف تو نہیں ملا لیکن وزیر اعظم عمران خان وہی ویڈیو چیئرمین نیب کو دیکھا کر بلیک میل کرتے رہے اور عمران خان نے نیب سے ہیلی کاپٹر کیس اور مالم جبہ کیس ختم کروا لئے

خاتون کا کہنا تھا کہ چیئرمین نیب کے خلاف وزیراعظم کے شکایتی سیل ” سٹیزن پورٹل” پر داد رسی کے لئے شکایت اپلوڈ کی تھی۔ جس کے بعد اس سے وہ ثبوت لے کر ٹیلیویژن چینل پر چلائے گئے اور چیئرمین نیب کو بلیک میل کیا گیا۔ وہ ویڈیو امانت تھی، میں ویڈیو کو ٹی وی پر نہیں دینا چاہتی تھی، عمران خان اور اسکے حواریوں نے اس ویڈیو کو استعمال کیا اور ٹی وی پر چلوا دیا، اعظم خان نے کہا تھا کہ جو چیزیں آپ کے پاس ہیں وہ ہمیں دیں، میں نے تو ویڈیو تحقیقات کے لئے دی تھی، لیکن بعد میں پتہ چلا کہ ہماری ویڈیو ٹی وی پر چلوا دی گئیں، وہ ویڈیو عمران نیازی نے News one پر چلوا دی ، میرے ساتھ چیرمین نیب کی اور بھی ویڈیوز تھیں وہ ویڈیوز یو ایس بی میں تھی اور وہ یو ایس بی میں نے وزیر اعظم عمران نیازی کے سیکرٹری اعظم خان کو دے دیں تھیں

‏چیئرمین نیب کے ساتھ ناذیبا ویڈیو میں موجود طیبہ گل نے مزید بتایا کہ شاہزیب خانزادہ نے پروگرام کیا تھا میں نے کچھ حقائق بتائے تھے، نیب کے کیس کے خلاف چارج شیٹ بنتی ہے، میں اور میرا شوہر ڈیڑھ ماہ وزیر اعظم ہاؤس رہے اور کہیں آتے جاتے تھے وہ سب خرچہ وزیر اعظم عمران خان نے اٹھایا،

چیئرمین نیب کی ویڈیو لیک کرنیوالوں کے خلاف ریفرنس دائر

چیئرمین نیب کے خلاف خبر پر پیمرا ان ایکشن، نیوز ون کو نوٹس جاری، جواب مانگ لیا

چیئرمین نیب کی کردار کشی کرنیوالے سائبر کرائم کے ماہر، انڈیا اور افغانستان میں رابطے، حیران کن انکشافات

چیئرمین نیب کے استعفیٰ کے مطالبے پر مسلم لیگ ن میں اختلافات

سلیم صافی نے سوال کیا کہ لوگ کیسے یقین کر کیں کہ عمران خان نے آپ کو انصاف دینے کی بجائے، آپ کے دیے ہوئے مواد کو اپنے حق میں استمعال کیا ، جس پر خاتون کا کہنا تھا کہ چیئرمین نیب کو بھیجے گئے میسج کا ثبوت موجود ہے، ہم نے تو حکومت سے انصاف مانگا تھا لیکن انہوں نے کوئی انصاف نہیں دلوایا، ،عمران خان اور اعظم خان کیا میری بات سنتے، انہوں نے اسی ویڈیو کو استعمال کیا، پرویز خٹک، مالم جبہ کیس ختم ہو گئے،انہوں نے اس ویڈیو سے بے شمار فائدے اٹھائے، ایک کیس اٹھا کر بتا دیں جو انکے خلاف چلا ہو، چیئرمین نیب کو بلیک میل کیا گیا، ہماری عمران خان سے ملاقات بھی ہوئی ہے، کئی ملاقاتیں ہوئی ہیں، وعدہ کیا جاتا تھا کہ انصاف ملے گا لیکن میں تین سال سے انصاف کی جنگ لڑ رہی ہوں، مجھے کیا انصاف دیتا تھا اپنے کیس بند کروا دیئے، یہ تقاضا ہوتا تھا کہ کچھ اور ہے تو دیں، میں پھر ان پر ٹرسٹ نہیں کر سکی اور ملنا چھوڑ دیا

وزیر داخلہ ، سی سی پی او ، ڈی آئی جی آپریشنز کے خلاف مقدمہ درج کرنے کا فیصلہ معطل کر دیا گیا

لاہور ہائیکورٹ نے کانسٹیبل محمد اسلم کی درخواست پر مقدمہ درج کرنے کا فیصلہ معطل کیا لاہور ہائیکورٹ نے فریقین کو نوٹس جاری کر کے آئندہ سماعت پر جواب طلب کر لیا کانسٹیبل محمد اسلم نے سیشن کورٹ کے فیصلے کے خلاف لاہور ہائیکورٹ سے رجوع کیا تھا

واضح رہے کہ لانگ مارچ کے دوران وکلا اور کارکنوں پر تشدد کا معاملہ سیشن کورٹ نے وزیر داخلہ رانا ثنا اللہ اور پولیس افسران کے خلاف کاروائی کا حکم دیا تھا،عدالت نے حکم دیا تھا کہ متعلقہ ایس ایچ او مقدمہ درج کرکے قانون کے مطابق سخت کارروائی کریں ایڈیشنل سیشن جج ملک مدثر عمر بودلہ نے پی ٹی آئی وکلا کی درخواست پر فیصلہ سنایا تھا سیشن کورٹ نے وزیر داخلہ رانا ثنا اللہ اور پولیس افسران کے خلاف کارروائی کا حکم بھی دیا تھا

واضح رہے کہ تحریک انصاف کے لانگ مارچ کے دوران لاہور سمیت کئی شہروں میں گرفتاریاں ہوئی تھیں، اس دوران پی ٹی آئی کارکنان پر تشدد بھی کیا گیا تھا، عمران خان اسلام آباد پہنچ گئے تھے لیکن اسلام آباد پہنچنے کے بعد فوری واپس چلے گئے اور کہا کہ ایک ہفتے بعد دوبارہ لانگ مارچ کروں گا، اور اہم اعلان کروں گا،

قبل ازیں پی ٹی آئی لانگ مارچ کے دوران توڑ پھوڑ کا معاملہ، سابق وزیر داخلہ شیخ رشید کی درخواست ضمانت پر سماعت ہوئی، سیشن جج نے 5،5 ہزار کے مچلکوں کے عوض ضمانت منظور کی، عدالت نے 2 مقدمات میں شیخ رشید کی ضمانت منظورکی۔ عدالت نے پولیس کو ریکارڈ سمیت 13 جون کو طلب کرلیا۔

کیا آپ کو علم ہے کہ سپریم کورٹ کے ملازمین بھی نہیں پہنچ سکے،عدالت

اللہ تعالیٰ اس ملک کے سیاست دانوں کو ہدایت دے،لاہور ہائیکورٹ کے ریمارکس

لانگ مارچ، راستے بند، بتی چوک میں رکاوٹیں ہٹانے پر پولیس کی شیلنگ،کئی گرفتار

پی ٹی آئی عہدیدار کے گھر سے برآمد اسلحہ کی تصاویر سامنے آ گئیں

قومی اسمبلی میں قومی یونیورسٹی برائے سیکیورٹی سائنسز کے قیام کا بل پیش کر دیا گیا

رکن اسمبلی حامد حمید نے کہا کہ ملک میں جرائم کے بعد جائے وقوعہ سے سائنسی بنیادوں پر ثبوت اکٹھے کرنے کا کوئی نظام نہیں، پوری دنیا میں لوگ آرٹیفشل انٹیلی جینس کی طرف چلے گئے ہیں ،ہمارے ہاں اس موضوع پر ڈگری دینے والی یونیورسٹی موجود نہیں، مرتضیٰ جاوید عباسی نے کہا کہ یہ بڑا اچھا آئیڈیا ہے معزز رکن ہائیر ایجوکیشن کمیشن سے پراسیس کروا لیں ،حامد حمید نے کہا کہ ہائیر ایجوکیشن کمیشن کی جو بھی ضروریات ہیں ہم پوری کریں گے،

قومی اسمبلی،کالجوں اور یونیورسٹیوں میں طلبہ کا لازمی منشیات ٹیسٹ بل 2022 پیش کر دیا گیا بل مسلم لیگ ن کی رکن قومی اسمبلی شکیلہ لقمان نے پیش کیا،حکومت نے بل کی مخالفت کر دی، وفاقی وزیر مرتضیٰ جاوید عباسی نے کہا کہ بل پر غور کیا جا رہا ہے اسے واپس لیا جائے،ایوان میں بل پیش کرنے کیلئے رائے شماری کرائی گئی اکثریت نے مخالفت کر دی، اکثریت نے بل پیش کرنے کیخلاف ووٹ دیا جس کے بعد بل کو مسترد کر دیا گیا

کالا جادو کرنے والوں کے لئے سزا بڑھانے سے متعلق بل ایوان میں پیش کر دیا گیا، بل متعلقہ قائمہ کمیٹی کے سپرد کردیا گیا بل مسلم لیگ ن کے رکن اسمبلی چوہدری فقیر احمد کی جانب سے پیش کیا گیا ,قومی اسمبلی میں پاکستان میڈیکل اینڈ ڈینٹل کونسل کی تشکیل نو کا بل متفقہ طور پر منظور کر لیا گیا بل پاکستان پیپلز پارٹی کی رکن اسمبلی مہرین رزاق بھٹو کی جانب سے پیش کیا گیا

قبل ازیں اسپیکر قومی اسمبلی راجہ پرویز اشرف میڈیا سے گفتگو کرتے ہوئے کہا ہے کہ اسمبلیوں سے استعفی دینے کا طریقہ کار ہے جن حضرات نے استعفے دیے ہیں ان کے دستخط نہیں ملتے وہ ہاتھ سے لکھ دیں سیکرٹریٹ نے استعفی دینے والوں کی تنخواہیں اور مراعات روکی ہیں کچھ لوگ آئے اور کچھ نہیں کچھ لوگوں نے براہ راست رابطہ کیا ہے

چلغوزے سستے،پڑھا لکھا ایس ایچ او،تمباکو کی قیمت ،مردم شماری کیلئے فنڈ ،کابینہ کے فیصلے

تمباکو نوشی کے استعمال کے خلاف مہم،ویب سائٹ کا افتتاح

 تمباکو نوشی کے خلاف کرومیٹک کے زیر اہتمام کانفرنس :کس کس نے اور کیا گفتگو کی تفصیلات آگئیں

تمباکو سیکٹر میں سالانہ 70 ارب روپے کی ٹیکس چوری کا انکشاف

جب حکمران ٹکٹ ہی ان لوگوں کو دیں جن کا کاروبار تمباکو اور سگریٹ سے وابستہ ہو تو کیا پابندی لگے گی سینیٹر سحر کامران

ٹرائل کورٹس میں زیرالتواء منشیات کیسز کی تفصیلات آئندہ اجلاس میں طلب

نارووال اسپورٹس سٹی ریفرنس میں احسن اقبال بریت کی درخواست پر سماعت ملتوی

وفاقی وزیر احسن اقبال کی نارووال اسپورٹس سٹی ریفرنس میں بریت کی درخواست پر سماعت ہوئی

اسلام آباد ہائیکورٹ کے جسٹس عامر فاروق اور جسٹس ثمن رفعت امتیاز نے سماعت کی نیب نے احسن اقبال کی بریت کی درخواست پر دلائل کیلئے عدالت سے وقت مانگ لیا، جسٹس عامر فاروق نے استفسار کیا کہ احسن اقبال پر ریفرنس میں الزامات کیا ہیں؟ احسن اقبال پر کرپشن کا کوئی الزام نہیں تو پھر کیس کیا ہے؟ وکیل ذوالفقار عباس نقوی نے کہا کہ احسن اقبال پر اختیارات کے غلط استعمال کا کیس ہے،نارووال اسپورٹس سٹی منصوبے کی منظوری سی ٹی ڈبلیو پی سے لی گئی، جسٹس عامر فاروق نے استفسار کیا کہ سی ٹی ڈبلیو پی کیا ہے اور اس ادارے کا کیا کردار ہے؟ نیب پراسیکیوٹر نے کہا کہ سینٹرل ڈویلپمنٹ ورکنگ پارٹی وزارت منصوبہ بندی کے ماتحت کام کرتی ہے،جسٹس عامر فاروق نے استفسار کیا کہ اس ادارے کا کردار اور قانونی حیثیت کیا ہے؟ کیا سی ٹی ڈبلیو پی کے چیئرمین کے علاوہ دیگر ممبرز بھی ریفرنس میں ملزمان ہیں؟ نیب نے منظوری دینے والے بورڈ میں سے محض ایک شخص کو ملزم کیسے بنا دیا؟ نیب نے پک اینڈ چوز کیسے کیا؟ منظوری تو پورے بورڈ نے دی تھی، احسن اقبال کی نارووال اسپورٹس سٹی ریفرنس میں بریت کی درخواست پر سماعت 29 جون تک ملتوی کر دی گئی

نیب کی غفلت سے میرا بازو مستقل ٹیڑھا ہو گیا، احسن اقبال نیب اور حکومت پر برس پڑے

ناروال اسپورٹس کمپلیکس کیس،ریفرنس دائر ہونے کے بعد احسن اقبال نے کیا مطالبہ کر دیا؟

احتساب عدالت نے احسن اقبال کی بریت کی درخواست پر فیصلہ محفوظ کر لیا