Category: اہم خبریں

بحریہ ٹاؤن کے چئیرمین ملک ریاض کی ایک اور آڈیو لیک ہو گئی-

باغی ٹی وی :باغی ٹی وی کی رپورٹ کے مطابق پراپرٹی ٹائیکون ملک ریاض کی جانب سے عمران خان کی اہلیہ بشری بی بی کو ہیرے کی انگوٹھی دینے کے چرچے تو عام ہوئے تھے ساتھ ہی بحریہ ٹاؤن کی جانب سے فرح جو بشری بی بی کی دوست ہے کو زمینیں دینے کی بھی خبریں آئی تھیں اب ایک آڈیو سامنےآئی ہےجس میں ملک ریاض اور انکی بیٹی امبر بات چیت کررہے ہیں دونوں کی گفتگومیں انگوٹھی دینے ۔بشری بی بی کی ڈیمانڈ اور کاغذات کا ذکر ہے-

بزنس ٹائیکون اور ہاؤسنگ سوسائٹی بحریہ ٹاؤن کے چئیرمین ملک ریا ض اور ان کی بیٹی امبر ملک کی ایک آڈیو وائرل ہو رہی ہے جس میں وہ خاتون اول اور فرح گوگی کے ساتھ کی گئی ڈیل کے بارے مین بات کر رہے ہیں-

وائرل آڈیو میں ملک ریاض کی‌ صاحبزادی بزنس ٹائیکون کے ساتھ بات کرتے ہوئے کہتی ہیں کہ فرح کا فون آیا تھا وہ کہہ رہی تھی کہ انگوٹھی منگوا لیں میں نے انگوٹھی منگوا لی ہے کہہ رہی تھی کہ ہگتے کو میری ملاقات ہے تو اس سے پہلے انتظام کر لیں-

ملک ریاض کہتے ہیں کہ کب ملاقات ہے؟ امبر ملک کہتی ہیں کہ ہفتے کو ،ملک ریاض کہتے سنائی دیتے ہیں کہ تو کردو تم اسے انگوٹھی منگوا دو-

امبر ملک کہتی ہیں امی نے اویس کو کہہ دیا ہے پرسوں آجائے گی ملک ریاض کہتے ہیں کہ اسے کہو ادھر سے ہی تیار کر کے منگوا لے-

ملک ریاض کی بیٹی کال پر بتاتی ہیں کہ نہیں وہ( فرح) کہتی ہے کہ مجھے ہیرا منگوا دیں انگوٹھی میں ادھر سے ہی بنوا لوں گی جو پیسے بنیں گے بعد میں مجھے دے دینا میں نے کہا ٹھیک ہے دوسری بات یہ ہے اس نے( فرح) مجھے کہا کہ خان صاحب( عمران خان) کا فون آیا تھا صبح آپ کی سائٹ کے تالے کھل جائیں گے جو رپورٹ جمع کرائی ہے خان صاحب نے کہا ہے کہ وہ میری گارنٹی ہے میں ختم کرادوں گا اور لیٹر بھی آپ کو کل مل جائے گا اور جو ٹائم ہے آپ کا وہ بی بی ( بشریٰ بی بی ) مجھے رات کو بتائیں گی-

امبر ملک کا کہنا تھا کیونکہ میں نے فرح پر پوری چڑھائی کر دی ہے میں نے کہا فرح دیکھو ایک کام نہیں ہوا میں نے کہا ایک کام نہیں ہوا عمران خان صاحب نے بھی 4 دن لے لئے ہیں ابھی تک لیٹر نہیں آیا تالے بھی لگ گئے ہیں رپورٹ بھی جمع ہو گئی ہے عدالت میں تو میں نے کہا کیا بنے گا ہمارا ؟ تو فرح کہتی تم پینک نہ ہو تو پھر مجھے خود فون آیا کہ بی بی یہ کہہ رہی ہے ٹھیک ہے کل آپ کو لیٹرلازمی مل جائے گا-

ملک ریاض کہتے ہیں کہ ہفتے سے پہلے اسے انگوٹھی منگوا دینا ، امبر ملک کہتی ہیں کہ وہ کہتی ہے کہ تم کسے انگوٹھی دے رہی تھی خاتون اول کو تم نے دی کیا ہے –

ملک ریاض کہتے ہیں اور تم نے پوچھا نہیں تھا پہلے کہ کتنے کیرٹ کی ہو؟ امبر ملک کہتی ہیں میں پوچھا تھا اس نے کہا تم کتنے کیرٹ کی پہنتی ہو؟ میں نے کہا تین،میں نے کہا پھر تم لوگوں کے لئے بھی تین ٹھیک ہے فرح کہتی نہیں پانچ کیرٹ تو کم ازکم منگوا کر دو میں نے کہا اچھا اور میں نے پہلے دی ہوئی انکگوٹھی واپس منگوا لی کہ کہیں یہ انگوٹھی بھی نہ پی جائے یہ سوچ کر کہیں یہ بھی نہ رکھ لے اور کہا کہ آپ کو پرسوں واپس مل جائے گی –

ملک ریاض کہتے ہیں کہ وہ لیٹر میں کل دے دوں گا اسے کہو ابو کہہ رہے ہیں کہ وہ لیٹر میں کل بھیج دے دوں گا –

ملک ریاض کی صاحبزادی کہتی ہیں کہ میں پوری چڑھائی کی اس پر میں نے کہا میں اتنی ڈسٹرب ہوئی ہوں میں صبح اتنا روئی ہوں اگر میری یہ فلینگ ہے تو ابو کی کیسی فیلنگ ہو گی میں نے کہا کہ جگہ جگہ ابو لوگوں کو ٹریس کر رہے ہیں فیس کر رہے ہیں اور ہر کوئی لولی پوپ دے رہا ہے فرح کہتی نہ پینک ہو میں نے دو تین فون کئے ہیں میری بی بی سے بات ہو گئی ہے لیٹر آپ کو کل لازمی مل جائے گا صبح تالے کھل جائیں گے خان صاحب نے کہا رپورٹ کا ذمہ دار میں ہوں-

عمران خان نے ایک ویڈیو بیان میں کہا تھا کہ بشریٰ بی بی بہت کم لوگوں سے ملتی ہیں جسے سب سے زیادہ ملتی ہیں وہ فرح خان ہیں-

واضح رہے کہ فرح بی بی سابق وزیراعظم عمران خان کی اہلیہ بشری بی بی کی دوست ہیں۔فرح بی بی پر پنجاب میں کرپشن کے الزامات لگے ہیں نیب میں بھی تحقیقات جاری ہیں نیب نے فرح کے ملازمین کو طلب کیا تھا لیکن وہ پیش نہ ہوئے اور انکے وکیل نے جواب جمع کروایا ۔فرح کی کرپشن کا ذکر سب سے پہلے ن لیگی رہنما مریم نواز نے کیا تھا کہ فرح جو کر رہی ہے وہ سب سامنے لائیں گے اسکے بعد فرح کا نام مسلسل میڈیا میں آنے لگا بنی گالہ کے کتوں کے ساتھ کھیلتے ہوئے اسکی تصاویر بھی سامنے آئیں۔جب فرح پر کڑی تنقید ہوئی تو سابق وزیراعظم عمران خان خود فرح کے دفاع میں آئے اور اسکا ترجمان بن کر پریس کانفرنس کر ڈالی۔ اب عمران خان کی فرح کے بارے ایک مختصر ویڈیو سامنے آئی ہے جس میں وہ کہہ رہے ہیں کہ میری اہلیہ بشری بی بی بہت کم لوگوں سے ملتی ہے لیکن فرح کے ساتھ انکا رابطہ زیادہ تھا۔

فرح کی کرپشن کی تحقیقات جاری ہیں پنجاب میں تبادلوں کے نام پر مبینہ طور پر انہوں نے اندھیر نگری مچا رکھی تھی تبادلوں کے ریٹ فرح طے کرتی اور پھر سارے معاملات بنی گالہ سے طے ہوتے ۔عثمان بزدار اس حوالہ سے بے بس تھے اور ڈمی وزیراعلی کے طور پر کام کر رہے تھے شاید یہی وجہ تھی کہ عمران خان کسی اور کو وزیراعلی نہیں لانا چاہتے تھے تا کہ معاملات کو بنی گالہ سے ہی کنٹرول کیا جائے-

لاہور: وزیر اعظم شہباز شریف نے انڈس اسپتال لاہور کا افتتاح کر دیا۔

باغی ٹی وی: وزیر اعظم شہباز شریف انڈس اسپتال کا افتتاح کرنے لاہور پہنچے جہاں انہوں نے اسپتال انتظامیہ سے ملاقات بھی کی انڈس اسپتال 600 بستروں پر مشتمل ہے اسپتال میں بین الاقوامی معیار کے مطابق علاج و معالجے کی سہولیات مفت فراہم کی جا رہی ہیں۔

وزیراعظم شہبازشریف کا انڈس اسپتال کی افتتاحی تقریب سےخطاب کرتےہوئے کہا کہ میرے لیے آج عزت اور فخرکا موقع ہے ایسے اسپتال کےافتتاح کا موقع ملا جسےایسےشخص نےبنایاجو خدا ترس ہیں،جولوگ قرآن کی تعلیمات پرعمل پیرا ہیں وہی دین اوردنیا کمارہے ہیں2013 میں ان لوگوں سے ملاقات ہوئی، خیراتی اسپتال بنانے کا کہا،ہماری حکومت اس 60 بیڈ کے اسپتال کو چلانےسے قاصر تھی میں نے ان سے کہا یہ اسپتال سیاسی رنگ نہ اختیار کر جائے،وہ اسپتال ان کے حوالے کیا تو انہوں نے شاندار انداز میں چلایا-

Live 🔴: Prime Minister Shehbaz Sharif addressing ceremony in Lahore. https://t.co/6cGSHXYSP7

— Government of Pakistan (@GovtofPakistan) June 5, 2022

وزیر اعظم شہباز شریف نے کہا کہ اس اسپتال میں 120 بیڈز کی توسیع کی گئی،وہ پورے علاقے کا مصروف ترین اسپتال ہوگیا،اسی کی توسیع کے لیے اڑھائی سو بیڈز کا ایک اور اسپتال بنایا گیا،اس اسپتال کا نام طیب اردوان ہی رکھا گیا،کئی بار بغیر بتائے اس اسپتال کا دورہ کیا،کاہنہ میں نیا اسپتال بنایا انہیں اشخاص کی مدد سے،سبزہ زارکااسپتال، برکی میں زچہ بچہ اسپتال،منانواں کا اسپتال ان کےحوالے کیاعوام کی ترقی اور فلاح و بہبود کا یہ رشتہ ہے،سبزہ زار کا اسپتال، برکی میں زچہ بچہ اسپتال، منانواں کا اسپتال ان کے حوالے کیا،پتھروں سے قومیں ترقی نہیں کرتیں، قومیں بنتی علم اور جدت سے بنتی ہیں،حکومت پنجاب کا بجٹ حقداروں کو شفاف طریقے سےپہنچتا ہےاربوں روپے انہوں نے عطیہ کیے ہیں،وزیر اعظم شہباز شریف نے زور سے تالی لگانے پربھی زور دیا،جاوید بھٹی صاحب نےایک ارب سے زائد حصہ ڈالا،میاں منشا کو 8،10 ارب سے چار اسپتال بنانے کا کہا تھا-

On World Environment Day today, the theme of #OnlyOneEarth is a clarion call for a united global action to address multifaceted challenge of climate change. It is critical that developing countries are provided with climate financing to fight environmental hazards.

— Shehbaz Sharif (@CMShehbaz) June 5, 2022

دوسری جانب وزیر اعظم شہباز شریف نے خطاب کرتے ہوئے کہا کہ آج ماحولیات کے عالمی دن پر صرف ایک زمین تھیم رکھی گئی ہے،تھیم موسمیاتی تبدیلی کے چیلنجز سے نمٹنے کے لیے واضح مطالبہ ہے،تھیم میں متحد ہوکر عالمی اقدام کرنے کا واضح مطالبہ ہے،یہ بہت اہم ہے کہ ترقی پذیر ممالک کو موسمیاتی فنانسنگ فراہم کی جائے –

اسلام آباد: وزیراعظم شہبازشریف نے لوڈشیڈنگ میں اضافےپربرہمی کا اظہار کرتے ہوئے متعلقہ حکام کو طلب کر لیا ہے-

باغی ٹی وی : وزیراعظم شہبازشریف کی زیر صدارت لوڈشیڈنگ سے متعلق اجلاس جاری ہے وزیراعظم شہبازشریف کی زیر صدارت اجلاس میں توانائی بحران پر مشاورت کی گئی اجلاس میں لوڈشیڈنگ کی وجوہات،محرکات اورسدباب کیلئےاقدامات کاجائزہ لہا گیا جبکہ متعلقہ حکام وزیراعظم شہبازشریف کولوڈشیڈنگ پررپورٹ پیش کی-

اجلاس میں لیسکو نے تجویز دی کہ بجلی بچت کے لیے دکانیں مغرب سے بند کی جائیں،گرمی میں صبح جلد دکانیں کھلنی چاہییں،،پلازے دکانیں بند ہونے سےلیسکو کو ایک ہزار میگاواٹ لوڈ مل سکے گا، دکانیں اورپلازے جلد بند کرنے سے لوڈشیدنگ میں واضح کمی ہو سکتی ہے-

وزیر اعظم شہباز شریف نے کہا کہ عوام تکلیف میں ہیں،اس پرکوئی سمجھوتہ نہیں ہوگا،کچھ بھی کریں،2 گھنٹے سےزیادہ لوڈشیڈنگ برداشت نہیں ، عوام کومشکل سےنکالیں،کوئی وضاحت نہیں چاہیے ، عوام کو بجلی کی لوڈشیڈنگ سےنجات چاہیے-

وزیر اعظم نے سرکاری افسران کو ہدایت کی کہ عوام کی مشکلات کو حل کرنا ہماری ذمہ داری ہے،ذرائع کے مطابق انہوں نے کہا کہ لوڈشیڈنگ کے خاتمے کے لیے شارٹ اور لانگ ٹرم پلان تیار کیا جائے،شارٹ ٹرم پلان کے تحت لوڈشیڈنگ کے دورانیہ میں فوری واضح کمی لائی جائے-

ذرائع کے مطابق وزیر اعظم شہباز شریف نے متعلقہ حکام کو ہدایت کی کہ سستی اور وافر مقدار میں بجلی پیدا کرنے کے منصوبوں پر کام کریں-

دوسری جانب ذرائع پاور ڈویژن کے مطابق ملک بھر میں بجلی کا شارٹ فال 6 ہزار 865 میگاواٹ تک پہنچ گیا ہے ملک بھر میں بجلی کی مجموعی پیداوار 19 ہزار 135 میگاواٹ ہے اور طلب 26 ہزار میگاواٹ ہے۔ پانی سے 4 ہزار 622 میگاواٹ بجلی پیدا کی جا رہی ہے اور سرکاری تھرمل پلانٹس ایک ہزار 134 میگاواٹ بجلی پیدا کر رہے ہیں۔

سگریٹ نوشی پر پابندی کی خلاف ورزی کرنے پرعدالتی اہلکاروں کو شوکاز نوٹسز

نجی شعبے کے بجلی گھروں کی مجموعی پیداوار 9 ہزار 377 میگاواٹ ہے اور ونڈ پاور پلانٹس ایک ہزار 415 میگاواٹ اور سولر پلانٹس سے پیداوار 113 میگاواٹ ہے۔ بگاس سے چلنے والے پلانٹس 190 میگاواٹ بجلی پیدا کر رہے ہیں۔

ذرائع پاور ڈویژن کے مطابق جوہری ایندھن سے 2 ہزار 284 میگاواٹ بجلی پیدا کی جا رہی ہے۔

ذرائع پاور ڈویژن کے مطابق ملک کے مختلف علاقوں میں 14 گھنٹے تک کی لوڈشیڈنگ کی جارہی ہے،آئیسکو کو 550 میگاواٹ شارٹ فال کا سامنا ہے ،اسلام آباد ریجن میں 8 گھنٹے تک لوڈ شیڈنگ جاری ہے ،نقصانات والے علاقوں میں لوڈشیڈنگ کا دورانیہ زیادہ ہے-

منی لانڈرنگ کیس: ایف آئی اے نے شہباز شریف اورحمزہ شہباز کی درخواست ضمانت کی مخالفت…